اذهب إلى المحتوى
محاورات المصريين

مين سمع عن موضوع الاعارة من الكفيل يفيدنا ..


Recommended Posts

اثناء تصفحي للاعلانات المبوبه في الجريده لفت نظري اعلان مكتوب في آخره العبارة التقليديه بتاعت ( الافضلية لمن لديه اقامة قابلة للتحويل ) بس الجديد هو الاضافة بتاعت ( او وجود موافقة على الاعارة من الكفيل لمده لا تقل عن سنتين ) .. بصراحه جديده علي دي ..

دلوقت انا الي اعرفه ان الشخص لما يجي يشتغل عند حد غير كفيله بيجيب خطاب موافقة على نقل الكفالة لكن مكنتش اعرف ان ينفع الحد ده يشتغل عند حد تاني غير كفيله ويكون في مخرج قانوني يتمثل في خطاب سلفه او اعارة ..

بفرض ان الكفيل ( متظبط ) ومش هيمانع ينقل او يعير فايه هو الاجراء المتبع للحصول على الاعارة دي .. يعني ايه الشكل القانوني للخطاب المفروض الحصول عليه من الكفيل وايه هي مميزات الوضع ده او سلبياته ..

ياريت حد يكون فاهم في الاجراءات او سبق له ( اتعار ) عند كفيله ويقولنا عملها ازاي و تجربته معاها ايه ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

الحركات دي بنعلمها عشان نثبت بيها الزباين ..

يعني لما يكون موظف جاي يشتغل في شركتنا .. داخل المبنى مثلاً ... ما بنعملش حاجه زي كده ..

لكن مهندس بيزور مواقع ... او سواق بيلف طول النهار أو ما شابه ..

فبنروح ضاربين ورقه عُرفي .... بصيغة معينه ... إن إتفق الطرفان إحنا وكفيل الشخص على إستعارة خدمات الموظف حمبوزو لاوي بوزو لمدة 6 شهور قابلة للتجديد على أن نتحمل نحن يعني كافة التكاليف .. هذا وبالله التوفيق ...

يعني حاجه لذر الرماد في العيون ..

مع إن مافيش حاجه إسمها إعارة إلا لموظفين الحكومة السعوديين اللي بياخدوا اجازة بدون مرتب وبيشتغلوا في القطاع الخاص .. لكن تقوم الجهة التي أستعارت خدمات الموظف بدفع التأمينات الإجتماعية للجهة المُعار منها الشخص ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أعتقد فيه نوع من اتفاقيات العمل بين الشركات اسمها Secondment ... تكون فيه احدى الشركتين هي الكفيل وصاحب العمل للموظف ... وتتفق مع الشركة الثانية على إعارته لفترة محدودة أو لأداء مهمة معينة ... وغالبا ما يكون ذلك للعمل في المشاريع أو إذا كانت الشركة الأولي لا تستطيع كفالة الموظف لأي سبب

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

جزاك الله كل خير على الرد الوافي ...

انا كده فهمت الوضع يعني الموظف المعار ده احتمالات انه ( ينقفش ) اعلى من غيره لانه بيلف برا كتير ومعاه مايشير الى انه شغال في شركه معينة زي سيارة عليها اسم الشركه مثلا وفي نفس الوقت كفالته على شركه تانيه وعشان كده محتاج مايثبت انه مش هربان او ان الاثنين الكفيل وصاحب العمل الجديد موافقين على الوضع مفيش شبهة هروب ..

بس الي فهمته من كلامك كده ان الموضوع ده قانوني اوي يعني مفيش عليه مشاكل ولا ممكن الجهات المسؤولة تعترض مثلا يعني مسموح لاي كفيل انه يعير اي مكفول لاي فترة ولاي حد ولا عليها قيود ؟

ياريت حد يفيدنا برضه بالجزئية دي ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

فيه اعارة ورسمية كمان ومن زمان ....

بس للأطباء والصيادلة عشان مش معقول واحد عنده صيدلية مثلا يحط 2 عشان لما الراجل أجازة يلاقى حد يسد ..

أما كلام الأستاذ أحمد سيف بيكون عن الشركات المصرح لها بتقديم خدمات للغير outsourcing زى عمال النظافة والمروجين وخلافه .. ايه المانه انها تكون اى مهنة .. شريطة انه تكون الشركة مصرح لها من الأصل .. طبعا العقد بيكون بين الشركتين وليس بين الأفراد والموظف بياخد راتبه من شركته الأصلية

تم تعديل بواسطة بندق أفندى

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

لم أنتبه إن كنت تتحدث عن أى بلد بالخليج من بلدان الكفالات !

لكن ما أستطيع قوله لك ، أنه بالكويت لا يمكنك القيام بالـ " إعارة " فى القطاع الخاص .. حتى بموافقة الكفيلين ..

بل يمكن أن يؤدى الأمر لترحيلك وتوقيع عقوبات شديدة على من يستعيرك ..

اللهم إلا الواسطة تتدخل لتقوم بعملها .

وطبعا ً أنصحك بتوخى الحظر حيث تقوم لجان فردية وثلاثية بالتفتيش المفاجىء على المنشأت التجارية والصناعية للتأكد من كون العاملين مكفولين لنفس صاحب العمل .

ورغم أنه عددا ً ليس بالبسيط من المصريين هنا يقومون بشراء إقامة بمبلغ يترواح ما بين 20 إلى 30 ألف جنيه ، ليتمكنوا من العمل عند أى صاحب بعمل بحرية ، وهى ما تتشابه مع حالة الإعارة ..

إلا أنها خطرة وغير مستقرة وقد يترتب عليها مشكلة قانونية بالبلد تؤدى لخسرانك كل شىء .

أتمنى لك التوفيق من الله ، وأن يرزقك عملا ً صالحا ً مناسبا ً مستقرا ً يحق لك ما تريد .

من فضلك ..دعنى أرى كيف تتحدث حتى أعرفك .. ودعنى أرى كيف تختلف حتى أحترمك .

رابط هذا التعليق
شارك

الأخت الفاضلة مدام ضحى

دة فعلا نظام موجود وشركتى تعمل بهذا النظام حيث انها بتجيب مهندسين IT على كفالتها وتوفرلهم السكن والمواصلات والتأمين الصحى وتقوم بـتأجيرهم لشركات أخرى

بعقود تجدد كل سنة أو سنتين وهذا يسمى بنظام ال contract staffing وتقوم الشركة بحساب التكاليف الكاملة الشهرية للمهندس وتضيف عليها

من 15% الى 20 % شهريا حسب سنوات الخبرة و تخصص المهندس ومن مزاياها أنها تصلح للشركات التى قد تحتاج لمهندسين او عمالة لمدة معينة

أو للشركات الغير مستوفية نسبة السعودة ولا تستطيع ان تستخرج فيز عمل للأجانب :blush2: ... علما بأن شركات كبيرة تتعامل بهذا النظام مثل سابك و أرامكو

لتعدد مشاريعها وفى الأخر ده نوع من أنواع البيزنس فى التوظيف وشكرا

تم تعديل بواسطة elfakhrany

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

جزاكم الله خيرا جميعا على الردود ..

بس مازلت مش عارفه ان كان الموضوع مسموح به لكل الشركات ولا شركات معينة .. وهل لازم يكون في تصريح لشركه انها تستعير وفي نفس الوقت تصريح للكفيل انه يعير ولا كفايه طرف واحد من حقه .. على كل حال مش هشغل بالي بقى بالحكايه دي نخلينا ماشيين في موضوع نقل الكفالة اضمن .. بس لما نبقى نطلع الاقامه الاول ..

بالمناسبة كنت هنزل موضوع امبارح استفسار عن اجراءات استخراج الاقامه بالتفصيل بس خفت من الي بالي بالكم يشنقني ولا حاجة ففضلت السكوت على ان اقوم بكتابة موضوع اشرح فيه الاجراءات لما ربنا يفرجها ونستخرج اقامتنا فعلا .. دعواتكم ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

جزاكم الله خيرا جميعا على الردود ..

بس مازلت مش عارفه ان كان الموضوع مسموح به لكل الشركات ولا شركات معينة .. وهل لازم يكون في تصريح لشركه انها تستعير وفي نفس الوقت تصريح للكفيل انه يعير ولا كفايه طرف واحد من حقه .. على كل حال مش هشغل بالي بقى بالحكايه دي نخلينا ماشيين في موضوع نقل الكفالة اضمن .. بس لما نبقى نطلع الاقامه الاول ..

بالمناسبة كنت هنزل موضوع امبارح استفسار عن اجراءات استخراج الاقامه بالتفصيل بس خفت من الي بالي بالكم يشنقني ولا حاجة ففضلت السكوت على ان اقوم بكتابة موضوع اشرح فيه الاجراءات لما ربنا يفرجها ونستخرج اقامتنا فعلا .. دعواتكم ..

موضوع استخراج الاقامة بسيط جدا .. ومطلوب له خطاب من الكفيل لمكتب العمل يطلع كارد العمل - وآخر للجوازات و 3 صور والكشف الطبى مع أصل جواز السفر .. و كارد العمل كله ويقدم للجوازات

الوضع الحالى شركات تقديم خدمات العمالة هى المصر لها فقط .. وهو الحقيقة ليست اعارة انما هى بيع خدمات الموظف هذا أو ذاك لهذه الشركة أو تلك .. ويمكن ان يقسم جهد الموظف على أكثر من شركة .. بناءا على حجم العمل .. وعليه هو ليس توظيف بالمعنى المفروض .. وبس

تم تعديل بواسطة بندق أفندى

حبيبتى كالشمس لا نظر ولا اقتراب ولا استغناء

فالكل موت محقق

أنا الذى نظر الأعمى إلى أدبى وأسمعت كلماتى من به صمم

رابط هذا التعليق
شارك

السلام عليكم ورحمة الله وبركاته

نعم فيه اعاره بس الاعاره هي من الافراد فقط من العامل الزراعي السائق الخاص العامله المنزليه وهي كالاتي

يذهب الكفيل الجديد معه جواز سفر العامل واقامته وصوره بطاقه الكفيل القديم والكفيل الجديد ويطلع كارد اخضر اللون وعليه صوره العامل او الشخص الا بيتعمل له اعاره ومكتب عليه مصرح للمذكو ر العمل لدي واسم الشخص الجديد الا هيعمل عنه ولمده كذا ويحدد انتهاء تصاريح الاعاره ودي الاعاره وربنا يوفق الجميع يعني هي مش خطاب بين الكفيل القديم والجدي لا هي اوراق رسميه من اداره الوفدين

يكون عدد الصور الشخص 8 صور شخصيه

تم تعديل بواسطة خالد شحاته
رابط هذا التعليق
شارك

تابع للمؤسسة التى اشرف عليها مجموعه من الصيدليات التشغيل بمعنىان المؤسسة تستأجر مجموعة من الصيدليات من مالكها ونقوم بأعارة الصيادلة من طرف المؤسسة الى مالك المجموعه وبذالك يكون وضع الصيادلة قانونى لكن مدة الاعارة لا تتجاوز 3 شهور وتجدد

493275s8wrn8jsb5.gif

"‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} "

رابط هذا التعليق
شارك

  • بعد 11 سنة...

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...