اذهب الي المحتوي
Alrefaey

كيف تعرفت على محاورات المصريين ؟

Recommended Posts

الصدفة البحته هى التى دلتنى على هذا المنتدى المحترم ,كنت ساعتها فاضى بعد العمل وأبحث فى النت عن أى موقع مفيد وفى نفس الوقت يهون على غربتى وبما أننى فى السعوديه وبمفردى , وكما تعلمون فإن الخروج الفردى سواء كان فى الأسواق أو أى مكان آخر قد يساء فهمه من بعض الموجودين فى هذه الأماكن, فقد إحترمت نفسى وقررت عدم الخروج إلا فى حدود الحاجة الملحة وفى أوقات معينة اما للصلاه او لشراء ما اريده واعود الى منزلى والنت والتلفاز وعملى (متهيألى ده السيناريو المعتاد لكل مغترب أعزب فى السعودية وخاصة فى الرياض) اللهم بعض الزيارات لمعارف ارتبطت بهم منذ ان كانت معى اسرتى التى ادت الظروف الى ضرورة وجودهم فى مصر.

وجدت ان هذا الموقع محترم جدا وكل من فيه محترمين وكل مواضيعه محترمة ومفيده ومتجدده وأعترف اننى اقرأ فيه كثيراً ولا اشارك الا قليلاً قد يكون هذا تقصير منى ولكن عندما أقرأ ما تكتبونه باحس ان مش لاقى حاجه اكتبها لان الإخوه فى المنتدى بيغطوا كل شبر فى أى موضوع يتفتح وباحس انى اعرفهم كلهم وحاجه غريبه ان كل واحد فى المنتدى له شكل فى خيالى بغض النظر عن وجود صوره له . فعلاً ناس محترمه سواء إخوه أو أخوات بلا استثناء.

صدفة اكيد سعيدة

شوف لو معاك سيارة الوضع بيكون مختلف شويه ممكن تخرج انت واى حد من اصحابك فى حديقة تشوى مثلا تتمشى تطول على الثمامة تخرج فى المولات هى اهم شىء حد يشجعك

شكرا على مداخلتك الانيقة وكل عام وحضرتك بخير

شارك هذه المشاركه


رابط المشاركه
شارك

اتعرفت اذاى على موقع المحاورات

هل عرفتة عن طريق صديق لك ولا عن طريق البحث عن موضوع معين ولا بالصدفة

وماهو اول موضوع قرأتة فى المحاورات واول موضوع كتبت او علقت علية

هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ)

من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

انا عرفته عن طريق البحث بالصدفه

وفعلا اضاف ليا الكثير من معلومات خصوصا عن كندا

شارك هذه المشاركه


رابط المشاركه
شارك

انا عرفت المحاورات وانا بخلص ورق السفر بتاعى للسعوديه وكنت ماشى معاه خطوه خطوه وطبعا سى السيد باشا فاد الواحد كتير وبرضه موضوع الاخ ozozoo لانه كان بيخلص ورق فى نفس التوقيت بس كان سابقنى فكان بيكتب بالتفصيل ايه اللى حصل له وانا كنت معاه خطوه بخطوه

اما عن اول موضوع قرأته فكان فى باب المغتربين وكان بخصوص تجهيز اوراق السفر واول موضوع علقت عليه كان طبعا موضوعى كنت بسال عن حاجه بس بجد مكنتش متخيل نى فيه فاعليه كده وده يمكن اكتر حاجه مميزه المحاورات هى الفاعليه

انا تقريبا بحب اقرأ لكل الاعضاء بس طبعا فيه ناس مميزه جداً بس دول خليهم فى جنب كده وبجد انا لقيت فى المنتدى ده وخصوصا وانا فى الغربه الام والاخ والاخت والصاحب

شارك هذه المشاركه


رابط المشاركه
شارك

اول مرة اتعرفت فيها على محاورات المصريين

كنت اعمل فى الشركة المستضيفة لموقع محاورات المصريين

بعدين من حوالى سنة كنت بدور على قرعة الاراضى بتاعت وزارة الاسكان ومن ساعتها وانا متابعه

خالص التحية والتقدير

شارك هذه المشاركه


رابط المشاركه
شارك

اتعرفت على المنتدى من جوجل كنت بشوف موضوع عن المدن الجديدة اللي في مصر

ومن ساعتها اكتشفت الكنز ......اللي هو محاورات المصريين.

سعيدة جدا جدا بكل من فيه وكلكم اخواتي وأهلي بجد ودي كانت أول كلمة كتبتها في موضوع خاص بيا هنا في باب

المغتربين ..

ووالله من ساعتها أنا و زوجي حياتنا كلها اتغيرت من ساعة لما عرفنا المكان الامان ده .....بيت العيلة :blink:

وشكرا جزيلا على كل مواضيعك يا دكتور رفاعي .

تم تعديل بواسطة بركة

شارك هذه المشاركه


رابط المشاركه
شارك
اتعرفت على المنتدى من جوجل كنت بشوف موضوع عن المدن الجديدة اللي في مصر

ومن ساعتها اكتشفت الكنز ......اللي هو محاورات المصريين.

سعيدة جدا جدا بكل من فيه وكلكم اخواتي وأهلي بجد ودي كانت أول كلمة كتبتها في موضوع خاص بيا هنا في باب

المغتربين ..

ووالله من ساعتها أنا و زوجي حياتنا كلها اتغيرت من ساعة لما عرفنا المكان الامان ده .....بيت العيلة :blink:

وشكرا جزيلا على كل مواضيعك يا دكتور رفاعي .

ونحن ايضا سعداء بعضويتك يامدام بركة وشكرا يافندم على الثناء

بالفعل من حقنا نحن اعضاء المحاورات الفخر بهذا البيت الكبير الذى يضمنا جميعا

ولكن لى سؤال للاعضاء القدامى فى المواضيع القديمة نجد عملاقة فى الكتابة واعضاء كانو غاية فى الثقافة والادب والاحترام اين ولماذا ذهبوا ؟

شارك هذه المشاركه


رابط المشاركه
شارك

اتعرفت اذاى على موقع المحاورات

عند البحث عما يخص السفر للسعودية و المغتربين المصريين بها

هل عرفتة عن طريق صديق لك ولا عن طريق البحث عن موضوع معين ولا بالصدفة

عن طريق صديقى المفضل google

وماهو اول موضوع قرأتة فى المحاورات واول موضوع كتبت او علقت علية

موضوع للأخ زهيرى عن أزمة غزة الأخيرة

هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ)

أضافت معلومات

من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

أبو محمد.....مهبب.....لولا....SCORPION

تم تعديل بواسطة tantrum

شارك هذه المشاركه


رابط المشاركه
شارك

من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

أبو محمد.....مهبب.....لولا....SCORPION

يبدو ان اكثر الاعضاء اللى بتقراء لهم من الافاضل المشرفين شامم ريحة.... ولا بلاش

انا بهزر معاك اخى الكريم اوعى تزعل فمن ذكرتهم لا يختلف عليهم اثنين

شارك هذه المشاركه


رابط المشاركه
شارك

ياخبر نسيت أهم واحد...........الرفاعى

على فكرة دول أكتر ناس باحب أقرأ ليهم بالرغم مع إختلافى الفكرى مع معظم أرائهم........يعنى أنا باستمتع جدا بقراءة مواضيع مهبب القديمة ( و مش عارف هو راح فين..؟؟) بالرغم من أنى لا أذكر أنى أيدت أفكاره أبدا.

شارك هذه المشاركه


رابط المشاركه
شارك

اتعرفت اذاى على موقع المحاورات

هل عرفتة عن طريق صديق لك ولا عن طريق البحث عن موضوع معين ولا بالصدفة

وماهو اول موضوع قرأتة فى المحاورات واول موضوع كتبت او علقت علية

هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ)

من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

فضلت انى أتأخر قليلا فى الاجابه على اسألتى حتى استمتع بأجابات الافاضل الاعضاء

ج1 اتعرفت على المنتدى من صديق لى وهو عضو وزميل مهنة الفاضل ميدو فارم

جلست لمدة عام تقريبا اقراء مداخلات دون ان اشترك والسبب فى تأخر اشتراكى هو عدم التعمق فى موضوعات المنتدى كما كان اهتمامى مقتصر فقط على باب المغتربين والهجرة ثم قمت بالاشتراك بالاسم الحالى وهو لقب العائلة

اول موضوع تقريبا كان للفاضل دكتور شامى وكان فى بداياته

اضافت لى الكثير والكثير معلومات ثقافات

المنتدى ملى بالعمالقة فى جميع المجالات اما بالنسبة لجزء الكتابة والادب فأنا بحاول اتعلم منهم وخصوصا اننى بميل للجانب العملى عن الجانب الادبى

شارك هذه المشاركه


رابط المشاركه
شارك

اتعرفت اذاى على موقع المحاورات

هل عرفتة عن طريق صديق لك ولا عن طريق البحث عن موضوع معين ولا بالصدفة

عرفت وتشرفت بعضويتى فى المحاورات من صديق لي فى أمريكا يدرس الدكتوراة عرفنى بها كمرجع لمن يريد الهجرة لكندا

وماهو اول موضوع قرأتة فى المحاورات واول موضوع كتبت او علقت علية

أكيد طبعا أول موضوع للقراءة فى باب كندا

انما المشاركة مش فاكر بصراحة

يمكن موضوعات جادة او اسلاميات قبل ما ابعد عنهم خوفا على الضغط

هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ)

المحاورات بلا أى مجاملة محطة مهمة فى حياتى

صحيح قبلها اتعلمت وقريت كتير

لكن هذا الكم من المثقفين وذوى الأراء الجميلة والتنوع الفكرى الرائع بين الأعضاء لم يسبق لي أن استمتعت به من قبل

من هو اكثر عضو بتحب تقراء مواضيع له

كتيييييييييييير

خايف انسي على سبيل المثال لا الحصر الأفاضل الكرام

أبومحمد

سكوربيون

زهيري

دكتور هشام ابراهيم

سامح الأسعد

تهامى

محمدعبدالعزيز

mohammed

مهيب الله يرده بالسلامة

عصام

جادوللى بخفة دمة المعهودة

د.قناو ى

السيد منير

الرائع الغائب من فترة موديست

الغائبة من فترة نينا حسين

ومن هو اكثر عضو بيعجبك تعليقاتة

طبعا س س بسخريته المصرية اللاذعة

شكرا ع الموضوع الجميل يا دكتور الرفاعي :roseop:

شارك هذه المشاركه


رابط المشاركه
شارك

والله انا اتعرفت ع المنتدى من فترة من ساعة ما بدأت في موضوع الهجرة طبعا حصلت شويه لخبطة انا من الناس اللي اتعرفت ع الدكتور التهامي ايام ماكنا بناخد كورس IELTS ف المركز الثقافي البريطاني ف مصر الجديده كانت مجموعة ممتازة وبصراحه الدكتور التهامي كان شعلة من الحماس وكان واخد الموضوع بحماس يحسد عليه ربنا يوفقه ويكرمه يارب وبدات ادور ولكن للاسف ما استعتنش بالمنتدى وانا مسافر يمكن لو كنت استعنت بيه كانت هتفرق كتير بس بصراحه منتدى فوق الرائع

وبصراحه بيفيد جدا جدا

شارك هذه المشاركه


رابط المشاركه
شارك

صدفة قابلتك صدفة و كانت اجمل صدفة

دائما بقابل الحاجات الحلوة ف حياتى صدفة ... اه و الله

اتعرفت ع المنتدى الكريم لما كنت بدور على نقطة عاوز افهمها عن وضع الشيعة الدعوى ف الدول الاوربية

و طبعا جوجل جاب الصفحة الكريمة هنا... و لقيت احد الاخوة بيحكى تجربة ليه بخصوص الموضوع ده

و اول حاجة لفتت انتباهى طريقة التنسيق الاكثر من رائعة للمنتدى فشجعتنى انى ادخل ع الصفحة الرئيسية و اتعرفت ع الابواب كلها

و اول مشاركة كانت فى موضوع الخلافة الراشدة لاحد الاخوة الكرام و بعد كده دولة ام دويلات

المحاورات اضافتلى كتييييييييييييييير جدا جدا

اتعلمت حاجات كتير

اتغيرت عندى كذا فكرة

اتعرفت بناس محترمة جدا جدا.

تم تعديل بواسطة Salwa

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • إضحكوا مع المصريين على خليك في البيت

      اضحكوا مع المواقف المصرية في خليك في البيت   ● ما تخافوش ٢٠٢٠ مش نهاية العالم .. أنا اشتريت علبة جبنة صلاحيتها ٣ سنين 😂😂ة😂 ● سأل احد الحكماء ماذا تريد المرأه؟ فاجاب: لا انا موووش حكيم للدرجة دي🤭 ● عمري ما كنت اتخيل اني اصرف كل الفلوس دي علي الكحول من غير ما اشربه 🙄................................ ● درجة التعقيم اللي في البيوت بقت تسمح انه يتعمل فيها عمليات قلب مفتوح على الحوض😂................................ ●عاااااجل ... بعد انتهاء ازمة الكرونا ان شاء الله .. الحكومة هاتوز

      في دعوة للأبتسام

    • الأستيلاء علي محاورات المصريين

      تنويه هام  الزملاء  الأعزاء  استغلالآ لحالة الركود التي تمر بها البلاد ... و شبه  انعدام رغبة الكثيرين في القيام بالمشاركة في مناقشات اجتماعية .. استغل عضوآ من المحاورات تلك الفرصة و التي انتظرها لمدة 17 عامآ .. و قام بتغيير الباسوورد العمومي و من ثم استولي علي جميع ابواب المنتدي .. حاليآ هناك اجراءات قانونية لأسترجاع المنتدي مرة أخري  يواكبها محاولات الفريق الفني لتعديل الباسوورد العمومي ...  و يساعدنا في ذلك وثيقة مصورة تثبت تسلل هذا العضو الي السيرفر المركزي للمحاورات نرفق

      في الملتقى العام لزوار محاورات المصريين

    • المسيحية في محاورات المصريين

      تلك بعض المواضيع التي تم تجميعها .. و من خلالها ستجدون عرضآ بسيطآ لمساحة أفردتها محاورات المصريين لعرض وجهة نظر مسيحية حول الدين المسيحي من جهة و ما يخصه في الدين الأسلامي نفسه من جهة أخري .. و تفاعل بعض الأقباط مع مشاكل مجتمعهم و مشاكلهم نفسها في هذا المجتمع ... مجرد دعوة للتفكير و التعريف للبعض .. و أخري للمشاركة بما ان مجموعة جميلة من الأخوة المسيحيين قد انضموا مؤخرآ الي اسرة محاورات المصريين الرائعة .. قد يجدون في تلك المواضيع ما يغريهم بالمشاركة الفعلية بصفتهم و قبول دعوة صادقة للخروج

      في المسيحية و المسيحيين في المحاورات

    • حتي يستمر التوهج في محاورات المصريين

      كُتب في منذ 19 ساعة هذا طبيعي التوهج في داخلنا طبيعي أن يخبو بعض الشئ  بعد عشرين سنة وخاصة إذا وجدنا ما يجري على الساحة يسبق أحلامنا   .... من كان يتصور إلغاء نسبة ال ٥٠% للعمال و الفلاحين  .. من كان يتصور إمكانية إنشاء حزب سياسي بمجرد الإخطار من كان يتصور إمكانية تحديد الإنفاق على التعليم بنسبة من الدخل القومي أضف لما سبق إختفاء التكتلات المتطرفة من الأعضاء

      في الملتقى العام لزوار محاورات المصريين

    • من أجل مصر مطلوب تأميم موقع محاورات المصريين

      ربما المطلوب هو تأميم  أكرر تأميم  محاورات المصريين  من أجل ضمان الإستدامة … الإستدامة  إستدامة رقي المحتوى  و صدق المحتوى الأمر يحتاج لإجراء مسابقات  لإختيار أمناء - فريق الإشراف و التنسيق - الموقع   عدد كبير من الأمناء  مثقفين  و متفرغين  لإثراء الموقع  ليس بالمشاركة  فقط   الموقع به الآن  مليون و نصف مشاركة تكونت خلال العشرين سنة الماضية الإستدامة وحدها لمدة عشرين سنة  إنجاز جيد  و فريق التنسيق و الإشراف  يستحقون  فعلا وسام الثقافة  الجميع يبذلون قصارى جهدهم على مدى عشرين سنة لتبقى

      في الملتقى العام لزوار محاورات المصريين

×
×
  • اضف...