اذهب الي المحتوي
MuslimaEgyptian

كيف تعرفت على زوجك / زوجتك؟

Recommended Posts

جميل جدا...آدى كمان إتنين إتجرأوا و قالوا يحكوا

وخصوصا ريمو...بقالها يومين واقفة...و أنا أقول دى بتسخن و هتنزل الملعب...

بتلبس الشراب...

أيوة رباط الجزمة أنا عارفة إنه بياخد وقت....

و أستنى...أستنى....

و فجأة................

جووووووووووووووووون....تسديدة ساحقة ماحقة

هو دة الشغل يا ريمو

أنتى عارفة... ياسر هيسيب الموضوع كله و هيستلم قصتك أنتى بالذات

طول النهار يسأل ...تعرفوا جوازات نت ناجحة؟؟

و أنتى جبتى الأجابة على طبق من فضة...ألف مبروك يا ريمو

أنا بقى عايزة أسألك....

ما خفتيش إنه يكون بيمثل عليكى....ما بيقولش كلام حقيقى..خصوصا إنك ما كنتيش شفتيه؟؟

و بعدين إنك تصدقى إحساسك...ماهو ساعات الأحساس بيكدب

أو إحنا بنبقى عايزين نقنع نفسنا بحاجة معينة

معلهش إستحملى فضولى و جاوبينى

تحياتى

سوسورانى

و الله يا سوسو ما شوفت سؤالك الا لما قريت كلامك امبارح بالليل

عموما يا سوسو يا اوختي هما كده الفراودة ينزلوا اخر ربع ساعة يخلصوا الماتش

بالنسبة لسؤالك بقى بصي يا ستي

في حاجات كتير اوي حصلت طمنتني زي ايه

اولا لما اتصل بخالتي اتأكدت انه فعلا في السعودية زي ما قال مش بيكلمني من على اول الشارع و يقولي انا في السعودية

ثانيا بعد ما كلم خالتي قولتله اننا عشان نقول لبابا لازم يكون عندنا معلومات كاملة عنك عشان بابا اكيد هايطلبها عشان يسأل عليك و فعلا اداني كل حاجه عنهم بالتفصيل الممل و طبعا لما خالتي كلمت بابا اديتله كل المعلومات و بابا كلف ناس سالت عليهم و فعلا طلع كلامه مظبوط في كل حاجه قالها دا طبعا طمني جدا

ثالثا مامته اتصلت بماما و كلمتها و اتعرفت عليها و قالتلها ان حمايا مسافر و لما يرجع هايكلم بابا و فعلا دا حصل بعدها بفترة لما باباه رجع من السفر كان بقى دا قبل سفرنا للعمرة بشهرين كده

رابعا هو شخصيا اتصل ببابا و اتكلم معاه و عرفه بنفسه برضه

كل دا و مش عاوزاني اطمنله انا مش اول ما قالي بحبك و عاوز اتجوزك وقعت بقى من نفسي و ريلت و كده لا طبعا في عقل الواحد يفكر بيه مش معقول اي حد يكلمني على النت يقولي الكلمتين دول اصدق كلامه

و حصلت فعلا كذا مرة بس كان اول الحوار دا ما يتفتح بياخد بلوك محترم لكن هو مش عارفه احساسي كان غير معاه و قولت طيب ما اشوف كلامه بجد و لا ايه و مش هاخسر حاجه

لما طلب مني صورة بعد فترة طويلةةةةةةةةةةة جدا بعتله صورتي و انا عندي 6 شهور و الله يعني صورة ليا و انا طفلة

رقم موبايلي ما اخدوش الا بعد ما مامته اتصلت بماما

كل اللي باحكيه دا حصل على مراحل و كان كل مرة بيتاكد كلامه و احساسي من ناحيته بالصدق

انتى واخدة موقف دفاع ليه بس يا ريمو .. يا عزيزتى ما حدث .. حدث بقدر الله وتمت المراد من رب العباد وخلاص بقى .. يا كانت التفاصيل ..

زمان قال لى خالى وهو فيلسوف عصره وأوانه .. عندما تبدأ البنت فى الحديث مع شاب .. يخصم من رصيدها على قدر التنازل .. ثم يعاد لها كل ما خصم عندما ترتبط به .. وما ذكرته هنا لا علاقه له بكيف حدث .. هو فقط شئ تذكرته لأنه هذا الكلام كان من 25 سنة يعنى الزمن كان مختلف باختلاف رأى الشافعى نفسه فى زواج البكر .. والذى قرأت له أنه لما عاش فى مصر ورأى أحوال الناس من معرفة ببعضهم .. غير رأيه فى مسألة زواج البكر وقال اذا اختارت كفؤا يجوز أن تزوج نفسها ..

المهم انه فى النهاية تزوجتى من أحببتى .. تهاني .. وأمنياتى بحياة ملؤها السعادة ..

لا و الله يا بندق افندي انا مش متضايقة ابدا و لا واخدة موقف دفاع و لا حاجه ببساطة لاني ما حسيتش ابدا اني كنت باعمل حاجه غلط لان كل شئ من اوله كان تحت علم ماما و خالتي و بعد شوية كده بابا

هو كل ما في الموضوع ان كل الاسئلة اللي اتسألتلي هنا كل ما احكي الموضوع لاي حد يسالهالي فا الموضوع مكرر بالنسبالي فا بقت الاجابات روتينية الي حد ما

و ميرسي لحضرتك جدا جدا :roseop:

شارك هذه المشاركه


رابط المشاركه
شارك
مساء الخير أستاذ سهران

ربنا يجعل أيامك كلها أعياد...

إيه الحكاية أنت كنت بتنشن ولا إيه sch:

بس ليه نسيت عيد تحرير طابا و ثورة يوليو و عيد تحرير سيناء mfb:

المفروض تظبط طفل فى كل عيد...

بس الصراحة أنت عادلت الوضع بتاع فتفوتة اللى كله أموات :happy:

بهزر يا توتو...أوعى حد يزعل

تحياتى

سوسورانى

مساء النور أستاذة سوسو .... شكرا لدعواتك الرقيقة و ربنا يسعد كل أيامك .....

ما نسيتش طبعا باقي الأعياد و أن شاء الله يكون هناك متسع من الوقت يا عزيزتي بس أنت أدعيلي :blink: ........... أ

أروح اجيب الكاليندر أشوفهم يطلعوا كام عيد robt: .

تحياتي و ربنا يسعدكم و يسعد كل الزملاء في منتدانا الجميل

شارك هذه المشاركه


رابط المشاركه
شارك
مساء الخير أستاذ سهران

ربنا يجعل أيامك كلها أعياد...

إيه الحكاية أنت كنت بتنشن ولا إيه sch:

بس ليه نسيت عيد تحرير طابا و ثورة يوليو و عيد تحرير سيناء mfb:

المفروض تظبط طفل فى كل عيد...

بس الصراحة أنت عادلت الوضع بتاع فتفوتة اللى كله أموات :happy:

بهزر يا توتو...أوعى حد يزعل

تحياتى

سوسورانى

مساء النور أستاذة سوسو .... شكرا لدعواتك الرقيقة و ربنا يسعد كل أيامك .....

ما نسيتش طبعا باقي الأعياد و أن شاء الله يكون هناك متسع من الوقت يا عزيزتي بس أنت أدعيلي :blink: ........... أ

أروح اجيب الكاليندر أشوفهم يطلعوا كام عيد robt: .

تحياتي و ربنا يسعدكم و يسعد كل الزملاء في منتدانا الجميل

الفاضل أستاذ سهران

شكرا لتمنياتك اللطيفة...وحضورك الظريف

ياريت بأه تكمل جميلك و تروح تجيب لنا شوية قصص من عند عيلتكم و الجيران و المعارف و كدة إتجوزوا إزاى؟؟

وأنا هادعيلك كدة علطول ربنا يجعل كل أيامك أعياد !!

تحياتى

سوسورانى

شارك هذه المشاركه


رابط المشاركه
شارك

إيه يا جماعة باة دة أسمه كلام؟!!

اغيب يومين الموضوع ينام بالشكل دة؟!!!!

بأة منتدى محاورات المصريين بجلالة قدره اللى فيه حوالى 8000 عضو كانوا السبب فى إن الآى ميت بتاع سى السيد يهنج و يضطر آسفا إنه يشترى واحد تانى إستخدام تمرجى...

ما يعملش حكايات جواز إلا ب12 صفحة بس

نصهم أنا باعلق على حكايات الناس و ربعهم ريمو حبيبتى بتجاوب على أسئلة الناس اللى وشهم عامل كدهوه :blink:

وربعهم قلب أبيض و لولا و أنا باساندهم فى حكايات الحماة و أخت الزوج اللى هى روحنا كلنا و حبيبة قلبنا mfb:

فين قصص الزواج ...ولا المنتدى دة كله عزاب!!!

حتى المشرفين ماحدش عبرنا غير سى السيد ولولا اللى ضحكت علينا بحكاية خرم الباب :sofa:

لأ وكمان ياسر اللى فتح الموضوع أختفى فى ظروف غامضة فى الصحراء :happy: شكله كدة شاف واحدة من بنات عرب البادية...وأتوكل على الله وكمل نصف دينه bv:- bv:-

robt:sch:

مش هاعلق على بقية القصص لحد ما نستنفع بكام فصة جديدة وبافكر نوقف محمد العنبى على الباب ياخد رسوم من الناس اللى بتدخل تقرى و تمشى من غير ما تكتب أى حاجة

طبعا حد يسألنى و يقولى ليه يا كابتن لطيف العنبى...إشمعنا هو؟!!

لأنه صاحب أقوى قصة حب إتقالت فى كل الناس اللى حكوا و بعدين الراجل عازب و أكتر واحد قعد فى التوبيك دة

ربنا يرزقه و يفتح عليه و علينا....قولوا آميييييييين

يلا بينا موبايلات باه

تحياتى

سوسورانى

شارك هذه المشاركه


رابط المشاركه
شارك
إيه يا جماعة باة دة أسمه كلام؟!!

اغيب يومين الموضوع ينام بالشكل دة؟!!!!

بأة منتدى محاورات المصريين بجلالة قدره اللى فيه حوالى 8000 عضو كانوا السبب فى إن الآى ميت بتاع سى السيد يهنج و يضطر آسفا إنه يشترى واحد تانى إستخدام تمرجى...

ما يعملش حكايات جواز إلا ب12 صفحة بس

نصهم أنا باعلق على حكايات الناس و ربعهم ريمو حبيبتى بتجاوب على أسئلة الناس اللى وشهم عامل كدهوه :blink:

وربعهم قلب أبيض و لولا و أنا باساندهم فى حكايات الحماة و أخت الزوج اللى هى روحنا كلنا و حبيبة قلبنا :roseop:

فين قصص الزواج ...ولا المنتدى دة كله عزاب!!!

حتى المشرفين ماحدش عبرنا غير سى السيد ولولا اللى ضحكت علينا بحكاية خرم الباب :sad:

لأ وكمان ياسر اللى فتح الموضوع أختفى فى ظروف غامضة فى الصحراء :ninja: شكله كدة شاف واحدة من بنات عرب البادية...وأتوكل على الله وكمل نصف دينه :110: :110:

:) :protest:

مش هاعلق على بقية القصص لحد ما نستنفع بكام فصة جديدة وبافكر نوقف محمد العنبى على الباب ياخد رسوم من الناس اللى بتدخل تقرى و تمشى من غير ما تكتب أى حاجة

طبعا حد يسألنى و يقولى ليه يا كابتن لطيف العنبى...إشمعنا هو؟!!

لأنه صاحب أقوى قصة حب إتقالت فى كل الناس اللى حكوا و بعدين الراجل عازب و أكتر واحد قعد فى التوبيك دة

ربنا يرزقه و يفتح عليه و علينا....قولوا آميييييييين

يلا بينا موبايلات باه

تحياتى

سوسورانى

اوعى كده ملخت الكم

حاضر حاضر ياابا الحاج ياخبر ابيض يالولاد داحنا ولووود عم ثانيه واحده هضرب نفسى داخل الجلابيه والف العمه حوالين رقبتى واجيب النكز "" عصايه بالفلاحى "" واجى انظم الصف اقف ياوااد انت وهى كده فى الصف وكل واحد يكتب القصه بتعته فى ورقه حمراء ومحدش يبص فى ورقة زميله هعععععععع هىىىىىىىىىىى والى عاوز يدخل يقرا بس يجيب 5 دولارز رسوم وقفه للغفير واحد دولارز للعمده هو هيفترى !!!!!!!!!!!!!!!!!!!

شارك هذه المشاركه


رابط المشاركه
شارك
لأ وكمان ياسر اللى فتح الموضوع أختفى فى ظروف غامضة فى الصحراء :egyflag: شكله كدة شاف واحدة من بنات عرب البادية...وأتوكل على الله وكمل نصف دينه :ninja: :ninja:

:aslam: :waf:

مش عارف اقولك ايه يا دوك و الله

دائما كده مغرقانه بجمايلك

بس انا فعلا تايه فى الصحراء... شفتى الارزاق

ناش تتوه ف امريكا و ناس تتوه ف الربع الخالى

و بالنسبة للعروسة

لسه استيل سينجل

ادعيلى بقى .. احسن انا زهقت من نفسى و ماما زهقت منى

نفسى لما ارجع م السفر الاقى حد غير ماما مستنينى ف البيت.. احسن انا تعبتها خالص

معلش انا مش عارف اتابع الموضوع لانى فعلا مشغوووول جدا

سامحونى و البركة فيكم

شارك هذه المشاركه


رابط المشاركه
شارك
كملي كملي يا سوسو كلنا اذان صاغية :egyflag:
طبعا لينا نفس يا سوسو احنا مستنين بقية القصة اية ؟؟؟
ايوه عيزين نعرف الباقى كملى بقى ياسوسو

اه قعدين ومؤدبين :waf:

حاضر يا حبايبى أجيب الفشار و هاقر و أعترف و أجيب الدلو و أدلو بيه

يا جماعة سوسو بتيجى بالليل بس اللى عاوزها يستناها واللى وراه مشوار ولا حاجة مايعطلش نفسه دلوقتى ويرجع اخر النهار

جامدة يا فتفوتة...طول عمرك زى السكر

يا جماعة سوسو بتيجى بالليل بس اللى عاوزها يستناها واللى وراه مشوار ولا حاجة مايعطلش نفسه دلوقتى ويرجع اخر النهار

جامدة دي اوي يا فتفوتة :ninja: :ninja:

ادينا مستنين سوسو كلنا و عمالين نهتف عاوزين سوسو عاوزين سوسو :sad:

حاضر يا ست ريمو ولو إنك ما رديتيش على سؤالى المهم جدا و الفضولى جدا جدا

منتظرين .. شاكرين .. مهللين :cheer:

هلل يا سيدى ...عقبال ما نفرح فيك أنت و ياسر

عارف انا شغل المندوبين ده ودول معظمهم بيتجوزوا مندوبات علشان ليهم مصطلحات غريبه مافيش حد يفهمها الا مندوب او مندوبه زيهم

يا أستاذ محمد...هو أنت بتشتغل إيه بالضبط؟؟!!

ما فيش حد إتكلم على شغلانة إلا و لقيتك راشق و فاهم فيها...

بترول ماشى...محاسبة شغال...مندوبين دايس

هو فيه إيه؟؟!! :aslam:

تحياتى

سوسورانى

اصل محسوبك كيميائى وطبعا اشتغلت مندوب دعايه فتره من الفترات واشتغلت كيميائى ايضا ودورت على شغل فى البترول وليا اصحاب شغالين فى البترول من مهندسين وكيميائين واخيرا اشتغلت فى المياه لكن محاسب فده علشان انا اللى ساكن معهاهم محاسبين طبعا انا عندى حب استطلاع للمهن الاخرى بصوره مش طبيعيه فبسال على كل حاجه لكن لسه مشتغلتش محاسب ؟؟؟!!!

ما تقدررررررررررررررش

شارك هذه المشاركه


رابط المشاركه
شارك

احم احم احم

انا ما يخلصنيش ابدا ان التوبك يتوقف حاله كده 00كأن مافيش حد اتجوز غير نا فيك يامنتدى :unsure:

فقررت انا واعوذ بالله من قوله انا 00ان اقوم بتنشيط الليله ونضرب طلقتين فى الهوا ونسمع احلى سلام لحكايه جواز جديده 0000مش بتاعتى طبعا :blink:

بس حكايه سلف بدل ما العداد بتاع التوبيك بيلف على الفاضى كده اهو نشغل المكان لغايه ما يجى زبون جديد

الحكايه لوحده كانت زميلتى بالجامعه وعلى قدر من الجمال والتفوق 000من اول سنه بيتقدم لها عرسان اجمد من بعض وهى بترفض كله بحجه استكمال الدراسات العليا :blink:

واتجوزنا وخلفنا وعيالنا دخلوا مدارس وصاحبتنا دى خلصت ماجستير ودكتوراه وازدادت علما ومركزا اجتماعى مرموق جدا وازدادت ايضا كيلوات غير بسيطه فى وزنها وبدأت الهرمونات تتغير تبعا للسن فاصبحت كمن تزوجت وانجبت دسته

على الجانب الاخر لنا صديق تخطى الستين هو استاذ لنا جميعا للاسباب خاصه به فشلت زيجته منذ اكثر من عشرين سنه وطبعا حاول الارتباط مرارا ويفشل ولقرع بقى وكرش والنضاره بقت قعر كوبايه زى ما بنقول

وفى مره كده بنضحك ونقول الراجل ده والله اتظلم وحيد ومكتئب ماكنش يستاهل كده ابدا وفكر المحيطين بنكشه كده فى مسأله جوازه من باب الونس :wub: ;)

فقال لنا انا فعلا بفكر وهافجئكم 0000المهم عزمنا على كتب الكتاب فى الازهر واذا باعروسه صديقتنا الانسه الفاضله اللى ظلت عشرين سنه ترفض الارتباط بشباب من سنها :blink: :blink:

والجميل بقى انهم عملوا فرح وفستان ابيض ومزيكا ومعازيم وشهر عسل

انا بقى وجرا ورايا الاربعه هيه هيه هيه صاحبتى بتتجوز أل يعنى انا لسه اللى قدى بيبدأو حياتهم

والاحلى بقى انها احلوت وخست ونورت جدا جدا

والعريس اللى تخطى الستين بشويه احلى سبورتس وير والنضاره اتغيرت والله ماشاء الله نوووووور

راحه البال والونس عمل شغل ;)

والفرق فوق العشرين سنه 000وهو اول بختها 00سبحان الله كأنها كانت بترفض كل ده عشان نصيبها هو " على فكره ولاده سنا قريبين منها "

وتوته توته فرغت الحدوته

انزل بتتر النهايه بقى :closedeyes:

شارك هذه المشاركه


رابط المشاركه
شارك
وتوته توته فرغت الحدوته

انزل بتتر النهايه بقى :roseop:

الظاهر ان تتر النهايه للموضوع كله :roseop::roseop:

الوووووووو

شارك هذه المشاركه


رابط المشاركه
شارك
وتوته توته فرغت الحدوته

انزل بتتر النهايه بقى :roseop:

الظاهر ان تتر النهايه للموضوع كله :roseop: :wub:

الوووووووو

طبعا الف مبروك للعروسة و لعريسها و ربنا يوفقهم و يمتع ايامهم

انما ايه الموضوع

محدش حاول يفكر ... ليه البنت سابت نفسها لغاية ما وصلت للسن ده

تقريبا جه ف بالى انها كانت مستنية حد بصورة معينة

و كل شوية ترفض لغاية ما يجى الفارس ابو حصان اسود... ايوه انا بحب الخيول السوداء اكتر من غيرها

ف الاخر خاااااااااااااالص لما لقت ان مفيش فرسان ولا حتى مماليك استسلمت

تخيلوا بقى انى النهادره كنت عمالى اراجع نفسى و افكر ف كمية العلاقات الغريبة اللى دخلتها

و بقول يا سلاااااااااااااام

ده انا على كده لازم اخد ست الحسن و الجمال و كمان تكون مش عارف ايه و ايه و ...

و بعدين قلت دى تقابلها ف الجنة ان شاء الله

نفس الفكرة اتكلم عنها عمر طاهر فى شكلها باظت

يلا

بكره ان شاء الله نبقى نسهر سوا و نتكلم اكتر عن الموضوع ده

شارك هذه المشاركه


رابط المشاركه
شارك
طبعا الف مبروك للعروسة و لعريسها و ربنا يوفقهم و يمتع ايامهم

انما ايه الموضوع

محدش حاول يفكر ... ليه البنت سابت نفسها لغاية ما وصلت للسن ده

تقريبا جه ف بالى انها كانت مستنية حد بصورة معينة

و كل شوية ترفض لغاية ما يجى الفارس ابو حصان اسود... ايوه انا بحب الخيول السوداء اكتر من غيرها

ف الاخر خاااااااااااااالص لما لقت ان مفيش فرسان ولا حتى مماليك استسلمت

تخيلوا بقى انى النهادره كنت عمالى اراجع نفسى و افكر ف كمية العلاقات الغريبة اللى دخلتها

و بقول يا سلاااااااااااااام

ده انا على كده لازم اخد ست الحسن و الجمال و كمان تكون مش عارف ايه و ايه و ...

و بعدين قلت دى تقابلها ف الجنة ان شاء الله

نفس الفكرة اتكلم عنها عمر طاهر فى شكلها باظت

يلا

بكره ان شاء الله نبقى نسهر سوا و نتكلم اكتر عن الموضوع ده

انت فينك ياهندسه دانا كنت خلاص هعمل اعلان هو فين ؟؟؟؟؟ ياولاد الحلال !!!!!!!!!!!!!!

شارك هذه المشاركه


رابط المشاركه
شارك

يا محمد يا اخويا

الناس مشغولة شويتين

لما يفوقوا هيرجعوا هنا تانى

متقلقش

المهم طمنا عليك

شارك هذه المشاركه


رابط المشاركه
شارك
'الباشمهندس ياسر طبعا الف مبروك انت فينك ياهندسه دانا كنت خلاص هعمل اعلان هو فين ؟؟؟؟؟ ياولاد الحلال !!!!!!!!!!!!!!

=====================

يا محمد يا اخويا

الناس مشغولة شويتين

لما يفوقوا هيرجعوا هنا تانى

متقلقش

المهم طمنا عليك

==================

هههههه رابطه عزابى المحاورات 0000 :lol:

استنوا بس لما الامتحانات تخلص 00والاجازات تبدأ والنشاط يدب من جديد

وربنا يلم الشمل

شارك هذه المشاركه


رابط المشاركه
شارك

هى الامتحانات لسه مخلصتش ولا ايه......؟

شارك هذه المشاركه


رابط المشاركه
شارك

السلام عليكم و رحمة الله و بركاته

حبايبي المحاوراتية....موضوع لطيف موووووووووووووووووووت

اتكعبلت فيه و انا بدور علي حبة فرفشة

اقروه...و عايزة اسمع الضحك....هااااااااااااااا لسه مسمعتش

صباحكم....سكرة في لسانكم...و ضحكة في وشوشكم

شارك هذه المشاركه


رابط المشاركه
شارك

طب...انا نصى التانى ضارب ..

اعمل ايه دولقتى ...احكى على مين انا؟؟؟

لا هاحكلكم ...حكاية الجوازات اللى اختكم مشيت فيها...والمثل بيقول .."امشى فى جنازة039.gif وماتمشيش فى جوازة"اوم اختكم ..سمعت المثل بالمشقلب ...ومشيت فى جوزات ..021.gif.والحمد الله ظبطت معايا مرتين ...

الطلعة الجوية الاولى "اخويا الاصغر منى مباشرة"

انا ايه كل شوية اسمعلكم اخويا بيقول موش عاوز اتجوز ..."ماخدوش يابابا ماخدوش" واشى بيضة واشى سمرة ...لاطويلة لا قصيرة ..لارفيعة ...وتناكة فارغة ....

المهم ...وبدون اى وعى ...سمعت عن بنوتة طيبة من عيلة صديقة ...قلت ايه نتقابل جماعة ومرتبتش حاجة معينة ..

وبعد المقابلة ...ايه رايك يابنى فى "سين".....لااااااااا...لاااااااااا...

طب ليه يابنى ...دى كذا وكذا وكذا ........يالهوى ..ده البنت طلعت شرم برم .....طب خلاص..براحتك وزى ماتحب .

سنة كدة واخوها ..الكبير كان بيعيد علينا فى التيفون وبيسأل عليه ...؟؟

بلغته ..وقلتله يابنى الناس شكلها شارى .03c1535e1ea29173529c8a1e2ad0316f.gif.ماتيجى نبص بصة صغنونة تانى كدة يمكن تظبط؟؟

طب ماشى ...نروح البيت عندهم المرة دى ونشوف.......

دخلنا بيتهم الساعة 7...030.gif

الساعة 10ونص يلا نمشى يا احمد ..."يبرقلى ويقولى اصبرى شوية"bf6977cdc581bac8d967cc8ab3f9e175.gif

بابا يتصل ...ويقولى عيب هاتباتوا عند الناس ...يلا يابنى ..."يبصلى ويشتورلى بايده استنى شوية"2afa1a2040843553877d55cfcd033b3b.gif

الساعة 11ونص ...يلا بقى انا هانام خلاص خلصونى ...انا موش قادرة ...قومنا ...

وعنها 5شهور وكانوا فى بيتهم و خمس شهور تانية كانوا فى عمرة معايا وسمعتهم بودانى .29c337b2f97d9c0936c069c126103554.gif..بيدعوا علية

تم تعديل بواسطة shiko

شارك هذه المشاركه


رابط المشاركه
شارك
طب...انا نصى التانى ضارب ..

دخلنا بيتهم الساعة 7...030.gif

الساعة 10ونص يلا نمشى يا احمد ..."يبرقلى ويقولى اصبرى شوية"bf6977cdc581bac8d967cc8ab3f9e175.gif

طالما وصلت انه يبرقلك يبقي الامور زي الفل

ربنا يتملهم حياتهم ع الخير و البركة

شارك هذه المشاركه


رابط المشاركه
شارك

طالما وصلت انه يبرقلك يبقي الامور زي الفل

ربنا يتملهم حياتهم ع الخير و البركة

علشان تعرف ...انا شخصيتى قوية جدا....خصوصا مع اخواتى اللى اصغر منى ...

اعجبك اوى ...طب حتى اسالهم....

شارك هذه المشاركه


رابط المشاركه
شارك

ظريف الموضوع ده

كان السواد حالكاً

و كنت قاعدة فى النادى لا بيه و لا عليه مع أختى و صاحبتها

و إذ فجأةً..........

جات واحدة غريبة و معاها بنتها...

بيييييييييييس لحد كده

شوية و جه عابر سبيل و قال ايييييييييه قعد معانا (ابن الست اللى جات من شوية)

بس الليلةكده مفقوسة قوى

طيب.. ماشى

عملت نفسى عبيطة و قعدت اجيبه من فوق لتحت (بطرف عينى طبعاً و ربنا يكفيكم شر لؤم كروسفيلد )

الدنيا مضلمة شوية فى النادى و أنا مش عارفة اشوف حاجة كويس

المهم.. كان شكله مترب و جاى مكجول خالص.. ايعه الليلة دى.... ده جاى مطبق ورديتين من أولها ده و الا ايه (وش بيتريأ)

عموماً مش بطال لكن لازم أشوفه تانى

تانى مرة بقى اتضحت الرؤية

كان جاى بقى مظبط على الآخر و فلة فى النعل و كده يعنى و كلمتينمنى على كلمتين منه و سبحان الله

عمرى فى حياتى ما ارتحت لحد كده و لا بالسرعة دى

بعدها طلبت انه ييجى البيت و يتعرف على أهلى و بقينا نقعد قعدات ثنائية فى بيتنا لحد ما اديت النور الأخضر و قرينا الفاتحة بعدها بثلاث شهور(فترة تعارف مبدئى معقولة)

و الحمد لله اتجوزنا و عندنادلوقتى بيبى عنده سنةو نص هوكل حياتنا

الخلاصة يعنى التقليدى يكسب

اسيبكمبقى علشان أشوف الواد حنتيرة بيلعب فى ايه

(وش شوقية و هى بتنادى على ربيعى رضيعى)

شارك هذه المشاركه


رابط المشاركه
شارك
و الحمد لله اتجوزنا و عندنادلوقتى بيبى عنده سنةو نص هوكل حياتنا

ربنا يتملكم بكل الخير و الود و السعادة

و يجعل حياتكم هنا و سرور

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • ماذا تفعل مع زوجتك و ماذا تفعلين مع زوجك إذا اختلفتم على الدستور ؟؟؟

      أهلا أعزائي منذ قيام ثورة 25 يناير و تعدد الأهداف و تباينها اصبح هناك اختلاف وصل حد الحلاف في الرأي بين الجيران والأصدقاء و العائلة بل و أفراد الأسرة الواحدة !!! و بعد الأحداث الأخيرة ازداد التوتر و السؤال إلى أي حد تؤثر الأحداث الأخيرة على أعصابنا و تحملنا ماذا لو أنك من أنصار" نعم" و زوجتك من أنصار" لا " أو العكس ماهو موقفك منها و شعورك

      في موضوعات خفيفة

    • كيف تعرفت على محاورات المصريين ؟

      اتعرفت اذاى على موقع المحاورات هل عرفتة عن طريق صديق لك ولا عن طريق البحث عن موضوع معين ولا بالصدفة وماهو اول موضوع قرأتة فى المحاورات واول موضوع كتبت او علقت علية هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ) من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

      في موضوعات خفيفة

    • ما هو اسم زوجتك (زوجِك) في تليفونك المحمول؟!

      قرأت من فترة تحقيقا صحفيا بعنوان ما هو اسم زوجك أو زوجتك في الجوال (التليفون المحمول) وكانت المفاجأة أن بعض الرجال يسمون زوجاتهم في تليفوناتهم المحمولة بأسماء مثل: "ورطة" "أم44" "بلية" "شيطونة" "غلطة عمري" !!! :blush2: بينما يسمي آخرون زوجاتهم في جوالاتهم بأسماء مثل: "الأهل" "الغالية" "شريكة العمر" "القمر" "أم فلان" وفي المقابل فهناك زوجات اخترن لأزواجهن أسماء في تليفوناتهم مثل: "الحرامي" "الله لا يرده" "المشئوم" "هتلر" "ياخذه ويريحني" !!! والبعض (الستات الحلوين المتربيين)

      في موضوعات خفيفة

    • ايها الزوج ابعد زوجتك شوية وجاوب على السؤال دة ؟؟

      ياترى بعدت زوجتك عن جهاز الكمبيوتر وانت بتقرا التوبك دة ياريت لو معملتش كدة اعمل كدة فورا قبل ما تجاوب على السؤال اللى هاقولة الان علشان ما يكون فية احراج وتجاوب براحتك بعدت طيب اسالة انت ايها الزوج بتقول لزوجتك انت بتقبض كام بالضبط ومعاك قد اية فى البنك ياترى انت ماشى على مبدا دارى على شمعتك تقيد ومحدش يعرف حاجة ولا الجن الاحمر و السر ميبقاش سر لو طلع برة ومحدش ضامن الظروف وكدة وبلاش تعرف علشان انا مش ناقص بقى طلبات وهات هات هات بدل ما تروح تقول لماماتها و اصحابها و تبقى ليلة ل

      في موضوعات شخصية

    • هل وجدت في زوجك/زوجتك ما تمنيت قبل الزواج؟

      السلام عليكم و رحمه الله و بركاته: كل واحد فينا بيبقا ليه مواصفات لشريك/شريكه حياته, و طبعا الاخوة المتجوزين عارفين مواصفات ازواجهم/زوجاتهم. و طبعا لاننا مش في جمهوريه افلاطون و لان ليس كل ما يتمناه المرء يدركه, فحبيت اتاكد من الناس نفسها. و علشان يكون fair play فهيكون فيه سؤالين: هل شريك/شريكه حياتك يمتلك المواصفات التي كنت تتخيلها قبل الزواج؟ هل انت سعيد مع شريك/شريكه حياتك حاليا بغض النظر اذا كان يمتلك المواصفات التي كنت ترغب بها ام لا؟ لو خايف او مكسوف ممكن تقول اي حكايه عايز تقولها و تن

      في موضوعات شخصية

×
×
  • اضف...