اذهب إلى المحتوى
محاورات المصريين

مين بيحب العربيات ؟


د هشام ابراهيم

Recommended Posts

فى اخر نزولة ليا من شهرين فوجئت بى كمية العربيات الكورى فى مصر

السبب ?

الرخص اى السعر?

ام احنا شعب بيحب المنظرة وبيركب وخلاص?

مع العلم ان العربيات الكورى لا تصلح فى مصر

بس بنركبها

يا عزيزى العربيات الكورى اتغيرت تماما عن قبل كده ماعدش مقتصره على الهيونداى بونى والاكسيل والحاجات دى لا شركه هيونداى مثلا اللى بتعتبر قمه الصناعه الكوريه وصلت لاكبر 7 شركات فى العالم ومخططها لانها تبقى من اكبر 5 شركات فى العالم فى الاعوام القادمه والدليل فوز السياره التحفه هيونداى جينسيس بجائزه احسن سياره فى امريكا الشماليه 2009 متفوقه على اللكزس والانفينتى والبى لم دبليو والمرسيدس

وبعدين شوف عربيه زى الالنترا دلوقتى بجد حاجه جامده جدا والكيا سيراتو الجديده والكيا اصلا مملوكه لهيونداى قمه الاداء والاعتماديه وشطبوا كلمه دى كورى من القاموس ومعدوش يفرقوا على اليابانى بالعكس ارخص من اليابانى اللى فى نفس الشريحه بكتير لمجرد انهم كورى مع ان فرق الجوده معدش كتير يعنى تلاقى الالنترا 1.6 فى مصر ب97000 واللى زيها يابانى مثلا لانسر ب135000 والكورولا ب130000 والمازدا 3 ب 125000 والسيفيك ب 140000 فرق كبير جدا

والاخوه اللى عايشين بالخليج عامه والسعوديه خاصه عارفين كويس يعنى ايه هيونداى فى السعوديه يعنى ان محدش اشتكى من الاكسنت ولا الالنترا وانهم سيارات الكرف والتاجير هناك والالنترا 2.0 بقت تاكسى مع الكامرى وطبعا المحبوبه الاولى السوناتا اللى مسيطره على الفئه دى وارخص من نظيراتها اليابانيين بكتير تلاقى السوناتا 2.4 سى سى فول اوبشن ب55000 ريال مثلا وتلاقى الكامرى والاكورد والالتيما والليجاسى معديين ال75000 ريال فرق كبير فلا السعر مع ان الفرق مش كبير فى الجوده ضئيل جدا الكورى سيارات فى متنا ول اليد وبجوده معقوله واقتصاديه

والعربيات الكورى تصلح فى مصر جدا والتاكسيات دلوقتى معظمها اكسنت وفيرنا وشغاله زى الفل بس اكيد عايزه اللى يحافظ عليها مش يهينها

المرسيدس سيارات فخمة بالدرجة الاولى + قوة محرك عالى جدا

وبتالى بيكون سعرها غالى

اما السيارات اليابانى من حيث التكنولوجيا مافيش كلام

ولو نقارن من حيث محرك عمر اطول معلش الالمانى يكسب

السيارات الفرنسيه اناقه وشياكه ومفيش وجع دماغ ولا حاجة ولا نسيت 504

عندك حق ياباشا فى موضوع الالمانى يكسب والله دى مافيها كلام بس يكسب نظريا يعنى نظريا انا بحب الالمانى اكتر لما اشوف فولكس باسات واقفه جنب هوندا سيفيك او كورولا اكيد هاموت على الباسات مش التانيين بس لما اجى اشترى مش هاشترى المانى الا زى ماقلت فى الاول يكون مش فارقه معايا الفلوس او مصاريف التشغيل اوى لان الالمانى مصاريف غاليه جدا كله حساسات وتكنولوجى ولازم التوكيل وادفع يا بيبرس 4000 فى 5000 فى 7000 انما اليابانى والكورى تكنولوجى بسيط نوعا ما عشان كده مصاريفها مش كتير بس ده ميمنعش ان فيه حاجات مش هالاقيها غير فى الالمانى زى الثبات والعزل الممتاز والركوبه اللى مفيش زيها

ومن حيث المحركات اكيد المحركات الالمانى سابقه اليابانى شويه بس مش كتير اوى والاتنين معمرين ولو عايز تشوف اليابانى معمر ازاى شوف العربيات التويوتا كرسيدا التمانينات والكامرى فى الخليج وامريكا فيه كتير منهم مقفل المليون كم من غير عمره موتور ده غير التكنولوجى الجامد جدا فى محركات الههوندا مثلا وانهم عملوا محرك الفتيك VTEC الموفر جاد للوقود ويخرج اقصى طاقه ويخلى عربيه زى الهوندا سيتى 1500 سىسىوبتطلع 140 حصان

الفرنساوى اللى حضرتك بتقول عليه ده كان زمان البيجو 504 اللى عملت طفره وبقالها 30 سنه شغاله و سموها ملكه افريقيا من كتر مبيعاتها انما الجديد مش بقول انه وحش بالعكس تصميمات رووووعه بس متعبه كلها حساسات وكمبيوتر يقفل فى اى لحظه كانه كمبيوتر بيهنج ومش بتديك راحه البال اللى عايزها وفيها نفس مشكله الالمانى لازم كل حاجه على التوكيل ولو فتحت معاك يبقى هتتعبك وهتفتح بقها

رابط هذا التعليق
شارك

الأخوة و الأخوات الأفاضل

نورتوا و شرفتوا الأوتو كافيه :ninja: :ninja:

أنا كنت متوقع إن ناس كتير يبقى ليهم اهتمام بالعربيات انما ما توقعتش الحماس و العشق و الثقافة و المعلومات من كل اللي شاركوا wst::

ا/بندق أفندي و

ا/ moheltohamy .........شكر مجدد علي أول طلعة :roseop:

ا / Egypt

ا/ remo

ا/ iceherated girl و

ا/ elshafey .................ربنا يرزقكم كل اللي بتتمنوه بفضله ....... حضراتكم و السامعين wst::

ا/ mokhtarelmalahy أهلا و سهلا بحضرتك و في انتظار مشاركات و أخبار جامدة mfb:

Her şey kişisel bir

رابط هذا التعليق
شارك

بصراحه يا جماعه انا من عشاق السباروا000سياره شيك ورياضيه وانيقه وراسيه تمام ماشاء الله

ولها امكانيات تناسب الشباب اللى زيى :ninja:

بجد بجد انا بحس انى مطمنه جدا وانا سايقاها خاصه فى السفر والطرق السريعه 000

حد جربها ؟؟ ايه رأيكم فيها ؟؟

من كلام حضرتك واضح انها سوبارو امبريزا ..و لا إيه :roseop:

ربنا يبارك لك فيها و يحفظهالك

السوبارو كله بيتميز باداء عالي من المواتير المتفردة في تكنولوجيتها و ثبات علي الطريق مع نظام الدفع الرباعي

Her şey kişisel bir

رابط هذا التعليق
شارك

عاوزين يا دوك نعمل جزب اليابانيات للابد :ninja: و نطهر الارض من جنرال موتورز الغاشمه :roseop:

صديقي العزيز .... منور ...... جنرال موتورز هي السبب في المصيبة اللي وصلت ليها ...سياسات غبية و موديلات عقيمة و اعتمادية ضايعة ..... هي هامر أتباعت و لا لسه :ninja:

Her şey kişisel bir

رابط هذا التعليق
شارك

أنا بحب ال BMW جدا وواثق من قدرات الألمان على إبتكار أحدث التكنولوجيا

أما عن العربية اللى شفتها وعجبتنى جدا هى ال بورش كايين

ربنا يرزقك كل ما تتمناه يا باشا :roseop:

العربيات الألماني محترمة جدا طبعا ....انما في مجال تكنولوجيا العربيات , الياباني و حتي الأمريكاني (رغم كتير من التحفظات عليه ) فيهم تكنولوجيا عالية جدا سواء في المحركات أو الكماليات ....... كتير قوي بتبقى أعلي من الألماني ....بمقارنة عربيات نفس الفئة ببعضها

مثال بسيط قارن الكايين بلكزس RX الجديدة ......ده غير إن فيها نسخة هايبرايد غاية في التقدم و الأداء القوي

طبعا أولا و أخيرا القلب و ما يعشق بقي :ninja:

Her şey kişisel bir

رابط هذا التعليق
شارك

موضوع جميل جدا ويا ريت كل واحد يقول هو عندة عربية اية والابشن اللى فيها

ازيك يا سنيور عاش من شافك :roseop:

الحقيقة العربيات بالنسبة لي عشق من نوع خاص من أول أول عربية امتلكتها .....mustang piston popper .....ماتشبوكس :ninja:

Mustangpistonpopper.jpg

مرورا باول عربية ركبتها ...عربية إيطالي سبور خمرا ...... بلاستيك و بدالات :ninja:

vilac-red-pedal-car1-lrg.jpg

لحد أخر عربيتين امتلكهم حاليا

كورولا ٢٠٠٧ LE ......١٨٠٠ سي سي كاملة و مزود عليها آير باجز جانبية

DSCN0170.jpg

RAV 4 ٢٠٠٩ limited ٣٥٠٠ سي سي كاملة و مزود عليها نظام صوت JBL

DSCN0632.jpg

Her şey kişisel bir

رابط هذا التعليق
شارك

ولما بتجيب سيرة هيوند اى ممكن يجيلى حساسية

زيك بالظبط يا سنيور ...رغم إن العربيات الكوري في تقدم مستمر و مؤخرا عربيات هيونداي في أمريكا الشمالية سمعتها بقيت كويسة جدا و قدموا موديلات هايلة انما برضه أنا من الحرس القديم اللي لسه عنده حساسية :roseop:

النقطة المهمة إن السوق المصري سوق عجيب جدا و ليه ديناميكياته اللي مختلفة عن كل البلاد التانية

بص الصورة ديه ....من أخر زيارة لمصر

24092008009.jpg

Her şey kişisel bir

رابط هذا التعليق
شارك

بما ان الموضوع هيقلب احزاب المانى ويابانى وامريكى اسمحولى اقول رايى المتواضع فى الموضوع ده :

..........................

العربيات الامريكى ليها ناسها لان اقل حاجه فيها 3000 سى سى وانت طالع ومحركات V6 و V8 يعنى بلاعه بنزين وبالتالى سوقها بيتركز دايما فى الخليج لان البنزين رخيص ولقدرتها على مواجهه الاجواء الحاره والقاسيه

...........................

السيارات الايطاليه متميزه فقط فى السيارات الرياضيه السوبر كار زى الفيرارى واللامبورجينى والبوجاتى

.......................

متفق معاك في أغلب اللي قلته يا باشا ....و إن اختلفت معاك في بعض النقاط البسيطة انما طبعا اختلاف لا يفسد لود قضية ....بالعكس سعيد جدا بمشاركات حضرتك و واضح جدا من كلامك انك شخصية مغرمة بالعربيات زاي حالاتي

اسمحي لي بملاحظتين بسيطتين ....حاكتفي بيهم دلوقت :ninja:

فيه عربيات أمريكاني كتير تحت ٣٠٠٠ سي سي و كمان 4 سلندرات سواء في سوق أمريكا الشمالية ...السوق الاساسي للعربيات الامريكاني أو في أوروبا أو في الصين

و فيه منهم موديلات معقولة بالذات من فورد ...رغم إن الشريحة ديه الامريكاني ضايع فيه أمام المنافسة

في الأيطالي ما ننساش الفا روميو ..... سوق أمريكا الشمالية ...اللي هو أكبر سوق سيارات في العالم في انتظار عودة الالفا ....و طبعا بعد ما فيات اشترت كرايسلر مش بعيد نشوف عربيات ايطالي متأمركة :roseop:

Her şey kişisel bir

رابط هذا التعليق
شارك

انا بحب ال Nissan Altima 2009 جدا و كمان ال Toyota Camry
انا عموما بحب الاوربي و بصفه خاصه الالماني مرسيدس ( GLK 350 Serious SUV)و(X Serious) bmw و أودي(Q7, Q5 ) و بورش كل versions و ممكن أضم لهم volvo XC90 عربيه تحفه بجد

GLK عربيه كويسه اوي 3000 CC SUV و مناسبه لشوارع مصر و أرخص من X 3

أولا أهلا و سهلا في الأوتو كافيه :roseop:

ثانيا اختيارات متميزة كلها و بتثبت المثل القائل الناس فيما يعشقون مذاهب :ninja:

حاليا العربية اللي واكلة عقلي هي الأودي ....S7 تحديدا :ninja:

Her şey kişisel bir

رابط هذا التعليق
شارك

موضوع حضرتك على الجرح يا باشا

العربيات حاجة في دمي

يعني الحب الأول اللي ما لوش زي :hysterical:

تعلمت السواقه وأنا صغير ، لكن كان لي عربية خاصه في أواخر تاني ثانوي

كانت تويوتا كريسيدا 94 ، العربية دي إتوقف تصنيعها وكان بديلها الكامري

بعدها كان معايا كامري 99، بالنسبة لي لا تقارن بالكريسيدا ، الكريسيدا أقوى وأثقل وكل حاجة فيها أفضل

لانسر 2004 ، ما حبيتش العربيات اللانسر ، خاصة إن قطع غيارها مرتفعه ، وما شعرتش إنها تستاهل المصاريف الجامده

وكمان عملت بيها حادثه كرهتني فيها :hysterical:

لاند كروزر 2006 ، بصراحه عربيه ليها كل الإحترام والتقدير wst::

لفترة محدودة كان معايا آفيو شفرليت ، لكن برضو ما حركتش مشاعري

وكمان عملت بيها حادثه :wub:

حاليا وبعد حادثتين ممنوع من العربيات

ومقضيها مواصلات

عموما حبيت العربيات المرتفعه ، الجيبات يعني ، بالنسبة لي بتديني شعور كبير بالإرتياح

اللاند كروزر والبرادو ، والفورشينال

أنا من مؤيدين شركة تويوتا دائما

لكن معشوقتي X5 بي أم دبليو

راجعلك ياباشا

بس اخلص الكام كتاب اللي في إيدي :hysterical:

رباه إن لم اكن أهلا لبلوغ رحمتك *** فإن رحمتك أهلا لتبلغني

لأنها وسعت كلّ شيء

رابط هذا التعليق
شارك

بما ان الموضوع هيقلب احزاب المانى ويابانى وامريكى اسمحولى اقول رايى المتواضع فى الموضوع ده :

..........................

العربيات الامريكى ليها ناسها لان اقل حاجه فيها 3000 سى سى وانت طالع ومحركات V6 و V8 يعنى بلاعه بنزين وبالتالى سوقها بيتركز دايما فى الخليج لان البنزين رخيص ولقدرتها على مواجهه الاجواء الحاره والقاسيه

...........................

السيارات الايطاليه متميزه فقط فى السيارات الرياضيه السوبر كار زى الفيرارى واللامبورجينى والبوجاتى

.......................

متفق معاك في أغلب اللي قلته يا باشا ....و إن اختلفت معاك في بعض النقاط البسيطة انما طبعا اختلاف لا يفسد لود قضية ....بالعكس سعيد جدا بمشاركات حضرتك و واضح جدا من كلامك انك شخصية مغرمة بالعربيات زاي حالاتي

اسمحي لي بملاحظتين بسيطتين ....حاكتفي بيهم دلوقت md2:

فيه عربيات أمريكاني كتير تحت ٣٠٠٠ سي سي و كمان 4 سلندرات سواء في سوق أمريكا الشمالية ...السوق الاساسي للعربيات الامريكاني أو في أوروبا أو في الصين

و فيه منهم موديلات معقولة بالذات من فورد ...رغم إن الشريحة ديه الامريكاني ضايع فيه أمام المنافسة

في الأيطالي ما ننساش الفا روميو ..... سوق أمريكا الشمالية ...اللي هو أكبر سوق سيارات في العالم في انتظار عودة الالفا ....و طبعا بعد ما فيات اشترت كرايسلر مش بعيد نشوف عربيات ايطالي متأمركة :P

شكرا ليك يا دكتور على كلامك الجميل وواضح ان حضرتك انسان محترم ومتحضر فعلا

بالنسبه للنقطه بتاعت الامريكانى فعلا الامريكانى ملوش عير فى الكبير ولما فورد حبت تعمل عربيات صغيره انشات ( فورد اوروبا ) ومقرها تقريبا باسبانيا ومصانعها باسبانيا وليها فروع ومصانع ومكاتب اقليميه فى تركيا ودى اللى بتصنع الفورد فوكس 1.6 ز 2.0 والفورد مونديو 2.0 و2.0 و2.5 تقريبا والفورد فيستا 1.3 ودى من انجح العربيات فى السوق الاوروبى لكنها مش بنكهه امريكيه قريبه اوى من الالمانى عن الامريكانى ومعروف ان الفورد فوكاس دى مش اكبر السيارات مبيعا فى اورروبا وبطله راليات

وبرضه لما جنرال موتورز حبزا يعملوا عربيات صغيره مش هما اللى عملوا انما جابوا شركات من بره امريكا تعمل شراكه معاهم او يشتروا اسهم من الشركات دى وتنزل اسواقهم باسم جنرال موتورز زى ماشتروا دايو الكوريه سنه 2003 و عربيتها الشهيره الدايو لاسيتى 1.6 سى سى بقت تنزل فى امريكا والخليج مصر باسم شيفروليه اوبترا و فى شرق اسيا باسم دايو لاسيتى واستراليا باسم هولدن وبرضه الشيفروليه افيو اللى هيا اصلا دايو كالوس

واشتروا اسهم من سوزوكى اليابانيه ومازدا اليابانيه

ده غير تملكهم لاوبل الالمانيه واللى مقدرتش تغزو السوق الامريكى بنكهتها الاوروبيه الخالصه فبدأوا تصنيع سيارات الاوبل بامريكا تحت اسم ساتيرن

الخلاصه الامريكان مش بيحبوا ولا هيحبوا يصنعوا عربيه صغيره دى مش بتاعتهم هما يصنعوا عربيات كبيره ويركبوا عربيات صغيره من برا امريكا يابانى او كورى

رابط هذا التعليق
شارك

انا باعشق ال bmw

و لما باشوف ال X5 بيجيلي اسبهلال كده و بينزل عليا سهم الله و بافضل متابعاها بعيني لحد ما تختفي

ربنا يوعدنا

يا سلام امم يا سلام

BMW_X5_01.jpg

فايف إيه بس يا ريمو؟!

طب والسكس نعمل فيها إيه؟! :aslam:

عاشت كندا حرة مستقلة :roseop:

25042009056.jpg

فيجيب الدمع والماضي الجريح *** لم عدنا؟ ليت أنّا لم نعُد!

رابط هذا التعليق
شارك

الالنترا 2009 فعلا تعتبر مثال حى للتغيير والتطور فى الصناه الكوريه واللى تقدر عن طريقها هيونداى غزو جميع الاسواق والمنافسه بشده مع نظيراتها اليابانيه زى التويوتا كورولا والمازدا 3 والنيسان تيدا والميتسوبيشى لانسر والهوندا سيفيك والسوبارو امبريزا وطبعا شقيقتها وشريكتها فى كل شىء من موتور وشاسيه ماعدا الاسم والشكل الكيا السيراتو 2009

واضح لاى حد عايش فى الخليج دلوقتى والسعوديه خاصه يعنى ايه النترا بدءا من الجيل القديم موديل 2004/2005/2006 اللى انتشر بسرعه جدا واثبت كفاءه ممتازه واعتماديه رهيبه فى العمل فى الاجواء الحاره والرطوبه فى السعوديه واشتغلت كتاكسى هى والموديل الجديد واخيرا الكرسيدا والكامرى لقوا عربيه تزاحمهم فى التاكسى وبرضه استعانت بها الشرطه السعوديه كدوريات سريه

مفيش حد ركبها او ماركبهاش من الاخوه الخليجيين الا ماحلف بيها وانها عربيه بتاعت شغل وحرق وعلى رايهم ( سياره كرف ومكده)

وكتير منها عدى ال350000 كم من غير عمره وشغاله زى الفل وماتعبتوش بس طبعا مع الصيانات الدوريه والاستخدام الجيد

بينزل منها فى السعوديه موتور 2.0 و موتور 1.6 اللى بينزل فى مصر 122 حصان مانيوال واوتوماتيك بمختلف التجهيزات بدءا من الاستاندرد الى النص فل والفل كامل اسعارها فى مصر المانيوال تكيف وCD و4 زجاج كهرباء ومرايات كهرباء وسنتر ب92000 جنيه وفى السعوديه حوالى 41000 ريال والاتوماتيك نفس التجهيزات السابقه ب97000 فى مصر وحوالى 44000 ريال فى السعوديه واعلى فئه منها فى مصر زياده عليها فرامل ABS و2 ايرباج وجنوط وفتحه سقف ومالتى فانكشن فى الطاره بحوالى 122000 مصرى وفى السعةديه اعلى فئه بحوالى 50000 ريال سعودى الوكيل فى مصر غبور اوتو وفى السعوديه تقريبا ليها توكيلين المجدوعى والناغى

بالنسبه للجمارك حوالى 40 % وعليهم 18 % مش عارف بتوع ايه كده يعنى حوالى بالرسوم 60 % وفيه خصم استعمال 10 % على اول سنه و5 % على كل سنه بعد كده بحد اقصى 9 سنين بشرط تكون المالك الاول لها ولو عايز تحسب الجمرك موقع وزاره الماليه الجمارك المصريه تقريبا متاحه بس

اللى عايز يشتريها من الخليج وينزلها مصر على طول يبقى بلاش السعر بعد الجمارك هو هو نفس سعرها فى مصر تقريبا وهتبقى بهدله ووجع دماغ على الفاضى ولو عشان خليجى فى تجار فى مصر بيستوردوا الخليجى

اما لو حد عاوز يشتريها فى الخليج ويستعملها لفتره ما وهو راجع نصر ينزلها اه ممكن يبقى افضل

رابط هذا التعليق
شارك

انا باعشق ال bmw

و لما باشوف ال X5 بيجيلي اسبهلال كده و بينزل عليا سهم الله و بافضل متابعاها بعيني لحد ما تختفي

ربنا يوعدنا

يا سلام امم يا سلام

BMW_X5_01.jpg

فايف إيه بس يا ريمو؟!

طب والسكس نعمل فيها إيه؟! wst::

عاشت كندا حرة مستقلة wst::

25042009056.jpg

مش عارف ليه يا تهامي حاسس إنها مايلة على جنب كده أو معووجة .. لاحظ كده الجنب اليمين أوطى من الجنب الشمال .. يمكن عيب تصوير ولا الطريق في كندا مش مظبوط ولا يمكن عيب تصنيع بئا ..

وبعدين تحس إنها مكعبرة كده ومش حلوة .. لا ياعم ده الفيات اللي كانت معايا في مصر احسن منها :roseop:

طبعا أنا بهزر وأول مرة اشوف الإكس سكس على إيدك وشكلها فعلا مالهاش حل .. حتى إني نزلت الصورة على الجهاز عندي وقعدت اعمل زووم واقرب وابعد من كثر ما اُعجبت بها .. وحشتني يا راجل يا طيب

رابط هذا التعليق
شارك

شكرا ليك يا دكتور على كلامك الجميل وواضح ان حضرتك انسان محترم ومتحضر فعلا

ده غير تملكهم لاوبل الالمانيه واللى مقدرتش تغزو السوق الامريكى بنكهتها الاوروبيه الخالصه فبدأوا تصنيع سيارات الاوبل بامريكا تحت اسم ساتيرن

الخلاصه الامريكان مش بيحبوا ولا هيحبوا يصنعوا عربيه صغيره دى مش بتاعتهم هما يصنعوا عربيات كبيره ويركبوا عربيات صغيره من برا امريكا يابانى او كورى

العفو يا باشا و ألف شكر لحضرتك علي المشاركات القيمة و المعلومات الوافرة

علي فكرة GM باعت أوبل و ساتيرن خلاص :lol:

Her şey kişisel bir

رابط هذا التعليق
شارك

فايف إيه بس يا ريمو؟!

طب والسكس نعمل فيها إيه؟! :hysterical:

عاشت كندا حرة مستقلة :D

25042009056.jpg

ال-X6 موجودة في مصر حضرتك ...مليون و ٣٠٠ ألف جنيه فقط لا غير ....يبقى عمار يا مصر طبعا :lol:

أنا كنت من عشاق البي ام لحد يمكن سبع تمن سنين فاتوا ....التصميمات الخارجية ما بقتش تعجبني خالص ...ذوق شخصي ...

كبير مصممي بي إم ثوري زيادة عن اللزوم (أمريكاني إسمه كريس بانجل ) و التصميمات الجديدة لا إما تحبها قوي يا إما تكرهها قوي ...علي فكرة مش أنا لوحدي اللي مش طايق عم بانجل ده ...لو دخلت أي منتدي سيارات أجنبي غالبا حتلاقي خناقة حوالينه ما بين المؤيدين و المعارضين

طبعا ميكانيكا و قيمة ما علهاش كلام .....من العربيات اللي باحبها كمان ال 335i كوبيه و أي عربية بي إم عليها حرف M حتي لو تصميمها وحش :hysterical:

Her şey kişisel bir

رابط هذا التعليق
شارك

طيب ايه رأيكم في النترا 2009 وجماركها كام في مصر هي 1.6

طبعا الأخ مختار باشا ما شاء الله أجاب و أفاد تماما عن الالنترا

هي عربية كويسة صراحة رغم اني ما باشجعش الكوري انما وسط السوق المصري معقولة .... عيبها الحقيقي الوكيل بتاعها

الصراحة فيه عربيات كتير في مصر عيبها الحقيقي الوكيل بتاعها برضه مش بس هيونداي

لو فيه اختيارات تانية ممكن ساعتها نقارن يا باشا :lol:

Her şey kişisel bir

رابط هذا التعليق
شارك

فايف إيه بس يا ريمو؟!

طب والسكس نعمل فيها إيه؟! :hysterical:

عاشت كندا حرة مستقلة :D

25042009056.jpg

ال-X6 موجودة في مصر حضرتك ...مليون و ٣٠٠ ألف جنيه فقط لا غير ....يبقى عمار يا مصر طبعا :lol:

أنا كنت من عشاق البي ام لحد يمكن سبع تمن سنين فاتوا ....التصميمات الخارجية ما بقتش تعجبني خالص ...ذوق شخصي ...

كبير مصممي بي إم ثوري زيادة عن اللزوم (أمريكاني إسمه كريس بانجل ) و التصميمات الجديدة لا إما تحبها قوي يا إما تكرهها قوي ...علي فكرة مش أنا لوحدي اللي مش طايق عم بانجل ده ...لو دخلت أي منتدي سيارات أجنبي غالبا حتلاقي خناقة حوالينه ما بين المؤيدين و المعارضين

طبعا ميكانيكا و قيمة ما علهاش كلام .....من العربيات اللي باحبها كمان ال 335i كوبيه و أي عربية بي إم عليها حرف M حتي لو تصميمها وحش :hysterical:

عندك حق ياباشا البى ام تصميماتها مابقتش حلوه وجايز تعجب ناس كتير بسس انا مابقتش تعجبنى خصوصا الفئه الخامسه بدأأ من موديلات 2006 تقريبا والفئه التالته معقوله بس برضه مش مبهره احلى تصميم شفته فى تاريخ بى ام دبليو الفئه الخامسه موديلات 99 - 2004 520 و 523 و 525 بجد دى اصلا احلى عربيه شفتها فى حياتى مع المرسيدس السبح SEL 320 موديل 2000

وعمرى ماحبيت ال4*4 من بى ام دبليو لان اصلا مش راكبه معايا عربيه دفع رباعى اوروبى غير الاودى Q7

ال 4*4 يعنى يابانى لو عايز قوه وعزم وامريكانى لو عايز فخامه ورفاهيه

طبعا كل الكلام ده وجهى نظرى فقط لا غير

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      دبي، الإمارات العربية المتحدة (CNN) -- أطلقت "فوربس" قائمتها السنوية للنساء الأكثر نفوذاً في الشرق الأوسط للعام 2020، بعد واحدة من أصعب السنوات التي مرت على الشركات والأعمال التجارية في التاريخ الحديث. وتقول "فوربس" إنها اعتمدت في تصنيفها على 50 امرأة أظهرت خلال هذا العام الماضي مرونة وقوة ونفوذاً في مواجهة محنة غير مسبوقة، سواء في مكان العمل أو في مجتمعاتهن. تعرّفوا إلى تصنيف النساء العرب الأكثر نفوذاً في الفيديو أعلاه: View the full article
    • 67
      طق في دماغي اكل فسيخ .وانا هنا في الرياض . وبصراحه ماكنتش اعرف انهم بيبعتوا يجيبوه من مصر . ولما ساْلت عليه لو كان بيتباع هنا ؟....ناس كتيرررررررر قالوا لي ان اللي هنا رغم انه جاي من مصر بس مش بيكون حلو :rolleyes: فاْخذت افكر وافكر . (همه بيقولوا كده) وهمه مين ؟.....ماعرفش wst:: المهم........... قلت لنفسي ...تعملي ايه يا روشه ....تعملي ايه يا روشه .....هاتجيبي فسيخ منين يا روشه ؟ وتضمني منين انه يبقى حلو ونضيف .....( برضو يا روشه ) مهو انا اللي عاوزه اْكل فسيخ. وبصراحه باتكس
    • 3
      سؤال ... مطروح منذ قيام الثورة المصرية المجيدة وحتى يومنا هذا ... سؤال قد يكون في بال الكثير من المصريين الذين اصبحوا بلا فهم او دراية بما يجري حولهم في ظل حالة التضليل والتشتت التي اشترك فيها المجلس العسكري والاحزاب والمهتمين بالشأن السياسي لعموم المصريين. فقد يرى المواطن المصري في ما يحدث الان من مظاهرات واعتصامات متكرره بانها فوضى خلاقة وممنهجة لتعطيل سير البلاد نجو الديمقراطية والبناء والرغبة الملحة في اسقاط هيبة الدولة واهانة الجيش المصري ... وهي الافكار التي استطاع المجلس العسكري ان يزرعه
    • 3
      أخوكم محتاس معايا ييجي 500 ريال..و عاوز أجيب عربية جديدة لانج..شفت شوية الاعلانات دي..و بصراحة محتار عربية جديدة من الوحش..عبد اللطيف جميل..حوت التويوتا في السعودية يا سيدي علي المرسيدس ولا نخلينا في الجيب ولا الدودج؟ ولا نخلينا في دي؟؟ ووعد مني..بعد ما نشتري العربية ان شاء الله..ليكوا عندي حفلة باربيكيو فظيعة..و طبعا هتبقي علي حساب أخونا سين سين..وسيحيي الحفل اثنين من ألمع نجوم الفن في العالم العربي ريا و سكينة
    • 17
      من يوم مالواحد فتح عينه على الدنيا واستلمونا افلام ومسلسلات طالعه من قصص وروايات واحنا منعرفش غير خمس ست طرق للتعبير عن الحب الابتسامه والتسبيله والكلمه الحلوة مع الورده الحمرة كل مانتكلم عن الحب والحبيبة غصب عننا نلاقي عبد الحليم طالع بيملس على شعره يفرقه على اليمين وساعات تامر حسني بيتأكد من فتحه القميص قبل مايغمز غمزته .. وكل ماتيجي سيرة الحب بترن في ودانا تنهيده ام كلثوم او نظرة زبيده ثروت وهي على سلم الطيارة علامات كتير ممكن نحكي عنها لما نتكلم عن الحب مابين العشاق او المخطوبين .. بس
×
×
  • أضف...