اذهب إلى المحتوى
محاورات المصريين

جواز السفر المصري


se_ Elsyed

Recommended Posts

بما إن طبيعة عملي فى الموارد البشرية بتخليني أشوف جوازات سفر بلاد الدنيا كلها فقد لاحظت إنه بالرغم إننا نعيش فى القرن الواحد والعشرين إلا أن جواز السفر المصري مازال من أسوء الجوازات فى العالم كله لما فيه من العيوب التالية :

1- كبر حجمه الزائد عن الحد .... بالرغم من أن الصفحة لا يمكن وضع اكثر من تأشيرة سفر واحده بها فبالتالي حجم الصفحة لا يؤثر ، إضافة أن مستحيل أن تضعة في جيب البنطلون مثلاً .

2- مازالت البيانات تكتب بخط اليد حتى الآن ... وهناك دول ننظر لها على أنها متخلفة وتعيش فى القرون الغابرة مثل سريلانكا مثلاُ نجدها تستخدم أحدث التقنيات فى طباعة جوازات سفر مواطنيها.

3- الغلاف الخارجي للجواز أتخن من جلد الخرتيت مش عارف ليه ؟

4- في حالة إستخراج جواز سفر جديد يكون برقم مختلف عن القديم ، هذا بالإضافة انه ممكن تضحك على إدارة الجوازات فى مصر والواحد يكون عامل مصيبة ويروح يقول لهم أنه لم يستخرج جواز قبل كده وطبعاً لا يوجد لديهم نظام آلي يتيح لهم التأكد من ذلك.

والسؤال هنا ... أمن الصعب تصميم جواز سفر مصري محترم وغير قابل للتزوير وذو منظر خارجي وداخلي أنيق كما سبق وأن أعادوا تصميم البطاقة الشخصية بحيث أصبحت ذات صورة حضارية ؟

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

أرجو نقل الموضوع لباب المناقشة العامة ( شكل فنجان القهوة اللي شربته الصبح كان مضروب )

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

المشكلة

لو عدلنا جواز السفر سنكون متقدمين على غانا وجزر القمر

وهذا يخالف المنظومة التخلفية التى ينادى بها المسؤولين ليلا ونهارا

كما أن تخسين الجواز سيدفع المسؤولين للعمل وسيجلب لهم التعب

مما يؤثر على صحة جهابذة التنمية الادارية

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك

ولكنك يا أخ سيد نسيت أسواء ما في جواز السفر المصري .. أنه مكتوب باللغة الفرنسية وليس الإنجليزية ..

رابط هذا التعليق
شارك

فعلاً الجواز بتاعنا حاجة تنرفز ، قد فردة الشبشب ، ويفضح ، ولم تمتد إليه يد لتغييره أو تطويره حتى الآن ..

عموماً نظرة واحدة على لوجو كأس العالم كفيلة بالتوضيح ..

أحسن لهم يمسِّكوا عبد السلام المحجوب (وزارة الجوازات) علشان الوضع يتعدل :lol:

رابط هذا التعليق
شارك

عزيزي سي السيد

على ما اتذكر اننا تناولنا هذا الموضوع العام الماضي

هناك يا سيدي باسبور مصري جديد يشبه الباسبور الامريكي وبكتابة الكترونية و لونه شيك أوي (ولونه سماوي) ولكنه للدبلوماسيين وولاد الذوات بس!!!!!

للعلم الباسبور الجديد ده أنا شفته بعيني عام 99 ....تخيل دي !!؟ وكان مع دبلوماسي مصري..... لكن طبعا الباسبور المصري الأخضر لطبقة العامة أمثالنا.....لم أتعامل مع اي جهة في الدنيا او حتى مكاتب صرافة مثلا خارج مصر ...إلا وتلاقي الموظف مش عارف يفتح الباسبور منين اصلاً....حاجة تكسف وتغيظ

ها احاول ابحث عن الوصلة التي تتحدث عن هذا الموضوع باسهاب

ملحوظة: أمريكا بصدد منع قدوم اي شخص اليها يحمل جواز مكتوب باليد!

when_born.jpg
رابط هذا التعليق
شارك

شكراً يا لينوكس ... لا مؤخة يابني ماخدتش بالي ان الموضوع كان موجود قبل كده ... السن بقى والعيال وكده ....

بس بجد أنا لحد دلوقت فرحان بالبطاقة الجديدة وجايبها معايا السعودية وبأقعد أفرجها لكل البشر هنا وأتمنظر عليهم لأنها بصراحها حاجة تفرح .

مش زي ورقة اللحمة اللي كانوا بيضحكزا علينا زمان ويقولولنا هي دي البطاقة .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ملحوظة: أمريكا بصدد منع قدوم اي شخص اليها يحمل جواز مكتوب باليد!

وانا جايه من مصر قرأت المعلومه دى فى المطار فى واشنطن و تسألت طيب احنا انعمل ايه لمل يطبقوا الحكايه دى و خصوصا ان الحكايه دى هاتتطبق من اول يناير اللى جاى , حد عنده معلومات

وما من يوم أرتجي فيه راحهٌ *** فأجده ألا بكيتُ على أمسي

رابط هذا التعليق
شارك

بالفكاكة كدة دهه معناه ان التغيير حيبتدى مع يناير القادم لما تبتدى الطائرات الراجعة من امريكا محملة بالبشر اللى مرفوض دخولهم بسبب الجوازات المتخلفة ساعتها الناس اللى بالى بالك حيختشوا على دمهم و يطلعوا الباسبور الجديد....... السنة قربت تخلص و مفيش اى اشارة من جانب مصلحة جوازتنا عن الحكاية دى...............مفيش فايدة مكتوب علينا نتبهدل

......The only thing necessary for the triumph of evil is for good men to do nothing

رابط هذا التعليق
شارك

جواز السفر المصري أقرب مايمكن تشبيهه به هو بطاقة التموين بتاعة زماااااان ...

وطبعا يافريده من الواضح أن التعليمات الأمريكيه موجهه خصوصا للمصريين لأني لاأعتقد أن هناك أي دولة أخرى بالعالم تيتعمل الكتابة اليدوية في جواز السفر غير مصر

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك

فعلاً الجواز بتاعنا حاجة تنرفز ، قد فردة الشبشب ، ويفضح

اكتر وصف معبر عن ماهية الباسبور المصري

وشبشب مش عادي

شبشب بصباع ( بيتعب الرجل هههههههه )

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك

وانا جايه من مصر قرأت المعلومه دى فى المطار فى واشنطن و تسألت طيب احنا انعمل ايه لمل يطبقوا الحكايه دى و خصوصا ان الحكايه دى هاتتطبق من اول يناير اللى جاى , حد عنده معلومات

ELHAM

تقدري تتصلي بالقنصليه

القنصلية العامة لجمهورية مصر العربية

في مدينة سان فرانسيسكو

3001 Pacific Ave.

San Francisco, California 94115

Tel. (415) 346-9700 / 346-9702 / 346-7352

Fax (415) 346-9480

http://www.egy2000.COM

رابط هذا التعليق
شارك

ملحوظة: أمريكا بصدد منع قدوم اي شخص اليها يحمل جواز مكتوب باليد!

سلام عليكم

على حسب معلوماتي , جواز السفر المقروء آليا مطلوب فقط من الدول التي لا يحتاج رعاياها فيزا مسبقة لدخول أمريكا

أما الدول الأخرى - بما فيها مصر - فلا ينطبق عليها هذا الشرط لأن الفيزا الملصقة بالجواز مقروءة آليا

http://unitedstatesvisas.gov/visanews/index.html

]http://travel.state.gov/vwp.html

ولو أنا إذا متنا تركنا .... لكان الموت غاية كل حي

و لكنا إذا متنا بعثنا .... ونسأل بعدها عن كل شى

رابط هذا التعليق
شارك

يا جماعة المصريين دول فعلا مفتريين!!

ليه مانبصش على الكويس بدل مانبص على الوحش بس؟!

تعالوا نفكر سوا فى "مزايا جواز السفر المصــري" ...

يالا ... أنا ها أبتدى القرع:

1. ممكن تستعملة كمخدة فى الطيارة

2. ممكن أستعمالة كالحاف فى المطار لك و للأسرة فى الجو البرد

3. لو حد مضايقك، طلع البسبور فى وشه فجأه و جبله الرعب

4. حطه فى جيب البنطلون الورانى و أقعد عليه لعلاج اللومباجو

5. نظرا لتقله و حجمه ... ممكن يستعمل كسلاح

6. فكرة أستعمالة كشبشب فكرة نميسة (برافو elbana)

7. أقطع منه صفحتين و غطى قتيل في الشارع و ينوبك ثواب

8. ممكن تخبى فيه الفطير المشلتت و ولا حد ها ياخد بالة

9. يلم حواليك الناس فى الطيارة على أنك مالك لقطعة أثار من عصر غال-لا-با-يا-حن-ا القبل الهكسوسي

10. يخليك تصعب ع الناس !!

شوفتوا بقى ان نص الكباية مليان مش فاضى؟!

(وش واحد معاة باسابورت مصري)

رابط هذا التعليق
شارك

وممكن كمان فى وقت الفراغ تلعب بيه الجواز قصدى الطبق الطاير مع الاولاد ..

الباسبور من فضلك ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

إخص عليك يا لينوكس .. كده تنسى اهم حاجه ... وهي أن لو معاك رغيف حواوشي ومحتار فيه وعايز تاخده معاك تيك آواي ممكن تلفوا فى صفحتين تلاتة من الجواز وماتخفش من البقع .

هذا بالأضافة إلى العديد من الإستخدامات التى يمكن ان تدخل فيها جلدة الجواز السميكة حيث أنها مصنوعة من أرقى أنواع الجلود " جلد خرتيت أفريقي يتيم "

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

  • بعد 3 سنة...

للرفع

مش قادر أكتب جديد أصلي وقعت من كتر الضحك على مميزات الباسبور المصري للرائع linux والعسل سي السيد

مفيش حياة إلا عند غيرك تعيش في خيره ويعيش في خيرك

"فؤاد حداد"

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...