ماهي الأوراق المطلوبة للتقديم بالمدارس الحكومية

[waaaf]

السلام عليكم

كما تعودت أن أستشيركم

بإذن الله أسرتي جاية خلال إسبوعين وعندي ولدين الكبير منقول لسنة خامسة إبتدائي والصغير منقول لسنة ثالثة إبتدائي هل مطلوب بيان النجاح عن آخر سنة فقط ولا لازم كل السنوات .

وهل بعد تصديق الخارجية والملحقية لازم كمان تتصدق من القنصلية .

وبخصوص شهادات الميلاد متصدقة من سنة 2006 هل يكفي ولا لازم تتصدق تاني بتاريخ حديث .

أشكركم مقدماً

[waaaf]

منتظر مشاركاتكم

[waaaf]

مش عادتكم ياسادة ؟ ؟

[waaaf]

:lol: :lol: :lol: :)

شكرا ........... يرجى غلق الموضوع

[capitshino]

اصبر يا اخى الكريم وان شاء الله يرد عليك احد الاعضاء ... جضرتك كاتب الموضوع امس فقط ..... اصبر ان الله مع الصابرين

[pink rose]

السلام عليكم

كما تعودت أن أستشيركم

بإذن الله أسرتي جاية خلال إسبوعين وعندي ولدين الكبير منقول لسنة خامسة إبتدائي والصغير منقول لسنة ثالثة إبتدائي هل مطلوب بيان النجاح عن آخر سنة فقط ولا لازم كل السنوات .

وهل بعد تصديق الخارجية والملحقية لازم كمان تتصدق من القنصلية .

وبخصوص شهادات الميلاد متصدقة من سنة 2006 هل يكفي ولا لازم تتصدق تاني بتاريخ حديث .

أشكركم مقدماً

سيدي الفاضل انا بصراحة ما اعرفش ايه المطلوب للمدارس الحكومية بس اظن انه نفس المطلوب للمدارس الانترناشونال

عموما الاوراق المطلوبة للطلاب القادمين من خارج المملكة كالاتي

1-صورة من جواز الوالد و الوالدة و الطالب

2-صورة عن الاقامة (تكون سليمة التاريخ) و لمدة عام على الاقل

3-صورة شهادة ميلاد الطالب

4-صورة شهادة التطعيم

5-صورة شخصية للطالب

6-خطاب تعريف من كفيل ولي الامر

7-اصل الشهادات للاعوام السابقة و تكون عدد الشهادات (2 اي قبل عامين) و تكون مصدقة من خارجية البلد القادمين منها و من القنصلية او السفارة السعودية في البلد نفسها

الكلام دا حضرتك انا جيبته من المدرسة العالمية اللي قدمت لبنتي فيها و اظن مش هاتختلف كتير عن المدارس الحكومية

اتمنى اكون افدت حضرتك و لو قليلا

و يجوا بالسلامة الاولاد يا رب

[essamalshaaer]

ده للعالمية اما الحكومية تفرق في:

1- أنك تضيف عليها صورة عقد أيجار السكن وتعرف انت في أي حي سكني وتشوف المدرسة التابعة للحي السكني ده وتقدم فيها معايا ويفضل قبل .20/6/2009

2- بعديها تاخد صورة الأقامة وأوراق أبنك وتسجل في المدرسة لغاية ما يفتحو باب التسجيل بمعنى تحجز مكان لأبنك

3- بعديها تسلم ورقك للمدرسة وتسجله

4- والخطوة إلي بعدها تسلمك المدرسة خطاب لعمل كشف طبي على الولد أو البنت

5- تعمله وترجع بيه للمدرسة تاني مرة ..... والتوفيق

ملاحظة: في كون إتأخرت في التسجيل تستنى لما تستكمل المدرسة العدد المحدد

بعديها تقدم لأبنك ولو مفيش مكان تروح الإدارة اتعليمية التابعة ليها وهي توزعك على مدرسة تاني

وأنت ونصيبك مدرسة قريبة أو بعيدة هتفرق معاك طبعا وممكن تخلص بالمعرفة

أرجو أن أكون أفدتك ....بالتوفيق

[زعلان]

الكلام ده في انهي بلد !!؟؟

[waaaf]

شكراً جزيلاً لكل من شارك

[essamalshaaer]

ده طبعا هنا في السعودية بمدينة الرياض

[Guest شهاده موثقه]

طب لو شهاده واحده موثقه والتانيه غير موثقه هل فيه مشكله