اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

كيف تعرفت على زوجك / زوجتك؟


Recommended Posts

...مازالت المفارقات ....تلعب دورها ...

ياريت نكمل ...اتعرفتوا ازاى ؟؟...انطباعتكم ايه ؟؟ خبراتكم...

وياترى ...الانطباعات الاولى تدوم؟؟

طب مستنية

صبااااااااااااحكم مفارقات وصدف غريبة تجمع وشوش ...وتفرق وشوش

تم تعديل بواسطة shiko
رابط المشاركه
شارك
  • الردود 217
  • Created
  • اخر رد

Top Posters In This Topic

Top Posters In This Topic

Popular Posts

up عشان الحبايب

هــــــــــيه الله يجازيكوا خير بترجعونا لأيام الصبا والشباب والمغامرات الجميلة ، - قصة حبي أقصد قصة زواجي كان بها مفارقات عجيبة تدل أولاً واخيراً على أن اللي من نصيبك لابد يصيبك حتى لو كان مكتوبلك

كده برضه يامسلمة..بتفكرينا..بس قصة زواجى كانت عسل. زوجى كان ممتنع عن الزواج ومابيعجبوش العجب. كان صديق لأخى فى العمل فقط. يوم عيد ميلادى كنت مع أخى فى محطة الرمل. ثانى يوم قال لأخى...من اين اتيت ب

طبعا هاتقولي إن الواحدة المفروض تكون عاقلة , ولا تنساق وراء هذا الكلام

لكن المشكة يا عزيزي إن البنات عاطفيين جدا

ومعروف عن الستات عموما أنهنّ أسيرات الكلام الناعم

استاذ سهل

كلام حضرتك

:happy:

حسسني

:lol:

اني

:roseop:

راجل

:roseop: :) :cry:

رابط المشاركه
شارك
  • 1 year later...

فظيع الموضوع ده

و خصوصا قصة سين سين باشا

و طبعا القصة الرومانتيك خالص بتاعة ماما سلوى

عن نفسي مليش قصة

خبط لزق كده

بدون تفكير

زي القضا المستعجل كده

هههههههههههه

افتخر

ان كل حياتي

غريبة

و غير طبيعية

الناس كلها كوم و انا كوم لوحدي

هي دي روعة الحياة فعلا

الغرابة

و الدهشة اللانهائية

الأحداث الغير عادية

و الغير اعتيادية

ولع بلذة الاكتشاف

و العيش

مادام في العمر بقية

رابط المشاركه
شارك

ياااااااااه.....مر على الموضوع ده ثمانية سنوات؟؟؟

معقول ؟؟؟

فعلا الزواج قسمة ونصيب وسبحان الله ..مهما تخيلنا اننا احنا اللى بنختار حياتنا لما بتمر الأيام بنكتشف اننا بدون ارادة كنا بننفذ (( مخطط غير مرئى )) لحكمة ربنا عايزها.

ربنا يسعد الجميع. :clappingrose: :clappingrose:

رابط المشاركه
شارك

مين اللي طلع الجثة دي من التلاجة ؟ ؟؟؟

تخيلوا كنت كاتب الموضوع ده وبقى لي 3 سنين متجوز

دلوقت بقى لي 11 سنة ... يااااااااااااه يعني دُفعتي دلوقت بقوا لواءات

بأفكر أجدد .. مش طفاسه والله .. لا عشان بس اكتب لكم قصص ومغامرات جديدة

رابط المشاركه
شارك

مين اللي طلع الجثة دي من التلاجة ؟ ؟؟؟

تخيلوا كنت كاتب الموضوع ده وبقى لي 3 سنين متجوز

دلوقت بقى لي 11 سنة ... يااااااااااااه يعني دُفعتي دلوقت بقوا لواءات

بأفكر أجدد .. مش طفاسه والله .. لا عشان بس اكتب لكم قصص ومغامرات جديدة

:blink:

لا يا عم الله الغني

مش عايزين مغامرات جديدة الله لا يسيئك

بس ممكن تكتب لنا مغامرات قديمة

:D

رابط المشاركه
شارك

في الكليه

في سنة الامتياز

في راوند النسا

النائب كان مطلع عيني وعمال يبعتني في مشاوير من اول الكليه لآخرها

مع ان كان عندي التواء في الكاحل وماشيه بعرج :sad: بس ما كانش فيه رحمه

وانا ماشيه لا بيه ولا عليه لقيت واحد اول مره اشوفه بيقوللي:

يادكتوره هو حضرتك مرتبطه؟؟!!

انا بصراحه تنحت وبعدين سألته بحده : هو حضرتك مين؟

قال : انا زميلك في الكليه

انا: دفعتنا؟

هو :ايوه يا فندم

انا: بس انا ما اعرفش حضرتك , دي اول مره اشوفك

هو : ما الدفعه 1500 يعني وارد, علي فكره انا حافظ القرآن وكسبت عمره جايزه من الجامعه و. . .

انا قلت هو ده ,انا عايزه انسان متدين

ساعتها وافقت انه ييجي البيت ويقابل بابا

وطبعا بابا ما صدق واتجوزنا في فتره قياسيه

اللي عاوزه اقوله ان زوجي كان في بداية المشوار ودخله كان قليل لكن والدي ما صعبش عليه ولا طلب منه حاجه فوق طاقته . هو كان عايز

يخلص مني وده كان هدفه الاساسي :blink:

لأ بجد والله الزواج ليه رزق والاطفال ليهم رزق

بس المهم الاختيار الصح

يعني من ترضون دينه وخلقه وعلي الجانب الآخر: فاظفر بدات الدين وما يمنعش ابدا انها تكون جميله ومن اسره طيبه وسبحان الله

مع قدوم بنتي الاولي ربنا وفق زوجي في عمل خاص براتب كويس

مع قدوم ابني التاني المرتب زاد

مع قدوم آخر العنقود اتحدفنا علي السعوديه grdy:

والحمد لله

تم تعديل بواسطة نوران
رابط المشاركه
شارك

في الكليه

في سنة الامتياز

في راوند النسا

النائب كان مطلع عيني وعمال يبعتني في مشاوير من اول الكليه لآخرها

مع ان كان عندي التواء في الكاحل وماشيه بعرج :sad: بس ما كانش فيه رحمه

وانا ماشيه لا بيه ولا عليه لقيت واحد اول مره اشوفه بيقوللي:

يادكتوره هو حضرتك مرتبطه؟؟!!

انا بصراحه تنحت وبعدين سألته بحده : هو حضرتك مين؟

قال : انا زميلك في الكليه

انا: دفعتنا؟

هو :ايوه يا فندم

انا: بس انا ما اعرفش حضرتك , دي اول مره اشوفك

هو : ما الدفعه 1500 يعني وارد, علي فكره انا حافظ القرآن وكسبت عمره جايزه من الجامعه و. . .

انا قلت هو ده ,انا عايزه انسان متدين

ساعتها وافقت انه ييجي البيت ويقابل بابا

وطبعا بابا ما صدق واتجوزنا في فتره قياسيه

اللي عاوزه اقوله ان زوجي كان في بداية المشوار ودخله كان قليل لكن والدي ما صعبش عليه ولا طلب منه حاجه فوق طاقته . هو كان عايز

يخلص مني وده كان هدفه الاساسي :blink:

لأ بجد والله الزواج ليه رزق والاطفال ليهم رزق

بس المهم الاختيار الصح

يعني من ترضون دينه وخلقه وعلي الجانب الآخر: فاظفر بدات الدين وما يمنعش ابدا انها تكون جميله ومن اسره طيبه وسبحان الله

مع قدوم بنتي الاولي ربنا وفق زوجي في عمل خاص براتب كويس

مع قدوم ابني التاني المرتب زاد

مع قدوم آخر العنقود اتحدفنا علي السعوديه grdy:

والحمد لله

هههههههههههه

مش ممكن الحتة اللي بالأحمر دي

يعجبني فيكي وعيك و إدراكك لبواطن الأمور

:closedeyes:

رابط المشاركه
شارك

شوفي يا بيرو

احنا اتفقنا ان الاعتراف بالحق فضيله :)

اما بقي اختلافنا في الرأي وخناقنا bsh:) لا يفسد للود قضيه :clappingrose:

وانادي بفرض النقاب بقوة القانون :ninja:

عشان ما فيش اي راجل يشوف اي واحده غير زوجته وامه واخته :angry2:

وعمته وخالته وجدته وبنته وحفيدته . . اييييه , مش كفايه دول؟؟ mft:

تم تعديل بواسطة نوران
رابط المشاركه
شارك

سا الخير عليكوا

احكى انا بقى ولا خلصتوا؟ لا خلاص هقولكوا انتوا حبايبى برضوا

احنا كنا مع بعض فى الشغل وشغالين فى مكتب واحد انا وتلات بنات تانى ومديرنا راجل كبير كان معانا فى المكتب برضو

وبعدين كنا بنتعامل مع بعض كلنا ذى الاخوات فى الشغل وكانت فيه بننا روح جميلة كده وكنا بنخاف على بعض وبنحب بعض كلنا

وهو بقى كان من النوع الهادى اوى اللى بيتكسف وبما انه قاعد مع اربع بنات فى المكتب كان دايما ساكت ومش بيتكلم الا اذا حد فينا ساله على حاجة والا كده او فتحنا معاه موضوع مثلا .......ولغايت دلوقتى هاااااااااااادى

وانا الوحيدة اللى كنت فيهم اللى كان شغلى بيتطلب انى اقعد مثلا ساعتين ولا تلاتة بعد الشغل وهى كانت شركة كبيرة اوى يعنى كان بيبقى فيه ناس برضوا كتير قاعدين بعد مواعيد الشغل منهم المهندسين اللى كان انا شغلى معاهم

وبعدين كنت كل ماقعد شوية بعد الشغل الاقيه هو كمان قاعد ويتلكك انه عنده شغل وبما انه عمره ما لمح ولا اى حاجة انا ماحطتش فى بالى وكنت فى كل مرة اساله قاعد ليه انت مش هتروح يقولى لا اصلى عندى شغل

وجيت فى يوم لقيت مديرى بيقولى عارفة يا فتفوتة الواد ده بيحبك وانا طبعا ماكنش والله فى بالى اى حاجة بس بصراحة كنت حاسه كده انه بيتلكك عشان يقعد معايا

فرديت قلتله لا حضرتك بيتهيالك قاللى اسكتى انتى لسه صغيرة ومش فاهمه حاجة

وبصراحة من جوايا فرحت لانه كان فى حاله ومؤدب وواد كمان امور

وقعدت اشتغل فى الشغل وهو معايا 10 شهور وهو قافل بؤه لا راضى يقول حاجة ولا يتكلم

المهم جه فى يوم كده من غير مقدمات خبط لزق كده لا بحبك ولا حاجة و قاللى لوحده كده ومن نفسه ......ممكن اجى اتقدملك؟ انا معرفتش ارد واختى الكبيرة كانت بتشتغل معانا بس فى ادارة تانية فرديت وقلتله طيب هرد عليك بعدين

وقمت جريت على اختى قلتلها عاوزاكى واخدتها فى الاسانسير وحكتلها وفضلنا طالعين نازلين بالاسانسير هى تقولى قوليلى ايوه وانا اقولها لا اتكسف ياختى وبعدين قلتلى خلاص هقوله انا

المهم جه البيت عندنا وانا بابايا كان لسه متوفى بقاله كام سنه فاجه قعد مع ماما ولوحده

وقالها على ظروفه وكده فماما قلتله يابنى هسال عمامها واهلها وكده

ولان ظروفه كانت مش اد كده هو قالها هجيب دبلتين بس وبعدين يبقى ربنا يسهلها وعلى هذا اهلى مارضيوش واترفض

وبعدها انا سيبت الشغل لانى روحت شغل تانى احسن

وخلاص علاقتنا اتقطعت ببعض

وبعدها بسنتين بالضبط مامتى اتوفت الله يرحمها فلقيته بيتصل بيقولى عاوز آجى اعزيكم قلتله اتفضل وجه تانى قعد معانا ومع خيلانى وكده

وبعدها بكام شهر اتصل باختى الكبيرة وقالها انا عاوز اكلم خالك تانى وكده وهى وصفتله مكان شغل خالى وهو راح عنده قام خالى قاله يابنى هتفضل داخل طالع كام سنه وذى مانت عارف دى باباها ومامتها متوفيين واحنا مش ععاوزين حد يتكلم ..... قام جاله احباط لتانى مرة ومشى ماورانيش وشه

وبعدها بتلات سنين خالى مات وهو جاله عقد فى السعودية وانا ماكنتش اعرف عنه حاجة

وفى يوم كنت بكلم واحدة كانت معانا فى الشغل قلتلى مش كذا ده سافر السعودية قلتلها والله (ومن جوايا بقول كده تمشى لا حس ولا خبر)

وبعدين قلتلى خدى نمرته وابقى اسالى عليه

وقعدت فترة كبيرة مترددة انى اكلمه وبعدين بحكى لاختى قلتلى ماتكلميه مش يمكن ظروفه اتحسنت

قمت بصراحة ماكدبتش خبر ورنتله بس اتاريه اللئيم لسه حافظ نمرتى ويا دوب انا رنيت مافيش نص ساعة ولقيته بيتكلم وقعدنا نتكلم حوالى اسبوع وهو متعقد ومش عاوز يفتح بؤه تانى

وفى يوم قاللى انا هبعت بابا واخويا الكبير عند عمامك وكده قلتله ماشى

المهم انا طولت اوى عليكوا اصل هو الموضوع اخد خمس سنين والله على ماتخطبنا ماقدرش اختصر

وبعدين جم اهله طلبونى من عمامى وخالى التانى وبعدين وافقوا والحمد لله وعملنا قراءة فاتحة من غير عريس

وقعدت سنه مخطوبة من غير حتى دبله لانى رفضت البس دبله من غير ماهو ييجى يلبسهالى وكنت انا اللى بجهز الشقة انا وباباه بس لان مامته متوفيه برضوا

وكنت بعمل كل حاجة واختار كل حاجة لوحدى ومشقة كل حاجة جت على دماغى انا وبس

وقعدت اقول الله يرحمك يا امى انتى وخالى يعنى ماكنتوش موافقين بالدبلة ادينى حتى مالبستهاش وانا مخطوبه

وبعد السنه دى نزل لان باباه كان اتوفى وجه لما عرف الخبر وبعدين انتهزنا فرصة وجوده واستنينا بعد اربعين باباه واتجوزنا بعدها علطول

بس هو جه عالجاهز لا تعب ولاعمل حاجة وهو ده اللى مضايقنى لغايت دلوقتى انى ماعشتش فترة خطوبة كده واتفسحت وخرجت لا ده كان كل خروجتنا رايحين نجيب مش عارف ايه من المكان كذا واخر التجهيزات طبعا وانتوا عارفينها يعنى لا عرفنا نتفسح ولا اى حاجة

واتجوزنا فى شهر لانه كان مستعجل واهو دلوقتى والحمد لله عندنا ولد وبنت وربنا يخليهم يارب

ملاحظتوش حاجة انه كل ما كان ييجى يكلم حد عليا الحد ده يا عينى مايكملش سنتين ويموت والله فى الاخر قاللى اكلم اختك قلتله انا فى عرضك دى لسه صغيرة اوى الاول ماما وبعدين خالى ارحمنا الله يخليك

روح لعمى قام قايلى خلاص هبعت بابا ولما باباه اتقدم وكده ماكملش سنه ياعينى الراجل ومات

انتوا زهقتوا؟؟؟ ده كده انا اختصرت ده كان فيه حاجات كتير وبلاوى عاوزة احكى عليها بس كفايه بقى عشان ماتزهقوش اكتر منى

كده يا ياسر تفكرنى ماشى يارب اشوفك عريس قريب وتيجى تحكيلنا

فتفوته

ههههههه قصة جميلة اوى اوى

ههههه

انا بئا لسة فى مرحلة الجوابات الغرامية

فضلى على الأقل 5 سنين

لما اخطب هههههه

رابط المشاركه
شارك
  • 2 months later...

انا بئه كان اهلى خلاص بيلطموا على وشهم عمرى 25 سنة و المشكلة مش السن لا المشكلة انى كنت رفضت عرسان بهبل

و ماما بقت تشد فى شعرها و تقولى ارحمينىىىىىىىىىىىىىىىىىىىىى

و انا مكنش المشكلة عندى المركز المالى او الاجتماعى المشكلة عندى كانت فى الشخصية

و طبعا كان اللى شخصيته تعجبنى ميعجبش بابا حاجة فيه عيلته و مركزه و كده و العكس

و خلاص نفسيتى كانت تعبت جدا و عييت لانهم كانوا عايزين يخطبونى لابن عم بابابالعافية لانه مكنش فيه عيب من وجهة نظرهم و انا مكنتش طيقاه

و كنت بدعى كثير بالزوج الصالح

و فى يوم لقيت اختى بتقولى تعالى ننزل نجيب العربية من عند الميكانيكى و لقيتها بتقولى اهتمى بنفسك و لبسك عشان رايحين مشوار بعدها لصديقات ماما......و نزلنا

واختى و الميكانيكى قاعدين يتكلموا فى العربية لقيت شاب نزل من عربيته و قرب من الميكانيكى و سلم عليه بحرارة و بدا يكلم اختى على انه يعرفها و عرفونا عليه على انه مهندس مديره فى الشركة التى يعمل بها الميكانيكى صباحا و فجاه اختفت اختى و الميكانيكى و راحوا يشتروا مش عارفة ايه للعربية

و اقعدى انت هنا مع البشمهندس و جابولنا كرسيين

الاول كنت هعيط من الكسوف بعدين تماسكت و بدات اتصرف عادى

و قعدنا حوالى ربع ساعة كده بنتكلم فى امور كثيرة و حكالى قصة حياته و انه بيدور على عروسة خاصة لانه راجع تانى قطر و مش لاقى حد كويس و اتكلم كتير اوى اوى لانه كان متوتر يا حبيبى(لدرجة قلت ده اكيد رغاى ...دلوقتى ببوس ايده عشان ينطق معاى بكلمة بعد الجواز :protest: )

و رجعت اختى و الميكانيكى و كانت العربية خلصت قبل ما نمشى سالنى بصراحة سؤال غاظنى اوى

ايه رايك فيه؟و غاظنى ابتسامة الثقة بالنفس جدا اللى على وشه B)

فابسمت بهدوء : و قلتله و الله حضرتك انسان محترم و لو محصلش نصيب اكيد ممكن اشوف لحضرتك اى واحدة من صديقاتى تكون كويسه :P :P

و كلم بابا و جه قابله و الحمد لله كان اول مرة نتفق انا و ابى على عريس و جلست معه مرة اخره فى بيتنا تعرف على اهلى ثم جاء وقت التعرف على اهله و كانت الطامة بالنسبة لى

فكل من تقدموا لى كانوا قاهريين و اهله كانوا من الاياف فلم اكن مبسوطة فى القعدة و فوجئت ببابا بدون ما ياخذ راى يقرا فتحتى و طبعا ذهلت لان محدش اخد راى و بعد ما مشيواتجادلت مع ابى و كلمته عن فرق المستوى قالى حرام هم كويسين و مستواهم حلو بس من الارياف

و عندت و صممت انهم يتصلوا بيه يرفضوه و حصل و بعدها جانى كام عريس من الكوارث العظمى و حسيت انى افتريت عليه خاصة انه كان مازال يتصل باختى فى كل موسم يسلم عليها و يسال على

و ما صدقت امى انتزعت الكلمه منى انى نادمة على انى انهيت الموضوع معه لكى تتفق مع اختى سرا على ان ترتب ان نتقابل انا و هو و هى صدفة مرة اخرى و لم اعرف الا قبلها بنصف ساعة و شدت على اختى و قالت و الله لو احرجتينى لاديك بالجذمة

و طول الطريق و انا ادعى و انا على وشك البكاء من الكسوف للموقف الذى ساوضع فيه

لكنى تصرفت بهدوء مرة اخرى عندما رايته و زى العادة اختفت اختى و من كانوا معنا التفت اليه و قلتله سمعت ان حضرتك عايز تكلمنى فى حاجة

و فوجئت بمن يقول لى برده فعل مليئة بالغيظ :نعمممممممممممممم ليه هو انا اللى لما اتقريت فتحتى مكنتش راضى اقراهاو لا قلتلهم يقفلوا الموضوع تانى يوم

لم اتمالك نفسى من الضحك و انا مكسوفة مووووت

فضحك هو الاخر بغيظ و بدانا نتكلم و شرحت له اشياء كثير و اتكلمنا حوالى ساعتين كده و لقيت اتصال بعدها من اختى تقول : اخلصوا الله يخرب بيتكم اشتريت كل حاجة و الدنيا برد هموت اخلصوا

و الحمد لله اتخطبنا و ابى كان عنده حق اهله كانوا كويسين جدا معاى و احبونى جدا و احببتهم و سامحت فى اى شىء من اجله

و الحمد لله عندى طفل شبه باباه ربنا يخليهم لى

(طبعا الميكانيكى يا جماعة يبقى قريب صديقة اختى و هو من لمح لاختى و قريبته بان مديره و صديقه فى الشغل يبحث عن عروس

رابط المشاركه
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • ماذا تفعل مع زوجتك و ماذا تفعلين مع زوجك إذا اختلفتم على الدستور ؟؟؟

      أهلا أعزائي منذ قيام ثورة 25 يناير و تعدد الأهداف و تباينها اصبح هناك اختلاف وصل حد الحلاف في الرأي بين الجيران والأصدقاء و العائلة بل و أفراد الأسرة الواحدة !!! و بعد الأحداث الأخيرة ازداد التوتر و السؤال إلى أي حد تؤثر الأحداث الأخيرة على أعصابنا و تحملنا ماذا لو أنك من أنصار" نعم" و زوجتك من أنصار" لا " أو العكس ماهو موقفك منها و شعورك

      في موضوعات خفيفة

    • كيف تعرفت على محاورات المصريين ؟

      اتعرفت اذاى على موقع المحاورات هل عرفتة عن طريق صديق لك ولا عن طريق البحث عن موضوع معين ولا بالصدفة وماهو اول موضوع قرأتة فى المحاورات واول موضوع كتبت او علقت علية هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ) من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

      في موضوعات خفيفة

    • ما هو اسم زوجتك (زوجِك) في تليفونك المحمول؟!

      قرأت من فترة تحقيقا صحفيا بعنوان ما هو اسم زوجك أو زوجتك في الجوال (التليفون المحمول) وكانت المفاجأة أن بعض الرجال يسمون زوجاتهم في تليفوناتهم المحمولة بأسماء مثل: "ورطة" "أم44" "بلية" "شيطونة" "غلطة عمري" !!! :blush2: بينما يسمي آخرون زوجاتهم في جوالاتهم بأسماء مثل: "الأهل" "الغالية" "شريكة العمر" "القمر" "أم فلان" وفي المقابل فهناك زوجات اخترن لأزواجهن أسماء في تليفوناتهم مثل: "الحرامي" "الله لا يرده" "المشئوم" "هتلر" "ياخذه ويريحني" !!! والبعض (الستات الحلوين المتربيين)

      في موضوعات خفيفة

    • ايها الزوج ابعد زوجتك شوية وجاوب على السؤال دة ؟؟

      ياترى بعدت زوجتك عن جهاز الكمبيوتر وانت بتقرا التوبك دة ياريت لو معملتش كدة اعمل كدة فورا قبل ما تجاوب على السؤال اللى هاقولة الان علشان ما يكون فية احراج وتجاوب براحتك بعدت طيب اسالة انت ايها الزوج بتقول لزوجتك انت بتقبض كام بالضبط ومعاك قد اية فى البنك ياترى انت ماشى على مبدا دارى على شمعتك تقيد ومحدش يعرف حاجة ولا الجن الاحمر و السر ميبقاش سر لو طلع برة ومحدش ضامن الظروف وكدة وبلاش تعرف علشان انا مش ناقص بقى طلبات وهات هات هات بدل ما تروح تقول لماماتها و اصحابها و تبقى ليلة ل

      في موضوعات شخصية

    • هل وجدت في زوجك/زوجتك ما تمنيت قبل الزواج؟

      السلام عليكم و رحمه الله و بركاته: كل واحد فينا بيبقا ليه مواصفات لشريك/شريكه حياته, و طبعا الاخوة المتجوزين عارفين مواصفات ازواجهم/زوجاتهم. و طبعا لاننا مش في جمهوريه افلاطون و لان ليس كل ما يتمناه المرء يدركه, فحبيت اتاكد من الناس نفسها. و علشان يكون fair play فهيكون فيه سؤالين: هل شريك/شريكه حياتك يمتلك المواصفات التي كنت تتخيلها قبل الزواج؟ هل انت سعيد مع شريك/شريكه حياتك حاليا بغض النظر اذا كان يمتلك المواصفات التي كنت ترغب بها ام لا؟ لو خايف او مكسوف ممكن تقول اي حكايه عايز تقولها و تن

      في موضوعات شخصية


×
×
  • اضف...