اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
MuslimaEgyptian

كيف تعرفت على زوجك / زوجتك؟

Recommended Posts

ليس تطفلا لمعرفه تفاصيل شخصيه أو معلومات يجب ان تظل جزء من الذكريات الجميله بين الزوجين فقط، لا غير...ولكن لأن ساعات كثيره بنسمع عن مواقف طريفه بتحدث حول هذه الأمور....وقد تكون مواقف عن آخرين تعرفوهم تعرضوا لمثل هذه المواقف...

ده إلا إذا كانت الطرق تقليديه وكان الصالون شاهدا أولى على نمو بذره التعارف...وحتى حينذاك...ساعات برضه بتحصل مواقف طريفه...القهوه وقعت على رأس العريس...كده يعنى

icon_smile.gif

شارك هذه المشاركه


رابط المشاركه
شارك

هــــــــــيه الله يجازيكوا خير بترجعونا لأيام الصبا والشباب والمغامرات الجميلة ،

- قصة حبي أقصد قصة زواجي كان بها مفارقات عجيبة تدل أولاً واخيراً على أن اللي من نصيبك لابد يصيبك حتى لو كان مكتوبلك تتجوز من المريخ ، فزوجتي هي أخت احد أصدقائي بالعمل وشاهدتها لما كان بيفرجني على صور خطوبته اللي إتفركشت بعد كده المهم نويت لما انزل اجازة أروح البيت عندهم وماكلموش هو مباشرة أحسن أخسره لو ماوفقش ولا حاجة زائد إني كنت محرج جداً منه ، المهم قبل أجازتي بأسام قليلة لي صديق مصري متجوز سعودية وعائلتها ناس محترمين جداً جداً فقال لي أيه رأيك في عندهم حته صغيرة لسه ماتجوزتش ماتيجي تتعرف عليهم ، وفعلاً حصل واتعرفت على الناس واعجبوا بيه - هما يقدروا مايعجبوش ( وش محمود المليجي ) - ولكن جيت على اللحظات الأخيرة وتراجعت لأني كنت حاسس إني هاتدبس وأقعد هنا طول عمري فاعتذرت بطريقة ظريفة .

- المهم نزلت أجازة واتقدمت لعائلة صديقي ورفضوني والحمد لله لأن زوجتي كانت لسه داخلة اولى جامعه وقالولي ممكن نقرأ فاتحة دلوقت لكن الجواز هايبقى بعد 3 سنين فقولت لهم ده انا اكون حمضت خاصة إني جاهز ، قالوا هو ده اللي عندنا يا إما تورينا عرض اكتافك وفعلاً حصل وطلع عرض أكتافي 63.5 سم.

- المهم قبل ما أرجع السعودية بيومين أختي الصغيرة قالت لي فيه بنت زميلتها في الشغل محترمة ومن عيلة وحلوه وحركات ماتيجي تتعرف عليها روحت فعلاً قابلتهم في كازينو وشريبنا عصير مانجا والبنت اتهبلت لما شافتني ، وتاني يوم روحت شاريلهم جاتوه بالشيء الفلاني وزورتهم في البيت وقولت لهم انا مسافر بكره وهارجع بعد 6 شهور نخطب ونكتب الكتاب واخدها معايا السعودية وافقوا وفضلنا في الستة شهور نحب في بعض وحركات من دي وبعد مانزلت اتعرفت على بقية أخوتها ما شاء الله كانوا يجي 5 لأنها يتيمة الأم والأب ولقيتهم داخلين داخلة مش كويسة ومارتحتش للموضوع قولت لهم طريقكم أخضر خاصة إن بالتعامل المباشر اكتشف ان البنت شخصيتها ميح ، وزعلت جداً على الجاتوه اللي كنت بأشتريه كل يوم .

- روحت واخد بعضي تاني وراجع السعودية واول أسبوع طلعت اعمل عمره واتصلت بصديقي اخو زوجتي الحالية وكان في فرع الشركة في جده وقولت له انا في مكه باعمل عمره تعالي لي الفندق وأول ما قابلته روحت واخده وش وقولت له بص بقى انا هأتجوز اختك يعني هاتجوزها تقولي دي لسه بتتعليم في الجامعة ولا بتتعلم تريكو حتى ماليش دعوه راح متصل بيهم في مصر ووافقوا على ان الخطوبة تبقى بعد سنة تانية والجواز يبقى في تالته وفعلاً الحمد لله تم المراد واكتشفت بعد كده انها كانت بتموت فيه في الخباثة وتتحسس اخباري من اخوها وعيطت وحالتها بقت حالة لما عرفت اني خطبت واحده تانية ، والحمد لله مافيش قهوة وقعت على رأسي لأن زوجتي ماكانتش بتعرف تعمل قهوة أيام الخطوبة لأنها كانت دودة مذاكرة وماكنتش فاضية للقهاوي والحاجات دي lol.

- واليومين دول انا بأفكر آلف كتاب عن قصة زواجي وأسميه " زواج س س وأحداث القرن العشرين " وأربط قصة زواجي بأهم احداث القرن العشرين زي حرب قيتنام وموت دودي الفايد وديانا الفايد برضوا.

شارك هذه المشاركه


رابط المشاركه
شارك

أنا أسفه يا أخ سى السيد..مش قادره أرد دلوقتى وسأعود حين أستطيع أن أتمالك نفسى ..أصلى لسه شايفه اللوجو بتاع حضرتك

(إوعى تشوف موضوع شغابيط فى المناقشات العامه...خليك هنا كويس..او باب السياسه وكده)

icon_biggrin.gif

شارك هذه المشاركه


رابط المشاركه
شارك
أنا أسفه يا أخ سى السيد..مش قادره أرد دلوقتى وسأعود حين أستطيع أن أتمالك نفسى ..أصلى لسه شايفه اللوجو بتاع حضرتك

(إوعى تشوف موضوع شغابيط فى المناقشات العامه...خليك هنا كويس..او باب السياسه وكده)

icon_biggrin.gif

شوفتوا وعملت نفسي مش شايف .... يعني يا مسلمه حرام لما نبقى أسود ولو على الورق حتى ؟... طب ياستي هاغيروا وأعملوا قطه أو نعامه وجايبه جردل رمله ودافنه رأسها فيه lol

شارك هذه المشاركه


رابط المشاركه
شارك

كده برضه يامسلمة..بتفكرينا..بس قصة زواجى كانت عسل.

زوجى كان ممتنع عن الزواج ومابيعجبوش العجب.

كان صديق لأخى فى العمل فقط.

يوم عيد ميلادى كنت مع أخى فى محطة الرمل.

ثانى يوم قال لأخى...من اين اتيت بهذه الفتاة التى كانت معك؟؟لم اسلم

عليك ولم ارغب فى احراجك.

قال له دى اخت.

رد عليه...اتجوزها.

قال له..هى لها مواصفات كثيرة غريبة فى زوج المستقبل.

قال له..حاتقدم لكم رسمى.

رد عليه..انت انسان ممتاز......على الله ترضى بك.

لوقتنا هذا..زوجى لاينسى هذه الكلمة..واعتبرها مسألة تحدى.

اتى بعدها بيومين..كل الاسرة قالوا انه ممتاز..

رفضت حتى اسلم عليه.

غصبنى اخى...جلست صامتة...ثم فجأة قلت له..لو سمحت..خللى بالك وانت بتشرب الشاى..احنا استلفنا طقم الشاى ..ومتبصش للصالون قوى

كدة..كمان استلفناه هو والسجادة لما عرفنا انك جاى.

على فكرة؟

بيتهيألى انك طموح اكثر من اللازم..

كان بيضحك..

قلت لأهلى..ده مغرور..واسمر اكتر من اللازم..ومابيتكلمش.

تانى اسبوع جه تانى..مصمم..قاللى ..حاتجوزك..حاتجوزك..

اهلى ناس عصاميين..ابويا رجل مكافح..اخواتى كثرة..

كلنا جامعيين..كلنا متدينين جدا..بلا تعصب.

انا عارف ان مفيش حد فى حياتك..

جربى؟

نعمل خطوبة قصيرة..

هو عرف نقطة ضعفى..

اريد رجلا..شخصيته اقوى من شخصيتى...كريم..حنون..وقبلها..يعرف ربنا.

وفعلا...اكتشفت انه فيه مميزات حتى اكتر من اللى بطلبها.

واحببته ومازلت احبه..وسأظل احبه الى أخر ايام عمرى.

وده فعلا اكبر كرم من عند الله.

وكل شئ فى الدنيا نصيب.

سلامى.

شارك هذه المشاركه


رابط المشاركه
شارك

ايه الموضوعات الجميله دى :-)

بجد ردود سى السيد و مدام سلوى عظمه على عظمه :)

ضحكت كتير من ردود سى السيد "كالمعتاد طبعا"

ومدام سلوى لخصت الامور فى كلمتين :-) قشطه جدا يا ريت باقى الناس تقول ..

شارك هذه المشاركه


رابط المشاركه
شارك

أنا أتعرفت علي مراتي في ســجن القنــاطر !!

أعجبت بالبشلة اللى كانت في وشي.

آه ... فكرتونا بالذي مضي.

شارك هذه المشاركه


رابط المشاركه
شارك

يافتاح ياعليم !!

أخوك كان واخد بشلة في خلقته من خناقة في المدبح ...

هي شافت وسامتي من هنا و طبت علي طول ...

امااال؟! أصل محسوبك مسمسم حبتين و لامؤأخذة ...

بالأذن بقي!

تم تعديل بواسطة linux

شارك هذه المشاركه


رابط المشاركه
شارك

حسيت للحظة ان الموضوع ده مينفعش يتكتب اصلا

على اساس ان طريقة تعرف الانسان بشريك حياته تعتبر حاجة شخصية جدا جدا

بس قلت انه من باب النفع للغير

ممكن تقولنا اتعرفت بشريك حياتك ازاى

يعنى جواز صالونات ولا زمايل من ايام الجامعه او الشغل مثلا او النت او بنت الجيران او قابلتها ف النادى

او شفتيه فشدتك وسامته او اخلاقه او عمل موقف جرىء او ... الخ

ف انتظاركم

شارك هذه المشاركه


رابط المشاركه
شارك

كده انا اطمنت ان المهندس ياسر رجع تانى لقلب المحاورات pza:

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك wst::

انا سكت ومردتش ... اصل السكوت علامه الرضا et:(

وبس ..

أدى الحكايه ..

ايه مش مصدق :amb: wst::

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا :lol:

نسيت اقولك .. حب او جواز صالونات .. كله فى الآخر نصيب .

لولا

شارك هذه المشاركه


رابط المشاركه
شارك

ازيك يا باش مهندس ياسر نورت المحاورات تانى

موضوعك حلو و بيرجع ذكريات جميلة و غريبة علشان بس تعرف كل حاجة قسمة و نصيب و الى مكتوب لك هيكون و هيجى لك لحد عندك

ام عن معرفتى بنصى التانى كان مصادفى غريبة جداااااا وقت ما اتقدم زوجى ليا كان بيدور على عروسة

وكان فية صديق مشترك بين عائلتى و عائلتة و الصديق دة قالة على بنت خالى و قال لة انها بتيجى النادى يوم الخميس من كل اسبوع لو حبيت تشوفها

((((((على فكرة موضوع النادى دة مووضع حلو تشوف فية الاسرة ككل و البنت كمان )))))))))

و طبيعى انا و بنت خالى بنروح النادى مع بعض مجرد ما شافنى انا اتشد ليا و سبحان الله كان النصيب

شوف هو رايح يشوف مين و انتهى على مين

و فى مداخلة تانية هاحكى عن تجربية اخويا فى الارتباط

ذهبية

شارك هذه المشاركه


رابط المشاركه
شارك
كده انا اطمنت ان المهندس ياسر رجع تانى لقلب المحاورات pza:

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك wst::

انا سكت ومردتش ... اصل السكوت علامه الرضا et:(

وبس ..

أدى الحكايه ..

ايه مش مصدق :amb: wst::

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا :lol:

نسيت اقولك .. حب او جواز صالونات .. كله فى الآخر نصيب .

لولا

ايز اقول مش مصدق

بس مقدرش اقول كده.. اخاف اخد مخالفة

ربنا يوفقك ف حياتك و تفيدى الاجيال اللى جايه كلها

ازيك يا باش مهندس ياسر نورت المحاورات تانى

موضوعك حلو و بيرجع ذكريات جميلة و غريبة علشان بس تعرف كل حاجة قسمة و نصيب و الى مكتوب لك هيكون و هيجى لك لحد عندك

ام عن معرفتى بنصى التانى كان مصادفى غريبة جداااااا وقت ما اتقدم زوجى ليا كان بيدور على عروسة

وكان فية صديق مشترك بين عائلتى و عائلتة و الصديق دة قالة على بنت خالى و قال لة انها بتيجى النادى يوم الخميس من كل اسبوع لو حبيت تشوفها

((((((على فكرة موضوع النادى دة مووضع حلو تشوف فية الاسرة ككل و البنت كمان )))))))))

و طبيعى انا و بنت خالى بنروح النادى مع بعض مجرد ما شافنى انا اتشد ليا و سبحان الله كان النصيب

شوف هو رايح يشوف مين و انتهى على مين

و فى مداخلة تانية هاحكى عن تجربية اخويا فى الارتباط

ذهبية

طب تصدقى يا ذهبيه

حصلت معايا مرة و الله

كنت رايح اشوف واحدة و كانت معاها صاحبتها

عجبتنى صاحبتها اوى .. بس حسيت انه مينفعش

و فعلا نفضت للحوار و قلت مفيش نصيب

عملتى ايه بقى ف اخوكى اللى غلبكم و كان معمله عمل و حركات

شارك هذه المشاركه


رابط المشاركه
شارك
كده انا اطمنت ان المهندس ياسر رجع تانى لقلب المحاورات pza:

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك wst::

انا سكت ومردتش ... اصل السكوت علامه الرضا et:(

وبس ..

أدى الحكايه ..

ايه مش مصدق :amb: wst::

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا :lol:

نسيت اقولك .. حب او جواز صالونات .. كله فى الآخر نصيب .

لولا

ايز اقول مش مصدق

بس مقدرش اقول كده.. اخاف اخد مخالفة

ربنا يوفقك ف حياتك و تفيدى الاجيال اللى جايه كلها

ايه ده يعنى انتا كده مصدق wst::

طب خلاص مفيش داعى احكى الحكايه الحقيقه .. اصلى انسانه كتومه لأقصى درجه زى ما انتا عارف wst::

لولا

شارك هذه المشاركه


رابط المشاركه
شارك
ايه ده يعنى انتا كده مصدق :lol:

طب خلاص مفيش داعى احكى الحكايه الحقيقه .. اصلى انسانه كتومه لأقصى درجه زى ما انتا عارف wst::

لولا

i am all ears

ya afndm

شارك هذه المشاركه


رابط المشاركه
شارك
كده انا اطمنت ان المهندس ياسر رجع تانى لقلب المحاورات cr((:

ومن باب التشجيع احب اكون اول المشاركين للإستفاده العامه ..

انا كنت راجعه من الجامعه .. دخلت ماما قالتلى ان عندنا ضيوف ..

بصيت من خرم باب الصالون لقين ولد زى القمر ..

خرجت ماما قالتلى الشاب الى جوه ده بيطلب ايدك من بابا .. ايه رأيك cr((:

انا سكت ومردتش ... اصل السكوت علامه الرضا :happy:

وبس ..

أدى الحكايه ..

ايه مش مصدق cr((: :P

ونتمنى التوفيق للأجيال الحاليه .. الواحد خلاص كبر ولازم يفيد الشباب بتجربته برضوا cr((:

نسيت اقولك .. حب او جواز صالونات .. كله فى الآخر نصيب .

لولا

مش عارف ليه مش مصدق بؤك يا لولا

يعني كل واحده تبص من خرم الباب تلاقي شاب حليوه جاي يضرب شاي عندهم تروح موافقه عليه على طول إن شالله يطلع عنده ربع ضارب أو بياكل مشابك الغسيل مثلاً ؟

ده على كده الجواز سهل أهو والدنيا حلوه ..

أومال فين قصص العذاب والغناء على الجيتار تحت اشجار الزيزفون .. والمحبوبة تطل من البلكونة كالقمر لتدلق مياه الغسيل اللي فيا بوتاس على راس محبوبها لتصيبة بحروق من الدرجة الأولى ليتعلق قلبه بها أكثر عشان أتأكد إنها إنسانه نضيفة وغسيلها أبيض وزاهي وزي الفُل ... ويا حبذا لو زارته في عنبر الحروق بمستشفى الدمرداش لتطمئن عليه وتقول له : والله ما كان قصدي يا ثامح .. أنا بس أرتبكت وبدل ما أرمي المياه ناحية اليمين رميتها ناحية الشمال اللي إنت كنت واقف فيها "

-----

انا بقى زوجتي كانت اخت صديقي في العمل ومره بيفرجني على صور خطوبة من خطوباته المتعددة المتفشكلة فشوفتها في الصور وعرفت إنها اخته وحبيتها من أول صورة ستة في تسعه ... ومع إنه كان صديقي وواكلين شاربين مع بعض إلا إني إتكسفت أكلمه ووسطت واحد صديق تاني راح زارهم في مصر وفاتحهم في الموضوع ... وأترفضت رفضاً مطلقاً لإنها كانت لسه في ثانوي ... وبعدين إتشجعت انا وروحت لهم في أحد الاجازات .. وبرضوا إترفضت بحجة إن البنت لسه صغيره وقدامها 4 سنين جامعة ... فقلت لهم والله مانا لاعب ومشيت زعلان .. وروحت خطبت واحده تانية زميلة أختي المرة دي .. لكن قلبي كان معلقاَ عند الموضوع الاولاني ولم استمر أكثر من 6 شهور .. وأستطعت بالحيلة إني أقنعهم إننا نخطب بس وبعدين الجواز يحلها ربنا .. وفعلاً .. ظبطنا المواضيع أنا وزوجتي وأقنعناهم إني لن أقف حجرة عثرة - بأحب قوي الجُمل المكعبرة دي - في طريق دراستها لما نتجوز وأنا أساساً شغال بره مصر ... وإتجوزنا وهي في سنة ثالثة ... اللئيمة بقى قالت لي - بعد الجواز والشنكلة - إنها شافتني في صور برضوا مع أخوها ولما جيت إتقدمت لها عرفتني ولما وليت مدبراً وأنا غاضب إتضايقت وجالها حالة نفساوية وكلت ودانهم في البيت وهي بتقولهم " بأحبو يا بابا بأحبو يا بابا " ولما عرفت إني خطبت واحده تاني بقى كانت أيام سودا ...

عقبالك يا ياسر يابني لما تروح بيتكم تلاقي حد مستني في أوضة المسافرين ويقولوا لك " في بنت حلوه جايه تتقدم لك يا ياسر "

شارك هذه المشاركه


رابط المشاركه
شارك

موضوع جميل جدا انا ملاحظ انى بقالى يومين بقرأ مواضيع جديده فى المنتدى وشيقه جدا جدا

اما بالنسبه لموضوع اتعرفت بشريك حياتك ازاى فالموضوع ده اثر فيا جامد وانا اساسا حيسيس اقوى لانى ماعنديش نص تانى علشان احكى اتعرفت عليه ازاى انا ماعنديش الا الاب توب بتاعى لسه جايبه امبارح قسط ممكن احكى عنه باعتبار انه اكتر واحد قاعد معايا 24 ساعه !!؟؟؟؟

شارك هذه المشاركه


رابط المشاركه
شارك
مش عارف ليه مش مصدق بؤك يا لولا

يعني كل واحده تبص من خرم الباب تلاقي شاب حليوه جاي يضرب شاي عندهم تروح موافقه عليه على طول إن شالله يطلع عنده ربع ضارب أو بياكل مشابك الغسيل مثلاً ؟

بالعكس ..

أنا مصدق القصة جدا

هو في شباب بيتجوز دلوقتي (إلا ما رحم الله)

وعلى رأي المثل:

عريس في اليد خير من عشرة على الشجرة cr((:

عشرة إيه ... قصدي خير من لا شيء على الشجرة cr((:

لا مؤاخذة يا مدام لولا .. أنا بتكلم بشكل عام يعني

بالنسبة لي يا باشمهندس ياسر , أنا اتجوزت جواز تقليدي

بالرغم من إني حصل معايا في الجامعة قصص لا أحب ذكرها

نصحية أخوية:

أفضل اختيار للعروسة إنه يكون اختيار الستات قريباتك

يعني أمك , أختك , أو أي قريبة لك

لأن الستات بيكونوا عارفين بعض كويس..

وربنا يوفقك يابني .. ونفرح فيك .. آسف .. قصدي نفرح بيك cr((:

شارك هذه المشاركه


رابط المشاركه
شارك

كان حمايا صاحبى وكل شوية يحكى عن بنته ..

الأول قبل ما اقول .. رحت مرة أقابل شخص فى مكان ما .. قالولى بعد اذنك انتظر هنا واستأذنو من حمايا .. انا بهبل وعبط قلتله هيكون لنا مع بعض شأن كبير .. مع العلم لا كنت عارف انا رايح ليه ولا هأقابل مين .. شوية وقابلت الرجل اللى راياح اقابله .. وقاللى هنكلفك بشغل معين لفترة معينة .. وبدأت العلاقة مع حمايا .. اللى قعد يحكيلى عن أسرته .. وانا أحكيله عن قصة العذاب اللى عايشها مع أهل البنت اللى بأحبها ..

هو كان عزمنى فى يوم عنده فى البيت ..

بعد ما حصلت الفركيشة الكبيرة بأربعتيام .. قلت أكلم حمايا .. بعت له زميل فى الشغل .. لقيته جاى تانى يوم المكتب يبص على وانا مكوع ايدى على رسى خايف من الاقلام تنزل ترف .. قالى يا راجل هو فيه بيننا حاجز مش كنت تكلمنى مباشرة؟

بعد 5 أيام كنت كاتب كتابى .. وانتهت القصة أو بدأت .. بعد شوية فقت لقيتنى متجوز ..

بس الحقيقة انا حبيت زوجتى من خلال حماتى .. وفى أول قعدة معاها عشان توافق ولا لأ .. حكيت لها قصتى وقلت لو جت فرصة هأتجوزها .. ومن يومها معايا رخصة ..

نسيت أقول انه قربت على تأبيدة بدون اى أمل فى الافراج هههههههههههههههههههههه

تم تعديل بواسطة بندق أفندى

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • ماذا تفعل مع زوجتك و ماذا تفعلين مع زوجك إذا اختلفتم على الدستور ؟؟؟

      أهلا أعزائي منذ قيام ثورة 25 يناير و تعدد الأهداف و تباينها اصبح هناك اختلاف وصل حد الحلاف في الرأي بين الجيران والأصدقاء و العائلة بل و أفراد الأسرة الواحدة !!! و بعد الأحداث الأخيرة ازداد التوتر و السؤال إلى أي حد تؤثر الأحداث الأخيرة على أعصابنا و تحملنا ماذا لو أنك من أنصار" نعم" و زوجتك من أنصار" لا " أو العكس ماهو موقفك منها و شعورك

      في موضوعات خفيفة

    • كيف تعرفت على محاورات المصريين ؟

      اتعرفت اذاى على موقع المحاورات هل عرفتة عن طريق صديق لك ولا عن طريق البحث عن موضوع معين ولا بالصدفة وماهو اول موضوع قرأتة فى المحاورات واول موضوع كتبت او علقت علية هل برأيك ان المحاورات اضافت لك شىء (ثقافة ,معلومة ,غيرت فكر كان سائد فى ذهنك .....الخ) من هو اكثر عضو بتحب تقراء مواضيع له ومن هو اكثر عضو بيعجبك تعليقاتة

      في موضوعات خفيفة

    • ما هو اسم زوجتك (زوجِك) في تليفونك المحمول؟!

      قرأت من فترة تحقيقا صحفيا بعنوان ما هو اسم زوجك أو زوجتك في الجوال (التليفون المحمول) وكانت المفاجأة أن بعض الرجال يسمون زوجاتهم في تليفوناتهم المحمولة بأسماء مثل: "ورطة" "أم44" "بلية" "شيطونة" "غلطة عمري" !!! :blush2: بينما يسمي آخرون زوجاتهم في جوالاتهم بأسماء مثل: "الأهل" "الغالية" "شريكة العمر" "القمر" "أم فلان" وفي المقابل فهناك زوجات اخترن لأزواجهن أسماء في تليفوناتهم مثل: "الحرامي" "الله لا يرده" "المشئوم" "هتلر" "ياخذه ويريحني" !!! والبعض (الستات الحلوين المتربيين)

      في موضوعات خفيفة

    • ايها الزوج ابعد زوجتك شوية وجاوب على السؤال دة ؟؟

      ياترى بعدت زوجتك عن جهاز الكمبيوتر وانت بتقرا التوبك دة ياريت لو معملتش كدة اعمل كدة فورا قبل ما تجاوب على السؤال اللى هاقولة الان علشان ما يكون فية احراج وتجاوب براحتك بعدت طيب اسالة انت ايها الزوج بتقول لزوجتك انت بتقبض كام بالضبط ومعاك قد اية فى البنك ياترى انت ماشى على مبدا دارى على شمعتك تقيد ومحدش يعرف حاجة ولا الجن الاحمر و السر ميبقاش سر لو طلع برة ومحدش ضامن الظروف وكدة وبلاش تعرف علشان انا مش ناقص بقى طلبات وهات هات هات بدل ما تروح تقول لماماتها و اصحابها و تبقى ليلة ل

      في موضوعات شخصية

    • هل وجدت في زوجك/زوجتك ما تمنيت قبل الزواج؟

      السلام عليكم و رحمه الله و بركاته: كل واحد فينا بيبقا ليه مواصفات لشريك/شريكه حياته, و طبعا الاخوة المتجوزين عارفين مواصفات ازواجهم/زوجاتهم. و طبعا لاننا مش في جمهوريه افلاطون و لان ليس كل ما يتمناه المرء يدركه, فحبيت اتاكد من الناس نفسها. و علشان يكون fair play فهيكون فيه سؤالين: هل شريك/شريكه حياتك يمتلك المواصفات التي كنت تتخيلها قبل الزواج؟ هل انت سعيد مع شريك/شريكه حياتك حاليا بغض النظر اذا كان يمتلك المواصفات التي كنت ترغب بها ام لا؟ لو خايف او مكسوف ممكن تقول اي حكايه عايز تقولها و تن

      في موضوعات شخصية

×
×
  • اضف...