اذهب الي المحتوي
hammad

ياريت عضو هيئه تدريس يفيدنى

Recommended Posts

انا جوزى حيسافر يدرس فى الجامعه بتبوك بمبلغ 6الاف مع البدلات غير بدل السكن بس قالوله حنضيف لك 80%عشان احنا جامعه لسه ناشئهياترى ده صح ومصاريفى انا وزوجى وولدين مش فى مدرسه كام شهرياوهل تبوك ارخص من الرياض وجده

شارك هذه المشاركه


رابط المشاركه
شارك

وظيفة زوج حضرتك مسماها ايه بالضبط يعنى هو حاصل على الدكتوراه و لا لسه معيد او مدرس مساعد

و بيشتغل في جامعة في مصر و لا حاصل على ماجستير من خارج الجامعة

الرمتب منخفض على عضو هيئة تدريس

ممكن يحصل عليه محاضر حاصل على الماجستير فقط

تبوك اسعارها زي الرياض بس يمكن السكن ارخص شوية

بالنسبة للمصاريف الشهرية تتراوح بين 4000 -4500 ريال شهري في المتوسط شاملة كل شئ بما فيها مصاريف السيارة و الطعام و الخدمات و الترفيه

ياريت معلومات عن مسمي الوظيفة عشان افيد حضرتك

و بالنسبة لحكاية 80% زيادة دي لازم تتاكدو منها لان لازم ينص عليها في العقد من مصر مش بعد ما يروح السعودية

لان بصراحة مفيش حد بياخد البدل ده من اي من زملائنا هنا حتى في الجامعات الناشئة لا يزيد البدل عن 25% من مربوط الراتب بدل جامعة ناشئة

شارك هذه المشاركه


رابط المشاركه
شارك
انا جوزى حيسافر يدرس فى الجامعه بتبوك بمبلغ 6الاف مع البدلات غير بدل السكن بس قالوله حنضيف لك 80%عشان احنا جامعه لسه ناشئهياترى ده صح ومصاريفى انا وزوجى وولدين مش فى مدرسه كام شهرياوهل تبوك ارخص من الرياض وجده

الاخت الفاضلة

اولا المرتب ضعيف جدا جدا جدا بالنسبة لمرتبات اساتذة الجامعات في المملكة

وكدلك ضعيف جدا جدا جدا من حيث الاقامة والمعيشه ......والذي منه

شوفي يا ستي..... حتي لو اعطوا زوجك ١٠٠٪ زيادة..... يعني ١٢ الف لسه برضه قليل جدا علي ستف الجامعة....

وخلي بالك،،،، اللي بيوافق بالقليل معاهم...... خلاص......

اعطي لك مثال.....لسه اخو زوجي مسافر من جامعة القاهرة الي جامعة الملك سعود للتدريس...... المرتب ١٨ الف..... غير المدارس..... بدل السكن...... بدل التاثيث......وغير علاوة كل سنة نسبة في

المائة مش عارفة كام......

المهم المرنب ده ضعيف جدا..... وكمان بتوع الكليات الخاصة دول مش مضمونين

برده اسمعي خبرات السادة الافاضل اللي عايشيين في تبوك..... يمكن تكون ارخص من الرياض وجده

وبعدين اهم حاجة اعملي استخارة اكتر من مرة...... وربنا يلهمكم اتخاذ القرار الصواب ان شاء الله

ونداء عاجل لسين سين الشهير بسي السيد عمدة المملكة السعوديه........ ايه رأي حضرتك؟؟؟؟

شارك هذه المشاركه


رابط المشاركه
شارك

متشكره عالرد واليكم المعلومات بالتفصيل عشان تفيدونى اكتر زوجى هنا مدرس مساعد (اكاديمى) فى جامعه هنا فى مصرووقع عقدمبدئى معاهم المرتب فيه شامل ال80%دىحوالى 10الاف ريال عير بدل السكن 18 الف و9 الاف بدل اثاث ,وهو معاه ماجستير اطفال لما عرفوا كده اضافوا ال80%دى بدل كلينيكل هل معناها ان هما حيشغلوه بالاطفال كمان ولا ممكن يلغوا ال80%دى فىالعقدوكده يبقى المبلغ مالوش لازمه فيتأكد ازاى انها موجوده فى العقد, فهل كده المبلغ ده مش كويس لمدرس مساعد( ستف)وجامعه تبوك دى حكوميه لانها تبع الملحقيه هنا,معلش ياريت حد يقولى كمان اجازه مرافق للزوجه

جوزى يعملها ازاى لان ده السبيل الوحيد للسفروهل الجامعه (تبوك يعنى) هى اللى بتوفر له عقد ليه ولا هو يتصرف ويجيبه منين معلش بتقل عليكواوانا شايفه ان انا وزوجى وطفلين 5شهور وسنتين نصرف 4الاف ده يعتبر تبذير ولا ايه ؟؟؟؟؟؟؟؟؟؟؟؟وهل سفره قبل الدكتوراه مجدى ولا ايه

شارك هذه المشاركه


رابط المشاركه
شارك

السلام عليكم

ارد اولا بالنسبة للاخت اللى قريبها في جامعة الملك سعود

انا اعمل بجامعة الملك سعود و لا يوجد عضو هيئة تدريس مصري يتقاضي هذا الراتب 18 الف

اقصي راتب لدرجة استاذ هو 14 الف فقط

اما بالنسبة للبدلات فهي 25 بدل سكن و لا يوجد بدل للمدارس الا اذا كان اولاده يتعلمون في مدارس اجنبية في مصر و قدمو للسعودية و بالتالي يمكن صرف بدل مدارس لهم اما لو كانو في مدارس عربي فلا يصرف لهم شئ

اعود لصاحبة الموضوع

زوج حضرتك ليس staff لانه لم يخصل بعد على الدكتوراه و عشان كده الراتب ضعيف و لكنه فعلا راتب المدرس المساعد و كده يبقي مفيش ظلم له و لا تفرقة و لا حاجة

بالنسبة لنسبة الزيادة كما قلت لحضرتك انها مش عشان جامعة ناشئة و لكن عشان هو هيشتغل في الجامعة تدريس و كمان هيشغلوه في المستشفي و نسبة 80% راتبه عن عمله في المستشفي بجانب الجامعة

و اعتقد ان 10000 معقول بالنسبة له و زي ما قلت لك ان المعيشة تكلف 4000 تقريبا يعنى ممكن توفروا 6000

لكن المشكلة الاساسية هي موضوع مرافق الزوجه

في تشديد جامد جدا على هذا الموضوع في مصر و منع كثير من الدكاترة من السفر بعقود مرافق الزوجة

كمان الاوراق الى اصبحت مطلوبة تجعل من السفر شبه مستحيل

لانهم بيطلبو الاتي

-اصل جواز سفر الزوجة و عليه تاشيرة العمل الخاصة بها و مكتوب فيها ان الزوج لا يعمل

- اصل اقامة الزوجه في السعودية و مكتوب عليها ان الزوج مرافق لها و لا يعمل

-اصل جواز سفر الزوج خالي من اي تاشيرات عمل و عليه تاشيرة مرافق للزوجة من السفارة السعودية بالقاهرة

-عقد العمل الخاص بالزوجة موثق من القنصلية

-تعهد من الزوج بان جميع هذه الاوراق صحيحة و سليمة

و حتى لو سافر زوج حضرتك بشكل او باخر و قام اي شخص بالابلاغ عنه لادارة الجامعة (في ناس كتير بتحب تعمل خير في مصر) سيتم تحويلة للتحقيق الاداري (خاصة انه ليس عضو هيئة تدريس و ما زال يعامل زي الموظفين في الجامكعة) و يتم فصله مباشرة و ممكن كمان مكاكمته جنائيا للتزوير

انا شرحت لحضرتك الموقف كاملا لدرايتى بالموضوع حيث اننى اعمل بالجامعة في وظيفة استاذ مساعد و على المام كامل بكل الامور هذه

و لو عندك اي سؤال اتفضلي

شارك هذه المشاركه


رابط المشاركه
شارك

جامعة تبوك هي جامعة ناشئة تقريبا السنة اللي فاتت فتحوا كلية الطب وكلية الهندسة وبالوقت الحالي الحكومة بتقوم بعمليات انشاء لعدد من الكليات داخل المدينة الجامعية

الكليات المتوفرة في تبوك

كلية الطب - كلية الهندسة - كلية العلوم الصحية - كلية المجتمع - كلية المعلمين - كلية العلوم

الكليات التي تتبع لمؤسسة التعليم الفني والتدريب المهني

كلية التقنية للبنين

كلية التقنية للبنات

معهد التدريب المهني

----------------------------------------------------------

مدير جامعة تبوك هو معالي الدكتور عبدالعزيز بن سعود العنزي - حصل على شهادتين للدكتوراه من الولايات المتحدة الأمريكية

------------------------------

http://www.tbouku.com/vb/

شارك هذه المشاركه


رابط المشاركه
شارك

جزاكم الله خيرا وبعد كلام حضرتك اللى وضح لنا كتير من الامور زوجى بيفكر جديا انه لا يسافر وينتظر بعد الدكتوراه, لان الكلام اللى حضرتك وضحته قلق زوجى كتير علىمستقبله الجامعى اللى هو اهم طبعا بعد ماكنا عملنا الجواز واللى باقى هو موضوع الاجازه وتخليصها لكن لعله خير وجزاكالله خيرا

شارك هذه المشاركه


رابط المشاركه
شارك
جزاكم الله خيرا وبعد كلام حضرتك اللى وضح لنا كتير من الامور زوجى بيفكر جديا انه لا يسافر وينتظر بعد الدكتوراه, لان الكلام اللى حضرتك وضحته قلق زوجى كتير علىمستقبله الجامعى اللى هو اهم طبعا بعد ماكنا عملنا الجواز واللى باقى هو موضوع الاجازه وتخليصها لكن لعله خير وجزاكالله خيرا

الاخت الفاضلة

ارجو ان تذهبى لشئون ه يئة التدريس في الجامعة في مصر ة تتاكدو بانفسكم

حتى يكون ضميركم مرتاح

انا متاكد من هذه المعلومات و لكن هذا مستقبلكم و يجب ان تكونوا على بينة و تتاكدوا من كل شئ بانفسكم

و الموضوع لن يكلفكم سوي الذهاب الى شئون ه يئة التدريس بالجامعة و السؤال عن اجاة مرافقة الزوجة و تحصلون على المعلومات كاملة ووافية من مصدرها

و بالتوفيق

شارك هذه المشاركه


رابط المشاركه
شارك

السلام عليكم احنا طبعا متأكدين من كلام حضرتك ،بس مصاريف المعيشه كتير اكدوا لى ان احنا حنصرف فى حدود الفين هل ده صحيح وجزاك الله خيرا واحنا خلاص قاعدين ان شاء الله

شارك هذه المشاركه


رابط المشاركه
شارك
Guest عمرو

طيب لو سمحتم ممكن حد يفيدني مرتب استاذ مشارك في جامعة الفرابي بالرياض في تخصص الاحياء كام

شارك هذه المشاركه


رابط المشاركه
شارك

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • ياريت حد يفيدني بمشكلة من عام ٢٠١٥ بالسعودية

      السلام عليكم  انا كنت أعمل بشركة سوفت وير وكنت اتردد على السعودية تأشيرة عَمل وليست إقامة، كانت الشركة تجدد التأشيرة وانا داخل السعودية لمدة ٣ شهور ، لكن في شهر ٩/٢٠١٤ تم دخولي السعودية بتأشيرة عمل أيضا لمدة شهر وكان المفترض أن يقوم الشركة (الكفيل) بالتجديد لكن كان يكذب ويقول انه جدد ولم يجدد لي وعند نزولي من السعودية في شهر٦/٢٠١٥ تم تبصيمي في المطار حيث انني كسرت تأشيرة،  لقد تركت تلك الشركة بعد نزولي مصر، والان اعمل في شركة أخري، لقد تقدمت لطلب تأشيرة تجارية اكثر من ١٠ مرات و ترفض، و

      في الملتقى العام لزوار محاورات المصريين

    • عضو هيئة تدريس بجامعة الملك سعود

      السلام عليكم اخوانى ارجو افادتى من واقع تجربتكم بالغربة انا مقدمة على التعاقد كعضو هيئة تدريس مع جامعة الملك سعود بالرياض مقابل اجر شهرى حوالى 7000 ريال بالاضافة الى بدل سكن قدره حوالى 18000 ريال سنويا وانا سوف يأتى معى زوجى وأولادى ولد فى خامسة ابتدائى وبنت فى اولى اعدادى وبنت فى ثالثة ابتدائى فهل هذه المبالغ كافيه للمعيشة بالرياض وماهى ظروف المدارس والسكن وأسعارها وخلافه لنبدأ حياتنا هناك وهل تعاقدى هذا يكفل لى حياة كريمة .

      في المغتربين المصريين - egyptian expatriates

    • سؤال الى اهل الخبرة فى المملكة من اعضاء هيئة تدريس

      انا صيدلى حاصل على ماجستير وقدمت على وظيفة محاضر بأحد الجامعات السعودية ومفروض الخطوة القادمة هى الاتفاق على بنود التعاقد فكنت بسأل لو حد يقدر يفيدنى ايه الراتب المناسب للوظيفة والبدالات المناسبة لانى سمعت ارقام متضاربه ما بين 8000 و16000 ريال وانا فى حيرة من امرى ومفروض ابداء الترم التانى هناك ..ارجو المساعدة وشكرا

      في المغتربين المصريين - egyptian expatriates

    • لو سمحتم انا معرض لعملية نصب و عاوز حد يفيدنى على وحه السرعه

      السلام عليكم و رحمته الله وبركاته انا عندى سؤال ضرورى ومحتاج الرد بسرعه .... فى سمسار جابلى عقد عمل للامارات " دبى " فى معرض سيارات و قالى هياخد 11000 مقابل عقد العمل .. ودفعت نص المبلغ مقدما .. وفعلا بعد حوالى شهر جابلى صورة من العقد و التأشيرة و قالى انه عاوز بقية المبلغ .. قلتله يومين و هدفعهولك .. بس فى واحد شاف التأشيرة و العقد وقالى ان الفيزا موزورة ... انا عاوز حد يفيدنى اتأكد ازاى ان التأشيرة مزورة و لا لا ... الرجاء الرد عليا سريعا .

      في المغتربين المصريين - egyptian expatriates

    • تأشيرتى بقالها اكتر من شهر ياريت تساعدونى

      السلام عليكم ..... انا جوازى ف القنصلية من يوم ١٤-١٢ ولحد دلوقتى مفيش اى اخبار عن التاشيرة وكل ماكلم المكتب يقولى بكرة او الاسبوع ده ومش عارف هتطلع امتى المشكلة انى كنت هناك من سنة ونص وواخد نهائى هل دى مشكلة ولا ايه والمكتب كان قالى ان شهادة التخرج مش هتحتاج تتوثق من الملحق لانها كانت متوثقة من ٤ سنين .... ياريت اللى يعرف ده عادى ولا لا اصلى قلقان جداااا وكل مادخل على موقع انجاز يقولى خطأ ف البيانات لحد مازهقت

      في المغتربين المصريين - egyptian expatriates

×
×
  • اضف...