مين بيحب العربيات ؟

[الغريب]

أنا معاك فى أن السيراتو انتشرت فى مصر جدا و كنت كل أما اشوفها, أقول يا سلام لو الشكل ده بس على ماركة تانية غير الكيا, اصل انا للأسف مابعتقدش فى العربيات الكورى و الماليزى و الصينى. :wub:

MERCEDES S430

بتتمنى أن شكل السيراتو يكون عليه ماركة تاني غير كيا :D ، أمال هتقول أيه كمان عن أوبيروس :rolleyes:

انا فعلا لا أعترف بكيا بس الظاهر أن أنا وأنت محتاجين نغير وجهة نظرنا عن الكيا في الوقت اللي جاي لأنها بصراحة صاعدة بقوة الصاروخ

حتى مركز الخدمات بتعها في مصر محترم جدا والماركة بدأت تفرض نفسها بقوة على السوق في مصر أو خارجها ، بصراحة تحس أن كيا بتتبنى مبدأ " السهل الممتنع "

[أحمد سيف]

أنا معاك فى أن السيراتو انتشرت فى مصر جدا و كنت كل أما اشوفها, أقول يا سلام لو الشكل ده بس على ماركة تانية غير الكيا, اصل انا للأسف مابعتقدش فى العربيات الكورى و الماليزى و الصينى.

الفرق كبير جدا بين الكوري والصيني علشان كده ما ينفعش الاثنين يتحطوا في كاتيجوري واحده

الكوري الآن أقرب للياباني بل وفي طريقه للتفوق عليه

خذ عندك ال Genesis

دي هتقارنها بأي سياره صيني ... العربية دي لا تقارن سوى بالليكزس والانفينيتي

طيب والكيا الجديده دي تقول عليها ايه

أنا على العكس مقتنع تماما بالكوري وباعتبره أحسن من الأمريكي ... ليا تجربه ممتازه مع هيونداي سوناتا اشتريتها جديده وفضلت معايا 8 سنين تقريبا ... ولما جيت أغيرها اشتريت كيا أوبيروس ومعايا أيضا هيونداي كوبيه للاستخدام الشخصي (الروشنه يعني).

[Mercedes]

السلام عليكم و رحمة الله و بركاته wst::

أنا مشكلتى أنى من الناس اللى فتحت عينى عالدنيا و نا شايف أن السيارات لا بد ان تكون , ألمانى , فرنساوى , ايطالى, انجليزى أو أمريكى و بعد لما كبرت شويه عرفت ان فى حاجة اسمها يابانى كمان, لكن لحد وقت قريب كان الكورى و الماليزى و الصينى ده انا ماعرفش انه بيعمل عربيات أصلا.

الحاجة التانية أن اللى خلانا كمصريين نعرف الأنواع دى و تبدأ تحل محل الشركات العالمية اللى أنا قولتها فوق مش أن النوعيات دى نوعيات ممتاااااازة أوى و باهرة و معجزة فى صناعة السيارات , لأ , ده لأن أن الحكومة بتاعتنا - الله يخرب بيتها -مش عاوزة تتخد أى اجراءات عشان ترخص سعر العربيات فى مصر, فأصبح العربيات دى هى المتاحة لينا فى حدود الامكانيات المادية المحدودة اللى فى ايدينا , لكن لما تسافر أى بلد أوروبى أو أمريكا أو كندا, اللى هى كلها بلاد أغنى مننا بكتييييييييييير, هتلاقى ماحدش هناك بيسمع عن الكلام الفاضى ده كله الا فى المعارض الدولية , و هتلاقى الكلام كله على اليابانى و الأمريكى و الألمانى, مش معقول نكون احنا هنا فى مصر متقدميييين أوى و وصلنا للى هما بره ماوصلوش ليه و جبنا التايهة و عرفنا أن الكورى و الصينى و الماليزى عربيات أفضل من الأمريكى و اليابانى و الألمانى و الانجليزى و الفرنساوى !!!!!, لكن الظروف الاقتصادية المنيلة بستيييين نيلة هى اللى أجبرتنا نعرف النوعيات و الشركات المبتدأة دى. :blink: wst::

و لو بتتكلم بحياد شديد , ممكن تزور الموقع ده http://www.autotrader.ca/default.aspx اللى بيبيع عربيات مستعملة فى كندا , أو الموقع ده اللى بيبيع عربيات مستعملة فى أوروبا , http://www.autoscout24.com/ عشان تشوف الفلوس اللى معاك تجيبلك ايه هنا فى مصر و ممكن تجيبلك ايه هناك و سيادتك بنفسك هتقدر تقرر أد ايه هناك فيه فرق كبييييييييييييير بين اللى فلوسك ممكن تجيبه هنا و اللى فلوسك ممكن تجيبه هناك, و ده طبعا من الحاجات اللى بتخلى الواحد نفسه تتصد من أى عربية هنا فى مصر مهما كانت بتلمع و بتبرق و بيحس أن اللى بيبيعله العربية ده بيسرقه سرقة علنييييييييييييييى.

هييييييه, أنا عن نفسى طول ما العربية البيجو 505 مو 1980 اللى معايا مقضية الغرض , مش هفكر أغير و لو فكرت هحاول أجيب عربية Trip Ticket عشان التمن اللى أدفعه فيها يكون بس تمن العربية, مش أدفع أد تمنها مرتين كمان جمارك عشان تروح فى جيوب الحرامية اللى ماسكين البلد, و خصوصا أن المواطن المصرى فى مصر مش عايش متنعم و متبغدد أوى بحيث أنى أدفع الجمارك دى كلها, يعنى من الأخر الجمارك دى لن تعود على بشئ على الاطلاااااااااااااق, يمكن كان زمان الواحد بيحس بأن هناك خدمات و لو ضئيلة للمواطن العادى اللى مش واصل و لا ليه واسطة,من رعاية صحية و طرق و دعم و الكلام ده, لكن الكلام ده انتهى دلوقتى, فخسارة طبعا ادفع جنيه واحد جمارك !!!!!

و ربنا ييسر الأمور و يقدم اللى فيه الخير

MERCEDES S430

[أحمد سيف]

يا أستاذ مرسيدس حضرتك مصمم برضه تحط الكوري مع الماليزي والصيني في نفس المستوى ... يا سيدي الفاضل ايش جاب لجاب

طيب علشان تصدقني آدي خبر عن حصول السيارة هيونداي جينسس (اللي أنا حاطط صورتها فوق) على جائزة سيارة العام 2009 ... في معرض ديترويت معقل صناعة السيارات الأمريكية ... يعني مش في مصر اللي الناس فيها مش عارفه حاجه

http://money.cnn.com/2009/01/08/autos/2009..._year/index.htm

وآدي خبر ثاني عن ارتفاع مبيعات السيارات الكورية في أمريكا بنسبة 50% خلال عام 2009

http://www.kia-world.net/index.php/2009/11...ent-in-october/

الكوري دلوقتي هو في نفس المرحلة بتاعت الياباني في بداية الثمانينات ... الجودة ارتفعت والاسعار مازالت مناسبه ... لكن الناس لازالت متخوفه منه ومتمسكه في الأمركي والأوروبي.

وعلى فكره أنا عايش في أبوظبي مش في مصر يعني بشوف سيارات ماشيه في الشارع قبل ما جيمس كلاركسون يجيب سيرتها في التوب جير

تحياتي :roseop:

[Mercedes]

السلام عليكم و رحمة الله و بركاته

أنا مابقولش أن السيارات الكورى دى سيارات وحشة و برضه مش هحط الكورى مع الصينى سوا , و أنا عارف أن مهما كان الكورى أفضل من الصينى.

لكن عمر الكورى لو اتنطط , ماهيكون أفضل من الألمانى و اليابانى.

أنا بقول أن الفلوس المحدودة اللى فى ايد أى واحد مننا هنا فى مصر ممكن تجيب حاجات أفضل منها زى الألمانى و اليابانى و الحاجات النظيفة دى , بس الحكومة بتاعتنا تلحلح نفسها شويه.

و ربنا ييسر الأمور و نخلص من اللى احنا فيه ده بقه

مرسيدس اس 430

[icehearted girl]

أحلم بوطن بلا كيا سيراتو .... ولا لانسر بومة ولا 128 :(

[Mercedes]

السلام عليكم و رحمة الله و بركاته

ازيك يا دكتورة ICE , و أخبارك ايه و أخبار الخطط المستقبلية بتاع سيادتك ايه ؟؟؟

و الله أنا بشجعك و أشكرك على الرأى السديد ده, فعلا , احنا محتاجين عالم بلا كيا سيراتو و لا لانسر بومة و لا 128 B) , مع أنى بحب اللانسر البومة و بحترمها لأنها العربية اليابانى الوحيدة اللى موجودة فى السوق و أثبتت جدارتها و بسعر ممتاز فعلا, بالدات لو الواحد جاب منها عربية كسر زيرو ,و كمان أصبحت منتشرة أوى فى مصر و صيانتها سهلة و قطع غيارها موجودة عند البقالين :) , بس انا شايف أن المفروض الواحد يحلم و يطمح الى سيارات أحسن من كدة زى المرسيدس و البى ام و اللكزس, لأن هى دى العربيات اللى بجد , مش الكيا و الاسبرانزا!!!!!.

المهم الاسبرانزا دى, الواحد أول ما يسمع اسمها يتهيأله أنه بيتكلم على حاجة فخمة فى مستوى المايباخ و المازيراتى, لكن ايش جاب لجاب.

ألا أنتى ايه رأيك فى ال JAGUAR XJ8 موديل 2000 - 2003, مش شكلها ملوكى برضه -_- ؟؟

MERCEDES S430 :happy:

[د هشام ابراهيم]

الكوري بيتقدم جدا في أمريكا الشمالية و العالم كله انما لسه شوية عليه علي بال ما يتقارن بالياباني أو الأمريكاني أو الالماني

الكوري لسه ميزته الاساسية السعر ....الجودة بتزيد يوم عن يوم انما لسه عامل الجذب الأساسي هو السعر الاقل مش الجودة و لا السمعة و لا الأعتمادية و لا الأداء و لا أي حاجة تانية

و فيه نقطة مهمة شوية ....الكوري يعني هيونداي ...كيا مملوكة بالكامل لهيونداي و هي هي ما فيش فروقات .....دايو ميتة اكلينكيا :)

أدينا شفنا الازمة العنيفة اللي بتمر بيها تويوتا ...... أقوي سمعة في عالم السيارات و بقالها فوق الخمسين سنة بتنافس انما السوق ما بيرحمش .....لو تويوتا اتهزت العربيات الياباني التانية حتسد نيسان (انفينيتي ) هوندا (اكيورا ) و ده غير سوبارو و مازدا و ميتسوبيشي .....الأمريكاني شرحه ....GM وقعت تماما انما قدرت ترجع تاني و كرايسلر بتحاول من عالم الأموات و فورد متألقة و كل شركة منهم فيها كذا شركة .....يعني GM جابت ضرف ساتورن و باعت اوبل و بتدلل علي هامر انما لسه مكملة برضه و شيفروليه و كاديلاك عاملين شغل ....الألماني يعني مرسيدس و بي ام و فولكس فاجن كل إسم لوحده حكاية ......انما هيونداي لو حصلها أي حاجة و ده وارد طبعا .... تبقى صناعة السيارات الكوري كلها في الباي باي :happy:

[Mercedes]

السلام عليكم و رحمة الله و بركاته

حللت أهلا و نزلت سهلا فى قهوتكم يا باااااااااشا :) :happy:

أنا رأى أن الكورى زى فريق سماد طلخا كده, يعنى ممكن يتألق جدا, بس محليا على قد الدورى المحلى , يعنى جوه الحوش بتاعنا و طول ما الظروف مواتية و مناسبة و السوق مستقر, لكن لو حاول أنه يلعب دوليا, مفيش مانع, بس هيسير عليه اللى بيسير على الأندية الدولية من لوايح و قوانين, يعنى قوانين السوق العالمى وأنظمة السوق العالمى هتفرض عليه ماتفرضه على الشركات العالمية الكبيرة اللى هى أكيد شركات قوية و عاملة حسابها هتتعامل مع قوانين السوقالمتقلب ده ازاى.

أنا شايف أن الكورى ممتاز جدا فى المنافسة فى كوريا و مصر و الدول اللى زى مص كده حتى لو سوقت عربيات كتير و باعت عربيات كتير فى الأسواق الأمريكية مثلا , فده لأنها عربية معقولة بسعر منافس مش لأنها أفضل من اليابانى و الألمانى و الأمريكى !!!!!

الكبير كبير برضه.

MERCEDES S430

[د هشام ابراهيم]

الله يخليك يا AMG باشا :) ....... عارف سعادتك بمناسبة سماد طلخا العبد لله حاسس إن المستقبل صيني ......يمكن قدامهم شوية كتار انما حاسس في الآخر الصين حتسيطر علي العالم كله و منها السيارات ....و الله أعلم :happy:

[أحمد سيف]

لو هنقارن العربيات بفرق الكوره

الكوري عامل زي حرس الحدود ... من كام سنه ماكانش حد يسمع عنه ودلوقتي الناس عرفته وبتعمل له حساب ومستمر في الصعود

الياباني والألماني زي الأهلي ... في عزّ تألقه وماشي صح.

الأمريكاني زي الزمالك ... عايش على السمعه والجمهور ... إنما أيامه راحت

الفرنساوي والانجليزي زي الاسماعيلي له طابع مميز والناس بتحبه وممكن يكسب له دوري ولا اثنين لكن عارف حدوده.

على فكره الياباني أول ماطلع برضه كان رخيص وكان الناس بتضحك على اللي يشتري عربيه ياباني لكن في النهاية أثبتوا نفسهم وعلموا العالم من أول وجديد يعني ايه صناعة عربيات.

ونفس الكلام حصل مع الفولكسواجن البيتلز ... كانت الناس في أمريكا واخداها تريقه الأول لكن أثبتت أنها أنجح سياره في التاريخ.

المثالين دول أنا ذكرتهم لأوضح أن صعوبة تقبل الجديد والتمسك بالافكار المسبقة دي حاجه عادية عند معظم الناس وهتستمر الى قيام الساعة ... لكن بمرور الأيام الحقائق بتتأكد والأوهام بتتبدد.

وآدي كمان هدية مني ترتيب السيارات في كل فئة وفق رأي الخبراء ... علشان برضه الكلام يبقى على أساس علمي

http://usnews.rankingsandreviews.com/cars-trucks/rankings/

[MARDUK]

لو هنقارن العربيات بفرق الكوره

الكوري عامل زي حرس الحدود ... من كام سنه ماكانش حد يسمع عنه ودلوقتي الناس عرفته وبتعمل له حساب ومستمر في الصعود

الياباني والألماني زي الأهلي ... في عزّ تألقه وماشي صح.

الأمريكاني زي الزمالك ... عايش على السمعه والجمهور ... إنما أيامه راحت

الفرنساوي والانجليزي زي الاسماعيلي له طابع مميز والناس بتحبه وممكن يكسب له دوري ولا اثنين لكن عارف حدوده.

على فكره الياباني أول ماطلع برضه كان رخيص وكان الناس بتضحك على اللي يشتري عربيه ياباني لكن في النهاية أثبتوا نفسهم وعلموا العالم من أول وجديد يعني ايه صناعة عربيات.

ونفس الكلام حصل مع الفولكسواجن البيتلز ... كانت الناس في أمريكا واخداها تريقه الأول لكن أثبتت أنها أنجح سياره في التاريخ.

المثالين دول أنا ذكرتهم لأوضح أن صعوبة تقبل الجديد والتمسك بالافكار المسبقة دي حاجه عادية عند معظم الناس وهتستمر الى قيام الساعة ... لكن بمرور الأيام الحقائق بتتأكد والأوهام بتتبدد.

وآدي كمان هدية مني ترتيب السيارات في كل فئة وفق رأي الخبراء ... علشان برضه الكلام يبقى على أساس علمي

http://usnews.rankingsandreviews.com/cars-trucks/rankings/

تحليل ممتاز علي فكره :flr1: , اممم علي فكره عشان شركه تنجح مش محتاجه قوت كتير عشان تبني سمعها لأنها بتبدأ من حيث انتهي الاخرون :blink: مش حتقعد 100 سنه تعمل

الواضح ان هيونداي بتشتغل صح و كانو عملو موديل زمان فاخر زي ليكزس اسمه سانتينال او سنتيتيال مش فاكر بس منجحتش قوي , و اعادو خطتهم دي بالجينيسيس و نجحت بجد

و يكفي ان هيونداي تعتبر شركه وحيده وسط تحالفات صناعيه كبيره و قدرت تثبت نفسها و بتكسب جولات في امريكا :lol:

بس دايما بفتكر جمله جيرمي كلاركسون

It costs Volkswagen 200 pounds to buy a set of four fuel injectors for the Golf diesel. Kia could propably make a couple of cars for that.

[icehearted girl]

السلام عليكم و رحمة الله و بركاته

ازيك يا دكتورة ICE , و أخبارك ايه و أخبار الخطط المستقبلية بتاع سيادتك ايه ؟؟؟

و الله أنا بشجعك و أشكرك على الرأى السديد ده, فعلا , احنا محتاجين عالم بلا كيا سيراتو و لا لانسر بومة و لا 128 :wub: , مع أنى بحب اللانسر البومة و بحترمها لأنها العربية اليابانى الوحيدة اللى موجودة فى السوق و أثبتت جدارتها و بسعر ممتاز فعلا, بالدات لو الواحد جاب منها عربية كسر زيرو ,و كمان أصبحت منتشرة أوى فى مصر و صيانتها سهلة و قطع غيارها موجودة عند البقالين :lol: , بس انا شايف أن المفروض الواحد يحلم و يطمح الى سيارات أحسن من كدة زى المرسيدس و البى ام و اللكزس, لأن هى دى العربيات اللى بجد , مش الكيا و الاسبرانزا!!!!!.

المهم الاسبرانزا دى, الواحد أول ما يسمع اسمها يتهيأله أنه بيتكلم على حاجة فخمة فى مستوى المايباخ و المازيراتى, لكن ايش جاب لجاب.

ألا أنتى ايه رأيك فى ال JAGUAR XJ8 موديل 2000 - 2003, مش شكلها ملوكى برضه :wub: ؟؟

MERCEDES S430 :lol:

JAGUAR XJ8 موديل 2000 - 2003 :blink: أأأأأأأأأخخخخ هنبتدي نخبط فلحلل.

اي اللي جاب سيرة جاجوار دلوقتي بس مش تراعوا شعور الاخوة الاعضاء :lol:

بحب السيلفر بتاعها اوي

الا بنك ناصر مبيقسطش جاجوار :lol: متهيالي هيحولوني علي مستشفي المجانين لو رحت سألتهم السؤال دا

هي لانسر بومة كويسة والله بس انا بشوف منظر تحفة

الناس وهي مروحة كل واحد بيبص علي رقم عربيته يتأكد انها هي :flr1: من كتر انتشارها فمصر

اه نسيت كمان الفيرنا... عملة زي النارررررررررررررررررررررررررررر في الهشيييييييييييم

بس انا برده بحب الالماني عن الامريكان.. امال انا متمسكة بالفيات ليه :lol:

وان شاء الله مش هتتغير الا علي هوندا سيفيك كمان عشرتاشر سنة كدا :lol: :: محنا لازم نشجع الياباني برديك

[icehearted girl]

الياباني والألماني زي الأهلي ... في عزّ تألقه وماشي صح.

totally agree wid u

[Mercedes]

:

JAGUAR XJ8 موديل 2000 - 2003 :blink: أأأأأأأأأخخخخ هنبتدي نخبط فلحلل.

اي اللي جاب سيرة جاجوار دلوقتي بس مش تراعوا شعور الاخوة الاعضاء :lol:

بحب السيلفر بتاعها اوي

الا بنك ناصر مبيقسطش جاجوار :lol: متهيالي هيحولوني علي مستشفي المجانين لو رحت سألتهم السؤال دا

هي لانسر بومة كويسة والله بس انا بشوف منظر تحفة

الناس وهي مروحة كل واحد بيبص علي رقم عربيته يتأكد انها هي :flr1: من كتر انتشارها فمصر

اه نسيت كمان الفيرنا... عملة زي النارررررررررررررررررررررررررررر في الهشيييييييييييم

بس انا برده بحب الالماني عن الامريكان.. امال انا متمسكة بالفيات ليه :lol:

وان شاء الله مش هتتغير الا علي هوندا سيفيك كمان عشرتاشر سنة كدا :wub: :: محنا لازم نشجع الياباني برديك

السلام عليكم و رحمة الله و بركاته

بقى أنت بتحبى الألمانى عشان كده متمسكة بالفيييييييات :lol: :lol:

أمممممممممم

بس بتهيألى أن الفيات ال128 كانت انتاج مشترك بين ايطاليا و ألمانيا الشرقية , صح , الشرقية , هه؟؟؟؟

الشرقية اللى هى بتاع بلبيس و الزقازيق و كده :lol: مش بتاع فرانكفورت و هامبورج و البلاد العالم التالت دييييى :wub: !!!!

MERCEDES S430

[أحمد سيف]

الألمان لهم مقوله شهيرة على الفيات ... بيقولوا كلمة FIAT اختصار لـ

Fehler in allen Teilen

يعني

Fault in every part

كل حاجه فيها غلط

[icehearted girl]

ايون بظبط كدا حضرتك :lol:

بس محافظ الشرقية عمل مشاكل وقتها شوية مع الطلاينة وقسموها مابينهم

علي فكرة فيات 128 كانت سنة سبعين واخدة جايزة car of the year

my luvly one :flr1: :blink:

[icehearted girl]

الألمان لهم مقوله شهيرة على الفيات ... بيقولوا كلمة FIAT اختصار لـ

Fehler in allen Teilen

يعني

Fault in every part

كل حاجه فيها غلط

شهقة عميقة :flr1:

[shiko]

:

JAGUAR XJ8 موديل 2000 - 2003 :blink: أأأأأأأأأخخخخ هنبتدي نخبط فلحلل.

اي اللي جاب سيرة جاجوار دلوقتي بس مش تراعوا شعور الاخوة الاعضاء :lol:

بحب السيلفر بتاعها اوي

الا بنك ناصر مبيقسطش جاجوار :lol: متهيالي هيحولوني علي مستشفي المجانين لو رحت سألتهم السؤال دا

ي لانسر بومة كويسة والله بس انا بشوف منظر تحفة

الناس وهي مروحة كل واحد بيبص علي رقم عربيته يتأكد انها هي :flr1: من كتر انتشارها فمصر

اه نسيت كمان الفيرنا... عملة زي النارررررررررررررررررررررررررررر في الهشيييييييييييم

بس انا برده بحب الالماني عن الامريكان.. امال انا متمسكة بالفيات ليه :lol:

وان شاء الله مش هتتغير الا علي هوندا سيفيك كمان عشرتاشر سنة كدا :wub: :: محنا لازم نشجع الياباني برديك

السلام عليكم و رحمة الله و بركاته

بقى أنت بتحبى الألمانى عشان كده متمسكة بالفيييييييات :lol: :lol:

أمممممممممم

بس بتهيألى أن الفيات ال128 كانت انتاج مشترك بين ايطاليا و ألمانيا الشرقية , صح , الشرقية , هه؟؟؟؟

الشرقية اللى هى بتاع بلبيس و الزقازيق و كده :lol: مش بتاع فرانكفورت و هامبورج و البلاد العالم التالت دييييى :wub: !!!!

MERCEDES S430

انا ماليش فى العربيات ..اوى

بس بمناسبة ال128 يعنى ..انا عاوز اسأل هى ليه الرقم ده بالتحديد دون عن الارقام اللا نهائية ؟؟

ولو سمحتم محدش يتريق عليها ...لان دى ساندوتش الفول والطعمية بتاعة الشعب المصرى

بس هاحكلكم حكاية تضحكم على علاقتى بال128..

اول ماحبيت اطلب من بابايا عربية ..دعيت وقلت يارب اى حاجة اى حاجة بس بلاش 128 يارب علشان خاطر حبيبك المصطفى بلاش 128....

بابا راح وجه وجه وراح ...قاللى مافيش غير 128 ...قلت خلاص مابدهاش ...بس يااااااارب علشان خاطر حبيبك المصطفى بلاش تبقى 128 بيضة ....بجد بقى هاعيط

بابا اتصل بية وقالى تعالى حالا انا بمضى عقد البيع .........رحت وانا طول الطريق بدعى ياااااااااااارب بلاش بيضة ...رحت .......وكانت المفجأة ....128بيضة ...وقفت ادام الناس هاعيط ...

وللعلم كانت احلى واجمل عربية ركبتها ...وعمرها ماعملت فيه حركة نص كم ..كانت بتبقى بتشحر واسافر بيا ولا تنطق ولا تتكلم .......يااااااااه ذكريات علشان كده ماحبش حد يجيب سيرة ال128 بتريقة لو سمحتم

صباحك كلاكسااااااااات

[icehearted girl]

علشان هي بتشيل upto 128 راكب :blink:

لابجد هي لذيذة اوي

والبيضا ياشيكو كمان حلوة اوي...للاسف انا كنت جيباها بترولي.. دلوقتي مش باين للونها اي ملامح

وبمصروفي بظبطها وقطع غيارها مفيش ارخص من كدا وبنزينها 80 ولو ملقتش بحطلها بيبس :flr1:

بس هي المشكلة اعطالها كتير فعلا :(

وخصوصا الموديلز القديمة منها

بتبقي حوسة بجد خصوصا لو في مكان محدش هيقدر ينقذك فيه :(

قلبتوا عليه المواجع

تم تعديل 25 فبراير 2010 بواسطة icehearted girl