اذهب إلى المحتوى
محاورات المصريين

كيف تعرفت على زوجك / زوجتك؟


MuslimaEgyptian

Recommended Posts

بعد ما قريت القصاقيص بتاعتكم .. حمدت ربنا إن مش انا لوحدي اللي عيان

يعني اكتشفت ان كل الرجالة المتجوزين تٌقال وعاقلين وما بيتكلمش كتير في الفاضية والمليانه لدرجة ان بيتقال على كثير منهم متكبرين ... يعني مش انا لوحدي

الحمد لله

------------

بس بصراحة

قصص اولادنا اللي اتجوزوا عن طريق النت غيرت عندي قناعات كثيرة .... للأفضل طبعاً

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

[ بركه يا بركه 000كلهم فى الاول بيبقوا كده

والله بعد كام سنه انت اللى بتسكتى وهو اللى بيتكلم 0000الحياه مراحل

فكرتيني بالنكته اللي بتقول

ايام الخطوبة ... الراجل هو اللي بيتكلم والمرأة هي التي تسمع

وفي اول الجواز .... المرأة هي التي تتكلم والراجل هو اللي بيسمع

وشويه يدقدقوا كده ودفعتهم تبقى لواءات ... هما الاتنين يتكلموا وامة لا اله الا الله هي اللي بتسمع

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

قصتك يا ريمو جميلة جداااا بصراحة غيرت وجهة نظرى فى حاجات كتيرة كنت دايما اؤمن بان النت معظمة

خيال والخيال دايما احلى كتير من الحقيقة و لما يجى وقت الحقيقة بيروح منة روح المغامرة والاثارة والخيال و

كنت دايما اعتقد انها فترة و بتروح وان الحب بيجى نتيجة التعود بترتبطى بالشاشة اكتر من الشخص نفسة

بس بجد غيرتى مفاهيم جديدة بالنسبة ليا

سؤال يا ريمو

مش قلقانة من حاجة يا ريموو لما بتلاقى جوزك امام شاشة الكمبوتر مش بيثير غيرتك الموضوع دة

سؤال بجد جة على بالى و انا بقرا قصتك

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

فعلا سؤال يطرح نفسه n2&(

احنا بنهدي الفوس :happy: n2&(

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

مساء الخير...أنا رجعت لأن فى واحدة صاحبتى ظبطتنى و قالت لى...

أقفى عندك...أرفعى إيديكى لفوق :roseop:

أنتى جاية تعلقى على القصص و ما حكتيش....لازم تحكى

حاااااضر من عينيا...

بلغنى أيها الملك السعيد ذو الرأى الرشيد...كان فيه بنت متخرجة جديد

كانت شغالة فى صيدلية...وكلها واجهات زجاج من كل ناحية

كان معدى المحبوب وهو نازل من عيادة دكتور قريبة من الصيدلية...أصل هو زميل مهنة و بيشتغل مندوب دعايا فى شركة أدوية

المهم شاف واحدة قاعدة جوه...قال لازم ندخل نشوف إيه النظام...بس ما دخلش...لأنه كان مستعجل

عدى شهرين و إتنسى الموضوع...وبعدين لما جه زار الدكتور تانى إفتكر موضوع البنت اللى جوة الصيدلية..قال ندخل نشوف

لقيت شاب أمور داخل و مبتسم إبتسامة عريضة :happy: يعنى قلت فى نفسى هو ماله مبسوط قوى كدة ليه؟؟

قالى بعدين...السبب إنه أول ما شافنى قال هى دى مراتى...أنا عارفها....بس لسه هنقول نتعرف و كدة...و بعدين تعمل شويتين بتوع البنات و تتقل عليا...ما تنجزى يا بنتى

أصل جوزى إنسان ملول بدرجة فظيعةةة!!!

المهم ...

دخل ال صيدلية ...عرفنى بنفسه...زيارة شغل عادية...الدوا بتاعه...مش عندى أصلا...ماهو الدكتور بعيد عنى وتحته علطول صيدلية....يبقى صيدليتى من الأساس ملهاش فايدة

لقى كدة الزيارة هتخلص وما طلعش بأى معلومة ولا حتى أسمى...و الكلام خلص!!!!

قالى ما بتدوريش على شغل؟؟

مبسوطة هنا يعنى؟؟

و أنا كنت ساعتها بدور فعلا...فاستغربت...قلت له بدور...عندكم مكان فى الشركة؟؟

حس بالتدبيسة...قال لى فى واحد صاحبى بيدور كمان n2&( و بعرف منه الشركات اللى طالبة...إدينى سى فى ليكى

الصراحة معاييش حاليا...

خلاص أنا جاى بعد يومين هاتيها معاكى....

بعد يومين....

معلهش أنا نسيت السى فى

أصلا أنا عملت مقابلة ...و أتقبلت و هسيب هنا...متشكرة

ط..طيب...أسألى لصاحبى محتاجين حد تانى؟؟

حاضر أسأل و أقولك...

خدى رقم موبايلى...

كلاكيت تالت مرة

هه سألتى لصاحبى

هو فيه إيه؟؟؟ لأ آسفة نسيت...حاضر هاسأل و أرد عليك

فى هذه الأثناء يدخل واحد كان مكلمنى فى موضوع إرتباط من قبل كدة و قالى هعدى عليكى نتكلم شوية و كمان عشان أعرف آجى البيت أتعرف عليهم إمتى؟

طبعا صاحبنا جه وقف بعيد و بيبص فى السقف...و أنا متلخبطة و مش عارفة أعمل إيه

قولت ..ماشى يا دكتور مش عايز حاجة تانى؟؟ إتزحلق بأة وورينى عرض كتافك

ساعتها لقيت وشه إتغير...وفهم الأخ اللى واقف دة عبارة عن إيه...وما شفتوش تانى

يروح يلاقى عربيته الأربع فرد نايمين...عرفت بعدين الكلآم دة...عشان كان قافل على باركينج

المهم ...الموضوع التانى باظ...و أنا إتشغلت...و جالى أوفر فى شركة أحسن

فافتكرته عشان أخلى صاحبه ييجى يقدم مكانى...أتصلت...حماتى ردت قلتلها سيبيله خبر إن الدكتورة سوسورانى إتصلت بخصوص شغل لصاحبه

هو بأه ماكنش طايقنى ساعتها و قال دى شكلها بتدور فى دفاترها القديمة....بس أتصل برضه ماقدرش يقاوم

قالى هديكى السى فى إزاى....مش عارفة زى ما أنت عايز

قلت له خلاص ...عديها على ماما فى الصيدلية...دة مكان تانى طبعا

يقوم يروح و يجيب لماما معاه بوكيه ورد بمناسبة عيد الأم...ماهو كان يومها

وقعد يتكلم معاها و عامل حسابه و متشيك عشان كشف الهيئة

ماما جت معجبة بيه جدا...قلت لها يا ستى ماهو قالش أى حاجة ولا لمح...

تقولى هتشوفى...

المهم بعد كدة أتصل بيقولى طالعين رحلة يوم الجمعة مع ناس اصحابى...تيجى؟؟

نعم يا أخويا...و أنا إيه صفتى....عادى ما حدش هيسأل

طبعا سمعته كلمتين زبالة وطنشته

بس يوم الرحلة دى إديته ميسد على الموبايل...ضميرى أنبنى

لما روح...إتصل بيا وهو فى منتهى السعادة ...من الميسد...و قال لى مش كنتى جيتى؟؟

إديته كلمتين زفت بس أقل من التانيين

المهم سألته على مكان تخليص ورق معين يخص التكليف...فقال لى أوصلك

المهم كنت فاكراه هيوصلنى و يمشى...طلع واخد اليوم أجازة مخصوص...ودى كانت أول مرة أخرج معاه لوحدى

و الورق كان معقرب...ورحنا مية حتة وهو فى منتهى السعادة إن الورق مش راضى يخلص...و حكينا فى حاجات كتير...و أبتدى يحكى لى حاجات شخصية قوى

و لقيتنى مستريحة قوى و بحكيله من غير ما أفكر....كان يوم رائع...وبعدين راح جاب سندوتشات و بيبسى و أصر نتغدى مع بعض...رغم إنى ما كنتش راضية خالص

و قعد يلف ويسوق فى طريق رأس الرجاء الصالح...عشان ما أوصلش البيت بسرعة

لدرجة لما باسأله...إيه الطريق دة؟؟

قال لى مستعجلة ليه على المرواح...كان سايق بسرعة عشرين تقريبا n2&(

وكفاية كدة...لو حد ليه نفس فى الباقى يقولى

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك

كملي كملي يا سوسو كلنا اذان صاغية :happy:

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

طبعا لينا نفس يا سوسو احنا مستنين بقية القصة اية ؟؟؟

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

وسع يا جدع انت و هي

ريمو جت تحكيلكم احلى قصة حب فيكي يا جمهورية مصر العالمية :) :lol: :wub:

انه في يوم الاربعاء الموافق 4/7/2001 و الساعة تشير الي الثامنة مساء كفاية كده لغة عربية فصحي نكمل بالمصري عشان تعبت :unsure:

كنت قاعدة على ال icq كالعادة كل يوم لقيت واحد بعتلي رسالة و قالي ممكن نتعرف و اقسم بالله العظيم من اول الكلمة دي و انا حسيت باحساس غريب اني مشدودة للاخ صاحب الرسالة و رديت عليه ايوة ممكن مين معايا

بس و قدنا نتكلم ساعات كتير و كنت لما حد من اصحابي و صحباتي يتكلموا معايا و انا باكلمه يا اما ما اردش او اقول معلش مشغولة لاني كنت عاوزة افضل مركزة معاه هو ...هو و بس

و قعدنا على الحال دا اسبوع و تظبطوا عليا الساعه 8 بالتمام اكون قاعدة و اول ما يفتح اعمل بلوك لكل الناس الا هو و في اليوم السابع لمعرفتنا لقيته بيقولي تتجوزيني قولت في عقل بالي اه ما احنا كنا كويسين بتلعب في عداد علاقتنا ليه من بدري كده لان طبعا انتوا عارفين ال icq الجملة دي اتعرضت ليها كتير و اول ما تتقال ادي الاستاذ اللي قالها احلى صابونة

المهم لما هو قال كده ما اعرفش ايه اللي خلاني اكمل كلام معاه و لقيته بيقولي انا لا باهزر و لا بالعب و اديني رقم تليفون حد كبير من اهلك اكلمه قولت في نفسي ما تجربي هاتخسري ايه و هو برة مصر اصلا يعني ما اعتقدش انه هايتصل دولي عشان يلعب و زمان كان الاتصال بقى من كباين و الدقيقة ب 5 ريال

و فعلا اديتله رقم تليفون خالتي و بعدها بشوية لما دوامه خلص لقيته اتصل بيها و قالها على ظروفه و انه عاوز فعلا يرتبط بيا و قالها شوفي حضرتك رتبي مع باباها و مامتها و انا تحت امركم

كل الحوار اللطيف دا و انا ما شوفناش بعض اصلا و دي نقطة كانت مخوفاني جدا و قولتله ان العين لازم تحب هي كمان ممكن ما اعجبكش لما تشوفني او العكس

و يشاء الله اننا نتقابل في السعودية كان خالي طالع عمرة و ماما قالتله يحجزلنا فيها هي و انا و جدي الكلام دا قبل ماما ما تعرف اي حاجه عن الحوار دا يعني سفرية العمرة كانت مترتبة من فترة

و فعلا لما جت التاشيرات و كله تمام قولتله اننا طالعين عمرة قام بعت باباه و مامته عندنا البيت و بابا قالهم خلاص يشوفوا بعض هناك و لو في نصيب ربنا يقدم اللي فيه الخير

طبعا بابا ما كانش يعرف اننا نعرف بعض من النت و الا كان زمانه قطع رقبتي لكن خالتي قالت ان الناس دول من طرفها لان بابا صعب شويتين تلاتة بصراحة

المهم سافرنا العمرة و هو كان في القصيم و احنا في المدينة قام دب المشوار من القصيم للمدينة بس عشان نشوف بعض و اول مرة اتقابلنا كان في الحرم النبوي الشريف و بعدين رحنا مكة و هو ورانا برضه ما فيش فايدة هو اللي جابه لنفسه بقى :blink:

و بابا اتصل بيا و قالي ايه رأيك و قولتله موافقة يا بابا طبعا بابا فرح اوي لاني كنت باطلع في كل عريس يتقدملي القطط الفطسة (مثال لا يا بابا مش عاجبني الولد دا لانه لون الشراب اللي لابسه مش لايق على الهدوم يعني ما عندوش ذوق في لبسه و خدوا من دا كتير)

لاني بصراحة طول عمري باحلم اتجوز واحد عن حب و حب كده من بتاع اول نظرة المهم طلع حب من اول ماسج على ال icq :lol: :wub:

و فعلا نزل و اتجوزنا الحمدلله و مازال الحب مستمرا و عندنا الانسة المحترمة مريم ربنا يخليها و يهديها

ايه رأيكم بقى في الكصة العاطفية دي حب من وراء شاشة الكومبيوتر

اكيد فتفوتة طبعا هاتسال اول ما شوفتوا بعض حسيتوا باية و من غير ما تسالي يا فتفت ياختي اقولك

كنا متفقين اننا نتقابل وسط العائلة و خلاص و بعدين انا رجعت في كلامي و قولتله لأ نتقابل انا و انت الاول لوحدنا ممكن ما يحصلش قبول بينا و منعا للاحراج يعني ليك او ليا خالينا نشوف احنا بعض الاول و لو تم القبول خلاص تقابل ماما و خالي و جدي و كده

و اتفقنا اننا لو حد فينا ما عجبوش التاني برضه منعا للاحراج نستأذن بطريقة لطيفة و يقول طيب انا لازم اقوم اتوضا عشان الحق الصلاة

و فعلا اتقابلنا في الحرم بعد خناقة محترمة في التليفون لاننا ما نعرفش شكل بعض و عمالين نلف بقى انت لابس ايه و انتي لابسة ايه و الحورات دي و كنا بعد صلاة الضهر مباشرة لما الشمس اكلتني بجد و في الاخر انا بقى قولتله بص من الاخر كده انا هاقف في اقرب مكان ضل و مش هالف على حد انت اللي تلف لقيتني لقيتني ما لقتنيش خلاص

المهم فعلا عملت زي ما قولت و فضلت واقفة في مكان ضل لقيت واحد جي ناحيتي كده و بيقولي انتي واقفة هنا و انا بالف عليكي من بدري بكل هدوء كده و انا كانت راسي بتغلي من الشمس اصل جوزي هااااااااااااااادي اوي و رايق في نفسه كده

المهم نزلنا نركب العربية و نتمشى شوية بيها كده عشان نتكلم في هدوء و نشوف ايه الموضوع مش قادرة اقولكم كانت حالتي لا تسر عدو و لا حبيب متوترة جدا و توتري دا اتقلب لحالة من التناكة الشديدة بصراحة انا لو منه كنت قولت انا رايح اتوضى في الازهر الشريف و خلص نفسه :lol:

نزلنا عند العربية لقيته رايح يركب كده و سايبني قومت بكل تناكة ايه دا انت مش هاتفتحلي باب العربية حسيت على وشه انه اتخض كده من كلامي و اسلوبي و انا اول مرة اشوفه يعني المهم قالي لأ طبعا معلش انا اسف ما اخدتش بالي (من يومها بصراحة و هو بيفتحلي باب العربية هي كده الانطباعات الاولى تدوم wst::)

قولتله بكل تناكة انا عطشانة كان في ازازة معاه في العربية مفتوحة كده ادهالي قولتله ايه دي مفتوحة قالي معلش اشربي لحد ما نطلع برة و انا هاجيبلك واحدة مقفولة مش بتقولي عطشانه معلش بلي ريقك بس قولت لا طبعا باقرف اشرب مكان حد بصلي كده بكل هدوء قالي طيب انا معايا صندوق مايا في العربية بس سخنة طبعا قولتله ماشي بس اهم حاجه تكون مقفولة و نزل فعلا جابلي مايا ما شربتش غير بوء صغير جدا انا اصلا ما كنتش عاوزة اشرب انا كنت باحاول بس اداري التوتر و اضيع وقت لحد ما اهدى نفسيا

المهم طولت عليكم بعد ربع ساعه كده حسيت اني شوفته من 5000 سنة قبل الميلاد و هو كمان و كلامنا بقى عادي جدا كاننا بنتكلم على النت ما فيش اي فرق و بعدها روحنا المسجد تاني و قابل اهلي و توتة توتة خلصت الحدوتة حلوة و لا ملتوتة؟؟؟؟؟؟؟؟؟

اجمد حاجه فى الكصه دى انا انتوا اتقابلتوا اول مره فى الحرم النبوى بس انتوا عمركم ا شفتم بعض حتى لو فى الصور غريبه دى !!!!

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

مساء الخير...أنا رجعت لأن فى واحدة صاحبتى ظبطتنى و قالت لى...

أقفى عندك...أرفعى إيديكى لفوق :lol:

أنتى جاية تعلقى على القصص و ما حكتيش....لازم تحكى

حاااااضر من عينيا...

بلغنى أيها الملك السعيد ذو الرأى الرشيد...كان فيه بنت متخرجة جديد

كانت شغالة فى صيدلية...وكلها واجهات زجاج من كل ناحية

كان معدى المحبوب وهو نازل من عيادة دكتور قريبة من الصيدلية...أصل هو زميل مهنة و بيشتغل مندوب دعايا فى شركة أدوية

المهم شاف واحدة قاعدة جوه...قال لازم ندخل نشوف إيه النظام...بس ما دخلش...لأنه كان مستعجل

عدى شهرين و إتنسى الموضوع...وبعدين لما جه زار الدكتور تانى إفتكر موضوع البنت اللى جوة الصيدلية..قال ندخل نشوف

لقيت شاب أمور داخل و مبتسم إبتسامة عريضة :lol: يعنى قلت فى نفسى هو ماله مبسوط قوى كدة ليه؟؟

قالى بعدين...السبب إنه أول ما شافنى قال هى دى مراتى...أنا عارفها....بس لسه هنقول نتعرف و كدة...و بعدين تعمل شويتين بتوع البنات و تتقل عليا...ما تنجزى يا بنتى

أصل جوزى إنسان ملول بدرجة فظيعةةة!!!

المهم ...

دخل ال صيدلية ...عرفنى بنفسه...زيارة شغل عادية...الدوا بتاعه...مش عندى أصلا...ماهو الدكتور بعيد عنى وتحته علطول صيدلية....يبقى صيدليتى من الأساس ملهاش فايدة

لقى كدة الزيارة هتخلص وما طلعش بأى معلومة ولا حتى أسمى...و الكلام خلص!!!!

قالى ما بتدوريش على شغل؟؟

مبسوطة هنا يعنى؟؟

و أنا كنت ساعتها بدور فعلا...فاستغربت...قلت له بدور...عندكم مكان فى الشركة؟؟

حس بالتدبيسة...قال لى فى واحد صاحبى بيدور كمان :blink: و بعرف منه الشركات اللى طالبة...إدينى سى فى ليكى

الصراحة معاييش حاليا...

خلاص أنا جاى بعد يومين هاتيها معاكى....

بعد يومين....

معلهش أنا نسيت السى فى

أصلا أنا عملت مقابلة ...و أتقبلت و هسيب هنا...متشكرة

ط..طيب...أسألى لصاحبى محتاجين حد تانى؟؟

حاضر أسأل و أقولك...

خدى رقم موبايلى...

كلاكيت تالت مرة

هه سألتى لصاحبى

هو فيه إيه؟؟؟ لأ آسفة نسيت...حاضر هاسأل و أرد عليك

فى هذه الأثناء يدخل واحد كان مكلمنى فى موضوع إرتباط من قبل كدة و قالى هعدى عليكى نتكلم شوية و كمان عشان أعرف آجى البيت أتعرف عليهم إمتى؟

طبعا صاحبنا جه وقف بعيد و بيبص فى السقف...و أنا متلخبطة و مش عارفة أعمل إيه

قولت ..ماشى يا دكتور مش عايز حاجة تانى؟؟ إتزحلق بأة وورينى عرض كتافك

ساعتها لقيت وشه إتغير...وفهم الأخ اللى واقف دة عبارة عن إيه...وما شفتوش تانى

يروح يلاقى عربيته الأربع فرد نايمين...عرفت بعدين الكلآم دة...عشان كان قافل على باركينج

المهم ...الموضوع التانى باظ...و أنا إتشغلت...و جالى أوفر فى شركة أحسن

فافتكرته عشان أخلى صاحبه ييجى يقدم مكانى...أتصلت...حماتى ردت قلتلها سيبيله خبر إن الدكتورة سوسورانى إتصلت بخصوص شغل لصاحبه

هو بأه ماكنش طايقنى ساعتها و قال دى شكلها بتدور فى دفاترها القديمة....بس أتصل برضه ماقدرش يقاوم

قالى هديكى السى فى إزاى....مش عارفة زى ما أنت عايز

قلت له خلاص ...عديها على ماما فى الصيدلية...دة مكان تانى طبعا

يقوم يروح و يجيب لماما معاه بوكيه ورد بمناسبة عيد الأم...ماهو كان يومها

وقعد يتكلم معاها و عامل حسابه و متشيك عشان كشف الهيئة

ماما جت معجبة بيه جدا...قلت لها يا ستى ماهو قالش أى حاجة ولا لمح...

تقولى هتشوفى...

المهم بعد كدة أتصل بيقولى طالعين رحلة يوم الجمعة مع ناس اصحابى...تيجى؟؟

نعم يا أخويا...و أنا إيه صفتى....عادى ما حدش هيسأل

طبعا سمعته كلمتين زبالة وطنشته

بس يوم الرحلة دى إديته ميسد على الموبايل...ضميرى أنبنى

لما روح...إتصل بيا وهو فى منتهى السعادة ...من الميسد...و قال لى مش كنتى جيتى؟؟

إديته كلمتين زفت بس أقل من التانيين

المهم سألته على مكان تخليص ورق معين يخص التكليف...فقال لى أوصلك

المهم كنت فاكراه هيوصلنى و يمشى...طلع واخد اليوم أجازة مخصوص...ودى كانت أول مرة أخرج معاه لوحدى

و الورق كان معقرب...ورحنا مية حتة وهو فى منتهى السعادة إن الورق مش راضى يخلص...و حكينا فى حاجات كتير...و أبتدى يحكى لى حاجات شخصية قوى

و لقيتنى مستريحة قوى و بحكيله من غير ما أفكر....كان يوم رائع...وبعدين راح جاب سندوتشات و بيبسى و أصر نتغدى مع بعض...رغم إنى ما كنتش راضية خالص

و قعد يلف ويسوق فى طريق رأس الرجاء الصالح...عشان ما أوصلش البيت بسرعة

لدرجة لما باسأله...إيه الطريق دة؟؟

قال لى مستعجلة ليه على المرواح...كان سايق بسرعة عشرين تقريبا :unsure:

وكفاية كدة...لو حد ليه نفس فى الباقى يقولى

تحياتى

سوسورانى

عارف انا شغل المندوبين ده ودول معظمهم بيتجوزوا مندوبات علشان ليهم مصطلحات غريبه مافيش حد يفهمها الا مندوب او مندوبه زيهم

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

5111'اجمد حاجه فى الكصه دى انا انتوا اتقابلتوا اول مره فى الحرم النبوى بس انتوا عمركم ا شفتم بعض حتى لو فى الصور غريبه دى !!!!

معاك حق يا عنبى والله

ماشفتوش حتى صور على النت ؟؟؟ أشك 00متهيألى لازم تكونوا شفتوا صور لبعض قبل خطوه المقابله

ولما شفتوا بعض يا ريمو ما حستيش انك كنت متخيله انه مثلا اسمرانى وطلع ابيض او طوييييل و قصير؟ حاجه من هذا القبيل؟؟

سبحان الله جمع ووفق 00 ربنا يسعدك يارب

بس جاوبينى الاول :lol:

294043709.gif
رابط هذا التعليق
شارك

ريمو ده احنا فعلا توئم انا بموت فى الجوافه

بس انت مش شايفه حاجه ان فعلا النصيب غلاب

يعنى انت كنت فى منتها الغلاسه ومع ذلك هو استحملك

متهيقلى اكيد كان لك عنده رصيد كويس

من المشاعر علشان كده سكت عليك واستحملك

بس هو انت بتغلس كده مع كل الناس لما بتتحرجى ولى ده كانت حاله وعده

ربنا يديم الحب والموده بينكم

طبعا يا بنتي هو حد يستحمل حد كده الا اذا كان بيحبه فعلا

لا ما تخافيش يا ايمانو الغلاسة دي موقف و عدى اصلي مش باتجوز كل يوم

انا باغلس على الرجالة اللي طالبين يتجوزوني بس :lol:

بس بصراحة

قصص اولادنا اللي اتجوزوا عن طريق النت غيرت عندي قناعات كثيرة .... للأفضل طبعاً

شكرا ليك يا بابا س س

قصتك يا ريمو جميلة جداااا بصراحة غيرت وجهة نظرى فى حاجات كتيرة كنت دايما اؤمن بان النت معظمة

خيال والخيال دايما احلى كتير من الحقيقة و لما يجى وقت الحقيقة بيروح منة روح المغامرة والاثارة والخيال و

كنت دايما اعتقد انها فترة و بتروح وان الحب بيجى نتيجة التعود بترتبطى بالشاشة اكتر من الشخص نفسة

بس بجد غيرتى مفاهيم جديدة بالنسبة ليا

سؤال يا ريمو

مش قلقانة من حاجة يا ريموو لما بتلاقى جوزك امام شاشة الكمبوتر مش بيثير غيرتك الموضوع دة

سؤال بجد جة على بالى و انا بقرا قصتك

اصلا جوزي مهندس كومبيوتر يعني شغله اصلا كومبيوتر في كومبيوتر

بصي في فرق بين الغيرة و الشك يعني انا باغير عليه من الهوا الطاير لكن ثقتي فيه كبيرة

احنا بينا حب كبير و ثقة كمان كبيرة الحمدلله

عارفه و الله العظيم من اول ما عرفنا بعض بجد ما بقاش في مكان في حياتنا اننا نقعد نعمل شات

الموضوع اقتصر على الاهل بس و مننا لنفسنا كده

عارفه لما تلاقي كل حاجه انتي عاوزاها في شخص واحد و دا بيغنيكي عن الدنيا كلها

هو دا اللي حاصل بيني و بينه الحمدلله

و كمان لو انا قلقلت من قعدته قدام الكومبيوتر ما هو كمان ممكن يحس نفس الاحساس

و عيشتنا هاتبقى نكد في نكد

الحمدلله فضل من الله اننا كل واحد فينا بيثق في التاني ثقة قوية و ربنا يديمها نعمة علينا احنا الاتنين

فعلا سؤال يطرح نفسه :wub:

احنا بنهدي النفوس :unsure: :blink:

يا رب تكوني هديتي انتي يا ايس ياختي :)

5111'اجمد حاجه فى الكصه دى انا انتوا اتقابلتوا اول مره فى الحرم النبوى بس انتوا عمركم ا شفتم بعض حتى لو فى الصور غريبه دى !!!!

معاك حق يا عنبى والله

ماشفتوش حتى صور على النت ؟؟؟ أشك 00متهيألى لازم تكونوا شفتوا صور لبعض قبل خطوه المقابله

ولما شفتوا بعض يا ريمو ما حستيش انك كنت متخيله انه مثلا اسمرانى وطلع ابيض او طوييييل و قصير؟ حاجه من هذا القبيل؟؟

سبحان الله جمع ووفق 00 ربنا يسعدك يارب

بس جاوبينى الاول :lol:

ميرسي يا محمد فعلا دي احلى حاجه اننا اول مرة نتقابل فيها كان عند الرسول عليه الصلاة و السلام

يمكن دا اللي كان مطمني كمان اوي مش اي حد ممكن يقابل شريك عمره في مكان روحاني زي دا

بالنسبة للصور عشان الامانة يعني و الله بعتله صورة ليا و انا عندي 6 شهور و ايه في البريد كمان مش على النت

قولتله هابعتلك صورتي و شوقته جامد الراجل بقى كل يوم رايح جي على البريد

لحد اليوم الموعود و وصل الجواب اللي فيه الصورة بجد كان نفسي اشوف تعبيرات وشه لما شافني و انا بيبي

بس طبعا هو اقتنع بيا اكتر بعدها لان الجواب بيبان من عنوانه يا جماعة يعني بيبي زي القمر و كلبوظة كده و جميلة هاتكون ازاي لما كبرت قمرين دول و لا عينيك طبعا wst::

لا بجد بقى احنا من ضمن الكلام شكلك ايه شكلك ايه و حوارات كده ممكن ترسم صورة في خيالك تقريبيه

و الله هو بيحلفلي اني اللي كانت في باله

و انا كان نفسي اتجوز واحد اسمراني و عينيه حلوة و قد كان :lol: :wub:

و الله هو في الاول و الاخر نصيب و ربنا لما بيكون كاتب و مقدر حاجه بتحصل غصب عن ارادة اي حد

عارفين لما رحنا مكة بعدها وقفت هناك في الملتزم و دعيت ربنا لو فيه خير ليا يقربه مني و يتم الموضوع على خير و لوا شر ليا ابعده يا رب عني والحمدلله ربنا قربه و الموضوع تم يبقى اكيد كل الخير

تم تعديل بواسطة remo
رابط هذا التعليق
شارك

يا جماعة سوسو بتيجى بالليل بس اللى عاوزها يستناها واللى وراه مشوار ولا حاجة مايعطلش نفسه دلوقتى ويرجع اخر النهار

جامدة دي اوي يا فتفوتة :lol: :unsure:

ادينا مستنين سوسو كلنا و عمالين نهتف عاوزين سوسو عاوزين سوسو :blink:

رابط هذا التعليق
شارك

منتظرين .. شاكرين .. مهللين :lol:

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

بس بصراحة

قصص اولادنا اللي اتجوزوا عن طريق النت غيرت عندي قناعات كثيرة .... للأفضل طبعاً

أهو ده اللي كنت خايف منه

على فكرة , البحث عن الزوج أو الزوجة عن طريق النت مشاكله كثير جدا

وبحذر أخواتنا البنات من ذلك

مش معنى إن فيه زواجات نجحت عن طريق النت إن الطريقة ديه صحيحة على الدوام

في دراسة حديثة ذكرت إن 95 في المية من الشباب اللي بيسجلوا في مواقع الزواج لا يريدون الزواج أصلا

وإنما يريدون إقامة علاقات محرمة

وبالنسبة للإيميل والمنتديات والكلام ده , فهي برده محفوفة بالمخاطر

فما الذي يضمن أن هذا الشخص الذي يراسل ويكتب في المنتديات أنه صالح أو فتاة صالحة..

نحن جميعا أشباح خلف الكي بورد والشاشات ..

والله أعلم بسرائر كل واحد فينا

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

بس بصراحة

قصص اولادنا اللي اتجوزوا عن طريق النت غيرت عندي قناعات كثيرة .... للأفضل طبعاً

أهو ده اللي كنت خايف منه

على فكرة , البحث عن الزوج أو الزوجة عن طريق النت مشاكله كثير جدا

وبحذر أخواتنا البنات من ذلك

مش معنى إن فيه زواجات نجحت عن طريق النت إن الطريقة ديه صحيحة على الدوام

في دراسة حديثة ذكرت إن 95 في المية من الشباب اللي بيسجلوا في مواقع الزواج لا يريدون الزواج أصلا

وإنما يريدون إقامة علاقات محرمة

وبالنسبة للإيميل والمنتديات والكلام ده , فهي برده محفوفة بالمخاطر

فما الذي يضمن أن هذا الشخص الذي يراسل ويكتب في المنتديات أنه صالح أو فتاة صالحة..

نحن جميعا أشباح خلف الكي بورد والشاشات ..

والله أعلم بسرائر كل واحد فينا

مافيش مشكلة ..

يعني لما الطرف التاني يقولك أنا رئيس وزرا .. هاتصدقه على طول ؟

مش في حاجه إسمها فترة تعارف تقدر تفهم فيها اللي قدامك من كلامه من تصرفاته وأفعاله وردود أفعاله ؟

ولا الواحد يتعرف على شريكه على النت ومن أول مقابلة يروح يشيل ويمشي ؟

أنا معاك .. الناس من ورا الكيبوردات ممكن يعملوا البحر طحينه .. لكن يظل الإنسان عنده فطنه ومش كل حاجه يسمعها او يقرأها يصدقها ... فسوء الظن من حُسن الفِطن ... ما بالك بالجواز والإرتباط ؟

حتى في الواقع الحقيقي يا سهل ... اللي عايز ينصب بينصب واللي عايز يكدب بيكدب وما يهموش هو حقيقة أم شبح ... وأظن مش كل جوازات الصالونات ناجحة ولا حتى علاقة الحب قبل الزواج سواء أثناء الدراسة أو في العمل أو ما شابه بتبقى ناجحة .؟

فده بيتوقف على دراسة شخصية الأخر دراسة جيده .. وبعد كده التوفيق من عند ربنا واللي مكتوب له حاجه لازم يشوفها ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

[

مافيش مشكلة ..

يعني لما الطرف التاني يقولك أنا رئيس وزرا .. هاتصدقه على طول ؟

مش في حاجه إسمها فترة تعارف تقدر تفهم فيها اللي قدامك من كلامه من تصرفاته وأفعاله وردود أفعاله ؟

ولا الواحد يتعرف على شريكه على النت ومن أول مقابلة يروح يشيل ويمشي ؟

ما هو الخوف كله يا أستاذ سين من فترة التعارف ديه

ممكن الواحد يصور للبنت إنه هو فارس أحلامها اللي ما حصلش , واللي مافيش منه اتنين

ويوقعها فعلا في حبه قبل ما تشوفه !!

والكلام ده حصل كثير , مش أوهام

وأنا عن نفسي شوفت وسمعت مشاكل كثير جدا , والبنت هي اللي بتكون الضحية

لما يتم التعرف بين شاب وفتاة عن طريق النت , أول ما ياخدوا على بعض شوية , أول حاجة بيطلبها الشاب إنها تبعت له صورة ليها

بس طبعا هو ذكي , مش بيطلب الطلب ده من أول مرة , لااااا

دا بعد ما يحس إنها اتعلقت بيه خلاص

وبعد كده يطلب مقابلة و......

طبعا هاتقولي إن الواحدة المفروض تكون عاقلة , ولا تنساق وراء هذا الكلام

لكن المشكة يا عزيزي إن البنات عاطفيين جدا

ومعروف عن الستات عموما أنهنّ أسيرات الكلام الناعم

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

ايه يامغتربه فان القصه كامله

ياله انزلى بالقصه

ولى انت بتحنسينه بس مش حتقولى حاجه

على فكره اولادى كل لما يشوفو التوقيع بتاعك يتجننو عليه قطيطى ياقطتى

ومعرفش اقلب الصفحه عيزين يقعدو يتفرجو على الصوره

و الله يا ستى لا تحنيس و لا حاجه

الموضوع و ما فيه حب من اول اميل

و على كر القطط

شوفى انا ماليه التوقيع بتاعى قطط ازاى

لكن انا فى حياتى كلها مبكرهش حاجه قد القطط

و عموما سلامه ولادك من الجنان

ابعتيلى انت بس العنوان

و انا هبعتلهم كل القطط الى فى التوقيع

دليفرى

بس الله يعينك عليهم :lol:

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

[

مافيش مشكلة ..

يعني لما الطرف التاني يقولك أنا رئيس وزرا .. هاتصدقه على طول ؟

مش في حاجه إسمها فترة تعارف تقدر تفهم فيها اللي قدامك من كلامه من تصرفاته وأفعاله وردود أفعاله ؟

ولا الواحد يتعرف على شريكه على النت ومن أول مقابلة يروح يشيل ويمشي ؟

ما هو الخوف كله يا أستاذ سين من فترة التعارف ديه

ممكن الواحد يصور للبنت إنه هو فارس أحلامها اللي ما حصلش , واللي مافيش منه اتنين

ويوقعها فعلا في حبه قبل ما تشوفه !!

والكلام ده حصل كثير , مش أوهام

وأنا عن نفسي شوفت وسمعت مشاكل كثير جدا , والبنت هي اللي بتكون الضحية

لما يتم التعرف بين شاب وفتاة عن طريق النت , أول ما ياخدوا على بعض شوية , أول حاجة بيطلبها الشاب إنها تبعت له صورة ليها

بس طبعا هو ذكي , مش بيطلب الطلب ده من أول مرة , لااااا

دا بعد ما يحس إنها اتعلقت بيه خلاص

وبعد كده يطلب مقابلة و......

طبعا هاتقولي إن الواحدة المفروض تكون عاقلة , ولا تنساق وراء هذا الكلام

لكن المشكة يا عزيزي إن البنات عاطفيين جدا

ومعروف عن الستات عموما أنهنّ أسيرات الكلام الناعم

انا اسفه استاذ سهل جدا ان اقول لك ان كلامك هذا تخطاه الزمن منذ فتره ليست بقليله

كل اشكال الزواج من تقليدى لغير تقليدى لابتكارى حتى

كل شكل منهم هناك نسبه منه تنجح و نسبه تفشل

و يعتمد بالاساس على شخصيات كل زيجه و الظروف المحيطه بها

اكثر من اعتمادها على طريقه الزواج نفسها

و كلامك هذا ايضا يذكرنى بما يماثله فى المنتديات الخليجيه و ما على شاكلتها

من انتبهى لذئب النت يا فتاهو احذرى طريق الهاويه ...............الخ

التعارف عن طريق النت مثل اى قناه تعارف اخر

و مخاطره ثماثل مخاطر اى طريقه اخرى

ومن يريد ان يكذب او يحتال ستكون هذا هو مسلكه ايا كانت الطريقه التى تعرف فيها على البنت

و موضوع الصوره ممكن ايضا انها تعطيها له يد بيد او ترسلها مع احد لو كان تعارفهم بغير طريقه

و موضوع ان البنات عاطفيين لو كانت صحيحه على المطلق ففى اى طريقه تعرف هناك احتماليه القيام بالخطوه الخاطئه

و لكن مشكله كل المجتمعات المنغلقه هى اى جديد

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      أتذكر نعيمة الصغير كانت تقول عن إحدى النجمات أن عليها أن تضع Bra على وجنتيها كانت وجنتا تلك النجمة متضخمتين عرض المقال كاملاً
    • 2
      الدكتورة ليندا  زوجة الفنان الراحل جورج سيدهم الذي توفي اليوم في أحد مستشفيات مصر الجديدة ما سبق كان إستهلالا لابد منه الدكتورة ليندا  تمثل لي  إعادة  لقصة  زوجة نبي الله أيوب ، من سنوات و أنا أتابع عطاء هذه السيدة الفاضلة في رعاية زوجها طريح الفراش منذ ٢٢ عاما  سيدتي الفاضلة ليتني أستطيع تكريمك بأكثر من هذه الكلمات  كنت مثالا راقيا رحيما 
    • 5
      أهلا أعزائي منذ قيام ثورة 25 يناير و تعدد الأهداف و تباينها اصبح هناك اختلاف وصل حد الحلاف في الرأي بين الجيران والأصدقاء و العائلة بل و أفراد الأسرة الواحدة !!! و بعد الأحداث الأخيرة ازداد التوتر و السؤال إلى أي حد تؤثر الأحداث الأخيرة على أعصابنا و تحملنا ماذا لو أنك من أنصار" نعم" و زوجتك من أنصار" لا " أو العكس ماهو موقفك منها و شعورك
    • 0
      انواع الرجال على حسب صفاتهم و كيفية التعامل مع كل صفة إن الزوجة الذكية هي التي تستطيع أن تتعامل مع زوجها بمهارة وفن ، فكلنا نعلم أنه لا يوجد هناك زوج يتصف بالكمال لذالك نجد في شخصياتهم بعض العيوب ولذالك يجب علينا مراعاة ذالك عند التعامل معهم وهنا يأتي السؤال كيف يكون ذلــــك ؟ وباختصار فإن الإجابة تكون معرفة الزوج ، أي من الأزواج هو ؟؟ ومن ثم تحديد طريقة التعامل التي تناسب نوعية الزوج وطبيعتــــــه .... ولذلك فإننا سنقوم بتقسيم الرجال على حسب صفاتهم وسنحدد كيفية التعامل مع كل صف
    • 12
      استوقفتني تلك العبارة كثيرا عندما سمعتها في فيلم One Fine Day ميشيل فايفر و جورج كلوني Treat your man like a kid and treat your kid like a man! مع اني شاهدت الفيلم منذ ما يقرب من 15 سنة طبعا قبل زواجي فعلا العبارة صحيحة 100% زوجي فعلا يريد أن يُعامل كطفل و دائما ما كنت أرى خيبة أمل على قسمات وجهه في كل مرة أتعامل معه كرجل رشيد لم أفهمها في حينها و الآن عندما قارب ابني على بلوغ الحادية عشرة من عمره أراه شديد التذمر من معاملتي له كطفل!!!! و عندما شاهدت الفيلم قريبا توقفت عند تلك العب
×
×
  • أضف...