اذهب إلى المحتوى
محاورات المصريين

ايهما افضل الامارات ام السعوديه ام مصر


Recommended Posts

أخي الفاضل ... الموضوع كما تفضلت هو موازنه بين خيارات متعددة ... أحلاها مرّ

السؤال الذي تسأله لا أحد يملك إجابه له إلا أنت ... كل ما نستطيع أن نفيدك به هو تقديم صورة واضحة عمّا ينتظرك في الخليج ... وفي النهاية أنت الذي تستطيع أن تقدر ظروفك وتتخذ القرار المناسب

وكما بينّ الإخوة الأفاضل فأنت هنا توازن بين مصلحة آنية (شوية فلوس تبتدي بيها حياتك) وبين طموح تسعى لتحقيقه في المستقبل (ارتقاء مهني ودخل جيد في المستقبل)، بالنسبة لي فإن الخيار الثاني هو الأفضل طبعا، ولكن كما قلت لك من قبل فهذا خيار شخصي يختلف من شخص لآخر حسب أولوياته وطموحاته

تأكد أن عملك في الإمارات كحارس أمن هو بمثابة قضاء على مستقبلك المهني (إلا إذا لحقت نفسك خلال فترة بسيطة ووجدت عمل آخر له مستقبل) ... لأن أي صاحب عمل حين يقرأ سيرتك المهنية و يجد أنك تركت وظيفة واعدة من أجل العمل كحارس أمن سيتردد ألف مرة قبل أن يوظفك ... فضلا عن انقطاعك عن عملك لفترة طويلة تنسيك كل ما تعلمته و تقطع العلاقات التي كونتها في عملك الحالي

أنت الآن تفكر في الزواج ومصاريفه ولكن فكر أيضا في وضعك بعد عشرة سنوات من الآن ... هل تريد أن تجد نفسك مازلت حارس أمن أيضا ... وهل هذه هو المكانة الاجتماعية والمادية التي تتمناها لزوجتك وأبنائك ... وهل ضيعت سنوات عمرك في الدراسة والتدريب لكي تصل لهذا المكان

إذا كان على الجواز يا سيدي انت مستعجل على ايه ... في الآخر هاتتجوز هاتتجوز وهاتقول يا ريتني (وابقى افتكرني ساعتها بدعوه حلوه)

أعذرني على تدخلي بهذه الصورة في أمور قد تعتبرها شخصية ... ولكني والله صعبان على أن أرى شخص يسير على الطريق الصحيح مثلك يخسر مستقبله بسبب قرار مثل هذا

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

  • الردود 63
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

عمالى امنع نفسى م المشاركة ف الموضوع بتاعك لانى خايف انك تزعل من كلامى

بس اظاهر انهم كلمتين ولازم تسمعهم

مش قادر افهم ازاى انت شغال فى hr و بتفكر بالطريقادى

حسيت من كلامك كمية رهيبة من السلبية و عدم اليقين ف الله

ليتنى حاسس انك مش شايف الامل و حتى مش بتدور عليه

متقليش انا بفكر اسافر كشىء ايجابى و بحاول اغير وضعى

لانك حتى لما فكرت ف السفر و جيت تسال الناس

بتدور و تسأل فى فرص كلها فرص ميتة

لما واحد عنده ليسانس حقوق و لغة و كمبيوتر و بيشتغل فى ال hr

يروح يشتغل فرد امن ..

طب الناس اللى معاها مؤهلات متوسطة وفوق متوسطة .. تشتغل ايه

اوك .. مش هنتطرق للنقطة دى

المفروض ان سعادتك بالبداية اللى تعتبر متميزة مقارنة بزملائك من نفس الشريحة متعملش كده ابدا

يعنى لا تسافر السعودية بفييزا حرة و لا تروح الامارات على مهنة الامن دى

سعادتك زى الاسد المفروض تبدا تظبط اليقين ف الله قبل اى كلام

و بعدها تبدأ تطور نفسك و تعمل تويفل ف الانجليزى و تزود كورسات فى ال hr

و تركز ف شغلك و تنسى السفر دلوقتى تمااااااااااااااما

و تعيش عمرك و تتمتع انت و خطيبتك .. اللى اكيد رزقك هيزيد بسبب ارتباطكم بأذن الله

و صدقنى و عن تجربة

هتلاقى نفسك بدأت تتظبط فى شغلك ف الشركة الاجنبية ( اللى بيحسدك عليها مش اقل من 10مليون شاب ف وادى النيل )

او هتغيرها لشركة احسن و هتلاقى نفسك بتتنطط ع الناس ف الانترفيو و بتفرض شروطك كمان

اخى

احسن الظن ف الله

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

ايه يا باشمهندس ياسر . هو كل ماراروح توبيك اكتب فيه كلمتين الاقيك سابقنى . عموما ربنا يجازيك خير على نصائحك الغالية .

عزيزى الباحث عن الرزق . اتمنى ان تغلق المناقشة فى هذا الموضوع لانك المفروض انك عرفت المعادلة دلوقتى . يعنى عمرك ما هتاخد كل حاجة الا بقى لو عندك مشروع كبير فى مصر او شغال بمرتب عالى جدا فى الحالة دى اقولك اه ماشى . لكن تعال كده نشوف مع بعض مين اللى مستريح ولا مسافر مستريح واللى دايما بعيد عن اهله ولا اللى فى مصر راضى بالعيشة الصعبة اللى الكل بيعانى منها حاليا .

بس بالنسبة ليك انت على وجه الاخص ومن الاخر . اوعى اوعى تسافر دلوقتى وده لان فى ايدك وظيفة ممكن تاخد فيها خبرة كويسة ودى هتعرف تمنها قدام حتى لو فلوسها بسيطة وكمان لان عروض السفر الموجودة دى ممكن واحد معاه اعدادية يسافر عليها . انت لسه صغير استحمل شويه وخد خبرة كويسة وبعد خمس سنين ولا حاجة هتلاقى مليون عرض برواتب خيالية لكن صدقنى لو سافرت دلوقتى هتخسر مصر وكمان السعودية لانك فى السعودية بالنسبة لمجالك يشترط الخبرة . اما الامارات فعيب تفكر فى السفر هناك بمهنة زى دى

دى نصيحة اخ لاخوه . واتمنى ان اكون افدتك

دمت بالف خير

عبدى..تشاء واشاء..ولا يقع فى ملكى الا ما أشاء

فاذا رضيت بما اشاء..أعطيتك ما تشاء

رابط هذا التعليق
شارك

شكرا جزيلا على ردودكم جميعا

وانا كدا وصلت والحمد لله لقرار

من وجهه نظركم وبعد ما عمله معادله

الحياه صعبه فى مصر بس افضل من انا اخسر مستقبلى

انا موجود فى عملى فى مصر وبعد كده ابحث عن فرصه افضل فى مصر

ولو فيه فرصه مناسبه فى الخليج يبقى ربنا كرمنى

غير كده الله الغنى بعد الى انا اسمعته

وشكرا جزيلا

رابط هذا التعليق
شارك

عزيزى الباحث عن الرزق

أنا بعد ما قريت مشاركات الأعضاء الكرام عايز بس أقولك باختصار تجربة واقعية ..

انى كنت زيك بعد ماتخرجت من كلية التجارة تاية المهم انى اشتغلت فى مصر فى مجال الاتصالات لمدة سنتين بدأ مرتبى من 250 جنية الى انى وصلت ل 1100 جنية المهم لأنى كنت زيك طمعان فى حياة أفضل قلت اسافر السعودية بفيزا حرة وبدأت فى رحلة البحث عن الفيزا ومماطلة مكاتب السفريات ثم دوامة تغيير المهنة لحد ماجيت السعودية طبعا فى الاول حسيت بفرق فى نظافة البلد وبدأت فى رحلة البحث عن وظيفة الى ان وجدت وظيفة ب 3000 ريال بعد بحث طويل واللى عايز أقولهولك ال3000 ريال رغم انى عازب مش المرتب اللى تتغرب عشانة يعنى بيضيع 650 ريال فى السكن وزيهم فى المواصلات و700 فى الأكل ده غير الاتصالات

بتلاقى فى الاخر نفسك معاك 700 ريال ومتغرب وسايب أهلك دة غير انك لو اتجوزت مش هتعرف تجيب مراتك عشان المهنة عايزة استقدام وتدخل تانى فى دوامة وواللهى لو رجعت بيا الأيام عمرى ماكنت خضت التجربة دى وفقدت طعم كل حاجة وأنا شايف أن مصر فيها فرص بس الناس عايشة على حلم الخليج وهو فعلا وهم كبير ومن وجهة نظرى الاستفادة الوحيدة من تجربتى هى أداء فريضة الحج وأسف للأطالة وشكرا

تم تعديل بواسطة elfakhrany

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

وتبقى المشكله زى ما هيه

الى فى مصر عايز يروح الخليج

والى فى الخليج بيقول يا ريت الى جرا ما كان

طيب يا جماعه دلوقتى فى ناس فى الخليج وبعد قصه عناء كبيره

بيجى البلد ويفتح مشروع اى كان هذا المشروع

الى فى مصر من اقار بوجيران يا ريت الواحد سافر الخليج زيه وترد مراته فى نفسها تقول اصل انت فقرى من شو نعمه

والى جاى من الخليج ولقى الاهل والاصحاب الى هما متغربوش واشتغلو فى البلد يعنى تدرجوا فى العمل فى مصر يقول يا رتنى ما تغربت وكان بقيت فى مصر كذا

وترد مراته فى نفسها اصل انت فقرى وش بهدله

ورغم جميع المشاركات الا ان المشكله زي ما هيه

رابط هذا التعليق
شارك

ههههههههههههههههههههههههههه

والان من اهات فى مصر الى ضحك

لان هم يبكى وهم يضحك

واحنا همنا يضحك

رابط هذا التعليق
شارك

اتوكل على الله ياعم الحاج وسافر يعنى انت قاعد هنا بتعمل ايه ؟؟ ولا مش عايز تبعد عن خطيبتك ؟ انا اشتريت فيزا حرة الكويت ومسافر ان شاء الله كمان شهر او اتنين سلامو عليكو

رابط هذا التعليق
شارك

شوف يا اخي ال 600 جنيه دلوقت بكره هيبقوا 6000 مع الصبر وتطوير الذات في مصر...

اخي في بداية حياته العملية في مصر كان بياخد 600 جنيه ... وكان شايف مصر دي كأنها حارة مظلمة

دلوقت راتبه ماشاء الله زاد كتير كان بيدرس وياخد شهادات تطور من قدراته في مجال الحاسب الالي....

وتكلفة الدراسة في مصر بجد تعتبر ارخص من اي مكان تاني ولما يلاقي شركة مميزاتها احسن كان ينتقل لها

اخر مره مدير الشركة جازاه عشان اتأخر عن العمل وخصم مبلغ كبير اوي من مرتبه ولم بتقبل عذره في التأخير

فما كان منه الا ان سكت لما وجد شركة تانيه احسن في المميزات وترك اللي كان شغال فيها ولآن المدير عارف

هو كان بيعمل ايه حاول يرجعه تاني وقال له هجيب لك عربية وازود لك الراتب بس هو رفض يرجع عشان هو لم

يقدر تفانيه في الشغل ولم يقبل عذره ... كل واحد له تفكيره بأه :blink:

تعالى بأه قارن لو انت في الخليج والكفيل عمل فيك ما عمل مش هتقدر تتكلم ولا تعمل حاجه من غير موافقته

ولا تقدر تنقل بسهولة لمكان تاني احسن في المميزات والراتب

متفتكرش انك هتلم فلوس في الخليج ومش هتصرف .. لا .. المصاريف كتير ومحدش هيقدر ظروفك ولما تحب ترجع لمصر ..

هتلاقي نفسك بقيت غريب .. محدش هيصدق انك مش معاك ...

انت في مصر تقدر تطور نفسك وهتلاقي نتيجة بجد .. في الخليج مهما اخدت من شهادات وطورت نفسك غالبا هتفضل محلك سر

انا هنا في الخليج اديلي 22 سنه محلك سر اخدت شهادات وعملت اللي اقدر عليه وفي النهاية يبقى الوضع على ما هو عليه

واللي مش عاجبه يرجع بلده :blink: ...

صدقني نار مصر ولا جنة الخليج ... في مصر الفرح له معنى تاني خالص :lol: .. والحزن له معنى تاني ع الاقل هتلاقي اللي يواسيك :happy:

اسفه ان كنت طولت عليكم

ورب هنا رب هناك

استغفر الله واتوب اليه

رابط هذا التعليق
شارك

وتبقى المشكله زى ما هيه

الى فى مصر عايز يروح الخليج

والى فى الخليج بيقول يا ريت الى جرا ما كان

طيب يا جماعه دلوقتى فى ناس فى الخليج وبعد قصه عناء كبيره

بيجى البلد ويفتح مشروع اى كان هذا المشروع

الى فى مصر من اقار بوجيران يا ريت الواحد سافر الخليج زيه وترد مراته فى نفسها تقول اصل انت فقرى من شو نعمه

والى جاى من الخليج ولقى الاهل والاصحاب الى هما متغربوش واشتغلو فى البلد يعنى تدرجوا فى العمل فى مصر يقول يا رتنى ما تغربت وكان بقيت فى مصر كذا

وترد مراته فى نفسها اصل انت فقرى وش بهدله

ورغم جميع المشاركات الا ان المشكله زي ما هيه

الخليج مش وحش يا أخي بس لما تكون رايح على وضع كويس ... والوضع ده مش هاييجي إلا لما تأخذ خبره وتطور نفسك

غير كده هايبقى غربه وتعب وذل على الفاضي

إن فشلنا في الوصول للحكم ولتغيير البلد .. لا تقلقوا .. نحن فكرة .. الفكرة لا تموت ... تستمر لا تتوقف

البرادعي 15/10/2011

رابط هذا التعليق
شارك

هوندا

يعنى انت ظروفك زى ظروفى يعنى ممكن الوضع يختلف من واحد لاخر

يعنى انت معاك ثمن فيزه حره الى الكويت ومتغرب ليه افتح مشروع فى مصر واشتفل قصادو فى اى وظيفه واسمك فى بلدك

رابط هذا التعليق
شارك

وتبقى المشكله زى ما هيه

الى فى مصر عايز يروح الخليج

والى فى الخليج بيقول يا ريت الى جرا ما كان

طيب يا جماعه دلوقتى فى ناس فى الخليج وبعد قصه عناء كبيره

بيجى البلد ويفتح مشروع اى كان هذا المشروع

الى فى مصر من اقار بوجيران يا ريت الواحد سافر الخليج زيه وترد مراته فى نفسها تقول اصل انت فقرى من شو نعمه

والى جاى من الخليج ولقى الاهل والاصحاب الى هما متغربوش واشتغلو فى البلد يعنى تدرجوا فى العمل فى مصر يقول يا رتنى ما تغربت وكان بقيت فى مصر كذا

وترد مراته فى نفسها اصل انت فقرى وش بهدله

ورغم جميع المشاركات الا ان المشكله زي ما هيه

الخليج مش وحش يا أخي بس لما تكون رايح على وضع كويس ... والوضع ده مش هاييجي إلا لما تأخذ خبره وتطور نفسك

غير كده هايبقى غربه وتعب وذل على الفاضي

هى دى الخلاصة

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

وتبقى المشكله زى ما هيه

الى فى مصر عايز يروح الخليج

والى فى الخليج بيقول يا ريت الى جرا ما كان

طيب يا جماعه دلوقتى فى ناس فى الخليج وبعد قصه عناء كبيره

بيجى البلد ويفتح مشروع اى كان هذا المشروع

الى فى مصر من اقار بوجيران يا ريت الواحد سافر الخليج زيه وترد مراته فى نفسها تقول اصل انت فقرى من شو نعمه

والى جاى من الخليج ولقى الاهل والاصحاب الى هما متغربوش واشتغلو فى البلد يعنى تدرجوا فى العمل فى مصر يقول يا رتنى ما تغربت وكان بقيت فى مصر كذا

وترد مراته فى نفسها اصل انت فقرى وش بهدله

ورغم جميع المشاركات الا ان المشكله زي ما هيه

الخليج مش وحش يا أخي بس لما تكون رايح على وضع كويس ... والوضع ده مش هاييجي إلا لما تأخذ خبره وتطور نفسك

غير كده هايبقى غربه وتعب وذل على الفاضي

هى دى الخلاصة

تمام يا جماعة هي دي الخلاصة هتتطور نفسك و يبقي معاك خبرة هتيجي زي الباشا الخليج و فعلا الخليج مش وحش لو انت جاي علي شغلانة و مرتب محترمين الكل هيحترمك اما لو مرتب و شغلانة مش تمام يبقي الخليج بالنسبة لك هيبقي نار مش جنة :blush2:

رابط هذا التعليق
شارك

شكرا محمد على مرورك الكريم

والله يثبت اجر القائمين على هذا المنتدى

العفو :lol: و فعلا المحاورات منتدي يستحق كل خير bv:-

رابط هذا التعليق
شارك

هوندا

يعنى انت ظروفك زى ظروفى يعنى ممكن الوضع يختلف من واحد لاخر

يعنى انت معاك ثمن فيزه حره الى الكويت ومتغرب ليه افتح مشروع فى مصر واشتفل قصادو فى اى وظيفه واسمك فى بلدك

أولا عشان افتح مشروع كويس لازم أولا يكون في مكان كويس والمكان الكويس طبعا ايجاره مش هيقل عن 2000 جنيه شهريا وبالتالي لازم اشترى المكان ده ، وبالتالي عشان اشترى محل في موقع كويس افتح فيه مشروع لازم يكون معايا على الأقل 300 او 400 ألف جنيه صح ولا انا غلطان؟؟

رابط هذا التعليق
شارك

اخي العزيز انا مش عارف انت مستعجل ع ايه انا لما اتخرجت سنة 2001 كان كل منايا اشتغل عشان اخد خبره وانا مهندس اشتغلت واتبهدلت وخدت خبره لحد 4 سنين ف مصر مع ان والدي كان ف الكويت وانا متربي هناك يعني بالمنطق كنت سارفت الكويت جري اول ما اتخرجت لكن لاني عارف ومتاكد ان الخليج مش بتاع خبره ولو حظك كان حلو ممكن تاخد خبره الخليج عاوز اللي جاهز ويبني هو خبراته انما تروح بلاطه ده صعب حبتين ومحتاج حظ ، مصر هي اللي تعلمك خبره التعامل مع البشر

انا سافرت بعد مازهقت طول 4 سنوات ماقدرتش اوصل لاماكن معينه لاني كنت غير موفق او ماليش واسطه سميها زي ما تسميها هو ده اللي حصل وسافرت وللسعوديه مش للكويت قولت لما اخوض التجربه لوحدي والكلام ده كان سنة 2006 والحمد لله يعني الامور ماشيه ، لكن انا عيشت بره مصر اكتر من جواها يعني عيشتي ف مصر كانت غربه لاني من ابناء تربيه الخليج ورغم كده خبرة الشغل ف مصر ممتازة وهي ده اللي بتاسس مستقبلك انا شوفت اللي بيجي وهو لسه طازة بيجي مش بيتعلم وكمان لو مع هنود بياكلوه لانهم بيحسوا انك ضعيف فبتفضل ضعيف ونموك بياخد وقت ولو حصل ونزلت مصر بتكون كارثه طبعا انا صحابي ف مصر وفقوا وانا دلوقتي بقول كنت صبرت شويه وانا ماسافرتش الا بعد 4 سنوات مش انت لسه متخرج يا سيدي اتبهدل لازم كده وانت خطبت ازاي وانت لسه متخرج دلوقتي جاي تتكلم

يا جماعه بلاش استعجال الرزق هتاخد مرتب كبير من غير خبره الاول اخد خبره وبعدين المرتب فيه اماكن فيها خبره ومرتب بس مش سهل نوصلها يبقى نتعلم وناخد خبره لان القصه باختصار انا هشغلك ليه وانا صاحب عمل انت فاكر انه ف الخليج بيعلمك هو بيجيبك ع مرتب بسيط ويسيبك وشويه وتلاقي الهنود نطروك

الخبره هي الاساس خد خبره ف مجالك ايا كان نوعه

وطبعا اضافه لذلك الخليج خيره خلص من زمان هنا بس الواحد بيريح دماغه من الزحمه والهيصه انما تحويش فلوس والكلام ده انتهى عصره فيه ناس ربنا كارمها لكن انا بتكلم ع الغالب هنا الغالبيه عايشه عشان تريح دماغها لان مصر بقت زحمه واسعارها غاليه وتلوث ف القاهره فبيقولك يبقى خلاص اعيش ف مكان مريح اروح شغلي ف روقان بدل زحمه مصر

رابط هذا التعليق
شارك

اخي العزيز انا مش عارف انت مستعجل ع ايه انا لما اتخرجت سنة 2001 كان كل منايا اشتغل عشان اخد خبره وانا مهندس اشتغلت واتبهدلت وخدت خبره لحد 4 سنين ف مصر مع ان والدي كان ف الكويت وانا متربي هناك يعني بالمنطق كنت سارفت الكويت جري اول ما اتخرجت لكن لاني عارف ومتاكد ان الخليج مش بتاع خبره ولو حظك كان حلو ممكن تاخد خبره الخليج عاوز اللي جاهز ويبني هو خبراته انما تروح بلاطه ده صعب حبتين ومحتاج حظ ، مصر هي اللي تعلمك خبره التعامل مع البشر

انا سافرت بعد مازهقت طول 4 سنوات ماقدرتش اوصل لاماكن معينه لاني كنت غير موفق او ماليش واسطه سميها زي ما تسميها هو ده اللي حصل وسافرت وللسعوديه مش للكويت قولت لما اخوض التجربه لوحدي والكلام ده كان سنة 2006 والحمد لله يعني الامور ماشيه ، لكن انا عيشت بره مصر اكتر من جواها يعني عيشتي ف مصر كانت غربه لاني من ابناء تربيه الخليج ورغم كده خبرة الشغل ف مصر ممتازة وهي ده اللي بتاسس مستقبلك انا شوفت اللي بيجي وهو لسه طازة بيجي مش بيتعلم وكمان لو مع هنود بياكلوه لانهم بيحسوا انك ضعيف فبتفضل ضعيف ونموك بياخد وقت ولو حصل ونزلت مصر بتكون كارثه طبعا انا صحابي ف مصر وفقوا وانا دلوقتي بقول كنت صبرت شويه وانا ماسافرتش الا بعد 4 سنوات مش انت لسه متخرج يا سيدي اتبهدل لازم كده وانت خطبت ازاي وانت لسه متخرج دلوقتي جاي تتكلم

يا جماعه بلاش استعجال الرزق هتاخد مرتب كبير من غير خبره الاول اخد خبره وبعدين المرتب فيه اماكن فيها خبره ومرتب بس مش سهل نوصلها يبقى نتعلم وناخد خبره لان القصه باختصار انا هشغلك ليه وانا صاحب عمل انت فاكر انه ف الخليج بيعلمك هو بيجيبك ع مرتب بسيط ويسيبك وشويه وتلاقي الهنود نطروك

الخبره هي الاساس خد خبره ف مجالك ايا كان نوعه

وطبعا اضافه لذلك الخليج خيره خلص من زمان هنا بس الواحد بيريح دماغه من الزحمه والهيصه انما تحويش فلوس والكلام ده انتهى عصره فيه ناس ربنا كارمها لكن انا بتكلم ع الغالب هنا الغالبيه عايشه عشان تريح دماغها لان مصر بقت زحمه واسعارها غاليه وتلوث ف القاهره فبيقولك يبقى خلاص اعيش ف مكان مريح اروح شغلي ف روقان بدل زحمه مصر

:lol:

كلام جميل كلام معقول ماقدرش أقول حاجة عنه

يدهشني أن يقول الأجانب :

Share What You Can To benefit The Others

وقد عملوا بذلك فتقدموا !

وقد قالها قبلهم أشرف الخلق سيدنا محمد (حب لأخيك ما تحب لنفسك)

أتمني أن لا نكون كالفراعنة القدامي أخفوا عِلمهم فمات معهم !

[وسط][/وسط]

027.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 0
      كلنا نريد شعرًا صحيًا ولامعًا ومليئًا بالحياة. شعرك يعزز شخصيتك ، لذلك من الضروري العناية به بالطريقة الصحيحة. بينما قد لا تدركين ذلك ، فإن الأشياء الصغيرة التي تقومين بها بشعرك يمكن أن تتلفه. قد تكون طقوس العناية بالشعر المناسبة هي ما تحتاجه للتعامل مع الموقف. تقدم لك هذه المقالة نصائح طبيعية للعناية بالشعر مستوحاة من أسرار الأيورفيدا القديمة التي يمكن أن تفعل المعجزات لفروة رأسك وصحة شعرك. تابع القراءة لمعرفة كيف يمكن للعناية بالشعر واتباع نظام غذائي صحي مساعدتك في الحصول على شعر مثالي.
    • 22
      السلام عليكم ورحمة الله وبركاته قبل سفري الى السعوديه عملت توكيل عام لأخي وعندما حاولت اعمل استقدام طلبوا منى شهادة المؤهل موثقة من القنصليه السعودية بمصر مع العلم اني وثقتها من مكتب التصديقات في مصر فقط قبل ان اسافر المهم ارسلت اخي ليصدقها من القنصليه السعوديه فرفضوا فهل هناك طريقه لتوثيقها من القنصليه السعودية وجزاكم الله خيرا
    • 0
      السلام عليكم ورحمة الله  الاستفسار بخصوص هل توجد محافظ فضه في البنوك السعوديه بنفس طريقة محفظة الذهب اللي بمصرف الراجحي مثلا بحيث يمكن شراء الفضه وحفظها في محفظة حسابك ،، وهل يوجد طريقه افضل للاستثمار في الفضه غير هذه الطريقه  ولكم جزيل الشكر
    • 36
      السلام عليكم و كل سنة و انتم طيبين و رمضان كريم علي الامة الاسلامية كان عندي استفسار لي حبايبنا الي في الامارات :ninja: هل 2000 درهم لمحاسب بدون خبرة في الشارقة مرتب كويس؟ مع العلم ان السكن عليهم و كنت عاوز اعرف مرتبات ال E R P تقريبا كام خصوصا الي معاه اوراكل فينانشيال طب لو فرضنا و رحت علي الشغلانة ام 2000 دي و ربنا اراد و لقيت شغل بمرتب احسن في نفس البلد, هل من السهل اغير الوظيفة و الي فيها صعوبة؟ ياريت لو حد عنده معلومه يفيدنا و ميبخلش عشان انا لسه 23 سنه و جالي الضغط من بلدنا دي :rol
    • 1
      السلام عليكم انا زوجي مهندس ميكانيكا لحام و كنا في السعوديه سوا بولادنا و حصلت مشكله مع المكتب من تأخير رواتب لتعطيل مصالح و اترفعت قضايا كتير عشان ناخد مستحقاتنا و نزلنا مصر كلنا و بنتمني نرجع تاني  هل السعوديه الشغل فتح فيها و لا لسه و ممكن نلاقي فرصه عمل بتخصصه دا مع انه خبره 13 سنه مع العلم احنا بعتنا السي في لمعظم مكاتب سفريات في مصر و متوفرتش فرصه لحد الان و بقالنا 3 سنين بنعافر و مش لاقين
×
×
  • أضف...