"الجنسية المصرية"..وجهة نظر

[torontoz]

حقولك موقف حصلي مع الجنسية المصرية في مصر..اخذت الباص من القاهرة الي الغردقة..وقبل وصول الغردقة عند منطقة الزعفرانة او سفاجا مش فاكر..الباص وقف فجأة..وطلع اتنين شكلهم امناء شرطة بيفتشوا علي البطايق..هذا المنظر استحالة تشوفه غير في مصر...كل الاتوبيس نزل ..واتفتحت شنطة الباص ونزلت كل الشنط علي الارض..وجاء دورى..امين بكل سماجة وافتري بيقولي بطاقتك..فروحت نظرلته نظرة استغراب..فقالي ايه..جديدة عليك..قولتله لا جديدة ولا حاجة لكن انا معيش بطاقة..ينفع جواز السفر.؟ قالي هو فين..قولتله فوق في الاتوبيس...قالي طب استنانى انت شوية..وفي وسط الزحمة ..طلعت الاتوبيس وجيبت الشنطة وانا نازل شافني الامين..قالي انت ايه اللي طلعك الاتوبيس..قولتله علشان اجيب جواب السفر..قالي طب هو فين..قولتله اتفضل..قالي..طيب مش تقول حضرتك ان معاك الاحمر..طبعا معاملة تانية خالص..واتفضل حضرتك استريح في الاتوبيس...الخلاصة الموقف ده كان بيتكرر في كل مره بذهب الي الغردقة او ج سيناء..وفي كل مرة نص الاتوبيس بيتاخد تحري..وغالبا بيترحلوا اداري...ملحوظة انا اخذت القطار الدولي من لشبونة مرورا باسبانيا..ايطاليا ..سويسرا..النمسا..المجر..رومانيا..لم يطلب احد منى جواز السفر الا في محطة المغادرة لشبونة - البرتغال علما باني كنت احمل اقامة فقط في اوروبا في هذا الوقت...

:)

انا حاسس انك ما قراتش الموضوع من الاول لكن فعلا ده اللي بيحصل و ربنا يرزقنا بالازرق اخو الاحمر و نعيش حياتنا بقا :lol:

:lol:

بالعكس انا قرأت الموضوع ..اعتقد انك مافهمتش المعني من وراء هذه القصة..فهي تكمله لسبب هروب المصريين وقبولهم اى عمل خارج مصر..

[أحمد سيف]

مع احترامي لإخواننا الأردنيين ... أنا عاوز أسأل سؤال بسيط: أردن ايه اللي المصريين بيروحوا يشتغلوا فيها ... الأردن دي بلد من أفقر بلاد الشرق الأوسط ومستويات الأجور هناك لا تختلف كثيرا عن الأجور في مصر والبلد عايشه على المساعدات ومصائب الآخرين

ولا احنا غاويين نذل نفسنا في أي مكان وخلاص ... أنا والله اتصدمت لما سمعت إن فيه مصريين رايحين يشتغلوا في الصومال وقطاع غزه ... حقا شر البليّة ما يضحك

بس نرجع نقول منه لله اللي كان السبب

السعودية الأولي والأردن الثانية في استقدام العمالة المصرية

1 يناير 2009

تابع لقسم اخبار مصر بقلم ENOOOO في 1:16 ص

احتلت المملكة العربية السعودية المرتبة الأولي في الدول الأكثر استقبالا واستخداما للعمالة المصرية خلال العام الماضي حيث وفرت السوق السعودية نحو‏63‏ ألفا و‏394‏ فرصة عمل‏.‏ وقالت السيدة عائشة عبد الهادي وزيرة القوي العاملة والهجرة إن إجمالي ما تم توفيره من فرص عمل بالخارج بلغ‏181‏ ألفا

و‏176‏ فرصة في‏14‏ دولة عربية وأجنبية خلال‏2008‏ في مختلف التخصصات الفنية والمهنية‏.‏ وأضافت أن المملكة الأردنية الهاشمية احتلت المرتبة الثانية بنحو‏45‏ ألفا و‏52‏ فرصة عمل ثم الجماهيرية الليبية بنحو‏27‏ ألفا‏.‏

ما هو ده اللي مستغربله يا سوبر سوبر

مش بعيب في بلدك ولا حاجه ... أنا نص اصحابي وجيراني أردنيين وحبايب مع بعض

بس لما الجامعي الأردني يروح يشتغل في الخليج استشاري والجامعي المصري يروح يشتغل في الأردن قهوجي يبقى فيه حاجه غلط ولازم تتصلح عندنا

[MoHaMMeD EgYpT]

حقولك موقف حصلي مع الجنسية المصرية في مصر..اخذت الباص من القاهرة الي الغردقة..وقبل وصول الغردقة عند منطقة الزعفرانة او سفاجا مش فاكر..الباص وقف فجأة..وطلع اتنين شكلهم امناء شرطة بيفتشوا علي البطايق..هذا المنظر استحالة تشوفه غير في مصر...كل الاتوبيس نزل ..واتفتحت شنطة الباص ونزلت كل الشنط علي الارض..وجاء دورى..امين بكل سماجة وافتري بيقولي بطاقتك..فروحت نظرلته نظرة استغراب..فقالي ايه..جديدة عليك..قولتله لا جديدة ولا حاجة لكن انا معيش بطاقة..ينفع جواز السفر.؟ قالي هو فين..قولتله فوق في الاتوبيس...قالي طب استنانى انت شوية..وفي وسط الزحمة ..طلعت الاتوبيس وجيبت الشنطة وانا نازل شافني الامين..قالي انت ايه اللي طلعك الاتوبيس..قولتله علشان اجيب جواب السفر..قالي طب هو فين..قولتله اتفضل..قالي..طيب مش تقول حضرتك ان معاك الاحمر..طبعا معاملة تانية خالص..واتفضل حضرتك استريح في الاتوبيس...الخلاصة الموقف ده كان بيتكرر في كل مره بذهب الي الغردقة او ج سيناء..وفي كل مرة نص الاتوبيس بيتاخد تحري..وغالبا بيترحلوا اداري...ملحوظة انا اخذت القطار الدولي من لشبونة مرورا باسبانيا..ايطاليا ..سويسرا..النمسا..المجر..رومانيا..لم يطلب احد منى جواز السفر الا في محطة المغادرة لشبونة - البرتغال علما باني كنت احمل اقامة فقط في اوروبا في هذا الوقت...

:)

انا حاسس انك ما قراتش الموضوع من الاول لكن فعلا ده اللي بيحصل و ربنا يرزقنا بالازرق اخو الاحمر و نعيش حياتنا بقا :lol:

:lol:

بالعكس انا قرأت الموضوع ..اعتقد انك مافهمتش المعني من وراء هذه القصة..فهي تكمله لسبب هروب المصريين وقبولهم اى عمل خارج مصر..

فعلا عندك حق :lol:

[MoHaMMeD EgYpT]

مش عارف الموضوع أتشعب كده ازاي :lol: .....بعيد عن الشخصنة أحب أضيف نقطتين :

- مهما رحنا أو جينا أو هاجرنا أو خدنا باسبورتات حنفضل مصريين ....مش بس كده ...اولادنا و أحفادنا و أحفاد أحفادنا برضه حيتقال عليهم مصريين حتي لو ما شافوش مصر أصلا

فيه دعابة لطيفة بتتقال في تورنتو .....الكندي أبا عن جد لو سألته عن أصله مش حيقولك كندي ...حيقول I'm Irish أو I'm Italian أو portuguese إلخ إلخ

المهاجر الجديد هو اللي بيقول I'm Canadian

- العلاقة ما بين السلطة المصرية و بقية المصريين فيها اختلال واضح ....الاختلال ده بيتعدي حدود الوطن إلي البلاد اللي المصريين مغتربين فيها ..... المنتدي مليان مغتربين و اعتقادي الشخصي ما حدش حيبقى راضي عن أداء السفارات و القنصليات المصرية اللي قلما بتوفر أي دعم للمصريين اللي مفروض بترعاهم ....لا معنوي و لا قانوني و لا مادي ..... المصري بره مصر متأكد إنه ما لوش ضهر يحميه و إنه مش من دائرة اهتمامات السفارة المصرية .....زاي ما المصري داخل مصر عارف إن الحكومة مش مهتمة بيه و لا بمصالحه

أعتقد إن الاحساس ده بيلعب دور كبير في سلوك المصريين المغتربين بما فيه الرضا بشروط مجحفة في عقود العمل

ما بين مطرقة الاحساس بالغربة داخل الوطن و سندان عيشة الغربة خارج الوطن نعيش نحن المصريين عصر إضمحلال لا أدري نهايته

فعلا هو عصر اضمحلال و يا عالم امتي هينتهي :)

[MoHaMMeD EgYpT]

مع احترامي لإخواننا الأردنيين ... أنا عاوز أسأل سؤال بسيط: أردن ايه اللي المصريين بيروحوا يشتغلوا فيها ... الأردن دي بلد من أفقر بلاد الشرق الأوسط ومستويات الأجور هناك لا تختلف كثيرا عن الأجور في مصر والبلد عايشه على المساعدات ومصائب الآخرين

ولا احنا غاويين نذل نفسنا في أي مكان وخلاص ... أنا والله اتصدمت لما سمعت إن فيه مصريين رايحين يشتغلوا في الصومال وقطاع غزه ... حقا شر البليّة ما يضحك

بس نرجع نقول منه لله اللي كان السبب

السعودية الأولي والأردن الثانية في استقدام العمالة المصرية

1 يناير 2009

تابع لقسم اخبار مصر بقلم ENOOOO في 1:16 ص

احتلت المملكة العربية السعودية المرتبة الأولي في الدول الأكثر استقبالا واستخداما للعمالة المصرية خلال العام الماضي حيث وفرت السوق السعودية نحو‏63‏ ألفا و‏394‏ فرصة عمل‏.‏ وقالت السيدة عائشة عبد الهادي وزيرة القوي العاملة والهجرة إن إجمالي ما تم توفيره من فرص عمل بالخارج بلغ‏181‏ ألفا

و‏176‏ فرصة في‏14‏ دولة عربية وأجنبية خلال‏2008‏ في مختلف التخصصات الفنية والمهنية‏.‏ وأضافت أن المملكة الأردنية الهاشمية احتلت المرتبة الثانية بنحو‏45‏ ألفا و‏52‏ فرصة عمل ثم الجماهيرية الليبية بنحو‏27‏ ألفا‏.‏

ما هو ده اللي مستغربله يا سوبر سوبر

مش بعيب في بلدك ولا حاجه ... أنا نص اصحابي وجيراني أردنيين وحبايب مع بعض

بس لما الجامعي الأردني يروح يشتغل في الخليج استشاري والجامعي المصري يروح يشتغل في الأردن قهوجي يبقى فيه حاجه غلط ولازم تتصلح عندنا

:)

[Alshiekh]

- مهما رحنا أو جينا أو هاجرنا أو خدنا باسبورتات حنفضل مصريين ....مش بس كده ...اولادنا و أحفادنا و أحفاد أحفادنا برضه حيتقال عليهم مصريين حتي لو ما شافوش مصر أصلا

فيه دعابة لطيفة بتتقال في تورنتو .....الكندي أبا عن جد لو سألته عن أصله مش حيقولك كندي ...حيقول I'm Irish أو I'm Italian أو portuguese إلخ إلخ

المهاجر الجديد هو اللي بيقول I'm Canadian

كلام مضبوط يادكتور

رأيت الكثيرين يشترون برنامج Family Tree ليسجلوا ويتتبعوا جذور عائلاتهم ، الغالبية طبعا من ذوى الاصول الاوروبية ، ولكن هناك البعض من اصول افريقية.

ولا أدرى سببا لمحاولة البعض اهالة التراب على جنسيته المصرية.

اتذكر فى احد الايام بعد احداث سبتمبر ، كان البعض يتحدث عما يمكن ان تفعله امريكا مع العرب والمسلمين المقيمين بأمريكا على غرار مافعلوه مع اليابانيين بعد احداث بيرل هاربر ، ابان الحرب العالمية الثانية.

قلت امريكا ليست الجنة الموعودة وبسواعدنا وعملنا وخبراتنا تحيا امريكا ، ولو مش عايزينا هنا ، طز فى امريكا ، ارجع مصر معزز مكرم " فردت فلسطينية قائلة " انتم لكم بلد ، احنا نروح فين ؟ " وايدها فى ذلك الفلسطينيون الحاضرون.

[torontoz]

[quote name=supersuper' post='467363' date='Apr 24 2009, 08:16

ما هو ده اللي مستغربله يا سوبر سوبر

مش بعيب في بلدك ولا حاجه ... أنا نص اصحابي وجيراني أردنيين وحبايب مع بعض

بس لما الجامعي الأردني يروح يشتغل في الخليج استشاري والجامعي المصري يروح يشتغل في الأردن قهوجي يبقى فيه حاجه غلط ولازم تتصلح عندنا

والسبب في هذا او واحد من عشرات الاسباب تلك الاهانات المتلاحقة للمصري داخل بلده.

[د هشام ابراهيم]

رأيت الكثيرين يشترون برنامج Family Tree ليسجلوا ويتتبعوا جذور عائلاتهم ، الغالبية طبعا من ذوى الاصول الاوروبية ، ولكن هناك البعض من اصول افريقية.

ديه شفتها بعيني يا سيدي الفاضل

أمريكية من أصول أفريقية مش عارفة بلدها الأصلية فين ....جدودها جم مع الأفارقة اللي الأمريكان استعبدوهم زمان و قعدت تدور في الدفاتر القديمة و الاسامي لحد ما لقيت سيرة جد من جدودها و تتبعت خط سير السفينة إللي جت من أفريقيا لحد ما وصلت للبلدة اللي بتنتمي ليها ..... هي ديه لب المشكلة ...الاحساس بالانتماء .....كان طابع مميز لينا قوي كمصريين و للاسف بنفقده رويدا رويدا

[Abu Reem]

علشان نوصل لنهاية مفيدة لهذا الموضوع ، لابد أن نحدد وبدقة وبدون ذكر حالات فردية تحدث هنا وهناك !

السؤال : - هل العيب في تفكير وطموح بعض المصريين الذي يجعلهم يضحون بكرامتهم وأحيانا بحياتهم في سبيل أي عمل وفي أي مكان وبأي ظروف ؟

- ام العيب في البلد ( او ظروف البلد وحالها ).

إذا حددنا أين الخلل أو بعبارة أخرى ما سبب حدوث ذلك ( نستطيع وضع إقتراحات وحلول قد تساعد في تطوير وتنوير تفكير عقلية المصري البسيطه، أو المصري المؤهل تأهيل عالي ومع ذلك يقدم على ذلك الفعل

)

[لونا]

د.هشام ابراهيم كتب:

هي ديه لب المشكلة ...الاحساس بالانتماء .....كان طابع مميز لينا قوي كمصريين و للاسف بنفقده رويدا رويدا

------------------------------------------------------------------------------------------------------------------------------------------------------------------

هذا الإنتماء فقده الجيل الثاني في الغربة مثل محمد ايجيبت و غيره , أما نحن الجيل الأول في الغربة فلم نفقد الإنتماء لبلدنا و الحمد لله.

( و يارب أولادنا لايصبحوا جيل ثاني في الغربة )

أنا لا أشك إنه- محمد - يحب مصر و إلا كيف نفسر ارتباطه بهذا المنتدى الذي كل همومه و مواضيعه مصرية صرف.

الجيل الثاني يشعر بالحب فعلا لمصر و لكن لم يكن لهم ذكريات أو أصحاب في مصر, لم يعيشوا على أرضها سوى مدد قصيرة ,

و الهوية و الإنتماء للوطن أعتقد أنها تتشكل في مراحل الطفولة و المراهقة .

أما نحن الذين تركنا مصر كبارا’’ فقد تشكلت لدينا الهوية المصرية و الإنتماء و لا يمكن أن يتغير ذلك فينا.

وأنا ألتمس لهم العذر في عدم الإحساس بالإنتماء الكامل لبلدهم و لكن لا أجد أي أعذار للتجريح أو النقد للنقد.

ملحوظة أخيرة لصاحب الموضوع : محمد ايجيبت

صدقني رغم عدم موافقتي لكثير جدا’’ من كتاباتك و لكن أنا أحترم جدا قدرتك على طرح آرائك و أفكارك ,

بالرغم من معرفتك أنها قد تكون مثار جدل , و لكن يعجبني أن يكون شاب مصري في عمرك قادر على التواجد في منتدى كهذا :rolleyes:

و بالطبع مع الوقت سوف تنضج كتاباتك و آرائك أكثر.

تحياتي

[MoHaMMeD EgYpT]

د.هشام ابراهيم كتب:

هي ديه لب المشكلة ...الاحساس بالانتماء .....كان طابع مميز لينا قوي كمصريين و للاسف بنفقده رويدا رويدا

------------------------------------------------------------------------------------------------------------------------------------------------------------------

هذا الإنتماء فقده الجيل الثاني في الغربة مثل محمد ايجيبت و غيره , أما نحن الجيل الأول في الغربة فلم نفقد الإنتماء لبلدنا و الحمد لله.

( و يارب أولادنا لايصبحوا جيل ثاني في الغربة )

أنا لا أشك إنه- محمد - يحب مصر و إلا كيف نفسر ارتباطه بهذا المنتدى الذي كل همومه و مواضيعه مصرية صرف.

الجيل الثاني يشعر بالحب فعلا لمصر و لكن لم يكن لهم ذكريات أو أصحاب في مصر, لم يعيشوا على أرضها سوى مدد قصيرة ,

و الهوية و الإنتماء للوطن أعتقد أنها تتشكل في مراحل الطفولة و المراهقة .

أما نحن الذين تركنا مصر كبارا’’ فقد تشكلت لدينا الهوية المصرية و الإنتماء و لا يمكن أن يتغير ذلك فينا.

وأنا ألتمس لهم العذر في عدم الإحساس بالإنتماء الكامل لبلدهم و لكن لا أجد أي أعذار للتجريح أو النقد للنقد.

ملحوظة أخيرة لصاحب الموضوع : محمد ايجيبت

صدقني رغم عدم موافقتي لكثير جدا’’ من كتاباتك و لكن أنا أحترم جدا قدرتك على طرح آرائك و أفكارك ,

بالرغم من معرفتك أنها قد تكون مثار جدل , و لكن يعجبني أن يكون شاب مصري في عمرك قادر على التواجد في منتدى كهذا :rolleyes:

و بالطبع مع الوقت سوف تنضج كتاباتك و آرائك أكثر.

تحياتي

مين قال اني جيل تاني انا من الجيل الاول الحمد لله هو انا علشان روحت الكويت سنتين بقت جيل تاني امال لو قعدت 5 سنين هبقي جيل ايه تالت :P

و شكرا لحضرتك علي كلامك الاخير :happy: