اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

استفسار خاص بتاشيرة السائق الخاص


Recommended Posts

ياريت حد يفيدنى فى الموضوع ده جزاه الله خيرا انا دلوقتى بجهز ورقى على انى اطلع اروح اشتغل محاسب فى مكتب محاسبة بالرياض بس التاشيرة جايالى سائق خاص وانا دلوقتى خلاص هطلع الرخصة المهنية بس قابلت واحد حزرنى جدا من هذه التشيرة وقال لى صعب انه يتحول هنا الى مهنة محاسب وقلى متوفقش وهيضحكوا عليك وهتتزل وترجع تانى انا قلقان جدا ياريت واحد يقلى ايه نظام التاشيرة دى ياريت عيوبها ويقلى اعمل ايه رغمانهم قالولى انهم هيكتبوا معايا محاسب وفيه طبعا المرتب والسكن والتمين الصحى والانتقالات والمترب 1300 ريال ياريت حد يكون شغال هناك او جرب نظام التاشيرة دى ياريت يرد عليا فى اسرع وقت ممكن

رابط المشاركه
شارك
  • الردود 42
  • Created
  • اخر رد

Top Posters In This Topic

ياريت حد يفيدنى فى الموضوع ده جزاه الله خيرا انا دلوقتى بجهز ورقى على انى اطلع اروح اشتغل محاسب فى مكتب محاسبة بالرياض بس التاشيرة جايالى سائق خاص وانا دلوقتى خلاص هطلع الرخصة المهنية بس قابلت واحد حزرنى جدا من هذه التشيرة وقال لى صعب انه يتحول هنا الى مهنة محاسب وقلى متوفقش وهيضحكوا عليك وهتتزل وترجع تانى انا قلقان جدا ياريت واحد يقلى ايه نظام التاشيرة دى ياريت عيوبها ويقلى اعمل ايه رغمانهم قالولى انهم هيكتبوا معايا محاسب وفيه طبعا المرتب والسكن والتمين الصحى والانتقالات والمترب 1300 ريال ياريت حد يكون شغال هناك او جرب نظام التاشيرة دى ياريت يرد عليا فى اسرع وقت ممكن

السلام عليكم 1300 ريال يعملو ايه هنا

محاسب بي 1300 ريال والله حرام الا بيحصل في شباب مصر

رابط المشاركه
شارك

ياعمي حرام عليك نفسك .. نصيحة لوجه الله تعالي اوعي تيجي علي الراتب ده او التأشيرة دي

تأشيرة لا تسمح لك بأي شيء هنا .. ومرتب يدوبك هيكفيك معيشتك لآخر الشهر ولو انتا بخيل مووووت يدوبك هتحوشلك بتاع 400 او 500 ريال بالعافية وحرق الدم دا اذا عرفت تحوش منهم اصلاً

قعدتك في مصر حتي ولو من غير شغل احسن كثير من السفرية دي

وربنا يكتبلك الخير اينما كان

رابط المشاركه
شارك

انت كده طالع على سائق خاص فعلا مش محاسب لان ده راتب السائق هناك .. وطبعا الراتب ده ينفع سائق لانه بياكل ويشرب وينام على حساب البيت الي بيشتغل فيه لكن انت كمحاسب المبلغ ده يعمل لك ايه ؟

1300 ريال يعني بتاع ستميت سبعمية جنيه .. تخيل نفسك بتاخذهم هنا في مصر ومطلوب منك تسكن وتاكل وتشرب وتلبس وتتنقل بيهم مستحيل يكفوك طبعا حتى لو كلت ورق جرايد . اضف عليهم تحمل الغربة والبهدله والتعب ..

ده بالنسبة للراتب ..

بالنسبة لمهنة سائق خاص فدي فيزة من لافيزه له .. يعني اي حد سعودي من حقه يطلع الفيزا دي وعشان متكونش منفذ لادخال عماله زائده للبلد فهم قننونها ان الي يدخل بفيزا سائق خاص يعيش ويموت سائق خاص يعني مستحيل تعدل وضعك لمهنه تانيه ومستحيل تستقدم زوجتك لو متزوج وبرضه لو لسه مش متزوج يبقى انسى انك لو تجوزت مستقبلا تجيبها معاك تحت اي ظرف من الظروف ..

العرض ده يعتبر انتحار مهما بدا لك انه كويس سواء من جهة الفيزا او من جهة الراتب ..

مش عاوزه احلف لك لكن قعدتك في مصر ولو ببلاش ابرك لك من قبوله ..

على كل حال استخير وربنا يعمل لك الي فيه الخير ..

رابط المشاركه
شارك

ربنا يخليكم والله انا دافع لغاية دلوقتى اكتر من 300 جنيه علشان الرخصة ولسه هتكلفنى تانى لغاية لما تتطلع بس كويس انكم نصحتونى بكدة والله انا مكنتش اعرف ايه تاشيرة السائق الخاص بس ياريت تدخلوا فى التفاصيل وتفهمونى اكتر وكمان علشان اى حد يفهم فى ناس كتيرة بتطلع بالتاشيرة دىوهيا مش فاهمة وانا كنت هبقا منهم وانا كمان عايز افهم ازاى يكتبوا فى العقد محاسب + المرتب والامكانيات دى يعنى هل العقد ملهوش لازمة هناك وكمان هما قالولى انى مصاريف الاكل هتبقا 400 ريال يعنى الواحد قال يحوش 900 ريال حلوين وكمان هنا الحال زفت مفيش شغل خالص بس كويس انكم قلتولى كدة وربنا يكرمكم يارب اميييين.........

رابط المشاركه
شارك

السلام عليكم و رحمه الله بركاته

انا يا اخى محاسب شبهك و برده المهنه سائق خاص

يعنى من الناس اللى الكتيرة اللى طلعت بالتاشيرة دى و هى مش فاهمه حاجه

اول حاجه عاوز اولهالك ان التاشيرة دى بالذات لا بلاش لوجه الله

قولى ايه بقى ايه الاسباب

1 - دى مهنه عمالة منزليه

2 - صعب جدا تغيرها مش هقولك مستحيل لا بتتغير بس بفلوس جامده يعنى بتمن تاشيرة تانية 10000 ريال

3 - ملهاش استقدام فى حالة ان حضرتك عجبك الوضوع و اتجوزت و حبيت تجيب مراتك

4 - فى شركات كتير بترفض اى واحد بتقدم ليها علشان مهنته فى الاقامة سائق خاص

دى الكلام كله فى حالة ان الوضع عجبك و انتا تمام مع كفيلك و هو هينقل كفالة

نرجع بقى لاهم نقطه ركز معايا شويه

مرتب السواق المصرى هنا 1500 ريال و الله مع توفير السكن و التامين

مش حضرتك عاوز تطلع على 1300 ريال لا و فين ؟ (((( السعودية ))))

بص بقى يا استاذى هنا علشان تقدر تقول انا هقبل بشغل محاسب المفروض ميقلش عن 3000 ريال

ده اقل حاجه ممكن تقبل بيها

مش هقولك انى عملت كده لا انا لو كنت اعرف الكلام ده من الاول

مكنتش اصلا طلعت بس الحمد لله فى بريق امل بالنسبة لى برده فى فرق انى كنت طالع تاشيرة حره

يعنى اقدر ادور و اشتغل فى اى مكان بعكسك انتا اللى طالع على واحد معين

و برده اقرا فى المنتدى و تصفحه و اعمل بحث عن مشاكل الكفالة و مرتبات المحاسبين و سائق خالص

و فى النهاية النصيحة الذهبية صلي صلاة استخارة و اللى فيه الخير ربنا يكتبهولك

و لو فى اى استفسار تحت امرك

تم تعديل بواسطة muhamed
رابط المشاركه
شارك

ربنا يخليك يا محمد وان شاء الله انا هتصل بالمكتب واقله خلاص غيرلى التاشيرة اواقعدهناواصبر شوية وتغور فلوس الرخصة واى حاجة هكون عايزاستفسر عنها هقلكم وربنا يخليييييييكم يارب والله مصر لسه بخير بيكم

رابط المشاركه
شارك

حرام عليك يا ابني نفسك وصحتك 1300 ريال ايه الي حتسافر علشانهم و كمان المعهنة سواق خاص ده السواق المفروض مرتبه اكبر من كده

المفروض انك محاسب يعني على الاقل لو حالتك صعبه تاخد 4 الاف ريال يدوب تقدر تعيش عيشه معقولة والمهة محاسب او اداري على الاقل

رابط المشاركه
شارك

أخى العزيز محمود حسين

ملخص الموضوع فى عدة نقاط كالتالى :-

1- لايوجد تغيير مهنة للسائق الخاص و لا يوجد لها استقدام للزوجة

2- المهنة فى العقد لاتغنيك عن مهنتك الاساسية فى التاشيرة طبقا لنظام السعودة

3-راتب المحاسب بدون خبرة بداية من 2500 ريال غير شامل السكن والمواصلات

4- خدعوك فقالو انك هتصرف بس 400 ريال فى الاكل وفى الواقع مصاريفك الشخصية لا تقل عن 1000 ريال

5- رأيى الشخصى التفاوض على مهنة أخرى والتفاوض على 3000 ريال كمرتب لمحاسب غير بدلات السكن والمواصلات والتأمين الصحى

وقلة ذات اليد فى مصر ليست من شأنها ان توقف عقولنا عن التفكير فى حسم أشياء بسيطة.. وشكرا

رابط المشاركه
شارك

الاخ محمود حسين

السلام عليكم ورحمة الله وبركاته

كل ماذكر عن نظام تأشيرة السائق الخاص صحيح خصوصا فى موضوع تغيير المهنة والاستقدام واضف الى ذلك عدم استطاعتك القيام بأى تعامل مع الهيئات والمنظمات السعودية بدون الكفيل

لكن

ممكن تكون اكتر افاده لو كانت حرة وخصوصا انك محاسب يعنى تدور على شغل بمرتب معقول وزى ما قاللك الاخ الفاضل الفخرانى بداية ماتقلش عن 2500 ريال

فيا ريت ما تفبلش موضوع الفيزا دى وعندك اختيارات

1-تقبل اى فيزا لو كانت حره بحيث تدور على شغل بمرتب معقول ويناسبك

2-ماتقبلش غير فيزا كويسه ولو فى عقد لمحاسب ماتتنازلش عن مرتب بحد ادنى 2500ريال

بالنسبة لموضوع الرخصة المهنية كمل فيها هى هتصرف منك شوية بس هتنفعك بعدين

مش خسارة فيها الفلوس ربنا ييسرلك الحال ان شاء الله

رابط المشاركه
شارك
ربنا يخليكم والله انا دافع لغاية دلوقتى اكتر من 300 جنيه علشان الرخصة ولسه هتكلفنى تانى لغاية لما تتطلع بس كويس انكم نصحتونى بكدة والله انا مكنتش اعرف ايه تاشيرة السائق الخاص بس ياريت تدخلوا فى التفاصيل وتفهمونى اكتر وكمان علشان اى حد يفهم فى ناس كتيرة بتطلع بالتاشيرة دىوهيا مش فاهمة وانا كنت هبقا منهم وانا كمان عايز افهم ازاى يكتبوا فى العقد محاسب + المرتب والامكانيات دى يعنى هل العقد ملهوش لازمة هناك وكمان هما قالولى انى مصاريف الاكل هتبقا 400 ريال يعنى الواحد قال يحوش 900 ريال حلوين وكمان هنا الحال زفت مفيش شغل خالص بس كويس انكم قلتولى كدة وربنا يكرمكم يارب اميييين.........

مهي دي ( التكه ) الي بيلعبوا عليها ودي عينه من الي هيحصل لك هناك .. هتشرب الذل الوان وهتتحمل عشان تجيب مصاريفك الي صرفتها على الاقل .. هم عايشين على كده وكل واحد ومقدار مادفع وخسر وكل واحد ومقدار تحمله .. يعني في الي خسر كتير فمضطر يقعد سنه وفي الي بيتحمل شويه ويقعد سنتين وهكذا وفي النهايه كله بيروح في الآخر لانك هتلاقي نفسك متعلق في طاحونه ودمك ممصوص ومفيش اي عائد بل بالعكس ممكن تستدين عشان تكفي حياتك بالمبلغ الي انت طالع عليه ده ..

زي ماقلت لك قبل كده وقالك بقية الاخوه هنا الراتب ضعيف جدا والفيزا متطمنش وحطها حلقة في اذنك مهما كنت مزنوق هنا فالراتب ده هيزنقك هناك اكتر بس الفرق ان هيبقى وراك دين عاوز تسده متمثل في المصاريف الي تكبدتها والي هتزيد كل مااستمريت في مشروع السفر ده والـ 300 جنيه عينه بس .. هتتحمل عشان تجيب مصاريفك على الاقل بعدين ترجع ويجيبوا غيرك بنفس المرتب او اقل كمان وبرضه هيلفوا اللفه اياها وفي خلال كام سنه هيكون تعلق في الساقيه دي كذا مصري غيرك و صاحب الشغل مشى شغل سنين باجمالي ماكان هيدفعه في شهرين تلاته .

المصيبة من خلال نقاشي معاهم عن قرب اكتشفت ان معظمهم واخدين عننا فكره اننا في الادغال وان المية جنيه تعتبر راتب محترم فمابالك بالالف .. منها لله مسلسلاتنا ومنهم لله الي مش حاطين لنا سعر وسايبين الناس تلطم فينا يمين وشمال .. وبرضه الي قالك هتاكل بربعمية قصده انك يعني لامؤاخذه جاي منين يعني ولقمه حاف زي الي كنت بتاكلها في بلدك هتاكلها في الغربة يبقى كده هتحوش وتعيش ملك بالميتين تلتمية الي هيتفضلوا لك بعد ماترجع ..

طبعا هم بيعملوا كده مع العماله المنزلية وللاسف بقى الوضع هو نفسه بالنسبة للمصريين مع ان الواقع ان الغالبية طالعه بره لانها ولاد ناس ومش عارفه تاخذ وضعها في بلدها فمتغربة ومتلطمه بحثا عن الوضع ده ..

معليش خيرها في غيرها وربنا يعوض على الجميع ..

رابط المشاركه
شارك

نصيحة كده على الماشي ال الف ريال سعودي في مصر زي ال 500 جنيه مصري من حيث الراتب يعني الي يرضى يشتغل بره مصر مقابل 1000 ريال كأنه قبل جوه مصر ب 500 جنيه و ال 3000 الاف ريال زيه زي مرتب 1500 جنيه في مصر

رابط المشاركه
شارك

ربنا يخلييييييييييييييكم يارب جميعا بجد كويس انكم لحقتونى قبل ما اروح البلد دى والله بجد هما معتبرينا كدة معتبرين 100 جنيه هنا هتعمل عمايل وانا قابلت الكفيل وشوفت تفكيرهم ازاى عننا وكمان المكتب كان هياخد5000 الاف جنيه هما يكسبوا واحنا نتبهدل ونرجع وبيستغلوا هنا الشباب الى فاض بيهم من الحال الى كل مدى بيسوء يلا منهم لله الى عملوا فينا كدة وبجد الـــــــــــــــــــــــــــف شكر ليكم جميعا (غريب الخير- البشمهندس ياسر-nightmare-doha-muhamed-زعلان -الفخرانى-ابو يمنة-) وربنا يكرمك بجد

رابط المشاركه
شارك

انا كتبت قبل كدة وقلت مكتب الحاق عمالة جايبلى وظيفة محاسب فى السعودية على 1300 ريال + سكن +تامين صحى +انتقالات +تزكرة طيران بس المشكلة جاتلى التاشيرة حاتلى سائق خاص وانا دلوقتى خلاص هطلع الرخصة السبت الجاى بس انا ناس كتيرحزرونى من التاشيرة دى وكمان لما كتبت الموضوع هنا ناس كتير حذرتنى برده المهماناقلت مش هطلع بس اتلمكتب دلوقتى اتصل بيا وقلى الخوف من التاشيرة دى كان زمان وقلى العقد هيتوثق من الخارجية ومتخفش وقلى الكفيل بتاعك واصل وطيب وهيخلصلك اى مشكلة هناك وقلى هخليك تكلم الكفيل وهيطمنك و قلى انى المرتب ده بداية وهيزيد كل سنة انا دلوقتى محتار علما وياريت حد يفيدنى بالمعلومات الجديدة دى وكمان لو حد فى الرياض المكتب الى حقيتى اشتغل فيه اسمه مكتب الصايف للمحاسبة

ولكم جزيل الشكر

رابط المشاركه
شارك

الاخ العزيز لا تستمع لوعود اصحاب شركات العمالة هنا اذ انك بمجرد سفرك و تسليمك لجواز سفرك للكفيل ستجد كل الوعود قد تبخرت وانت محاسب وتتطلع بتأشيرة سواق فمن الممكن ان تشتغل هناك اى حاجه ولن تستطيع ان تتكلم وسيبك من حكاية الزيادة السنوية دى اصحاب الشركات دايما بيوعدوا بالجنة لحد ما يخدو الفلوس بتاعتهم ويسيبوك وانت حر مع الكفيل والدليل على كده ان فيه شركات دلوقتى بتخليك تمضى بأنه اذا حصل مشاكل بينك وبين الكفيل هما مالهمشى علاقة وربنا يوفقك

رابط المشاركه
شارك

الفاضل محمود حسين

لااعتقد انها فكرة جيدة ان تفتح موضوع تستفسر عن سؤال ثم تفتح موضوع آخر بعده بعدة ايام وتسميه تكملة السؤال.

ليتك تراجع هذا الموضوع المثبت فى اعلى الصفحة قبل ان تسأل سؤالا آخر

رابط المشاركه
شارك

انا قصدى من كدة بس علشان الموضوع يتحط فى الاول ويظهر تانى وعلشان حد يرد عليا بسرعة وانا اضفت معلومات جديدة وقلت اسم المكتب لو حد يعرفه وان شاء الله هحاول ادور على معلومة وانا اسف جدا

رابط المشاركه
شارك

يا ابني اسمع الكلام شائق خاص ايه لو الراجل الي رايح تشتغل معاه واصل خليه يجيبلك تأشرية محترمة تناسب مؤهلاتك و مكانتك و يديك مرتب محترم الا لو انت شايف ان قدرك ما يزدش ع التاشيرة ده و المرتب ده

بجد حاجة تزعل يا ابني اسمع الكلام ولازم كل حاجة تبقى مكتوبة في العقد كل الكلام الي بيتقال على التلفون او في قعده و ابتسامة كلام هجايص ال 1300 ريال حتحتاج فوقهم ميتين ريال علشان تصرف مصاريف الحياة اليومية من اكل و شرب و مستلزمات و خلافه

رابط المشاركه
شارك

انضم إلى المناقشة

يمكنك المشاركة الآن والتسجيل لاحقاً. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

  • محاورات مشابهه

    • استفسار في الجمارك

      السلام عليكم و رحمة الله و بركاته انا سمعت ان اللاب توب بقوا بياخدوا عليه جمارك في مصر ... ممكن حد يفيدنا في الموضوع ده ...او كان نزل مصر و معاه لاب توب ... و بتتحسب الجمارك ازاي عليه ... معلش اصل انا هنا اول سنة و المصري الوحيد في المكان اللي انا فيه... و ياسلام بقى لو تقوللنا هم بياخدوا الجمارك ازاي لو حد خد معاه مثلا كاميرا ديجتال , ipod , موبالين جداد ...كده يعني حاجات الكترونية صغيرة كلها... شكرا...

      في المغتربين المصريين - egyptian expatriates

    • تغطية للبيان الخاص بإحالة المتخلفين عن إنتخابات مجلس الشيوخ للنيابة العامة

      أصدرت الأربعاء الهيئة الوطنية للانتخابات في مصر برئاسة لاشين إبراهيم، نائب رئيس محكمة النقض، بيانا تعلن فيه قرارها إحالة جميع الناخبين المتخلفين عن التصويت في انتخابات مجلس الشيوخ، التي جرت جولتها الأولى في 11 و12 أغسطس/آب الجاري، ويبلغ عددهم أكثر من 52 مليون مواطن للنيابة العامة. وتبلغ غرامة التقاعس عن التصويت في الانتخابات 500 جنيه مصري (28 يورو) بحد أقصى. إعلان أعلنت الهيئة الوطنية للانتخابات في مصر الأربعاء أنها قررت إحا

      في الحياة النيابية و الديموقراطية فى مصر

    • استفسار بخصوص التقديم مدارس تجريبي لغات بالسعودية

      سلام عليكــم ورحمـة الله وبركاتــة ،، الاخوات والاخوه الاعزاء عندي بنتى بتاريخ 1/10 ان شاء الله تتم 4 سنين و5 شهور و15 يوم  وعاوزها لما تنزل مصر تدخل تجريبي لغات وانا متواجد بنجران السعودية  مش عارف اعمل اية ولا اقدملها ايه هنا ومش لاقي حد يفهمنى الوضع ومحتار جداا  الرجاء توضيح الامر  جزاكم الله كل خير 

      في المغتربين المصريين - egyptian expatriates

    • منظمة الصحة تطلب تجارب كلينيكية على الدواء الخاص بمدغشقر

      دواء مدغشقر هذا دواء عشبي أساسه عشب الشيح و أعشاب أخرى  ودعا إليه رئيس مدغشقر ما سبق كان إستهلالال لابد منه وضعت خبر عن هذا الدواء في موضوع هلاوس كورونا !  منذ ساعة جوجول نشر أن منظمة الصحة العالمية طلبت إجراء تجارب كلينيكية على هذا المشروب ، و قرأت أيضا أن جنوب إفريقيا و الكونغو و تانزانيا طلبوا هذا الدواء من مدغشقر

      في  فى الثقافة و العلم

    • استفسار

      السلام عليكم انا هشام بكالوريوس صيدلة اكلينيكال ومعايا فارما دي وشغال في شركه ومرتبي كويس جدا أثناء الدراسه حصلت ضائقه ماليه اضطر انه يجيب شهاده قياس مهارة كهربائي أدوات كهربائيه عشان كنت بشتغل في تصليح الاجهزه المهم كنت قدمت الخطوبه لواحده خريجه تربيه ومحترمه جدا هل اقولها على حوار اني كنت بشتغل كهربائي أثناء الدراسه ولا لا 

      في موضوعات جادة للمناقشة


×
×
  • اضف...