هنا *** عرض كل مشاكل العامل المعمارى وغيره من المهن التى لا يسمح لها بالاستقدام والزياره

[متشوقة للمدينة]

السلام عليكم ورحمة الله وبركاته

آثرت ان افتح هذا الموضوع ليس سعيا لحل مشكلتى فحسب لا. بل ليستفيد جميع من له مثل مشكلتى وهى الزوج مهنته بالمدينة المنورة عامل معمارى

لا زياره ولا استقدام ولا غيره

ارجو من كل من كان له مثل الظروف عرض تجربته من تغييير مهنه او طرقه التى سعى بها لاستقدام الزوجه والابناء وذلك لتعم الفائده والله من وراء القصد

تم تعديل 25 يوليو 2009 بواسطة متشوقة للمدينة

[خالد شحاته]

جميع المهن بتطلع زياره معدا العامل ومشتقاته مثل العامل الزراعي المعماري عامل تربيه مواشي والسائق الخاص والسائق العام الراعي والباقي كله بيتطلع زياره

[KAhamid]

طيب والعامل العادي نفس القصه ولا بتختلف

لاني لما سالت في بعض الناس قالوا ان العامل العادي اجراءات تحويل المهنه اسهل وان مالوش حق الاستقدام بس ينفع يعمل زياره

[متشوقة للمدينة]

يا اخوانا مفيش اى حد مر بنفس التجربه يقولنا على الطريق الصح اللى نمشى فيه ولا ايه الله يجعلنا نفعا لبعضنا

[متشوقة للمدينة]

طب يا جماعه لو حد عنده فكره

مهنة مشرف عمال ليها استقدام

[خالد شحاته]

طب يا جماعه لو حد عنده فكره

مهنة مشرف عمال ليها استقدام

مشرف عمال

المؤهل ايه ونشاط الشركه ولا المؤسسة الا حاي عليها اكيد مقاولات احسن شي للموضوعك هو الاستقدام بفلوس بس يكون معقب مضمون

[متشوقة للمدينة]

أستاذ خالد

جزاك الله خيرا على حسن اهتمامك

استاذ الزياره تكلف 5000 كتير قوى على كده بقه الواحد يعمل استقدام ولا حضرتك شايف ايه وكم تكلفته وفى اى مده بيخلص

[doha]

مين قال ان الزياره بتكلف خمس الاف ولا على اساس بتحسبي تذكره السفر معاهم؟

الزياره بس بتكلف مبلغ رمزي اظن مية او ميتين وبتدفعي في مصر خمسمية جنيه لمكتب الاستقدام وخلاص

وبتجي بتذكره طيران في وقت الرخص يعني ميكونش شهور صيف بتكون التذكره بالف وخمسمية ريال رايح جاي ومدتها ثلاث شهور اما لو هتقعدي اكتر من كده بتاخذيها سنويه

وتجديد الزياره مية ريال كل شهرين يعني في خلال التسع شهور المسموح لك تجددي فيهم بتدفعي حوالي ميتين ريال تانيين وخلاص ..

[خالد شحاته]

مين قال ان الزياره بتكلف خمس الاف ولا على اساس بتحسبي تذكره السفر معاهم؟

الزياره بس بتكلف مبلغ رمزي اظن مية او ميتين وبتدفعي في مصر خمسمية جنيه لمكتب الاستقدام وخلاص

وبتجي بتذكره طيران في وقت الرخص يعني ميكونش شهور صيف بتكون التذكره بالف وخمسمية ريال رايح جاي ومدتها ثلاث شهور اما لو هتقعدي اكتر من كده بتاخذيها سنويه

وتجديد الزياره مية ريال كل شهرين يعني في خلال التسع شهور المسموح لك تجددي فيهم بتدفعي حوالي ميتين ريال تانيين وخلاص ..

ايوه يا اخت ضحي المعقب الا بيطلعها هنا بيخد المبلغ ده لان مهنة زوجها لاتسمح بزياره لانه عامل معماري وطبعا بتخرج بطرق تانيه

تم تعديل 3 أغسطس 2009 بواسطة خالد شحاته

[hosambob]

انا واقع في نفس المشكلة ( المهنة : عامل معماري ) مش نافع اعمل زيارة و لا استقدام الا من خلال الدفع و الواسطة

المشكلة اني مش لاقي حد يكون موثوق فيه لعمل زيارة ( حد ممكن يكون مجرب واحد قبل كدة يدلنى عليه ) و يسلام لو في حد يغير مهنة تبقي مكتوبالك يا آدم ( ابنى ) تيجي مكة و تبقي ظاطت .. شكرا ً علي الردود مقدما ً

مع تحياتي

تم تعديل 3 أغسطس 2009 بواسطة hosambob

[متشوقة للمدينة]

يا سلام يا ضحى يا أختى لو الموضوع بالسهوله ده بالنسبه لظروف زوجى مكنتش فتحت الموضوع ده اصلا

زوجى زى الاستاذ خالد لما قال عامل معمارى لا زياره ولا استقدام

أما بالنسبة للأخ حسام اللى يقدر يفيدك فى الموضوع ده استاذ خالد شحاته ربنا يوفق الجميع

[doha]

لا حول ولا قوة الا بالله حتى الزياره بتكلف بالشكل ده ..

معليش يبقى مقدامكوش غير تنتظروا ربنا يفرجها ويغير المهنه بعدين يعمل لكم استقدام

ربنا يجمع شملكم على خير ..

[متشوقة للمدينة]

شكرا للأخت ضحى على مواساتها ههههههههههه

[عاشق النيل]

فى بعض الزملاء غيروا بمساعدة كفيلهم وكمان هو اللى طلب منهم بس بعد ما ابدوا لة الولاء والطاعة يعنى الالتزام باوامر العمل والصراحة كام ساعة عمل زيادة وطلبات قليلة مش حاجة مهينة يعنى

وساعدهم بالاوراق يطلعوا تغيير مهنة رسمى مش من تحت الترابيزة

جوز حضرتك لو كفيلة مرتاح منة يقولة انا حاتحمل المصاريف بس امضى لى الورق وربنا يهدية لو فى نصيب حيساعدة

والكلمة السحرية انا حاتحمل كل التكاليف

ويحاول يمكن ربنا يسهل :P

[raedraed]

نفس الموضوع ، جيت على عامل معماري لكن لسا طازة

[ahmedfathi]

يا جماعه انا جاي علي فيزا سائق خاص يا ريت تقولولي ايه هيا عيوبها وهل ينفع اغيير مهنه والا لا ومع العلم اني اعمل مندوب بيع بشركه مستلزمات طبيه بجده وشكرا

[raedraed]

( عامل مزارعي ، عامل مواشي ، سائق خاص ، عامل منزلي )

ديه من أصعب المهن اللي تقدر تغير مهنة ، لكن الوسائط بتعمل أحلى شغل ، فهل انت شايف ان فيه واسطة تقدر تغيرلك المهنة ؟

فالطبيعي انك تيجي على حاجة ماتحتاجش واسطة عشان ماتتعبش نفسك

[متشوقة للمدينة]

ياريت يا جماعه تفيدونى فى موضوع تغيير مهنة العامل المعمارى بالذات

وايه المهنة اللى تقترحوا يغير ليها مؤهله تربية انجليزى وبيشتغل فى فندق لكن مش ناقل كفاله عالفندق

وفى كم يوم يتم تغيير المهنة

وةلازم الشهاده الجامعيه تتوثق من الملحق الثقافى ولا يكفى الخارجيه

ولو الشهاده رالحت السعوديه ينفع تتعمل من هناك

يا ريت تثلجوا صدورنا بالاجابة

[خالد شحاته]

ياريت يا جماعه تفيدونى فى موضوع تغيير مهنة العامل المعمارى بالذات

وايه المهنة اللى تقترحوا يغير ليها مؤهله تربية انجليزى وبيشتغل فى فندق لكن مش ناقل كفاله عالفندق

وفى كم يوم يتم تغيير المهنة

وةلازم الشهاده الجامعيه تتوثق من الملحق الثقافى ولا يكفى الخارجيه

ولو الشهاده رالحت السعوديه ينفع تتعمل من هناك

يا ريت تثلجوا صدورنا بالاجابة

الاخت الفاضله

كل عام وانتي بخير

تربيه انجليزي مفيش غير مندوب بس هل نشاط الكفيل يسمح بكدا انما لو علي مدرسه كان هيكون مدرس ويكون امامه الفرص احسن وربنا يوفقكم

[متشوقة للمدينة]

أستاذ خالد أشكرك شكرا جزيلا على سرعة ردك وعلى اهتمامك

لكن هل مهنة مندوب مبيعات مسعوده وايه رأى حضرتك فى اختصاصى تسويق تنفع لمؤهله

وحضرتك شايف يكون مدرس احسن ده اللى تقصده ولا ايه؟

وكل عام انت بخير

وتقبل الله منك الشهر الكريم