اذهب إلى المحتوى
محاورات المصريين

مين بيحب العربيات ؟


د هشام ابراهيم

Recommended Posts

فكرة الموضوع ديه بسيطة و كانت بناء علي توجيهات عليا :roseop:

العلاقة ما بين الانسان و العربية تتعدي كونها وسيلة مواصلات في كتير من الاحيان .....و قلت إنسان لان مع إن الرجالة مرتبطين أكتر بعربياتهم انما ما يمنعش إن الستات كمان فيهم من يرتبط بالعربية

متابع أخبار العربيات ....محتفظ بصور لعربيات عاجباك سواء مطبوعة أو علي الكمبيوتر ...... عندك مخزون من مجلات العربيات ....دخلت في مناقشة حامية الوطيس دفاعا عن شركتك المفضلة ....... في جعبتك حكاوي ملهاش حل بطلها عربية .....باختصار هل العربيات هواية ليك

لو الأجابة نعم يبقى ده موضوعك اتفضل أهلا و سهلا :roseop:

Her şey kişisel bir

رابط هذا التعليق
شارك

ابنى بيعشقهم لدرجة انه تخصص فى دراستهم

ويحفظ تاريخ كل سيارة مواصفاتها الفنية والمرضية .. يكرهم لك اول ما يشوف عربية منهم

تم تعديل بواسطة بندق أفندى

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

إختصاراً كده لغايت ما طبيعة التوبيك تظهر...

خاربين بيتي يا جدع! الواحد بيصرف عليهم أكتر ما بيصرف على نفسه!

صرفت على إيجار العربيّات في كندا آخر زيارة ليّا حوالي ألفين ونص دولار (النص ده خمسميت دولار مش نص دولار!) :lol:

ممكن أجيب كاسيت وساوند سيستم مالوش حل في العربية ، وما عنديش كاسيت أصلاً في البيت!

ونتكلّم في الخواطر دي بعدين :roseop:

مبروك علينا جميعاً افتتاح الموضوع الجديد :happy:

-------------------------------------

ملحوظة ع السريع: فكرة فتح التوبيك ده إن دي قهوة عامة مالهاش صاحب ؛ نتشارك بذكرياتنا واهتماماتنا عن العربيّات ، بدون ما ننتظر رد من هشام يا خويا (كده ما لكش حجة يا عم الحاج ، ولا هنعطّلك عن النيابة بتاعتك :roseop: )

فيجيب الدمع والماضي الجريح *** لم عدنا؟ ليت أنّا لم نعُد!

رابط هذا التعليق
شارك

ابنى بيعشقهم لدرجة انه تخصص فى دراستهم

ويحفظ تاريخ كل سيارة مواصفاتها الفنية والمرضية .. يكرهم لك اول ما يشوف عربية منهم

أنا كان فعلا نفسي أكمل و ادرس هندسة ميكانيكا بس فشلت و دخلت طب :roseop: ...... الحمد لله علي كل حال

ربنا يخليكم لبعض يا باشا .....أنا عارف حكاية كر المعلومات ديه و أعرف ناس كتير كده برضه زاي الباشمهندس :roseop:

Her şey kişisel bir

رابط هذا التعليق
شارك

إختصاراً كده لغايت ما طبيعة التوبيك تظهر...

خاربين بيتي يا جدع! الواحد بيصرف عليهم أكتر ما بيصرف على نفسه!

صرفت على إيجار العربيّات في كندا آخر زيارة ليّا حوالي ألفين ونص دولار (النص ده خمسميت دولار مش نص دولار!) :lol:

ممكن أجيب كاسيت وساوند سيستم مالوش حل في العربية ، وما عنديش كاسيت أصلاً في البيت!

ونتكلّم في الخواطر دي بعدين :roseop:

مبروك علينا جميعاً افتتاح الموضوع الجديد :lol:

-------------------------------------

ملحوظة ع السريع: فكرة فتح التوبيك ده إن دي قهوة عامة مالهاش صاحب ؛ نتشارك بذكرياتنا واهتماماتنا عن العربيّات ، بدون ما ننتظر رد من هشام يا خويا (كده ما لكش حجة يا عم الحاج ، ولا هنعطّلك عن النيابة بتاعتك :happy: )

منور يا كابتشين .....ما تفكرنيش باللي اختار بونتياك و ساب الموستانج :roseop:

ربنا يكرمك يا مستر تي يا حبيب هارتي :lol: ...التوبيك كافيه مفتوح ما فيش ليه طابع ....كلام عام عن السيارات لكل هاوي و غاوي و ناوي :)

Her şey kişisel bir

رابط هذا التعليق
شارك

انا اعشق اعربيات

نفسى اركب كل انواع العربيات

كان عندى هوندا سيتى 99 ولما الفلوس جريت فى ايدى اشتريت هونداى سواناتا 2004

نفسى اركب جراند باركيز

انشاء الله السنه القاده هاشتريها

رابط هذا التعليق
شارك

انا باعشق ال bmw

و لما باشوف ال X5 بيجيلي اسبهلال كده و بينزل عليا سهم الله و بافضل متابعاها بعيني لحد ما تختفي

ربنا يوعدنا

يا سلام امم يا سلام

BMW_X5_01.jpg

رابط هذا التعليق
شارك

شكرا ياباشا على الموضوع الجميل جدا ده

حضرتك كده تقدر تقول ان العبد لله مافيش فى حياته غير العربيات هى بجد كل حياتى ومسيطره عليا سيطره كليه والحمد لله ازعم ان خبرتى فى العربيات محليا فى مصر وفى الخليج وفى اماكن كتير الحمد لله عاليه جدا جدا جدا وعضو فعال فى اكبر منتديين سيارات فى مصر وفى اكبر منتدى خليجى واى حد عنده اى استفسار بخصوص اى حاجه فى السيارات يقدر يسألنى وان شاء الله اقدر افيده بس بصراحه الا جزء الميكانيكا لسه مش اد كده فيه انما الباقى تمام

من كتر حبى للسيارات وجهت مجال عملى المستقبلى ان شاء الله ليها لانى فى بكالوريوس اداره اعمال وامنيتى اشتغل فى Marketing & Sales فى توكيلات السيارات

رابط هذا التعليق
شارك

عارف لما واحد من العصر الحجري معندوش اي خبرة في الدنيا دي كلها فجأه يلاقي قدامه هيفا وهبي بتغني قالولي عنه كلام عشان ارضيه؟؟؟؟ :roseop: متخيلين الراجل دا هيكون متتنح ازاي؟

اهوا انا ببقي عاملة كدا لما تعدي قدامي عربية بحبها :)

بعشقهم بجنون.... وعندي مشكلة اني لما بشوف موديل جديد بحب اتصور معاه مش بس في معرض لا

دا ممكن يكون في الشارع يسلام لو كانت مثلا ميني كوبر او هامر كمان الموضوع دا بيكون محرج اوي

النهاردة كنت في معرض اوتوماك مكنتش قادرة اروح لما شفت toyota fine_s الجديدة

آآآآآآآآآآآآآآآآآآآآآآآآآآه يا وجع قلبي...

مخي بيسرح كتير فيهم..ومعظم تخطيطي المستقبلي بيكون ديما مرتبط بعربية احلامي :roseop:

بس سريعا ما برجع لعقلي تاني وابص لل128 واقول ربنا يهديكي يا بت يا آيس عصفور في اليد

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

انا بموت في حاجة إسمها فيراري

بس للأسف لا شوفتها في دبي ولا في السعودية

والموستينج كمان نفسي أسوقها وأمشي أجعر بصوتها

ربنا يوعدنا إن شاء الله

بسم الله الرحمن الرحيم

46c8fca7d5.png

صدق الله العظيم

لعبة جنرالات الحرب لعبة مسلية

رابط هذا التعليق
شارك

كان زماااااان احلى حاجه فى دنيتى انا وزوجى ال132 ياسلاااااااااام

ولكن بصراحه يا جماعه انا من عشاق السباروا000سياره شيك ورياضيه وانيقه وراسيه تمام ماشاء الله

ولها امكانيات تناسب الشباب اللى زيى :roseop:

بجد بجد انا بحس انى مطمنه جدا وانا سايقاها خاصه فى السفر والطرق السريعه 000

حد جربها ؟؟ ايه رأيكم فيها ؟؟

294043709.gif
رابط هذا التعليق
شارك

أنا بحب ال BMW جدا وواثق من قدرات الألمان على إبتكار أحدث التكنولوجيا

أما عن العربية اللى شفتها وعجبتنى جدا هى ال بورش كايين

PORSCHE%20CAYENNE%202007-15.jpg

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

موضوع جميل جدا ويا ريت كل واحد يقول هو عندة عربية اية والابشن اللى فيها

هابتدى بنفسى

النوع بيجو 307

الموديل 2004

سعة المحرك 2000 cc

اللون اسود

الا بشن: cd, ABS ,air bag, تكيف ,باور, جنت فابريكا,

تابلوالكترونيك ,تحكم راديو عن طريق عجلة القيادة

80000 K/M

من 0 الى 100 خلال 9 ثوانى

ومش راشة دواخل يا باشا

--------------------------------------------------------------------------------

كرتونة البيض فيها سم قاتل

عموماً.. تعددت كراتين البيض والنتيجة واحدة

لا حركة..

لا كلمة..

لا نفس..

رابط هذا التعليق
شارك

أنا بحب ال BMW جدا وواثق من قدرات الألمان على إبتكار أحدث التكنولوجيا

أما عن العربية اللى شفتها وعجبتنى جدا هى ال بورش كايين

PORSCHE%20CAYENNE%202007-15.jpg

مافيش كلام فى الالماني يا استاذ فاخرانى ال بورش كايين عربية قوية جدا!C'est la classe

وبعد كدة الفرنسى

اما الايطالى مش بهتم بى كتير لى اسباب كتيرة

مع ان المدام معها punto 2007 محركcc1200 ضعيف

ولما بتجيب سيرة هيوند اى ممكن يجيلى حساسية

تم تعديل بواسطة nizza la bella

--------------------------------------------------------------------------------

كرتونة البيض فيها سم قاتل

عموماً.. تعددت كراتين البيض والنتيجة واحدة

لا حركة..

لا كلمة..

لا نفس..

رابط هذا التعليق
شارك

بما ان الموضوع هيقلب احزاب المانى ويابانى وامريكى اسمحولى اقول رايى المتواضع فى الموضوع ده :

المدارس المختلفه فى السيارات بنخدم شرائح مختلفه من المستهلكين يعنى العربيات الامريكى ليها ناسها لان اقل حاجه فيها 3000 سى سى وانت طالع ومحركات V6 و V8 يعنى بلاعه بنزين وبالتالى سوقها بيتركز دايما فى الخليج لان البنزين رخيص ولقدرتها على مواجهه الاجواء الحاره والقاسيه

العربيات الاوروبى مش بتاعه الخليج خالص ولا بتاعت الشرق الاوسط عامه لانها مش بتبقى كويسه فى الاجواء الحاره يعنى ممكن فى مصر وشمال افريقيا تمام انما حرالخليج ولا تنفع بغض النظر عن مرسيدس والبى ام دبليو لان الاوروبيين مش بيهتموا انهم يصنعوها بمواصفات قياسيه لمواجهه الاجواء الحاره لانهم مركزين على السوق الاوروبى بتاعهم اللى بيستوعب واسواق امريكا الجنوبيه وشمال افريقيا واوروبا الشرقيه وتركيا ومؤخرا الصين انما مش بيهتموا انهم يصنعوا عربيه بمواصفات خليجى او شرق اوسطى

اليابانيين والكوريين هما اللى اساتذه فى الحته دى بمعنى انهم بيشوفوا المستهلك عايز ايه؟؟ وظروف السوق عنده ايه فى اى مكان فى العالم ويعملوا ليه اللى هو عايزه بيريحوه تلاقى احسن عربيات فى الاجواء الخليجيه تستحمل الحر والرطوبه العاليه اليابانى والكورى وبرضه السيارات الاكثر مبيعا فى امريكا هى اليابانى بتفوق ماحوظ للتويوتا كامرى والهوندا اكورد والسوبارو فى السوق الامريكى من 10 سنين تقريبا لحد دلوقتى ومؤخرا الهيونداى بانواعها الالنترا والسوناتا والازيرا والجينسيس مبيعاتها زادت جدا بالسوق الامريكى وده برضه بيرجع الى انه جودتها عاليه + اقتصاديه جدا فى استهلاك البنزين وقطع الغيار الاستهلاكيه معمره وبتعيش

حاجه موجوده فى الاوروبى وخاصه الالمانى والفرنساوى وتعتبر نعمه ونفمه وهى التكنولوجى العاليه جدا فيهم اللى بتخلى مش اى حد يشتغل فى العربات دى واعطالها مكلفه جدا بعكس اليابانى اللى بيبقى سهل صيانته ومش معقده خالص ومريح وهادىء واقتصادى واسعاره معقوله ....

السيارات الايطاليه متميزه فقط فى السيارات الرياضيه السوبر كار زى الفيرارى واللامبورجينى والبوجاتى

السيارات الفرنسيه اناقه وشياكه بس وجع دماغ

السيارات الالمانيه قمه الفخامه والثبات والاداء بس خليك اد مصاريفها

السيارات االانجليزيه مش بتاعتنا خالص ... رولز رويس وجاكوار ورانج روفر

السيارات الامريكيه فخامه وقوه بس زمنها انتهى خلاص وعايزاك تصرف كل فلوسك على البنزين

السيارات اليابانيه والكوريه ... الاعتماديه والاداء العالى اممتاز والاقتصاديه وراحه البال وقله الاعطال

رابط هذا التعليق
شارك

فى اخر نزولة ليا من شهرين فوجئت بى كمية العربيات الكورى فى مصر

السبب ?

الرخص اى السعر?

ام احنا شعب بيحب المنظرة وبيركب وخلاص?

مع العلم ان العربيات الكورى لا تصلح فى مصر

بس بنركبها

--------------------------------------------------------------------------------

كرتونة البيض فيها سم قاتل

عموماً.. تعددت كراتين البيض والنتيجة واحدة

لا حركة..

لا كلمة..

لا نفس..

رابط هذا التعليق
شارك

انته جيت علي الجرح

بص يا سيدي انا عموما بحب الاوربي و بصفه خاصه الالماني مرسيدس ( GLK 350 Serious SUV)و(X Serious) bmw و أودي(Q7, Q5 ) و بورش كل versions و ممكن أضم لهم volvo XC90 عربيه تحفه بجد

GLK عربيه كويسه اوي 3000 CC SUV و مناسبه لشوارع مصر و أرخص من X 3

Fight Like Brave

رابط هذا التعليق
شارك

المرسيدس سيارات فخمة بالدرجة الاولى + قوة محرك عالى جدا

وبتالى بيكون سعرها غالى

اما السيارات اليابانى من حيث التكنولوجيا مافيش كلام

ولو نقارن من حيث محرك عمر اطول معلش الالمانى يكسب

السيارات الفرنسيه اناقه وشياكه ومفيش وجع دماغ ولا حاجة ولا نسيت 504

تم تعديل بواسطة nizza la bella

--------------------------------------------------------------------------------

كرتونة البيض فيها سم قاتل

عموماً.. تعددت كراتين البيض والنتيجة واحدة

لا حركة..

لا كلمة..

لا نفس..

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      دبي، الإمارات العربية المتحدة (CNN) -- أطلقت "فوربس" قائمتها السنوية للنساء الأكثر نفوذاً في الشرق الأوسط للعام 2020، بعد واحدة من أصعب السنوات التي مرت على الشركات والأعمال التجارية في التاريخ الحديث. وتقول "فوربس" إنها اعتمدت في تصنيفها على 50 امرأة أظهرت خلال هذا العام الماضي مرونة وقوة ونفوذاً في مواجهة محنة غير مسبوقة، سواء في مكان العمل أو في مجتمعاتهن. تعرّفوا إلى تصنيف النساء العرب الأكثر نفوذاً في الفيديو أعلاه: View the full article
    • 67
      طق في دماغي اكل فسيخ .وانا هنا في الرياض . وبصراحه ماكنتش اعرف انهم بيبعتوا يجيبوه من مصر . ولما ساْلت عليه لو كان بيتباع هنا ؟....ناس كتيرررررررر قالوا لي ان اللي هنا رغم انه جاي من مصر بس مش بيكون حلو :rolleyes: فاْخذت افكر وافكر . (همه بيقولوا كده) وهمه مين ؟.....ماعرفش wst:: المهم........... قلت لنفسي ...تعملي ايه يا روشه ....تعملي ايه يا روشه .....هاتجيبي فسيخ منين يا روشه ؟ وتضمني منين انه يبقى حلو ونضيف .....( برضو يا روشه ) مهو انا اللي عاوزه اْكل فسيخ. وبصراحه باتكس
    • 3
      سؤال ... مطروح منذ قيام الثورة المصرية المجيدة وحتى يومنا هذا ... سؤال قد يكون في بال الكثير من المصريين الذين اصبحوا بلا فهم او دراية بما يجري حولهم في ظل حالة التضليل والتشتت التي اشترك فيها المجلس العسكري والاحزاب والمهتمين بالشأن السياسي لعموم المصريين. فقد يرى المواطن المصري في ما يحدث الان من مظاهرات واعتصامات متكرره بانها فوضى خلاقة وممنهجة لتعطيل سير البلاد نجو الديمقراطية والبناء والرغبة الملحة في اسقاط هيبة الدولة واهانة الجيش المصري ... وهي الافكار التي استطاع المجلس العسكري ان يزرعه
    • 3
      أخوكم محتاس معايا ييجي 500 ريال..و عاوز أجيب عربية جديدة لانج..شفت شوية الاعلانات دي..و بصراحة محتار عربية جديدة من الوحش..عبد اللطيف جميل..حوت التويوتا في السعودية يا سيدي علي المرسيدس ولا نخلينا في الجيب ولا الدودج؟ ولا نخلينا في دي؟؟ ووعد مني..بعد ما نشتري العربية ان شاء الله..ليكوا عندي حفلة باربيكيو فظيعة..و طبعا هتبقي علي حساب أخونا سين سين..وسيحيي الحفل اثنين من ألمع نجوم الفن في العالم العربي ريا و سكينة
    • 17
      من يوم مالواحد فتح عينه على الدنيا واستلمونا افلام ومسلسلات طالعه من قصص وروايات واحنا منعرفش غير خمس ست طرق للتعبير عن الحب الابتسامه والتسبيله والكلمه الحلوة مع الورده الحمرة كل مانتكلم عن الحب والحبيبة غصب عننا نلاقي عبد الحليم طالع بيملس على شعره يفرقه على اليمين وساعات تامر حسني بيتأكد من فتحه القميص قبل مايغمز غمزته .. وكل ماتيجي سيرة الحب بترن في ودانا تنهيده ام كلثوم او نظرة زبيده ثروت وهي على سلم الطيارة علامات كتير ممكن نحكي عنها لما نتكلم عن الحب مابين العشاق او المخطوبين .. بس
×
×
  • أضف...