هل الاغتراب في مصلحة مصر ولا ضدها ( مصر كسبانة 200 المية )

[MoHaMMeD EgYpT]

بسم الله الرحمن الرحيم

هل الاغتراب في مصلحة مصر ولا ضدها ؟؟

اكيد في مصلحتها ليه ؟؟ لان لما تسافر و تروح دولة تانية ( يا رب :closedeyes: ) هتوفر استخدام المرافق العامة و هتوفر مساحة في المدارس

الحكومية لطالب لاخر طبعا لما تاخد اولادك معاك و هتوفر العملة الصعبة لمصر يعني واحد في السعودية غصب عنه هيتطر لما ينزل مصر

انه يحول الريالات الي جنيه مصر و يكسب مصر ده طبعا غير فلوس الاجازات اللي المصلحة الحكومية بتاخدها كل سنة و بالدولار ده غير

اننا بنكتسب خبرات اجنبية حتي لو في الخليج برده هتلقي ناس مختلفة و هتاخد خبرة من اشخاص مختلفة ممكن لبنانين هنود

سوررين ادرنيين اوروبيين او اجانب او اي حد لان الخليج مش كل اللي فيه مصريين يعني هتتعرف علي اشياء جديدة و بكده هيبقي

عندك خبرات جديدة يبقي كله في مصلحة مصر لان لما ترجع هتشتغل احسن بخبراتك اللي اكتسبتها :rolleyes:

اممممممممممممممممممممممممممممممممممممممممم

اه كمان هنوفر المرتبات بتاعتنا لمصر و بالعكس احنا بندفع فلوس الاجازات و كمان ما بناخد مرتبات يعني ان مصر هي اللي كسبانة

كمان الاولاد اللي اتعلموا في الخارج حتي و لو في الخليج هيفيدوا مصر لانهم احتمالات نجاحهم بعيدا عن نظام التعليم المصري البغيض

كبيرة جدا

يا تري ايه كمان اللي مصر هتكسبه ده انا بفكر بلاقي مصر هي اللي كسبانة اكتر من اللي اتغرب

اه كمان هنوفر اشياء كتير جدا لمصر لو اخدنا جنسية تانية بجانب طبعا الجنسية المصرية و يا بخت الحكومة شغالة تكسب

ايه رايكم مش كلامي طبيعي ؟؟

ده اللي مصر هتكسبه مننا كتير جدا يعني اللي بيفكر ان مصر هتخسر اقوله لا مصر كسبانة كسبانة

يعني الواحد قبل ما يفكر يتغرب يفكر في نفسه مش في ايه اللي هيحصل لمصر

و فعلا الغربة مش سهلة لكن برده العيشة في مصر مش سهلة

يعني العملية متوازنة لكن كل شخص الميزان بيزيد عنه في نحية يعني واحد الغربة بالنسبة له افضل و واحد مصر بالنسبة له افضل

و اللي فيه الخير اكيد ربنا كاتبهلنا و الارزاق بيد الله يعني اللي ما سافرش اكيد ربنا كاتب له حاجة احسن و اللي سافر و تعب من الغربة

مش بعيد يكون فيه مكان افضل لييه او مصر تكون افضل لييه يعني الارزاق بيد الله

سمعوني بقا رايكم انتم في الموضوع ده i*:

تم تعديل 16 أبريل 2009 بواسطة MoHaMMeD EgYpT

[سهل جدا]

صعب جدا القول بإن الاغتراب في مصلحة مصر

لأن الكوادر البشرية هي اللي هاترفع مصر عاليا

وأعني بالكوادر البشرية: أصحاب التخصصات الهامة

تعرف يا أخ محمد إيجبت هجرة العقول دي بتخسر مصر أد إيه ؟؟

مليارات

لا تنظر لتحويلاتهم المادية إلى مصر, ولكن انظر لإنجازاتهم وعبقرياتهم التي حرمت منها مصر

طبعا الكلام دا لا ينطبق على كل المغتربين المصريين وإنما المهرة منهم سواء كانوا متعلمين أو حرفيين على أعلى مستوى

صدقني الثروة البشرية الماهرة أهم بكثير من الثروة المالية

[doha]

لاه طبعا مش في مصلحتها نهائيا .. لا اجتماعيا ولا اقتصاديا ولا على اي صعيد ..

من الناحية الاقتصادية فالخارج مش بياخذ من مصر غير خيرة ابنائها يعني ( بينتخب ) العنصر الصالح بس ويرد لها الفاسد .. هتلاقي احسن دكتور واحسن مدرس واحسن مهندس دول الي برا .. اكيد جوه لسه في ناس كويسه لكن الافضل مشي .. والاكثر من كده على صعيد العماله فاسوأ انواع العماله دلوقت هي الموجوده في مصر لان كل الكويسين طلعوا الخارج خاصه اوروبا وباسعار فلكية طبعا يستحقوها وتركوا لنا ( الواغش ) نتعامل معاه في مصر بكل اسف ..

نيجي لنقطة تانية برضه في غايه الاهمية على الصعيد الاقتصادي ..

دلوقت لو فرضنا ان في صنايعي شاطر اوي نجار مثلا ولا لحام .. وراح اشتغل في الخارج كام سنة وعمل قرشين .. هتلاقيه لما يرجع مصر احتمال يفتح له ورشه والاحتمال الاقوى انه هيقلب نشاطه لاحاجه افضل يجيب له ميكروباص او يفتح سوبرماركت او حتى يبني له بيت وياجره ويقعد يجمع في الايجار .. وفي كل الاحوال مش هيطلع ابناءه صنايعية يشربوا منه الصنعه من الصغر زي زمان هيكون حريص جدا انهم يخلعوا الثوب ده ويندمجوا في المجتمع الجديد بمهن ووضع اجتماعي مغاير تماما ..

اما بقى عن تحويلات العاملين في الخارج فدي لوحدها مصيبة وهي احد اسباب انهيار الاقتصاد المصري في رايي .. فدلوقت الفلوس الي داخله البلد دي لا يواجهها زياده في الانتاج هتعني ان ابو قرش هيبقى بقرشين ده غير الناس الي جايه من برا وجايبه معاها النمط الاستهلاكي بتاع منطقة الخليج يعني البيبسي لازم كانز والعيش لازم متغلف وكل اوضه لازم فيها تكييف ده غير السيارة الي بقت مطلب اساسي في كل بيت .. كل واحد بيعمل كده اما لانه عاش برا فترة او كل الي حواليه بيعملوها زي بتوع برا فبقى هو كمان لازم يساير الجو .. محدش يقولي ان ده طبيعي وانه افضل لان للاسف احنا معدناش نقدر نستغني عن الحاجات دي مش لاهميتها بقدر مالاننا تعودنا على كده طول عمرنا برا ومستحيل وصعب جدا نغيره دلوقت ..

نيجي بقى للناحية الاجتماعية .. فمتخيلين كم الامراض والعقد النفسية والتراكيب الغير طبيعية لجيل كامل او جيلين تربى على ان نص العيلة برا ونصها جوا؟ خلاص العائلة ذات الاب الواحد دي بقت حاجه عاديه جدا بل والابناء الي من غير اباء من اساسه وعايشين مع اقربائهم او حتى لوحدهم شيء طبيعي جدا وغير مستهجن او مستغرب .. متخيلين الاجيال الي تربت كده ( وانا لا استثني نفسي من ضمنهم ) تفتكروا اننا بنفكر زي الناس العاديه الي عاشت وماتت في وسط اهلها مسابتهمش دقيقة وحده ؟ متخيلين ان اهالينا بالنسبة لنا في نفس اهمية اهالي الناس دول بالنسبة لهم؟

طبعا الهجرة المؤقتة للمصريين في الخارج وتركهم بعض او كل اسرتهم هنا ولسنوات طويلة ادت الى ظهور تغيرات اجتماعية وشخصيات مكانش ممكن تتكون لولا وجود الوضع ده . تماسك النسيج الاجتماعي المصري اهترأ وبشده وكانت ضربة البدايه هي فتح باب العمل في الخارج بالصورة الي كان عليها من عشرين سنه والى الآن ..

بس في نقطه هامه جدا لازم نأكد عليها وهي ان المصريين العاملين في الخارج مش مسئوولين عن كل الاثار الي ترتبت على غربتهم دي وان المسؤول الاول والاخير هو ( قفلها في وشنا ) لما مبقاش قدامنا غير الطريق ده ..

اكيد كل شيء له ضريبة او ثمن واكيد ده ( جزء ) من ضريبة الغربة الي ( اضطرونا ) ندفعها كما هي العاده .. غصب ..

[MoHaMMeD EgYpT]

صعب جدا القول بإن الاغتراب في مصلحة مصر

لأن الكوادر البشرية هي اللي هاترفع مصر عاليا

وأعني بالكوادر البشرية: أصحاب التخصصات الهامة

تعرف يا أخ محمد إيجبت هجرة العقول دي بتخسر مصر أد إيه ؟؟

مليارات

لا تنظر لتحويلاتهم المادية إلى مصر, ولكن انظر لإنجازاتهم وعبقرياتهم التي حرمت منها مصر

طبعا الكلام دا لا ينطبق على كل المغتربين المصريين وإنما المهرة منهم سواء كانوا متعلمين أو حرفيين على أعلى مستوى

صدقني الثروة البشرية الماهرة أهم بكثير من الثروة المالية

انا معا حضرتك ان مصر بتخسر مليارات بسبب خسارة الكوادر بس هما كان ممكن يبقوا مميزين في مصر او بمعني اصح لو فضلوا في مصر هل كان هيقدروا يطوروا نفسهم

يعني هنقول مثلا احمد زويل لو كان فضل في مصر هل تتوقع انه كان اخد جائزة نوبل اكيد لا :blush2:

و مش شرط ان المهارة يكونوا كانوا مهارة اساسا في مصر يعني شخص مثلا سافر كندا و درس هناك و اشتغل و بقا ماهر هناك يبقي مصر خسرته ازاي هي مصر اساسا كانت ادت له حاجة من مهارته دي علشان يرجع لها تاني يشتغل فيها و غير كده هل هيقبل انه بعد ما اتغرب انه يشتغل بمبلغ تافه في مصر ما اظنش

[MoHaMMeD EgYpT]

لاه طبعا مش في مصلحتها نهائيا .. لا اجتماعيا ولا اقتصاديا ولا على اي صعيد ..

من الناحية الاقتصادية فالخارج مش بياخذ من مصر غير خيرة ابنائها يعني ( بينتخب ) العنصر الصالح بس ويرد لها الفاسد .. هتلاقي احسن دكتور واحسن مدرس واحسن مهندس دول الي برا .. اكيد جوه لسه في ناس كويسه لكن الافضل مشي .. والاكثر من كده على صعيد العماله فاسوأ انواع العماله دلوقت هي الموجوده في مصر لان كل الكويسين طلعوا الخارج خاصه اوروبا وباسعار فلكية طبعا يستحقوها وتركوا لنا ( الواغش ) نتعامل معاه في مصر بكل اسف ..

نيجي لنقطة تانية برضه في غايه الاهمية على الصعيد الاقتصادي ..

دلوقت لو فرضنا ان في صنايعي شاطر اوي نجار مثلا ولا لحام .. وراح اشتغل في الخارج كام سنة وعمل قرشين .. هتلاقيه لما يرجع مصر احتمال يفتح له ورشه والاحتمال الاقوى انه هيقلب نشاطه لاحاجه افضل يجيب له ميكروباص او يفتح سوبرماركت او حتى يبني له بيت وياجره ويقعد يجمع في الايجار .. وفي كل الاحوال مش هيطلع ابناءه صنايعية يشربوا منه الصنعه من الصغر زي زمان هيكون حريص جدا انهم يخلعوا الثوب ده ويندمجوا في المجتمع الجديد بمهن ووضع اجتماعي مغاير تماما ..

اما بقى عن تحويلات العاملين في الخارج فدي لوحدها مصيبة وهي احد اسباب انهيار الاقتصاد المصري في رايي .. فدلوقت الفلوس الي داخله البلد دي لا يواجهها زياده في الانتاج هتعني ان ابو قرش هيبقى بقرشين ده غير الناس الي جايه من برا وجايبه معاها النمط الاستهلاكي بتاع منطقة الخليج يعني البيبسي لازم كانز والعيش لازم متغلف وكل اوضه لازم فيها تكييف ده غير السيارة الي بقت مطلب اساسي في كل بيت .. كل واحد بيعمل كده اما لانه عاش برا فترة او كل الي حواليه بيعملوها زي بتوع برا فبقى هو كمان لازم يساير الجو .. محدش يقولي ان ده طبيعي وانه افضل لان للاسف احنا معدناش نقدر نستغني عن الحاجات دي مش لاهميتها بقدر مالاننا تعودنا على كده طول عمرنا برا ومستحيل وصعب جدا نغيره دلوقت ..

نيجي بقى للناحية الاجتماعية .. فمتخيلين كم الامراض والعقد النفسية والتراكيب الغير طبيعية لجيل كامل او جيلين تربى على ان نص العيلة برا ونصها جوا؟ خلاص العائلة ذات الاب الواحد دي بقت حاجه عاديه جدا بل والابناء الي من غير اباء من اساسه وعايشين مع اقربائهم او حتى لوحدهم شيء طبيعي جدا وغير مستهجن او مستغرب .. متخيلين الاجيال الي تربت كده ( وانا لا استثني نفسي من ضمنهم ) تفتكروا اننا بنفكر زي الناس العاديه الي عاشت وماتت في وسط اهلها مسابتهمش دقيقة وحده ؟ متخيلين ان اهالينا بالنسبة لنا في نفس اهمية اهالي الناس دول بالنسبة لهم؟

طبعا الهجرة المؤقتة للمصريين في الخارج وتركهم بعض او كل اسرتهم هنا ولسنوات طويلة ادت الى ظهور تغيرات اجتماعية وشخصيات مكانش ممكن تتكون لولا وجود الوضع ده . تماسك النسيج الاجتماعي المصري اهترأ وبشده وكانت ضربة البدايه هي فتح باب العمل في الخارج بالصورة الي كان عليها من عشرين سنه والى الآن ..

بس في نقطه هامه جدا لازم نأكد عليها وهي ان المصريين العاملين في الخارج مش مسئوولين عن كل الاثار الي ترتبت على غربتهم دي وان المسؤول الاول والاخير هو ( قفلها في وشنا ) لما مبقاش قدامنا غير الطريق ده ..

اكيد كل شيء له ضريبة او ثمن واكيد ده ( جزء ) من ضريبة الغربة الي ( اضطرونا ) ندفعها كما هي العاده .. غصب ..

عند حضرتك حق بخصوص ان الخارج بياخد اكفا الناس لكن حضرتك قولتيها انهم اتميزوا بمرتباتهم الفلكية اما لو كانوا في مصر مرتباتهم كانت هتبقي زي اي شخص تاني حواليهم و في نفس مجالهم

ندخل بقا علي حتة الصنايعي انا شايف عنصرية في الحتة دي هو حر يدخل ولاده مدراس و يدخلهم المجتمع الراقي و يطلعوا دكاترة و مهندسين و برده هو حر انه يغير من مستواه و نشاطه , يعني هو علشان صنايعي يبقي حرام انه يعمل كده و لكل مجتهد نصيب و من جد وجد يعني الرجل تعب عبال ما عمل الفلوس و ابتدي يغير من وضعه و ده حقه و هو علشان صنايعي يبقي عيلته كلها لازم يبقوا صنايعية اكيد لا و بصراحة الصنايعي يستهل التقدير مننا لانه كان ممكن يجيب الفلوس و في مصر لكن بطرق تانية لكنه فضل انه يتعب له شوية و يجمع الفلوس بالحلال صح ولا انا غلطان

بصراحة بخصوص الزيادة هي فعلا الاسعار شغالة تزداد بس هو ايه ذنب اللي متغربين هي الحكومة اللي عاوزة فلوس باي طريقة و بخصوص نمط الحياة الخليجي و الله حضرتك عندك حق بس هيمعلوا ايه اللي راحوا الخليج اتعودوا علي كده و ماله يعني لما اللي راحوا الخليج يشتروا العيش المغلف و علب البيبسي مش احسن ما يروحوا يشتروا العيش ابو شلن و يمرضوا نفسهم

بخصوص بقا الحالة الاجتماعية هي اساسا الحالات دي مش موجودة في مصر موجودة و مش شرط يكون سببها الغربة ممكن بسبب الطلاق او شئ تاني

و بخصوص سفر الناس في العشرين سنة الاخيرة ده فعلا حقيقي بس الناس مش ذنبها لان مصر مازالت علي حالها من العشرين سنة اللي فاتوا يعني المرتبات ما زادتش الا فاتفيت و الاسعار شغالة تولع ده اسعار السلع تقريبا بقت مشبهة لاسعار السلع في الخليج بجد ما بهزرش يعني كيلو اللحمة هنا في الكويت بدينار و نص ( 30 جنيه تقريبا ) هناك في مصر 45 جنيه يعني الاسعار في مصر اساسا بقت اعلي من الخليج كمان في واحد صحبي قال حاجة و بصراحة حكمة قالي انا اروح اصرف في مصر دم قلبي و مش اقل من 500 دينار ( 10000 جنيه )علي الاقل علشان شهر طب ما انا ممكن اروح شهرين في افخم حتة في ماليزيا ب 200 دينار ( 4000 جنيه ) يعني بصراحة انا مش فاهم الناس عايشين ازاي في مصر ربنا يكون في عونهم

و فعلا المتغربين مش ذنبهم انهم سابوا مصر لان مصر بصراحة العيشة بقت مستحيلة فيها ده اسعار السلع و الاكل بقت تقريبا زي الخليج اللي الفلوس فيه بالهبل لكن حسبي الله و نعم الوكيل في مبارك و عيلته كلها

و فعلا لازم ندفع تمن الغربة غصب لكن الغربة بقت احسن من غربة مصر ده والله الغريب يمكن يكون ارحم عليك :blush2: