اذهب الي المحتوي
rewsha

نتيجة تحليل الفيرس ...في عامل وزارة الصحه

Recommended Posts

دلوقتي انا وزوجي روحنا عملنا التخليل والكشف في المسشتفى الخاص .

اخدنا نتيجه الكشف الكشف تاني يوم علطول من المستشفى الخاص

لكن نتيجه تحليل الفيرس في معامل وزارة الصحه ادونا ورقه كده مكتوب عليها نموذج 10

فيها الرقم الكودي :مكون من 3 ارقام ورقم الشهاده الصحيه ......

وكتوب فيها كمان E_number:حرف e وبعدها رقم مكون من 8 ارقام مثلا e45768934

دلوقتي انا سمعت ان ممكن اجيب النتيجه من النت

ودخلت الموقع بتاع وزارة الصحه وحاولت اكنت في خانه الرقم السري الرقم اللي كاتبينه بعد الE_number لكن بيكتب لي انه لاتوجد بيانات لهذه الشهاده

كتبت الرقم الكودي بيطلع لي برضو نفس الرساله

انا مش عارفه اعرف النتيجه ازاي بقه ........لازم استنى لما الورقه اللي ادوهالنا (نموذج 10)تروح القنصليه وله ايه ؟

وكمان سمعت ان علشان اجيب النتيجه من على النت لازم اخد رقم ب 5 جنيه هل الرقم ده غير الارقام المكتوبه في نموذج 10 ده اللي ادوهولنا

مع العلم اني لمل ساْلتهم النتيجه عايزه اعرفها من على النت قالوا لي هيه الورقه دي بس

ممكن حد يدلني

الرقم اللي بيتكتب في خانه الرقم السري علشان اعرف النتيجه من على النت بيكون مكتوب فين او مكون من ايه

هل هوه رقم تاني خالص غير الارقام المذكورهفي نموذج 10 اللي ادوهولنا يوم ظهور النتيجه؟

شارك هذه المشاركه


رابط المشاركه
شارك

انا قريت هنا علي الموقع انه فعلا ممكن تجيبي النتيجه من علي النت بعد التحليل بيومين فقط

بس الصراحه موش عارف ازاي

فممكن حد من الاعضاء اللي عندهم خلفية عن الموضوع ده يفيدونا

وبالتوفيق ان شاء الله

شارك هذه المشاركه


رابط المشاركه
شارك

اكيد هما قلولك فى وزارة الصحة خمس ايام وتعالى خدى النتيجة لو انتى مش مستعجلة اوى استنى وروحى المعامل تانى واستلمى النتيجة وان شاء الله خير ومافيش حاجة وبلاش النت ده عشان اللخبطة

وربنا يطمنك

شارك هذه المشاركه


رابط المشاركه
شارك

يا روشة انتى مدوخنة نفسك ليه

النتيجة بتروح السفارة و خلاص

ما تروحيش تستلمى و لا حاجة

انا لاروحت استلمت و لا اى حاجة رغم ان فى مستشفى الحميات عندنا فى اسكندرية قالولى لازم اجى استلم

بس المكتب اللى بيخلص الورق قالى لا النتيجة بتيجى ع النت

ما تقلقيش كله ان شاء الله :roseop:

شارك هذه المشاركه


رابط المشاركه
شارك

يا جماعه اناروحت استلمها لان مكتب السفريات هوه اللي قال لنا بعد ماتطلع النتيجه هاتوا الورق بتاعكم وتعالوا .خصوصا اننا في القاهره والمكتب في اسكندريه

وانا لما روحت استلم النتيجه ادوني الورقه اللي مكتوب عليها نموذج 10 دي

انا عايزه اعرف هل معنى الورقه دي ان الحمد لله مافيش حاجه وله معناها ان ممكن يطلع في حاجه في التحليل برضو

شارك هذه المشاركه


رابط المشاركه
شارك
يا جماعه اناروحت استلمها لان مكتب السفريات هوه اللي قال لنا بعد ماتطلع النتيجه هاتوا الورق بتاعكم وتعالوا .خصوصا اننا في القاهره والمكتب في اسكندريه

وانا لما روحت استلم النتيجه ادوني الورقه اللي مكتوب عليها نموذج 10 دي

انا عايزه اعرف هل معنى الورقه دي ان الحمد لله مافيش حاجه وله معناها ان ممكن يطلع في حاجه في التحليل برضو

الاخت الفاضله روشه

السلام عليكم ورحمة الله وبركاته

نموذج 10 تعتبر دي النتيجه النهائيه وكدا الحمد لله الكشف سليم

اصلا النتجيه بتروح علي موقع الشركه هو ليه بيتعبكم كدا ليه كل شركه لها ايميل بتوصل النتجيه من وزارة الصحه عليها

شارك هذه المشاركه


رابط المشاركه
شارك

على فكرة النتيجة عشان تعرفيها لازم تكونى سددتى مبلغ 5 جنيه عشان تخدى الرقم السرى المكون من حرفين وثلاث أرقام وتدخلى موقع معامل الوزارة وفيه على يدك الشمال تحت مكتوب معرفة نتيجة تحاليل العمل بالخارج

أما لو لم تدفعى الخمسة جنيه تستنى أربع أيام عمل من تاريخ التحاليل مع استبعاد يوم الجمعة من حساباتك

يعنى يا سبوبة الخمسة جنيه يا أما تستنى

شارك هذه المشاركه


رابط المشاركه
شارك

لو النموذج 10 موقع بتوقيع أمل يعنى تمام بأمر الله سليم أما لو فيه حاجه فبتكون النتيجة مكتوب يرجى الرجوع للمعامل المركزية إما لأخذ عينة ثانية او تكون العينة ايجابية وده عن لسان مسئولى المعامل

شارك هذه المشاركه


رابط المشاركه
شارك

ياسلااااام

ربنا يطمنكوا ويريح بالكوا زي ما طمنتوني

انا كنت هاتجنن واعرف النتيجه .مش لحاجه اكتر من ان زوجي ييشتغل عمليات جراحيه ومعرض انه يتشك او يتعور وهوه بيعمل اي عمليه او وهوه بيتاعمل مع المرضى .ورغم الحذر بس برضوا الواحد كان قالقان

لكن كده الحمد لله

احنا الاتنين اخدنا نموذج 10 ده

شكرا لكل من رد في الموضوع وطمنني

شارك هذه المشاركه


رابط المشاركه
شارك

بالنسبة للخمسة جنيه يوم ماتقوم بالتحاليل بتروح على لجنة رقم 2 وتدفع الخمسة جنية وتسجل اسمك مع الموظف المسئول وبعد يومين تلاقى النتيجة على النت

بالنسبة للنتيجة بتكون على موقع المعامل المركزية وليس موقع وزارة الصحة

www.healthlabs.net

شارك هذه المشاركه


رابط المشاركه
شارك

احب اضيف شيئ لحضرتك واي حد بيعمل التحاليل نتيجة التحاليل علشان تبان علي النت كانت الاول ببلاش زي ماهو مكتوب علي الايصال الي حضرتك وخداة مع التحليل ولاكن الان يتم دفع 5 جنية لواحد بيكون قاعد بمكتب في مكان اخذ الجوزات تحت وبيديلك ورقة بيكون عليها حرفk ورقم بس اطمني لومعملتيش كدة بعد 5 ايام يتم التسليم وكمان لما روحت عملت الحاجات دي واديتها للمكتب قالي كلة بيكون علي ورقة النت ودي افادة فقط ومكنش عايز ياخد في المكتب الورق قالي معدش لية لازمة علشان زي ماقلت كلي علي رقم النت بس اطمئنان ليك مش اكتر ومعرفة النتيجة وانشاء اللة خير والله يكرمكم

شارك هذه المشاركه


رابط المشاركه
شارك

القانون الجديد انك مش بتستلمي نتيجه تحاليلك ولا حتى بيستلمها المكتب دي بتروح مباشره من معمل التحاليل على القنصليه السعوديه وانتي بتاخذي رقم فقط لا غير عشان يثبت انك قمتي بالكشف ..

بالنسبة للنتيجه الي بتظهر على النت فعلى حد علمي كل معامل التحاليل بتقدم خدمه اظهار النتيجه على النت بس بعد دفع مبلغ زياده شويه عن ثمن التحليل الاصلي مقابل ادخال البيانات في النت ..

المهم اطمئني مفيش حاجه وكده سلام ان شاء الله وربنا يسهل وتيجوا بالف سلامه ..

شارك هذه المشاركه


رابط المشاركه
شارك

انا عايز اضيف المعامل بتطلب اعادة التحاليل لو شاكين فى حاجة يطلبوا عينة تانى

والورقة دى نمرة عشرة معناها يللا سلام كلة تمام

والاخت رووشة هى رووشة

بلاش قلق :rolleyes:

والتحالييل بتروح على القنصلية على طول والشركة حتخلص الباقى :lol:

شارك هذه المشاركه


رابط المشاركه
شارك

شكرا جزيلا يا اخ عاشق النيل

والحمد لله اهو برضو الناس عرفت معلومه ممكن يكون كتير مش عارفيمها وهي ان نموذج 10 ده معناه ان الحمد لله الشخص سليم

لان في ناس قالوا لنا كان لازم تاْخدوا ورقه ب 5 جنيه وتجيبوا النتيجه من على النت

لكن دلوقتي الحمد لله انا عرفت وباقي الناس عرفت معنى نموذج 10 ده

شارك هذه المشاركه


رابط المشاركه
شارك

ربنا يسهللك طريقك يا روشة ان شاللة بس حد يطمنى يا جماعة انا عملت كل حاجة الحمد للة ولسة نتيجة التحليل ما طلعتش بس الحمد للة كنت عاملها قبل كدة وانشاللة متفائلة خير فى ربنا وانا دلوقتى رايحة استقدام لزوجى انا واولادى بس انا عاملةOPEN HART,ومغيرة صمام وفى المستشفى قالو لى ممكن متروحيش هل دة صحيح ارجوكو حد يفيدنى انا مش رايحة اشتغل ولو ممكن اعمل اية عشان الموافقة :)

شارك هذه المشاركه


رابط المشاركه
شارك

الموضوع سهل جدا" انتم اللي مشعرفين تتعملو مع الموقع

اولا" : على شمال الصفحة قطعة زرقاء مكتوب عليها نتائج تحاليل شهادات السفر بالخارج تكلك عليها حتفتح صفحة مكان صفحة ادخال البيانات دي مكتوب فيها ادخل رقم جواز السفر وبس على كدة .

ملحوظه : ادخل رقم جواز السفر بدون صفر في الاول ولا حروف حتى حيظهر على طول البيانات وانا عملت كدة .

ولا بقى 5 جنية ولا حاجة هو كمان الصفحة .

http://www.healthlabs.net/Default.aspx?uc=./UI/Certificates/ViewCertificate2

شارك هذه المشاركه


رابط المشاركه
شارك

الموضوع سهل جدا" انتم اللي مشعرفين تتعملوا مع الموقع

اولا" : على شمال الصفحة من تحت بس مش نحت قوي يعني قطعة زرقاء مكتوب عليها نتائج تحاليل شهادات السفر بالخارج / كلك عليها حتفتح صفحة مكان صفحة ادخال البيانات دي مكتوب فيها ادخل رقم جواز السفر وبس على كدة .

ملحوظة : ادخل رقم جواز السفر بدون صفر في الاول ولا حروف طبعا" .

ولا 5 جنية ولا حاجة .

وادي كمان الموقع على طول عشان منتعبش حد من الحبايب بس المهم انكم تدعولي وأوعى حد يدعي عليه ياأخوة .

http://www.healthlabs.net/Default.aspx?uc=./UI/Certificates/ViewCertificate2

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • CNN-SciTech :اختراق موقع وزارة الصحة المصرية.. إليكم ما تركه القراصنة

      تعرض موقع وزارة الصحة المصرية الرسمي لعملية اختراق ترك فيها القراصنة أعلام وعبارات إيرانية. View the full article

      في أخبار العالم - world news

    • ايه اللي حا يتغير في المحاورات بعد نتيجة انتخابات الرئاسة؟؟؟

      الموضوع ده لتخفيف حدة التوتر الموجودة دلوقت و جت لي فكرته من الأخ الكريم سين سين لما قال انه حايعتزل السياسة و يؤلف قصص أطفال :closedeyes: يا ترى توقعاتكم ايه ؟ لنفسك و لغيرك في الموقع ؟ عن نفسي لو مرسي كسب حأقلب نشاطي الأدبي والفني لابتهالات و مدائح و حتبقى مواضيعي على سبيل المثال لا الحصر فنجان حلبة خربشات أختك في الله البوح المباح و مشاعر اسلامية جدا همسات حب في الله نادي القلوب العامرة بالإيمان و لو شفيق لاقدر الله حأقلب نشاطي الأدبي لأغاني وطنية وحأجهز اوبريت لاحت

      في دعوة للأبتسام

    • تحليل تاريخي لاحداث ديرمواس سنة ١٩١٩

      المؤرخة لثورة  اهالى مركز دير مواس كانت أشد حوادث ثورة 1919 عنفا فى مصر كلها، وقال إن هذه الثورة أعقبتها محاكمات كثيرة، وإنه لم يحدث فى تاريخ الإمبراطورية البريطانية، التى لم تغب عنها الشمس أن تصدى لها مدنيون لعسكريين كما حدث فى دير مواس، وهى الأحداث التى اتخذت محافظة المنيا من تاريخها «18 مارس» عيدا قوميا لها. ومضيفا قاد أحداث الثورة الدكتور خليل أبو زيد، الذى عاد إلى مصر بعد حصوله على درجة الدكتوراه من جامعة لندن، قبل قيام ثورة 1919 بما يقرب من أربعين يوما، وكانت مصر مستعمرة بريطانية وقته

      في  فى الثقافة و العلم

    • سرقة ميري من وزارة الزراعة

      في البداية يجب ان نعترف ان مصر دولة زراعية واقتصادها في الاول والاخير يعتمد على الزراعة وحتى الصناعة بتعمد على الانتاج والثروة الزراعية السادات كان راجل دولة فعلا وتعلم من عدوه كويس قوي وعرف ان مشاكله الاقتصادية هي سبب رئيسي في صعوبة المواجهة مع العدو الذي يتمتع باقتصاد قوي ومدعوم من الغرب ويبلغ دخله القومي مرة ونصف عن الدخل القومي لدولة مثل السعودية ببترولها وثروتها الطبيعية بالرغم من قلة سكانة الذين لا يتجاوزون خمسة مليون التجربة الزراعية في اسرائيل اثارت اعجاب العالم كله بغض النظر انها

      في محاربة الفساد

    • يجري الآن تحليل معلومات الحضور و الغياب عن انتخابات الرئاسة

      يجري الآن دراسة و تحليل احصائيات الحضور و الغياب في انتخابات الرئاسة في ٢٦ - ٢٨ مارس و ذلك تمهيدا لتحصيل الغرامة القانونية ممن تغيب عن الادلاء بصوته في هذه الانتخابات بون عذر … عدد المتغيبين حوالي ٣٠ مليون

      في الملتقى العام لزوار محاورات المصريين

×
×
  • اضف...