اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
MuslimaEgyptian

كيف تعرفت على زوجك / زوجتك؟

Recommended Posts

MoTo على أد ما قصتك جميلة و عجبتنى جدا لأنها تلقائية جدا و فيها كم من المشاعر البريئة و الجميلة و الشقاوة بتاعة السن الصغير دة

تحس كدة إن المشاعر زى البرعم الصغير اللى لسه بيتفتح :lol:

بس النهاية مأساوية قوى...و مش عارفة ليه أنت وقفت وما كملتش....يمكن عشان مش عايز تفتكر الأحزان تانى....ربنا يعوضك

سى السيد....طلعت عاطشفى كدا كدا

بس كدة ما تخليهاش تدلق عليك صينية الشربت و بتاع فنجانين قهوة وواحد شاى غى الخمسينة!!!

بصراحة مالكش حق بتيتا خالص مالص

ولازم تكفر عن غلطتك وتخليها تدلقها حلة طبيخ...من وقت للتانى wst::

الفاضل أسد

ربنا يديم عليكم قصة الحب.....بس السؤال؟؟؟

هى إيه القصة أصلا؟؟!!!

أنت ما حكيتش حاجة من الأساس....أنت حطيت العنوان بس wst::

فتفوتة....عايزة أعترف لك بحاجة :wub:

أنا كنت خايفة على نفسى و أنا باقرا القصة لحسن ماقدرش أوصل للآخر :P

معلهش يا توتة يا أختشى....أنا برضه عندى عيال و عايزة أربيهم

بس جوزك دة عنده صبر أيوب....إيه دة؟!!!

5 سنين...و كان لسه عنده أمل؟!!!

الحمد لله إنكو أتجوزتوا wst::

أخيرا القصة اللى أتعذبت و تعبت و أتقطعت و أنا باقراها....

وعيطت و ضحكت و كل المشاعر التى تتضارب فى قلب إمرأة طلعت على السطح

و جوزى كان هيطلب لى السرايا الصفرا wst::

القصة الفظيعة المريعة الرهيبة....

قصة ............................

مصرية و الهوى.....

إيه دة؟؟؟؟؟؟؟؟

إيه الحلاوة دى؟؟؟؟؟؟؟؟؟؟!!!!!!!!!!!

هه فيه حد نسيتو

كفاية كدة لحسن تعبت :happy:

تحياتى

سوسورانى

شارك هذه المشاركه


رابط المشاركه
شارك

كنت مقرر اني محبش خالص

الكلام ده وانا في ثانوي

لأن كل اصحابي الي حبو البنات سابتهم وراحو اتخطبوا لشباب جاهزين

المهم شفتها وكانت لسه راجعه من السعوديه مع اهلها وكانت صغننه اوي احنا اصلا جيران من كام سنه

بس قلت هي ديه الي مش هييجي واحد يخطبها لأنها لسه في اواى اعدادي بس وانا كنت في تالته ثانوي

المهم فضلت اشاغل فيها وعرفت انها بتحب القرأه وبقيت اجيبلها اشي اجاثا كريستي على الشياطين الخمسه وحبه حبه بقت بتقرا لأنيس منصور وارواح واشباح

المهم اعترفتلها بحبي وكانت ساعتها في اولى ثانوي وانا كنت قربت اخلص الجامعه

وفضلت بينا قصة حب كبيره لغاية ما اتقدمتلها بعد ما خلصت الجيش على طولووافقوا اهلها بعد الرفض 3 مرات لأني مكنش حيلتي اي حاجه

بس لما وافقوا وقفوا جنبنا جامد اوي وهي كمان مطلبتش اي حاجه خالص وباباها قالي اقلهن مهورا اكثرهن بركه

وفعلا جوازنا كان فيه بركه والحمدلله كتبنا الكتاب وما اتجوزناش الا لما هي خلصت الجامعه

وعندنا دلوقتي 4 اطفال ولد وتلات بنات زي القمر

على فكره الحب ده احلى حاجه في الدنيا والأحلى منه انه يستمر

ربنا يخليهالي يا رب

شارك هذه المشاركه


رابط المشاركه
شارك

يالا يابشمهندس ياسر دورلى على عروسة معاك وانا جااااهز

بصراحة عجبنى موضوعكم جداااا وضحكت كتير من مواقف كل شخص وخصوصا أخويا الكبير سى السيد وأختى لولا وبما انى لسه بحاول اكون محاوراتى معاكم من شهرين وكمان بدات ال 25 من شهرين فأنا ليا تجربة وعايز أحكيهالكم وتقولولى انا اتصرفت صح ولا غلط بأختصار شديد انا كان ليا واحد من أعز اصدقائى هو حاليا مغترب مثلى خارج مصر

المهم وأنا فى الجيش عام 2005 قالى قولى مبروك يامحمد أنا هخطب طبعا فرحتله جدا وكانت عروسته من اسكندرية المهم بعدها بشهرين تمت الخطوبة وسط فرحة كبيرة وبعدها بفترة جالة عرض كويس فى دولة عربية وسافر عدت سنة وبعدين لاقيته مرة بيكلمنى وقالى انه اتعرف على واحدة فى الغربة وانه عايز يتجوزها وكده المهم قلتله اصرف نظر عن الموضوع وبعدين انت خطبت وبنات الناس مش لعبة المهم انه طبعا مسمعش نصيحتى وراح اتجوز وطبعا خطيبته كل ده هنا متعرفش حاجة وبدأت المشاكل ان طبعا اللى اتجوزته كانت معاه فى الشغل وخلت واحد معاهم يبلغ خطيبته ان صاحبى اتزوج او انه على علاقة مع واحدة طبعا خطيبته فى مصر اتجننت واتصلت بيه وطبعا هو قعد ينفى الكلام ده وقالها أنا جاد وعمل توكيل لوالدة فى مصر انه يكتب الكتاب وطبعا تم كتب الكتاب بالتوكيل طبعا خطيبتة زى اى انثى الشك دخل قلبها خصوصا انه مش قدام عينيها واستعانت ببعض اقاربها يسألو عنه واللى معرفوش يتأكدو انه اتجوز من عدمه ولكنهم اتاكدوا ان فى علاقة بينه وبين الست اللى فى الشغل واللى هى كانت مديرة الفرع وانها خليته يمسك منصب أعلى طبعا خطيبته جن جنونها وكلمته وقالتله انزل وسيب الشغل وانا هخلى قريب لينا يجيبلك شغل فى السعودية طبعا صاحبى رفض وقالها انا مش همشى ورا كلامك المهم انتهى الموضوع انها طلبت الطلاق طبعا كل ده وهو لسه مرجعش مصر المهم فى هذة الأثناء انا مكنتش اعرف الا اسمها وفوجئت بيوم حد بيكلمنى على النت وبتقولى انا كذا خطيبة كذا قولتلها اهلا قالتلى انا عارفة يامحمد ان كذا صاحبك ومش هيخبى عليك حاجة وحكتلى عن كل حاجة حصلت و قالتلى انها عرفت انه اتجوز صح ولا لأ؟ طبعا انا عارف انه اتجوز وفى نفس الوقت مش عايز اكذب اتهربت وقلتلها انا مكلمتوش من مدة ومتصدقيش كلام حد ونهيت الموضوع على كدة وبعدين حسيت بالذنب رجعت كلمت صاحبى وقلتله احسم الموضوع دة لان بنات الناس مش لعبة المهم طبعا صاحبى مكانش عايز يخسر اى حاجة ويبقى ليه زوجة فى مصر وزوجة خارج مصر المهم بعد فترة من محاولات الاصلاح فشلت طبعا وفضل هو حياته زوجته اللى خارج مصر وبدأت اطلب منه انه مايماطلش فى الطلاق وقد كان بعض 3 شهور من المماطلات تم الطلاق وبعدها فوجئت بخطيبة صاحبى السابقة بتقولى أنا بحبك طبعا كانت صاعقة ليا لانى مكنتش طبعا متوقع حاجة زى كده مع انها كانت صعبانة عليا جدا من الظلم اللى حصلها المهم طبعا قلتلها مينفعش وان ده مهما كان صاحبى حتى لو غلطان وقفلت معاها فاتت ايام وفكرت فى الموضوع حسيت ان انا مكانش المفروض انظر لها على انها كانت مرتبطة بصاحبى ولكن المفروض انى اقيمها انها تصلح زوجة ولا لأ فاتت أيام ورجعت كلمتنى تانى وقالتلى انت معترض عليا ليه وفضلت تقنعنى بالارتباط حسيت ان ممكن فعلا نرتبط بس فى مشاكل هتواجهنا منها علاقة أهلى باهل صاحبى ونظرة اصحابى ليا ان اكون انا السبب فى انفصالهم لان طبعا محدش يعرف التفاصيل و نفس الوقت خسارتى لصاحبى مع انى عارف انه ظلمها غير انى شكيت انها ممكن تكون بس بتعمل كده رغبة للانتقام ومابين أه ولأ وتردد حسمت الموضوع انى أبعد عشان مدخلش نفسى فى دوامة المشاكل واللوم والشكوك وكمان انى معرفتش احساسى ناحيتها هل هو حب أم شفقة... معلش أنا طولت عليكم بس بجد الموضوع ده كان كبير وتعبنى نفسيا فترة بعدها ..... :happy:

شارك هذه المشاركه


رابط المشاركه
شارك
لولا ...حبيبتى

أحبطتينى...و أنا اللى أول ما شفت إسمك قلت بااااااس

هى دى الكصص

يا بنتى فين الحب بتاع نزار اللى هيهد الدنيا و يعصف بكل شىء....إلا يكون قصدك إنه هيعصف بالستاير و كراسى الأنتريه!!! :lol:

خلاص كدة يا لولا يا حبيبتى....فقدتى المصداقية فى باب الشعر و الأدب wst::

بس الجد بأه و أنتى بتحكى عن ذكريات قبل الجواز و الأيام السوووودة دى حسيت إنك بتحكى حكايتى....لحسن نطلع توأم و إحنا مش واخدين بالنا :P

التشابهات زادت بيننا...ولازم نوضع حد للأشاعات

أنا هاجى أكلم بابا wst::

تحياتى

سوسورانى

اسكتى بس يا سوسو دى كانت فعلا ذكريات بايخه بسبب ماما عملت ، حماتى عملت :happy: ..

وان كان ع الحب يا ستى كان موجود والله بس كانت العواصف العاتيه بين الحموات هى اللى مسيطره قبل الفرح مش عواصف نزار و محمود درويش ..

اهو انا كنت كاتبه قصه الحب دى بتفاصيلها فى حكايتى العاتفيه الأدبيه اللى دخل ياسر باشا راح قافل نفسي انى اكملها هناك قبل كام شهر فى ركن الأدب

... الظاهر قلبه كان حاسس ان النهايه هتقلب بصراع حمواتى عاصف wst::

تعرفى ده احنا على رأى س س كانت الفلوس رايحه على مكالمات حب وغرام عبر المحيط ما هو اصله كان بيشتغل فى السعوديه - طبعا هو اللى كان بيتصل

يا سى السيد انا مش حصرف المصروف على الموبايل ومكنتش لسه بقبض مرتب كبير من الإشراف فى المحاورات :wub: - غرام عبر البحر الأحمر

وقبل الجواز لقيت المكالمات كلها قلبت على تفاصيل الفرح وزحمته ,,

الغريبه بجد ان قصة الحب دى كانت بقالها كام سنه قبل الجواز وكنت متخيلة معاها ان الأيام اللى قبل الفرح حتكون اسعد ايام حياتى ..

لكن !!

غريبه فعلا انها مكنتش كده !! ده وسط كل الحب والله !! كانت توتر .. وخوف من المستقبل والحياة الجديده والغربه ..

كان احساس غريب جوايا أخر ليلة فى اوضتى وكنت بتأمل الحاجات بطريقه غريبه .. واحفر ذكرى كل ركن فى الأوضه .. البيت ..

واصغر التفاصيل .. فجأة تستوعبى انك حتسيبى كل حاجه واهلك وبيتك وتروحى مع شخص غريب اللى بيربطك بيه حب وحياة جايه لسه

ورغم الحب وانتظار الحلم دوت سنين ورغم انى بيقولو عليا عاقله وقد المسئولية لقتنى فى شهر العسل بعمل زى البنات اللى كنت بضحك لما

اعرف انهم عملوا كده واصحى الصبح اعيط واحاول ادارى دموعى ولما محمد يسألنى اتكسف جدا اقوله "ماما وحشتنى !!" وفضلت فتره طويلة كده

حاسه انى مفتقده اهلى جدا وسعادتى ناقصه جدا وانى عيلة قوى قوى ..

وسبحان الله بيفضل الشوق والحب والإرتباط بالأهل ..عمره ابدا مايروح

بس ..

الغريبه فى الجواز ان فعلا سكن وموده ورحمه ..

لما يكون الإتنين عندهم رصيد من المشاعر والرغبه فى النجاح كل شيء بيهون .. المهم بس ان القلوب تكون على بعض مهما حصل

وان الحنان يكون سيد كل المواقف حتى الخناقات اللى لازم تحصل فى البدايه لأن مهما كانت المعرفه فكل طرف لسه بيلاقى نفسه

بيكتشف شيء جديد فى التانى مع العشره بس لازم الواحد يتعامل حتى مع الإختلاف والخناقه بحب.. لأننا بنختلف مع حد بنحبه مش بنكرهه

وبنختلف لأننا عايزين نقرب ونفهم بعض اكتر مش نبعد اكتر .. المسأله كلها بتعتمد على انتا عايز ايه من شريك حياتك ؟ بتديه ايه طيب ؟ بتعمل ايه عشان العلاقه تنجح ؟

المهم ..

تخيلى حاليا مش بحس بأى راحه غير فى بيتى .. حتى اوضتى القديمه لا يمكن احس فيها بنفس احساس الأمان والراحه اللى بحسه

فى اوضتى بعد الجواز .. الحياة كلها مراحل والوان .

ومتخيلتش ان ظروفنا طلعت وحده فى دى كمان يا سوسو .. مش كفايه مسآلة تضارب المشاعر دى wst::

وروح يا ياسر ربنا يجوزك يارب ..

قولو ورايا ياجماعه .. آآآآآآآآآآآآآآآآآآآميييييييييييييييييييييييييييين ;)

لولا

شارك هذه المشاركه


رابط المشاركه
شارك

مع احترامى ليك صاحبك ده اى كلام واللى عمله هيلاقيه اما فى بنته او اخته او اى حد عزيز عليه وطبعا انت مكنش ينفع تاخدها مش علشان اى حاجه ولكن ممكن تجيب مشاكل بعد كده بس هى ان شاء الله ربنا هيعوضها خير بس انا حسيت انك كنت سلبى اقوى فى موضوع لما سالتك اذا كان متزوج ولا لاء لان دى حاجات مافيهاش صاحبى ولا صاحبك يعنى لو صاحبك متقدم لواحده وجم سالوك عنه المفروض تقول كل حاجه عنه لان دى شهاده حق تدخل معاك قبرك !!!!!!

شارك هذه المشاركه


رابط المشاركه
شارك
مع احترامى ليك صاحبك ده اى كلام واللى عمله هيلاقيه اما فى بنته او اخته او اى حد عزيز عليه وطبعا انت مكنش ينفع تاخدها مش علشان اى حاجه ولكن ممكن تجيب مشاكل بعد كده بس هى ان شاء الله ربنا هيعوضها خير بس انا حسيت انك كنت سلبى اقوى فى موضوع لما سالتك اذا كان متزوج ولا لاء لان دى حاجات مافيهاش صاحبى ولا صاحبك يعنى لو صاحبك متقدم لواحده وجم سالوك عنه المفروض تقول كل حاجه عنه لان دى شهاده حق تدخل معاك قبرك !!!!!!

أخى الفاضل محمد العنبى

هذا السؤال كان مفاجأة بالنسبة لى غير أنى لم أرد ان اكون السبب فى اتمام الطلاق اذ ماكانت فيه فرصة للصلح وعليه عندما تاكدت تماما ان الموضوع منتهى قمت بالضغط على صديقى لاتمام اجراءات الطلاق فى اسرع وقت.

شارك هذه المشاركه


رابط المشاركه
شارك

وتزوجت استاذى 000آن آن آآآآآآآآآن

موضوع تعارفى والاتباطى مختلف عنكم تماما 00لا صالونات ولا اصحاب

انا كنت طالبه فى احد الكليات العمليه واول ايام الدراسه لماده عمليه تتسم بالعدد القليل والكل عارف بعضه باستثناء القله اللى جدد

كعادتى مرحه واحب روح الفكاهه وليست التفاهه00 فوجئت بزميل لنا ماعرفوش قاعد على مكتب الدكتور وبيرسم علينا فخمنت كده انه دفعه اكبرمننا ومستنى الدكتور 00فسألت هو مين اللى مع الدكتور معيد علينا التيرم ده ؟ قال هو " فلان الفلانى " الاسم اللى قاله ده انا معرفوش شخصيا بس اسمع عنه ان تنك واليط حبتين تلاته فقلت ياااااساتر من اولها كده فلان ده دى سنه باينه من اولها اهى

ثوانى وفوجئت بالفراش جاى بيقول يا استاذفلان الدكتور مستنى حضرتك فى مكتبه :lol: 00 اتارى هو الاستاذ اللى انا مش عارفه شكله وقعدت امدح فى صفاته اللى سمعتها عنه من تقل ورخامه وشغل نار wst::

أأأأأأأوم ايه احم احم 00سلاموا عليكوا " ده انا " :happy:

وعلى شئون الطلبه غيرت التخصص اللى هو ماسكه مع دكتورنا لان كليتنا كان المعيد فيها هو المسئول عن الماده بشكل كبير حضور وغياب وتقييم

عرفت بعدها انه بيسأل على زمايلى انى ما بحضرش ليه ؟؟ قالوا له حولت لقسم تانى

بدأت اشوفه فى بشكل متكرر فى الكليه " كنت فكراها صدف " ولآنه كان تقيل حبتين مع الطلبه حتى مع زمايله فكان وجوده وسطينا ملفت جدا وبدأ اصدقائنا الفضوليين يشمشموا هو ليه هنا؟؟؟

القصد 00طولت عليكم قولوا طولى -_-

جه فى يوم كان فى اجازه نص السنه وانا رايحه المكتبه اعمل بحث اذ فجأتن كده لاقيته فى المكتبه دون موعد او سابق انذار00ورمقنى بنظره بجد مش بنساها لدلوقتى شوعااااااااع يا ثامح :lol: wst::

وقالى مباشرتا كده انا مفطرتش وهاستناكى نشرب الشاى سوا فى الكافيتريا

بلمت وقعدت كملت اللى بكتبه او اللى بنقله من غير فهم لان دماغى كانت بتلف جامد تقريبا الشراره حصلت هنا بقى

خرجت روحت واتصلت بصاحبتى انتمتى وحكيت لها مصدقتش قالت لى هو ده بيعرف يتكلم زينا ؟؟؟وبيعاكس كمان ؟؟؟ :blink:

المهم بدأ التيرم التانى بعدها بأيام وكان وقتها فى باصات خاصه بالطلبه من الكليه فقط وانا بيتى بعيد وكنت مشتركه فى الباص 00فوجئت به راكب الباص بتاع الطلبه والسواق بيرحب بيه وفضى له كرسى فى الاول لاقيته قام منه وجه قعد جنبى

ششششششششششش ولا كلمه لحد ما نزلت المحطه بتاعتى والهوا لفح وشى من الشباك لانى بصه طول الوقت بره الشباك

المهم طلعت البيت وانا بكلم نفسى ومش مستوعبه بجد بدأت اقاق منه 00وفجأتن " دى غير فجأتن اللى فاتت " :D جرس الباب ماما : افتحى يا لولا

انا : حاضر ياماما

أن أن أأأأأأأأأ

لاقيته قدامى بيقولى سلاموعليكوا تنحت وفضلت بصه له

ماما : مين اللى جه يا لولا ؟؟

انا :شششش مش عارفه انطق ولا كلمه

قالى قولى لماما انا عاوز اكلمها

قفلت فى وشه وجريت قلت لها الحقى يا ماما المعيد بتاعى عاوزك

لحظات صمت انا اختفيت تماما وبعدها لاقيت امى بتخبط على وبتستفسر حكيت فى عجاله لها وخرجت معاها لاقيتها بتقوله انت نورت بس لما يجى باباها وهانبقى نكلمك 00نسيت اقولكم ان بابا كان مسافر وزيارته لنا نصف سنويه وامى ربنا يديها الصحه طول عمرها شايله العبأ فى عملها وفى تربيتنا " التاريخ بيعيد نفسه على فكره

انا سرحت 000نجرى الشريط شويه

بدأنا بقى نتكلم وسبحان الله تمت خطوبتنا خلال شهر من يومها واتجوزنا بع 8 شهور بس وقبل ما اتخرج ببسنتين وعلى البكالوريوس كان معايا ولد وبنت

وصدقونى لو قلت انى فعلا ربنا رزقنى بأحن اعقل واجمل راجل فى الدنيا وخلال مشوار عمر كانت صعوباته وعثراته اكتر من فرحه وهناه الا انى اسعد مخلوقه فى الدنيا وقد شرفنا على اليوبيل الفضى

قولوا ماشاء الله

ياسلام بقى لو التوبك الجاى يا باشمهندس ياسر يبقى : ايه هى العثرات اللى تغلبت عليها انت وشريك حياتك

ده احنا هانقول قوااااااله

وجعت دماغكم سامحونى انتو اللى فتحتوا باب الذكريات

شارك هذه المشاركه


رابط المشاركه
شارك

والله يا قلب ابيض كإنك بتوصفي زوجي من حيث الألاطة والتناكة اللي الكل شايفها كده

وساعات بيشوفوها غلاسة على غرور بس ابدا دا طيوب وغلبان وقلبه ابيض

بس هو مش متكلم وخجول بس كده ...وكل قريباته البنات كانو بيقولولي هو بيعرف يتكلم

ويرغي كده ولا مقضيها سكوت .....انا بس اللي شفت ده كله أدب وأخلاق ورزانه

ولحد دلوقتي كلامه قليل بس فيه الخلاصة واتعلمت منه ده

وبقيت احاول أجيب الكلمة المفيدة والمناسبة عشان الناس ما تتوهش مني

وأحترم وقت غيري وأوصله المفيد بسرعة

لكن برده هو أستاذ عني ف ده ولسة بيقول عليا رغاية :closedeyes:

شارك هذه المشاركه


رابط المشاركه
شارك
ربنا يكرمك ياباشمهندس ياسر باللي يبقى قلبها عليك وتحبك وتبقى أنت كل دنيتها

ويرزقك منها بأولاد يكملوا سعادتكم ........ md2:

اللهم امين

ربنا يكرمك يا اخت بركة و يتم عليكى نعمه و يحفظها من الزوال... امين

فعلا ... من غير اى شك اكيد هو انسان نظيف اوى عشان ربنا يكرمه بالطريقادى

يا باشمهندس ياسر انا كنت باتكسف جدا جدا جدا جدا جدا جدا انت مش متخيل اد إيه وكان وسيله التعامل مع الجنس الاخر دايما هي التجاهل التام مع إني مع البنات محبوبه جدا ولي شعبيه غير مسبوقه بس الجواز والشغل وابني ساعدوني علي التعامل بثقه اكتر بكتير

ما هى المشكلة ف الكسوف الزيادة ده يا دوك

يلا ... الحياء لا يأتى الا بكل خير

أخو صديقتي :roseop:

سيدى يا سيدى

هو ده الكلام و اللعب على كبير

بنت الحلال فى إنتظارك على المسنجر........................ :lol:

:closedeyes:

جرب يا باشمهندس ياسر مش هتخسر حاجة :lol:

هوبه الشقية

كده برده... بدل ما تدعيلى

طب تصدقى

انا عملت كده فعلا و اتعرفت على الماسنجر و رحت البيت كمان

اه و الله

و برده النصيب غلاب

طلعت معقدة :lol:

شارك هذه المشاركه


رابط المشاركه
شارك

جه فى يوم كان فى اجازه نص السنه وانا رايحه المكتبه اعمل بحث اذ فجأتن كده لاقيته فى المكتبه دون موعد او سابق انذار00ورمقنى بنظره بجد مش بنساها لدلوقتى شوعااااااااع يا ثامح :closedeyes: :roseop:

وقالى مباشرتا كده انا مفطرتش وهاستناكى نشرب الشاى سوا فى الكافيتريا

بلمت وقعدت كملت اللى بكتبه او اللى بنقله من غير فهم لان دماغى كانت بتلف جامد تقريبا الشراره حصلت هنا بقى

انتى بتكروتى ليه؟ روحتيله الكافيتريا ولا لأ؟ يعنى سيبتيه ملطوع فى الكافيتريا وروحتى تكلمى صاحبتك؟ يا قلبك قال قلب ابيض قال

وتلاقيها كانت كابينه ميناتل وطوابير وانتى لاطعاه ده كله ..... يا ساتر عليكى ده انتى جبارة والله

بس قصة جميلة اوى وخصوصا لما فتحتى الباب لقيتيه ادامك فكرتينى بالافلام العربى القديمة

يالله هقول ماشاء الله عليكم وربنا يخليكوا لبعض

شارك هذه المشاركه


رابط المشاركه
شارك
أتاريك يا ياسر راشق عالمسنجر طول النهار :lol: :lol:

ربنا يرزقك بالحب من اول nudge md2:

يعنى ايه لازمته بس التسييح ده بين الناس

عمالى اعد انا و اركن يا دكتره

كنت ايامها اعمل صيدلى فى احدى صيدليات مدينة الرياض

وكان عندى مبادىء اساسية فى احتيار شريكة حياتى كنت اظن اننى مهما حصل لن اغير ها

منها ان تكون مصرية الجنسية وان لا تكون طبيبة

وكالعادة دخلت عندى مريضة الصيدلية معها روشتة تريد صرفها

كانت منقبة كعادة اهل الرياض مسكت الروشتة حضرتها وهى قامت بالتسوق عبر الصيدلية

جأنى ساعتها تلفون من زميل لى وكنا بنتحدث عن الهجرة لكندا او امريكا وعن وضع الصيادلة فى الدول العربية واظنها كانت سامعه كلامنا

جأت وسألتنى ايه رأيك فى الروشتة وفى المستحضرات المكتوبة (كانت اصلا وصفة لعلاج حب الشباب ) حسابها تقريبا 900 ريال

قلت لها عايزة رأى بصراحة الوصفة مبالغ فيها وكان يكفيكى تركيبة بسيطة

وعملت لها التركيبة وضحيت بال900 ريال مقابل انى بكسب زبونة يعنى

وقلت لها رقم الصيدلية على الكيس ابقى طمنينا على النتيجة

بعد اسبوع جاءت وشكرتنى على التركيبة السحرية ههه وقالت لى انى صيدلى غير كل الصيادلة اللى هى شافتهم قبل كدة

وانا طبعا خدت فى نفسى مقلب وقلت لها طبعا وبعمل كمان تركيبات لكذا وكذا

المهم مع النقاش معها عرفت انها طبيبة وكانت اول صدمة سألتها عن جنسيتها لأنها بتكلم مصرى على سعودى على انجليزى على شامى

عرفت ان لها اكثر من جنسية منهم السعودية

عجبنى فكرها وروادتنى نفسى انى لازم اشوف وجهها طب كيف

قلت لها انها لابد ان تستخدم تركيبة خاصة لأزالة اثار حب الشباب بس ده يعتمد على نوعية الحبة فلازم اشوف عشان اقدر اقرر اذا كانت بشرتك تسمح ام لا

قالت لى هى بسيطة دى اصلا كانت حبة صغيرة وراحت خلاص

قلت لها لا ممكن ترجع وتعملك مشاكل كبيرة هههه لازم اقيم الموضوع

وتحت ضغط منى رفعت الطرحة لفوق ورأيت وجهها بعدها طلبت منها تلفونها وتلفونات اهلها

طبعا رفضت اعطائى تلفونها واعطتنى تلفون اخوها

فكنت لازم اجد طريقة اخرى ملتوية للتواصل

قلت لها عندى بعض المواضيع الهامة والمفيدة هذا ايميلى لو تحبى ارسلك بعضها

وتواصلنا عبر الايميل فترة

وسألت عنها اصدقاء لى زملائها فى العمل وسألت على اهلها وتمت الخطوبة ثم الزواج

وعقبالكم

عجبنى اوى الطريقة الجامده بتاعت حب الشباب دى

سيدى يا سيدى

هو ده الكلام

ربنا يوفقكم و يتملكم على خير

يو ميس اسمه ايه ده اندرستود مي

انا هاكمل قرايت القصص بتاعت الزملاء التانيين

خصوصاً مصريه الهوى

شوفتي يا لولا

كلمتين وبس لكن فيهم عمق يخليكي تحسي انك واقفه ورا البراميل وهاتغرقي من كتر العمق .. مافيش طول يعني

جيجي ... اطلعي بره

اقل قصة هنا لازم تكون 4 صفحات ايه فور ... ويكون فيها عذاب ومعاناة وحركات

هو طبعا البيت بيتك يا عمنا

و المكان مكانك

انما تقل لجيجى بجلالة قدرها

اطلعى بره

فهنا لابد من وقفه

و سننتصر ف ام المعارك و اهلا بالحروب و امجاد يا عرب امجاد

ربنا يستر و منطردش انا و جيجى م المنتدى

تم حذف المداخلة لمخالفتها قواعد المنتدى

فولانة

هو انا اتشتمت يا جماعه و انا مش واخد بالى ولا ايه

سا الخير عليكوا

كده يا ياسر تفكرنى ماشى يارب اشوفك عريس قريب وتيجى تحكيلنا

فتفوته

مش عارف يا فتفوته

اقولك الفين مبروك ع الجواز

ولا اقولك البقاء لله

فتفوته... ربنا يحعل ايامك كلها بيضا لون قلبك يا رب

عارف يا بت انتى خفة دمك اللى مخليانى سكتالك ياللا ياختى يا بتاعة كريم عبد العزيز وعباس فارس اجدعنى كده وعاوزين نسمع قصتك قريب

حبيبة بابا حبيبة بابا :lol:

اقعدي طلعي فكلام بقي كدا عشان بكرة الاقي المجلات كلها ناشرة صوري مع كيمو :closedeyes: :roseop:

وضبي انتي ودانك بس عشان هتسمعي قريب بإذن الله :sad:

الله الله الله

امسك عندك

يعنى اعرف م المنتدى برده

كده ... انا ليا حق عرب

شارك هذه المشاركه


رابط المشاركه
شارك

جه فى يوم كان فى اجازه نص السنه وانا رايحه المكتبه اعمل بحث اذ فجأتن كده لاقيته فى المكتبه دون موعد او سابق انذار00ورمقنى بنظره بجد مش بنساها لدلوقتى شوعااااااااع يا ثامح :sad: :wub:

وقالى مباشرتا كده انا مفطرتش وهاستناكى نشرب الشاى سوا فى الكافيتريا

بلمت وقعدت كملت اللى بكتبه او اللى بنقله من غير فهم لان دماغى كانت بتلف جامد تقريبا الشراره حصلت هنا بقى

انتى بتكروتى ليه؟ روحتيله الكافيتريا ولا لأ؟ يعنى سيبتيه ملطوع فى الكافيتريا وروحتى تكلمى صاحبتك؟ يا قلبك قال قلب ابيض قال

وتلاقيها كانت كابينه ميناتل وطوابير وانتى لاطعاه ده كله ..... يا ساتر عليكى ده انتى جبارة والله

بس قصة جميلة اوى وخصوصا لما فتحتى الباب لقيتيه ادامك فكرتينى بالافلام العربى القديمة

يالله هقول ماشاء الله عليكم وربنا يخليكوا لبعض

والله يا فتفت يا أوختى الموضوع مش كروته على اد ما هو زهايمر :lol: :lol: :lol:

اللى بقى ماقولتوش على قوله الحموات وكشف الهيئه والذى منه 000حماتى قبل ماتبقى حماتى جت هى واتنين اخواته بنات اكبر منى وقتها ودلوقتى طبعا بس كان فرق السن واضح يعنى انا اصغر منهم بكتير وهما لسه ماكنوش اتخطبوا 0000هاااارش؟؟

فكان كشف مش دوبل لا تريبل 00واختكوا بقى صغنونه ونغشه ومش واخده على كده

كان ايامها الحجاب نادر اوى لما تلاقى بنوته محجبه 00انا كنت من النوادر دى وده من الحاجات اللى عرفت انه حبها فيه من البدايه وله اخت روشه واخت متدينه جدا وام وسط طيب نفتح الشباك ولا نقفل الشباك؟؟؟

انا قلت أواربه 00 عملت الايشارب سبنش ماكنش وقتها معروف بالاسبنش طبعا !! كان تيربون تريكو وتفننت فى عمله بشكل جميل جدا ولبست جوب مدى يعنى اقل من الماكسى بيجى 5قراريط "شرعا جائز فى حاله الخطبه " خاصه انهم نساء ومايعرفونيش

اأأأأأأوم ايه 0000واحده قالت له بعدها : أل يعنى متدينه أوى وماقلعتش اريشارب قدامنا ؟ :roseop: مش يمكن شعرها اكرت ؟؟؟

والتانيه قالت له : محجبه ازاى وعرقوبها باين ورقبتها باينه ؟؟؟ md2:

وحماتى بقى فرق بينها وبين امى زى الفرق بينها وبين بنتها الكبيره wst:: wst:: كفايه كده ولا اكمل ؟؟؟؟؟ :closedeyes:

شارك هذه المشاركه


رابط المشاركه
شارك

جه فى يوم كان فى اجازه نص السنه وانا رايحه المكتبه اعمل بحث اذ فجأتن كده لاقيته فى المكتبه دون موعد او سابق انذار00ورمقنى بنظره بجد مش بنساها لدلوقتى شوعااااااااع يا ثامح :sad: :wub:

وقالى مباشرتا كده انا مفطرتش وهاستناكى نشرب الشاى سوا فى الكافيتريا

بلمت وقعدت كملت اللى بكتبه او اللى بنقله من غير فهم لان دماغى كانت بتلف جامد تقريبا الشراره حصلت هنا بقى

انتى بتكروتى ليه؟ روحتيله الكافيتريا ولا لأ؟ يعنى سيبتيه ملطوع فى الكافيتريا وروحتى تكلمى صاحبتك؟ يا قلبك قال قلب ابيض قال

وتلاقيها كانت كابينه ميناتل وطوابير وانتى لاطعاه ده كله ..... يا ساتر عليكى ده انتى جبارة والله

بس قصة جميلة اوى وخصوصا لما فتحتى الباب لقيتيه ادامك فكرتينى بالافلام العربى القديمة

يالله هقول ماشاء الله عليكم وربنا يخليكوا لبعض

والله يا فتفت يا أوختى الموضوع مش كروته على اد ما هو زهايمر :lol: :lol: :lol:

اللى بقى ماقولتوش على قوله الحموات وكشف الهيئه والذى منه 000حماتى قبل ماتبقى حماتى جت هى واتنين اخواته بنات اكبر منى وقتها ودلوقتى طبعا بس كان فرق السن واضح يعنى انا اصغر منهم بكتير وهما لسه ماكنوش اتخطبوا 0000هاااارش؟؟

فكان كشف مش دوبل لا تريبل 00واختكوا بقى صغنونه ونغشه ومش واخده على كده

كان ايامها الحجاب نادر اوى لما تلاقى بنوته محجبه 00انا كنت من النوادر دى وده من الحاجات اللى عرفت انه حبها فيه من البدايه وله اخت روشه واخت متدينه جدا وام وسط طيب نفتح الشباك ولا نقفل الشباك؟؟؟

انا قلت أواربه 00 عملت الايشارب سبنش ماكنش وقتها معروف بالاسبنش طبعا !! كان تيربون تريكو وتفننت فى عمله بشكل جميل جدا ولبست جوب مدى يعنى اقل من الماكسى بيجى 5قراريط "شرعا جائز فى حاله الخطبه " خاصه انهم نساء ومايعرفونيش

اأأأأأأوم ايه 0000واحده قالت له بعدها : أل يعنى متدينه أوى وماقلعتش اريشارب قدامنا ؟ :roseop: مش يمكن شعرها اكرت ؟؟؟

والتانيه قالت له : محجبه ازاى وعرقوبها باين ورقبتها باينه ؟؟؟ md2:

وحماتى بقى فرق بينها وبين امى زى الفرق بينها وبين بنتها الكبيره wst:: wst:: كفايه كده ولا اكمل ؟؟؟؟؟ :closedeyes:

هااااااااارش

كملى معاكى والله قولى

لا انا كنت مش من النادرين انا كنت بشعرى ساعتها وهو اللى شرط عليا الحجاب قاللى لا لا البسى الحجاب بقى عشان شعرك وكده ولبسته يا ختى اعمل ايه

بس حلوى اوى حته العرقوب دى

الاسبانيش زمان لما كانت واحدة تعمله كنا نقول عليها عندها ماتش غسيل وجايه الكليه تاخد حاجة ومروحة تكمل ( قال اسبانيش قال)

شارك هذه المشاركه


رابط المشاركه
شارك
كده انا اطمنت ان المهندس ياسر رجع تانى لقلب المحاورات smk:

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك :lol:

انا سكت ومردتش ... اصل السكوت علامه الرضا :happy:

وبس ..

أدى الحكايه ..

ايه مش مصدق :blink: :P

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا :rolleyes:

نسيت اقولك .. حب او جواز صالونات .. كله فى الآخر نصيب .

لولا

مش عارف ليه مش مصدق بؤك يا لولا

يعني كل واحده تبص من خرم الباب تلاقي شاب حليوه جاي يضرب شاي عندهم تروح موافقه عليه على طول إن شالله يطلع عنده ربع ضارب أو بياكل مشابك الغسيل مثلاً ؟

ده على كده الجواز سهل أهو والدنيا حلوه ..

أومال فين قصص العذاب والغناء على الجيتار تحت اشجار الزيزفون .. والمحبوبة تطل من البلكونة كالقمر لتدلق مياه الغسيل اللي فيا بوتاس على راس محبوبها لتصيبة بحروق من الدرجة الأولى ليتعلق قلبه بها أكثر عشان أتأكد إنها إنسانه نضيفة وغسيلها أبيض وزاهي وزي الفُل ... ويا حبذا لو زارته في عنبر الحروق بمستشفى الدمرداش لتطمئن عليه وتقول له : والله ما كان قصدي يا ثامح .. أنا بس أرتبكت وبدل ما أرمي المياه ناحية اليمين رميتها ناحية الشمال اللي إنت كنت واقف فيها "

-----

انا بقى زوجتي كانت اخت صديقي في العمل ومره بيفرجني على صور خطوبة من خطوباته المتعددة المتفشكلة فشوفتها في الصور وعرفت إنها اخته وحبيتها من أول صورة ستة في تسعه ... ومع إنه كان صديقي وواكلين شاربين مع بعض إلا إني إتكسفت أكلمه ووسطت واحد صديق تاني راح زارهم في مصر وفاتحهم في الموضوع ... وأترفضت رفضاً مطلقاً لإنها كانت لسه في ثانوي ... وبعدين إتشجعت انا وروحت لهم في أحد الاجازات .. وبرضوا إترفضت بحجة إن البنت لسه صغيره وقدامها 4 سنين جامعة ... فقلت لهم والله مانا لاعب ومشيت زعلان .. وروحت خطبت واحده تانية زميلة أختي المرة دي .. لكن قلبي كان معلقاَ عند الموضوع الاولاني ولم استمر أكثر من 6 شهور .. وأستطعت بالحيلة إني أقنعهم إننا نخطب بس وبعدين الجواز يحلها ربنا .. وفعلاً .. ظبطنا المواضيع أنا وزوجتي وأقنعناهم إني لن أقف حجرة عثرة - بأحب قوي الجُمل المكعبرة دي - في طريق دراستها لما نتجوز وأنا أساساً شغال بره مصر ... وإتجوزنا وهي في سنة ثالثة ... اللئيمة بقى قالت لي - بعد الجواز والشنكلة - إنها شافتني في صور برضوا مع أخوها ولما جيت إتقدمت لها عرفتني ولما وليت مدبراً وأنا غاضب إتضايقت وجالها حالة نفساوية وكلت ودانهم في البيت وهي بتقولهم " بأحبو يا بابا بأحبو يا بابا " ولما عرفت إني خطبت واحده تاني بقى كانت أيام سودا ...

عقبالك يا ياسر يابني لما تروح بيتكم تلاقي حد مستني في أوضة المسافرين ويقولوا لك " في بنت حلوه جايه تتقدم لك يا ياسر "

سى السيد.......... ايه اللى انت بتقوله ده..... بجد انا مش مصدق ..انت طمنتنى ورعبتنى وخليت قلبى يقع ويرقص وركبى تخبط على الجيران

اصل الحوار ايه

ان الحوار بتاعك هو نفس بتاعى بالفيمتو مللى ثانيه ........ بس الفرق انى لسه معرفش ايه اللى هيحصل لانى فى اخرسنه جامعه والمفروض اتخرج الايام دى وبحب اخت صاحبى الانتيم وبموت فيها اللى هيا برضه فى اولى كليه وكاتم جوه قلبى ومش راضى اتكلم ولا اقوله عشان افضل محافظ على صداقته وكل حاجه بتيجى بوقتها ومستنى اتخرج الايام دى وربنا يسهل اشتغل واروح اتكلم مع العلم انى عمرى ماحاولت اكلمها لا فى الكليه ولا من وراه ولا حتى فى التلفون لانى مارضاش بكده وعشان مافسدش الامور

بس اللى حصل انى بجد خايف من موضوع انى اترفض عشان هى لسه فى الكليه وكلامك هو اللى اكدلى الفكره دى واصلا انا مابنامش من التفكير فى الجزئيه دى بالذات ....

سى السيد...زنبى فى رقبتك... انا مكنتش عارف انام ومش هاعرف انام وانا داخل على امتحانات بكالوريوس اداره اعمال وربنا يستر

رسينى على الحوار ياباشا بما انك راجل خبببببببببببره

شارك هذه المشاركه


رابط المشاركه
شارك
وحماتى بقى فرق بينها وبين امى زى الفرق بينها وبين بنتها الكبيره smk: :happy: كفايه كده ولا اكمل ؟؟؟؟؟ :lol:

ممكن تفاصيل العلاقه الحمواتيه لو سمحتى :rolleyes:

انا منتظره بفارغ الصبر :blink:

على فكره يا قلب ابيض موضوع اخوات جوزك ده فيه شبه من كصتى كمان .. جوزى عنده تلات اخوات بنات ..

الحقيقه انا بحبهم كلهم بس اخته الكبيره ساعات مش بعرف هى اخت جوزى ولا حماتى :P

لولا

شارك هذه المشاركه


رابط المشاركه
شارك
وحماتى بقى فرق بينها وبين امى زى الفرق بينها وبين بنتها الكبيره wst:: wst:: كفايه كده ولا اكمل ؟؟؟؟؟ :lol:

ممكن تفاصيل العلاقه الحمواتيه لو سمحتى :rolleyes:

انا منتظره بفارغ الصبر :blink:

على فكره يا قلب ابيض موضوع اخوات جوزك ده فيه شبه من كصتى كمان .. جوزى عنده تلات اخوات بنات ..

الحقيقه انا بحبهم كلهم بس اخته الكبيره ساعات مش بعرف هى اخت جوزى ولا حماتى mfb:

لولا

هههههههههههه ايون يا لولتى اصبت الهدف هى فعلا حماتى من اول يوم وحتى يومنا هذا لدرجه انها بتعربن على بنتى لآبنها عشان تفضل مستمره فى الدور :happy: :P

الموضوع ان مامتى بحكم ان انا الكبيره بتاعتها واحنا اصلا اتنين بس وانا كنت لسه على مشارف العشرين وهى بعد الاربعين بسنه او اتنين فكانت شابه برده عكس حماتى اللى كانت جده قبل ما اتخطب انا

فاصبحت حماتى حماه مامتى واخته حماتى smk: وعينك ماتشوف الا النور مش هاقولك بقى

بس والله لولا حب زوجى واحساس والديا بأن اصبح لهم ابن راجل على البنتين ما كنتش عمرت يوم معاه بسبب اخواته وسبحان مغير الامور مع الايام وعشانه هو انا اتحملت كل شىء لان مخه كبير وعلمنى ازاى احتوى اللى قدامى وازاى اقدم الخير وما استناش المقابل لانه لازم بيقعد للى عمله عند الله فى الاول والاخر وحياتى كلها معاه على كده والله بعمل اللى يرضى ربنا واستنى جزائى منه سبحانه وقد كان اصبحت اهم شخصيه فى عيلته والكل بيسعى انه يتقرب منى لانى ماقدمتش الا كل خير 0000 بس ده بعد ربع قرن الا شويه من الجرى والتعب بس الحمد لله بيتنا مستقر عن اى حد من اللى بالى بالكم

وعلى فكره فرق السن برضه مهم جدا يا جماعه واعتقد ده يتفتح له موضوع لوحده ؟؟؟

يعنى يفضل فرق السن بين الزوج والزوجه يكون أد ايه من وجهه نظرك ؟؟ نظريا ؟ وعمليا ؟؟

شارك هذه المشاركه


رابط المشاركه
شارك

حلوه قوي قعدة الحريم دي .. كلي آذان صاغية .. ولو حبيتوا أشارككم مفيش مانع بالذات موضوع الحموات ده .. ربنا يصبرك ياختي إنت وهي ويصبرنا معاكم .. آه والنبي ده إحنا غلابه .. :roseop:

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • ماذا تفعل مع زوجتك و ماذا تفعلين مع زوجك إذا اختلفتم على الدستور ؟؟؟

      أهلا أعزائي منذ قيام ثورة 25 يناير و تعدد الأهداف و تباينها اصبح هناك اختلاف وصل حد الحلاف في الرأي بين الجيران والأصدقاء و العائلة بل و أفراد الأسرة الواحدة !!! و بعد الأحداث الأخيرة ازداد التوتر و السؤال إلى أي حد تؤثر الأحداث الأخيرة على أعصابنا و تحملنا ماذا لو أنك من أنصار" نعم" و زوجتك من أنصار" لا " أو العكس ماهو موقفك منها و شعورك

      في موضوعات خفيفة

    • كيف تعرفت على محاورات المصريين ؟

      اتعرفت اذاى على موقع المحاورات هل عرفتة عن طريق صديق لك ولا عن طريق البحث عن موضوع معين ولا بالصدفة وماهو اول موضوع قرأتة فى المحاورات واول موضوع كتبت او علقت علية هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ) من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

      في موضوعات خفيفة

    • ما هو اسم زوجتك (زوجِك) في تليفونك المحمول؟!

      قرأت من فترة تحقيقا صحفيا بعنوان ما هو اسم زوجك أو زوجتك في الجوال (التليفون المحمول) وكانت المفاجأة أن بعض الرجال يسمون زوجاتهم في تليفوناتهم المحمولة بأسماء مثل: "ورطة" "أم44" "بلية" "شيطونة" "غلطة عمري" !!! :blush2: بينما يسمي آخرون زوجاتهم في جوالاتهم بأسماء مثل: "الأهل" "الغالية" "شريكة العمر" "القمر" "أم فلان" وفي المقابل فهناك زوجات اخترن لأزواجهن أسماء في تليفوناتهم مثل: "الحرامي" "الله لا يرده" "المشئوم" "هتلر" "ياخذه ويريحني" !!! والبعض (الستات الحلوين المتربيين)

      في موضوعات خفيفة

    • ايها الزوج ابعد زوجتك شوية وجاوب على السؤال دة ؟؟

      ياترى بعدت زوجتك عن جهاز الكمبيوتر وانت بتقرا التوبك دة ياريت لو معملتش كدة اعمل كدة فورا قبل ما تجاوب على السؤال اللى هاقولة الان علشان ما يكون فية احراج وتجاوب براحتك بعدت طيب اسالة انت ايها الزوج بتقول لزوجتك انت بتقبض كام بالضبط ومعاك قد اية فى البنك ياترى انت ماشى على مبدا دارى على شمعتك تقيد ومحدش يعرف حاجة ولا الجن الاحمر و السر ميبقاش سر لو طلع برة ومحدش ضامن الظروف وكدة وبلاش تعرف علشان انا مش ناقص بقى طلبات وهات هات هات بدل ما تروح تقول لماماتها و اصحابها و تبقى ليلة ل

      في موضوعات شخصية

    • هل وجدت في زوجك/زوجتك ما تمنيت قبل الزواج؟

      السلام عليكم و رحمه الله و بركاته: كل واحد فينا بيبقا ليه مواصفات لشريك/شريكه حياته, و طبعا الاخوة المتجوزين عارفين مواصفات ازواجهم/زوجاتهم. و طبعا لاننا مش في جمهوريه افلاطون و لان ليس كل ما يتمناه المرء يدركه, فحبيت اتاكد من الناس نفسها. و علشان يكون fair play فهيكون فيه سؤالين: هل شريك/شريكه حياتك يمتلك المواصفات التي كنت تتخيلها قبل الزواج؟ هل انت سعيد مع شريك/شريكه حياتك حاليا بغض النظر اذا كان يمتلك المواصفات التي كنت ترغب بها ام لا؟ لو خايف او مكسوف ممكن تقول اي حكايه عايز تقولها و تن

      في موضوعات شخصية

×
×
  • اضف...