اذهب إلى المحتوى
محاورات المصريين

مرتب المدرس فى الامارات


Recommended Posts

السلام عليكم

لن اطيل عليكم

ارجو ان تساعدوا المدرسين الذين يفكرون فى السفر الى الامارات العربية للعمل فى المدارس الحكومية او الخاصة ( ومنهم أنا ان شاء الله )

ارجو عمل مقارنة بين المدرسيين فى مصر والامارات

ارجو بيان المرتبات والمعيشة للمدرسيين الان

ماتت قلوب الناس ماتت بنا النخوه يمكن نسينا فى يوم ان العرب اخوة الضمير العربى

سبحان الله العظيم

لا حول ولا قوة الا بالله

رابط هذا التعليق
شارك

ايه كل دى مشاهدات ومفيش ولا رد واحد

هو خلاص مرتبات المدرسين فى الامارات بقت سر ولا ايه

؟؟؟؟؟؟؟؟؟؟؟؟؟؟

ماتت قلوب الناس ماتت بنا النخوه يمكن نسينا فى يوم ان العرب اخوة الضمير العربى

سبحان الله العظيم

لا حول ولا قوة الا بالله

رابط هذا التعليق
شارك

طيب ما ممكن ما فيش حد من اللي شاف موضوعك شغال مدرس في الإمارات ... أصبر شويه وربنا هيبعثلك الفرج

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

حسب معرفتي سابقا باوضاع المدرسين في الامارات....يعني الكلام ده بقاله كام سنة...اظن ان المرتبات الحكوميه اكثر من 6 الاف درهم + سكن ....بس معنديش فكره دلوقتي عن المرتبات وغالبا زادت....بس بقى صعب اوي استقدام مدرسين اجانب او وافدين لانهم بيوطنوا الوظائف بقالهم كام سنة...وعملية احلال المواطنين الاماراتيين بقت على نطاق واسع

اما بخصوص مدرسي المدارس الخاصة...ف مرتباتهم تعبانه اوي... وبدون سكن غالبا الا بعض التخصصات او المدارس المعينة...غير كده تعتبر مرتباتهم على القد وصعب جدا انها تكفي فتح بيت + ايجار شقة.....

عموما دي فكرتي ومعرفتي باوضاع الامارات سابقا....يمكن الحال اتغير دلوقتي...

رابط هذا التعليق
شارك

الاستاذ ahamedgad

بداية لا يحق لك التعيين في الحكومه الا بعد خبرة ثلاث سنوات في المدارس الخاصة .. بعد ذلك يتم التقدم لامتحانات قبول تعلن عنها الوزاره في شهر شبتمبر و شهر آخر لا اذكره من كل سنه .. و يشترط للتقديم كما ذكرت خبره تلات سنوات في مدرسه خاصه في الامارات .. و ما تتوقعش النجاح علطول يعني ممكن تقضي كمان سنتين تلاته بتمتحن و ممكن ربنا يوفقك علطول ..

لو هاتيجي على ابوظبي صعب جدا جدا تلاقي شغل في مدرسة خاصه علطول و غالبا بتشتغل حاجه اسمها مساعد مدرس يعني تصحح الكراريس و الكلام ده و دي مرتبها في حدود 1500 درهم (إيجار الغرفه في ابوظبي في حدود 3000 - 4000 درهم)

ممكن تلاقي في الشارقه و عجمان .. و دول دية المدرس المصري فيهم معروفه .. 1500 درهم شامل (في عجمان الغرفه باقل من 2000 شهريا) .. و لو ما عجبكش يجيب من مصر زي ما هو عايز على المرتب ده .. و تمضي الحياه ..

بالتالي الشغل في المدارس الخاصه زي قلته .. لان المرتب ده يعادل 150 جنيه في مصر .. بس الفرق انك في مصر بتربي زبون و سمعه في الدروس .. انما هنا بتنام بقية اليوم

يبقى الخيارات اللي قدامك طالما المرتب واحد تقريبا في البداية و الخيار النهائي يرجع ليك لوحدك:

أولا تخليك في مصر و تكبر هناك

ثانيا تيجي هنا و تستحمل حياه قاسية و امكانيات محدوده جدا في الخمس سنين الاولى لحين الحصول على تعيين حكومي او مدارس دولية محترمه في دبي

على فكره انا مش مدرس

خير الناس أنفعهم للناس

رابط هذا التعليق
شارك

الفاضل احمد جاد

أتمنى أن تكون بخير حال...

بالنسبة لاستفسارك ، فمرتب المدرس في الامارات يختلف في أبوظبي عن باقي الامارات الاخرى ...

جميع الامارات عدا أبوظبي تتبع لوزارة التربية و التعليم و يصل الراتب إلى 8000 درهم إماراتي يخصم منهم 2000 درهم و تتكفل الوزارة بتوفير سكن بحد أقصى 70 ألف في السنة إذا كان عدد أفراد اسرتك اكثر من 4 .. أو لا يخصم شئ و تتولى أنت تدبير سكنك بنفسك...

اما بالنسبة لابوظبي فهي تتبع لهيئة خاصة اسمها مجلس أبوظبي للتعليم ومميزاتها أفضل حيث يصل الراتب إلى 15 الف درهم إماراتي و يخصم منه 2000 درهم للسكن بنفس نظام الامارات الاخرى .. مع مراعاة ان السكن في أبوظبي أغلى من باقي الامارات ...يعني ال70 الف دول بالعافية يجيبولك استوديو ف هتضطر تزود عليهم من عندك ده لو حبيت تسكن جوة ابوظبي المدينة مش في الضواحي...

وهناك قرار لا يزال تحت الدراسة لزيادة الراتب إلى 18 ألف درهم مقابل زيادة ساعات العمل يعني الدوام يخلص الساعة 3 العصر ..

أما بالنسبة ل 3 سنوات خبرة في المدارس الخاصة فهذا غير دقيق المطلوب هو خبرة سنتين في مجال التدريس في أي مكان ان شاالله في الصين ..

وشهادة الماجستير تعادل سنة خبرة و الدكتوراة سنتين ...

و المجلس و الوزارة فعلا بيطلبوا كوادر كل سنة لكن بشروط مشددة أهمها التوفل أو الأيلس واتقان اللغة الانجليزية محادثة و كتابة لأن المجلس عامل شراكة كندية...

اخيرا الطلب على التخصصات بيختلف يعنى الرياضيات و المواد العلمية عليها طلب اكتر خصوصا من المدرسين أكتر من المدرسات لقلة المواطنين المتخصصين فيها وهي تدرس باللغة الانجليزية بالمناسبة ...

أما الانجليزي فقل الطلب عليه نظرا لانه أصبح يدرس من مدرسين أجانب كنديين على الاغلب ...

بالنسبة بقى للمدارس الخاصة لو ما عندكش خبرة ففعلا زي ما ذكرت الاخت توتا رواتبها تعبانة خالص اللهم الا لو قدمت في مدارس اللغات او الاجنبية ودي رواتبها تقل قليلا عن الحكومة و في بعض الاحيان تزيد كثيرا زي أكاديمية الدار مثلا دور على موقعهم عالنت ولو فضيت هجيبهولكك ان شاء الله

و ربنا يكتبلك الخير و يرزقك من حيث لا تحتسب اتمنى ما اكونش نسيت حاجة واي استفسار انا حاضرة...

رابط هذا التعليق
شارك

شكرا لردودكم كلها

وطبعا الاستاذ محمد عيسى رد مقنع جدا ومشكرو لافادتك

الاستاذة ريما شكرا جدا لحصرتك

ماتت قلوب الناس ماتت بنا النخوه يمكن نسينا فى يوم ان العرب اخوة الضمير العربى

سبحان الله العظيم

لا حول ولا قوة الا بالله

رابط هذا التعليق
شارك

  • بعد 8 سنة...
  • الزوار

حد عنده معلومات عن مدرسين النشاط وظروف مرتباتهم ؟

انا معلمه موسيقي

والشغل صعب ولا زي مصر

ومطلوب لغه بردو ولا ممكن لا

رابط هذا التعليق
شارك

  • بعد 8 شهور...
  • الزوار
Guest يوسف من المغرب

السلام عليكم ورحمة الله. إخواني انا مقبل على الاشتغال مع وزارة التربية والتعليم بالامارات لكني لا املك أدنى فكرة هل الراتب في ابو ظبي يكفي للعيش ام لا علما انه في حدود 8000 درهم كما جاء في العقد، ثم هل الزيادة التي تكلمت عنها الأخت ريما تدخل ضمن راتب العقد ام هي إضافية فوقه انا توصلت لصيغة من العقد على اساس الاشتغال في ابوظبي لكن المبلغ الذي حددته الأخت ليس هو المثبت في العقد

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 36
      السلام عليكم و كل سنة و انتم طيبين و رمضان كريم علي الامة الاسلامية كان عندي استفسار لي حبايبنا الي في الامارات :ninja: هل 2000 درهم لمحاسب بدون خبرة في الشارقة مرتب كويس؟ مع العلم ان السكن عليهم و كنت عاوز اعرف مرتبات ال E R P تقريبا كام خصوصا الي معاه اوراكل فينانشيال طب لو فرضنا و رحت علي الشغلانة ام 2000 دي و ربنا اراد و لقيت شغل بمرتب احسن في نفس البلد, هل من السهل اغير الوظيفة و الي فيها صعوبة؟ ياريت لو حد عنده معلومه يفيدنا و ميبخلش عشان انا لسه 23 سنه و جالي الضغط من بلدنا دي :rol
    • 1
      تابعت باهتمام بالغ البيان الثلاثي الصادر من الولايات المتحدة الامريكية و البحرين و إسرائيل بشأن التوافق حول اقامة علاقات دبلوماسية بين مملكة البحرين و إسرائيل. و إذ اثمن هذه الخطوة الهامة نحو إرساء الاستقرار و السلام في منطقة الشرق الأوسط وبما يحقق التسوية العادلة و الدائمة للقضية الفلسطينية  أتقدم بالشكر لكل القائمين علي تنفيذ هذه الخطوة التاريخية. عبد الفتاح السيسي  رئيس الجمهورية 
    • 13
      والله لو حد فى الامارات ايه فرص الصيادلة فى الشغل والرواتب
    • 10
      السلام عليكم يا شباب انا عضو جديد وكنت محتاج نصايحكم انا مسافر ابوظبي كمان شهر والعقد بتاعي ب 14 الف درهم شامل كل حاجه كنت عاوز اعرف ايه المصاريف اخبارها ايه وخصوصا طبعا المشكله الازليه بتاعه الايجارات مع مراعاه اني مش متجوز وشكرا جدا علي مجهودكم
    • Guest اسماء حرب
      0
      يا جماعه انا مهندسه ديكور جالى عقد عمل 500 ريال عمانى المبلغ دا هيكون كفايه ويستاهل الغربه ولا لق
×
×
  • أضف...