اذهب إلى المحتوى
محاورات المصريين

قائمة الطعام الأسبوعى .. لبيت متوسط الحال


بندق أفندى

Recommended Posts

سألتنى أحدى الصديقات العزيزات جدا جدا .. يوما ما عن قائمة أسبوعية للطبخ تحل مشكلة التفكير فى كل يوم هنطبخ ايه .. اتأخرت وفكرت .. لقيت الموضوع سهل

مثلا هنعمل يوم للرز فيه كم طريقة مختلفة للرز تتغير كل أسبوع

هنعمل يوم للمكرونة ..هنحط فيه عدد من المكرونات ..

هنعمل يوم للحوم فيه كم طريقة مختلفة

وهنمل يوم للأسماك وفيه كم طريقة مختلفة

وهنمل يوم للمعجنات ..

وهنعمل يوم للدواجن ..

وطبعا مش هنسى يوم أجازة .. يعنى مثلا ممكن يكون جبة وخيار .. أو بطيخ وجبنة .. أو كشرى أصفر أو مصرى .. أو أى افتكاسة تمضى اليوم ..

وهنمل يوم للبواقى والفضل (ناكلها زى ما هى أو نعيد طبخها)

وهيكون فيه مع كل يوم نوع من السلطات المتناسب معاه وكذلك الخضار ..

سوف نحاول ان يكون الأكل صحى ومتوازن وخفيف على الجيب ..

طبعا الموضوع مفتوح للمشاركة والاقتراحات حتى نحصل فى النهاية على قائمة مثالية بها لو شئنا 52 صنف لكل يوم يعنى مش هناكل أكلة مرتين فى السنة اقصد نفس الطريقة

هل هذا ممكن ؟

يلا مين هيبتدى

تم تعديل بواسطة بندق أفندى
  • أعجبني 1

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

أنا أهو أول واحده حقول ومش هبخل عليكوا

أكله جميلة بنحبها وكل اللي داقها بيسأل عنها ...

صينية أرز بالقشطة والفراخ في الفرن ...ميزتها سهلة سريعة لذيذة وإقتصادية

المقادير :

4 كوب أرز - نصف كيلو فراخ فيلية مقطعة صغير جدا أو باقي فراخ مسلوقة نخليها من العضم

2 علبة قشطة جاهزة أي نوع أو قشطة طازجة ( اللي في مقاس علبة التونة الصغيرة ) ..

مرق دجاج مسلوق لسوا الأرز _ بهارات الكاري ملح وفلفل

بصله _ 2 فص ثوم _ كذبرة خضراء ( حسب الرغبة )

جبنة ( فلامنك أو جودة أو قشقوان ) شرائح لتغطية وجه الصينية ..

الطريقة :

نسوي الارز عادي بس مش بمية بالشوربة أو مكعب ماجي مع فص حبهان ..

أول ما يتشرب نحط عليه علبة قشطة ونتقلبها فيه بسرعة ونطفي النار ..

نشوح البصلة بعد تقطيعها قطع صغيرة في زيت أو سمن نضيف عليها الفراخ والثوم

و نتبلها بالكاري والملح والفلفل تتشرب ميتها نحط الكذبرة الخضراء

وتستوي نحط لها علبة القشطة التانية ونقلب ونطفي النار ..

نحضر صينية فرن نحط راق ارز يفرد في قاع الصينية تمام ثم الفراخ اللي بالقشطة

ثم باقي الارز ..نفرد على وجه الصينية الجبنة وندخلها الفرن مدة كافية لتسييح الجبنة

واحمرار الوجة فقط لأن كله مستوي أصلا .....

وبالهنا والشفا :unsure:

قال الله تعالى في حديث قدسي

( أنا عند ظن عبدي بي فليظن بي ما شاء........... )

نستطيع تغيير حياتنا بهذا الحديث من الان

مع الأخذ بالأسباب............

رابط هذا التعليق
شارك

ربنا يخليكى يا مدام بركة ..

اليوم بطوله بأفكر .. ساعات بتكون الأكلات اللى بأعملها مستفزة وانا مش واخد بالى .. بس الحقيقة هى مش كدة هنا .. يعنى مثلا كيلو السمك هنا فى المتوسط من 10 ريال الى 60 ريال .. اليوم شفت نوع سمك انا عارف انه حلو وكان دايما فى جدة وفى الشركة السعودية للأسماك كمان سعره مش بيزيد عن 25 ريال .. الولد بيقولى ده ب 70 ريال .. قلت سبعين قرد يركبوك .. هو يعنى مش سمك المحاياة مثلا .. ودايما نحارب الغلاء بالاستغناء ..

المهم جت على بالى فكرة الموضوع ده ..

انا أول أكلة هأبتدى بيها هى أزر يالفول الأخضر .. دا حيث انه موسمه هذه الأيام وهيكون محور يوم أقصد نفس الطريقة وهيكون طبق رئيسى هننوع فيه وهنغير فيه

تم تعديل بواسطة بندق أفندى

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

الأرز بالفول ممكن منه كم اصدار .. بصلصة الطاطم وبدونها وباللحم وبدون وباللحم المفروم وبدون .. وهكذا .. لكن الأساس واحد .. لكنه يصلح طبق يؤكل ويقضى اليوم

بصلة .. فصين ثوم .. ملح فلفل أسود (دائما اطحن معه هيل حبهان يعنى) .. كيلو فول متقشر .. نصف كيلو لحم قطع أو ربع مفروم .. طماطم .. 2 كوب أرز ..

اذا معاه لحمة نقطع البصل والثوم ونرفه على النار وندبله فى زبد أو زيت حسب الرغبة .. ثم نضيف اللحم المقطع قطع صغيرة أو المفروم وضيف التوابل والملح مع التقليب حتى يتغير لون اللحم لشكل المطهى .. ثم نضيف قليل من الماء الساخن ونغطى عليه القدر ونلاحظه حتى لا يحترق ونضيف له ماء كلما احتاج .. حوالى 35 دقيقة المفروم أقل طبعا .. ثم نضيف الفول .. ونقبله قليلا ثم نضيف الأرز ونقلبه .. ونضيف الماء ونكمل كما فى طهى الأرز العادى ..

الطماطم سوف تضرب فى الخلاط وتضاف فقط حسب الرغبة مع اللحم .. وهى اجبار اذا كان اللحم مفروم ..

يمكن عمل نفس الطريقة السابقة بدوم لحم نهائى ويلاحظ جعل الأرز طرى .. يعنى معجن شوية .. وبيكون لذيذ ويضاف له صلصة الطماطم أيضا ..

ممكن ما نقلبش الخليط ويبقى زى المقلوبة .. وده اللى قصدته فيه منه كم طبق مختلف ..

هنعمل منه بالبسلة ومنه مقلوبة الباتنجان ومنه بالبطاطس

لسة فيه أشياء أخرى بنفس الفكر .. منها الأرز بالطرق الصينية

بس

تم تعديل بواسطة بندق أفندى

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

استعنا ع الشقا بالله

:D

أنا بقى حأقولكم على مقادير عجينة لكل شيء

آي و الله لكل شيء

يعني تنفع دوناتس ( بالقلي طبعا)

و للخبز في الفرن تنفع بيتزا

و تنفع تتحشي عجوة أو جبنة أو لحمة مفرومة أو خضار أو سبانخ أو كريمة ( كاسترد)

المهم خدوها بالمقادير دي بالضبط

wst::

5 أكواب دقيق

11 ملعقة لبن بودرة كبيرة

13 غطاء زيت ( غطاء ازازة الزيت)

3 ملاعق صغيرة سكر

3 ملاعق كبيرة خميرة فورية

2 كوب ماء مغلي و ساخن يهدى شوية ( بس لازم حتتشوشوا شوية و انتوا بتعجنوا) مفيش حلاوة من غير نار

:unsure: :unsure:

اخلطوا المقادير الجافة مع بعض

و بعدين ضيفوا الزيت و اعجنوا بإيديكم لحد ما يختفي أثره و بعدين اعجنوا بالمية حبة حبة و كل ما تحسوا بسخونتها و ادييكوا تتشوشو كل ما ده دل على نجاح العجينة gt:

بجد و الله حكاية المية السخنة دي ty:)

المهم سيبوها ساعة ع الأقل في الوعاء اللي اتعجنت فيه و غطوها باحكام بشنطة بلاستيك و غطاء محكم

بعد كده العجينة دي تعملوه بيها اللي انتوا عايزينه و بالهنا و الشفا

:D B)

تم تعديل بواسطة مصرية متغربة

أعد شحن طاقتك

حدد وجهتك

و اطلق قواك

رابط هذا التعليق
شارك

عاوزين اكله رخيصة ومتكلفش حاجه اليومين دول .. المسقعة.

هنجيب كيلو ولا اثنين باذنجان اظن الكيلو بريالين حاجه زي كده .. هنقشره بعدين نقطعه بالطول لشرائح سمكها واحد سانتي تقريبا ..

طبعا في ناس بتقلي الباذنجان وانا كنت منهم بس اكتشفت الطريقة التالية عشان يكون اخف واحسن للصحه وطبعا مفش فرق في الطعم ..

هنجيب صينية فرن وندهنها بالزيت دهان خفيف ونرص عليها شرائح الباذنجان وبعدين ندهن وجه الشرائح بالزيت باستخدام فرشاه صغيره ..

ندخلها الفرن حوالي ربع ساعه هنلاقيها تحمرت من تحت وبعدين نقلبها على الوجه الثاني عشان تكمل تحمير

( ممكن ندهن دائما الوجه الملاصق للصينية بس يعني ندهن الصينية ونحط عليها شرائح الباذنجان ولما نقلبها نرجع ندهن ثاني عشان نضمن الباذنجان يشرب اقل كمية زيت ) .

هنجيب بصل ونقطعه شرائح رفيعه ( جوانح ) ونقليه في ملعقتين زيت بعدين نضيف له كام فص ثوم مقطع ونقلب شويه لغايه مايبقى ذهبي من غير مايبقى بني او محروق . هنضيف شويه فلفل اخضر مقطع شرائح رفيعه ونقلب تقليبتين لغايه مايذبل حاجه بسيطه جدا ..

هنكون مجهزين صلصه مذوبه في كوب ماء او يفضل كوب شوربه لحم مثلا ومجرد مايتحمر البصل والثوم ندلق عليه الصلصه.. هنضيف ملعقتين خل .. وشويه ملح وفلفل

هنترك الجميع يغلي شويه بعدين نضيف شرائح الباذنجان

نتركها على النار ثلث ساعه او شيء قريب من كده لغايه ماتنضج وقبل ماتستوي بشويه نرجع نظبط الملح والفلفل وطبعا منقلبهاش كتير عشان الباذنجان يكون صحيح قدر الامكان ..

في ناس بتحب تاكلها باللحم عن نفسي احيانا بطبخها باللحم بس مش برضى اكله بشيله منها قبل الاكل وبحبها ساده كده بالخبز .. بس طبخها بالشوربة بيخلي طعمها افضل وبرضه ان كان ولابد من اضافه اللحم يبقى المفروم ومعمول عصاج بيبقى مقبول فيها اكتر . .بضيفه بعد اضافة الباذنجان واسيبه يستوي معاه . .

طبعا غني عن الذكر ان من اسمها مسقعه يبقى تؤكل ساقعه يعني بارده ..

بس دي اكله على السريع وان شاءا لله لو فضيت بعد يومين اكتب لكم كفتة الرز وكفته السمك ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

هنخلى المسقعة باللحمة المفرومة عشان تبقى أكلة على بعضها مع الرز .. ويا سلام لو برام رز

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

انا مش فاهمه يا شيف بندق يعنى حضرتك عاوزنا نحط اكلات سهلة ومش مكلفة ولا نقولك على جدول لاسبوع بحاله؟

لو عاوزين اكله مش مكلفة يبقى هقولكم على حاجة لو جربتوها هتعجيكم اوى اوى وهتعجب الولاد كمان جداااا

احنا زمان كانت ماما الله يرحمها بتعملهالنا وكنا بسميها (كشرى ام حسن) هتسالونى مين ام حسن هقولكم ماعرفش والله

وكمان الاكلة دى اطعم من الكشرى العادى

ملهاش مقادير عندى عشان انا بعملها كده بالويم بس هحاول اقولكم على مقادير بقى وامرى لله

نص كوب شعرية

نص كوب مكرونة صغنونة اوى(مقصوصة)

2 كوب ارز مصرى مش بسمتى

شفتوا المقادير سهلة اذاى؟

الطريقة اسهل بقى وهى

نجيب الحلة ولا مؤاخدة وبعدين نحط فيها 3 ملاعق زيت نباتى وبعدين نحمر الشعرية فى الزيت ولما تتحمر يا حلوين تنشلوها منه...... فاهمين يعنى ايه تنشلوها؟ يعنى تشيلوا الشعرية من الزيت بعد ماتحمر

وبعدين تحطوا المكرونة فى نفس الزيت ولما تتحمر اوعوا تنشلوها لا حطوا فوقها الشعرية المحمرة وبعدين ضيفوا مقدار المياة اللى هيسوى مقدار الرز اللى هتستعملوه كانكم بتعملوا ارز عادى ( اوعوا يعجن منكوا) وبعد اضافة المياة يضاف معلقة كمون وملح حسب الطلب ( فاهمين حاجة)

وبعد اما المياة تغلى هى والشعرية والمكرونة وكده يعنى طبعا هتكونوا غاسلين الرز ومصفيينه تقوموا حطينه على الخليط اللى بيغلى على النار ده

وبعد كده تسيبوه يتشرب مع بعضه وتراقبوا درجه سواه

وبعدين تعملوا للاكلة دى دقة وصلصة ذى الكشرى العادى بس بلاش تقلية (بصل محمر يعنى) عشان مش بيبقى حلو معاها

واغرفوا بقى وحطوا عليه الدقة والصلصة كلوا بالهنا والشفا

وياريت تاخدوا شوية صلصة كده على جمب تحطوا عليهم شطة للى بيحب الشطة انا عن نفسى بموت فيها وكمان هو بيبقى جميل بالشطة

المقادير دى تأكل اربع افراد مش مفاجيع على فكرة............ لانهم لو مفاجيع كل شوية هيروحوا ياكلوا تانى لان الكشرى بالذات بيهفت بمعنى انك تاكله وتجوع تانى فتروح تاكل تانى وخلاص على كده يا حلوين لو حد جرب يقولى

اه نسيت اقولكوا حاجة اهم حاجة فى الاكلة دى على اد بساطتها الا انها لو عجنت منكم بسبب زيادة المياة هتطلع حاجة تانى غير اللى انا بقول عليها وهتكرهونى وتدعوا عليا .....ربنا يستر

فتفوتة

رابط هذا التعليق
شارك

دى برضة مينى كشرى يا مدام فتوفة

المطلوب حضرتك حلول عملية بأكلات بسيطة تملأ البطن وتكون متكاملة وما تعورش الجيب

المشوار لسة طويل عاوزين نعمل 365 أكلة وربع.. وأكلة زيادة عشان السنوات الكبيسة ههههههههه

تم تعديل بواسطة بندق أفندى

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

سؤال بس على السريع للاخوة والاخوات المهتمين بالمطبخ

انا عندى شىء غريب شوية عندما اكون وحدى وافكر ان اعمل اى اكل اقصاه سلق فرخة واقله عمل شوية سلطة ..لا احس ان لى نفس كى اكل ..على العكس لو طلبت دليفرى مثلا مع انى موقن ان اكل البيت انضف ..هل عند احد منكم هذا الاحساس ؟!

knowledge is power

رابط هذا التعليق
شارك

سؤال بس على السريع للاخوة والاخوات المهتمين بالمطبخ

انا عندى شىء غريب شوية عندما اكون وحدى وافكر ان اعمل اى اكل اقصاه سلق فرخة واقله عمل شوية سلطة ..لا احس ان لى نفس كى اكل ..على العكس لو طلبت دليفرى مثلا مع انى موقن ان اكل البيت انضف ..هل عند احد منكم هذا الاحساس ؟!

ايوه عادي انا عندي نفس الصفة دي ..

لما بكون انا الي طابخه ومع وقفتي في المطبخ ومجرد مالاكل يجهز بتكون نفسي خلاص انسدت .. كل الي في البيت بياكل ويقول الاكل لذيذ وانا مبقدرش اكل لقمتين .. وعلى العكس لو حد تاني الي طابخ باكل عادي بشهية مفتوحه .. كنت مستغربة الحكايه دي بس بعدين افتكرت ان ماما كمان كده لما كنا صغيرين كانت تطبخ وتحط لنا الاكل وتاكل لقمتين وتقول شبعت فبابا يضحك ويقول اصلها خلصت نص الاكل في المطبخ .. بس بعدين اكتشفت السبب العلمي للحكايه دي ..

بيقال ان مراكز الشبع في المخ بتبدأ بالعمل بعد عشرين دقيقة من التعامل مع الطعام .. يعني دلوقت واحنا بناكل بعد عشرين دقيقة من بدأ الاكل المفروض بنشبع .. نفس الشيء لو تعرضنا للاكل يعني شامين ريحته وشايفينه واحنا بنطبخه بعد عشرين دقيقة من الحكايه دي المفروض نبدا نشبع حتى لو مكلناش فعلا ..

بس برضه لاحظت حاجه مهمه اني صحيح مش باكل مباشره بعد مااطبخ بس بعد ساعه او اثنين بلاحظ اني بجوع وبروح آكل عادي .

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

سؤال بس على السريع للاخوة والاخوات المهتمين بالمطبخ

انا عندى شىء غريب شوية عندما اكون وحدى وافكر ان اعمل اى اكل اقصاه سلق فرخة واقله عمل شوية سلطة ..لا احس ان لى نفس كى اكل ..على العكس لو طلبت دليفرى مثلا مع انى موقن ان اكل البيت انضف ..هل عند احد منكم هذا الاحساس ؟!

ايوه عادي انا عندي نفس الصفة دي ..

لما بكون انا الي طابخه ومع وقفتي في المطبخ ومجرد مالاكل يجهز بتكون نفسي خلاص انسدت .. كل الي في البيت بياكل ويقول الاكل لذيذ وانا مبقدرش اكل لقمتين .. وعلى العكس لو حد تاني الي طابخ باكل عادي بشهية مفتوحه .. كنت مستغربة الحكايه دي بس بعدين افتكرت ان ماما كمان كده لما كنا صغيرين كانت تطبخ وتحط لنا الاكل وتاكل لقمتين وتقول شبعت فبابا يضحك ويقول اصلها خلصت نص الاكل في المطبخ .. بس بعدين اكتشفت السبب العلمي للحكايه دي ..

بيقال ان مراكز الشبع في المخ بتبدأ بالعمل بعد عشرين دقيقة من التعامل مع الطعام .. يعني دلوقت واحنا بناكل بعد عشرين دقيقة من بدأ الاكل المفروض بنشبع .. نفس الشيء لو تعرضنا للاكل يعني شامين ريحته وشايفينه واحنا بنطبخه بعد عشرين دقيقة من الحكايه دي المفروض نبدا نشبع حتى لو مكلناش فعلا ..

بس برضه لاحظت حاجه مهمه اني صحيح مش باكل مباشره بعد مااطبخ بس بعد ساعه او اثنين بلاحظ اني بجوع وبروح آكل عادي .

ده بيحصلى وانا بأشتغل على عزومة كبيرة .. انما الوجبات المنفردة دى أصلا مش بأدخل المطبخ الا لما أكون ميت جوع .. يعنى هآكل يعنى هآكل .. ولما أفكر فى الديليفرى أفكر فى الكوارث اللى بتصيب الشرايين والمعدة والسمنة من ورا الأكل السريع ده .. أو أفتكر أى أكله أكلتها وطلعت مش حلوة خالص .. اقوم أطبخ وأنا مستريح .. ده لأنه معدتى مش بتتحمل أى أكل فيه نسبة دسم زيادة سنة أو مش حسب المعايير (أقصد معايير معدتى) .. وما فى زينا يعرف حرنا .. مكيفات الزامل ههههههههههههههه

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

للأسف الموضوع ده مش هاستفيد منه كثير, لأنه لمتوسطي الحال فقط

قائمة الطعام الأسبوعى .. لبيت متوسط الحال

عاوزين حضرتك تفتح لنا موضوع للبيوت الهاي لايف , عشان أستفيد منه وأعرف أشارك :roseop::roseop:

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

للأسف الموضوع ده مش هاستفيد منه كثير, لأنه لمتوسطي الحال فقط
قائمة الطعام الأسبوعى .. لبيت متوسط الحال

عاوزين حضرتك تفتح لنا موضوع للبيوت الهاي لايف , عشان أستفيد منه وأعرف أشارك wst:: :)

عندك مطعم آخر لقمة .. هو بالأخرى آخر قرش فى جيبك .. عاوزك تكوع هناك على طول وانتظر

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

  • بعد 10 سنة...

للرفع. خاصة بعد رمضان

مواطنين لا متفرجين


رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...