اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

كيف تعرفت على محاورات المصريين ؟


Recommended Posts

اتعرفت اذاى على موقع المحاورات

هل عرفتة عن طريق صديق لك ولا عن طريق البحث عن موضوع معين ولا بالصدفة

وماهو اول موضوع قرأتة فى المحاورات واول موضوع كتبت او علقت علية

هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ)

من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

رابط المشاركه
شارك
اتعرفت اذاى على موقع المحاورات

هل عرفتة عن طريق صديق لك ولا عن طريق البحث عن موضوع معين ولا بالصدفة

بالصدفة البحتة, وأنا بابحث عن موضوع خاص بالمغتربين المصريين في السعودية

وماهو اول موضوع قرأتة فى المحاورات واول موضوع كتبت او علقت علية

موضوع عن الاستقدام في قسم المغتربين المصريين

هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ)

نعم.. استفدت منها كثير, وأتمنى إني أكون أفدت

بس السبب الرئيسي اللي خلاني أسجل في المنتدى هو: الترويح عن النفس بشيء مباح, ونسيان هموم ومشاكل الغربة

من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

كثير بصراحة, بس أحب أحتفظ بالأسماء دي لنفسي

شكرا أستاذنا الرفاعي

رابط المشاركه
شارك

الحقيقة زى باقى الناس كنت بابحث فى المعادلات

ودخلت قسم الهجرة لكندا

ومع ان الموضوع مش متخصص بالمعادلات الكندية وخلافة

الا ان الشهادة للة اول موضوع يشدنى هو موضوع دكتور التهامى

وتابعت بقى الموضوع بغض النظر عن اللى كنت بادور علية

ومع الوقت اكتشفت ان هنا اجابات لمعظم الاسئلة اللى تخص السفر بس

اما اكتر عضو تعليقاتة

بتعجبنى هو برضة دكتور التهامى

وطبعا النيو جنيراشن سوسو رانى

الحقيقة الناس بتوع كندا دول كلهم دمهم زى السكر

واعتقد ان معظم اللى متابعنهم برضة مش مهاجرين زى حالاتى

وبس

تحياتى

رابط المشاركه
شارك

الفاضل سهل جدا نورت الموضوع وحلوة الصورة الجديدة واكيد كانت ومازالت مشاراكاتك اضافة فى بحر المحاورات

الفاضلة enjisultan بالفعل باب المغتربين وخصوصا الهجرة الى كندا من اكثر الابواب نشاطا وجذبا للاعضاء الجدد لكن لو تعمقتى فى بحر المحاورات هتجدى عالم اخر متعدد الثقافات ....

فى انتظار معرفة اراء باقى الاخوة الاعضاء-العضوات

رابط المشاركه
شارك

دخلت المحاورات عن طريق الجوجل .. كنت ببحث عن موضوع معين مش فاكره ايه بس كان بخصوص السفر للسعوديه على مااذكر وتعرفت على باب المغتربين ومنه على المحاورات ..

السبب الي خلاني سجلت فيها هو تذكري اني سبق وبحثت قبل كده على الجوجل مرتين في خلال الكام سنه الي فاتت وبرضه كان ياخذني للمحاورات ..

بصراحه لما شفت المحاورات اول مرة استغربت ان المعلومات المطلوبه تكون في موقع ( بدائي ) ومعليش اعذروني فشكل المحاورات مكانش بيدل على انها منتدى بقدر ماكان يوحي بانها white board .

في البدايه فعلا ـ وارجوا محدش يزعل ـ كنت فكراها مشروع منتدى او جزء من موقع مجاني .. حاجه كده يعني لم تكن توحي بالجديه او الاحتراف فلم اهتم بالتسجيل فيها , خاصه ونادرا مااسجل في منتديات لولائي الشديد لاي موقع اكتب فيه فمبحبش اشتت نفسي في اكتر من مكان .. وعليه فلم اهتم للمحاورات في اول مره دخلتها فيها من كام سنه للاسف ..

لما لاحظت تكرار عودتي للمحاورات على مدار وقت طويل زي ماذكرت لكم حسيت ان المكان جاد بدليل عثوري على ماابحث عنه فيه اكتر من مره .. قررت اني محكمش عليه من مجرد المظهر واخذت فيه جوله .. تحديدا في قسم المغتربين ..

على الفور قررت الاشتراك فيه وقد كان ..

اكثر مايعجبني في المحاورات انها بتحسسني بالامان من ان ( لي حد ) يعني عارفه لما هحتاس ومعرفش حاجه كمغتربه جديده نسبيا اكيد هعرفها من اخواتي القدامى الي تعرفت عليهم هنا في المحاورات .. لما بفكر اني اكون صداقات على ارض الواقع او يكون لي مجتمع جديد انضم ليه برضه بكون مطمنه ان الطريق للمجتمع ده سهل وممهد وعندي ليه منفذ وهو المحاورات ..

بصراحه المحاورات فرقت معايا كتير اوي في الحته دي بالذات وسبحان الله اني تعرفت عليها عن قرب في الوقت ده بالذات .. هو ده وقتها بالنسبة لي واحمد ربنا انها جات فيه .. تماما ..

بالنسبة لمين اكتر حد بحب اقرأ له .. في كتير في المحاورات اشخاص كتاباتهم بتعجبني وعدد برضه يمكن اقل شويه كتاباتهم بتطربني .. وقلم او قلمين لما اقرأ ماكتبوه اكاد اصفق اعجابا وانبهارا .. اعجاب بالعقليه والاسلوب وانبهار لانهم قالوا بالظبط الي كنت عاوزه اقوله وعبروا عنه بنضج وبلاغه وأقل عدد من الكلمات ..

بس اكيد اعذروني لو احتفظت بالاسماء خاصه واعلانها مش هيضيف لها جديد بالذات والعارف مش بيحتاج تعريف ..

رابط المشاركه
شارك

انا كمان عرفت المنتدى بالصدفة

كنت ببحث عن مدارس فى الرياض

لاننا اتنقلنا من مكة للرياض و طلعلى المحاورات فى بحثى على جوجل

و اول قسم دخلته المغتربين المصريين

و بجد حسيت ان دة منتدى محترم و اعضائه ناس تحس انهم اهل مش زمايل فى منتدى

و الحمد له استفدت كتيير من المحاورات و اتعرفت على ناس كتيير من زمايلنا

تحياتى ليك يا رفاعى موضوع لذيذ :ninja:

رابط المشاركه
شارك

انا بقى عرفت المحاورات من سنين طويلة...وسجلت من سنتين او زيادة....بس كنت ملبوخه في منتديات اخرى..

اساس معرفتي بالمحاورات...اني مطرح مابروح اي منتدى من الي اتعملوا بعد كده كان دائما اسم المحاورات مشترك في كل المنتديات دي....ومعظم الاعضاء الي فيها طلعوا من المحاورات وبعدين انفصلوا بمنتديات تخصهم او بقو اصحاب منتديات.....بالاخر بعد ما خدت لفتي ولقيت ان كل الامور الي انتقدوها وخلتهم سابوا المحاورات عشانها موجودة عندهم....و الحقيقة ما شفتش اللى بينتقدوه فى المحاورات .. يمكن عشان ما بأشركش كتير ويمكن يكون مش موجود اصلا.....................ويمكن ما ينتقدوه موجود عند الاخرين أصلا... الله اعلم..............قلت ما بدهاش ارجع للاصل بقى.....

رابط المشاركه
شارك
الفاضل سهل جدا نورت الموضوع وحلوة الصورة الجديدة واكيد كانت ومازالت مشاراكاتك اضافة فى بحر المحاورات

الفاضلة enjisultan بالفعل باب المغتربين وخصوصا الهجرة الى كندا من اكثر الابواب نشاطا وجذبا للاعضاء الجدد لكن لو تعمقتى فى بحر المحاورات هتجدى عالم اخر متعدد الثقافات ....

فى انتظار معرفة اراء باقى الاخوة الاعضاء-العضوات

فعلا انا بلاقى هنا اجابة لكل اسئلتى من اخوة كرام ومحترمين

وفعلا الناس حابة تساعد بعض وعن طيب خاطر

و جو اسرى حتى بقى راى اهل المحاورات مهم لى فى كل خطواتى

زى معظم الناس

حتى المشاكل الشخصية ممكن اخود راى الناس فيها وانا مطمنة ان ما فبش ناس داخلة لمجرد الهزار حتى لو دا حصل تلاقى وراك رجالةما يعجبهاش الحال المايل

ودا اللى مخلينى حاسة بالامان وانا باتكلم عن نفسى وعن عائلتى ومشاكلى بمنتهى الوضوح

بجد بجد الواحد بيحس ان الناس هنا اهلة

رابط المشاركه
شارك

الزميلة هبة هى من دعانى للتسجيل هنا .. حيث كان صيتى ذائعا كخميرة عكننة قوية فى أحد المنتديات .. ومش عارف يومها كان فى راسها ايه .. بس أساسا لم اكن يوما مهتما بالمنتديات .. التى تصبح ادمان ..

لما وجدت الناس عمالة تنقل أكلات .. وانا بأهتم اعمل أكلات تجمع بين الشكل والطعم والصحية .. قلت أصور وأجرب وعجبتنى الفكرة لأنه تسجيل للوصفة اللى غلبا مش بتتكرر .. المهم طلبت هبة وصفة مخصوص لها فوضعت لها السمكة العجيبة دى .. تحية للزميلة هبة الغائب الغائب هههههه

رابط المشاركه
شارك

الصدفة البحته هى التى دلتنى على هذا المنتدى المحترم ,كنت ساعتها فاضى بعد العمل وأبحث فى النت عن أى موقع مفيد وفى نفس الوقت يهون على غربتى وبما أننى فى السعوديه وبمفردى , وكما تعلمون فإن الخروج الفردى سواء كان فى الأسواق أو أى مكان آخر قد يساء فهمه من بعض الموجودين فى هذه الأماكن, فقد إحترمت نفسى وقررت عدم الخروج إلا فى حدود الحاجة الملحة وفى أوقات معينة اما للصلاه او لشراء ما اريده واعود الى منزلى والنت والتلفاز وعملى (متهيألى ده السيناريو المعتاد لكل مغترب أعزب فى السعودية وخاصة فى الرياض) اللهم بعض الزيارات لمعارف ارتبطت بهم منذ ان كانت معى اسرتى التى ادت الظروف الى ضرورة وجودهم فى مصر.

وجدت ان هذا الموقع محترم جدا وكل من فيه محترمين وكل مواضيعه محترمة ومفيده ومتجدده وأعترف اننى اقرأ فيه كثيراً ولا اشارك الا قليلاً قد يكون هذا تقصير منى ولكن عندما أقرأ ما تكتبونه باحس ان مش لاقى حاجه اكتبها لان الإخوه فى المنتدى بيغطوا كل شبر فى أى موضوع يتفتح وباحس انى اعرفهم كلهم وحاجه غريبه ان كل واحد فى المنتدى له شكل فى خيالى بغض النظر عن وجود صوره له . فعلاً ناس محترمه سواء إخوه أو أخوات بلا استثناء.

رابط المشاركه
شارك

انا عرفه المنتدى عن طريق صديقه لى كنت بدور على معلومات عن الهجره لكندا

وهى نصحتنى بالموقع

اول موضوع كان الشامى رجع من كندا

وفعلا مكنتش ماسكه نفسى من كتر الضحك وانا بقراء الموضوع

استفت كتيرجدا من المحاورات وكنت حاسه ان مع احوانى واخواتى

لحد مادخلت يوم ووجت مشكله س س والى كانه مع سكربينو زعلت خالص وحسيت بالاكتاب وقعت حوالى شهرين مدخلش لحد ماصحبت

كانت بتكلمنى فى يوم وقلتلى ياعبيطه ده كانت كذبه ابريل

ومن ساعتها وانا مكونه صداقات مع ناس كتبره فى المنتدى

بحب اقرء للتهامى باشا ولس س وفتفوته وريمو ناس كتيره

رابط المشاركه
شارك

و الله العظيم يا دكتور رفاعي كنت قررت اكتب نفس الموضوع دا

اتعرفت ازاي على المحاورات

و بعدين رجعت في كلامي قولت ممكن يكون في نفس الفكرة في موضوع قديم و ابقى كده باكرر فا كبرت دماغي

دلوقتي لما لقيت موضوعك دا قولت لنفسي سبحان الله على تشابه الافكار

المهم انا اتعرفت على المحاورات عن طريق جوجل كنت بادور على مدارس انترناشونال عشان مريم

و دلني العم جوجل على المحاورات و لقيت اكتر من موضوع عن مدارس الرياض

و سجلت فعلا و اول مشاركة كانت في موضوع المدارس في باب المغتربين

اما استفدت ايه من المحاورات

اولا طلعت من قوقعة البيت

المحاورات اول منتدى ادخه و اتب فيه بعد انقطاع دام 6 سنين عن المنتديات

كنت قبل كده في منتدى عمرو خالد و بعدين الوعد الحق و كمان موقع حام امام

هما دول كانوا حياتي مع ال icq

و بعدين اتجوزت و سافرت و كبرت دماغي من النت خالص

انما بقى قاعدة الرياض بصراحة تجيب كل انواع الاكتئاب و طبيعة شغل جوزي كمان فا ببقى طول اليوم لوحدي

ثانيا لقيت المحاورات و حسيت لاول مرة من زمان اوي اني في مصر

اه و الله حاسة اني في مجتمع مصري بكل ما فيه من الشهامة و الجدعنة و خفة الدم

و دي اكتر ميزة شدتني لهنا

و غير كده اتعرفت عن اخوات عزيزات جدا على قلبي و بقينا اصحاب

و حاسة و انا في المحاورات اني منفتحة على العالم يعني قسم كندا مش ممكن حاسة اني شفتها بعيني فعلا

و مواضيع الاستاذ الافوكاتو ربنا يرحمه رحمة واسعة مش ممكن اد ايه جميلة و اد ايه حزنت اني ما لحقتش اتكلم معاه

و كل ما افتح موضوع له و اشوف صورته بيجيلي احساس غريب انه زي اب او عم ليا

فعلا ربنا يرحمه رحمة واسعة و يسكنه فسيح جناته

طولت عليكم مش كده

بس و الله دايما حاسة انكم اخواني و اخواتي

ربنا يديم المحبة بينا يا رب

شكرا يا دكتور رفاعي على الموضوع :unsure:

رابط المشاركه
شارك

و الله العظيم يا دكتور رفاعي كنت قررت اكتب نفس الموضوع دا

والله يا مدام ريمو انا لى الشرف ان نفس الفكرة روادتك فى نفس الوقت هى الصراحة بتراودنى من فترة ولنفس السبب كنت بأجلها

عموما بلغى التحية لمريومة اللى كانت مدرستها سبب فى انضمامك للمحاورات

رابط المشاركه
شارك
انا عرفه المنتدى عن طريق صديقه لى كنت بدور على معلومات عن الهجره لكندا

وهى نصحتنى بالموقع

اول موضوع كان الشامى رجع من كندا

وفعلا مكنتش ماسكه نفسى من كتر الضحك وانا بقراء الموضوع

استفت كتيرجدا من المحاورات وكنت حاسه ان مع احوانى واخواتى

لحد مادخلت يوم ووجت مشكله س س والى كانه مع سكربينو زعلت خالص وحسيت بالاكتاب وقعت حوالى شهرين مدخلش لحد ماصحبت

كانت بتكلمنى فى يوم وقلتلى ياعبيطه ده كانت كذبه ابريل

ومن ساعتها وانا مكونه صداقات مع ناس كتبره فى المنتدى

بحب اقرء للتهامى باشا ولس س وفتفوته وريمو ناس كتيره

فعلا د الشامى جزاة الله خيرا كان له اثر كبير فى جذب المهتمين بالهجرة لكندا بأسلوبة القصصى الرائع

اما بخصوص الشاكوش حكاية س س وسكوب فهما بالفعل طلعو اساتذة تمثيل وقعو قلوبنا لكن الحمد لله طلع الموضوع هزار

شكرا ايمانو على المشاركة

رابط المشاركه
شارك

:unsure:

عن طريق جوجل تعرفت على هذا الموقع الأكثر من راااااااااااااااااااااااااائع

واستفدت أكثر شئ من المغتربين لأن زوجى كان بيحضر للسفر وكنا بنبحث فى جوجل فدايما كان يطلع لنا المواضيع من المغتربين وكان اللى بنسأل عنه المنتدى كان بيكفى ويوفى فعلا وبعد كده قررت اشترك فى الموقع عشان استفيد اكتر واحاول افيد لو عندى اى معلومه ممكن تفيد حد لان الموقع فعلا مسمع قوى[وسط][/وسط]

رابط المشاركه
شارك

الزميلة هبة هى من دعانى للتسجيل هنا .. حيث كان صيتى ذائعا كخميرة عكننة قوية فى أحد المنتديات .. ومش عارف يومها كان فى راسها ايه .. بس أساسا لم اكن يوما مهتما بالمنتديات .. التى تصبح ادمان ..

لما وجدت الناس عمالة تنقل أكلات .. وانا بأهتم اعمل أكلات تجمع بين الشكل والطعم والصحية .. قلت أصور وأجرب وعجبتنى الفكرة لأنه تسجيل للوصفة اللى غلبا مش بتتكرر .. المهم طلبت هبة وصفة مخصوص لها فوضعت لها السمكة العجيبة دى .. تحية للزميلة هبة الغائب الغائب هههههه

عن اعضاء المحاورات وخصوصا المهتمين بالمطبخ نتوجه بالشكر للفاضلة هبة لأنها كانت السبب فى انضمام اعظم شيف فى المنتديات

الفاضل بندق افندى لك كل تقدير واحترام

رابط المشاركه
شارك

تعرفت على المنتدى بسبب فكرة الهجرة لكندا

و اخدت اللينك من منتدى آخر برضه كان فيه موضوع عن الهجرة لكندا

و كنت مسجلة باسم wish to be canadian

و انقطعت فترة و لما رجعت مفتحش معايا الحساب

فسجلت مرة أخرى باسم مصرية متغربة

سجلت من سنة تقريبا

لكن ما بدأتش أشارك الا بعد شهور من المشاهدات

بصراحة من يوم ما شاركت و أنا بالاقي كل دعم و محبة من الإخوة الأفاضل و الأخوات الفضليات

و مش ممكن أنسى كم المشاركات اللي شاركوا معايا في مشكلتي مع ابني و المدرسة

و بصراحة حسيت الكل اخواتي

أنا مبسوطة جدا لانضمامي ليكم و يشرفني زمالتكم في هذا المنتدى الرائع

و شكرا دكتور رفاعي على الموضوع اللطيف ده

:roseop:

رابط المشاركه
شارك
:roseop:

عن طريق جوجل تعرفت على هذا الموقع الأكثر من راااااااااااااااااااااااااائع

واستفدت أكثر شئ من المغتربين لأن زوجى كان بيحضر للسفر وكنا بنبحث فى جوجل فدايما كان يطلع لنا المواضيع من المغتربين وكان اللى بنسأل عنه المنتدى كان بيكفى ويوفى فعلا وبعد كده قررت اشترك فى الموقع عشان استفيد اكتر واحاول افيد لو عندى اى معلومه ممكن تفيد حد لان الموقع فعلا مسمع قوى[وسط][/وسط]

ما شاء الله يبدو ان الجانب الاكبر من الاعضاء عرفو المنتدى عبر البحث وده فى حد ذاته شىء يدل على قوة وحجم المعلومات القيمة فى المنتدى ومدى تعاون الاعضاء

شرفت بكتابتك سيدتى

ودمتى بود

رابط المشاركه
شارك
أنا مبسوطة جدا لانضمامي ليكم و يشرفني زمالتكم في هذا المنتدى الرائع

و شكرا دكتور رفاعي على الموضوع اللطيف ده

:roseop:

واحنا يفندم يشرفنا انضمام حضرتك للمنتدى ونتمنى ان تجدى فيه دوما ضالتك

دومتى بود

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • دعوة للمشاركة فى إعادة تبويب محاورات المصريين

      الأخوة الأعزاء لدينا كوارث بيئية فى مصر على سبيل المثال لا الحصر تلوث نهر النيل - تلوث الهواء - الصرف الصحى - التصحر و فقدان خصوبة الأراضى ومن وجهة نظرى الشخصية هذه الموضوعات ذات أهمية قصوى وأريد أن اطرح البعض منها كمشاركة فى زيادة الوعى البيئى لذا أقترح إنشاء باب للبيئة وشكرأ

      في شئون المحاورات

    • مرتضى منصور في محاورات المصريين

      لم ينجح مرتضى منصور في الإنخابات النيابية الأخيرة في مصر ، و هذا عادي و ليس خبرا أنقله إليكم ، إذا لماذا فتحت هذا الموضوع ؟  سؤال منطقي و خاصة أننا أي محاورات المصريين على مدار عشرين سنة تتسم بالجدية و لم تنزلق أبدا إلي نشر أخبار النجوم و الفضائح ما سبق كان إستهلالا لابد منه عن لي أمس ن أبحث عن مرتضى منصور على محاورات المصريين  و أكيد هذا فضول مشروع و فوجئت بالنتيجة  أربعة و خمسون صفحة من النتائج كل منها تحوي تقريبا ١٥ نتيجة الحقيقة ذهلت  صحيح أنه كان يظهر في الأخبار بين الحين و ا

      في شئون المحاورات - موضوعات مثبتة

    • هل الكورونا حقيقة ؟ و هل هي خطيرة كما نسمع ؟ هل المصريين محصنين ضدها

      أكاد أجن !  هل هو فيلم رعب خيالي ؟ إقرأ ال BBC مثلا و شوف تصريحات رئيس الوزارة عن الإغلاق الكامل بلاش كدة  شوف الأرقام المعلنة من معظم دول العالم   و شوف أرقامنا - لا أتهم أرقامنا - هل نحن لسبب أو آخر مناعتنا قوية ؟ في محيط العائلة الكبيرة - أخي و زوجته  نتيجتهم إيجابية و تم علاجهم في البيت  حسب تعليمات الوزارة  و آخرين أصيبوا بها و تم شفائهم هل مصر المحروسة محروسة أيضا من الكورونا ؟

      في استشارات طبية و نفسية

    • مدرسة محاورات المصريين لدعم النزاهة

      أرجو تصفح موضوعات دعم النزاهة و مانيفستو محاربة الفساد و الموضوعات الشبيهة فى محاورات المصريين. بإختصار شديد لقد توحش الفساد فى مصر و تحول إلى أسطورة و كالعادة - على مر التاريخ - يتجنب الجميع مواجهة الأساطير. أرى أن نقتحم أسطورة الفساد و لا نجلس كالفلاح اللى غرق دراه (للبهوات الفلاح اللى غرق دراه هو الفلاح الذى أغرق الفيضان محصول الأذرة الخاص به) ننعى سوء الطالع و ننعى العجز أمام توحش الفساد . على مر التاريخ بدأت المعارك بدراسة العدو أولا .. مواجهة الأوبئة تبدأ دائما بدراسة المرض ن

      في محاربة الفساد

    • أعترف أني أخطأت في تصميم هيكل محاورات المصريين و توسعت في تقسيم المحتوى

      الشكل الحالي لمحاورات المصريين هو نتيجة جهد متواصل على مدار ال ٢٠ سنة الماضية و كنت أحرص دائما على مواكبة الحياة الثقافية في مصر بإضافة تقسيمات و أبواب جديدة  ..... كنت أحاول دائما مواكبة الأحداث  و آخرها إضافة باب جديد للحوار حول سد النهضة  و مشروع نهر الكونغو......  و هلم جرا و كانت النتيجة أن الأمر أصبح معقدا و يتطلب إعادة تنسيقإ

      في الملتقى العام لزوار محاورات المصريين

×
×
  • اضف...