اذهب الي المحتوي
د هشام ابراهيم

مين بيحب العربيات ؟

Recommended Posts

شوف بقى السيارات إللي تناسب الأخت ذهبية وغيرها من الأخوة الأفاضل

شيفورليه كروز - سعرها 125000 ج الفول !!!!! اوبشن ،،، 1600 سي سي

ودي ((( الكيـــا سيراتو - فورتي ))) الجديدة ( هاي لاين ) وسعرها في متناول محدودي الدخل :roseop: ( بـ 125.900 ) فول اوبشن جميع المسائل - 1600 سي سي أدي العربيات بنت الأصول ،،

وبصراحة أيضا الالنترا حلوة بس المهم يكون حد جربها ويقول لنا أخبارها إيه

الكروز فعلا شكلها حلو و ممكن تعمل شغل في السوق المصري ...ألف شكر يا باشا علي العرض و الصور

بس الأخت الفاضلة فيروز مش عايزة لا سيدان و لا كوري :roseop:

بالنسبة للالانترا فهي متميزة جدا في فئتها و ما فيش كلام عليها ....عيبها الوحيد في مصر ...توكيل هيونداي

بس دي استحالة تكون مواصفات عربية امريكي خالص وكمان مساحتها من الدخل مفيهاش الرحابة اللي المفروض تكون في الامريكي

الامريكي يبدأ السي سي بتاعه من 3000 اول مرة اسمع عن عربية امريكي 1600 سي سي

في عربيات أمريكاني كتير أقل من ٣٠٠٠ سي سي ....يمكن مش في الخليج انما حتي داخل أمريكا نفسها فيه موديلات كتير صغيرة ..... و شكلها كده في المستقبل كمان الموديلات ديه حتكتر .....لما نشوف فيات حتعمل إيه في كرايسلر بعد ما اشترتها تحياتي يا باشا

، أما لو قارنا بين الياباني والكوري ، فطبعا الياباني يتفوق في الجودة وطول العمر ، وسعر ما بعد البيع، أما الألماني والأمريكي وخلافه ( فهذا موضوع ثاني )

أعتقد إن المقارنة العامة صعبة ....كل فئة حنلاقي فيها حد متميز عن التاني ...المهم نقارن نفس الفئة ببعض ....يعني أكيد المرسيدس السي كلاس أو بي إم الفئة التالتة أو حتي الكاديلاك CTS- أحسن من الكورولا و لا السيفيك انما لو قارنا مثلا السي كلاس باللكزس IS يبقى فيه كلام تاني .....تحياتي يا باشا

شارك هذه المشاركه


رابط المشاركه
شارك
طيب معلش سؤال أخير إن شاء الله :roseop:

لو هنقارن بين الجراند بونتو و الفابيا يبقى مين أفضل !! بعيدا عن نقطة الحجم و الاتساع ..

أنا شخصيا متحمّسه أكتر للبونتو بس زميل ليا فى العمل بيقول إن فابيا موتورها تصنيع فولكس يعنى أداءها لا يمكن مقارنته أصلا بالفيات و هتتحمّل أحسن منها ..

..................

أيوه "التويوتا" بنت حلال مفيش كلام بس الموديل الهاتشباك اللىّ فى حدود ميزانيتى هو "الياريس" و مش عارفه أداءها عامل إزّاى بالإضافه لأن شكلها صغيّر حبتين ..

و فيه كمان موديل اسمه "أفانزا" بس الريفيوهات بتاعته على النت مش مبشّره :lol:

و "الكورولا" خارج الميزانيه للأسف و كمان عربيه كبيره و أنا مش شايفه نفسى فى العربيات الكبيره دى خالص :roseop:

طيب ممكن حد يفتينا فى "الياريس" و "الأفانزا" و له جزيل الشكر منّا و الثواب من الله ..

يا أفندم اسألي زاي ما حضرتك عايزة ...ما فيش حد أقصي للاسئلة :blink:

صراحة أنا مش شايف فروق قوية ما بين الفابيا و الجراند بونتو إلا فرق السعة اللترية ..... في الفئة ديه بالذات فيات من ملوك الصناعة ......الجراند بونتو و البونتو عربيات اثبتت نفسها خاصة في أوروبا

الفابيا تشترك مع البولو في كتير من الميكانيكا و التكنولوجيا صحيح لكن هي تشيكية خالصة ..... صحيح سكودا مملوكة لفولكس انما ده لا يعني حاجة زاي ما امتلاك فيات لفيراري و مازراتي و ألفا روميو و حاليا كرايسلر لا يعني حاجة

الملخص ما بين العربيتين دول اختاري العرض الأحسن و العربية اللي تستريحي ليها أكتر

علي حد علمي الياريس الهاتشباك مش بضمان الوكيل ....فيه معارض بيجيبوها من الخليج .....فيه منها ١٣٠٠ و ١٥٠٠ سي سي ......عربية هايلة لكن يعيبها في نظري حاجتين .....ما فيش ضمان وكيل ....التابلوه الامامي في نص العربية ....... أعتقد كمان إن مساحة التخزين فيها قليلة

الأفانزا اندونيسي و كروس أوفر مش هاتشباك و هي عربية معمولة مخصوص لاسواق جنوب شرق اسيا صراحة مش عاجباني خالص خصوصا التقفيل الداخلي

شارك هذه المشاركه


رابط المشاركه
شارك
حد يا جماعه جرب الكيا سبورتج ... أنا طاقه في دماغي اليومين دول إني أشتري واحده 2006 علشان استخدام الإمارات ... البيجو اللي جاي بيها من البحرين مش قادره تسد مع المسافات والوحوش اللي ماشيه على الطرق هنا.

أحمد باشا ...مش حاقدر أفيدك في موضوع الأسعار و مصاريف الصيانة و قطع الغيار لاني ما ليش في أسواق السيارات في الخليج انما اللي أقدر أقوله حاجتين

- كيا اللي هي مملوكة بالكامل لهيونداي شركة في تحسن مستمر و بقالها كام سنة عاملة شغل كويس .... يعني موديل ٢٠٠٩ أكيد أحسن من ٢٠٠٦ و ٢٠٠٦ أكيد أحسن من ٢٠٠١

- في الفئة ديه انصح بالراف فور من تويوتا .... أو النيسان مورانو أو الهوندا CRV

تحياتي يا باشا

شارك هذه المشاركه


رابط المشاركه
شارك

الموديل الجديد من التويوتا البريوس نزل كندا ...البريوس أسطورة في عالم العربيات الهجين و أكتر عربية هجين باعت في العالم

2010_toyota_prius_leak_001_1-1015-6.jpg

الموديل الجديد فيه أكتر من ١٠٠ براءة اختراع منها ألواح للاستفادة من الطاقة الشمسية متركبة في فتحة السقف غير كماليات وهمية زاي ال-Parking assisst .....العربية بتركن لوحدها يعني :lol:

الرابط ده فيه معلومات و صور و interactive

Prius- Canada

و ده رابط الويكيبيديا عن العربية

Prius - Wikipedia

السؤال بقي ...امتي حنشوف العربيات الهجين في الشرق الاوسط ..... خصوصا في مصر ...كلنا عارفين إن احتياطات البترول في تناقص مستمر ....حنستني قد إيه قبل ما نفكر في البديل ...مجرد سؤال :roseop:

شارك هذه المشاركه


رابط المشاركه
شارك
الموديل الجديد من التويوتا البريوس نزل كندا ...البريوس أسطورة في عالم العربيات الهجين و أكتر عربية هجين باعت في العالم

2010_toyota_prius_leak_001_1-1015-6.jpg

الموديل الجديد فيه أكتر من ١٠٠ براءة اختراع منها ألواح للاستفادة من الطاقة الشمسية متركبة في فتحة السقف غير كماليات وهمية زاي ال-Parking assisst .....العربية بتركن لوحدها يعني :h!!!h:

الرابط ده فيه معلومات و صور و interactive

Prius- Canada

و ده رابط الويكيبيديا عن العربية

Prius - Wikipedia

السؤال بقي ...امتي حنشوف العربيات الهجين في الشرق الاوسط ..... خصوصا في مصر ...كلنا عارفين إن احتياطات البترول في تناقص مستمر ....حنستني قد إيه قبل ما نفكر في البديل ...مجرد سؤال :h!!!h:

ميسيو هشام باشا تو فا بيا?

الكماليات الوهمية موجودة من قديم الازل وصاحب الاختراع مصرى بس للاسف نسى يسجل براء الاختراع والدليل اهو

http://www.youtube.com/watch?v=Evm4mBHZkUQ&hl=fr

شارك هذه المشاركه


رابط المشاركه
شارك
الموديل الجديد من التويوتا البريوس نزل كندا ...البريوس أسطورة في عالم العربيات الهجين و أكتر عربية هجين باعت في العالم

2010_toyota_prius_leak_001_1-1015-6.jpg

الموديل الجديد فيه أكتر من ١٠٠ براءة اختراع منها ألواح للاستفادة من الطاقة الشمسية متركبة في فتحة السقف غير كماليات وهمية زاي ال-Parking assisst .....العربية بتركن لوحدها يعني :h!!!h:

الرابط ده فيه معلومات و صور و interactive

Prius- Canada

و ده رابط الويكيبيديا عن العربية

Prius - Wikipedia

السؤال بقي ...امتي حنشوف العربيات الهجين في الشرق الاوسط ..... خصوصا في مصر ...كلنا عارفين إن احتياطات البترول في تناقص مستمر ....حنستني قد إيه قبل ما نفكر في البديل ...مجرد سؤال :h!!!h:

ميسيو هشام باشا تو فا بيا?

الكماليات الوهمية موجودة من قديم الازل وصاحب الاختراع مصرى بس للاسف نسى يسجل براء الاختراع والدليل اهو

http://www.youtube.com/watch?v=Evm4mBHZkUQ&hl=fr :h!!!h:

بس خت بالك من الرينو اصلى فابريكا برة وجوة

تم تعديل بواسطة nizza la bella

شارك هذه المشاركه


رابط المشاركه
شارك
ميسيو هشام باشا تو فا بيا?

الكماليات الوهمية موجودة من قديم الازل وصاحب الاختراع مصرى بس للاسف نسى يسجل براء الاختراع والدليل اهو

http://www.youtube.com/watch?v=Evm4mBHZkUQ&hl=fr

:happy:

بيا يا سينيور.... جراس ا ديو

فينك يا باشا مختفي بقالك شوية :phar:

الكليب جامد جدا يا سنيور ...... الحاجة أم الأختراع ......رينو ساينج انما إيه كاستوميزد .....بس بصراحة و من غير هزار برافو عليه و أكيد ما كلفتش زاي السينسورز و الكمبيوتر بتاع البريوس و قبلها الأنفينيتي

تحياتي يا باشا :rolleyes:

شارك هذه المشاركه


رابط المشاركه
شارك
ميسيو هشام باشا تو فا بيا?

الكماليات الوهمية موجودة من قديم الازل وصاحب الاختراع مصرى بس للاسف نسى يسجل براء الاختراع والدليل اهو

http://www.youtube.com/watch?v=Evm4mBHZkUQ&hl=fr

:happy:

بيا يا سينيور.... جراس ا ديو

فينك يا باشا مختفي بقالك شوية :phar:

الكليب جامد جدا يا سنيور ...... الحاجة أم الأختراع ......رينو ساينج انما إيه كاستوميزد .....بس بصراحة و من غير هزار برافو عليه و أكيد ما كلفتش زاي السينسورز و الكمبيوتر بتاع البريوس و قبلها الأنفينيتي

تحياتي يا باشا :rolleyes:

موجودومتابع اخبار مزيكا زرع الحلل :lol:

بس بحكم انى قريب من البلاج بعد الشغل بنزل على الصيد wst::

وعلى طول متابع المحاوارات

بس البريوس عربية فخمة

موجودة هنا محرك ديزل TDI

بس انت عارف ان اغلب الاوروبين بيفضلو المحركات الجاز(الديزل)

اولا عمر المحرك الديزل اطول من البنزين

استهلاك المحرك الديزل اقل من البنزين

سعر الديزل99 سنت

سعر البنزين 1,25

بالنسبة لى سؤالك

امتي حنشوف العربيات الهجين في مصر?

دة اسمو كلام يا دكتور :o

مش لما يعملو شبكة طرق محترمة

ونبطل غش فى خلط البنزين مع السولار اللى بيجيب اجل الماتور

طب سوال بجد اراهن انك لو ركنت العربية ساعتين هاترجع مش هتلاقى الالواح الشمسية :D :D

مش انت اللى تقول كدة يا دكتور

تحياتى يا باشا :happy:

تم تعديل بواسطة nizza la bella

شارك هذه المشاركه


رابط المشاركه
شارك

السلام عليكم و رحمة الله و بركاته

و كل عام و جميعكم و جميع المسلمين بخير و صحة و سلامة بمناسبة شهر رمضان المبارك , أعاده الله عليكم بالخير و اليمن و البركات و ان شاء الله السنة اللى جاية نكون سوا فى عمرة رمضان

أنا عن نفسى فرحت جدا لما عرفت أن الموديل الجديد من

Jaguar XJ8

نزل و دة شكله مختلف تماما عن الشكل اللى كان قبل كدة و بالتالى السعر بتاع الشكل القديم هينزل كتيييييييير لدرجة ان أنا ممكن أشترى واحدة

دة موقع فيه الشكل الجديد و عى فكرة الموقع دة ممتاز للى غاوى يحط صور عربيات على سطح المكتب بتاع الكومبيوتر

http://www.netcarshow.com/jaguar/2010-xj/

و دة بقى الشكل اللى فات و اللى انا نفسى أشتريه ان شاء الله

http://www.netcarshow.com/jaguar/2008-xj/

و الموقع دة هيقولوكوا قد ايه السيارة دى رخيصة بالنسبة لأنها جاجوار

http://www.autotrader.com/fyc/searchresult...m=1249450145470

و خلو بالكوا , العربيات دى كلها Certified Cars

يعنى مضمونة ميه بالميه

أما لو مش فارقة معاك أنها تكون Certified Cars فممكن تاخد واحدة من دول هتلاقيها أرخص بتاع 7000 دولار أمريكى

http://www.autotrader.com/fyc/searchresult...incremental=All

و شكرا لكل من صبر و جاهد و قرأ رسالتى المتواضعة

اخوكم / مرسيدس

شارك هذه المشاركه


رابط المشاركه
شارك
موجودومتابع اخبار مزيكا زرع الحلل :lol:

بس بحكم انى قريب من البلاج بعد الشغل بنزل على الصيد :lol:

وعلى طول متابع المحاوارات

بس البريوس عربية فخمة

موجودة هنا محرك ديزل TDI

بس انت عارف ان اغلب الاوروبين بيفضلو المحركات الجاز(الديزل)

اولا عمر المحرك الديزل اطول من البنزين

استهلاك المحرك الديزل اقل من البنزين

سعر الديزل99 سنت

سعر البنزين 1,25

بالنسبة لى سؤالك

امتي حنشوف العربيات الهجين في مصر?

دة اسمو كلام يا دكتور :lol:

مش لما يعملو شبكة طرق محترمة

ونبطل غش فى خلط البنزين مع السولار اللى بيجيب اجل الماتور

طب سوال بجد اراهن انك لو ركنت العربية ساعتين هاترجع مش هتلاقى الالواح الشمسية :D :D

مش انت اللى تقول كدة يا دكتور

تحياتى يا باشا :closedeyes:

يا أفندم تنورني في أي موضوع ....متابعتك تسعدني يا باشا :sad:

معاك إن العربيات بتتبهدل في مصر لكن مش لازم نجيب البريوس اللي بالواح شمسية يعني .....نجيبها من غير كماليات حتي زاي بقية العربيات اللي الوكلاء بيشيلوا الكماليات منها ....انما في ظل تناقص احتياطات البترول مش بس في مصر ...في دول عدة في الشرق الاوسط السعيد كنت فاكر يعني مفروض نقتصد شوية

بس سيبك من ده يا باشا سعادتك بتصتاد إيه بالظبط من البحر أوعي يكون من الكوت دازور ;)

شارك هذه المشاركه


رابط المشاركه
شارك
السلام عليكم و رحمة الله و بركاته

و كل عام و جميعكم و جميع المسلمين بخير و صحة و سلامة بمناسبة شهر رمضان المبارك , أعاده الله عليكم بالخير و اليمن و البركات و ان شاء الله السنة اللى جاية نكون سوا فى عمرة رمضان

أنا عن نفسى فرحت جدا لما عرفت أن الموديل الجديد من

Jaguar XJ8

نزل و دة شكله مختلف تماما عن الشكل اللى كان قبل كدة و بالتالى السعر بتاع الشكل القديم هينزل كتيييييييير لدرجة ان أنا ممكن أشترى واحدة

................................................

يا باشا ربنا يديلك كل اللي نفسك فيه ....خللي بالك بس العربيات المستعملة مصاريفها كتير ...انما الحقيقة ما دمت بتحب العربية قوي كده لو كنت مكانك كنت برضه و لا همني :roseop:

رمضان كريم يا باشا و كل سنة و إنت طيب ....قريب بقي غير اسمك من مرسيدس لجاجوار :roseop:

شارك هذه المشاركه


رابط المشاركه
شارك

بمناسبة البريوس جي ام بتسابق الزمن لاصدار الشيفرولية فولت .... واحدة من العربيات اللي عليها الأمل تطلع جي إم من عثرتها .....مفروض العربية حتعمل ١٠٠ كم في الليتر (الرقم صحيح يعني ٢٠٠٠ كم في الصفيحة ....ألفين كيلو داخل المدينة لكل ٢٠ لتر بنزين ) و خلينا احنا بقي في الفيرنا أحسن و لا الافيو :rolleyes:

gm-chevrolet-volt-01.jpg

شارك هذه المشاركه


رابط المشاركه
شارك

انا بقى حكيتى مع السيارات حكاية

اول سيارة اشترتها فى السعودية 2006 بعد ماشترتها طلعت عاملة حادثة فظيعة وصاحبها اللى عامل بيها الحادثة طلع بلدياتى وحكالى قصتها ولمين بها واللى راحت عندة عملت اية فتشئمت منها وبعتها ورحت اشتريت غيرها بس المرة دى انا اللى عملت بيها الحادثة بنفسى وخلتها متسويش هللة والمرور كتب فى المحضر تشليح والميكا نيكية قالو مش هتتصلح وانا اصريت انى اصرف عليها واصلحها تانى علشان محسش بالذنب بس هو ذنب السيارة الاولنية اللى بعتها بسبب حاثة ملهاش يد فيها

المهم انا الوقت نفسى اشترى هامر ومصمم مانزلش مصر الا بهامر ومأخر نزولى سنة علشان الهامر بس الناس مخوفانى منها ومن مصارفها

شارك هذه المشاركه


رابط المشاركه
شارك
1l1eivaz4.jpg

ميسيو هشام حتيتين فيراري من كان

يا عربياتك يا كان :D

بس مين ستيفاني اللي القصر منسوب ليها ده ....و كله كوم و العربية السمارت اللي زنقها نفسها ورا الفيراري :D

مل ميرسي يا مونبيه wst::

شارك هذه المشاركه


رابط المشاركه
شارك
انا بقى حكيتى مع السيارات حكاية

اول سيارة اشترتها فى السعودية 2006 بعد ماشترتها طلعت عاملة حادثة فظيعة وصاحبها اللى عامل بيها الحادثة طلع بلدياتى وحكالى قصتها ولمين بها واللى راحت عندة عملت اية فتشئمت منها وبعتها ورحت اشتريت غيرها بس المرة دى انا اللى عملت بيها الحادثة بنفسى وخلتها متسويش هللة والمرور كتب فى المحضر تشليح والميكا نيكية قالو مش هتتصلح وانا اصريت انى اصرف عليها واصلحها تانى علشان محسش بالذنب بس هو ذنب السيارة الاولنية اللى بعتها بسبب حاثة ملهاش يد فيها

المهم انا الوقت نفسى اشترى هامر ومصمم مانزلش مصر الا بهامر ومأخر نزولى سنة علشان الهامر بس الناس مخوفانى منها ومن مصارفها

أولا أهلا و سهلا بحضرتك و ألف حمد الله علي السلامة ...ربنا يكفينا جميعا شر الحوادث

هامر في مصر ..... لو نفسك فيها قوي ماشي غير كده حتبقى خسران علي طول الخط

بيني و بينك هي شوارع القاهرة محتاجة هامفي مش بس هامر :D

شارك هذه المشاركه


رابط المشاركه
شارك

السلام عليكم و رحمة الله و بركاته

و كل عام و انتم بخير بمناسبة شهر رمضان الكريم

عدم المؤاخذة من غير مقاطعة

أنا شايف أن الهامر عربية ممتازة و أنها تستحق العناء بس مش أوى لأنها مش غالية أوى يعنى , يعنى لو أنت غاوى أوى زى ما أنا غاوى الجاجوار اكس جى 8 , ممكن تخطف رجلك لأمريكا تجيب واحدة و تيجى و أهى تبقى مضمونة برضك و بالمرة تقضيلك يومين حلوين , بس لازم تجيبها موديل 2005 فما فوق عشان تترخص فى السعودية , أكيد أحضرتك عارف القوانين الجديدة اللى فى السعودية

و كمساهمة منى خد اللينك دى عندك , هتلاقى فيها حاجات تشيب و المصيبة أنها كلها موديل 2006 و انت طالع و ربنا يوفقك و يكرمك

http://www.autotrader.com/fyc/searchresult...ark_id=18699586

و السلام ختام

شارك هذه المشاركه


رابط المشاركه
شارك

السلام عليكم و رحمة الله و بركاته

ايه يا جماعة عدم المؤاخذة , هو أنا وشى بيقطع الخميرة من البيت ولا ايه

الرد اللى فات دة انا كتبته من اسبوع و ماحدش كتب حاجة بعد منى ليه؟؟؟

مش معقولة تكونوا كلكم ثقافتكم لغات اجنبية و لا يكونى قرار الاستخدام العادل بتاع الانترنت اللى اتطبق فى مصر وصلكم و هيتطبق عندكم انتوا كمان .

ان شالله يكون المانع خير

تقعدوا بالعافية

شارك هذه المشاركه


رابط المشاركه
شارك
السلام عليكم و رحمة الله و بركاته

و كل عام و انتم بخير بمناسبة شهر رمضان الكريم

عدم المؤاخذة من غير مقاطعة

أنا شايف أن الهامر عربية ممتازة و أنها تستحق العناء بس مش أوى لأنها مش غالية أوى يعنى , يعنى لو أنت غاوى أوى زى ما أنا غاوى الجاجوار اكس جى 8 , ممكن تخطف رجلك لأمريكا تجيب واحدة و تيجى و أهى تبقى مضمونة برضك و بالمرة تقضيلك يومين حلوين , بس لازم تجيبها موديل 2005 فما فوق عشان تترخص فى السعودية , أكيد أحضرتك عارف القوانين الجديدة اللى فى السعودية

و كمساهمة منى خد اللينك دى عندك , هتلاقى فيها حاجات تشيب و المصيبة أنها كلها موديل 2006 و انت طالع و ربنا يوفقك و يكرمك

http://www.autotrader.com/fyc/searchresult...ark_id=18699586

و السلام ختام

و عليكم السلام و رحمة الله و بركاته يا باشا

كلام جميل بس ما تنساش يا باشا إن جينرال موتورز تخلت عن هامر تماما .....هامر من أكتر العربيات اللي فشلت ...علي الأقل تسوقيا ....معدلات البيع المنخفضة للغاية مع مشاكل العربية الكتير دفعت GM دفعا للتخلص منها ....كان فيه كلام إنها حتتباع لشركة هندية بس ما أعرفش صراحة الموضوع وصل لايه ....زاد الطين بلة بقي إن جينرال موتورز الجديدة (بعد إعلان افلاس جينيرال موتورز رجعت تاني علي انها شركة جديدة !!) أعلنت تملصها من أي مسئولية كانت علي جينرال موتورز القديمة فيما يتعلق الصيانة أو قطع الغيار أو عيوب التصنيع بتاعة الموديلات اللي تخلصت منها .....يعني مفروض يحطوا علي العربيات ديه تحذير ....شراء العربية مسئولية كل مشتري :sad:

الطريف بقي إن المواطن شوارزنجر باعتباره حاكم كاليفورنيا حول العربيات الهامر اللي بيمتلكها لعربيات صديقة للبيئة تدار بالاثانول علشان يعرف يحتفظ بيها في كالفورنيا بعد قوانين البيئة الأخيرة اللي بتمنع العربيات ذات استهلاك بنزين عالي

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • أخوكم محتاس..و عمال يفكر..حد بيفهم في العربيات هنا؟

      أخوكم محتاس معايا ييجي 500 ريال..و عاوز أجيب عربية جديدة لانج..شفت شوية الاعلانات دي..و بصراحة محتار عربية جديدة من الوحش..عبد اللطيف جميل..حوت التويوتا في السعودية يا سيدي علي المرسيدس ولا نخلينا في الجيب ولا الدودج؟ ولا نخلينا في دي؟؟ ووعد مني..بعد ما نشتري العربية ان شاء الله..ليكوا عندي حفلة باربيكيو فظيعة..و طبعا هتبقي علي حساب أخونا سين سين..وسيحيي الحفل اثنين من ألمع نجوم الفن في العالم العربي ريا و سكينة

      في موضوعات خفيفة

    • كحت العربيّات فى الشارع.....و"هاكّر" النت البارع - منظور جديد....فى أفق المجتمع البشرى

      أستطيع أن أجزم أن تاريخ البشريّه الحديث فى العالم الغربى انقسم الى مرحلة ماقبل الانترنت ومرحلة مابعد الانترنت فلقد أصبحت جميع مظاهر الحياه فى العالم الغربى أون لاين..........كانوا يتسوّقون فى المحال التجاريّه فأصبحوا يتسوقون عبر النت من خلال الأون لاين شوبنج.......كان الطلبه يذهبون للمكتبات العامه للبحث عن المراجع فأصبحوا يقومون بذلك عبر النت.......كان كلب العائله يجرى من فتحته فى باب المنزل منطلقا نحو الحديقه ليحضر الجريده لرب المنزل فأصبح الأخير يقرأها عبر النت , كان الأصدقاء يجتمعون فى منزل

      في موضوعات جادة

×
×
  • اضف...