اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

ايهما افضل الامارات ام السعوديه ام مصر


Recommended Posts

السلام عليكم

سبق طرح موضوعى من قيل للسفر الى السعوديه بفيزا حره

ولكن جائنى عرض الى الامارات امن بمبلغ 2000 درهم و1000 اضافى

وانا خريج ليسانس حقوق وانا اعمل بمجال الموارد البشريه لمده سنتان

ولكن الظروف التى تمر بها مصر وهى لا تخفى على احدكم جعله جميع الشباب يفكر الى السفر الى الحليج وبلاد النفط ولكن اه اه اه ؟

هل السفر هو الحل وهل يمكن ان استقر فى احدى هذه البلاد كما يمكن فيما بعد استقدام زوجتى على هذه الفرص وهلى السفر حارج مصر هو حل للمشاكل ام يزيدها تعقيد

هلى الامارات افضل ام السعوديه

ام البقاء مع الاهل والاصحاب وخطيبتى افضل

ام ان الشخص يسعى الى وراء حلم كاذب ؟

وهل يمكن لى سواء فى السعوديه او الامارات العيش مع زوجتى ام مكتوب على المصريين الجرى وراء لقمه العيش وهروب احلا سنين العمر وهى فتره الشباب بدون حتى زوجته

بماذا تنصحون فى ظل الظروف المتشعبه التى يعيشها الشعب المصرى

هلى المؤهل لا يغنى فى بلدى هل اجاده الحاسب الالى لا يكفى هلى الطموح والصب والكفاح لا يكفى فما هو الذى يكفى اذن فى مصر (((((( الوساطه )))

رابط المشاركه
شارك
  • الردود 63
  • Created
  • اخر رد

Top Posters In This Topic

لو جالك عرض في مجال الموارد البشرية او حتى موظف قانوني ف شركة في الامارات بعرض معقول يعني على الاقل 4 الاف راتب + سكن خاص استديو + تذكرة سفر سنوية+ تأمين صحي تعالى غير كده لأ كده ممكن تجيب زوجتك وتعيشوا عادي يعني غر كده صعب

رابط المشاركه
شارك

أخي الفاضل

لا أحبذ دائما موضوع الفيزة الحرة للسعودية ، وبعدين تذهب كالذي يتسول أي وظيفة وبعدين يقبل بأي وضع وأي ظروف وأي راتب ، وبعد

مرور فترة يبدأ في الشكوى كالمعتاد ، ( الراتب غير مناسب ، أريد أن أترك كفيلي وأشوف عمل أخر ، لا أستطيع استقدام اسرتي ، و و

وو ، والعديد من المشكلات التي نسمعها كل يوم ، وكأن مشاكل الكفيل لا تظهر إلا على المصريين فقط )

بصراحة، نحن كأفراد جزء من السبب ( نذهب للعمل بدون أن نضع الحد الأدنى من الشروط التي تكفل لنا حقوقنا عند التعاقد ، ونقبل بأي شيء دون قراءة أو إطلاع أو معرفة ، وبعد ذلك نشتكي)

وأيضا ظروف بلدنا وسمعة سفارتنا والقنصليات المصرية وسمعة آداء خارجيتنا ، ووزارة القوى العاملة التي لا تضع حد للتجاوزات التي

تحدث للمصريين في الخارج سبب أخر ، وعدم وجود حد أدنى لشروط التعاقد للمصريين سبب أخر ، ولو تم وضع حد أدنى للشروط

لأي عقد عمل للمصري في الخارج ، أعتقد لو تم عمل هذا سنتجنب الكثير من المشاكل.

- بالنسبة لك مبلغ 3000 درهم إماراتي لا ينفع مطلقا للعيش في الإمارات واستقدام الزوجة ، والتحويش من المرتب ، فهذا كأنك تأخذ

في مصر مرتب 500 أو 600 جنيه.

في السعودية هذا المبلغ ( 3000 ريال ) يادوب تعيش مع أسرتك ( ولكن التجويش صعب لأن المبلغ لن يكفي للتوفير ) هذ غير موضوع

مسمى الوظيفة وهل مسموح لها باستقدام أم لا وايضا ( ثمن التذكرة سيكون عليك والإقامة وغيرها )

وبالتالي لن يكون هناك مجال للتوفير.

على العموم أنت لم توضح تفاصيل كثيرة لشروط تعاقدك في السعودية أو الإمارات كي أعطك صورة كاملة

ولكن أنت تجتهد كما ذكرت وأسعى دائما لتطوير نفسك والبحث عن فرص العمل الجيدة ، وتأكد ان الله سيرزقك طالما نيتك خير ، وأنك تتقي الله ، ولا تنسى أن الشهادة ليست كل شيء تستطيع أن تبحث عن الرزق ( في التجارة ) أي تجارة ولو بسيطة مادامت حلال

تحياتي لك ،، وربنا يوفقك

رابط المشاركه
شارك

شكرا على ردودكم انا اخى فى السعوديه من عشره سنوات وهو المتكفل لايجاد وظيفه لى ولكن هو نفسه رغم رفضه العوده لمصر هو الاخر مخوفنى من السعوديه رغم ان الكفيل السعودى صديق له وللعائله وسبق انه جاء مصر اكثر من مره هو واسرته وكان بينزل فى شقتى كمان انا خايف ارخص نفسى سواء فى الامارات او السعوديه

الامارات الوظيفه ظابط امن مش مشكله

والسعوديه مفيش عرض مناسب انا ممكن اروح وربنا يسهلها

وانا خريج حقوق 2007

عمله فى مجال الموارد البشريه لمده سنتان بشركات عالميه

اللغه فى نطاق عملى

الكمبيوتر اجاده تامه

محامى ابتدائى

ولكن المشكله اخى الناس فى مصر ضاق بيها الحال

وانا باطمع فى عيشه افضل

رابط المشاركه
شارك

اخى الفاضل

انا لفت انتباهى فى اول كلامك

حديثك عن ضياع العمر والشباب

وانا فعلا بأكد ده

وعن تجربه لانى تزوجت من مغترب وكان بينزلى مصر كل سنه او سنه ونص واحياانا عامين لان ظروف شغله مسمحتش

وكنت اعيش على زيارته الشبه سنويه لمده شهرين ثلاثه

وفى كل مره بيرجع كنت احس انى موجوده مع انسان غريب عنى

لانى مش مستقره بشكل دائم معاه

وانتهى بيا المطاف انى قبلت بعد 6 سنين زواج على هذا الحال انى انحرم من الاطفال

رغم ان مافيش اى معوقات عضويه ولكن للاسف كلها نفسيه بسبب المده البسيطه

وحتى لما جيتله زياره وعجز عن انه يجيبنى استقدام وفضلت معاه سنه

فضلت افكر فى اليوم اللى هنزل فى مصر فازادات الطين بله ومتحسنتش نفسيتى

ومتحققش حلم الامومه

وفى النهايه لاحصل على الاحساس بالاما ن بطريقه مجنون وافقت على انى اقعد هنا معاه فى السعوديه

وانا مخالفه وزيارتى انتهت لانه مش عايز يخلينى انزل مصر ونبعد من جديد بعد ما اخدنا على تواجدنا مع بعض

لكن عشان مافيش حاجه بتكمل فعرفنا ان علينا غرامه قدرها 10 الاف وقت نزولى وترحيله نهائى من البلد

واحتمال سجن 6 شهور عشان فضلت موجوده بعد انتهاء زيارتى يعنى سيبت حياه البعد وعشت حياه مهدده

فياريت اخى باحث عن الرزق تتروى فى البحث عن الوظيفه

ولاتقبل اى فرصه عمل الا لما تتاكد تماما انك هتقدر تجيب زوجتك لان ابشع انواع الظلم ظلم الانسان لنفسه

وانت بقبولك اى وظيفه باى مرتب هتظلم نفسك وتظلمها معاك

فياريت تستنى لما تتاكد من ان الراتب يناسب انك تعمل مبلغ ترجع بلدك فى النهايه مش تعيش هنا وخلاص

وتتاكد ان الشروط تقبل فكره استقدامك لزوجتك لان حرام فعلا تضيع احلى سنين العمر فى الحرمان وعدم الامان

رابط المشاركه
شارك

هو دا فعلا الى انا بفكر فيه ليه اظلم نفسى واظلم زوجتى رغم انى لسع مجوزتش بس لمبدا نفسه غلط كبير فى حقى وحق زوجتى مستقبلا

دا كلو ليه عشان البلد مفيهاش شغل ولما بيكون فيها الى رايح اكتر من الى جاى اخوانى ايه العمل

نفكر ازاى نعمل ايه

رابط المشاركه
شارك

سؤال اخى باحث

هو حضرتك دورت فى مصر ملقتش اى وظيفه نهائى

يعنى عملت اللى عليك الاول ولقيت ان الدنيا مقفله هناك

لان احيانا الانسان بيفتكر ان الخير فى السفر ويطلع العكس

انا بجد بنصحك تحاول تدور فى مصر الاول

وتدور كويس جدا

لاننا فعلا لو مؤمنين بقضاء ربنا من الاول

كنا فهمنا ان لا حيله فى الرزق ولا شفاعه فى الموت

يعنى مافيش حيله نقدر نعملها عشان نتحايل على الرزق او نوصل لمكسب اكبر من اللى كتبه لنا المولى

عز وجل ولو كان جوزى فهم ده كان زمانا عايشين مبسوطين وراضيين فى مصر

حتى لو كان اللى جاى على اد الرايح

هنا كمان المعادله حاله بعضها

مرتب كبير باسعار كبيره

يعنى اللى هتاخده هتصرفه

ومش هينوبنا على اننا بنتعود على احساس الغربه

وعلى فكره مصر ملهاش كرامه فى اى بلد خليجيه نهائى

يعنى مش بتحمى المصرى المغترب وتجيبله حقه وده اللى وصلنا للاسف للى احنا فيه

وتقبل مرورى مره اخرى واعتذارى واطالتى عليك

بس فعلا انا نفسى اساعدك حتى لو بالمناقشه

رابط المشاركه
شارك

اخوانى انا ندائى لكل متزوج حرام تظلم نفسك وزوجتك وانت كل سنتين تعيش غريب شهر وسط اهلك

ويا سلام لو خلفت تقعد سنتين عشان تشوف ابنك او بنتك

مين السبب؟

رابط المشاركه
شارك

الاخت الفاضله

انا عملت موظف موارد بشريه بشركه عالميه على مرتب 450 جنيه من الساعه 9 صباحا الى 5 مساء

ثم فرصه افضل قائم باعمال مشرف موارد بشريه رغم ان ادارتى فى لندن على مرتب 600 جنيه

ده غير مسئوليه صعبه وبشتغلهم محامى رغم صغر سنى وايه مكتب واميلات والاستاذ احمد راح والاستاذ احمد جه

وبعد كده عند التفاوض على المرتب مفيش فايده ودلوقتى انا اخت اجازه لخلافى معهم وبيدور على واحد يحل مكانى والله الناس الى بتتعرض عليهم مش اقل من 3 الاف جنيه

يعنى انا حقى متاكل فى بلدى يا ترى خارج بلدى وبعد كده انا لو اشتغلت خارج البلد صعل انى اشتغل حت فى مجالى يعنى ممكن فى الامارات امن والله انا ممكن اشتغل اى حاجه بس مش احس انى مظلوم

رغم ان فى شركتى فى مصر المدير الى هو قريبه الدير المالى الاقليمى مرتبه والله 9 الاف جنيه الى انا بساعده والله ويستفيد منى ده غير البونص وال12% يعنى مرتبه يوصل 15 الاف انا كنت قائم بالعمال مشرف موارد بشريه وكل ما فيها لثلاث بواخر نيليه يعنى لحوالى لوحدى لان ادارتى فى لندن وكل علاقتى بيهم ايميلات فقط لاغير

رابط المشاركه
شارك

يعنى انا كل مشكلتى انى مليش واسطه ولا دهر عشان مرتبى يناسب عملى

بس والله انا مش طماع بس ال600 جنيه مش بيتعمل اى حاجه فى مصر وانا شاب يعنى محتاج

وعشان كده انا مفكر جديا فى العمل بالخارج

وهو الامل الوحيد بالنسبه لى

رابط المشاركه
شارك

انا عارفه ان مبلغ 600 جنيه فى مصر مبقتش تعمل حاجه

بس تعالى نحسبها كده بالاله الحاسبه لو جيت هنا

ونقول ان اول راتب ليك هيكون 3000 ريال مع انها مش بتحصل ف الاول كده

شوف هتدفع منهم كام مصاريف واكل وشرب وكهرباء

هنا كل حاجه غاليه جدا بس بشكل يناسب مرتبك

يعنى اللى هتاخده هتدفعه تانى

بس اللى هتكون استفدته انك عشت فى مستوى اعلى وانظف من مصر

لكن للاسف مجرد شكل وبس

لكن مبلغ هتقدر تعمله معتقدش

خصوصا ان السعوديه دلوقتى فى النازل جدا

وحالها مبقاش زي الاول

انا عايزه اقولك ان جوزى معهد ديكور وشغله فى الديكور

وشغله حر يعنى المفروض انه يعمل مبالغ كويسه

لكن للاسف هنا الناس حالتها الماديه مبقتش زى زمان وزى ماكنا بنسمع

فمهما مسك من مقاولات اول مايخلصها ويجي يتحاسب فى الفلوس

بالشفا وسلام .. اول كلمه تتقال انت شايف الظروف مافيش فلوس

ويكونله بره عند واحد 4000 ريال ويجي يقابله ويقوله خد ال 400 ريال دول مشى نفسك بيهم

واكننا بنشحت منهم فى الاخر

يعنى بتنتهى الحكايه انه تلت اربع فلوسه بتروح وطبعا مافيش عقود تلزم الطرف الاخر بالدفع

يعنى كله خاضع للضمير (وسلملى على ضمير الخليجين )

ولما حتى بياخد فلوس بتكون على اجزاء زيها زي المبلغ الى كان ممكن يوصله فى مصر

وفى الاخر بيدفع كمتطلبات المعيشه اليوميه هنا

وبنكتشف اننا موصلناش لحاجه

عشان كده صدقنى هى هى

كلها بقت محصله بعضها

مصر زى الخليج وحتى لو راتبها اقل على الاقل مش هيتحرق دمك كل شويه

ووسط اهلك هتكون عايش وهتلاقى 100 الف ايد ممدودالك لو تعبت

لكن هنا ولا اى حاجه هتلاقيها

وزى ماقولنا لاحيله فى الرزق ولاشفاعه فى الموت

يعنى الحكايه كلها معادله ياريت نفهما

مصر= مرتب صغير +مصاريف صغيره

الخليج والسفر = مرتب اكبر +مصاريف اكبر

لكن النتيجه بتختلف

رابط المشاركه
شارك

على فكره دى فكرتى عن السعوديه

والمعيشه فيها وصلت لايه

فياريت حد يدلك على الامارات رغم انى اسمع انها ساعات بتكون اسوا بسبب ارتفاع الرهيب لاسعارها

وانا عارفه انى كده بكلامى حيرتك اكتر

لكن صدقنى مينفعش انى اختار بدالك

لكن اللى ينفع انى اظهرلك الصورة كامله

وانت تشوفها وتختار

لان اللى هتختاره وتزرعه هتحصد نتيجته

وهتكون المسؤل عن نتيجته

سواء بالسفر للامارات او السعوديه او الاكتفاء بالمعيشه بمصر

وياريت مكونش حيرتك اكتر

رابط المشاركه
شارك

يعنى انا على حال 600 جنيه افسخ خطبيتى افضل ولا اشحطط بنت الناس معاى

لان على الحال ده مش حجوز دلوقتى ولو اجوزت واهلى ساعدونى انا مش حقدر افتح بيت

يعنى

السعوديه حالها ضايع

الامارات = السعوديه

مصر ربنا يصلح حالها

يعنى انا روح فين ؟

رابط المشاركه
شارك

ارجو مساعده اخوكم الى ضاق بيه الحال

فى مصر مش شغال

السعوديه فيزه حره مصير مجهول

الامارات (( امن )) وانا مش عرف ايه يعنى امن فى الامارات بس هى اكيد وظيفه متدنيه

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...