القنصل المصرى عنده تعليمات مايعملش مشاكل

[Hani Nada]

السلام عليكم ورحمة الله وبركاته

اكتب اليكم من الامارات العربية المتحدة تعرضت لحادث نصب واحتيال وسرقة جوازى بالاكراه وسب من قبل مندوب صاحب العمل وتم تسجيل ذلك بمحضر بقسم الشرطة المختص ولا حراك وذهبت الى القنصلية المصرية بدبى وقابلت القنصل المصرى وشرحت لسيادته الموضوع فقام بالاتصال بصاحب العمل الذى اخبره ان لن يرد جواز السفر الا بعد ان ادفع 25000 درهما

فقال لى القنصل المصرى اذهب وروح اتفاوض معاه لأن عندى تعليمات ماعملش مشاكل

وذهبت مرة اخرى الى القنصلية نظرا لعدم اتخاذ اى اجراءات من جانب السلطات تجاه الامر فأعطونى عنوان محام وان على ان اذهب اليه

وشكرا للخارجية المصرية

[Guest Mohd Gramoun]

بسم الله الرحمن الرحيم...

يا أخ هاني.... كان الله في عونك....

اترك قنصلنا للعزومات و للبدلات و للشوبنج ...فهذه مسئوليات اكبر من مسئولية ابناء الوطن المغتربين و الذين يتحملون نصيب وافر من مرتب هذا القنصل و اشباهه.

عليك باللجوء الي الله....

لا إله ألا انت سبحانك اني كنت من الظالمين.

رب إني مسني الضر و أنت ارحم الراحمين

حسبي الله لا إله إلا هو عليه توكلت وهو رب العرش العظيم.

[achnaton]

السلام عليكم ورحمة الله وبركاته

اكتب اليكم من الامارات العربية المتحدة تعرضت لحادث نصب واحتيال وسرقة جوازى بالاكراه وسب من قبل مندوب صاحب العمل وتم تسجيل ذلك بمحضر بقسم الشرطة المختص ولا حراك وذهبت الى القنصلية المصرية بدبى وقابلت القنصل المصرى وشرحت لسيادته الموضوع فقام بالاتصال بصاحب العمل الذى اخبره ان لن يرد جواز السفر الا بعد ان ادفع 25000 درهما 

فقال لى القنصل المصرى اذهب وروح اتفاوض معاه لأن عندى تعليمات ماعملش مشاكل 

وذهبت مرة اخرى الى القنصلية نظرا لعدم اتخاذ اى اجراءات من جانب السلطات تجاه الامر فأعطونى عنوان محام وان على ان اذهب اليه 

وشكرا للخارجية المصرية

يعنى يا أخ هانى مش لاقى غير ............ القرد ورايح تشمها !! إستراحات الحكومة العبيدية فى الخارج .. لها مهام أخرى غير رعاية المصريين .. وايام الزعيم الخالد كانوا بيعاملوا المغتربين أفضل من كده .. كان عوان ناصر بيدربوهم على استخدام الأقدام فى إعتماد مصرية الزائر .. !! فأحمد ربنا إن عهد الختم ده راح .. وتولاه اخوانا فى الخليج .. ؟؟!!

[فــيــروز]

ماينفعش نرفع قضيه على قنصلياتنا بالخارج لتقاعسها عن اداء دورها الذى تقاضى موظفوها اجره من نقودنا نحن دافعى الضرائب و يمكن بالعمله الصعبه !!

[White heart]

أولا مرحبا بك بيننا يا عزيزى "هانى"

حزنت جدا لما وقع لك من حادث فى غربتك ...

و لكنى أتسائل اليس ما وقع لك من حادث أو جرم هو من صميم عمل الشرطه و القضاء طالما كانت اقامتك و أوراقك قانونيه و سليمه؟

انت قمت بالأبلاغ فى قسم الشرطه و لم يحدث شئ، فلماذا لم تلجأ الى "محامى" من أهل البلد مباشرة ليصعد الأمر الى الجهات المعنيه، لا أعلم ان كان من وظيفه قنصليتنا مباشرة أو رفع قضايا من مثل هذا النوع، أظن ان المجنى عليه يلجأ الى القضاء مع محاميه و تقوم السفارة بمتابعه ما يجرى و التدخل فى حاله وقوع ظلم ما مثلا ...

ماذا قال لك المحامى؟

[فــيــروز]

طيب ممكن اسال سؤال يا وايت هارت

انا باسمع يعنى ان اى مواطن اجنبى تحدث له مشكله فى مصر مثلا السفاره تهتم و تتدخل فى الامر رغم انه طبعا سيتم معالجته بواسطة القضاء فى هذه البلد .. و باحس ان ده نوع من الدعم المعنوى لمواطن هذه البلد لانه فى غربته قد لا يعرف ما هى حقوقه ويحتاج لمن يقف بجانبه فلم لا ننتظر هذا من سفاراتنا !!

[ragab2]

جرب سفارة الهند

أسنع أنها تتهتم بالمصريين أكثر من السفارة المصرية

[Mohammad Abouzied]

اذا لم يرد لك الجواز اعمل اعلان انه فقد وروح بالاعلان والبلاغ عن فقده وطلع جواز جديد واعتقد من حقك الخروج من الامارات بسهولة بعد ذلك وخلي صاحب العمل يضع جوازك في برواز ويعلقه في غرفة عمله يمكن يسلية في عمله

[Spider]

طيب ممكن اسال سؤال يا وايت هارت

انا باسمع يعنى ان اى مواطن اجنبى تحدث له مشكله فى مصر مثلا السفاره تهتم و تتدخل فى الامر رغم انه طبعا سيتم معالجته بواسطة القضاء فى هذه البلد .. و باحس ان ده نوع من الدعم المعنوى لمواطن هذه البلد لانه فى غربته قد لا يعرف ما هى حقوقه ويحتاج لمن يقف بجانبه فلم لا ننتظر هذا من سفاراتنا !!

اعتقد انهم مبيعملوش حاجة لوجه الله بمعنى ان المواطن الاجنبى الذى يعيش فى بلد أجنبى لو لجأ الى السفارة لأى غرض ما فأنه بيدفع حق الخدمة وبيكون اضعاف ما يدفعه فى بلده الأم ...

أقصد ان مفيش حاجة تتم ببلاش وان كله بحسابه ... أقول هذا بالطبع بعيدا تماما عن المقارنة بين أهتمام سفاراتنا بالمواطن المصرى المغترب وبين أهتمام بلاد الدول الأجنبية بمواطنيها المغتربين لأنه لا مجال هنا للمقارنة.

[White heart]

فــيــروز كتبت:

طيب ممكن اسال سؤال يا وايت هارت 

انا باسمع يعنى ان اى مواطن اجنبى تحدث له مشكله فى مصر مثلا السفاره تهتم و تتدخل فى الامر رغم انه طبعا سيتم معالجته بواسطة القضاء فى هذه البلد .. و باحس ان ده نوع من الدعم المعنوى لمواطن هذه البلد لانه فى غربته قد لا يعرف ما هى حقوقه ويحتاج لمن يقف بجانبه فلم لا ننتظر هذا من سفاراتنا !!

و انا لم أقل غير ذلك يا عزيزتى ...

الأول القانون لازم ياخد مجراة ... طالما اوراقه سليمه و اقامته قانونيه، أصبح فى حكم "مواطن" هذا البلد ... له نفس الحقوق (فيما عدا الأدلاء بصوته فى أى انتخابات عامه) و عليه نفس الواجبات .... هو مسئوليه سلطات البلد قبل القنصليه أو السفارة أو القائم بالأعمال، هؤلاء جميعا "ضيوف" لا سلطان لهم الا فى داخل مقرهم، و القيام بأسدأ الخدمات الروتينيه من تجديد جواز أو استخراج مستند ما ... أما كل ما هو خارج اسوار هذا المقر فهى مسئوليه الدوله المضيفه ... و ينحصر دورهم كما ذكرتى فى الدور "المعنوى" بأن يباشروا حاله المواطن بعد سعيه لدى سلطات البلد و استعانته بمحامى (الذى أعتقد ان السفارة أو القنصليه تخشى تحمل مسئوليه أتعابه أو مصاريفه) و هذة قصه أخرى من وجهه نظرى اذا أردتى مقارنتها ببعض الدول الغربيه حيث هناك اجرائات و تعهدات و تأمينات يقومون بأخذها على مغتربيهم قبل سفرهم للعمل أو الأقامه بالخارج، نحن نتحدث عن نظام كامل (ذو قاعدة بيانات جبارة) تحكم كل هذة العمليه و غيرها .... و هو مع الأسف ما نفتقدة لأسباب عدة....

اتفاقى معك هو فى الدور المعنوى و الذى يظهر لاحقا بعد الأجرائات الروتينيه و القانونيه .... لهذا تسائلت عن رأى المحامى لأن هذا هو أهم ما فى الموضوع....

[achnaton]

اذا لم يرد لك الجواز اعمل اعلان انه فقد وروح بالاعلان والبلاغ عن فقده وطلع جواز جديد واعتقد من حقك الخروج من الامارات بسهولة بعد ذلك وخلي صاحب العمل يضع جوازك في برواز ويعلقه في غرفة عمله يمكن يسلية في عمله

ونكمل له بقى النصيحة يا ولد العم .. يجب أن يحرص على الحصول على تأشيرة أقامة بدل فاقد من سلطات دبى فى جواز سفره الجديد .. لأن جواز سفر بدون تأشيرة دخول أو ـاشيرة أقامة سوف تعرضه لمشاكل أكثر .. لأن ضابط الجوزات " الهندى أو السيرلاناكى " حيعتبره متسلل أو مقيم بدون وجه حق .. ويمكن فى الحالة دى يحتاج لمساعدة القنصل .. بكل أسف ..

وقد يؤدى تصرفه هذا الى تعقيد أكثر فى الموضوع .. مالم يسجل ذلك كله فى قسم الشرطة او ببلاغ للنيابة .. لأن خصمه قد يلجأ الى الشرطة ويتهمة بتديد أمانه ضمانها حواز السفر .. ولذلك .. فلكل سفارة او قنصلية مستشار قانونى ( محامى من نفس البلد ) فلو عند هم دم .. بيطلبوه ويأخذوا رأيه ؟؟ ويتصرفوا أو يشيروا عليه بالأسلوب الذى يتبعه .. وكل كلامنا ده إجتهادات ..

وياأخ هانى .. إشترى كيلو ليمون وأقرشه وانت رايح السفارة .. واذا كان لك حاجة عند اللئيم إشتريها بمليم .. ألطف بنا يارب

[فــيــروز]

فــيــروز كتبت:

طيب ممكن اسال سؤال يا وايت هارت

انا باسمع يعنى ان اى مواطن اجنبى تحدث له مشكله فى مصر مثلا السفاره تهتم و تتدخل فى الامر رغم انه طبعا سيتم معالجته بواسطة القضاء فى هذه البلد .. و باحس ان ده نوع من الدعم المعنوى لمواطن هذه البلد لانه فى غربته قد لا يعرف ما هى حقوقه ويحتاج لمن يقف بجانبه فلم لا ننتظر هذا من سفاراتنا !!

و انا لم أقل غير ذلك يا عزيزتى ...

الأول القانون لازم ياخد مجراة ... طالما اوراقه سليمه و اقامته قانونيه، أصبح فى حكم "مواطن" هذا البلد ... له نفس الحقوق (فيما عدا الأدلاء بصوته فى أى انتخابات عامه) و عليه نفس الواجبات .... هو مسئوليه سلطات البلد قبل القنصليه أو السفارة أو القائم بالأعمال، هؤلاء جميعا "ضيوف" لا سلطان لهم الا فى داخل مقرهم، و القيام بأسدأ الخدمات الروتينيه من تجديد جواز أو استخراج مستند ما ... أما كل ما هو خارج اسوار هذا المقر فهى مسئوليه الدوله المضيفه ... و ينحصر دورهم كما ذكرتى فى الدور "المعنوى" بأن يباشروا حاله المواطن بعد سعيه لدى سلطات البلد و استعانته بمحامى (الذى أعتقد ان السفارة أو القنصليه تخشى تحمل مسئوليه أتعابه أو مصاريفه) و هذة قصه أخرى من وجهه نظرى اذا أردتى مقارنتها ببعض الدول الغربيه حيث هناك اجرائات و تعهدات و تأمينات يقومون بأخذها على مغتربيهم قبل سفرهم للعمل أو الأقامه بالخارج، نحن نتحدث عن نظام كامل (ذو قاعدة بيانات جبارة) تحكم كل هذة العمليه و غيرها .... و هو مع الأسف ما نفتقدة لأسباب عدة....

اتفاقى معك هو فى الدور المعنوى و الذى يظهر لاحقا بعد الأجرائات الروتينيه و القانونيه .... لهذا تسائلت عن رأى المحامى لأن هذا هو أهم ما فى الموضوع....

شكرا للتوضيح

[فــيــروز]

انا نسيت اسال على حاجه كمان

ما هو دور قنصلياتنا فى الخارج يا ترى؟ وظيفتها ايه يعنى التى يتقاضى موظفوها مرتباتهم من اجل ادائها؟

[زهــZــرة]

انا نسيت اسال على حاجه كمان

ما هو دور قنصلياتنا فى الخارج يا ترى؟ وظيفتها ايه يعنى التى يتقاضى موظفوها مرتباتهم من اجل ادائها؟

طبعا دورهم هام وضروري جدا في تنشيط العلاقات التجارية بيننا وبين البلاد التي يعملون بها حيث يعتبروا قوة شرائية لايستهان بها فيقضوا وقتهم كله اما في اللف على المتاجر او مطالعة احدث الكتالوجات.

[White heart]

فــيــروز كتبت:

ما هو دور قنصلياتنا فى الخارج يا ترى؟

انا أشبهها ببساطه بدور "البلديه" فى محافظه نائيه...

دور ادارى من الدرجه الأولى ... كل ما يختص من أوراق و مستندات و وثائق تخص المواطن.... و يجب التمييز بين القنصليه و السفارة ...

[darker19]

دور القنصليات المصرية إنها تخلي المواطن المصرية يكرة نفسة و يلعن اليوم إلي جي فيه, أنا بقالي سنة و 8 أشهر بحاول أجدد جواز السفر بتاعي و مش عارف.

أول مرة رحتلهم قالولي هات صورة البطاقة الشخصية و ورقة تثبت إنك طالب مسجل في الجامعة رحت جبتها و جاية أسلمهلهم قالولي لأ لازم تصدقها من وزارة الخارجية رحت عملت التصديق و طالع على السافر فاكر إني هاطلع بالباسبور متجدد لقيتة بيقولي لأ إحنا هانبعت الورق لمصر نكلعلك بطاقة تجنيد و لما توصل نبعت الورق تاني لمصر على إدارة التجنيد علشان نجبلك تأجيل من الجيش, ولما يوصل التأجيل نجددلك الجواز.

سألتة الموضع ده هايخد أد إيه قالي الشنطة الدبلوماسية هاتطلع كمان 3 أسابيع و هنحتاج شهرين و نص أو 3 أشهر علشان تجيلنا بطاقة التجنيد, قلتلة إزاي أنا عايز أسافر على أخر الترم يعني كمان شهرين قالي ربنا يسهل.

طبعا ضيعوا الورق بتاعي ضيعوه (قمة الإهمال و الإستهتار بالناس) و لازم أعيد من أول و جديد ولغاية دلوقتي مش عارف أجدد الجواز.

و المصيبة إن لو حصل في يوم و عرفت أجدد الجواز ها يتجدد بحيث إنه ينتهي في نفس يوم إ،تهاء الفيزا.

و إلي حرق دمي أكتر إن زمايلي هنا إخوة لبنانين جددوا الجوازات بتاعتهم خلال 3 أيام

حسبي الله و نعم الوكيل

تم تعديل 16 نوفمبر 2003 بواسطة darker19

[White heart]

darker19 كتب:

دور القنصليات المصرية إنها تخلي المواطن المصرية يكرة نفسة و يلعن اليوم إلي جي فيه...

انا لا أتفق معك يا عزيزى فى هذا التعميم ....

أنا على ما اتذكر ان باسبور الطالب المصرى صلاحيته عام و احد فقط ... طالما أن الطالب لم يؤدى الخدمة العسكرية الألزامية ... و بصراحة انا أجدها طريقة عملية على الرغم من بدائيتها و بطئها تستطيع الدولة من خلالها التأكد أو التقليل على أقل تقدير من التهرب من التجنيد من ناحية و المطلوبين للعدالة من ناحية أخرى ... لأشتراك وزارتى الداخلية و الدفاع فى أستخراج تلك الوثيقة الغاية فى الأهمية و الخطورة فى نفس الوقت .... أعتقد ان مشكلتك معروفة منذ البداية ... الموقف التجنيدى ... و صلاحية الباسبور قصير الأجل، و لهذا لزم الأستعداد بفترة مناسبة على تجديدة قبل نهايته ... لهذا انا لم أفهم فترة السنه و ال8 أشهر التى تحدثت عنها؟

هل ماذال صلاحية باسبور الطالب المصرى عام واحد، أم ان معلوماتى قديمة و قد طرأ عليها تغيير؟ كانت مشكلتك ستكون أكثر سهولة فى حالة تأديتك للخدمة العسكرية أو اعفائك منها .. اذ سوف ينحصر الأمر ما بين ختمى "غير مطلوب الى الخدمة" أو "معفى من أداء الخدمة العسكرية" ... أو أن تكون أديتها و ماذلت فى فترة الأحتياط و يلزم عليك استخراج تصريح السفر الشهير قبل كل مرة تريد فيها مغادرة البلاد ....

طبعا ضيعوا الورق بتاعي ضيعوه (قمة الإهمال و الإستهتار بالناس) و لازم أعيد من أول و جديد ولغاية دلوقتي مش عارف أجدد الجواز

أعتقد ان بأمكانك تصعيد الأمر الى الجهات المسؤلة فى بلدنا بالوصل الذى حصلت علية مختوما مقابل ايداع تلك الأوراق فى القنصلية ... يعنى انا لو كنت مكانك لسلكت هذا الطريق ( حتى لو تطلب الأمر عشرات السنين .. سأظل وراءة!!) بجانب طريق اعادة استخراج الأوراق من جديد.

و المصيبة إن لو حصل في يوم و عرفت أجدد الجواز ها يتجدد بحيث إنه ينتهي في نفس يوم إ،تهاء الفيزا.

أعتقد انه طالما ان سبب حصولك على فيزا الدولة التى بها ما ذال قائما فيمكن فى حالة حصولك على الجواز الجديد التقدم لتجديد الفيزا و تمتيدها فى الباسبور الجديد...

و إلي حرق دمي أكتر إن زمايلي هنا إخوة لبنانين جددوا الجوازات بتاعتهم خلال 3 أيام

لا حرقة دم و لا حاجة ... كل دولة و قوانينها .. الا بالحق اية قوانين لبنان بالسبة للتجنيد؟ انا كنت سامع مثلا ان ممكن للشباب انهم يبدلوا الخدمة العسكرية بغيرها مدنية ... ثم لا تنسى اننا ماشاء الله 70 مليون مواطن و لسة بنقول يا هادى بالنسبة لقاعدة البيانات ... و لهذا بدائية النظم المتبعة فى هذا الشأن أو غيرة يصاحبة كثير من الصعوبات كالبطء و المشكلات أحيانا كأخطاء فى الأسماء أو البيانات... عموما لقد بحثت هنا و هناك فوجدت هاتان الوصلتان ربما يفيدون موضوعنا هذا :

تعليمات استخراج جواز سفر مصري جديد - بدل جواز سفر سابق

وزارة الداخلية - التيسيرات التى تقدمها وزارة الداخلية للمصريين فى الخارج

[darker19]

هو دلوقتي جواز السفر منتهي من حوالي سنة و 7 شهور تقريبا أنا رحت القنصلية قبل ما ينتهي الجواز بشهر أو إتنين لإني كنت متخيل إن عندنا نظام و لإن الموضوع مش عايز كل ده.

أما موضوع هايجددوه أد إيه إلي أعرفة لطلبة المدارس سنة بسنة و التعليم العالي بتطلع على أساس الشهادة إلي بتتجاب من الجامعة و إلي بيكون فيها تاريخ إنتهاء الكورس.

أعتقد ان بأمكانك تصعيد الأمر الى الجهات المسؤلة فى بلدنا بالوصل الذى حصلت علية مختوما مقابل ايداع تلك الأوراق فى القنصلية

أنا مخدتش وصل ولا حاجة و معنديش حاجة تثبت إني سلمتلهم الورق.

أما بخصوص الفيزا فأنا جددت الفيزا مرتين و الجواز بتاعي منتهي مش هي دي المشكلة صحيح إنهم كانوا دايما مستغربين من الموضوع بس كانت بتعدي, المشكلة إن لما يجددولي الجواز علشان ينتهي في نفس يوم إنتهاء الفيزا ده بيمنعني تماما من السفر أنا مش عايز أهرب من الجيش بس أنا عايز أروح أشوف أهلي, و بعدين أنا مقدملهم ورقة تثبت إن بعد مايخلص الكورس ده في كورس تاني هايتعمل و مش راضيين يعترفوا بيها يقولي خلينا في إلي إنتا بتعملة دلوقتي.

على أي حال ربنا يسهل و يقدم إلي فيه الخير

[White heart]

هل يا ترى حلت مشكلة العزيزdarker19؟؟!!

على فكرة، انا أعرف ان القنصليات بتاعتنا بتسجل المصريين المقيمين "بصفه قانونيه" فى البلد التى يتواجدون بها، و عن طريق هذا التسجيل و ما يتبعه من اجرائات التجنس يمكن معرفه عدد المهاجرين المصريين بالخارج، و لكن ما لفت نظرى عند قراءة هذه المعلومة:

يبلغ عدد المصريين العاملين بالخارج ويحملون جنسيات أخرى نحو 824 ألفا , صرح بذلك إهاب علوي رئيس الجهاز المركزي للتعبئة العامة والإحصاء , وأضاف أن نحو 318 ألفاً منهم يعملون بالولايات المتحدة الأمريكية و110 ألفا بكندا, و70 ألفاً بأستراليا و35 ألفاً بالمملكة المتحدة و25 ألفاً بألمانيا , و14 ألفاً في سويسرا , و40 ألفاً في هولندا , و14 ألفاً بالنمسا , و90 ألفاً بإيطاليا و12 ألفاً بأسبانيا , و60 ألفاً باليونان و36 ألفاً في فرنسا .

لم يذكر أى عدد عن المهاجرين المصريين فى الدول العربية، و باقى دول العالم؟؟ و بالتالى هذا الرقم أعتقد انه غير دقيق، الا يوجد أى مصرى تجنس بالجنسيه الاماراتيه مثلا؟

[mnman]

النهاردة فقط اتصلت بالسفارة المصرية في الرياض وبعد سنة من وصولي للسعودية..واتصلت لتجديد تصريح العمل.. قلة عقل.. قال اية بدل التعب في مصر و من منطلق هين قرشك ولا تهين نفسك... وبعد مقدمة طويلة مسجلة علي التليفون و اتصل برقم 700700 او مش عارف كام للاستفسار لمدة 24 ساعة... المهم ردت عليا واحدة ... قلت ماعلينا ماهيا سفارة مصر... شرحتلها الوضع... ردت احنا جاينلكم يوم 12 مايو ... طبعا استهبلت وقلت جاييين البيت طيب تحبوا اطبخلكم اية... طبعا معجبهاش الكلام و طنشت وقالت عايز اية... شرحت تاني.. الاجابة ان تصريح السفر بياخد شهر ونصف و بتكلفة 185 ريال سعودي عن السنة... مش مهم الفلوس بس شهر ونص لية حيبعتوة مصر علي جمل...... و بعد الاستلام لازم احضر ورقة من الكفيل اني علي رأس العمل مش رجلة او حتي ايدة... وطبعا لازم استلمة من الرياض شخصيا يعني 400 كيلو سواقة....الظاهر ان مقولة العالم قرية صغيرة غير معترف بيها في مصر و الدي اتش ال مالهوش عوزة... وطبعا اقتراحي لها بأستخدام الدي اتش ال كان صدمة ليها.. فردت مينفعش دي اوراق رسمية... طيب :blink: cnst: .....

وبعدين الله يعطية العافية ويخلية سيادة السفير س س شرحلي كل حاجة بالتفصيل الممل علي التليفون ولا الحوجة للسفارة....

يارب كتر محلات الشوبنج للسفير وحرمة و القنصل ولكل كليلة....

مواطن مصري عذب في الداخل وفر فلاحقتة الجحافل المباركية في الخارج.......

منمان معذب بدرجة عميد.....