اذهب الي المحتوي
MuslimaEgyptian

كيف تعرفت على زوجك / زوجتك؟

Recommended Posts

ملاحظتوش حاجة انه كل ما كان ييجى يكلم حد عليا الحد ده يا عينى مايكملش سنتين ويموت والله فى الاخر قاللى اكلم اختك قلتله انا فى عرضك دى لسه صغيرة اوى الاول ماما وبعدين خالى ارحمنا الله يخليك

روح لعمى قام قايلى خلاص هبعت بابا ولما باباه اتقدم وكده ماكملش سنه ياعينى الراجل ومات

فتفوته

ملاحظناش ايه بس يافاتافيتو ... ده انا لقطتها من اول حادثه ، انما لما اتكررت انا عملت كده :lol: وبعدين لما اتكررت تانى عملت كده :lol:

انا مش عارفه اعلق .. احسن اسيب المكرفون ل س س هو اللى يعلق :roseop:

لولا

طب كويس نكم لاحظتوا اهو

ده يا بنتى والله العظيم انا كده اختصرت

ده حتى اول مرة جه عندنا بعد مانزل بقى من السفر وكده وكنا خلاص بقى مخطوبين رسمى فكان عندنا عمى وولاد عمى وكده وهو قال جاى لقيتلك عمى ده وشه جاب الوان مافهمتش ليه!!!!!!!!

وبعد كده الباب خبط والاستاذ دخل وعمى رحب بيه واحنا واقفين من ورا الستارة انا واخواتى وولاد عمى كلنا كلنا

فبعدين لقيته لسه هيقول لعمى انا اتشرفت بنسبكم وكده وهايفتح الموضوع تانى.......... الا ولقيت عمى قام قايله يا بنى خلاص بقى احنا اتكلمنا مع بابا الله يرحمه قفل عالموضوع ده خلاص تشرب ايه

ياعينى الراجل خاف على نفسه لا يبقى الضحية الرابعة

وبعدين قام عمى داخل جوا عندنا وقاللى اخرجى بقى يا ستى بس ماتخليهوش يفاتحك فى حاجة الله يخليكى وحرج على اى واحدة من البنات تخرج

شارك هذه المشاركه


رابط المشاركه
شارك
سا الخير عليكوا

احكى انا بقى ولا خلصتوا؟ لا خلاص هقولكوا انتوا حبايبى برضوا

احنا كنا مع بعض فى الشغل وشغالين فى مكتب واحد انا وتلات بنات تانى ومديرنا راجل كبير كان معانا فى المكتب برضو

وبعدين كنا بنتعامل مع بعض كلنا ذى الاخوات فى الشغل وكانت فيه بننا روح جميلة كده وكنا بنخاف على بعض وبنحب بعض كلنا

وهو بقى كان من النوع الهادى اوى اللى بيتكسف وبما انه قاعد مع اربع بنات فى المكتب كان دايما ساكت ومش بيتكلم الا اذا حد فينا ساله على حاجة والا كده او فتحنا معاه موضوع مثلا .......ولغايت دلوقتى هاااااااااااادى

وانا الوحيدة اللى كنت فيهم اللى كان شغلى بيتطلب انى اقعد مثلا ساعتين ولا تلاتة بعد الشغل وهى كانت شركة كبيرة اوى يعنى كان بيبقى فيه ناس برضوا كتير قاعدين بعد مواعيد الشغل منهم المهندسين اللى كان انا شغلى معاهم

وبعدين كنت كل ماقعد شوية بعد الشغل الاقيه هو كمان قاعد ويتلكك انه عنده شغل وبما انه عمره ما لمح ولا اى حاجة انا ماحطتش فى بالى وكنت فى كل مرة اساله قاعد ليه انت مش هتروح يقولى لا اصلى عندى شغل

وجيت فى يوم لقيت مديرى بيقولى عارفة يا فتفوتة الواد ده بيحبك وانا طبعا ماكنش والله فى بالى اى حاجة بس بصراحة كنت حاسه كده انه بيتلكك عشان يقعد معايا

فرديت قلتله لا حضرتك بيتهيالك قاللى اسكتى انتى لسه صغيرة ومش فاهمه حاجة

وبصراحة من جوايا فرحت لانه كان فى حاله ومؤدب وواد كمان امور

وقعدت اشتغل فى الشغل وهو معايا 10 شهور وهو قافل بؤه لا راضى يقول حاجة ولا يتكلم

المهم جه فى يوم كده من غير مقدمات خبط لزق كده لا بحبك ولا حاجة و قاللى لوحده كده ومن نفسه ......ممكن اجى اتقدملك؟ انا معرفتش ارد واختى الكبيرة كانت بتشتغل معانا بس فى ادارة تانية فرديت وقلتله طيب هرد عليك بعدين

وقمت جريت على اختى قلتلها عاوزاكى واخدتها فى الاسانسير وحكتلها وفضلنا طالعين نازلين بالاسانسير هى تقولى قوليلى ايوه وانا اقولها لا اتكسف ياختى وبعدين قلتلى خلاص هقوله انا

المهم جه البيت عندنا وانا بابايا كان لسه متوفى بقاله كام سنه فاجه قعد مع ماما ولوحده

وقالها على ظروفه وكده فماما قلتله يابنى هسال عمامها واهلها وكده

ولان ظروفه كانت مش اد كده هو قالها هجيب دبلتين بس وبعدين يبقى ربنا يسهلها وعلى هذا اهلى مارضيوش واترفض

وبعدها انا سيبت الشغل لانى روحت شغل تانى احسن

وخلاص علاقتنا اتقطعت ببعض

وبعدها بسنتين بالضبط مامتى اتوفت الله يرحمها فلقيته بيتصل بيقولى عاوز آجى اعزيكم قلتله اتفضل وجه تانى قعد معانا ومع خيلانى وكده

وبعدها بكام شهر اتصل باختى الكبيرة وقالها انا عاوز اكلم خالك تانى وكده وهى وصفتله مكان شغل خالى وهو راح عنده قام خالى قاله يابنى هتفضل داخل طالع كام سنه وذى مانت عارف دى باباها ومامتها متوفيين واحنا مش ععاوزين حد يتكلم ..... قام جاله احباط لتانى مرة ومشى ماورانيش وشه

وبعدها بتلات سنين خالى مات وهو جاله عقد فى السعودية وانا ماكنتش اعرف عنه حاجة

وفى يوم كنت بكلم واحدة كانت معانا فى الشغل قلتلى مش كذا ده سافر السعودية قلتلها والله (ومن جوايا بقول كده تمشى لا حس ولا خبر)

وبعدين قلتلى خدى نمرته وابقى اسالى عليه

وقعدت فترة كبيرة مترددة انى اكلمه وبعدين بحكى لاختى قلتلى ماتكلميه مش يمكن ظروفه اتحسنت

قمت بصراحة ماكدبتش خبر ورنتله بس اتاريه اللئيم لسه حافظ نمرتى ويا دوب انا رنيت مافيش نص ساعة ولقيته بيتكلم وقعدنا نتكلم حوالى اسبوع وهو متعقد ومش عاوز يفتح بؤه تانى

وفى يوم قاللى انا هبعت بابا واخويا الكبير عند عمامك وكده قلتله ماشى

المهم انا طولت اوى عليكوا اصل هو الموضوع اخد خمس سنين والله على ماتخطبنا ماقدرش اختصر

وبعدين جم اهله طلبونى من عمامى وخالى التانى وبعدين وافقوا والحمد لله وعملنا قراءة فاتحة من غير عريس

وقعدت سنه مخطوبة من غير حتى دبله لانى رفضت البس دبله من غير ماهو ييجى يلبسهالى وكنت انا اللى بجهز الشقة انا وباباه بس لان مامته متوفيه برضوا

وكنت بعمل كل حاجة واختار كل حاجة لوحدى ومشقة كل حاجة جت على دماغى انا وبس

وقعدت اقول الله يرحمك يا امى انتى وخالى يعنى ماكنتوش موافقين بالدبلة ادينى حتى مالبستهاش وانا مخطوبه

وبعد السنه دى نزل لان باباه كان اتوفى وجه لما عرف الخبر وبعدين انتهزنا فرصة وجوده واستنينا بعد اربعين باباه واتجوزنا بعدها علطول

بس هو جه عالجاهز لا تعب ولاعمل حاجة وهو ده اللى مضايقنى لغايت دلوقتى انى ماعشتش فترة خطوبة كده واتفسحت وخرجت لا ده كان كل خروجتنا رايحين نجيب مش عارف ايه من المكان كذا واخر التجهيزات طبعا وانتوا عارفينها يعنى لا عرفنا نتفسح ولا اى حاجة

واتجوزنا فى شهر لانه كان مستعجل واهو دلوقتى والحمد لله عندنا ولد وبنت وربنا يخليهم يارب

ملاحظتوش حاجة انه كل ما كان ييجى يكلم حد عليا الحد ده يا عينى مايكملش سنتين ويموت والله فى الاخر قاللى اكلم اختك قلتله انا فى عرضك دى لسه صغيرة اوى الاول ماما وبعدين خالى ارحمنا الله يخليك

روح لعمى قام قايلى خلاص هبعت بابا ولما باباه اتقدم وكده ماكملش سنه ياعينى الراجل ومات

انتوا زهقتوا؟؟؟ ده كده انا اختصرت ده كان فيه حاجات كتير وبلاوى عاوزة احكى عليها بس كفايه بقى عشان ماتزهقوش اكتر منى

كده يا ياسر تفكرنى ماشى يارب اشوفك عريس قريب وتيجى تحكيلنا

فتفوته

الحمدلله يا فتفوتة انكم اتجوزتوا و الا كنتوا قضيتوا على بقية العيلة :roseop:

من اول ما قريت كلامك و انا شغالة في قراية الفاتحة على ارواح الاموات طبعا :lol: :lol:

تم تعديل بواسطة remo

شارك هذه المشاركه


رابط المشاركه
شارك
الأخت فولانة اللى عدلت مداخلتى بدون ابلاغى

انا لا افترى على منتدى محاورات المصريين

الاعلان موجود بالفعل و لمحته اكثر من مرة و بنفس الافيش ده "بنت الحلال فى انتظارك على المسنجر"

و المرة الجاية حجيبلكم لقطة شاشة لمزيد من التوثيق

لو مستعرين من الاعلان احذفوه من موقعكم و ليس من مداخلتى

اظن انه فيه موضوع طويل حول اعلانات جوجل فى محاورات المصريين لكنى اعتقد انه مغلق الآن

و لا اظن انكم بحاجة لمزيد من التنبيه ان الاعلانات فيه شبهه و بعضها غير اخلاقى

و شكرا

باشمهندسة هبة

موضوع اعلانات سبق ان تناقشنا حوله واتفقنا على ان ماترينه على شاشتك ليس بالضرورة هو مايظهر عند باقى الاعضاء فى المناطق المختلفة ، وبالتالى عندما تضعين تعليق على اعلان ترينه على شاشتك لن يكون مفهوما لى معنى تعليقك لاننى لاأرى ذلك الاعلان ، هذا كان أولا

ثانيا ، الدال على الخير كفاعله ، فبلاش تدلى الباشمهندس ياسر على حاجة مش خير :roseop:

ثالثا مايصحش تقولى " لو مستعرين من الاعلان أحذفوه من موقعكم وليس من مداخلتى " لانك أما ان تكونى من اصحاب الموقع ، ومثلك مثل اى بنت من بناتنا نقول لها ده يصح وده مايصحش وتتقبله كما تتقبل اى بنت النصيحة من اخوها او اختها الاكبر او من عمها وخالها ، أو تعتبرى نفسك ضيفة ومعروف ان للضيف حدود فى نقد اصحاب المكان ، واعتقد انك واثقة وعارفة كويس انك مش ضيفة ولكن عضوة فى العائلة الكبيرة " محاورات المصريين " يعنى من اصحاب الموقع ، فمافيش داعى للتنشنة وخذى الامور ببساطة لان الموضوع بسيط ولم يمس مداخلتك او يغير من معناها فالمداخلة اولا واخيرا ليس محورها التعليق على اعلانات جوجل فى محاورات المصريين ، واطننا جميعا متفقين ان اعلانات جوجل التى وصفت من قبل تعتبر اعلانات محترمة جدا مقارنة بالاعلانات التى ترونها وتشاهدونها فى مواقع الدونلود او اليوتيوب ولا اظن ان هناك احدا لم يزرها.

شارك هذه المشاركه


رابط المشاركه
شارك
ملاحظتوش حاجة انه كل ما كان ييجى يكلم حد عليا الحد ده يا عينى مايكملش سنتين ويموت والله فى الاخر قاللى اكلم اختك قلتله انا فى عرضك دى لسه صغيرة اوى الاول ماما وبعدين خالى ارحمنا الله يخليك

روح لعمى قام قايلى خلاص هبعت بابا ولما باباه اتقدم وكده ماكملش سنه ياعينى الراجل ومات

فتفوته

ملاحظناش ايه بس يافاتافيتو ... ده انا لقطتها من اول حادثه ، انما لما اتكررت انا عملت كده :lol: وبعدين لما اتكررت تانى عملت كده :D

انا مش عارفه اعلق .. احسن اسيب المكرفون ل س س هو اللى يعلق :roseop:

لولا

على فكره يافتفوته انا مش قصدى حاجه وحشه لأنى مع الذهول ضحكت جدا من اللى بيحصل .. بس حاسه ان س س حيعلق التعليق

الجامد كالعاده :lol: . انا بس نسيت اقولك حاجه .. لما الحاجه تكون من نصيبنا مهما بيحصل ومهما بتفرق الظروف ومهما تتحط العقبات

بتلاقى كل دوت فى الآخر بيبقى ولا حاجه والنصيب بيحصل . مسائل الجواز دى فعلا من اعمق الحاجات اللى تخلى الإنسان يشوف بنفسه

ان النصيب مكتوب ومتقدر مش احنا اللى بنتحكم فيه ولا الظروف .

ربنا يعوضكم عن كل الأحبه ويقرب بينكم ويجمعكم ديما على كل خير ويبارك فى اولادكم ورزقكم ..

تعرفى انا بعد جوازى بكام شهر اتوفى والد جوزى .. كان موقف صعب جدا جدا وصدمه كبيره بس مفيش داعى اتكلم فيها خلى الموضوع هنا افراح.

لولا

شارك هذه المشاركه


رابط المشاركه
شارك
الحمدلله يا فتفوتة انكم اتجوزتوا و الا كنتوا قضيتوا على بقية العيلة :lol:

من اول ما قريت كلامك و انا شغالة في قراية الفاتحة :lol: :D

مانا بقولك يا ريم احنا ماعملناش غير قراية فاتحة وبس انتى مش ملاحظه الارتباط بينهم قعدنا نقرا الفاتحة طول السنه على روح الاموات

بس الحمد لله فى الاخر عملنا فرح حلو وكبير بس برضوا قرينا الفاتحة على روح باباه اللى كان لسه متوفى بقاله اربعين يوم

بتفكرونى ليه :roseop:

شارك هذه المشاركه


رابط المشاركه
شارك

و الله يا فتفوتة دمك زى العسل و قصتك احلى

ما كنتى اتجوزتوا من الاول بدل السنين الى ضاعت دى كلها

سبحان الله محدش عارف نصيبة امتى و مع مين

ربنا يسعدك يارب يا فتفوتة

ذهبية

شارك هذه المشاركه


رابط المشاركه
شارك
هي قصة كوميدية و حزينة جداَ في نفس الوقت و هحكيها فقط لأني غير معروف في هذا المنتدي فا مش هتفرق بس حاسس إن عايز أحكيها .

من 7 سنين انا كنت في ثانوية عامة و كنت في فريق كرة اليد في النادي و كان عندنا ماتش مع أحد الأندية بمصر الجديدة علي أرضه .. و قبل المباراة بيوم انا سافرت إسكندرية مع أصدقاء لي و رجعنا متأخر فا انا رحت عالماتش مطبق و نايم يادوب ساعتين في الطريق .

المهم رحت و إرتديت القميص رقم 21 (مكنش كل واحد في الفريق لازم يبقاله رقم خاص بيه هو يوم الماتش كانوا بيرموا التي شيرتات كلها كدة و إنت شد تي شيرت و إنت و حظك!) .. و نزلت إلي أرض الملعب .. رجلي شدت و نفسي و نفسي إتقطع و عينك ما تشوف إلا النور .. شوية و لقيت الكابتن طلعني و قاللي ريح الماتش ده و خبطني خبطة تحمل مضمون "الله يخرب بيتك هتودينا في داهية" .. المهم انا إتخنقت و طلعت إشتريت إزازة مياه و كنزاية بيبسي و قعدت في مدرج صغير كدة .. و بعدين إتفرجت عالماتش و شايف الإجوان عمالة تخش فينا .. قلت يا نهار إسود الماتش خلاص راح .. و سندت إيدي عالحديد اللي قدام الكراسي .. ثم سندت راسي .. و يبدو إن النوم كبس عليا في الوقت ده .. و صحيت علي حد بيصرخ "إيييييييييييه ده" .. إظاهر كنزاية البيبسي دلدلت من إيدي و انا نايم و لقيتها كلها مدلوقة في أفا واحدة كانت قاعدة تحت .. كلها بالكامل في أفاها زي ما أكون منشن .. و قامت قالتلي إييييييييييه اللي إنت عملته داااااااااااه .. انا معرفتش أرد أقول إيه و كنت عايز أضحك و أعتذر في نفس الوقت لأن شكلها كان عايز يضربني و في نفس الوقت انا كنت عايز أضحك من الموقف و منها و هي متنرفزة .. كان مش لايق عليها النرفزة خالص مع إن انا معرفهاش .. قامت بصالي بصة إستحقار كدة و مشيت بسرعة .. الماتش خلص و بعديه لقيت واحد صاحبي جايب واحد لابس تي شيرت الفريق التاني و بيقوله أهوه يا عم .. فا الولد ده بيقولي إن صديقي قاله إن انا بلعب في باند روك و بتاع و قاللي انا عايز أتعلم درامز .. فا قعدنا نتكلم في المزيكا شوية و بعد ما غيرنا هدومنا قاللي ما تقعد معايا في النادي لحد بالليل، قلتله أصل لازم أروح في الباص بتاع النادي .. قاللي فيه واحدة صاحبتنا عندها عربية بسواق ممكن توصلك لميدان سفنكس و تعامل إنت بعد كدة .. قلتله أوكي .. قعدنا نتمشي و نتكلم شوية في المزيكا و بعدين قاللي تعالي نتفرج علي ماتش باسكت دلوقت هتلعب فيه صاحبته أم سواق .. قلتله ماشي .. رحنا لقينا الماتش شغال و فيه البنت اللي انا دلقت البيبسي في أفاها .. انا إتكسفت أقول للواد اللي انا عملته بصراحة و قعدت أتفرج .. و كنت مستغرب إنها بتلعب باسكت لأنها أساساَ أقصر مني و انا مش طويل ! بس كانت بتلعب حلو أوي .. بعد الماتش الواد اللي عايز يتعلم درامز ده بيسلم علي صاحبته و طلعوا يعرفوا البنت اللي انا دلقت البيبسي في أفاها .. فا سلموا عليها و سلمت عليا بس كانت بتبصلي شذراَ كده !! فا حبيت أكسر حدة الموقف .. قلتلها إنتي بتلعبي حلو علي فكرة ده مفعول البيبسي بتاعي .. فا بصتلي بصة هههه ظريف !! و الولد و البنت التانيين سألوا بيبسي إيه ؟ فا بصتلي بصة بتاعة لو قلت هقتلك و بعد ما أقتلك هحرقك و بعد ما أحرقك هقطعك .. فا قلتلهم لأ ده موضوع كبير و غيرت الموضوع .. بعدين قالت للولد إنه كان بيلعب حلو و إنها شافت الماتش .. فا انا قلت هي جايه تتفرج عالماتش لوحدها مخصوص عشانه يعني ليه و قلت شكلها معجبة بيه .. بعدين و انا قاعد بقية اليوم بقي كانت هي و صاحبتنا بيقعدوا معانا عشان يكلموا "عمر" اللي عايز يتعلم درامز ده .. فا ساعات نبقي ماشيين فا انا اأخر خطوتي شوية عشان و انا بكلمها نقع ورا عمر و البنت التانية و أعرف أكلمها لوحدها .. فا بقولها انا أسف جداَ علي فكرة مكنش قصدي بس أصل انا منمتش من إمبارح و اما نمت جت فيكي إنتي .. فا قالتلي خلاص مش مشكلة .. قلتلها و إنتي كنتي قاعدة لوحدك ليه ؟ بتتفرجي علي عمر ؟ فا قالتلي انا كنت عايزة أقعد بعيد عن ملعب الباسكت عشان كل صحابي هناك .. قلتلها أاااه .. طب كويس .. و مش عايزة تقعدي معاهم ليه ؟ قالتلي لأ عادي بس كنت عايزة أسمع أغاني .. قلتلها بتسمعي إيه ؟ فا قعدنا و طلعتلي من شنطتها شريط (أياام الووكمان أبو شرايط) إسمه hybrid theory بتاع لينكين بارك أحد فرق الروك .. قلت ياما إنت كريم يا رب .. قعدت بقي أكلمها عن المزيكا و تطرقنا في كلامنا لحاجات كتير و كان عمر و صاحبته إختفوا خالص .. و بعدين ظهروا و كانوا عايزين يروحوا .. فا انا قلتله خلاص روحوا إنتوا عشان انا كلمت أخويا و قاللي إنه هيعدي عليا يوصلني (و انا معنديش أخ أصلاَ) .. و قعدنا نتكلم بقي بتاع أربع ساعات متواصلة .. و في الأخر و انا ماشي قلتلها إني ممكن أجبلها سي

يهات عليها أغاني كتير لو عايزة .. ممكن أخد نمرتك و أقابلك هنا في النادي .. فا قالتلي أوكي و سجلت نمرتها علي موبايلي النوكيا 3210 .. و إبتدينا نتقابل و نتكلم كتير .. و كنا بنتكلم كتير بمعني كتير .. أحد مكالمتنا قعدت من 12 بالليل لحد 8 و نص الصبح .. و قفلنا عشان أهلها صحيوا مش عشان حاجة يعني .. مش عارف كنا بنجيب الكلام ده كله منين ! بس الوضع ده مستمرش كتير لحد ما فواتير التليفون عندي و عندها جت و أهالينا إحنا الإتنين عملوا التليفونات إستقبال بس .. فا بقينا نتقابل برة في النادي بتاعها أو في أي حتة و قعدنا سنة كدة لحد ما انا دخلت الجامعة (كانت أصغر مني بسنة) .. و كنا بنتقابل من ورا أهلها بصراحة في الأول .. و كنت بحب أعمل مواقف ترعبها .. مرة كان باباها جي ياخدها من قدام النادي فا انا بوصلها لحتة معينة و تمشي لوحدها بعد كدة و أبص انا من بعيد .. فا في مرة مشيت وراها و رحت لباباها و هي شايفها خلاص هتعيط .. و في الأخر قلتله من فضلك الساعة كام ؟ و خدت شتيمة علي كدة قد كدة وقت ما مشيت مباشرة في مسجات عالموبايل .. و مرة كنا خارجين و شفنا أخوها فا انا عملت مش معاها و بوقف تاكسي .. و اما التاكسي وقف معرفتش أقوله إيه قلتله إسكندرية ؟ الراجل صدق و قاللي ماشي هتدفع كام ؟ قلتله 20 جنيه .. قام شتمني و مشي .. لحد ما عرفتني علي مامتها و بعدين بقوا عارفين عندها في البيت و بقيت أقدر أسلم علي باباها و مامتها عادي لو شفتهم و بيبقوا عارفين رايحين فين.. و نسيت أقلهم إنها فنانة كمان .. دخلت فنون جميلة بعد كدة و كان فرح لأن كان جالها في التنسيق كلية مش عاجباها و بعدين ظهرت نتيجة إمتحان فنون جميلة و قبلت فيه .. و كان كل شئ جميل لحد يوم 4 أغسطس 2007 تحديداَ كانوا مسافرين المصيف و واحدة صاحبتنا كلمتني بتقولي كلم محمد أخو ياسمين لأنهم عملوا حادثة .. فا إتخضيت و كلمت ياسمين الأول لقيت الموبايل مقفول .. كلمت محمد أخوها لقيته منهار .. فا بقوله إيه اللي حصل ؟ قاللي انا مسافرتش معاهم .. و عملوا حادثة و بابا و ياسمين إتوفوا .. قلتله إيه ؟؟ إزاي ؟؟ قاللي انا في حتة إسمها الضبعة علي طريق مرسي مطروح .. لأن ماما لسة في المستشفي و هنقلها .. انا مكنتش حاسس إن الكلام اللي بيقوله حقيقي .. بمعني مكنتش حاسس إن واقع زي ده ممكن يكون حقيقي .. تفاصيل الحادث كانت إن سيارة نقل طلعت فوقيهم .. حاولت أتخيل الموقف و أستوعب الواقع ده بس كان صعب .. كان ممكن حاجات كتير تحصل .. كان ممكن محمد يسافر معاهم و هو اللي يقعد قدام و تقعد هي مامتها ورا .. كانت ممكن مامتها هي اللي تقعد قدام .. كان ممكن يتأخروا دقيقة زيادة في بنزينة علي الطريق فا ميحدثش لقاء بينهم و بين سيارة الحادث .. و لكن كل شئ زي ما يكون كان مترتب .. عشان يغير ترتيب كل حاجة بعديه بعد كدة في حياة ناس كتير .. و دي مش نهاية القصة بس انا حابب أقف هنا .

لا حول ولا قوة الا بالله

بس بجد ضحكتنى لان اسلوبك جميل وبتشرح كل حاجة حتى موديل العدة بتاعة الموبايل كاتبه (3210)

ربنا يصبرك ويعوضك خير

تم تعديل بواسطة fatfouta

شارك هذه المشاركه


رابط المشاركه
شارك
اما عني فقابلت زوجي في الصيدليه وكنت لسه متخرجه دلوقت حالا و رحت اتدرب في صيدليه جنب بيتنا وكان اول يوم ليا وعلي فكره انا كنت مش عايزه اروح الصيدليه دي خالص وبابي هو اللي دبسني ولما رحت شفت واحد أول مره اشوفه مع إن الصيدليه دي اعرفها من وانا في ابتدائي بس ماتكلمناش خالص ولا كأني شفت حد اصلا و روحت .تاني يوم بالليل بابي جه يقول إن صاحب الصيدليه كلمه إن في واحد شافني و عايز يتقدم وانا علي طول خطر في بالي الشخص ده وفعلا طلع هو و بس خلاص دلوقتي عندنا ولد عنده ثلاث سنوات وعلي فكره مامي هي اللي قدمت الشربات

يا جود نيوز يا حبيبتى يعنى مامى وبابى وفى الاخر تقلبى وتقولى شربات؟ كنتى قلتى حاجة ساقعة ولا اوردفرات ولا سيمون فيمى

ايه ياختى ده

شارك هذه المشاركه


رابط المشاركه
شارك
و الله يا فتفوتة دمك زى العسل و قصتك احلى

ما كنتى اتجوزتوا من الاول بدل السنين الى ضاعت دى كلها

سبحان الله محدش عارف نصيبة امتى و مع مين

ربنا يسعدك يارب يا فتفوتة

ذهبية

شكرا يا دهبية انتى الاحسن

نتجوز مين يا بنتى ماهو كل مانقول ها نلاقى واحد اتكل على الله نقعد بقى نستنى واهو النصيب بقى

هنقول ايه بقى الحمد لله

شارك هذه المشاركه


رابط المشاركه
شارك

اللـــــــــــــــــــــــــــــــــه يسامحك يا باشمهندس

الموضوع لذيذ بشكل خلانى سرحت وفجأه لاقتنى بكب وانا فى الصفحه الرابعه وقفت عند فتفوته بس كان لازم اثبت حضور معاكم :ninja:

لولا وسى السيد انتو حكاااااااااااايه مالكوش حل -تحياتى لكم wst::

انا هنام عشان اودى العيال المدرسه الصبح وارجع بسرعه اكمل عشان اتشجع واحكي لكم حكايه غرامى حكايه طويله 0000الله يرحمك يا فرى

فاصل ونواصل

شارك هذه المشاركه


رابط المشاركه
شارك
الحكاية طويلة بدايتها ببساطة دعاء دعيته أنا لربنا أنه يرزقني بإنسان

طيب و أخلاق مالوش في الصحوبية واللعب ببنات الناس يعني من بيت أبوه

على المدرسة على الجامعة عليا بس خلاص wst::

وربنا رزقني ما تمنيت ........

كنت مخلصة سنة أولى جامعة وبزور واحدة صاحبتي وبعدين نزلنا

عشان ندي واحد هي ماتعرفوش حاجة مامتها عايزة تديهالو

فنزلت عشان ما أسيبهاش لوحدها ونزل من سيارة هو وواحد معاه

اتنين شباب واحد منهم عادي زي اللي في الكلية عندنا والتاني مؤدب وخجول جدا

أنا بقى قلت بس هو ده سبحان الله كأني لقيت اللي بحلم بيه

وبعدها هو اتصل بصاحبتي عشان يقابلنا بدون ابداء أسباب

وقلبي حس ان ربنا مرتب ليا الخير إستخرت وبعدها قاللي إنه حاسس ان ربنا رزقه

بهديه ودي أحلى كلمة حب سمعتها في حياتي وان نفسه يكلم أهله عليا

بس قبل مايكلم باباه هو بيحب ياخد رأي صديق للعائلة لأنه بيحب ياخد رأيه

في كل أموره وبمجرد ماقاللي اسمه قلتله الراجل ده يبقى زي أبويا

وصاحب بابا وكان بالنسبة ليا بدل بابا اللي مسافر

وعرضنا عيه الموضوع فرح جدا وخاف جدا لأن زوجي كان لسه متخرج

ومافيش امكانيات للزواج لا شقة ولا مهر ولا الهوا وساعتها قلت له

انا هشتغل معاه ولو قدامنا 5 سنين فإن شاء الله هيبقوا سنه

واشتغلنا في مشروع مع بعض بعلم الجميع وتحدي للجميع وبعد سنة ونص

كانت الخطوبة وهي دبلتين و فستان بسيط وحفله بسيطة في بيتنا

وعزمنا فيها كل اللي بنحبهم واختصرنا الشبكة والتفاصيل وكل اللي أهلي

عايزينه منه لما أخلص السنة الاخيرة في الكليه وخصوصا اني كان عندي شقة

ممكن نتجوز فيها مؤقتا لحد ما نرتب حياتنا ...

ووقف صاحب بابايا وقال ياجماعة أنا عايز أقول حاجة ل...... ول......... أنا فخور بيهم

جدا وكنت ماعرفش إن هم هيكونوا قد المسؤلية ويكملوا ربنا يوفقهم وربنا يباركلهم

وبعد ما ظهرت النتيجة واتخرجت جهزنا كل شئ والفلوس ماكانش لها عدد

وماعملتش فرح وماعملتش فستان غالي والشبكة بسيطة وكتبنا الكتاب

وزفة بسيطة على سلم عمارتنا لزوم اشهار الزواج للناس لأني شفت هو تعب في الفلوس دي إزاي

وحرام أصرفها في ليلة وربنا ما يرضاش علينا لو عملنا كده ....

ربنا يكرمك ياباشمهندس ياسر باللي يبقى قلبها عليك وتحبك وتبقى أنت كل دنيتها

ويرزقك منها بأولاد يكملوا سعادتكم ........ :ninja:

بركة قصتك بجد جميلة اوى

ربنا يخليكوا لبعض يارب

شارك هذه المشاركه


رابط المشاركه
شارك

صباحكم جميل...

حمد الله على السلامه يا باشمهندس...إيه المواضيع الجامدة دى...يعنى لما أغيب ...ألاقى كل الحبايب متجمعين كدة!!!

لأ و عملتوا من غيرى 5 صفحات....خيانة :happy: !!!!

المهم نظرا للتجمع الجميل دة....لازم اعلق على كل الكصص العاطشفية خالص مالص دى....قطعتوا قلبى يا ولاد بجد

معلهش يا ياسر....هامسك منك الميكرفون شوية...إستحملنى....هاكتب كدة بتاع 60 مداخلة بس و أمشى

أصلى الصراحة عندى جوع محاوراتى عشان غايبة بقالى شوية....فلازم أشبع و أكتب براحتى

تحياتى مؤقتا

سوسورانى

شارك هذه المشاركه


رابط المشاركه
شارك

هابتدى بمحمد العنبى...عشان شايفاه واقف على العتبة

محمد....أنا أتأثرت جدا بقصتك...بس إزاى؟؟

إزاى؟؟؟

إزاااااااااااااى؟؟؟

ما تقولناش ماركة اللاب توب ولونه

و سبب المعرفة....وأول مرة شفته...حسيت بإيه

قلبك دق...و حسيت بإيه

و إيه الخطوات اللى عملتها عشان تقنع صاحب المحل بإمكانياتك

يلا يا محمد...إتشجع....كلنا هنا إخواتك...و محتاجين نسمعك

سوسورانى

شارك هذه المشاركه


رابط المشاركه
شارك

لولا ...حبيبتى

أحبطتينى...و أنا اللى أول ما شفت إسمك قلت بااااااس

هى دى الكصص

يا بنتى فين الحب بتاع نزار اللى هيهد الدنيا و يعصف بكل شىء....إلا يكون قصدك إنه هيعصف بالستاير و كراسى الأنتريه!!! :happy:

خلاص كدة يا لولا يا حبيبتى....فقدتى المصداقية فى باب الشعر و الأدب :P

بس الجد بأه و أنتى بتحكى عن ذكريات قبل الجواز و الأيام السوووودة دى حسيت إنك بتحكى حكايتى....لحسن نطلع توأم و إحنا مش واخدين بالنا :wub:

التشابهات زادت بيننا...ولازم نوضع حد للأشاعات

أنا هاجى أكلم بابا :lol:

تحياتى

سوسورانى

شارك هذه المشاركه


رابط المشاركه
شارك
كان حمايا صاحبى وكل شوية يحكى عن بنته ..

الأول قبل ما اقول .. رحت مرة أقابل شخص فى مكان ما .. قالولى بعد اذنك انتظر هنا واستأذنو من حمايا .. انا بهبل وعبط قلتله هيكون لنا مع بعض شأن كبير .. مع العلم لا كنت عارف انا رايح ليه ولا هأقابل مين .. شوية وقابلت الرجل اللى راياح اقابله .. وقاللى هنكلفك بشغل معين لفترة معينة .. وبدأت العلاقة مع حمايا .. اللى قعد يحكيلى عن أسرته .. وانا أحكيله عن قصة العذاب اللى عايشها مع أهل البنت اللى بأحبها ..

بندق افندى ممكن توضيح والله اكتر من 7 مرات اقرا وامشى وارجع تانى اقرا برضوا مافهمش حاجة

انت قلت الاول كنت اقابل واحد واستاذنوا حماك ايه اللى دخل حماك بالواحد ده؟

وبعدين قلت قلتله هيبقالنا شأن كبير مع بعض ... هو مين فيهم اللى قلتله الراجل ولا حماك؟

وقولت انا ماكنتش اعرف انا رايح اقابل مين ورجعت قلت وقابلت الراجل اللى رايح اقابله!!

وضح الله يخليك انا فهمى بطئ وفى نفس الوقت فضوليه بقى وعاوزة اعرف ايه الحلقة المفقودة فى الموضوع؟

اللى فاهم يفهمنى

شارك هذه المشاركه


رابط المشاركه
شارك

حبيبتى ذهبية....اللى مطنشة اللعبة بتاعتها....حسابنا بعدين

إيه يا بنتى الجمدنة دى...جامدة...جامدة يعنى

العريس ما قدرش يقاوم سحرك...أيوة يا عم :happy:

بتأكدى لى دايما نظرتى فيكى.....زى الفل ما تخافيش!! :wub:

روشة....أنتى كدة ضامنة الكشف ببلاش

يعنى تعيي براحتك وما تفكريش...هى دى الناس اللى بتعرف تخطط للمستفبل wst::

دودى....نسيتى تقولى الدرس المستفاد

لو عايزين تتجوزوا بسرعة ....روحوا إشتروا كوكيز مع مامتكم

وربنا يرزق الكل :lol:

إخواننا الصيادلة...ولاد كارى

كلكم يا حبايبى...وكل دفعتى تقريبا إتجوزوا بنفس الطريقة

من الصيدلية!!!!!!!!!!

حرااااااااااااااام....غيروا بأه

بس الدكتور بتاع السعودية أفكاره جامدة الصراحة...

هو دة إستغلال سر المهنة لأغراض شخصية :P

بس أنت ما خفتش و أنت فى السعودية و كدة....تعملك مصيبة wst::

بركة....قصتك بصراحة كلها بركة و جميلة جدا

ربنا يكرمكم بجد

سوسورانى

شارك هذه المشاركه


رابط المشاركه
شارك
كان حمايا صاحبى وكل شوية يحكى عن بنته ..

الأول قبل ما اقول .. رحت مرة أقابل شخص فى مكان ما .. قالولى بعد اذنك انتظر هنا واستأذنو من حمايا .. انا بهبل وعبط قلتله هيكون لنا مع بعض شأن كبير .. مع العلم لا كنت عارف انا رايح ليه ولا هأقابل مين .. شوية وقابلت الرجل اللى راياح اقابله .. وقاللى هنكلفك بشغل معين لفترة معينة .. وبدأت العلاقة مع حمايا .. اللى قعد يحكيلى عن أسرته .. وانا أحكيله عن قصة العذاب اللى عايشها مع أهل البنت اللى بأحبها ..

بندق افندى ممكن توضيح والله اكتر من 7 مرات اقرا وامشى وارجع تانى اقرا برضوا مافهمش حاجة

انت قلت الاول كنت اقابل واحد واستاذنوا حماك ايه اللى دخل حماك بالواحد ده؟

وبعدين قلت قلتله هيبقالنا شأن كبير مع بعض ... هو مين فيهم اللى قلتله الراجل ولا حماك؟

وقولت انا ماكنتش اعرف انا رايح اقابل مين ورجعت قلت وقابلت الراجل اللى رايح اقابله!!

وضح الله يخليك انا فهمى بطئ وفى نفس الوقت فضوليه بقى وعاوزة اعرف ايه الحلقة المفقودة فى الموضوع؟

اللى فاهم يفهمنى

بندق أفندى....بصراحة كنت سايبة حضرتك للآخر

بس لما لقيت إن فتفوتة معايا....إطمنت إنى مش وحدى اللى مش فاهمة

ياريت الأعادة بس...بالرااااااااااااااااحة

ماما بتسلم عليك و بتقولك إحكيلى واحدة ..واحدة

تحياتى

سوسورانى

شارك هذه المشاركه


رابط المشاركه
شارك
هابتدى بمحمد العنبى...عشان شايفاه واقف على العتبة

محمد....أنا أتأثرت جدا بقصتك...بس إزاى؟؟

إزاى؟؟؟

إزاااااااااااااى؟؟؟

ما تقولناش ماركة اللاب توب ولونه

و سبب المعرفة....وأول مرة شفته...حسيت بإيه

قلبك دق...و حسيت بإيه

و إيه الخطوات اللى عملتها عشان تقنع صاحب المحل بإمكانياتك

يلا يا محمد...إتشجع....كلنا هنا إخواتك...و محتاجين نسمعك

سوسورانى

الحكايه ببساطه ان واحد زميلى فى الشغل كان معاه شويه صور وعروض للاب توبات وانا اول لما مسكت الصور لقيت عينى وقعت على لاب توب جميل وصغنن وكان واقف لوحده فى الصوره واقولت فى نفسى هو ده اللى ممكن اكمل معاه حياتى بس برضه اقولت اسال عنه سالت عنه الناس اقالولى ممتاز ومش بيسخن على طول وتجيبه تحطه هنا مش بيتكلم وهى دى كانت اهم حاجه بالنسبه لي اقلت طيب ياجماعه ده الواحد يطلبوه منين !! دلونى ولاد الحلال على بيت الاب توب ورحت على طول وبدون تفكير طلبت ايده من صاحب البيت بس اقولته لازم اجربه وازغزغ فيه شويه اقالى لا لابتوبتنا مش بتجرب ولا بتزغز الا لما تكتب عليها اقولت خلاص اكتب على العموم كتبت العقد وبعدين اقالى هتاخده كده بهدومه ولا تستنى لما اجهزه يعنى ( ويندوز والكلام ده ) اقولته عيب هو انت مديه لعجلاتى احنا نعرف نصون ( لابات ) الناس اقوى واخدت الاب توب واقعدت اغنى ياعنيى ياقلبى جرى ايه الدنيا احلوة كده ليه وادعوا ربنا يباركلى فيه ويجعله مالى عليا حياتى لكن لسه فيه تفاصيل تانيه كتير حصلت بعد كده فعلا بجد على الاصل دور

شارك هذه المشاركه


رابط المشاركه
شارك

منكم لله ....................فكرتونى بالذى مضى ......................ونكدتم على

محدش يجرب يعمل زيى لانى اتبهدلت اخر بهدلة والحمد لله

قابلت زوجى عن طريق صديقة لنا فالجامعة (وطبعا لما بنتخانق دلوقتى بندعى ع اليوم ال عرفناها فيه) :happy:

اتقدم لاهلى اد كده زى ما تقولو 6 7 8 سنين :P wst::

المهم بدون تفاصيل لانى طبعا نش هحكى لكم كل السنين دى حصل فيها ايه

اتجوزنا والحمد لله :wub: :lol:

والاهم انه طلع ابن حلال ويستاهلنى

ربنا يوفق الجميع فبنت ولا ابن الحلال

wst:: wst:: wst::

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


×
×
  • اضف...