ما هي معلوماتك عن اضراب 6 ابريل ؟

[se_ Elsyed]

ما اعرفش مين الجهة اللي وراه

لكن مجموعة كبيرة من الشباب متخذه شعار " حقنا وهانخده " لهذا الاضراب

ومازالت مُصر ان اي اضراب او اعتصام ليس منظماً وليس له مطالب محدده او اهداف محدده بيبقى فوضى وبيُمكن الامن من اختراقه والقضاء عليه واظهاره بصورة لعب عيال

[التونسى]

أول الغيث قطره .. ومشوار الالف ميل .. يبدأ باضراب .. حتى لو كان.. .. لعب عيال .. وبعدين بلاش نغمة الجهه اللى وراه دى .. الموضه دى بتاعة الفكر التأمرى بطلت من زمان اوى يا سين سين:Exclam:

الشباب مخنووووووووووووووووووق .. سيبوه يصحى يفووووووووووق

اعتبر اللى بيخصل ده مجرد حصوات صغيره بتترمى فى بحر ساكن راكد .. اهى حتحرك فيه شويه وتفض سكونه

[pink rose]

المفروض يكون منظم اكتر من اضراب السنة اللي فاتت مش عاوزينه زي اضراب عيد ميلاد سوسو

و اظن اول مطلب يكون استقالة سوسو شخصيا و باقي الشلة اللطيفة كفاية عليهم كده اوي

[osmel33]

الإضراب فى حد ذاته بيكون صحي ومرة فى مرة هايكون إضراب منظم وهايكون ليه

أهداف واضحة ومسألة أن فيه جهة ورا الإضراب ما عتقدش هاتكون الجهة دى غير

شعب مصر ممثل فى جميع طوائفه من موظفين وعمال وحرفيين ومثقفين

وطلبة جامعة

تم تعديل 23 مارس 2009 بواسطة osmel33

[THEBESTMAN]

السلام عليكم ورحمة الله وبركاته،،

انه من وجهة نظرى وان كانت هذه الاحداث تكونت من فئه واحده من الشعب فان ذلك كان مجرد بدايه

لكن فى المره المقبله سيتحد الشعب كله ولن تتمكن الحكومه من السيطره كما فعلت فى6 ابريل

لان المره القادمه ستكون المظاهره او الاعتصامات اكثر ترتيب وعلى وعى كامل بما تقوم به

وهذه وجهة نظر

[tanash]

:blink: :lol:

بدايه طيبه تحرك الشباب ننتظر المزيد

[pink rose]

انا فتحت الصفحة بتاعت الاضراب على الفيس بوك

و الله كلامهم كله صدق مش لاقين حاجه عدلة في البلد

من اول رغيف العيش و انت طالع خد عندك بقى تعليم منيل .... مرتبات زي قلتها ......... اسعار كل حاجه مولعة........ بطالة على قفا مين يشيل

اعتصامات و اضرابات في كل حته............. عشوائيات مصر كلها بقت عشوائيات............. الناس اللي بيوتها بتقع بيقعدوا في الشارع زي سكان الدويقة

فساد و كوسة و قرع كمان

و المعلم الكبير و العيلة الكريمة و الشلة الحلوة واكلين خير البلد............ و الغلابة اللي قرفوا سابوا البلد و هجوا يدورولهم على زرق برة بلدهم

و الدكاترة و العلماء و الناس اللي ممكن تفيد البلد بجد مالقيوش مكان ليهم طلعوا على بلاد برة عشان يلاقوا ناس تقدر علمهم............ تعالى بقى للعلاج و المستشفيات الله يكون في عون اي واحد يدخل مستشفى حكومي

و الله هاحكيلكم حاجه حصلت عندي في العيلة

بابا ربنا يخليه ليا و يقومه بالسلامة الشهر اللي فات حصلتله حادثة جامدة على طريق مصر اسكندرية الزراعي و ما ادراكم ما الطريق الزراعي المهم الحادثة حصلت في منطقة دمنهور طبعا نقلوه مستشفى دمنهور العام اقسم بالله العظيم ما مسحوش الدم اللي على وشه حتى

و هوب يالا يا جماعة روحوا اشتروا جبس عشان لازم يتجبس كده يا اخوانا مش تشوفوا الراجل فيه ايه بالظبط هايكون فيه ايه ايده و رجله مكسورين اهو يبقى يتجبس معروفة دي مش محتاجة كلام

المهم الحمدلله اننا ما سمعناش كلامهم و نقلناه اسكندرية في مستشفى نضيفة لقوا بابا عنده كسر في الايد و الرجل و الحوض و المفروض محتاج عمليات تركيب شرايح و مسامير و الذي منه لانه الكسور مضاعفة و عظم الحوض الله يعافيكم متفتفت

يعني لو كنا سمعنا كلامهم كان عليه العوض في ابويا الله يشفيه و يعافيه و يقومه بالسلامة

قولولي بقى فاضل ايه في مصر كويس

ايوة لازم نعمل اضراب و يا ريتني كنت في مصر

انا عمالة افكر ازاي اشارك في الاضراب دا و انا هنا في السعودية

يا سادة يا افاضل اول تعيين ليا في مصر المحروسة كان بمرتب 124 جنيه يعني ما حصلوش حتى ال 145 جنيه على رأي الراجل ابو شعر منكوش اللي في الاغنية

طيب انا بنت اللي زيي و دفعتي من الشباب يتنيل يعمل ايه ب 124 جنيه بالله عليكم

الشباب دي مش عاوزة تعيش عيشة كريمة مش عاوزين يتجوزوا و يفتحوا بيوت

124 جنيه اعمل بيهم ايه و لا ايه

الله يكون في العون

نعم للاضراب نعم نعم نعم[

[الجنيدى]

اتمنى ان يؤتى هذا الاضراب ثمارة ويحرك المياة الراكدة ويكون لة نتيجة محسوسة