اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
se_ Elsyed

جواز السفر المصري

Recommended Posts

بما إن طبيعة عملي فى الموارد البشرية بتخليني أشوف جوازات سفر بلاد الدنيا كلها فقد لاحظت إنه بالرغم إننا نعيش فى القرن الواحد والعشرين إلا أن جواز السفر المصري مازال من أسوء الجوازات فى العالم كله لما فيه من العيوب التالية :

1- كبر حجمه الزائد عن الحد .... بالرغم من أن الصفحة لا يمكن وضع اكثر من تأشيرة سفر واحده بها فبالتالي حجم الصفحة لا يؤثر ، إضافة أن مستحيل أن تضعة في جيب البنطلون مثلاً .

2- مازالت البيانات تكتب بخط اليد حتى الآن ... وهناك دول ننظر لها على أنها متخلفة وتعيش فى القرون الغابرة مثل سريلانكا مثلاُ نجدها تستخدم أحدث التقنيات فى طباعة جوازات سفر مواطنيها.

3- الغلاف الخارجي للجواز أتخن من جلد الخرتيت مش عارف ليه ؟

4- في حالة إستخراج جواز سفر جديد يكون برقم مختلف عن القديم ، هذا بالإضافة انه ممكن تضحك على إدارة الجوازات فى مصر والواحد يكون عامل مصيبة ويروح يقول لهم أنه لم يستخرج جواز قبل كده وطبعاً لا يوجد لديهم نظام آلي يتيح لهم التأكد من ذلك.

والسؤال هنا ... أمن الصعب تصميم جواز سفر مصري محترم وغير قابل للتزوير وذو منظر خارجي وداخلي أنيق كما سبق وأن أعادوا تصميم البطاقة الشخصية بحيث أصبحت ذات صورة حضارية ؟

شارك هذه المشاركه


رابط المشاركه
شارك

المشكلة

لو عدلنا جواز السفر سنكون متقدمين على غانا وجزر القمر

وهذا يخالف المنظومة التخلفية التى ينادى بها المسؤولين ليلا ونهارا

كما أن تخسين الجواز سيدفع المسؤولين للعمل وسيجلب لهم التعب

مما يؤثر على صحة جهابذة التنمية الادارية

شارك هذه المشاركه


رابط المشاركه
شارك

فعلاً الجواز بتاعنا حاجة تنرفز ، قد فردة الشبشب ، ويفضح ، ولم تمتد إليه يد لتغييره أو تطويره حتى الآن ..

عموماً نظرة واحدة على لوجو كأس العالم كفيلة بالتوضيح ..

أحسن لهم يمسِّكوا عبد السلام المحجوب (وزارة الجوازات) علشان الوضع يتعدل :lol:

شارك هذه المشاركه


رابط المشاركه
شارك

عزيزي سي السيد

على ما اتذكر اننا تناولنا هذا الموضوع العام الماضي

هناك يا سيدي باسبور مصري جديد يشبه الباسبور الامريكي وبكتابة الكترونية و لونه شيك أوي (ولونه سماوي) ولكنه للدبلوماسيين وولاد الذوات بس!!!!!

للعلم الباسبور الجديد ده أنا شفته بعيني عام 99 ....تخيل دي !!؟ وكان مع دبلوماسي مصري..... لكن طبعا الباسبور المصري الأخضر لطبقة العامة أمثالنا.....لم أتعامل مع اي جهة في الدنيا او حتى مكاتب صرافة مثلا خارج مصر ...إلا وتلاقي الموظف مش عارف يفتح الباسبور منين اصلاً....حاجة تكسف وتغيظ

ها احاول ابحث عن الوصلة التي تتحدث عن هذا الموضوع باسهاب

ملحوظة: أمريكا بصدد منع قدوم اي شخص اليها يحمل جواز مكتوب باليد!

شارك هذه المشاركه


رابط المشاركه
شارك

شكراً يا لينوكس ... لا مؤخة يابني ماخدتش بالي ان الموضوع كان موجود قبل كده ... السن بقى والعيال وكده ....

بس بجد أنا لحد دلوقت فرحان بالبطاقة الجديدة وجايبها معايا السعودية وبأقعد أفرجها لكل البشر هنا وأتمنظر عليهم لأنها بصراحها حاجة تفرح .

مش زي ورقة اللحمة اللي كانوا بيضحكزا علينا زمان ويقولولنا هي دي البطاقة .

شارك هذه المشاركه


رابط المشاركه
شارك
ملحوظة: أمريكا بصدد منع قدوم اي شخص اليها يحمل جواز مكتوب باليد!

وانا جايه من مصر قرأت المعلومه دى فى المطار فى واشنطن و تسألت طيب احنا انعمل ايه لمل يطبقوا الحكايه دى و خصوصا ان الحكايه دى هاتتطبق من اول يناير اللى جاى , حد عنده معلومات

شارك هذه المشاركه


رابط المشاركه
شارك

بالفكاكة كدة دهه معناه ان التغيير حيبتدى مع يناير القادم لما تبتدى الطائرات الراجعة من امريكا محملة بالبشر اللى مرفوض دخولهم بسبب الجوازات المتخلفة ساعتها الناس اللى بالى بالك حيختشوا على دمهم و يطلعوا الباسبور الجديد....... السنة قربت تخلص و مفيش اى اشارة من جانب مصلحة جوازتنا عن الحكاية دى...............مفيش فايدة مكتوب علينا نتبهدل

شارك هذه المشاركه


رابط المشاركه
شارك

جواز السفر المصري أقرب مايمكن تشبيهه به هو بطاقة التموين بتاعة زماااااان ...

وطبعا يافريده من الواضح أن التعليمات الأمريكيه موجهه خصوصا للمصريين لأني لاأعتقد أن هناك أي دولة أخرى بالعالم تيتعمل الكتابة اليدوية في جواز السفر غير مصر

شارك هذه المشاركه


رابط المشاركه
شارك
وانا جايه من مصر قرأت المعلومه دى فى المطار فى واشنطن و تسألت طيب احنا انعمل ايه لمل يطبقوا الحكايه دى و خصوصا ان الحكايه دى هاتتطبق من اول يناير اللى جاى , حد عنده معلومات

ELHAM

تقدري تتصلي بالقنصليه

القنصلية العامة لجمهورية مصر العربية

في مدينة سان فرانسيسكو

3001 Pacific Ave.

San Francisco, California 94115

Tel. (415) 346-9700 / 346-9702 / 346-7352

Fax (415) 346-9480

http://www.egy2000.COM

شارك هذه المشاركه


رابط المشاركه
شارك
ملحوظة: أمريكا بصدد منع قدوم اي شخص اليها يحمل جواز مكتوب باليد!

سلام عليكم

على حسب معلوماتي , جواز السفر المقروء آليا مطلوب فقط من الدول التي لا يحتاج رعاياها فيزا مسبقة لدخول أمريكا

أما الدول الأخرى - بما فيها مصر - فلا ينطبق عليها هذا الشرط لأن الفيزا الملصقة بالجواز مقروءة آليا

http://unitedstatesvisas.gov/visanews/index.html

]http://travel.state.gov/vwp.html

شارك هذه المشاركه


رابط المشاركه
شارك

يا جماعة المصريين دول فعلا مفتريين!!

ليه مانبصش على الكويس بدل مانبص على الوحش بس؟!

تعالوا نفكر سوا فى "مزايا جواز السفر المصــري" ...

يالا ... أنا ها أبتدى القرع:

1. ممكن تستعملة كمخدة فى الطيارة

2. ممكن أستعمالة كالحاف فى المطار لك و للأسرة فى الجو البرد

3. لو حد مضايقك، طلع البسبور فى وشه فجأه و جبله الرعب

4. حطه فى جيب البنطلون الورانى و أقعد عليه لعلاج اللومباجو

5. نظرا لتقله و حجمه ... ممكن يستعمل كسلاح

6. فكرة أستعمالة كشبشب فكرة نميسة (برافو elbana)

7. أقطع منه صفحتين و غطى قتيل في الشارع و ينوبك ثواب

8. ممكن تخبى فيه الفطير المشلتت و ولا حد ها ياخد بالة

9. يلم حواليك الناس فى الطيارة على أنك مالك لقطعة أثار من عصر غال-لا-با-يا-حن-ا القبل الهكسوسي

10. يخليك تصعب ع الناس !!

شوفتوا بقى ان نص الكباية مليان مش فاضى؟!

(وش واحد معاة باسابورت مصري)

شارك هذه المشاركه


رابط المشاركه
شارك

وممكن كمان فى وقت الفراغ تلعب بيه الجواز قصدى الطبق الطاير مع الاولاد ..

الباسبور من فضلك ..

شارك هذه المشاركه


رابط المشاركه
شارك

إخص عليك يا لينوكس .. كده تنسى اهم حاجه ... وهي أن لو معاك رغيف حواوشي ومحتار فيه وعايز تاخده معاك تيك آواي ممكن تلفوا فى صفحتين تلاتة من الجواز وماتخفش من البقع .

هذا بالأضافة إلى العديد من الإستخدامات التى يمكن ان تدخل فيها جلدة الجواز السميكة حيث أنها مصنوعة من أرقى أنواع الجلود " جلد خرتيت أفريقي يتيم "

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • اسرار السفر والهجرة الى كندا والحصول على الجنسية الكندية

      بما انك هنا الان وتقرأ هذه السطور اذن انت قررت السفر والهجرة الى كندا، او على الاقل تفكر فى الهجرة اليها، ونحن من أجل ذلك اعددنا لك هذا المقال كى تتعرف على كل ما يتعلق بالهجرة والسفر الى كندا، وايضا كيفية الحصول على الجنسية الكندية، فتابع معى حتى النهاية Canada.     1- لماذا الهجرة إلى كندا؟. لان كندا من أحد أفضل دول العالم فى الهجرة لان بها الكثير من البرامج المتاحة للأفراد الذين يرغبون فى الهجرة، ويعد ارتفاع نسبة الهجرة لكندا يكمن في مجموعة من الأسباب والتي من اهمها ان

      في الحياة و الهجرة إلى كندا life and immigration to Canada

    • تغريم المصري اليوم و منع نيوتن من الكتابة لمدة شهر

      بالبلدي إللي ما يشوفش من الغربال يبقى  إيه  !!  و الإسم رجل إعلام مخضرم  و الكلام عن سيناء  و صلاح دياب الذي يكتب في المصري اليوم بإسم نيوتن ما سبق كان إستهلالا لابد منه بإختصار  الذي حدث  أنه كتب مقالا في عموده اليومي  يطالب بإختراع وظيفة جديدة  ل حاكم مستقل  لقطاع سيناء لا يخضع للقواعد الحكومية السائدة ،  و الكلام أنا أعرضه هنا بإختصار شديد  لأن بالكلام كثير من  التزويق الحمد لله مصر فيها ناس كثيرة  فهمانة على رأي الشوام  لم يتركوا الأمر يمر ببساطة  قرأت الكثير من الآراء في كثير

      في الإعلام المصرى

    • فتح حساب في البنك الاهلي المصري - شكل الايبان يختلف عن السعودية ليه ؟

      يا جماعة مراتي فتحت حساب في البنك الاهلي المصري وارسلت رقم الايبان بالجوال شكله عامل كده 4200000001239853691 وبعدين قال لها الموظف اضيفي الحروف هذه قبل الحساب nbegegcx420 اللي اعرفه انه في السعودية رقم الايبان الطويل عبارة عن حرفين اول الارقام وبعدين تيجي الارقام كلها بهذا الشكل SA3500000216806098752321 * يا ترى من يفيدني عن طريقة الايبان وهل استطيع احول من الراجحي او البنك الاهلي وينزل في الحساب مباشرة * وبياخذ كم يوم

      في المغتربين المصريين - egyptian expatriates

    • على الحجار ... الصوت المصري الأصيل

      علي الحجار مطرب مصري من االأصوات المميزة جدا يختار كلماته و ألحانه بعناية تعالوا معا نبحر مع صوته الرائع نبذة عن علي الحجار من الويكبيديا   مطرب من أبرز جيل الثمانينيات والده الفنان إبراهيم الحجار جده على الحجار كان منشدا دينيا في بنى سويف وهو من مواليد إمبابه وحفظ القرأن الكريم وهو صغير السن, ثم تخرج في كليه الفنون الجميلة بـجامعة حلوان أشتهر بأغنيات صلينا الفجر فين، والعديد من الأغنيات عمل في المسلسلات التلفزيونيه منها رحله أبو العلا البشرى، يس وبهيه، أولاد الشوار

      في الفنون

    • الرفض بسبب الكشف الطبى قبل السفر للسعودية

      عندى كشف طبى بكرة وعاوز اعرف هما بيكشفوا على اية عشان انا عامل عملية فى ركبتى ومش عارف الموضوع دا مهم والا اية؟ علما انى قرات فى المنتدى انهم بيقلعوا البنطلون

      في المغتربين المصريين - egyptian expatriates

×
×
  • اضف...