اذهب إلى المحتوى
محاورات المصريين

شلة محاسبين وبس


Recommended Posts

السلام عليكم

اسمحو لي ان اتطفل علي احلي جروب قابلتة انا محاسب قادم علي السعودية انشاء الله الاسبوع الجاي وكان ليا بعض الاسئلة اذا سمحتوم

ــــ اجراءات انهاء الاقامة اية الي بيحصل اول ما بروح وبروح لمين

ــــ تكاليف الاقامة للسنة الاولي اوالسنتين وتحليل المستشفي واعمل حسابي في كام

ــــ نظام العمل واية الي بيحصل مع العلم معايا دورات محاسبية وكمبيوتر وعملت في احد الفنادق

ــــ ياريت الي عندة اي معلومة يفدني وجزاه الله خير

وشكرا

اولا اسف على التأخير فى الرد لوجود ضغط فى الشغل

ان شاء الله تشرفنا فى السعوديه

وستكون اجاباتى فى صورة نقاط مختصره وشافيه بإذن الله

اجراءات الاقامه انت مالكش دعوه باى حاجه منها الا الكشف الطبى وده بيكلفك حوالى 100 ريال تزيد او تقل قليلا على حسب المستشفى وانصحك لو هتيجى الرياض انك تعمله فى مستوصف بدر السماء وده موجود فى شارع البطحاء العام

بعد ماتعمل الكشف الطبى وتستلمه هتوديه هوه والجواز للكفيل وهوه هيعملك الاقامه وهتاخد حوالى شهر وطبعا عشان انت كفاله حره هتديله كمان حق الاقامه والتأمين مع الجواز والكشف الطبى 2000 ريال تقريبا(وممكن كفيلك يخلع من التأمين وتوفر 800 ريال)

ولو كفيلك خارج الرياض هتبعتله الجواز والكشف بالبريد السريع وتحول المبلغ فى حسابه فى البنك

اما بقى تعمل حسابك فى كام فده بقى يتوقف على حسب انت جاى على مين يعنى لو جاى على حد قريبك او صاحبك هات معاك 2500

ولو مالكش حد هات اللى تعرف تجيبه مش هتخسر حاجه وابقى حوله تانى لمصر بعد الامور ماتظبت معاك

بالنسبه لنظام العمل هنا فهما طريقتين للعمل اولهما انك يكون ليك حد يظبتلك شغلانه او انك تدور بنفسك عن طريق جريدة الوسيله ودى مجانيه اسبوعيه زى الوسيط فى مصر وجريدة المبوبه مجانيه برضه او جريدة الرياض ودى مش مجانيه زى الاهرام فى مصر

فيه طريقه تالته لسه جديده وهى شركات التوظيف وفيه شركه جديده اسمها شركة معلوماتى للتوظيف وفيه ناس كتير بتشكر فيها بس انا لسه مجربتهاش وزى ماقلت قبل كده شغل المحاسبين هنا كتير بس الفتره دى بس فيه شوية ركود

واسف مره اخرى على التاخير فى الرد

اللهم إنى أعلم أنى عاصيك ...

ولكنى أحب من أطاعك ...

فإجعل اللهم محبتى لمن أطاعك شفاعة تقبل لمن عصاك

اللهم إن أحييتنى غريبا ... فلا تميتنى غريبا

كبير المحاسبين المتخصصين بالمملكة العربية السعودية ودول مجلس التعاون الخليجى

رابط هذا التعليق
شارك

اهلا وسهلا بيكى فى الرياض

طبعا البلد هنا ذكوريه الى حد كبير

بس فيه هنا وظائف للسيدات وفيه محاسبات كمان ورواتبهم بتبقى محترمه انا شخصيا اعرف محاسبه شغاله فى جريده ومحاسبه اخرى شغاله فى مستشفى

طيب قولي الله يرضى عنك ازاي عرفو يشتغلو لان بصراحة القاعده في البيت وكمان في الرياض تخنققققق

جريدة الرياض اولا

شركات التوظيف اكيد ان شاء الله هتجيبلك شغل كويس

مثلا شركة معلوماتى للتوظيف وهى موجوده فى عماره رقم 103 شارع التخصصى خلف هايبر بنده الدور الاول

وده رقمهم 014820117 _ 014824450 _ 014889776 _ 014825099

وهما بياخدوا مبلغ منك مقابل انهم يدورولك على شغل كويس 200 ريال

وربنا يوفقك

تم تعديل بواسطة المخنوق دائما

اللهم إنى أعلم أنى عاصيك ...

ولكنى أحب من أطاعك ...

فإجعل اللهم محبتى لمن أطاعك شفاعة تقبل لمن عصاك

اللهم إن أحييتنى غريبا ... فلا تميتنى غريبا

كبير المحاسبين المتخصصين بالمملكة العربية السعودية ودول مجلس التعاون الخليجى

رابط هذا التعليق
شارك

يا جماعة بعد ازنكم انا مفروض اكون فى السعودية من سنه بس كل شىء قسمة ونصيب وسبب التاخير انى سمعت كلام ناس كتتير فيكوا نصحوا بعدم السفر على فيزة غير محاسب بس هل فعلا فى فيزا محاسب ولا لا عشان اللى هيجبلى الفيزا مش عارف يجيبها محاسب وانا مقدميش دلوقتى الا حليين افضل مستنى او اروح على اى مسمى وظيفى وخلاص بعديين بعد كدا يبقى ربنا يوفق مع العلم انى حاليا عازب.

أولا اهلا بيك

ثانيا انت جاى على فيزا حره وللا عقد؟؟؟

ثالثا انا برضه قبل ماجى مكنتش لاقى فيزا محاسب وقريبى اللى كان بيدورلى هنا مكانش لاقى خالص

بس جابلى فيزا تانيه بمهنة فنى حسابات عام ولها نفس مزايا المحاسب زى الاستقدام والزيارات وكده

غير كده ممكن اغير المهنه ب2000 ريال لو حبيت

بس انا لما جيت هنا لقيت ناس جايين برضه بفيزا محاسب (على الرغم من انها متسعوده)؟؟؟ بس غاليه جداااااااااااااااااااااا

عموما تعالى على اى مهنه غير سائق خاص او عامل او عامل زراعى او عامل منزلى او راعى غنم وماشابه ذلك

يعنى ممكن تيجى بمهنة فنى اى حاجه او مندوب مبيعات او مندوب تسويق او اختصاصى تسويق وهتلاقى مهن تانيه اول مره تسمع عنها

والمهن دى سهل تغييرها بمجرد ماتيجى ولو حتى ماغيرتهاش لها مزايا الاستقدام والزيارات وما الى ذلك

المهم توكل على الله وربنا يوفقك (بس للعلم العمليه بالنسبه للمحاسبين هنا مقفله شويه بس ان شاء الله فى طريقها للتظبيط)

انا متشكر جدا على ردك وحضرتك ريحتنى كتيير انا جاى ان شاء الله على عقد بس بصراحة معرفش اى حاجه فيه انت ممكن تستغرب طبعا بس اللى جايبهولى خالى فطبعا عارف انه هيشوفلى الصح بس هو بيخيرنى بقه اليومين دول عشان موضوع ان مفيش محاسب وكده بس انا هاخد بكلام حضرتك ان شاء الله وهحاول اقله على المهن دى يحاول يجيب الوظيفه زيها لو فى عند حضرتك اى نصايح قولى عليها .

يفضل اى مهنه لها علاقه بالحسابات زى فنى حسابات عام او اختصاصى حسابات او استشارى حسابات او محاسب تكاليف او مراجع حسابات (دى كلها وظائف بيتحايلوا بها على سعودة وظيفة المحاسب) ولو مالقتش هات مندوب مبيعات او مندوب تسويق وخليه برضه يسألك على امكانية تغيير المهنه

وخد بالك لااااااااااااااااااااااااااازم توثق المؤهل من الخارجيه وده ب11 جنيه وبعد كده توثقها من السفاره السعوديه ودى المكتب بتاع السفريات هوه اللى بيعملهالك وبياخد 100 جنيه

والتوثيق ده لازم عشان تغيير المهنه لمحاسب (بدل ماتدوخ هنا)

ولو هتجيب مهنه لها علاقه بالحسابات ياريت لو تخلى الوظيفه فى الجواز حاصل على بكالوريوس تجاره

تم تعديل بواسطة المخنوق دائما

اللهم إنى أعلم أنى عاصيك ...

ولكنى أحب من أطاعك ...

فإجعل اللهم محبتى لمن أطاعك شفاعة تقبل لمن عصاك

اللهم إن أحييتنى غريبا ... فلا تميتنى غريبا

كبير المحاسبين المتخصصين بالمملكة العربية السعودية ودول مجلس التعاون الخليجى

رابط هذا التعليق
شارك

"]السلام عليكم... اسعد الله اوقاتكم

احب اسأل عن شركة معلوماتى للتوظيف هل ممكن اراسلهم وانا فى مصر ولا لازم اكون مقيمة ف السعودية

وهل فى فرصة للوظائف النسائية؟

شكرا

يعمل ايه الطب ف قلب وجعه منه فيه؟!.. قولولى يعمل ايه !!!!!

رابط هذا التعليق
شارك

السلام عليكم

اسمحو لي ان اتطفل علي احلي جروب قابلتة انا محاسب قادم علي السعودية انشاء الله الاسبوع الجاي وكان ليا بعض الاسئلة اذا سمحتوم

ــــ اجراءات انهاء الاقامة اية الي بيحصل اول ما بروح وبروح لمين

ــــ تكاليف الاقامة للسنة الاولي اوالسنتين وتحليل المستشفي واعمل حسابي في كام

ــــ نظام العمل واية الي بيحصل مع العلم معايا دورات محاسبية وكمبيوتر وعملت في احد الفنادق

ــــ ياريت الي عندة اي معلومة يفدني وجزاه الله خير

وشكرا

الاخ الفاضل

السلام عليكم ورحمة الله وبركاته

اجراء الاقامه هو كشف طبي بي 70 ريال ورسوم الاقامه السنه بي 750 ريال وسنتان 1500 ريال غير تمن المعق الا هيعملها لك ممكن يكون 300 ريال وربنا يوفقك

رابط هذا التعليق
شارك

طيب انا شايف ان الواحد لو قدر يظبط حق الفيزا يشتريها هو ويروح يظبط شغل هناك هيكون احسن

بدل العروض الغريبة اللي الواحد بشوفها في المكاتب هنا

يعني انا لو روحت هناك هاقدر الاقي شغل بسهوله ولا الموضوع صعب وكمان المرتبات هاتختلف عن المرتبات السيئة جدا اللي الواحد بيشوفها في المكاتب في مصر ولا ايه

علي فكرة انا خريج 2005 بتقدير جيد جدا وخبرة اربع سنوات

رابط هذا التعليق
شارك

طيب انا شايف ان الواحد لو قدر يظبط حق الفيزا يشتريها هو ويروح يظبط شغل هناك هيكون احسن

بدل العروض الغريبة اللي الواحد بشوفها في المكاتب هنا

يعني انا لو روحت هناك هاقدر الاقي شغل بسهوله ولا الموضوع صعب وكمان المرتبات هاتختلف عن المرتبات السيئة جدا اللي الواحد بيشوفها في المكاتب في مصر ولا ايه

علي فكرة انا خريج 2005 بتقدير جيد جدا وخبرة اربع سنوات

اكيد البدايه فى اى مكان بتبقى صعبه بس فيه مثل بيقول اللى مايتعبش مايرتحش واللى مايخسرش مايكسبش

بس طبعا انك تيجى السعوديه وتدور على شغل هيكون احسن الف مره من انك تيجى على عقد من مصر

غير المزايا الاخرى للفيزا الحره زى انك ممكن تنقل كفاله من كفيل لأخر لو ماعجبكش الشغل

اما بالنسبه للعقد لو ماعجبكش الشغل فالكفيل بيديلك خروج نهائى

توكل على الله وتعالى اهوه هتشوف بلد تانيه وناس تانيه وترتاح من مصر شويه لحاااااااااااااد ماتوحشك

اللهم إنى أعلم أنى عاصيك ...

ولكنى أحب من أطاعك ...

فإجعل اللهم محبتى لمن أطاعك شفاعة تقبل لمن عصاك

اللهم إن أحييتنى غريبا ... فلا تميتنى غريبا

كبير المحاسبين المتخصصين بالمملكة العربية السعودية ودول مجلس التعاون الخليجى

رابط هذا التعليق
شارك

"]السلام عليكم... اسعد الله اوقاتكم

احب اسأل عن شركة معلوماتى للتوظيف هل ممكن اراسلهم وانا فى مصر ولا لازم اكون مقيمة ف السعودية

وهل فى فرصة للوظائف النسائية؟

شكرا

وعليكم السلام ورحمة الله وبركاته

انا اللى اعرفه ان شركات التوظيف دى بتوفر وظائف للسعوديين والأجانب المقيمين لكن انها تجيب حد من مصر ما أظنش

اما بالنسبه للوظائف النسائيه فهى موجوده (وإن كانت فى مجالات محدوده) زى الدكاتره والمدرسات والمحاسبات وخدمة العملاء

لكن لو بتدورى من مصر عليكى وعلى المواقع الشهيره زى www.bayt.com او www.Im2work.com (بس لازم يبقى ليكى يوزر على المواقع دى) او اعلانات الاهرام ومكاتب السفريات

بس مع احترامى ليكى إذا كانت الغربه وفى السعوديه تحديدا وخاصة مع قيود الكفاله وما الى ذلك ليست سهله بالنسبه للرجال فكيف ستكون بالنسبه للنساء؟؟؟

تم تعديل بواسطة المخنوق دائما

اللهم إنى أعلم أنى عاصيك ...

ولكنى أحب من أطاعك ...

فإجعل اللهم محبتى لمن أطاعك شفاعة تقبل لمن عصاك

اللهم إن أحييتنى غريبا ... فلا تميتنى غريبا

كبير المحاسبين المتخصصين بالمملكة العربية السعودية ودول مجلس التعاون الخليجى

رابط هذا التعليق
شارك

"]السلام عليكم... اسعد الله اوقاتكم

احب اسأل عن شركة معلوماتى للتوظيف هل ممكن اراسلهم وانا فى مصر ولا لازم اكون مقيمة ف السعودية

وهل فى فرصة للوظائف النسائية؟

شكرا

وعليكم السلام ورحمة الله وبركاته

انا اللى اعرفه ان شركات التوظيف دى بتوفر وظائف للسعوديين والأجانب المقيمين لكن انها تجيب حد من مصر ما أظنش

اما بالنسبه للوظائف النسائيه فهى موجوده (وإن كانت فى مجالات محدوده) زى الدكاتره والمدرسات والمحاسبات وخدمة العملاء

لكن لو بتدورى من مصر عليكى وعلى المواقع الشهيره زى www.bayt.com او www.Im2work.com (بس لازم يبقى ليكى يوزر على المواقع دى) او اعلانات الاهرام ومكاتب السفريات

بس مع احترامى ليكى إذا كانت الغربه وفى السعوديه تحديدا وخاصة مع قيود الكفاله وما الى ذلك ليست سهله بالنسبه للرجال فكيف ستكون بالنسبه للنساء؟؟؟

انا شاكرة جدا على الرد والاهتمام أنا مقيمة فى السعودية بس كنت باسأل عشان اخويا ..هو محاسب حديث التخرج

و اختى كمان ..شكرا جزيلا

يعمل ايه الطب ف قلب وجعه منه فيه؟!.. قولولى يعمل ايه !!!!!

رابط هذا التعليق
شارك

  • بعد 3 أسابيع...

انا ياجماعة خلاص حجزت وان شاء الله هاكون في جده الاحد 23/8/2009 الساعة 5:40 دقيقة بامر الله

الشغل في جده

في المنطقة الصناعية المرحلة الرابعة

ربنا يسهل ان شاء الله

رابط هذا التعليق
شارك

  • بعد 1 شهر...

وسؤال كمان هل فعلا لو الكفيل انسان محترم وانت واثق فيه جدااا يبقى مهما تكون المهنه متقلقش من حاجه اللى انت عاوزة ممكن يتعمل بسهولة

رابط هذا التعليق
شارك

هو مفيش حد هيرد عليا ولا ايه طيب هقول سؤال كمان معلشى عشان تبقى الاجابة مع بعض ايه الحاجه اللى ممكن الكفيل يعملهالى لو عاوز يخدمنى اول موصل على طول وهو بيعمل الاقامة هل ممكن اغير المهنة فى الاول كده على طول ولو ممكن ازاى ياريت بالله عليكوا حد يرد عليا

رابط هذا التعليق
شارك

بسم الله الرحمن الرحيم

بص ياريس مهنة عامل زراعى دى من المهن التى لايمكن تغييرها شأنها شأن عامل منزلى وسائق خاص

(وإن كان كل شىء ممكن بالفلوس بس هتدفع كتير جدا)

أما بالنسبة للرخصة فبرضة عامل زراعى لايمكنة استخراج رخصة قيادة بشكل طبيعى(وذلك لانة قانونا طبيعة عملة لاتتطلب القيادة بأى حال من الاحوال) ولكن ممكن كفيلك ييجى معاك المرور وهما يطلعولك رخصة ولو معاك رخصة مصرية هتسهل عليك الى حد ما

اما مساوىء تلك المهن فهى تكمن فى إستقدام الزوجه وبعض المعاملات الاخرى كالرخصة وغيرها

واغلب الناس هنا بتشتغل مهن غير اللى فى الاقامة يعنى من الاخر هتشتغل المهنة اللى انت متفق عليها مع الكفيل مش اللى فى الاقامة .

هذا ما أعلم والله أعلى وأعلم

اللهم إنى أعلم أنى عاصيك ...

ولكنى أحب من أطاعك ...

فإجعل اللهم محبتى لمن أطاعك شفاعة تقبل لمن عصاك

اللهم إن أحييتنى غريبا ... فلا تميتنى غريبا

كبير المحاسبين المتخصصين بالمملكة العربية السعودية ودول مجلس التعاون الخليجى

رابط هذا التعليق
شارك

هو فين المحاسبين وفين الناس مفيش حد هيرد عليا انا مش عارف اعمل موضوع لوحده اصلا ياريت حد يرد عليا هنا

شوف يا عزيزى مش ممكن تغير مهنة مباشرة لازم تطلع اقامة بالمهنة اللى التاشيرة باسمها يعنى اللى انت جاى عليها من مصر بس بالنسبة لعامل زراعى صعب جدا تغير مهنة الموضوع دة مش سهل زى ما انت متخيل وعموما انت عاوز تغيرها الى اية ؟

وهى شركة ولا فرد اللى الكفالة هتبقى علية ؟

رابط هذا التعليق
شارك

هو فين المحاسبين وفين الناس مفيش حد هيرد عليا انا مش عارف اعمل موضوع لوحده اصلا ياريت حد يرد عليا هنا

شوف يا عزيزى مش ممكن تغير مهنة مباشرة لازم تطلع اقامة بالمهنة اللى التاشيرة باسمها يعنى اللى انت جاى عليها من مصر بس بالنسبة لعامل زراعى صعب جدا تغير مهنة الموضوع دة مش سهل زى ما انت متخيل وعموما انت عاوز تغيرها الى اية ؟

وهى شركة ولا فرد اللى الكفالة هتبقى علية ؟

الاول انا متشكر جدا على رد حضرتك عليا الكفالة ان شاء الله على فرد بس العمل فى مكان تانى خالص شركة واغيرها على ايه دى مش هتفرق حسب اللى هينفع فى الشركة هيا مقاولات عموما اى مسمى يريحنى بعد كده من ناحيه الزيارة والاستقدام. بس حضرتك متاكد ان مفيش تغيير مهنه مباشرة يعنى مينفعش اول موصل باذن الله قبل ما الكفيل يعمل الاقامة يغيرى المهنه انا عارف ومتاكد ان موضوع تغيير المهنه ده مش سهل بس انا مضطر اطلع عليها وفى نفس الوقت عاوز استغل ان الكفيل راجل محترم ومش هيتأخر عنى لو قلتله يعمل حاجه فى مصلحتى فمش عارف ايه الصح بصراحة .للعلم انا بكالوريوس تجارة .

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 28
      السلام عليكم ورحمة الله وبركاته أود أن أعبر عند ساعدتى بوجود هذا الموقع الخاص بتحاروات المصريين وأسعدني أكثر بوجود أقسام مختلفة لتنظيم تلك المحاورات وكنت أتمني أن يوجد قسم لتحاورات محاسبين مصر تلك الفئة المغلوب على مهنتها
    • 0
      السلام عليكم ورحمة الله وبركاته اخوانى الكرام مطلوب للعمل فى المدينة المنورة اتنين محاسبين حديثى التخرج فى مستشفى يكونوا جادين فى العمل (يقدروا ينقلوا كفالة) المرتب حوالى 2300 (ألفين وثلثمائة ريال) بالاضافة لبدل سكن وبدل مواصلات انا غير مسئول عن الوظيفة او الموضوع بس فيه حد طلب منى الاتنين المحاسبين دول وانا قولت اعرفكم يمكن يكون حد محتاج للوظيفة دى نسالكم الدعاء حسام عبد الفتاح
×
×
  • أضف...