اذهب إلى المحتوى
محاورات المصريين

فى نفاق الرئيس ..قصيدة مدح .. بمناسبة عيد ميلاد السعيد


التونسى

Recommended Posts

اليوم هو 4 مايو عيد ميلاد الرئيس اطال الله عمره :roseop: .. وكما اعلنت فى توقيعى ..كنت قد كتبت مؤخرا قصيده زجليه تتوازى مع تلك المناسبه الجليله .. اتمنى ان تحوز قبولكم .. وعذرا على نفاقى :ninja: .. فهو ينبع من تأثرى بمناقب الرئيس التى لا تعد ولا تحصى خلال فترة حكمه التى تجاوزت ال27 عام

كله تمام... كله تمام bv:-

كله تمام... والوضع يا ريس... عـــال العــــال

كله تمام

كله تمام.. والشعب المصرى.. فى أحسن حال

كله تمام

وغلاوتك... بنقوم...وننام... على راحة البـــال

كله تمام

وحيـاتك... أيامنا جمـــيله... ومالهــا مـــثال :D

كله تمام

يا قائدنا... ياللى ما شفنا... ف عهدك أهـــوال

كله تمام

سيبك ...م الإشاعات الفارغه.... اللى بتتقـــال :lol:

كله تمام

عالم فاضيه... وسايقه كمان... فى الإستهبال

كله تمام

كل يومين... عاملين إضراب ...بلا لعب عـــيال

كله تمام

ولا تهـــتم يا ريـــس.. دول.. شلة أنـــــدال

كله تمام

دا لافيه.. كوسه... ف المحروسه... ولا إهمال :)

كله تمام

ولا فيه... رشوه...ولا حراميه... ولا استغـلال

كله تمام

ولا فيه... شغل أونطه... ولا ...أمور استغفال

كله تمام

ولا فيه.. ناس...م الظلم البين... دمعها سال :lol:

كله تمام

ولا فيه... سرقه... ولا حتى... تهريب أمـــوال

كله تمام

ولا فيه... بطاله... أغلبنا...طبعا.. شغــال :lol:

كله تمام

والعمــارات... ولا بيهــدها ...حتى الـــزلزال

كله تمام

والتعذيب ...وإهانة الشعب... دا محـــض خيال :lol:

كله تمام

علشان كده... بتمنى يا ريت ... يورثنا جـمال :roseop:

أيوه يا ريت..وبسرعه كمان ..يورثنا جـمال

وكله كله..حيبقى تمام ..طبعا طبعا.. يبقى تمام ::

مع خالص تحيتى

التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

:lol: :lol: :lol:

أضحك الله سنك يا التونسي

بس أنا خايف للريّس يقرأها ويفهمها غلط :ninja:

أنا بس لي تعديل بسيط

تعديل على المقدمة مش الشعر ما تخافش :roseop: ..

اليوم هو 4 مايو عيد ميلاد الرئيس اطال الله عمره :roseop: ..

اقترح تغييرها إلى :

أطال الله عمره بعيدا عن الرئاسة

على رأي أحد أعضاء المحاورات

وحقوق النشر محفوظة له

ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ

صدق الله العظيم

رابط هذا التعليق
شارك

هههههههههههه

بصراحة الناس ده بتتعب اوى

عقباليك يوم ميلاديك يا حس حس يا حبيبى

كل سنة وانتا طيب ولشعبى قريب

واكل وانهب فى الناس الغلابة

كفاية بجد حرام

رابط هذا التعليق
شارك

(علشان كده... بتمنى يا ريت ... يورثنا جـمال :roseop:

أيوه يا ريت..وبسرعه كمان ..يورثنا جـمال

وكله كله..حيبقى تمام ..طبعا طبعا.. يبقى تمام )

وأنا برد عليك وبقولك انسى ياتونسى ده حلم خيال .. انى اسيب كده حكمى لمصر وأقعد فاضى بدون أشغال

وشعبى يغضب ويثور ويقولى فين المال.. أصلى اخدت فلوووس كتير من غير حتى أى سؤال :roseop:

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

فى يوم 4 مايو من كل عام كانت القناة الاولى فى التليفزيون المصرى تذيع فيلم الناصر صلاح الدين

لم الاحظ فى اول عام ولا فى العام التانى ولكن لاحظت فى تالت عام يعرض فيه الفيلم فى نفس اليوم

ولانى عندى امية ثقافيه تصورت ان هذا اليوم قد يكون عيد ميلاد صلاح الدين او يوم معركة اليرموك

ولكن احد المثقفين اصدقائى اخبنى انه عيد ميلاد الرئيس

السؤال ماعلاقة ذلك بعيد ميلاد الرئيس؟

ولانى عندى اميه ثقافيه ارجو من احد الاعضاء اجابتى

رابط هذا التعليق
شارك

هايلة استاذ تونسى

و اهو برضه يكون طلعنا من عيد الميلاد ده بحاجه مفيده

(انه الهمك بالقصيدة الرائعه دى )

دمت بالف خير

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

فى يوم 4 مايو من كل عام كانت القناة الاولى فى التليفزيون المصرى تذيع فيلم الناصر صلاح الدين

لم الاحظ فى اول عام ولا فى العام التانى ولكن لاحظت فى تالت عام يعرض فيه الفيلم فى نفس اليوم

ولانى عندى امية ثقافيه تصورت ان هذا اليوم قد يكون عيد ميلاد صلاح الدين او يوم معركة اليرموك

ولكن احد المثقفين اصدقائى اخبنى انه عيد ميلاد الرئيس

السؤال ماعلاقة ذلك بعيد ميلاد الرئيس؟

ولانى عندى اميه ثقافيه ارجو من احد الاعضاء اجابتى

اعتقد انهم ارايب بس من بعيد :roseop:

رابط هذا التعليق
شارك

حد ممكن يقولى ابو جمال بيروح فين يوم عيد ميلادة

[b]يا لة من ببغاء عقلة فى اذنية فلما سمع البهتان انطلى الزور علية وملأ الدنيا صياحا بأمتداح قاتلية

رابط هذا التعليق
شارك

حد ممكن يقولى ابو جمال بيروح فين يوم عيد ميلادة

أخي الفاضل 'كرم احمد' الرئيس كنيته أبو علاء وليس أبو جمال علشان علاء هو الكبير وما تسألنيش طب ليه جمال اللي هيورث الحكم مش علاء............................

رابط هذا التعليق
شارك

حد ممكن يقولى ابو جمال بيروح فين يوم عيد ميلادة

أخي الفاضل 'كرم احمد' الرئيس كنيته أبو علاء وليس أبو جمال علشان علاء هو الكبير وما تسألنيش طب ليه جمال اللي هيورث الحكم مش علاء............................

ياأ ستاذ الرئيس ممشيها شرعى الكبير يورث الفلوس والصغير يورث السلطة

رابط هذا التعليق
شارك

  • بعد 3 أسابيع...
:lol: :lol: :lol:

أضحك الله سنك يا التونسي

بس أنا خايف للريّس يقرأها ويفهمها غلط

أنا بس لي تعديل بسيط

تعديل على المقدمة مش الشعر ما تخافش ..

اليوم هو 4 مايو عيد ميلاد الرئيس اطال الله عمره :rolleyes: ..

اقترح تغييرها إلى :

أطال الله عمره بعيدا عن الرئاسة

على رأي أحد أعضاء المحاورات

وحقوق النشر محفوظة له

تعرف أخى الجميل سهل جدا :roseop: .. ساعات كتير بحس ان فى الخمس سنوات الاخيره الرئيس مش هو اللى بيحكم بشكل كبير :closedeyes: .. حاسس ان دى مرحله انتقاليه .. وعشان كده احنا عشنا فى ظل الخمس سنوات دول فى ظل كوارث وفساد لم نالفه بهذا الشكل من قبل :blink:

مجرد احساس وممكن تكون شطحه .. :unsure:

سعدت بتواجدك جدا يا غالى وأشكرك على مداخلت الظريفه ,, والحمد لله انها لاقت قبولك وادخلت بعض من السرور على قلبك .. رغم ان القصيده من نوع الكوميديا السوداء :sad:

مع خالص تحيتى

التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

هههههههههههه

بصراحة الناس ده بتتعب اوى

عقباليك يوم ميلاديك يا حس حس يا حبيبى

كل سنة وانتا طيب ولشعبى قريب

واكل وانهب فى الناس الغلابة

كفاية بجد حرام

شكرا على تواجدك وتعليقك اخى الكريم مهندس احمد :closedeyes: .. الرئيس عامه سنواته فى الحكم معدوده ((ان لم تكن أيامه)او شهوره ) وربنا يستر على مصر من بعديه .. لانه وصلها للاسف لدرجة التصاق خطيره جدا وحرجه به ..لدرجة ان اختفاءه من الحياه السياسيه اللى غالبيتنا بنتمناه وانا واحد منهم ممكن يؤثر على استقرار مصر بالسلب

مش عارف هل انا بتكلم صح او فكرتى وصلت والا انا متناقض

على كل شكرا مره اخرى على مداخلتك ووجودك واهتمامك بالرد

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

(علشان كده... بتمنى يا ريت ... يورثنا جـمال :closedeyes:

أيوه يا ريت..وبسرعه كمان ..يورثنا جـمال

وكله كله..حيبقى تمام ..طبعا طبعا.. يبقى تمام )

وأنا برد عليك وبقولك انسى ياتونسى ده حلم خيال .. انى اسيب كده حكمى لمصر وأقعد فاضى بدون أشغال

وشعبى يغضب ويثور ويقولى فين المال.. أصلى اخدت فلوووس كتير من غير حتى أى سؤال :unsure:

اخى الكريم الفخرانى :rolleyes: .. المشكله ان هناك من هم مقربون من الرئيس يؤكدون انه فى قرارة نفسه يؤمن انه يؤدى عمله كرئيس بمصر بالتزام شديد بما يرضى ضميره .. ويقولون انه عنيد جدا .. الى جانب ذلك لديه صبر وطولة بال تنهار امامها الجبال .. وهذا ما جعله بستمر الى يومنا هذا

الرئيس كان اقصى طموحه ان يكون سفيرنا فى لندن ((اكس لانس كما قال هو بالحرف الواحد لعماد اديب))

ولكن الاقدار ساقت به الى حكم مصر

اللهم لا اعتراض

شكرا اخى الكريم على مداخلتك وتعليقك وتفاعلك مع ما كتبت

مع خالص تحيتى

التونسى

تم تعديل بواسطة التونسى

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

  • بعد 11 شهور...

شكرا لكل من مروا من هنا :roseop: وعلقوا على قصيدتى تلك الغارقة حتى الثمالة فى النفاق :lol:

ولأنه لا جديد تحت الشمس .. ولأن الله أمد فى عمرى وعمركم نيافة الرئيس لعام أخر .. أجدنى أرفع قصيدتى الزجلية المتواضعه والتى نظمتها منذ عام كامل بمناسبة يوم مولدك .. والذى يحل علينا اليوم .. لاحتفل به ولكن بطريقتى الخاصه :lol:

كل سنه وانت طيب يا ريس :lol:

وكله تماااااااااااااااااااااااااااااااااااااااااااااااااااااام :sad:

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

يــــااستاذ تونسى يامبدع انا عرفت من مصادر مقربة ان فخامة الرئيس قد قبل منك قصيدتك وانة شايلهالك جميلة ومبسوط جدا منها واحنا كمان بنقولك انت مبدع فعلا

وبعدين الخمس سنوات اللى عدوا دول كانوا بيعلموة ازاى يقود السيارة وممكن يخبط او يتخبط بس بعد كدة بقى سواق محترف يمشى على المية ولا يتبلش عرفتوة ؟

تحياتى واحترامى استاذ تونسى

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك

السيد الفاضل التونسي

ارى رأي حضرتك لم يتغير وهو رأي قد يكون على قدر كبير من الصواب في ان مصر اصبح حكمها وادارتها للأسف ارتبط كثيرا جدا وأزيد من اللازم بشخص الرئيس واتفهم تخوفك من الاتي بعده على الرغم من كرهنا الشديد لنظامه

ولكن سيدي اذا كنا نعيش عذاب يتزايد ومعاناه وفساد فاااااااق كل الحدود..فما الأسوأ...؟؟؟

عذاب وفساد من نوع جديد؟؟؟؟؟؟؟؟

وماله اهه تغيير ..مش هيبقى عذاب وملل كمان

تحياتي لحضرتك ..

ذابلة كزهور بلادي

دامعة كعيون القدس

والأحزان تلف فؤادي

واقاوم في نفسي اليأس

رابط هذا التعليق
شارك

السيد الفاضل التونسي

ارى رأي حضرتك لم يتغير وهو رأي قد يكون على قدر كبير من الصواب في ان مصر اصبح حكمها وادارتها للأسف ارتبط كثيرا جدا وأزيد من اللازم بشخص الرئيس واتفهم تخوفك من الاتي بعده على الرغم من كرهنا الشديد لنظامه

ولكن سيدي اذا كنا نعيش عذاب يتزايد ومعاناه وفساد فاااااااق كل الحدود..فما الأسوأ...؟؟؟

عذاب وفساد من نوع جديد؟؟؟؟؟؟؟؟

وماله اهه تغيير ..مش هيبقى عذاب وملل كمان

تحياتي لحضرتك ..

ومالة اهة تغيير 000 مش هيبقى عذاب وملل كمان اضحكتينى حتى البكاء

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين

رابط هذا التعليق
شارك

المحترم/تونسي

على الرغم انى كملايين المصرين

المطحونين الا انه ليس لى اهتمامات سياسيه

و اذا كان هذا عيب فهو فيا و عليا و منى

فقط اهتماماتى بسيطه كأى مصري وحتى لا اتخطها بالحلم

اعيش مراره الواقع الاليم و لا يسبقنى فكرى الى الغد او الامس

اننا نعيش عصر الهمس. و حتى الذين يهمسون لا تتخطى همساتهم صدورهم

لكننا نعيش على هذا الامل فى كتابات.م/هشام

و الاحلام فى كتابات /لولا

و الانطلاق فى كتابات/ لماضه و البنت المصريه و الشعنونه

انتم تكتبون و ربما ما تجيش به صدورنا و لا نعرف ان نعبر عنه

او ربما لا نقوى.؟فالشعب المصري كما تعرف مسالم احلامه محدوده

لكم الاحلام و لنا الواقع.و ما تغير واقع الا بحلم...؟

اسعدتنى

و ذكرتنى كليماتك الزجليه ب/بيرم التونسي

عساك من سلالته

شكرا لافكارك و ازجالك

و اياك ان تعتقد انني اهاجمك.؟

فما تعودت مهاجمه فكر بل اكن كل الاحترام لهم

سيفنى الجسد و تبقى الفكره.فتمسك بفكرك

ودى /وسلمت

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك

وبعدين الخمس سنوات اللى عدوا دول كانوا بيعلموة ازاى يقود السيارة وممكن يخبط او يتخبط بس بعد كدة بقى سواق محترف يمشى على المية ولا يتبلش عرفتوة ؟

تحياتى واحترامى استاذ تونسى

عارفينه طبعا :lol: .. ما هو من ساعة ما اتعلم السواقه وهو سايق علينا الاستهبال والاستعباط .. وهذا الشبل .. smk:

كل الشكر لمرورك وتعليقك ذو المغزى عزيزى سارمار :blink:

اللهم أرنا الحق حقا و ارزقنا اتباعه

و أرنا الباطل باطلا و ارزقنا اجتنابه

آمين آمين آمين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...