اذهب إلى المحتوى
محاورات المصريين

الحكم باعدام هشام طلعت مصطفى و محسن السكري للمره الثانيه


MZohairy

Recommended Posts

اخوانى و اخواتى الافاضل... انا فاتح التليفزيون و مستنى الحكم..

للتوضيح فقط... ده مجرد نقض و ليس "حكم" بالمعنى المفهوم... يعنى القاضى هيقول: آه الحكم يتنقض و يتم اعادة المحاكمة, او لأ.. و الحكم لن ينقض و سيتم تنفيذ الحكم.

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

  • الردود 44
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

تم قبول الطعن

و اعادة المحاكمة.. و هيروح محكمة تانية فى خلال 48 ساعة

مبروك

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

بعد شوية الحكم للقضية الأكثر أثارة في الألفية الثالثة

ربنا يستر

من الكوسة

طب وافينا بالاخبار اول باول احياة ابوك :)

أتفصل يا سيدي زي الناس ما توقعت

محكمة النقض تقرر إعادة محاكمة هشام طلعت مصطفى والسكري في قضية مقتل سوزان تميم

قررت محكمة النقض قبول الطعن المقدم من رجل الأعمال هشام طلعت مصطفى وضابط أمن الدولة السابق محسن السكري على حكم محكمة الجنايات بإعدامهما لادانتهما في قضية مقتل الفنانة اللبانية سوزان تميم.

ونطقت محكمة النقض صباح الخميس بالحكم في الطعن الذي قدمه هشام والسكري، ولم يكن مسموح للدفاع أو النيابة إبداء دفوع جديدة خلال الجلسة.

وكان أمام محكمة النقض عند نطقها بالحكم في القضية أحد خيارين لا ثالث لهما، فإما أن تؤيد الحكم بإعدامهما والذي سيعد في هذه الحالة باتاً ونهائياً وينتظر التنفيذ، وإما أن تصدر حُكمها بنقض الحكم وإعادة محاكمة المتهمين أمام دائرة أخرى من دوائر محكمة جنايات القاهرة.

ولم يحضر أيا من أهل هشام طلعت مصطفى إلى قاعة المحكمة، في حين حضر والد محسن السكري والذي أكد براءه ابنه.

تعود بداية القضية عندما وجهت النيابة إلى المتهم ضابط أمن الدولة السابق محسن السكري تهمة القتل العمد مع سبق الإصرار والترصد وحيازة سلاح دون ترخيص ووجهت الى المتهم رجل الأعمال الشهير ووكيل لجنة الصناعة بمجلس الشوري هشام طلعت مصطفي تهمة التحريض والاتفاق والمساعدة علي قتل المطربة اللبنانية سوزان تميم في دبي في 28 يوليو 2008 مقابل مليوني دولار، وذلك لرغبة هشام طلعت في الانتقام منها لأنها هجرته وارتبطت بالملاكم العراقي رياض الغزاوي في لندن.

وبدأ الكشف عن القضية في 8 أغسطس 2008 عندما تم إلقاء القبض علي محسن منير علي حمدي السكري بتهمة قتل سوزان تميم وإصدار قرار النيابة العامة بحظر النشر في القضية، حيث ورد في 6 أغسطس 2008 كتاب انتربول أبو ظبي للتحري عن السكري لارتكابه جريمة قتل في دبي وذلك في إطار التعاون القضائي بين مصر والامارات، فتم القبض علي المتهم واتخاذ الاجراءات في إطار التعاون القضائي.

وكانت محاكمة هشام طلعت ومحسن السكري أمام محكمة جنايات القاهرة استغرقت 29 جلسة على مدى 8 أشهر تقريباً بدءاً من أكتوبر 2008 لاصدار حكم الاعدام

http://www.masrawy.com/News/Egypt/Politics...am_judment.aspx

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

والله جه علي بالي اجواء محاكمة تامر حسني مع الفارق طبعا لما القاضي قال

ان المحكمة لا ـابه بما تاثيره وسائل الأعلام وكان بيلجلج

مع ان ده أكبر دليل أن القاضي كان متابع الاعلام

هو القاضي ده مش جاي من النيابة اللي التعيين فيها بالكوسة زي كمال الشاذلي اللي كان عامل تسعيرة للتعيين وتسعيرة للكليات العسكرية والشرطة

زي فيلم القاهرة 30 بالظبط

ياعم كل حاجة بايظة

سيبك سيبك المهم إيه أخر أخبار حمل شيرين الثاني :)

أن تأتي متأخراً خيراً من أن لا تأتي أبداً

Better Late Than Never

رابط هذا التعليق
شارك

تم قبول الطعن

و اعادة المحاكمة.. و هيروح محكمة تانية فى خلال 48 ساعة

مبروك

شامم ريحة كوسة يا يوزر ياخويا

عامة إعدام زي 25 سنة في السجن او يمكن أرحم

زي منا فهمت ان حتى لو تمت إعادة المحاكمة لازم ياخد حكم مؤبد 15 ولا 25

ربنا يعاقبة بما يستحق لو مذنب

gilmour.jpg

رابط هذا التعليق
شارك

سيبك سيبك المهم إيه أخر أخبار حمل شيرين الثاني :)

يااااااااااااااااااااااااه مبروك شيرين حامل .............. الحمد لله ,,,,,,,,,,,,أحمدك يارب,,,,,,,,,, التانى كمان عقبال الثالث

"يا ابن آدم إنما أنت أيام كلما ذهب يوم ذهب بعضك"

الإمام العابد الحسن البصرى

رابط هذا التعليق
شارك

كده بخ

وهايودوه قدام قاضي حنين ومهاود ويقلبها جُنحه سرقة غسيل وديتها 6 شهور حبس .. قضا منهم سنتين .. يبقى له عند الحكومة سنة ونص .. وممكن بكده يرفع علينا دعوى تعويض على البهدله اللي أتبهدلها ويكسبها من أول جلسه ونتحايل عليه يقبل 200 مليون جنيه ترضيه وهو يصمم على 500 مل ينقصوش مليم واحد

قشطه خالص

خالص مالص

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

كده بخ

وهايودوه قدام قاضي حنين ومهاود ويقلبها جُنحه سرقة غسيل وديتها 6 شهور حبس .. قضا منهم سنتين .. يبقى له عند الحكومة سنة ونص .. وممكن بكده يرفع علينا دعوى تعويض على البهدله اللي أتبهدلها ويكسبها من أول جلسه ونتحايل عليه يقبل 200 مليون جنيه ترضيه وهو يصمم على 500 مل ينقصوش مليم واحد

قشطه خالص

خالص مالص

ولا اجدعها فيلم هندى يا عم السيد (سيخ سيخ هندى أصلى) هنيالك ياعم طلعت الفرصة جت لك تانى حاول المره دى تموت سوزان المقصوده وبطل حول :)

"يا ابن آدم إنما أنت أيام كلما ذهب يوم ذهب بعضك"

الإمام العابد الحسن البصرى

رابط هذا التعليق
شارك

كان واضح ان فيه اتجاه لتخفيف الامور باتجاه اصدر حكم اقل من العدام ان لم يكن براءة. ووسائل الاعلام المصرية كانت تطبل في هذا الاتجاه. مصر بلد عبقري بتحول سيادة القانون لسيادة الفلوس. لكن فيه حاجة مهمة هشام كان ممكن ما يدخلش السجن خالص ولا حتى يتم استجوابه لو كان قتلها هنا.

رابط هذا التعليق
شارك

تم قبول الطعن

و اعادة المحاكمة.. و هيروح محكمة تانية فى خلال 48 ساعة

مبروك

شامم ريحة كوسة يا يوزر ياخويا

عامة إعدام زي 25 سنة في السجن او يمكن أرحم

زي منا فهمت ان حتى لو تمت إعادة المحاكمة لازم ياخد حكم مؤبد 15 ولا 25

ربنا يعاقبة بما يستحق لو مذنب

شامم ريحة كوسة؟ :lol: انتا كل ده مش شايفها :roseop:

بصراحة يا جماعة.. من السذاجة الاعتقاد بإن واحد زى هشام مصطفى انه يتعدم.. ولا حد يجى جنبه.

انا لو مكانه و عندى نفس السلطة و المال اللى عنده و ميفيدونيش... يبقى عليه العوض و منه العوض.

و للعلم بالشىء.. هو مقرب جدا من ماما سوزان.. و فى تقديرى الشخصى ان لولا وفاة حفيد مبارك و الحالة النفسية اللى مبارك كان فيها (و اللى سببت خسارة فادحة فى البورصة).. لكان مبارك طلعه من زمان.

عموما.. دع الخلق للخالق :roseop:

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

احلى خبر سمعته من فترة

المجموعة كلها النهاردة كانت زى بيت العروسة

ربنا يفرح الناس كلها

هو حضرتك شغالة فى مجموعة طلعت مصطفى؟ :lol:

بصراحة موته او حياته لا تعنينى فى شىء.. لان فيه ملايين بيموتوا و محدش بيهتم بيهم..

لكن انا قلت مبروك علشان بس الناس اللى دافعين شقا عمرهم فى شقق مدينتى.. و المستثمرين الصغيرين فى البورصة.. و اللى بيتضرروا جدا من مثل تلك الاخبار, خصوصا ان حيتان البورصة بيستغلوها اسوأ استغلال..

لكن هو كشخص لا تعنينى و فاته من حياته فى شىء.

بس طبعا فرحة حضرتك نحترمها.. و نقدرها.. و اكيد يعنى ان اهله برضه فرحانين.

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

الطبيعي في مثل تلك القضايا .. أن يقبل النقض ..

فالقضية .. بكل تأكيد .. سيكون فيها ثغرات قانونية ..

فهي لم تقع في مصر ..

والأدلة من قام بجمعها ليسوا مصريين ..

ومهارة المحامين المختارون بعناية .. ليس عليها غبار ..

فبالتالي ..

ليس المقصود بقبول نقض الحكم .. هو أن تنتهي القضية ببراءة هشام طلعت مصطفي والسكري ..

بل المقصود هو إعادة المحاكمة ..

كما ذكرت من قبل ..

لو كانت النية تبرئة هشام طلعت مصطفى من القضية ..

فلماذا تمت إحالته أصلاً .. ولماذا تم القبض عليه من أساسه ..

فكان من الممكن من الدولة (المتهمة حالية بمحاولة إخراجه من القضية) كان من الممكن أن يقوموا بطمس كل مايدين ..

وقتها كانت ستكون مسألة بسيطة جداً ..

أما اليوم .. فالموضوع مختلف ..

في القصص الرومانسية القديمة .. يكتب المحب رسالة حب .. ويضعها في زجاجة .. ويرمي الزجاجة في البحر .. لا يهم من سيقرأها .. لا يهم هل ستصل إلي حبيبته أم لا .. بل كل المهم .. أنه يحبها ..
وتاني .. تاني .. تاني ..
بنحبك يامصر .. ...

 

1191_194557_1263789736.jpg


‎"إعلم أنك إذا أنزلت نفسك دون المنزلة التي تستحقها ، لن يرفعك الناس إليها ، بل أغلب الظن أنهم يدفعونك عما هو دونها أيضا ويزحزحونك إلى ماهو وراءها لأن التزاحم على طيبات الحياة شديد"

(من أقوال المازني في كتب حصاد الهشيم)
 

رابط هذا التعليق
شارك

الموضوع من اوله مش مزبوط

انا كنت ارى من اول حكم انه حكم ظالم

الاف القتلى فى مصر وبادله قاطعه لم يتم اعدامهم

كان قرار اعدامه الاول قرار غريب

انا لايعنينى فى شئ اعدامه من عدمه

ولكن قضاءنا المصرى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلامٌ عَلَيْكُمْ لا نَبْتَغِي الْجَاهِلِينَ

رابط هذا التعليق
شارك

فيه برنامج دلوقتى شغال اسمه 48 ساعة على قناة المحور.. بيقدمه واحد اسمه سيد و واحدة اسمها هناء على ما اعتقد.

ما شاء الله قمة النفاق :lol:.. الاتنين دول ساعة اول مرة لما اتحكم عليه بالاعدام, قالوا هو ده قضاء مصر العادل... و دلوقتى لما النقض اتقبل, بيقولوا طبعا لازم يتقبل.. و هشام طلعت ده انسان ليه انجازات.. :lol: و ما الى ذلك من اسطوانات النفاق المعهودة.

تم تعديل بواسطة myusername

رب أخرجنا من القرية الظالم أهلها...

Je suis Québécois et je suis fier de l'être

رابط هذا التعليق
شارك

مش ملاحظين أن العملية طولت وبوخت زيادة عن اللازم ولسه هاندخل في لوب تاني من المحاكم والقرف

بصراحه القضاء المصري أصبح تحوم عليه الشبهات

أظن ربنا بيقول " ويلٌ للمطففين "

مين هما المطففين ؟

هما اللي حقهم بيحاربوا عشان ياخدوه تالت ومتلت وزيادة عن حقهم كمان

لكن لما ييجوا يدوا حق الناس .. يحفوا فيه ويقرطموا فيه

اهو أحنا كده

بصوا قضية الشهييده مروه الشربيني ؟

لو كان أتأخر كذا سنه كده زي موضوع طلعت مصطفى .. كنا عملنا إيه ؟

أما طلعت عشان من علية القوم ... فنمطمط .. ونظبط ... ونضيع الوقت عشان الناس تنسى

حاجه تقرف بصراحه لان العدل البطيء هو منتهى الظلم للجميع

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

البارحة تابعت الحوار مع المحامى فريد الديب فى برنامج واحد من الناس..

طواااااال الحوار الذى امتد لساعه او اكثر وانا اتابع بعمق وأتأمل فن قلب الحقائق واتقان الكذب والتلاعب بالكلمات ..

درس حقيقى الصراحة موهبة تستحق رفع القبعة طبعا!!

عندى امل فى ان يتم اصدار حكم ادانة بعد هذه المماطلة والمسرحيات المكشوفة السمجة .. حتى لا يتحول القانون الى قانون ساكسونيا !!

قانون ساكسونيا

- كانت هناك ولَاية ألمانية ، تُدعى "ساكسون"، لَا تعرف العدل . وتقول أحدى الروايات أن مترفوها ، وملوكها ، وضعوا قانوناً ينصّ على أنه إذا ارتكب الفقير أو من ليس له ظهر جريمة فإنه يعاقب جلداً أو سجناً أو قتلاً - أما إذا ارتكب الغني أو المسنود أو من ينتمي للطبقة العليا جُرماً فإنهم - وحتى لَا يقال أن ساكسونيا لَا يوجد بها عدل - يأتون بالجاني ، ويحاكمونه، ثم يقف في الشمس ، ويجلدون "ظلّه" !

تحياتى

لولا

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

ولا علاقة بموضوعي هذا بقضية طلعت مصطفى اللي كلنا متأكدين إنه هو المحرض وإن الأخ التاني الفاسد ده هو اللي قتلها

أما عن إدعاءات فريد الديب أشهر محامي مصر ومحامي طلعت مصطفى في القضية أن صورة المتهم في كاميرات المراقبة ما كانتش واضحه وأن السكينة اللي أشتراها كانت حاده بينما السكينة اللي قُتلت بها سوزان تميم مشرشرة وما إلى ذلك من ألاعيب الحواه التي يتبعها المحامون

أستاذ س س . انا ليا تعقيب صغير فى نقطه حضرتك ذكرتها .هى النقطه ملهاش علاقه بالموضوع بس منتشره فى اوساط الشعب المصرى اللى احنا جزء منه .

جبنا منين التأكيد ان هشام المحرض والسكرى القاتل ؟ وليه دلائل فريد الديب تبقى ادعاءات مش حقائق ؟

انا لا أدافع عن هشام طلعت أو فريد الديب أو غيرهم ففريد الديب كان يدافع عن جاسوس اسرائيلى وهذا كافى ليسقط من نظر اى مصرى .

ولكن ....سيدى نحن لسنا قضاه مؤهلين حتى نحكم بالأدله والبراهين . وطالما نحن لسنا قضاه فغالبا حكمنا ياتى تبعا للعواطف وعواطفنا ايه بقى ؟

هشام راجل مسنود من الحكومه مليادير بطريق مستفزه

حصل على اراضى من الدوله باسعار بخسه جدا بتظبيتات ورشاوى وما الى غير ذلك دا على حسب كلام الصحف والأعلام ...

بس هل كل ده يخلينا نجزم ان الراجل محرض فعلا على جريمة قتل؟؟

طب ليه الناس ماكانش عندها نفس الجزم ده تجاه الولد اللى قتل نادين وطعنه اتقبل ؟ بالعكس ناس كتير قالت ان الولد مظلوم وعايزين يلبسوه القضيه .

ايه الفرق بين الولد ده وهشام طلعت مع ان الأتنين نفس قوة البراهين المثبته التى تكفى للأدانه ؟

الفرق ان ده واحد من عامة الشعب وغلبان ممكن يكون حرامى او بلطجى بس غلبان ... والتانى باختصار هو هشام طلعت مصطفى ...

رجاء بلاش الحكم على الناس عشان نفوذهم او سلطاتهم او فقرهم او غناهم ...أصحاب النفوذ ممكن يكونوا حراميه آه بس مش لازم يكونوا قتله .

آسف للخروج عن سياق الموضوع ويمكنك تجاهل هذا الرد تماما اذا كان سيفقد الموضوع وحدته .

تحياتى

وإن بليت بشخص لا خلاق له... فكن كأنك لم تسمع ... ولم يقل

رابط هذا التعليق
شارك

قبول الطعن ليس معناه البراءة يا ريس ..

يعني الواد عيسوي طعنه الحكم بالإعدام أتقبل .. لكن ممكن يتهبد 25 سنة

كذلك طلعت مصطفى اللي الأخ القاتل كان مسجل له مكالمات تخليه يتعدم 100 مره ... وكمان تحويل مبلغ أجرة إيده مقابل العملية 2 مليون دولار .. وكان بيعمل إيه هناك بالتحديد في دبي ساعة ما أتقتلت ؟ وهل بطاقة الإئتمان بتاعته أتسرقت منه وواحد راح اِشترى بيها سكينه عشان يقتل بها ؟ ..... إلخ

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

×
×
  • أضف...