اذهب إلى المحتوى
محاورات المصريين

زغاريد وأغاني الأفراح - عقبال عندكم


abofasad

Recommended Posts

أخواني

بنتي الفصادة الصغيرة ستتزوج بعد اسبوعين

وكما تعلمون لايوجد هنا في اسبانيا محلات لشراء شرائط الزغاريد وأغاني الأفراح

فهل يشاركني فرحتى أحد الزملاء وبساعدني في تنزيل بعض الأغاني الخاصة بهذه المناسبة السعيدة وأيضا بعض الزغاريد

وعقبال عندكم جميعا

ابو فصاد (الشهير هذه الأيام بابو العروسة)

رابط هذا التعليق
شارك

الف مبرووووووووووووووووووووووووووووووووووووك :roseop::roseop: :winner: cr((:

معقولة مافيش في اسبانيا ولو حتي اغاني اسباني للافراح i*:

رابط هذا التعليق
شارك

الموجود في اسبانيا إما:

الفلامنكو: اي الفلاح المنكوب اللي بينوح

أو اغاني الخبط والرزع اللي ما تملاش الدماغ الشرقي الأصيل

عقبال عندكم

رابط هذا التعليق
شارك

الف الف مبروك يا اونكل وعقبال ما تشوف احفادهم وتجوزهم ونبعت لهم اغاني برضوا بس خلينا نبدأ معاهم واحده واحده

بس انا مكسوف اجر رجل حضرتك لأغاني الفلاحين بتاعت الافراح .. اصل محسوبك لا ينسى اصول اجداده مهما شرب سفن اب واكل كنتاكي وحتى اذا كنت بقى لي سنين ما زورتش الريف .. لكن الجذور لا يمكن ان تزول

فأسمح لي حضرتك انزل لك بكره بس شوية اغاني افراح فلاحي هاتكسر اقليم الباسك وتهزم برسلونة في عقر داره

ويا ليل بيضا وسقف بيتنا نور ... و قولوا لابوها سوري يعني ان كان جعان يتعشا وكدهوت

الموضوع ده هاخليهولك ضرب نار والنقطة هاتبقى باليورو

بس ابعت لك ترجمة سبانيولي ازاي للحاجات دي ؟ زيس ايز ذا برومبليم

---------

عايز منك طلب بقى وكنت مكسوف اطلبة من مدام سلوى احسن تفتكر اني انتكست ورجعت 40 سنة لورا

بما انكم في اسبانيا

سابق عليك النبي انا داخل في 30 سنة عندي عقده نفسيه من كلمات اغنية old macdonald had a farm

بس النسخة الاسبانيولي

بأشغلها للعيال في العربية والكلمة الوحيدة اللي فهمتها هي " كاتو " يعني قطة بالاسباني

فارجوك ارحم دموعي ونزل الكلام اسبانو اراب .. يعني اسباني بحروف عربي وانا هاتعمل مع الهدف

جدو عبدو عندو خروف .. طيب قوي ومش مكسوف

الاغنية بالاسباني عندي بس عالجهاز التاني هابقى انزلها لحضرتك وانت عليك الترجمة

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

الف الف مبروووووووووووووووووك لولولولييييييييييييييي :roseop:

و ربنا يتمم بخير و تفرح بيها و بولادها يا رب

ان شاء الله هاشوف لحضرتك مواقع تنزل اغاني الافراح و اقولك عليهم

رابط هذا التعليق
شارك

:roseop:

الف الف الف مبروووووووك و ربنا يتمم بخير ..

بارك الله لهما و بارك عليها و جمع بينهما في خير ..

انا عارف الاحساس ده و كنت شايفه في عين والدي يوم فرحي و برده كان بيعتبرني لسه صغير و لسة ابن امبارح هيتجوز ههههه

.. بجد الف مبرووووك

"إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ"

قال صلى الله عليه وسلم : من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر عن معسر يسر الله عليه في الدنيا والآخرة، ومن ستر مسلما ستره الله في الدنيا والآخرة، والله في عون العبد ما كان العبد في عون أخيه ... رواه مسلم

رابط هذا التعليق
شارك

ألف ألف ألف مبرووووووووووووووووك حضرتك

وعقبال ما تشوف الأحفاد ان شاء الله

شوف حضرتك

طالما عايز أغانى أفراح

وياسلام لة كانت شرقي

انا أنصح حضرتك بالموقع الأول لهواة الطرب الأصيل مش غنا اليومين دول

وحضرتك نقى بقى منه أى أغنية فرح

أهو برضة ممكن ينفع بعد الفرح ان شاء الله

الموقع أهو

سوارى :موقع الطرب الأصيل

تم تعديل بواسطة حسام يوسف
رابط هذا التعليق
شارك

الف الف مبروك و عقبال اولادنا يارب و اشوف الفرحة فى عيونى زى ما انا شايفة الفرحة فى حروف

كلماتك اللى هتنط من سطر الى سطر يارب تمم لها بخير و تفرح بيها و تشيل اولادها و يتنططوا حواليك

و يقولوا جدو جة بس بالاسبانى بقى ياترى تتقال ازاى دى

http://www.6rbwow.com/song.php?id=17753

دة موقع غنية ما تزوقينى يا ماما لمها صبرى دى باحبها قوى فى الافراح

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

ألف مبروك :roseop:

هحاول ارفع لحضرتك الصبح طلبك

بداية من دقوا المزاهر وانتهاءا بلواحظ اختي خطبوها :roseop:

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

الف مبرووووووووووووووووووووووووووووووووك

وربنا يتم عليها بخير

كان نفسنا كلنا نبقى جنبك وحواليك

ياما بيبقى نفسنا نلاقى حد فرحان ونفرح لفرحه ونبقى جانبه نسانده

تانى مرة مبروك للبنت الفصادة

وعقبال باقى عيال المنتدى اولادنا واحبابنا :roseop:

طول ما املى معايا معايا وفى ايدي سلاح

حافضل اجاهد وامشى وامشى من كفاح لكفاح

طول ما ايدي فى ايدك اقوم واقف واهتف واقول

حيّ حيّ على الفلاح

داري يا داري انا احميك بايمـــــانى

طول ماذراعى معايا ابني واعلي بنياني

حافضل عايش فيها بجهدي واملى ابنيها

انا روحى فداها وفدا اهلى واوطـــــاني

زاحف يا شعبي تمحي الماضي رياحك

عهــدك جوا ف قلبي والبطولة جراحك

أيامنـــــا اللي جاية وارادتنا القويـــــة

تنصرنا يا وطني ويملا الدنيا صباحك

نمشي ونمشي والعزة تعيــــــش ويانا

لأ احنا منرجعش ولاتتراجع فى خطانا

تهتف اراضينا لنا والنصر ينــــادينا

يلا بينا يلا وربــنا معانا

رابط هذا التعليق
شارك

سعادة ما بعدها سعادة أن ارى كل الأحباء بالمنتدى يشاركونني الفرحة

سعادة ما بعدها سعادة وأنا أرى ان كل واحد يريد أن يساعد ويساهم ويشارك

كنت اتمنى انكم تكونوا كلكم معايا .. نفرح سوا

كل اللي اقدر اقوله

عقبال عندكم والعاقبة عندكم في المسرات

اما عن موضوع جدو بالاسباني فهي أبويلو ABUELO

سي السيد .. طلبك مجاب ان شاء الله

جدو ابو فصاد

رابط هذا التعليق
شارك

أخواني

بنتي الفصادة الصغيرة ستتزوج بعد اسبوعين

وكما تعلمون لايوجد هنا في اسبانيا محلات لشراء شرائط الزغاريد وأغاني الأفراح

فهل يشاركني فرحتى أحد الزملاء وبساعدني في تنزيل بعض الأغاني الخاصة بهذه المناسبة السعيدة وأيضا بعض الزغاريد

وعقبال عندكم جميعا

ابو فصاد (الشهير هذه الأيام بابو العروسة)

الف مبروك وربنا يتمم بالخير يارب

وبعد اذن حضرتك انت فين فى اسبانيا عشان انا عندى استفسار بشان اسبانيا !!

وهو هل اسبانيا بلد تستاهل الغربه زى مابنقول لان لى صديق يرغب فى العمل كطبيب هناك وهو يعرف كل شىء تقريبا عن كيفية العمل كطبيب هناك وله اصدقاء اسبان هناك فى استورياس وهى مقاطعه فى الشمال ولكن يريد التعرف من شخص مصرى يقيم فى اسبانيا

لانه تقريبا قرار يخص حياته باكملها

''رَبِّ لَا تَذَرْنِي فَرْدًا وَأَنتَ خَيْرُ الْوَارِثِينَ''

رابط هذا التعليق
شارك

السلام عليكم ورحمة الله.....

جدوو أبو فصاااد.....الله...ايه الخبر الجميل ده..

ألف مبروك...ربنا يتم فرحكم بالخير....وتشوف اولادها واولاد اولادها ان شاء الله ويتربوا فى عزك....

طيب انا لازم اعمل واجب بقى ..ده فرح بنتنا واختنا....

صوت زغروطة - عزف منفرد-... dct:: ?

زغروطة حلوة رنت فى بيتنا?

دقوا المزاهر - توزيع جديد?

ياولاد بلدنا يوم الخميس - توزيع جديد?

بدنا نتجوز ع العيد ?

ياعشاق النبى ?

شغالة دى برضه يا جدو... dct::

يا ايدين البنات يا محنية?

دقوا المزاهر تانى - فريد الاطرش?

ودى بقى هدية من المحل.... :lol:

ان شالله ما أعدمك - بصوت مدحت صالح

وان شالله مانعدمك ياجدو ابو فصاد وربنا يخليك لنا..وتسمح لنا بمشاركتك افراحك دايما....

ولو الروابط فيها حاجة .....ابقى اشوفها الصبح ان شاء الله لو لنا عمر....... :)

:blink: :roseop:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك

مبروك ربنا يتمم بخير :roseop:

تقدم مصر سيمر بعدة مراحل

أول مرحلة هي القضاء على نظام مبارك

رابط هذا التعليق
شارك

ألف مبروك وربنا يتمم بخير

انا رفعت لحضرتك مجموعة من الأغاني والزغاريد والطبلة على لينك واحد علشان يوفرلك الوقت في التحميل

شوف انت اللي يعجبك واللي ما يعجبكش شيلة (أصل في حاجات بيئة جداً ) :roseop:

ربنا يتمم بخير وماتنساناش في تورتة العروسة

أضغط للتحميل

gilmour.jpg

رابط هذا التعليق
شارك

الف الف مبروك بس للاسف مش هينفع اجى مع انى بموت فى الافراح

وربنا يفرحك بيها وباولادها

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك

الف مبروك استاذى الفاضل

ربنا يتمم لها بخير باذن الله تعالى

و تفرح باولادها

و برضه تيجلنا هنا تطلب منا اغانى افراح علشان فرحهم

EjGPv-c584_381280136.jpg

ما اجمل الانوثه عندما تمتطى صهوه الحياه

رابط هذا التعليق
شارك

مشارتكم لي الأفراح وسام كبير على صدري اعتز به

أنتم المصريون الأصلاء

أنتم ولاد البلد الجدعان

وعقبال عندكم

جدو ابوفصاد

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      حققت الفنانة مى كساب نجاحا كبيرا بعد تصدرها لبطولة حكاية عقبال عوضك ضمن حكايات مسلسل زى القمر بمشاركةعرض الصفحة
    • 0
      عندما يرزق الآباء بالأبناء تظل لحظة رؤيتهم فى زفافهم مسيطرة عليهم ويحلمون بتلك اللحظة التى يرون فيها أبناءهم عرض المقال كاملاً
    • 54
      أم ترتر هى أخت سماسم العالمة .. دايما مهيصين .. مزأططين نفسهم واللى حواليهم .. الدنيا تضرب تقلب ، هم مالهمش دعوة .. دايما زآطيط ، فرافيش ، نعانيش .. قعدتهم كلها زغاريد أم دجدج هى أخت أم بِلـِّس الندابة أو "المعددة" .. شغلتهم الندب والتعديد والنواح على راس الميت .. وفى الخمسان وطلعات القرافة .. شغلتهم الكآبة للى حواليهم .. بارعون فى تقطيع نياط قلوب أهل الميت عليه .. إدرار الدموع من مآقيها حتى تجف المآقى .. يقودون باقتدار عمليات لطم الخدود وشق الجيوب .. لغاية ما يهدُّوا حيل اللى حواليهم .. وبعدين
    • 3
      ما هذه التمبلة التي نعيش فيها ، ما هذا النكد الذي يتلبسنا ، 200 ألف وحدة سكن إجتما عي ستسلم بعد يومين  ، و تليفزيون و إذاعة الدولة  و لا كأنهم هنا. ما سبق كان إستهلالا لابد منه هل تعرفون ماذا يعني تسليم  أكرر تسليم  مائتي ألف وحدة إسكان إجتماعي ، هل تعرفون حجم العمل الذي  فعلا تم إنجازه ..   أكيد تعرفون ما ذا يعني مجرد تشطيب شقة  أكيد تعرفونها  ،  لماذا الصمت ؟ أمال  فرح العمدة يتعمل لما نعمل إيه أين تليفزيون الدولة و إذاعة الدولة ؟ لكي الله يا مصر
    • 9
      السلام عليكم ورحمه الله وبركاته 1. الأخــــلاق كن خلوقاً تنل ذكراً جميلاً. يقول الرسول عليه الصلاة والسلام: (أكمل المؤمنين إيماناً أحسنهم خلقاً ، الموطؤون أكنافاً ، الذين يألفون ويؤلفون ، ولا خير فيمن لا يألف ولا يؤلف). ويقول الشاعر : وإنما الأمم الأخلاق ما بقيت**** فإن همُ ذهبت أخلاقهم ذهبوا 2. الاهتمـــــام اظهر اهتمامك بالآخرين. حتى يظهروا الاهتمام بك. يقول الشاعر : أحسن إلى الناس تستعبد قلوبهم**** فطالما استعبد الإنسانَ إحسانُ أحسن إذا ما كان إمكان ومقدرة**** فلن يدوم على الإنسان
×
×
  • أضف...