اذهب إلى المحتوى
محاورات المصريين

عشق المصريين للمانجو


عادل أبوزيد

Recommended Posts

محمد أبو زيد كتب :

الناجو البكستاني افضل من المانجو

أنا في رأيي يا أخ محمد إن الأكل مزاج يعني كل اللي يعجبك والبس اللي بيعجب الناس

أنا وأعوذ بالله من شر كلمة أنا عاشق للمانجو الباكستانية على الرغم من أنني أزرع عندي في مزرعتي الخاصة مانجو زبدية أم أكتاف وهي أفخر أنواع المانجو الزبدة وكذلك عندي الفونس والهندي السنارة والفجر كلاند وأحدثها حاليا هو صنف سيلان ( ماتتخضوش من الإسم ) لكن ده أفخر أنواع المانجو حاليا وهو يشبه الهندي السنارة لكنه أكبر وأطول وله رائحة نفاذة يمكن شمها من على بعد 10 كيلو متر وأتمن أن انجح في زراعتها لأن انتاجيتها عاليه جدا وهي قليلة الأملاح يعني تاكل صندوق وانت قلبك جامد يعني باختصار أخوك أكل هذا الموسم جميع أنواع المانجو ( علشان نغيظ اللي ماكلوش المانجو ) icon_lol.gif

واول شجرة مانجو أدخلت لمصر بواسطة محمد علي باشا وأعتقد أنها الموجوده حاليا بكلية الزراعة بجامعة عين شمس كما قيل

وشجرة المانجو شجرة قرنية يمكن أن تعيش 100 سنه

والاسنثمار في المانجو يعادل 100 % زيادة في راس المال المستثمر بعد 6 سنوات تقريبا ويزيد مع تقدم أشجار المانجو في العمر

ويراعى أن المانجو لايصلح لها الأراضي الطينية الثقيلة كما انها حساسة جدا للملوحة بالمياه فيجب ألا تزيد نسبة الملوحة عن 500 : 600 جزء في المليون وإذا زادت عن ذلك يقل الإنتاج بنسبة 10% تقريبا عن كل 100 جزء في المليون زيادة عن النسبة المقررة .

هييييييه يالله بقى شوية معلومات ببلاش علشان اللي عاوز يستثمر في زراعة المانجو

اسألوا الأيام .......... اسألوا الآلام

من الملام إذا ......... وكلنا لوام

رابط هذا التعليق
شارك

  • الردود 79
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

الضرب في الميت حرااااااام... كفاية بقي يا بشر حرام عليكم.. أقفلوا موضوع المانجة أبوس أيديكم .. بقيت انام الليل أشم في ريحتها زي الحوامل اللي بتتوحم...

الله يجازيكي يا فيروز.. كلي ياختي بطيخ زي مانتي عايزة. ماحنا عالم بنرفص النعمة..

لازم نحطها في باب مطالب المصريين ( بالخارج) قفص مانجة شهريآ لكل مواطن بيدفع الضرايب.. ايه رأيكم يا أخوانا في مشروع القانون ده... أحنا نعرضه علي مجلس الشعب و يتحول قانون ساري...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

الله يجازيكي يا فيروز.. كلي ياختي بطيخ زي مانتي عايزة. ماحنا عالم بنرفص النعمة..

icon_redface.gif الحق عليا يعنى انى اطلعتكم على اسرارى العائليه icon_lol.gif كنت عاوزه اقول لكم بس انى ماكنتش اعرف قيمة المانجه الا بعد ما عرفت المنتدى .. معلش يا سكوب ماتزعلش ليس بالمانجه وحدها يحيا الانسان icon_eek.gif حد طيب عنده اخبار عن الخوخ؟ احسن انا باحبه جدا icon_twisted.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

أنا وأعوذ بالله من شر كلمة أنا عاشق للمانجو الباكستانية

الاخ kokowawa1979 انت متهم بالخيانة العظمى للمانجو المصرية وانتظر محاكمة امن الدول

فــيــروز Posted: Tue Sep 09, 2003 12:22 am    Post subject:

--------------------------------------------------------------------------------

 

Quote: 

الله يجازيكي يا فيروز.. كلي ياختي بطيخ زي مانتي عايزة. ماحنا عالم بنرفص النعمة..

الحق عليا يعنى انى اطلعتكم على اسرارى العائليه  كنت عاوزه اقول لكم بس انى ماكنتش اعرف قيمة المانجه الا بعد ما عرفت المنتدى .. معلش يا سكوب ماتزعلش ليس بالمانجه وحدها يحيا الانسان  حد طيب عنده اخبار عن الخوخ؟ احسن انا باحبه جدا

ايه رئيك يا فيروز ان بنتي مشترطه في الي ها تتجوزة انه بيحب البطيخ !!!!!

يا ترى عندك تفسير علما بأن في بلدها معندهومش بطيخ بينزرع

يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة

رابط هذا التعليق
شارك

بنتي مشترطه في الي ها تتجوزة انه بيحب البطيخ !!!!! 

يا ترى عندك تفسير علما بأن في بلدها معندهومش بطيخ بينزرع

ايوه بس هى اكيد داقت البطيخ و عجبها فاتخذت هذا القرار الغذائى الحكيم .. ولو انى اظن ان شاء الله مش هيبقى فيه مشاكل ماظنش فيه حد مايحبش البطيخ .. نظام مين اللى مايحبش فاطمه كده icon_smile.gif

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

[quote

.. ألذ واطعم انواع المانجو هى الفص سواءا هندى او عويسى أو حتى بيض العجل .. وتراه شكلا لا يشجع على دفع شلن بالكيلو .. وللعارفين ممكن يستغنى عن كل اللى فى جيبه .. وقد تعرفت عليه فى نهاية 73 فى منطقة قنال السويس ,, والحمد لله يومها كان معايا المان بس والسواق .. ووقفنا جنب واحد بتاع فاكهة ناكل بطيخ وآخذ كام كيلو منجة .. واغدقنا على الراجل فأخذى على جنب وقال خد الشوال ده وادعيلى .. وهات جنيهين بس .. واستغربت شوال منجة بجنيهين ؟؟ وبصيت لقيت حبات خشنة صغيرة مش باين لها لون .. وامام اصرارة  اخذت الشوال وفى نيتى ارميه بعد ذلك حتى لا يشعر الرجل بحرج .. عرضت على السواق يآخد شوية رفض .. فأخذت انا واحدة وقلت أجرب قبل ما ارمى الشوال .. وبعد ما أكلتها .. تصورت أنى حاضرب بالنار اللى ييجى جنب الشوال ..

وفى العام الماضى وبعد توصية متواصلة .. اتحفنى الراجل بتاع الفاكهة بجوار المنزل فى مصر بأثنين كيلو  أخذ فيهم  38 جنيه بالعافية

الفاضل إخناتون يبدو أنه لا يوجد من المشاركين من يعرف ما هو ال " فص عويس " مساكين فعلا !!!!

بعد قرائتى لمداخلاتك و حديثك عن ال " فص عويس " بدأت أسأل عن شوية فص عويس و كأنى يا صديقى أسأل عن ممنوعات أو عن أساطير بل أنى وجدت أغلب الناس لا يعرفون هذا النوع من المانجو حقيقى شعرت بالشفقة نحوهم و بدأت أفكر فى ضرورة منع تصدير هذا النوع من المانجو و كذا مخاطبة الشركات السياحية و الفنادق الكبرى فى أن تضع تذوق - مجرد تذوق - فص عويس فى برامجها السياحية بل أننى إقترحت شعارات للدعاية " فص عويس إكتشف فى نفسك خلايا جديدة للتذوق "

و نفسى الشريرة بدأت تراودنى أن أبحث عن منتجى هذا النوع من المانجو و أبرم عقود إحتكار معهم.

الفاضل إخناتون أبحاثى حتى الآن تقول أن هذا الصنف سيتم إختفؤه و سيقتصر ظهوره على بيوت بعض علية القوم و لكننا سنجد كثيرا من الحواديث تحكى عنه

يكفينا يا سيدى أننا تذوقناه و سنحكى لأبنائنا و أحفادنا أن هذا النوع من المانجو كان يوما ما متاحا للعامة من الناس.

السادة خبراء زراعة المانجو هل منكم من يعرف نوع فص عويس ؟؟؟

مواطنين لا متفرجين


رابط هذا التعليق
شارك

يكفينا يا سيدى أننا تذوقناه و سنحكى لأبنائنا و أحفادنا أن هذا النوع من المانجو كان يوما ما متاحا للعامة من الناس. 

السادة خبراء زراعة المانجو هل منكم من يعرف نوع فص عويس ؟؟؟

احيل سؤال سعادتكم على الاستاذ عيد حواش مقدم الفقرة الزراعية في برنامج صباح الخير يا مصر وعندما يصلنا الرد سوف نوافيكم به

عموما اثناء خبرتي المتواضعه في الزراعة يوجد مئات الانواع من المانجو حاليا والبركة في الهندسة الوراثية

ولا توجد بلد في العالم حاليا مبتزرعشي المانجو ومهما اختلفت درجات الحرارة واحوال الجو

واخر ما نزل من زراعات من المانجو هي المانجو القزمية وعبارة عن شجيرة صغيرة وتثمر بعد سنة واحدة من زراعتها على طول وهي غالبا تكون للتصدير لجمال شكلها وكثرة اللحم بها

اما عن طعمها فانا بصراحة معرفوش لكنه مش بحلاوة المانجو العويسي وان كان المستورد للفواكه المصرية بياكل بعينية كما يقال

وببساطة شكل الثمرة هو المهم ونظافتها وليس طعمها كما تعود الشعب المصري

يأتي في آخر الزمان قوم حدثاء الأسنان سفهاء الأحلام يقولون من خير قول البرية يمرقون من الإسلام كما يمرق السهم من الرمية لا يجاوز إيمانهم حناجرهم فأينما لقيتموهم فاقتلوهم فإن في قتلهم أجرا لمن قتلهم يوم القيامة

رابط هذا التعليق
شارك

موضوع لذيذ ومنعش

ومن لا يحب المانجو والعبد لله من عشاقها والمصرى هى سيدة المانجو

والمانجو أدخلها لمصر محمد على باشا عام 1845 تقريبا ان لم تخنى الذاكرة وجلبها من موطنها الأصلى فى الهند وشرق آسيا فى الفلبين وقبلها لم تعرفها مصر

وأكل المانجو النيئة والناضجة مفيد لجسم الانسان

والنيئة تحتوى على كميات كبيرة من فيتامين سى وفيتامين ب1 و ب2 وأحماض عضوية تساعد على اتزان العامل القلوى بالجسم وقليل منها مقوى ومعالج لضربات الشمس ومنعش ضد حرارة الجو ومطهر للأمعاء بشرط عدم الاكثار من أكلها وبعد ازالة القشرة

أما

المانجو الناضجة فتحتوى على كمية كبيرة من السكر وفيتامين أ وهى مقوى عام وتقوى عضلات القلب والقدرة الجنسية ومدرة للبول ومفيدة فى اضطراب وظائف الكبد و للمصابين بالعشى الليلى وجفاف العين لاحتوائها على فيتامين أ وفاتحة أيضا للشهية ومسهلة فى حالة الامساك وتعالج النحافة اذا تم تناولها مع الحليب لمدة شهر لتعويض نقص بروتين المانجو

ومنقوع أوراق شجر المانجو تفيد فى حالة مرض السكر فى المرحلة المبكرة منه

لهذا

كله عدا طعمها المحبب ورائحتها العطرية النفاذة

فانى أعشق وادمن المانجو بجميع أنواعها

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك

محمد أبو زيد كتب

ايه رئيك يا فيروز ان بنتي مشترطه في الي ها تتجوزة انه بيحب البطيخ !!!!! 

يا ترى عندك تفسير علما بأن في بلدها معندهومش بطيخ بينزرع

أعتقد أن بخبرتي المعملية أقدر أقولك يا عم محمد أنها عايزه عريس حَمار وحلاوه ( حمار بالحاء المفتوحه ... مش عايزين مشاكل ) ويا خسارة موظفين الحكومة بتوع زمان كانوا ملوك البطيخ ولكن من ساعة أسعاره ما أرتفعت بقوا يتفرجوا عليه بس.

الخوخ بقالوا كام سنة كده انتاجه مضروب وطعمه سيء للغاية مش عارف ليه وحصلوا المشمش خصوصاً اللي بيتزرع فى بلدة العمار الذين أصيبوا بإضرار فادحة فى إنتاجه هذا العام.

تصوري حتى طعمة بقى سيء جداً هنا فى السعودية وبقيت أستضعيت عنه بحاجة أسمها " دُراق " واعتقد أنها هجين ما بين الخوخ والمشمش ( خوخ ممشمش او مشمش مخوخ ) وهي غالية شوية لكن طعمها رائع .

أخوكي س س أتسك فى كام كيلو خوخ من كام يوم وطلع طعمه ولا الخيار .. وحيث اني ماشي على مثل " وجع البطن ولا رمي الطبيخ " بالإضافة ألى إني بامثل دور الزوج العازب اليومين دول برضوا روحت جايب صفقة الخوخ ومقطعه شرايح وحاطط عليه سكر وراميه فى التلاجة وبأكل منه كل يوم وبكده اتحول إلى " كمبوت " .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

[quote

يكفينا يا سيدى أننا تذوقناه و سنحكى لأبنائنا و أحفادنا أن هذا النوع من المانجو كان يوما ما متاحا للعامة من الناس.

السادة خبراء زراعة المانجو هل منكم من يعرف نوع فص عويس ؟؟؟

شوف يا سيدى .. انا حكمل لك الحكاية لما اتكعبلت فى شوال عند واحد غلبان أيام زمان .. ويومها لما عجبتى .. بقيت أعمل منها لفات واهدى بيها الأصدقاء .. وأسألهم بالمناسبة حد يعرف الصنف ده يبقى إيه .. واحد الأصدقاء قال لى يومها بعض المعلومات .. ولن ابخل عليكم بها حتى يرد علينا السيد /حواش ..

الفص ده منه الفص الحقيقى .. والفص المضروب .. والأول هو ثمرة لأحد البراعم التى سقطت من شجرة المانجو ونمت بجانب الشجرة الأصلية ولذلك نجد أن محصول هذا الفص محدود للغاية لأن هذا البرعم لا ينتج ثمارا بعد ذلك .. أما الفص المضروب فهى الثمار التى تجمع من فوق الشجرة بها عله .. فلا تأخذ حجم او لون الثمرة العادية ..

وفى الشرق الأقصى صناعة ناجحة جدا للمانجو .. ومنتجاتها .. وقد بدأت بعض الشركات فى دول الغرب وامريكا ( أمريكا ايضا تزرع المانجو ) واللنك التالى سيعطيك فكرة عن هذه المنتجات واسعارها ..

مع تحياتى

http://www.gourmondo.de/search.jsp?keyword...ango&aid=920002

كلمات حق وصيحة فى واد .. إن ذهبت اليوم مع الريح ، فقد تذهب غدا بالأوتاد ..

ليس كل من مسك المزمار زمار .. وليس كل من يستمع لتصريحات الحكومة الوردية ..حمار

ويا خسارة يامصر .. بأحبك حب يعصر القلب عصر

رابط هذا التعليق
شارك

لأول مرة فى حياتى أرى الفص هذا العام

عندما لفت نظرى بائع الفاكهة اليه ووجدته لا يستحق حتى النظر اليه وأنها فرز للمانجو الدبلانة ولكنه أخبرنى أن الكيلو وصل الى خمسة وعشرون جنيها فاعتقدت أنه نسى أن يتعاطى التعميرة لذلك يهذى ويهرج

ولكنى تأكدت منكم أنه كان على حق بعد قراءتى لهذا الموضوع وكلى شوقا لتجربتها

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك

انا الأسبوع اللى فات كنت فى زيارة عمل للبحرين و عمان فقلت اعدى على مصر ليوم واحد اشوف الست الوالدة. و انا مسافر من مصر امى اصرت انى أخذ شوية منجه لابنى فى هيوستن و "دفستهم" فى الcarry-on bag. انا ما كانش معايا شنط كبيرة. هما 2 carry-ons و كنت مطمن ان انا بكده هاتجنب كلاب الجمارك فى الluggage claim area. لجل بختى.. منظرى ما عجبش ضابط الجمارك و بعتنى للتفتيش. طبعا انا كنت فى نص هدومى. بس هم طلعوا جدعان قوى و صادروا المنجه من غير اى غرامة (500 دولار على ما اظن) و خلونى احتفظ باثنين كيلو لجبنة رومى كانوا معايا. الحمد لله ربنا ستر.

المرة الجاية الواد ابنى نفسه تهفه على المنجه المصرى ابعته مصر شهرين ثلاثه.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك

  • بعد 2 سنة...

لو قلت لكم إن من أهم أسباب نزولي كل صيف لمصر هي المانجا مش هاتصدقوني

لأني مدمن إدمان حقيقي

وجه حظي إني ساكن قريب من سوق العبور للخضروات والفاكهة

يعني إنت لو روحت لأي فكهاني ممكن تلاقي عنده نوعين تلاتة فقط بالكثير

وبالتالي ممكن تقضي حياتك متمحور ومتقوقع بين تلك الأنواع واللي أشهرها وأكثرها شعبية بين طبقات الشعب العاملة ( السُكري أم لون أصفر .. والزبدية .. والفونس والهندي أو التيمور )

أما سوق العبور .. يا عيني عليه .. أقول إيه والا إيه

لو روحت ناحية سوق المانجا اللي هو عبارة عن عشرات المحلات للبيع بالجُملة وبأسعار أقل 50 % من أسعار السوق .. فمش هاتقدر تغمض عينيك ..

ولأني بقى لي كام سنة بأروح هناك .. فقدرت أتعرف على العديد من الأنواع اللي كانت مجهولة بالنسبة لي .. وسعرها برضوا معقول جداً ... وبالتالي بأقضي أجازتي لا أفعل شيئاً غير أكل المانجا حتى الثُمالة .. ومش بس كده ده أنتوا عارفين إن الوزن المسموح به على الطيارة حوالي 30 كيلو ... فلما تلاقي واحد طويل عريض ( زي سين سين كده ) كل اللي راجع به من مصر معاه قفص مانجا يزن 25 كيلو .. ومكربس بِِدله وهدومه وحاله وماله في شنطة صغيرة زي بتاعت الحلاقين كده وكل ده يوزن بتاع 10 كيلو مثلاً ... فإذا شفت منظر زي ده فلا تستغرب إنها إرادة الله

عارفين يا جماعة إن مثلاً كيلو المانجا السُكري عند الفكهانيه بيتباع من 3 إلى 4 جنية .. لكن في سوق جُملة العبور فبيبقى حوالي من 150 إلى 250 قرش لكن أقل كمية بتبقى في كرتونة تزن من 10 إلى 14 كيلو ... ... وكيلو الزبدية بيتباع من 4 إلى 6 جنية .. أما في العبور فبيبقى من 2.5 ج إلى 3 جنيه ...

وكيلو المانجا الفص اللي 90 % من شعب مصر ممكن يعيش ويموت وما يسمعش عنها من أساسه ( أنا كنت كده بصراحة ) بيتباع بحوالي 30 ج ... لكن في العبور بيتباع بـ 15 جنية ...

بس المانجا من أولها لأخرها كوم والمانجا الفص دي كوم تاني لوجده على القمة .... حاجة كده أشبة بالأساطير الإغريقية المانجاوية .. فحجمها صغير جداً وبذرتها من الداخل عبارة عن رقاقة بسيطة ... وتحس إنها شبة المانجا الواقعة اللي كان بيبعوها الباعة الجائلين أمام مدارسنا في الأربعينيات من القرن الماضي .... لكن طعمها حكاية ما حصلتش .. وإذا كان مُعدل الأكل الطبيعي ( بالنسبة لي ) في الأنواع التانية ببتراوح ما بين كيلو و 3 كيلو مانجا في اليوم أي بمعدل مانجايا كل نانو ثانية .. فمع الفص ده ما بقدرش أكمل 3 مانجيات من حلاوتها وطعامتها ....

نلتقي بعد الفاصل ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

كلامك صح المانجا الفص طعمها يجنلن و صغيرا اوي يعني منكن تكل 5 وانتا اعد كده بس دي

مشوفتهاش غير في مصر

the cutest teen

be cool u rule

رابط هذا التعليق
شارك

موضوع ممتاز و خاصة أننا نتلمس أى فرجة لنتنفس الصعداء مما نحن فيه ..... كان هناك موضوع قديم يمثل ملحمة مانجاوية و أظن أنه نال الكثير من القراءات.

أكتب الآن بعد فاصل مع المانجو العويس و الألفونس و الهندى كل حاجة لها نكهة مميزة و درجة حلاوة و رائحة تختلف عن الأخرى لكن الألفونس مميز .... إزاى لست أدرى.

أما عن الفص ياسيدى فحدث و لا حرج و قد إكتشفته منذ عدة سنوات و ذكرت قصتى معه هنا فى محاورات المصريين كما أن الفاضل أخناتون قص علينا أول لقاء له مع الفص

لمن لا يعرف يفوتك نصف عمرك لو لم تأكل الفص شئ خطير إختراع ليس له مثيل و هو مثال دائم على التواضع و إنكار الذات تجد الحبة منه فى حجم البلحة الزغلول و شكلها و لونها لا توحى بأى إحترام فى عالم الفاكهة .... لكن سبحان الله مجرد أن تتذوق أول قطعة منها تقع فى هواها و تبدأ تكتب فيها شعرا و تتمنى لو أن كل الفاكهة مانجو فص عويس

و حيث إنك قلت إن سعرها يمكن أن يصل إلى 15 جنيه فى العبور فقد عقدت النية على الذهاب خصيصا لإقتناص عدة كيلوجرامات من الفص.

بالنسبة لمسألة الوزن فى الطائرة فلست وحدك هذه الأيام موسم عودة الطيور المهاجرة و كنت فى المطار أمس أودع أختى المسافرة وحدها بعد زيارة قصيرة للقاهرة ووجدتها تحمل هم الوزن الزائد و هو حوالى خمسين كيلو مانجو !!! إستغربت و لم أعلق و كانت أختى بمفردها يعنى أتصور لو معها زوجها و الأولاد كانت هتجيب كام كيلو ...

الفاضل س س شكرا جزيلا على أطروحتك عن المانجو المصرية

مواطنين لا متفرجين


رابط هذا التعليق
شارك

شكراً لكل المنجاويين الذين شاطروني شعوري الجارف تجاه المانجا وأخص بالذكر بنتنا كيوت .. وعمنا الكبير عادل بك أبو زيد ...

ونستكمل الحديث ..

سرقت يوماً من أجازتي وأنشغالي وذهبت لقضاء يوم في الإسماعيلية ... وطبعاً كان لازم أخد الرضعة المعتادة أي الوجبة اليومية المانجاوية ... وسبحان الخالق .... فعلاً ممكن نقول بالفُم المليان " مانجة إسماعيلية غير " حاجة مميزة ولا توجد بها غلطة ... وفضلاً عن الكميات التي ألتهمناها هناك .. فلقد أصطحبنا معنا هدايا تذكارية مانجاوية إلى القاهرة .. وكل اللي قابلتهم تاني يوم وكانوا أخدوا مانجا مثلي .. لقيت عندهم حالة إزبهلال وهوس مانجاوي إسمعلاوي ... لدرجة إن المغتربين مننا قرروا إن إحنا قبل ما نسافر بيوم نخبط الـ 80 كيلو رايح وزيهم جاي عشان نجيب صفقة من هناك من حلاوة المانجا اللي ريحتها من على بُعد بتغري أي إنسان ...

اللي بأستغرب له بقى ( إعتبروني بأهذي أو بأكلم نفسي من الجنون ) فين السياسات التسويقية لهذه الفاكهة التي ليس لها مثيل .. وبأقول ليس لها مثيل وأنا مطمئن لإني جربت العديد والعديد من أنواع المانجا من مختلف البلاد ( مالتي ناشونال ) .. سوداني ، يمني ، كيني ، برازيلي ، سعودي ، هندي ، باكستاني ... إلخ ولكن هيهات هيهات .. فمنها من به كمية ألياف تحسسك إنك بتاكل الليفة بتاعت الاستحمام بتاعت زمان ... ومنها من هو مسكر جداً لدرجة تجذع نفسك .. ومنها ما هو حامض ولاذع .. ومنها ما هو قشرتة لازقة في لحم المانجا ... لكن أن تجد أنواع تجمع بين الحلاوة والمزازة والطعامة والخفة والدلع زي المانجا المصري .. فإنسى يا عمرو وماعطلكش

حتى الأنواع المصري اللي بتجيلنا هنا فهي تعبانه وقليلة كميات على إستحياء

على فكرة أعرف سعوديين كثير هنا مدمنيين مثلي وبيبعتوا يجيبوا كراتين مانجا عن طريق الشحن الجوي مهما كلفتهم .. و من كام سنة كده شفت واحد سعودي معايا على الطيارة واخد معاه لا يقل عن 10 أو 15 قفص مانجا من الحجم الكبير وكإنه رايح يتاجر فيهم ...

وسبحان الله برضوا .. بالرغم من إن أكبر منطقتان منتجتان للمانجا في مصر هما الإسماعيلية .. ومنطقة إنشاص بمحافظة الشرقية .. إلا إن شتان بين طعم الإتنين وذلك لإن نوع التُربة في الإسماعيلية رملية وبالتالي لا يوجد لها مثيل في زراعة محاصيل المانجا والفراولة والكانتلوب والبطيخ .. أما التربة في إنشاص هي تربة طينية والمانجا بتاعتها أقل طعامه من بتاعت الإسماعيلية ...

أثناء سيري أنا وأخويا في الإسماعيلية طقت في دماغي فكرة مجنونة ... وقلت له هي شجرة المانجا ممكن تطرح كام كيلو في السنة ؟ فقالي لي أزيد من 100 كيلو ... فقلت له يعني لو زرعت شجرتين تلاتة في حديقة المنزل ده أنا ممكن أعوم في المنجا مش أكلها بس .. لكنه خوفني وقالي إن المانجا شجرة كبيرة وممكن جذورها تمتد داخل الأرض وتسرح على الأساسات وتبهدل الدُنيا . فهل ده صحيح ياخوانا يا بتوع الزراعة ؟

يُتبع

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

عمو س س إسمح لي اكون من الأعضاء المؤسسين للحزب المنجاوي :excl:

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك

انا الحقيقة من هواة العويسي :excl:

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك

[size=6]منك لله يا ابوعمر ..!!! شوقتنا للمنجه الاسمعلاوى .. وفكرتنى أيضا .. بالخيبة التقليه اللى أصابت المحروسة الحبيبة .. تعرف يا سيد .. من كام يوم رحت اتفرج على سوق الاسبوع .. بيعملوه فىميدان قريب منى ..وفيه كل حاجه باسعار تهوس ..يعنى كده ممكن تقول " كارفور "بس بضمير .. وارخص من آى محل .. لقيت واحد تركى عارض فاكهه جميله .. كل الانواع والاصناف .. كان عنده مانجه عدةانواع من انتاج عدة دول الا مصر .. الواحده انتاج الهند بيورو واحد ..ودى فى المحلات بثلاثة يورو .. لقيت عنده بطيخ ..من اليونان ومن اسبانيا ومن تركيا .. وتحتار تختار إيه ..فيه بطيخه 8 كيلوجررام..وبطيخه اقل من كيلوا .. والكيلو بسبعين سنت ..لقيت عنب بناتى عظمه .. العلبه نص كيلو .. فى علبه بلاستك جميله مكتوب عليها " Kernlose Traben , Herkunft . Ägypten " ومعناها عنب بدون بذر .. إنتاج مصر .. وما صدقت أخذت ست علب أتسلى بيهم وانا باقرأ .. واهدى البعض لحماتى .. ولحفيدى سمارة - لأ مش ابوزماره - بقالهم عندى اسبوعين مفيش واحدة فسدت ..وكل مره أقول .. شكرا يا شركة " بلو نيل - كايرو" ..

للأسف مفيش منجه .. فاذا كانت الشركةدى نجت فى تعبئة العنب وبيفضل فى العلبة اسابيع بدون ما يفسد ليه ما نكملش باقى المحاصيل ..ونتوسع فى التصدير .. بشرط الا يكون الزارع استخدم مبيدات وزارة الزراعة المصرية ..!!

زمان كتب اخونا الاستاذ عادل عن حكايةالمنجه دى ..وكان ايامها .. " غراب الخراب " رئيس الوزراء أيامها راجع من زيارة رسميه للسودان وجايب معاه 30 قفص مانجه .. رفض الحجر الزراعى الافراج عنها ..وقد أشار الاستاذ عادل الى هذا الموضوع .. انا وجدته عندى فى الارشيف ..وهذا هو اللنك بتاعه .. لمن يريد قراءته ..:

http://www.egyptiantalks.org/invb/index.ph...pic=7535&hl

فمازال موجود بالمحاورات .. الموضوعات دى يا سيد..زى المجوهرات الملكية .. ولكنها حلوه ومغذية ..

واخيرا حمدا لله على سلامتك ..ونورت يا سيد..[/size]

تم تعديل بواسطة achnaton

كلمات حق وصيحة فى واد .. إن ذهبت اليوم مع الريح ، فقد تذهب غدا بالأوتاد ..

ليس كل من مسك المزمار زمار .. وليس كل من يستمع لتصريحات الحكومة الوردية ..حمار

ويا خسارة يامصر .. بأحبك حب يعصر القلب عصر

رابط هذا التعليق
شارك

زائر
هذا الموضوع مغلق.
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 1
      مجرد تكلفة تجديد ترخيص البرمجيات يتطلب اكثر من عشرة آلاف جنيه مصري وتكلفة استضافة الموقع تتطلب مائة دولار سنويا موقع الذكاء الاصطناعي gemeni.google.com  كر لي اكثر من مرة ان الموقع مغلق لوفاة مؤسسه عادل ابوزيد لا مفر من توقف موقع محاورات او ربما التوصل الى برمجيات اخرى غير الinvision board  في انتظار تعقيبكم على هذه الرسالة
    • 1
      يمكن مشاركة الموضوع عن طريق الواتسآب بالإضافة ل ال تويتر و الفيسبوك و غيرها
    • 8
      أرجو تصفح موضوعات دعم النزاهة و مانيفستو محاربة الفساد و الموضوعات الشبيهة فى محاورات المصريين. بإختصار شديد لقد توحش الفساد فى مصر و تحول إلى أسطورة و كالعادة - على مر التاريخ - يتجنب الجميع مواجهة الأساطير. أرى أن نقتحم أسطورة الفساد و لا نجلس كالفلاح اللى غرق دراه (للبهوات الفلاح اللى غرق دراه هو الفلاح الذى أغرق الفيضان محصول الأذرة الخاص به) ننعى سوء الطالع و ننعى العجز أمام توحش الفساد . على مر التاريخ بدأت المعارك بدراسة العدو أولا .. مواجهة الأوبئة تبدأ دائما بدراسة المرض ن
    • 2
      شركة الإستضافة التي تستضيف موقعنا  رفعت سعر الإستضافة و تطلبه بالدولار  و لتجديد الإستضافة أنا مطالب بدفع ما يقرب من 10000 جنيه   و هذا ليس في إمكانيات و لا هو مقبول  دفع هذا المبلغ من أجل الحفاظ على موقع لا يهدف للربح جار دراسة البدائل الممكنة لإستمرارية محاورات المصريين  لا أفهم كيف يتم إصدار فواتير بالدولار على خدمة تقدم في مصر دعواتكم
    • 0
      صفحة جديدة فى تاريخ العلاقات المصرية-الروسية بدأت بمدينة الضبعة فى محافظة مطروح حيث شهد الرئيس عبدالفتاح العرض الصفحة
×
×
  • أضف...