اذهب إلى المحتوى
محاورات المصريين

شركات شحن العفش بالسعودية


Recommended Posts

أود أن أنقل لكم تجربتى مع شركة البلاوى للشحن لمصر فقد تعاملت معهم مؤخرا وطال انتظارى حتى وصول الشحنة للمنزل ووجدت بعض الاشياء مفقودة وعندما ذهبت لمطالبتهم بالتعويض لم يكترثوا ورفضوا والقوا بالتهمة على موظفى الجمارك بمصر. هذا للعلم والاحاطة. من كان له تجربة مماثلة مع شركات اخرى فليحذرنا منها او يدلنا على الجيد منها

رابط هذا التعليق
شارك

  • بعد 3 أسابيع...

تصحيح لاسم الشركة هى شركة البلوى اللى فى البطحاء وكذلك مكتب وسام الروابط اللى فى المنفوحة وسمعت العجب عن جميع المكاتب اللى فى المنفوحة واحقاقا للحق جربت شركة فى شارع متفرع من شارع الاربعين فى الملز اسمها اعمال الشرفية ناس فى غاية الاحترام والادب والالتزام سواء مكتبهم فى الرياض او فى مصر والله المستعان

رابط هذا التعليق
شارك

  • بعد 1 شهر...

اشكرك على هذه الالتحذير والمعلومات القيمة

انا فعلا لفيت على الشركات اللي في المنفوحة ولقيت اسعارهم متضاربة مع اللي في البطحاء وصراحة كدة ...انا مقلق منهم كلهم

الشركة اللي في الملز...لو انت ضمنها كدة يارت رقم تليفونها إذا مكن....لاني انا الان في زوبعة نقل العفش وربنا يسهل

لو عندك فكرة عن فيدكس...والعربيات بتاعت دمياطي .. عن اسعارها أو التعامل معها ياريت تقولي عليها في اقرب وقت.....

كل الشكر والتقدير لك...

رابط هذا التعليق
شارك

سيدى الفاضل ان بالفعل جربتهم ثلاث مرات وكانوا كويسين والميزة اللى انا شايفها انها كويسة جدا فيهم هى سرعة التوصيل فى حوالى اسبوعين بتكون الحاجة وصلت اصلى جربت شركات اخرى وبيقعدوا قربشرهين

عموما تليفونهم 4737617-0509149500 اسمه رضا

عموما ربنا يكرمك ويكرمنا جميعا

رابط هذا التعليق
شارك

  • بعد 6 شهور...

هل ممكن نعمل بس زي قاعدة بيانات لأفضل وأسوء شركات الشحن داخل المملكة و من السعودية لمصر

تم تعديل بواسطة Diab

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

سيدى الفاضل ان بالفعل جربتهم ثلاث مرات وكانوا كويسين والميزة اللى انا شايفها انها كويسة جدا فيهم هى سرعة التوصيل فى حوالى اسبوعين بتكون الحاجة وصلت اصلى جربت شركات اخرى وبيقعدوا قربشرهين

عموما تليفونهم 4737617-0509149500 اسمه رضا

عموما ربنا يكرمك ويكرمنا جميعا

وأن كمان ضامنهم

جربت شركة أعمال الشرفية قبل ذلك وكانوا أكثر من ممتازين ... والميزة إنهم قريبين من بيتي .. وكمان مهما كان موقعك بتتصل بهم بيجولك البيت .. وينزلوا الحاجات من الشقة بنفسهم .. ومعاهم ميزان كبير في العربية بيوزنوا بها المتعلقات ...

وعندهم تسامح محترم بصراحه ...

يعني مثلاً لو باعت 115 ك ... تلاقيه شال لك الـ 15 كج جدعنه

الكيلو بـ 3 ريال ...

و التوصيل بيبقى في خلال أسبوعين كحد أقصى ..

اللهم إلا لو كانت في ظروف خارجه عن إرادتهم زي الزحام بتاع فصل الصيف .. حيث إن الجمارك بتعطي أولويه للركاب وليس لتريلات العفش اللي بيلطعوهم في المينا بالأيام .. فبالتالي ممكن يتأخروا اسبوع أو 10 أيام ..

جربت مره شركة في البطحا إسمها " واصل "

ربنا يوصلهم نار جهنم إن شاء الله ..

كذب ونصب وأخر قلة أدب .... وبعون الله مسكتهم مسحت بهم أرضية البطحا والمنفوحة والأحياء المجاورة .... وقلت توبه من دي النوبه

ولأني مشترك في صندوق التكافل بالسفارة .. فأعتقد هما متفقين مع شركة إسمها " رحاب مصر " كل 5 دقايق بيبعتوا لي رسالة عن عروض وتخفيضات لديهم ..

لكن بصراحة ما جربتهمش ... وخايف لأنهم في المنفوحه برضوا جنب الشركات النصابة ...

فلو عندي حاجه تتشحن فمش هاتعامل إلا معاهم

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

طيب يا شباب لو ممكن تفاصيل ذياده عن موضوع الشحن وخاصه شحن العفش والأجهزه الكهربيه..... يعنى مثلا الشحن بيكون منين لفين ومين اللى بيخلص الإجراءات الجمركيه وايه اخبار الضرايب الجمركيه وهل بيوصلى لحد البيت فى مصر.......

أرجو الإفاده ولكم جزيل الشكر

رابط هذا التعليق
شارك

طيب سؤال بعد اذنكم للي جرب يشحن حاجات لمصر بالطريقة دي ..

دلوقت انا بحب اغلف حاجاتي بنفسي تغليف دقيق .. يعني مثلا الحاجات الي هتتكسر بعملها بطريقة معينة والشنط نفسها برتبها بشكل ياخذ اكبر كمية باقل مساحه وهكذا .. طبعا العملية دي بتحتاج وقت ( ومزاج ) عشان ابقى مقفلة الشنط صح ..

دلوقت الناس الي بتاخذ الحاجه دي بتشوفها قبل ماتطلع حته حته يعني ولا بصه على السريع كده ويشيل وخلاص ؟

بمعنى لو هبعت حاجه معاهم اقفلها من قبل مايجوا واقولهم هي دي الحاجه ولا اسيبها برا الشنط لغايه مايجوا بنفسهم يتاكدوا هم هيشيلوا ايه ؟

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

نقول كمان

الشحن بيبقى من الباب للباب ..

يعني يستلم منك الحاجه هنا .. يوديها لك لحد باب البيت

جميع شركات الشحن بيبقى عندهم مخازن مأجرينها في محافظات ريفية عشان التكاليف يعني ... فالتريلا بتوصل هناك .. ويبتدوا يفرزوا الحاجه .. اللي رايحه القاهرة واللي رايحه الجيزة وهكذا ... ويحملوها في عربيات نص نقل ويتصلوا بالمُستلم اللي معاهم تفاصيلة وهما في الطريق عشان يقولوا إحنا هانوصل عندك في حدو الساعة كذا

الأجهزة الكهربائية والمنزلية والسجاد بالذات .. كل حاجه لها حساب وتسعيرة عندهم هو يقول لك عليها .. لكن اللي سألت مره عليه كان السجاد .. وقال لي تقريباً بـ 150 ريال قايمه نايمة وشامله كل الرسوم طبعاً غاليه جداً ... إذا كانت السجادة بأشتريها بـ 500 ريال .. يبقى أدفع عليها 150 مصاريف شحن ؟ .. فقلت له يفتح الله .. وأنا أساساً السجاد اللي عندي حرير .. فكنت باطبق السجادة واحطها في شنطة وتسافر معانا زي الفل

بالنسبة للكراتين المقفولة هو لازم يسأل على محتواها .. واهم حاجه ما يكونش فيها حاجات بالدرزن - الدستة يعني - عشان لو شكوا فيها في الجمارك فبيفتحوا الحاجه وممكن يحاسبوه عليها على إنها تجارة وبالتالي يقول لك إنت خدعتني وياخد الرسوم دي منك ..

كمان العملية بتبقى ثقة وهو ما بيفتحش الحاجه ولا يشوفها إلا زي ما قلت لكم لو فتحوها منهم في الجمارك

الحاجه اللي خايفين عليها تتكسر زي المنتجات الزجاجية أو اللوحات او أباجورات أو أو أو .. يبقى دي مالهاش غير حل واحد ... أنا شخصياً ما عملتوش لكن فكرت فيه لو هابعت حاجه تتكسر ...

عارفين البطحا والمفنوحه طبعاً ؟

في محلات بتبيع شُنط السفر ... ماشي

عندهم بقى بتلاقي صندوق ألمونيوم سحري كده :roseop: ... زي بتاعنا في الفلاحين زمان .. كنت بأشوفه عند جدتي :lol: .. زمان ما كانش في دواليب ... فعليك وعلى الصندوق ده .. أشتروا صندوق ظريف كده ... والحاجه تتغلف كويس وتترص فيه .. ولا مانع بوضع دعامات داخلية من الفلين عشان الصندوق لو أتدحرج .

فلو شوفتوا منظر التريلا بعد ما تحمل البضاعه دي فيها بيبقى مرعب وكله فوق بعضه وبتلاقي 5 او 6 من الناس بتوع الشحن طالعين فوق عشان يتسغلوا كل سنتيمتر في التريلا ... فبالتالي الحاجه دي لازم تتغلف وتترص كويس وإلا هاتوصل حتت .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الاخوه الافاضل انا للاسف اتحطيت ف موق فالشحن وزميلي مشي نهائي وموصيني ابعت له الحاجه وانا كنت فاكر الحكاية سهلة

هي حاجات مش كتير لكن فيها 3 بطاطين جداد باكياسهم هل ده مسموح ولا هيعتبروهم تجارة

وانا مبسوط لاني كنت مش عارف فعلا اي شركة اتعامل معاها

هل البطاطين لها حساب معين

رابط هذا التعليق
شارك

الاخوه الافاضل انا للاسف اتحطيت ف موق فالشحن وزميلي مشي نهائي وموصيني ابعت له الحاجه وانا كنت فاكر الحكاية سهلة

هي حاجات مش كتير لكن فيها 3 بطاطين جداد باكياسهم هل ده مسموح ولا هيعتبروهم تجارة

وانا مبسوط لاني كنت مش عارف فعلا اي شركة اتعامل معاها

هل البطاطين لها حساب معين

تقريباً بياخدوا على البطانية 50 ريال ... زي ما قلت لك في حاجات مش بيحسبوها بالوزن

وبعدين 3 بطاطين مش عملية مشجعه ... عامةً أتصل بيهم وقول لهم وإن شاء الله يوافقوا

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الاخوه الافاضل انا للاسف اتحطيت ف موق فالشحن وزميلي مشي نهائي وموصيني ابعت له الحاجه وانا كنت فاكر الحكاية سهلة

هي حاجات مش كتير لكن فيها 3 بطاطين جداد باكياسهم هل ده مسموح ولا هيعتبروهم تجارة

وانا مبسوط لاني كنت مش عارف فعلا اي شركة اتعامل معاها

هل البطاطين لها حساب معين

هو في قريب لنا لسه باعت بطانيتين من فترة قريبة وزنهم الاثنين حوالي 15 كيلو ارسلهم بـ 100 ريال الاثنين ..

بس معرفش ارسلهم تبع شركه ايه او ان كان ده السعر المعتمد بس اذكر مرة زمان خالص كنت سمعت ان الحاجات زي المخدات مثلا او ( الشلت ) مثلا الي بتبقى خفيفة ولكن بتاخذ مساحه دي مبتتحاسبش بالكيلو وانما بالواحده .. بالظبط زي الاستاذ سيد كده ماقال ان السجاده بالحته مش بالوزن ..

اعتقد ان انسب حاجه الواحد يبعتها مع الناس دي هي الهدوم وخلاص ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

الاخوه الافاضل انا للاسف اتحطيت ف موق فالشحن وزميلي مشي نهائي وموصيني ابعت له الحاجه وانا كنت فاكر الحكاية سهلة

هي حاجات مش كتير لكن فيها 3 بطاطين جداد باكياسهم هل ده مسموح ولا هيعتبروهم تجارة

وانا مبسوط لاني كنت مش عارف فعلا اي شركة اتعامل معاها

هل البطاطين لها حساب معين

من واقع عملى فى مجال الشحن يا هيرو

الشركات بتاعة الشحن دى اما بتتعامل مع الموانى المختلفة او المطارات بيبقى فيه قاعدة ماشيين عليها وهى

الحجم او الوزن ايهما اكبر..........يعنى دايما بياخدوا بالاكبر فيهم

وعشان كده الصندوق اللى قال عليه سى السيد ده اللى بتلاقيه موجود هنا فى الرياض بيوفر حجما ووزنا وبيبقى كويس جدااا ساعات كمان مع البطاطين لانك بتضغطهم جواه

ده لو عددهم كبير يعنى

وبيبقى فيه كل شركة شحن مهما كانت صغيرة موظف بيسموه shipping adviser وده دايما هو اللى بيقيس لك الدايمينشن بتاع حاجتك وينصحك بطريقة التغليف والشحن كمان وده لمصلحته ولمصلحتك

الموضوع يطول شرحه.........بس اكيد انت فمتنى

تم تعديل بواسطة fatfouta
رابط هذا التعليق
شارك

الاخوه الافاضل انا للاسف اتحطيت ف موق فالشحن وزميلي مشي نهائي وموصيني ابعت له الحاجه وانا كنت فاكر الحكاية سهلة

هي حاجات مش كتير لكن فيها 3 بطاطين جداد باكياسهم هل ده مسموح ولا هيعتبروهم تجارة

وانا مبسوط لاني كنت مش عارف فعلا اي شركة اتعامل معاها

هل البطاطين لها حساب معين

هو في قريب لنا لسه باعت بطانيتين من فترة قريبة وزنهم الاثنين حوالي 15 كيلو ارسلهم بـ 100 ريال الاثنين ..

بس معرفش ارسلهم تبع شركه ايه او ان كان ده السعر المعتمد بس اذكر مرة زمان خالص كنت سمعت ان الحاجات زي المخدات مثلا او ( الشلت ) مثلا الي بتبقى خفيفة ولكن بتاخذ مساحه دي مبتتحاسبش بالكيلو وانما بالواحده .. بالظبط زي الاستاذ سيد كده ماقال ان السجاده بالحته مش بالوزن ..

اعتقد ان انسب حاجه الواحد يبعتها مع الناس دي هي الهدوم وخلاص ..

انا ارسلت من حوالى 5 شهور من جدة ثلاجة مياة و 2 سجادة صوف كبار و 2 سجادة حرير و 12 بلتكانة ستارة و دفعت حوالى 1200 ريال لكن المشكلة انى رجعت دفعت 380 جنية جمرك ال اية علشان السجادتين الحرير ووصلت كل حاجة سليمة

رابط هذا التعليق
شارك

  • بعد 8 شهور...

السلام عليكم

حد من الاخوة والاخوات الافاضل يعرف شركة شحن محترمة بالطائف او بمكة

لانى عاوز اشحن عفش بيتى على نهاية العام باذن الله .

رابط هذا التعليق
شارك

  • بعد 9 شهور...

السلام عليكم

حد من الاخوة والاخوات الافاضل يعرف شركة شحن محترمة بالطائف او بمكة

لانى عاوز اشحن عفش بيتى على نهاية العام باذن الله .

السلام عليكم

عايز اشحن غسالة أوتوماتيك تعبئة من أعلي

كام تكلفني .؟؟.؟

وبالنسبة للملابس فهي هدايا لناس كتير ... جمارك ايه وتجارة ايه ؟؟؟

طيب ايه هي نتائج الثورة الايجابية حتي يومنا هذا ؟

بِسْمِ اللّهِ الرَّحْمَنِ الرَّحِيمِ

"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ فَنَادَى فِي الظُّلُمَاتِ أَن لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ (87) فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ "

(88) :: سورة الانبياء

Half Turkish

Half Egyptian

Proud to be both :)

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 45
      السلام عليكم أنا / معتز عندى 30 سنة و متزوج و لدى طفل لم يتم عامه الأول بعد حاصل على ليسانس حقوق 2001 و أعمل حاليا بـ " كارفور " سوبرفايزر بمرتب 1690 جنيه مصري حصلت على عقد فى شركة إكستر الرائدة فى كجال الأجهزة الكهربائية و الإلكترونية فى المملكة و ذلك للعمل بوظيفة (MIT) مدير تحت التمرين أو ما يعادل سوبرفايزر العقد لمدة سنتين المرتي الأساسى : 3500 ر.س بدل سكن سنوى : 10500 ر.س بدل إنتقال شهرى : 350 ر.س أجازة سنوية مدفوعة الأجر : 30 يوم كل سنة تذاكر الطيران : 4 تذاكر سنوية لى و لزوجتى
    • 5
      أفضل شركات استضافة في العالم الكثير من رواد الاعمال اصحاب المواقع و المدونات يبحثون عن افضل شركة استضافة لموقعهم و مدونتهم  ولاكن  ليس لدايهم الخبرة الكافية عن افضل شركة استضافة التي توفر افضل  الخدمات او المميزات مما تناسب احتياج موقعهم   ..  في هذة المقالة جمعنا  لك افضل  شركات الاستضافة الاجنبية و العربية لكي تتمكن من اختيار افضل استضافة لموقعك بكل سهولة و لكي نوفر لك المعلومات الكافية عن شركات كثيرة و مشهورة لعدم الوقوع في اختيار شركات ليس معروف بها و ليس لديها اي خبرة في عالم اس
    • 0
      بعد سنوات من النمو غير المسبوق والأرباح القياسية تمر التكنولوجيا العالمية بحالة من الركود وقرارات فصل وتسريحعرض المقال كاملاً
    • 0
      رغم اهتمام الدولة المصرية بملف تطوير شركات قطاع الأعمال العام فإن هناك الكثير من التحديات التى تواجه هذا اعرض المقال كاملاً
    • 8
      اخوة المحاورات السلام عليكم انشاء الله ساكون احد الوافدين الجدد لمدينة الرياض لقد اسعدني كم المعلومات بخصوص السكن و المدارس الموجودة في الباب عن مدينة الرياض و لكن هناك معلومة اود الاستفسار عنها و هي الاوراق المطلوبة لدخول المدارس فس السعودية حاليا ابني موجود باحد مدارس اللغات في مصر و انا انوي ان اقدم له باحد مدارس اللغات في الرياض و عايز اعرف ماهي الاوراق المطلوبة للالتحاق ابني بتلك المدارس حيث انه قادم من مصر و لكم جزيل الشكر
×
×
  • أضف...