اذهب إلى المحتوى
محاورات المصريين

مين بيحب العربيات ؟


د هشام ابراهيم

Recommended Posts

أوّلا شكرا جزيلا على الرد المفصّل ده ..

ثانيا فيه حاجه محيّره بالنسبه لى فى موضوع السى سى ده ..

يعنى فيه ناس بتقول مهم تكون العربيه مش أقل من 1600 و ناس تانيه تقول لأ الهورس باور أهم و السى سى مش هو المقياس !! و أنا بصراحه مش فاهمه العلاقه ولا بتتحسب إزّاى و بتتحسّ فى إيه فى أداء العربيه؟

على فكره "فابيا" من "سكودا" كانت على رأس ترشيحاتى فعلا بس فيه ناس حذّرونى من صعوبة الحصول على قطع غيار لها و لهذا فكّرت فى "الفيات" لأنّها منتشره أكتر حسب تصوّرى ..

طيب سؤال كمان معلش .. هى مش "الجولف" قريبة "البولو" و تنتجهم نفس الشركه؟ بل أن هناك من يقول أن "جولف" تمّ تطويرها إلى "بولو" فهل "جولف" مش بتتصنّع فى "الصين" زى "البولو"؟

العفو يا أفندم .....بصي حضرتك

١ - السعة اللترية للموتور هي قياس لحجم الموتور ...يعني لو فرضنا إن السعة ٢٠٠٠ سي سي يبقى لو الموتور شبهناه بصندوق يبقى ينفع نملاه ٢٠٠٠ سي سي أو ٢ لتر يعني .....في الحقيقة الصندوق بيبقى متقسم لحجرات و السعة ديه متقسمة عليهم ......الحجرات ديه بيسموها سلندرات فيه عربيات ٣ سلندر و فيه أربعة و ستة و تمانية و ١٢

الهورس باور ده قياس لقوة الموتور ...( قياس تاني هو العزم )

زمان كان كل ما السعة تكبر كل ما القوة تكتر ....مع التكنولوجيا الجديدة و ساعات تعديلات و اضافات عدة ممكن موتور أصغر يطلع قوة أكتر من موتور كبير ...مثال واضح موتور ١٦٠٠ سي سي لعربية موديل ٢٠١٠ أكيد حيطلع هورس باور أكتر من موتور عربية موديل سنة ٧٠ مثلا حتي لو ٢٠٠٠ سي سي

أكتر ناس برعوا في زيادة الهورس باور من المواتير الصغيرة اليابانيين

الهورس باور و العزم بيفرقوا في أداء عربية ....السحب و التسارع .......و مواقف زي طلوع مطلع كوبري و العربية محملة أو جر عربية أو السحب مع تشغيل التكييف

في نفس الوقت كل ما السي سي زاد استهلاك البنزين بيزيد ....برضه اليابانيين أفضل ما ينتجوا مواتير اقتصادية

٢- أغلب العربيات الحديثة قطع غيارها مش متوفرة إلا في التوكيل ..... الفيات الجديد برضه كده ....السيات و الاسكودا و الفولكس شرحه

كل ما العربية بتنتشر كل ما ممكن تلاقي قطع غيارها بره التوكيل ....أكتر مثال لكده اللانسر ...لأنها منتشرة جدا و لان فيه ناس كتير بيجيبوها من بره بجانب التوكيل قطع الغيار موجودة في كل حتة

الفيات القديم هو اللي قطع غياره متوفرة في كل حتة ....ال-١٢٨ مثلا ....ديه تلاقي قطع غيارها عند البقال :D ....

٣- الجولف فئة أعلي و أكبر و أغلي من البولو ....و لحد دلوقتي ما بتتصنعش بره ألمانيا علي حد معلوماتي

هي بس موديلات العربيات بتكبر يعني بولو موديل ٢٠١٠ حتلاقيها أكبر من جولف موديل ١٩٧٥ مثلا ....لكن لو جبتي جولف ٢٠١٠ جنب بولو ٢٠١٠ الفرق واضح

علي فكرة أنا استبعدت كذا عربية علشان فاهم إن حجم العربية مهم و إن حضرتك محتاجة عربية مش صغيرة قوي .....علي رأسهم الدايهاتسو سريون ....عربية هايلة بس ما فيهاش مكان لشنط في حالة السفر إلا لو طويتي الكنبة الخلفية .....يعني لا شنط لا ركاب ;)

Her şey kişisel bir

رابط هذا التعليق
شارك

العفو يا أفندم .....بصي حضرتك

١ - السعة اللترية للموتور هي قياس لحجم الموتور ...يعني لو فرضنا إن السعة ٢٠٠٠ سي سي يبقى لو الموتور شبهناه بصندوق يبقى ينفع نملاه ٢٠٠٠ سي سي أو ٢ لتر يعني .....في الحقيقة الصندوق بيبقى متقسم لحجرات و السعة ديه متقسمة عليهم ......الحجرات ديه بيسموها سلندرات فيه عربيات ٣ سلندر و فيه أربعة و ستة و تمانية و ١٢

الهورس باور ده قياس لقوة الموتور ...( قياس تاني هو العزم )

زمان كان كل ما السعة تكبر كل ما القوة تكتر ....مع التكنولوجيا الجديدة و ساعات تعديلات و اضافات عدة ممكن موتور أصغر يطلع قوة أكتر من موتور كبير ...مثال واضح موتور ١٦٠٠ سي سي لعربية موديل ٢٠١٠ أكيد حيطلع هورس باور أكتر من موتور عربية موديل سنة ٧٠ مثلا حتي لو ٢٠٠٠ سي سي

أكتر ناس برعوا في زيادة الهورس باور من المواتير الصغيرة اليابانيين

الهورس باور و العزم بيفرقوا في أداء عربية ....السحب و التسارع .......و مواقف زي طلوع مطلع كوبري و العربية محملة أو جر عربية أو السحب مع تشغيل التكييف

في نفس الوقت كل ما السي سي زاد استهلاك البنزين بيزيد ....برضه اليابانيين أفضل ما ينتجوا مواتير اقتصادية

٢- أغلب العربيات الحديثة قطع غيارها مش متوفرة إلا في التوكيل ..... الفيات الجديد برضه كده ....السيات و الاسكودا و الفولكس شرحه

كل ما العربية بتنتشر كل ما ممكن تلاقي قطع غيارها بره التوكيل ....أكتر مثال لكده اللانسر ...لأنها منتشرة جدا و لان فيه ناس كتير بيجيبوها من بره بجانب التوكيل قطع الغيار موجودة في كل حتة

الفيات القديم هو اللي قطع غياره متوفرة في كل حتة ....ال-١٢٨ مثلا ....ديه تلاقي قطع غيارها عند البقال :D ....

٣- الجولف فئة أعلي و أكبر و أغلي من البولو ....و لحد دلوقتي ما بتتصنعش بره ألمانيا علي حد معلوماتي

هي بس موديلات العربيات بتكبر يعني بولو موديل ٢٠١٠ حتلاقيها أكبر من جولف موديل ١٩٧٥ مثلا ....لكن لو جبتي جولف ٢٠١٠ جنب بولو ٢٠١٠ الفرق واضح

علي فكرة أنا استبعدت كذا عربية علشان فاهم إن حجم العربية مهم و إن حضرتك محتاجة عربية مش صغيرة قوي .....علي رأسهم الدايهاتسو سريون ....عربية هايلة بس ما فيهاش مكان لشنط في حالة السفر إلا لو طويتي الكنبة الخلفية .....يعني لا شنط لا ركاب ;)

بجد حضرتك فيك شئ لله و بتعلّم على كل الموديلات اللىّ كانت فى بالى ..

يعنى الأوّل اتكلّمت عن ال "فابيا" و بعدين عن "السيريون" .. فعلا كنت معجبه بيها جدّا و سعرها هى و "الفابيا" كانوا داخل نطاق السعر اللىّ حددته و ماركات تعتبر محترمه يعنى بس مش عاوزه العربيه تبقى ضيّقه لو كانت تحمل عدد الركّاب كاملا و حسّيت إن الفيات أكبر من "الفابيا" و "السيريون" و فى نفس الوقت فيها مكان معقول للشنط

طيب هل ينطبق على الصيانه و التصليح ما ينطبق على قطع الغيار؟ يعنى زى ما قطع الغيار مش هنلاقيها غير فى التوكيل الصيانه و التصليح كمان؟ وهل ده عامل يفرق عند اختيار العربيه موضوع صعوبة أو سهولة تحديد أعطالها

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

طيب بما إنّك جبت سيرة "النيسان" فيه "نيسان" تيدا هاتشباك بس مش عارفه ليه شكلها مش مريّحنى و شايفاها متوحّشه كده و أنا رأيى إن لازم الواحد يكون بيحب عربيته و معجب بيها مش يشتريها مصلحه و خلاص يعنى يشتريها بعقله و قلبه مع بعض مش بس قرار عقلى بحت .. :D

..........................

صحيح أخبار "الشيفروليه" إيه يا جماعه فيه "أوبترا" هاتشباك بردو .. بس بردو نفسيا فيه حاجز بينى و بين "الشيفروليه" كماركه بشكل عام مش عارفه ليه :D

صحيح الطمع قلّ ما جمع بس مايمنعش نعرف الفرق بين الاتنين .. يعنى إيه كروس أوفر !! أصلى كنت باتعامل معاها فعلا باعتبارها هاتشباك :lol:
طيب بمناسبة الإلانترا "عامله شغل جامد فى مصر بالمناسبه" .. هل يمكن مقارنة الهيونداى I30 بها ولاّ دى سكّه و دى سكّه تانيه خالص؟ :D أنا هاكتفى بهذا القدر من الأسئله لحد السنه الجايّه ;)

على فكره ده موقع بيعرض بعض التقييمات لأنواع مختلفه من العربيات .. أهم شئ كنت باستفيد بيه من الموقع رؤية العربيه من خلال الصور و الفيديوهات اللىّ بيعرضها الموقع لها بالإضافه للتقييم من مختلف النواحى بس الصراحه مش دايما كنت بافهم ..

whatcar

النيسان تيدا عربية هايلة ما فيش كلام و توكيلها في مصر معقول جدا .... يمكن ٦ من ١٠ مثلا ....لكن السعر حيبقى أكتر من ١٠٠ ألف ..... في حدود ١٢٠ .... فيه كتير ما بيعجبهمش شكلها الخارجي ....لولا اختلاف الأذواق :D

الشيفروليه اوبترا و افيو عربيات كوري .....دايو عليهم علامة شيفروليه .... الأوبترا هي هي النوبيرا بس الموديل الأحدث

الكروس أوفر فئة من السيارات تجمع ما بين مزايا فئات تانية كتير ...لا هي هاتش باك و لا سيدان و لا فان و لا SUV بس فيها من كل دول .... الهيونداي ماتريكس ....الكرايسلر باسيفيكا .... الفولكس تجوان و فوكس ....و حتي الدايهاتسو تيريوس .....و غيرهم كلهم نفس الفئة بس احجامهم مختلفة

الهيونداي I30 هاتشباك و موديل جديد و كويس بس كوري و التوكيل غبور انما صراحة هايلة برضه و فيها كتير من ميكانيكا و تقنيات الانترا

عيب المواقع الاجنبية إن موديلات العربيات اللي بتنزل مصر بتختلف في المواصفات و الكماليات من العربيات اللي بتنزل بره

تحياتي يا أفندم

Her şey kişisel bir

رابط هذا التعليق
شارك

بجد حضرتك فيك شئ لله و بتعلّم على كل الموديلات اللىّ كانت فى بالى ..

يعنى الأوّل اتكلّمت عن ال "فابيا" و بعدين عن "السيريون" .. فعلا كنت معجبه بيها جدّا و سعرها هى و "الفابيا" كانوا داخل نطاق السعر اللىّ حددته و ماركات تعتبر محترمه يعنى بس مش عاوزه العربيه تبقى ضيّقه لو كانت تحمل عدد الركّاب كاملا و حسّيت إن الفيات أكبر من "الفابيا" و "السيريون" و فى نفس الوقت فيها مكان معقول للشنط

طيب هل ينطبق على الصيانه و التصليح ما ينطبق على قطع الغيار؟ يعنى زى ما قطع الغيار مش هنلاقيها غير فى التوكيل الصيانه و التصليح كمان؟ وهل ده عامل يفرق عند اختيار العربيه موضوع صعوبة أو سهولة تحديد أعطالها

يا ريت :D .... بس الحقيقة حضرتك وضحتي معطيات البحث فسهلتي المهمة .....عربية في مصر ...هاتشباك ....في حدود ١٠٠ ألف ....ماركة محترمة .... تكييف و أوتوماتيك ....مش كوري ....حجمها مناسب ل ٤ ركاب و شنطة

الجراند بونتو أكيد أكبر من السيريون بس مش متأكد انها أكبر من الفابيا ....بصي مرة تانية .....الفابيا أطول و أعلي من الجراند .....البونتو أعرض

بالفعل ..كلام قطع الغيار ينطبق علي الصيانة و الأصلاح ...بالذات في فترة الضمان ...موديلات كتير قوي بيسقط الضمان لو حد غير التوكيل لمسها حتي .....كمان التكنولوجيا الموجودة في أغلب العربيات الحديثة بتبقى صعبة علي الميكانيكين التقليدين يعني حتي بعد الضمان لا إما توكيل لا إما مركز خدمة لا إما ميكانيكي كان في التوكيل و فتح ورشة ...غير كده العربية عرضة لاي حد يفتي و يبوظ فيها و دول كتير قوي ..... طبعا الحاجات البسيطة زي تغيير الزيت و الفلاتر بقية الصيانة العادية بتبقى سهلة انما الكلام علي التصليح و الأعطال خصوصا الكهربا و أي حاجة ليها علاقة بالكمبيوتر

Her şey kişisel bir

رابط هذا التعليق
شارك

هيبقى فى "مصر الدديده"

هو حضرتك أصلا من "دردا"؟ ;)

شوفى يا أستاذتنا الفاضلة:

التويوتا وصى بها الحكيم لقمان!

فى ال35 سنة اللى عيشتهم فى كندا جربت عربيات كثيرة و كانت كلها فيها مشاكل لغاية ما قررت إنى أجرب التويوتا: إشتريت كورولا موديل 1995 و لسة ماشية لغاية دلوقت (إديتها لإبنى من 5 سنين و عليها ريع مليون كيلومتر)

الكورولا إستعملتها 3 سنين فى شمال كندا - فى جو قاسى جدا كانت درجة الحرارة بتحصل 50 تحت الصفر - و بالرغم من كدة ما كانش عندى أى مشاكل معاها فى الوقت اللى العربيات الأمريكانى (بتاعة الشغل) كانت فى أوقات كثيرة مش بتدور.

(يعنى لو الشغل بتاع سعادتك حينقل فى شمال كندا فى المستقبل فالأمريكانى مش recommended :D )

م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه

اللهم إنى أستغفرك من كل عقد عقدته لك ثم لم أوف لك به

اللهم إنى أستغفرك من كل نعمة أنعمت بها على فقويت بها على معصيتك

اللهم إنى أستغفرك من كل عمل عملته لوجهك خالطه ما ليس لك

رابط هذا التعليق
شارك

- فى جو قاسى جدا كانت درجة الحرارة بتحصل 50 تحت الصفر -

ده على اساس إن فيروزه هاتجيب عربية أيس كريم وتسرح بيها ؟

إيه يا أونكل مكسوف ... إنت تغيب تغيب وترجع تتكمل عن حاجات غريبه ؟

عارف إن الفرق بينا وبينكم 100 درجة مئوية بمقياس ريختر ؟ آه والله

ساعات أبص في الترموتر الاقي درجة الحرارة 50 وخلاص وشي قرب يستوي ومستني بس الراجل بتاع الشاورما ييجي بماكينه الحلاقة يقشط شويه ويحطهم في رغيف ...

لا يا عم .. أنا أستحمل الشاورما ولا استحملش الديبلي أيس كريم ده ...

50 تحت الزيرو .. يا نهار يا ولاد !!!! ده أنا كنت اسقع وولا تكفيني بطاطين الدنيا كلها ... وكمان ده الواحد محتاج يشرب برميل فودكا في اليوم عشان بس يقول أنا حلو وأتدفيت ...

بس أنا أقترح على فيروز إنها لو راحت حته زي دي .. يبقى تشتري زلاجه و4 كلاب بلدي من اللي ماليين الشوارع عندنا

بلا ينزين 80 وتوكيل ورفارف وحاجات من دي

فيروز ..( . كلمة على جنب الله يكرمك )

عندي زلاجه إستعمال إسكيمو ..

والـ Dog Power بتاعتها 4 بوبيهات

أنا مسميها نورماندي ..

اللهم صلي عالنبي بتمشي عالتلج .. وعالحيط .. وساعات يتركب لها جوانح وتطير بس مونيها ريد يول

أنا طالب فيها 5 باكو مقفولين عشان خاطرك والله

ومع الكلاب باتكلم في 8 باكو ...

النص دلوقت

والباقي بعد ما تسافري وتجربيها وتتزحلقي براحتك ...

قولي أنا جايه يا معلم سين سين وربنا بيارك لك ؟

خدي فكرة عن الزلاجه أهي ... وخلي بالك الراجل اللزج اللي بيتزلج ده كان باشا سابق ومحافظ عليها زي عينه وبيصرف عالكلاب بسخاء

32039.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

والله انا كنت عايز اخد رايكم انا عايز اجيب الالنترا 2009 والحق اجيبها واستفيد بخصم سنه الصنع و كمان 5% عن كل سنه

قولت لنفسى بدل مشترى عربيه مستعمله وتكون كويسه هتجيبلها 25-30 الف - طيب المبلغ ده ادفعه فى حته هيونداى النترا

والباقى على سنتين وتبقى ذى الفل - وعلى الاقل مواصفاتها وعربيه بتاعت شغل - وبانت قوى هنا فى السعوديه كل اليموزينات قلبت من

نويوتا للهيونداى وهى 1600 فول اوبشن

مع انى هتجنن على حته تويوتا RAV4 or fortuner

بس اعمل ايه فى الجمارك الى هتاخد عليها 135%

وهترخصهالى اتوبيس

المهم اجيب الالنترا من هنا واقعد بيها الكام سنه دول وانزل بيها ولا ايه ؟

يعين إيه الباقي على سنتين يا سيد بيه ؟

قصدك هاشتريها إيجار ينتهي بالتميلك ؟

يبقى إنت كده مش مالك أول ومش هاينفع تسجلها في السفارة

لإن لازم تكون مالك اول ... يعني تكون مسدد كاش

أو شاريها إيجار ينتهي بالتمليك وشركتك ضمناك وهي اللي موقعه على وصلات الأمانه

او حد سعودي موظف حكومي يكون ضمانك

كده شركة السيارات تسجلها بإسمك عادي

ولو سجلتها في السفارة قبل شهر 10 بتاخد وإنت واقف 10 % خصم عالجمارك ( بس تكون شاريها في نفس سنة الصُنع ... يعني في سنة 2009 تبقى موديل 2009 )

وكل سنة بتقعدها بتاخد 5 % خصم زيادة بحد أقصى 50 % وعدد سنوات 10 سنين ... يعني بالبلدي تقعد بيها 8 سنين تستفيد بخمسين في الميه ... وسنتين بعديهم من غير خصم ...

إتوكل عالله وهاتها ... أنا كنت هاتججن عليها .. وشكلها من جوه عامل زي الطيارة وبقت حاجه فيخمه قوي ... لكن بيني وبينك واحد صديقي المدير المالي لشركة كبيرة لتأجير السيارات قال لي على المدي البعيد يبقى فكر في حاجه جامده وكرهني فيها ..

لكن لو مقتنع يبقى اشتريها كاش او بالطرق اللي قلت لك عليها ...

ومتع نفسك بلذة وجمال الزيرو .... ولما تيجي نازل مصر يبقى يحلها الحلال ...

وتوكيل هيونداي هنا 100 %

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

على فكرة ال (كيا برايد) عربية ممتازة جدا

ناعمة في السواقة واقتصادية وحمّالة أسيّة وقطع غيارها رخيصة كمان

كانت مريّحاني أوي في مصر , وسافرت بيها أماكن كثيرة وما اشتكتش خالص

بس أنا ما شوفتهاش هنا في السعودية ولا مرّة, يا ترى إيه السبب؟؟

وهل في منها موديلات جديدة في مصر؟؟

وآدي أحلى صورة للكيا البرايد

29360760.jpg

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

ايه العربية دي ياعم سهل ، وكمان بتقول دي أحلى صورة !!!! يعني في أوحش من كده wst::

دي شبه صفائح سمنة روابي ،،،،

دي يادوب تتعمل ميدالية ،،، أول مرة أشوف فتحة تانك البنزين جوه الباب الخلفي اللي مش موجود أصلاً ،، يعني لو حد قاعد ورا مولع سيجارة :wub: يبقى ( تعيش أنت ) :wub: أظن أن ركوب مثل هذه السيارة ( مكروه ،،، والله أعلم wst:: )

شوف بقى السيارات إللي تناسب الأخت ذهبية وغيرها من الأخوة الأفاضل

شيفورليه كروز - سعرها 125000 ج الفول !!!!! اوبشن ،،، 1600 سي سي

3716156528_e68bda9bcf.jpg

3715345947_2d45eb694c.jpg

ودي صورة من الداخل

3715342655_0fee58df4d_o.jpg

ودي ((( الكيـــا سيراتو - فورتي ))) الجديدة ( هاي لاين ) وسعرها

في متناول محدودي الدخل :sad: ( بـ 125.900 ) فول اوبشن جميع المسائل - 1600 سي سي

3716153196_1c4d164280_o.jpg

ودي صورة من الداخل

3716153438_fe51737c94_o.jpg

أدي العربيات بنت الأصول ،،

وبصراحة أيضا الالنترا حلوة بس المهم يكون حد جربها ويقول لنا أخبارها إيه ،،،،

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك

الأخ ابو ريم انا احترم ايضا العربيات الامريكي

بس دي استحالة تكون مواصفات عربية امريكي خالص وكمان مساحتها من الدخل مفيهاش الرحابة اللي المفروض تكون في الامريكي

الامريكي يبدأ السي سي بتاعه من 3000 اول مرة اسمع عن عربية امريكي 1600 سي سي

مش عارف ليه حاسس انها عربية لعبة

خرج الثعلب يوما في رداء الواعظين

ومشى في الأرض يهذى ويسب الماكرين

رابط هذا التعليق
شارك

الأخ ابو ريم انا احترم ايضا العربيات الامريكي

بس دي استحالة تكون مواصفات عربية امريكي خالص وكمان مساحتها من الدخل مفيهاش الرحابة اللي المفروض تكون في الامريكي

الامريكي يبدأ السي سي بتاعه من 3000 اول مرة اسمع عن عربية امريكي 1600 سي سي

مش عارف ليه حاسس انها عربية لعبة

عزيزي الكروز ليست أمريكية الصنع ، الشيفروليه كروز هي تصنيع كوري ، وهي لذلك 1600 سي سي ، ولكنها قد تكون سيارة بمواصفات جيدة كما أنني لا أرى أن شكلها سيارة لعبة ( يمكن تقصد الكيا برايد اللي في موضوع الأخ سهل جداً )

وأيضا الكيا فورتي ( كورية الصنع )

طبعا الكوري بما فيه الهونداي بيتميز في ( الشكل الخارجي والداخلي ) بصراحة مبدعين في الشكل

- والسعر أكيد سيكون أرخص من الياباني ،،،

- ولكن أحيانا تجبرك الميزانية على شراء شيء على قد فلوسك وهذا هو أساس الموضوع ، أما لو قارنا بين الياباني والكوري ، فطبعا الياباني يتفوق في الجودة وطول العمر ، وسعر ما بعد البيع، أما الألماني والأمريكي وخلافه ( فهذا موضوع ثاني )

ولكن لا يمنع من وجود سيارات غير يابانية ممكن تعيش وتكون لها مميزات ولكنها لا تخلو من العيوب كالأمثلة التي ذكرها الأخوة في هذا الموضوع.

7looo.comd8cb1a261f.gif

مشكلتهم ليست في الدستور اولا ..ولا في نسبة اعضاء اللجنة التأسيسية ولا في كفاءة المرشح الرئاسي.!!!! كل مشكلتهم هي لا...لكل ما هو اسلامي أولا ، وثانيا ، وثالثا ً، فهم لا يرضون الا بأن يروا كل الاحزاب الاسلامية خلف اسوار السجون..!!

رابط هذا التعليق
شارك

الجراند بونتو أكيد أكبر من السيريون بس مش متأكد انها أكبر من الفابيا ....بصي مرة تانية .....الفابيا أطول و أعلي من الجراند .....البونتو أعرض

طيب معلش سؤال أخير إن شاء الله :unsure:

لو هنقارن بين الجراند بونتو و الفابيا يبقى مين أفضل !! بعيدا عن نقطة الحجم و الاتساع ..

أنا شخصيا متحمّسه أكتر للبونتو بس زميل ليا فى العمل بيقول إن فابيا موتورها تصنيع فولكس يعنى أداءها لا يمكن مقارنته أصلا بالفيات و هتتحمّل أحسن منها ..

هو حضرتك أصلا من "دردا"؟ :P

شوفى يا أستاذتنا الفاضلة:

التويوتا وصى بها الحكيم لقمان!

فى ال35 سنة اللى عيشتهم فى كندا جربت عربيات كثيرة و كانت كلها فيها مشاكل لغاية ما قررت إنى أجرب التويوتا: إشتريت كورولا موديل 1995 و لسة ماشية لغاية دلوقت (إديتها لإبنى من 5 سنين و عليها ريع مليون كيلومتر)

الكورولا إستعملتها 3 سنين فى شمال كندا - فى جو قاسى جدا كانت درجة الحرارة بتحصل 50 تحت الصفر - و بالرغم من كدة ما كانش عندى أى مشاكل معاها فى الوقت اللى العربيات الأمريكانى (بتاعة الشغل) كانت فى أوقات كثيرة مش بتدور.

(يعنى لو الشغل بتاع سعادتك حينقل فى شمال كندا فى المستقبل فالأمريكانى مش recommended :rolleyes: )

أهههههههههههلا يا أستاذنا العزيز :) دى مفاجأه جميله ..

أينعم أنا من "سوهاج" بس مش من "دردا" wst::

أيوه "التويوتا" بنت حلال مفيش كلام بس الموديل الهاتشباك اللىّ فى حدود ميزانيتى هو "الياريس" و مش عارفه أداءها عامل إزّاى بالإضافه لأن شكلها صغيّر حبتين ..

و فيه كمان موديل اسمه "أفانزا" بس الريفيوهات بتاعته على النت مش مبشّره :sad:

و "الكورولا" خارج الميزانيه للأسف و كمان عربيه كبيره و أنا مش شايفه نفسى فى العربيات الكبيره دى خالص :D

طيب ممكن حد يفتينا فى "الياريس" و "الأفانزا" و له جزيل الشكر منّا و الثواب من الله ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

خدي فكرة عن الزلاجه أهي ... وخلي بالك الراجل اللزج اللي بيتزلج ده كان باشا سابق ومحافظ عليها زي عينه وبيصرف عالكلاب بسخاء

32039.jpg

ع البركه أنا شاريه ..

حتى ممكن فى الكريسماس ألبس لبس "ماما نويل" و أشغّلها فى توزيع الهدايا و يبقى منها عربيه ملاّكى طول السنه و أُجره "ألاسكا -سيبيريا" خلال الأعياد ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

طيب ممكن حد يفتينا فى "الياريس" و "الأفانزا" و له جزيل الشكر منّا و الثواب من الله ..

هو بالرغم من حبى الشديد للتويوتا (أكتر ما عماد حمدى كان بيحب حسنية اللى كانت بتمثل معاه فى فيلم إنى راحلة و مش فاكر إسمها) إلا إنى ما أقدرش أفتى إلا فى الكورولا و ال تيرسيل (بطلوا يعملوها) و الكامرى.

أما الياريس و الأفانزا فهى موديلات جديدة و ماحدش يعرف نظامهم إيه - و أنا عموما عمرى ما باشترى "الإصدار رقم صفر" Version Zero من أى حاجة - سواء كانت سوفتوير أو ال space shuttle (لغاية ما يصلحوا كل العيوب اللى فيها)

أما بخصوص تعليق أستاذنا الكبير س س : هو الفرق بين الصيف و الشتا عندنا (لما كنت فى الشمال) ممكن يحصل 85 درجة. و العربية اللى سعادتك إقترحتها لأختنا فيروز كويسة و أعطالها قليلة بس للأسف بتستهلك عضم كتير -_- و لو حاولت تبيع أيس كريم أو فكرت تفتح مصنع تلج هناك فأكيد حتخسر دهب :P

م

"و من يتق الله يجعل له مخرجا" صدق الله العظيم

اللهم إنى أستغفرك من كل ذنب تبت اليك منه ثم عدت فيه

اللهم إنى أستغفرك من كل عقد عقدته لك ثم لم أوف لك به

اللهم إنى أستغفرك من كل نعمة أنعمت بها على فقويت بها على معصيتك

اللهم إنى أستغفرك من كل عمل عملته لوجهك خالطه ما ليس لك

رابط هذا التعليق
شارك

حلوه يا عم مكسوف

ملعوبه يعني

تحياتي لحضرتك وما تغيبش عننا كتير

عارف والله ان التلج بيبقى كتير قدام البيت وما بتقدرش تخرج

لكن شاور حتى من بعيد

تحياتي

------------

الابنه فيروز

احب ابلغك باخر الاخبار

احنا كلنا كويسين والحمد لله ولا ينقصنا الا رؤياكم وانتو راكبين العربية الجديدة وبترطشوا علينا ميه في الشارع وهدومنا تتبهدل ..

ده مُنى عنينا بصراحه

نحبو نعرفوكي يا شابه ان اختي خلصت في حته النترا توماتيكي 2009 ، 1600 سي سي ... راحت تشوف الصني ما عجبتهاش .. فراحت اشتريت الالنترا دي على 103 كاش حضرتك .. وحالياً ماشيه من غير نِمر وكل 5 دقايق اتصل بيها عشان عايزه تتهور وتقولي عاوزه قلبي يجمد في السواقه وانزل معترك الحياه ..فقلت لها انتي قلبك يجمد واحنا قلبنا يتخلع عليكي .... طبعاً هاتربط اخويا جنبها وقلت له مايسيبهاش ... مصر غير اوروبا .. واللي عندنا اسمه فرد دراع مش سواقه او booz base يعني ادفس بوز عربيتك قبل ما تلاقي بوظ تاني اندفس قدامك وانت لبست فيه ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

دي تصويرة العربية على فكره

واشتريتها نبيتي مسخسخ

احنا عيله اهلاويه الا جوزها خدعنا وطلع زملكاوي لكن بيقعد في ركن الاحزان لوحده يتفرج عالماتشات

DSC00085.jpg

والله يا خوفي يا فيروزه ترسى في الاخر على اشتراك في مترو الانفاق وتبقى اشتراكيه ذات ميول توسعيه برجماتيه

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

حد يا جماعه جرب الكيا سبورتج ... أنا طاقه في دماغي اليومين دول إني أشتري واحده 2006 علشان استخدام الإمارات ... البيجو اللي جاي بيها من البحرين مش قادره تسد مع المسافات والوحوش اللي ماشيه على الطرق هنا.

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

حد يا جماعه جرب الكيا سبورتج ... أنا طاقه في دماغي اليومين دول إني أشتري واحده 2006 علشان استخدام الإمارات ... البيجو اللي جاي بيها من البحرين مش قادره تسد مع المسافات والوحوش اللي ماشيه على الطرق هنا.

كنا تقريباً سمة 2006

وصديقي هاندي كرافت بيشتري عربية .. فأتعرضت قدامنا سبورتج تقريباً 2001 او 2002 بحوالي 14 ألف ريال ...

يا نهار مش فايت ؟

عربية فور باي فور وحكاية الملاليم دي ..

فعرفنا بعد كده إن قطع غيارها نار وماحدش بينصح بيها ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

يا فيروز هانم

ايوه انتي

يعني انتو تركبوا عربيات .. وتقلقوا راحتنا ؟

روحت النهاردة يا ستي خائر القوى وضعيف البنيه .. وقلت انام شويه .. والغلطة المتكررة ...سيبت الموبيل مفتوح .. وما كملتش نص ساعه الا واختي بتتصل بيه من مصر .. وبتقولي : بارك لي ؟ قلت لها ايه ؟ قالت لي اشتريت عربية النهاردة

آه والله

وهي لسه نازله مصر من 4 ايام

فقلت لها مبروك .. قالت لي هي مراتك ما حكيتلكش حصل لنا ايه امبارح ؟ قلت لها لأ

اتاريهم نزلوا روكسي هما الاثنين يشتروا اسدالات وتحاجيب ومراتي مشيت بدري علشان الاولاد مع جدتهم .. ومافيش نص ساعه الا واتصلت بأختي بتعيط ... البنت يا عيني اتسلقت في الشمس ومافيش تاكس كلب عاوز يقف لها ... كالمعتاد انا بيحصل معايا كده ... وكأن التكسجية بيبقوا نازلين يلينوا العربيات ... وقالت لي ووقفنا احنا الاتنين نوقف تاكس لمدينة نصر لحد ما الشمس كلت راسنا .... فحلفت مية يمين انزل اشتري عربيه وان شالله ماحد حوش

على فكره هي مستجده زيك

وطلعنا لها الرخصة وهي قاعدة تحت الجميزة السنة اللي فاتت ولسه ما بتعرفش فردة الكاوتش من فردة الحلق هههههههه

واخويا هايعلمها بقى

شوفي يا ستي ...

هما اشتروا نيسان صني اوتوماتيك من الشركة المصرية ... 2009 طبعاً ... السعر 86 النص دلوقت .. والنص التاني على اربع سنين ... بفوايد 18 الف ...

اي خدمة

على فكرة في حدود المبلغ بتاعك كنت هانصحك بنيسان ... ياباني ووراها شركة محترمة ... والسيلينج فاليو بتاعتها كويسه ... وليها مكيف تلاجه ... هنا في السعودية قطع غيارها رخصيه .. اعتقد في مصر كذلك ... هو الوكيل بتاعها " سعودي " اسمه سعودي وهو رئيس شعبة مصنعي السيارات في مصر على ما اعتقد .

اللانسر برضوا عربية جامده وشيك قوي قوي قوي .. لكن عيبها قطع غيارها غاليه .. لكن الموتور الميتسوبيشي من اقوى المواتير

الكرولا هاتبقى عاليه عليكي وبعد الميه وخمسين

اسمعي كلام الدكتور هشام ..

بس ليه تعليق بسيط

انتي شاريه عربيه عشان تريحي دماغك

يبقى لازم فيها تكييف كويس .. وسيبك من كلام الكفتجيه بتاع ان التكييف بيجيب اجل العربية وحمل على الموتور والكلام ده ... المكيفات شغالة فحت هنا ليل نهار

اقول لك سر .... انا صيف شتا مشغل التكييف ..

صيف عشان الحر

لكن السر بقى ... شتا عشان لو فتحت الشباك اللي جانبي شعري بيتنعكش ويطير وبابقى زي امنا الغوله ( امنعوا الضحك ... الشعر الحرير عالجبين يهفهف ويرجع يطير وكدهوت )

الحاجه التانية ... ما تشتريش عربية اقل من 1600 سي سي على اساس يبقى عزمها كويس خصوصاً مع تشغييل التكييف لإنه بالتأكيد سحب العربية والتكييف شغال غير وهو مش شغال .

عايز بقى حد يكلمنا عن الماتريكس عامله ايه في مصر ... هي في الحدود دي وعاليه وهاتش باك خلقه .. لي صديق شغال في شرم الشيخ ومعاه ماتريكس بقى له سنتين .. هاسأله وارد عليكي .

اخوكي سيد فتيس

عشان تعرف بس يا "س.س." المعاناه اللىّ بنلاقيها مع سوّاقين التاكس ..

ده أنا ناويه بإذن الله أمّا ربنا يكرمنى و أشترى العربيه أنزّل إعلان أغيظ فيه سوّاقين التاكس و أقول لهم خسرتوا زبونه لُقطه عمركم ما هتعوّضوها !!

طيب بما إنّك جبت سيرة "النيسان" فيه "نيسان" تيدا هاتشباك بس مش عارفه ليه شكلها مش مريّحنى و شايفاها متوحّشه كده و أنا رأيى إن لازم الواحد يكون بيحب عربيته و معجب بيها مش يشتريها مصلحه و خلاص يعنى يشتريها بعقله و قلبه مع بعض مش بس قرار عقلى بحت .. :roseop:

بخصوص التكييف .. طبعا مابقاش التكييف أوبشن بأى شكل من الأشكال عشان كده قلت إنّه هو و الأتوماتيك أهم شئ بالنسبه لى فى رفيقة الكفاح المنتظره .. ياقى الكماليات زى السنتر لوك و الزجاج الكهربى و المرايات مش شايفه إنّها هتفرق بشدّه معايا ولو موجوده طبعا خير و بركه بس مش أهم شئ ..

بخصوص "الماتريكس" هى ما شاء الله ملت "مصر" خلال الكام سنه اللىّ فاتوا .. بس فيه زميل فى العمل بيقول لى سيبك من "الهيونداى" و "الشيفروليه" و الحاجات الجديده دى كمان سنتين و هيبقى شكلهم كأن بقالهم عشر سنين و مش هيستحملوا .. صحيح أخبار "الشيفروليه" إيه يا جماعه فيه "أوبترا" هاتشباك بردو .. بس بردو نفسيا فيه حاجز بينى و بين "الشيفروليه" كماركه بشكل عام مش عارفه ليه :blink:

لو بتفكري في نيسان تيدا انا معايا واحده هنا في السعوديه 2008 شاريها زيرو لكن معايا سيدان والعربيه اكتر من ممتازه وسحبها رائع بالنسبه لل1600 واوتوماتيك انا عامل بيها 30000 لغايه دلوقتي لكني لا انصح بالهاتشباك لانها اقل اتزانا من السيدان(مابتبتديش تلعب غير بعد ال 160) الكلام ده في السعوديه لكن في مصر لاانصح بيها مطلقا عشان عربيه مش معروفه لسه وقطع غيارها غاليه وسعر اعاده البيع فيها مش مضمون

رابط هذا التعليق
شارك

التويوتا وصى بها الحكيم لقمان!

فى ال35 سنة اللى عيشتهم فى كندا جربت عربيات كثيرة و كانت كلها فيها مشاكل لغاية ما قررت إنى أجرب التويوتا: إشتريت كورولا موديل 1995 و لسة ماشية لغاية دلوقت (إديتها لإبنى من 5 سنين و عليها ريع مليون كيلومتر)

الله يمسيه بالخير اللي كان بيقول Toyota Rules ......حكيييم :roseop:

منور الموضوع يا باشا

لكن لو مقتنع يبقى اشتريها كاش او بالطرق اللي قلت لك عليها ...

ومتع نفسك بلذة وجمال الزيرو .... ولما تيجي نازل مصر يبقى يحلها الحلال ...

وتوكيل هيونداي هنا 100 %

كلام جميل و كلام معقول ما أقدرش أقول حاجة عنه (وش ليلي مراد ) :roseop:

ألف شكر يا باشا علي شرح الحتة بتاعة الجمارك

على فكرة ال (كيا برايد) عربية ممتازة جدا...........

بس أنا ما شوفتهاش هنا في السعودية ولا مرّة, يا ترى إيه السبب؟؟

وهل في منها موديلات جديدة في مصر؟؟

فعلا البرايد كانت عربية كويسة بشهادة من امتلكها

أعتقد أن العربيات فئة الهاتشباك و الميني هاتشباك و السوبر ميني هاتشباك ملهمش سوق في الخليج ...و لا في أمريكا الشمالية ....سوقهم الاساسي أوروبا ......فولكس و فيات أكيد ملوك الفئات ديه

بعد ما الموديل وقف ...اشترته شركة ايرانية و بتصنعه و تصدره كمان .. الموديل السيدان بيتباع في مصر تحت إسم سابا ...بس بصراحة ما عنديش معلومات عن الجودة أو السعر

Her şey kişisel bir

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      دبي، الإمارات العربية المتحدة (CNN) -- أطلقت "فوربس" قائمتها السنوية للنساء الأكثر نفوذاً في الشرق الأوسط للعام 2020، بعد واحدة من أصعب السنوات التي مرت على الشركات والأعمال التجارية في التاريخ الحديث. وتقول "فوربس" إنها اعتمدت في تصنيفها على 50 امرأة أظهرت خلال هذا العام الماضي مرونة وقوة ونفوذاً في مواجهة محنة غير مسبوقة، سواء في مكان العمل أو في مجتمعاتهن. تعرّفوا إلى تصنيف النساء العرب الأكثر نفوذاً في الفيديو أعلاه: View the full article
    • 67
      طق في دماغي اكل فسيخ .وانا هنا في الرياض . وبصراحه ماكنتش اعرف انهم بيبعتوا يجيبوه من مصر . ولما ساْلت عليه لو كان بيتباع هنا ؟....ناس كتيرررررررر قالوا لي ان اللي هنا رغم انه جاي من مصر بس مش بيكون حلو :rolleyes: فاْخذت افكر وافكر . (همه بيقولوا كده) وهمه مين ؟.....ماعرفش wst:: المهم........... قلت لنفسي ...تعملي ايه يا روشه ....تعملي ايه يا روشه .....هاتجيبي فسيخ منين يا روشه ؟ وتضمني منين انه يبقى حلو ونضيف .....( برضو يا روشه ) مهو انا اللي عاوزه اْكل فسيخ. وبصراحه باتكس
    • 3
      سؤال ... مطروح منذ قيام الثورة المصرية المجيدة وحتى يومنا هذا ... سؤال قد يكون في بال الكثير من المصريين الذين اصبحوا بلا فهم او دراية بما يجري حولهم في ظل حالة التضليل والتشتت التي اشترك فيها المجلس العسكري والاحزاب والمهتمين بالشأن السياسي لعموم المصريين. فقد يرى المواطن المصري في ما يحدث الان من مظاهرات واعتصامات متكرره بانها فوضى خلاقة وممنهجة لتعطيل سير البلاد نجو الديمقراطية والبناء والرغبة الملحة في اسقاط هيبة الدولة واهانة الجيش المصري ... وهي الافكار التي استطاع المجلس العسكري ان يزرعه
    • 3
      أخوكم محتاس معايا ييجي 500 ريال..و عاوز أجيب عربية جديدة لانج..شفت شوية الاعلانات دي..و بصراحة محتار عربية جديدة من الوحش..عبد اللطيف جميل..حوت التويوتا في السعودية يا سيدي علي المرسيدس ولا نخلينا في الجيب ولا الدودج؟ ولا نخلينا في دي؟؟ ووعد مني..بعد ما نشتري العربية ان شاء الله..ليكوا عندي حفلة باربيكيو فظيعة..و طبعا هتبقي علي حساب أخونا سين سين..وسيحيي الحفل اثنين من ألمع نجوم الفن في العالم العربي ريا و سكينة
    • 17
      من يوم مالواحد فتح عينه على الدنيا واستلمونا افلام ومسلسلات طالعه من قصص وروايات واحنا منعرفش غير خمس ست طرق للتعبير عن الحب الابتسامه والتسبيله والكلمه الحلوة مع الورده الحمرة كل مانتكلم عن الحب والحبيبة غصب عننا نلاقي عبد الحليم طالع بيملس على شعره يفرقه على اليمين وساعات تامر حسني بيتأكد من فتحه القميص قبل مايغمز غمزته .. وكل ماتيجي سيرة الحب بترن في ودانا تنهيده ام كلثوم او نظرة زبيده ثروت وهي على سلم الطيارة علامات كتير ممكن نحكي عنها لما نتكلم عن الحب مابين العشاق او المخطوبين .. بس
×
×
  • أضف...