اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

لو كنت بيضاء اللون كان حصل كده(ليه كل واحد مايعيشى فى حاله)


Recommended Posts

اتعيب الخالق ام المخلوق ????العنصرية من الجاهلية والجاهلية كفر وشرك ,العنصرية كفر واستهزاء بصنع وخلق الله سبحانة وتعالي وهي صفه شيطانية من ابليس قال تعالى في سورة الأعراف : ( وَلَقَدْ خَلَقْنَاكُمْ ثُمَّ صَوَّرْنَاكُمْ ثُمَّ قُلْنَا لِلْمَلآئِكَةِ اسْجُدُواْ لآدَمَ

فَسَجَدُواْ إِلاَّ إِبْلِيسَ لَمْ يَكُن مِّنَ السَّاجِدِينَ * قَالَ مَا مَنَعَكَ أَلاَّ تَسْجُدَ إِذْ أَمَرْتُكَ قَالَ أَنَاْ خَيْرٌ مِّنْهُ

خَلَقْتَنِي مِن نَّارٍ وَخَلَقْتَهُ مِن طِينٍ )

وهذه قصة تعليم وتطوير للبشرية من حبيب الله محمد عليه افضل الصلاة والسلام:

اجتمع الصحابة في مجلس .. لم يكن معهم الرسول عليه الصلاة والسلام .. فجلس خالد بن الوليد .. وجلس ابن عوف .. وجلس

بلال وجلس ابو ذر .. وكان ابو ذر فيه حدة وحرارة

فتكلم الناس في موضوع ما .. فتكلم أبو ذر بكلمة إقتراح : أنا أقترح في الجيش أن يفعل به كذا وكذا .

قال بلال : لا .. هذا الإقتراح خطأ .

فقال أبو ذر : حتى أنت يابن السوداء تخطئني .!!!

فقام بلال مدهوشا غضبانا أسفا .. وقال : والله لأرفعنك لرسول الله عليه السلام .. وأندفع ماضيا إلى رسول الله .

وصل للرسول عليه الصلاة والسلام ..وقال : يارسول الله .. أما سمعت أبا ذر ماذا يقول في ؟

قال عليه السلام : ماذا يقول فيك ؟؟

قال : يقول كذا وكذا ..

فتغير وجه الرسول صلى الله عليه وسلم ..وأتى أبو ذر وقد سمع الخبر .. فاندفع مسرعا إلى المسجد ..

فقال : يارسول الله .. السلام عليكم ورحمة الله وبركاته .

قال عليه السلام : يا أبا ذر أعيرته بأمه .. إنك امرؤ فيك جاهلية .!!

فبكى أبو ذر رضي الله عنه.. وأتى الرسول عليه السلام وجلس .. وقال يارسول الله استغفر لي .. سل الله لي المغفرة

ثم خرج باكيا من المسجد ..

.. وأقبل بلال ماشيا ..فطرح أبو ذر رأسه في طريق بلال ووضع خده على التراب ..وقال : والله يابلال لا ارفع خدي عن التراب حتى تطأه برجلك .. أنت الكريم وأنا المهان ..!!

فأخذ بلال يبكي .. وأقترب وقبل ذلك الخد ثم قاما وتعانقا وتباكيا .

!!!!!!!انك فيك الجاهلية .....اعوذ بالله

اذا مات في نفس اليوم ولم يستغفر الله ويتوب عن هذا مات ميتة الجاهلية !

هكذا ديننا وتعاليم حبيبي سيد الخلق رسول الله محمد

وفي الوقت الذي تفرقت فيه الامم وتشتت في عنصرية جاهلية كافرة حيث قال هتلر ان افضل الاجناس هم الارين الجيرمن وقال موسوليني ايطاليا فوق الجميع وقال اليابانين اليابان فوق الجميع وقال تشرشل الانجليز فوق الجميع ..قال رسول الله وحبيب الله خيركم عند الله أتقاكم............... يقول (صلى الله عليه وسلم ) : (( أيها الناس إن ربكم واحد . إن أباكم واحد ألا لا فضل لعربي على أعجمي ولا لأسود على أحمر إلا بالتقوى خيركم عند الله أتقاكم .

اتبعوا تعاليم رسول الله اذا كنتم تحبونه واذا كنتم مسلمون حقا ولكي نكون فعلا خير امة اخرجت للناس ونسلك سنة حبيب الله وخير الخلق سيدنا محمد صلي الله عليه وسلم

رابط المشاركه
شارك
  • الردود 59
  • Created
  • اخر رد

Top Posters In This Topic

Top Posters In This Topic

Popular Posts

بصراحة مسالة العنصرية بسبب لون البشرة من الآفات الموجودة هنا في مصر شوفوا .. أنا هعترفلكم اعتراف خطير :ph34r: أنا طول أيام المدرسة الاعدادي و الثانوي (كنا في الخليج) كنت مهووس باللون الأسمر وكانت

إيه المواضيع الجامدة دي ..

إازي بقيت المشرفين ما بعتوليش تقرير عن الموضوع ده ؟

مخصوم من لولا 5 أيام ..

----------

لن أُجاملك يا فتفوته فما قاله الزملاء يكفي وزيادة ..

ولكن أعتقد إنك حساسه زيادة عن اللزوم .. وبالتالي لو حد ماشي جنبك وعطس فعلى طول تشعري إنه بيتريق عليكي أو بيضحك من شكلك أو أو أو كما ذكرتي ..

وبالتالي عليكي بالوثوق في نفسك أكتر من هذا .. وعليكي بعدم الإلتفات لمن حولك في قاعدة أو في سيارة أو مش عارف إيه ..

كل واحد فيه اللي مكفيه .. وكل واحد عنده مشاكلة وحياته ...

وبالتالي اللي لا ينظر للعامود اللي في عينه ومشغول بالقشة اللي في عين الأخرين .. يبقى إنسان فاضي وناقص وهو فيه عيوب الدنيا ..

هل قراتي قصة أخت زوجتي اللي مولدها مات في بطنها يوم الولادة تقريباً من سنة ؟

فهي ما شاء الله بيضاء جداً .. وواحده من الجيران في فترة حملها ه رزعتها كلمة " إيه البياض ده كله " وبسسسسسسسسس .. من بعديها أصيبت بحساسية وأكزيما شديدة ربنا ما يوري حد .. وكانت بتقطع حسمها من الهرش ولو قلت لك ما فيش دكتور جلدية مشهور إلا وراحت له وشكلها والعياذ بالله بقى بشع من إنتشار الحساسية والأكزيما في جسمها كله وفي نفس الوقت مش كل الأدوية كانت مسموحه لها عشان الحمل .. وفي الأخير الحمل لم يتم ..

يعني لا الأبيض عاجب ولا إسود عاجب ..

وبالتالي يتحرق الناس اللي حوالينا لو هايحولوا حياتنا لجحيم ..

او هالخص لك رأي والدتي في موضوع الخلقة والخلق اللي مالناش فيهم يد .. فالحاجة بتقولك " اللي مش عاجبه حاجه يرجعها "

بس كده

رابط المشاركه
شارك

أختي الغالية فتفوته

بصراحة ماقدرتش ماردش على موضوعك ده رغم ان ورايا شغل كتير بس انتي أهم

على فكرة انتي حساسه قوي وزيادة عن اللزوم

وحاسه ان موضوع اللون ده اكبر مشكلة وحاطاها أدامك في برواز

اي حاجه بتحصل بتجري تربطيها بالموضوع ده

أختي الموضوع بسيط بدليل ان كل الردود اللي فاتت كلها مافيش حد قال ان اللون مدعاه لأن الواحد يسخر من حد

اختي سيبك من كل اللي في دماغك

يكفيكي ان الناس اللي بتعرفك بتحترمك وبتحبك وده كفاية

بصي لنفسك بعين تانية وشيلي من دماغك الحكاية دي

انتي غالية عندنا كلنا

ويا ستي لو حد ألس عليكي اشكريه لأنه بيزود حسناتك يا ستي هو حد يطول حسنات ببلاش

ده الواحد في الزمن ده مش لاقي الحسنه

مش عارف هو الكلام مش منظم بس انا حاسس بيكي وأتمنى ان رسالتي تكون وصلتك

مع احترامي وتقديري ليكي

رابط المشاركه
شارك
إيه المواضيع الجامدة دي ..

إازي بقيت المشرفين ما بعتوليش تقرير عن الموضوع ده ؟

مخصوم من لولا 5 أيام ..

نعم .. خمس تيام mfb:

الكلام دا تقوله جوه يا جميل فى اوضة الكرار mfb:

انا هنا فى حمى الشعب ..

استنى كده ...

فتفوووووووووووووووووووووووووووووووووووووووته

تعال شوفى صاحبتك بيحصلها ايه mfb:

انما موضوع حقيقى جامد فعلا يا س س

هو مش مشكله شخصيه ..

دى مشكله مجتمع كامل بيتدخل فى كل شؤون الغير بطريقه مستفزه.

الحل فى الثقه اولا

والواحد يقفل الباب فى وشهم ويشترى دماغه .

رابط المشاركه
شارك

بصراحة الواحد لما يكون في اي حاجة ويلاقي ان الناس بتنقد الحاجة دي وتعلق وتنظر ليها باستمرار اكيد هيضايق معاكي حق يافتفوتة بس صدقيني انا سمعت قبل كده حديث للشيخ الشعراوي رحمة الله عليه بيقول ان كل واحد فينا واخد ال24 قيراط بتوعه بس بتوزيعة مختلفة شوية صحة على شوية جمال على مال على عيال واللي بينقص من شئ بيزيد في شئ تاني

وانصحك لما يحصل الموقف ده حاولي تستجمعي شجاعتك وتفتكري انك بتاخدي حسناتهم وثواب من الله على الصبر على البلاء (البلاء اللي هو تريقة الناس طبعا )

بس انا بصراحة مش عارفة الناس في مجتمعاتنا العربية غريبة قوي وشاغلين نفسهم بامور الأخرين وما حدش بيلتفت لعيوبه هو

وبعدين اللي بيتريق ده هو اللي خلق نفسه ابيض أو أسمر أو بعيون زرقا اللي يقدر يعمل حاجة يورينا شطارته

وكمان عايزة اقولك حاجة كانت دايما امي تقولها لي ( من عيب لازم يبتلي) وده فعلا بيحصل والله اي حد بيعيب على حاجة سبحان الله بتدور الأيام ويلاقي الحاجة عنده !!!

تم تعديل بواسطة أسد
تعديل حجم الخط
رابط المشاركه
شارك
طب انا هحكيلكم حكاية

مرة كنا فى اشارة وبعدين جت جمبنا عربية فيها واحد ومراته وكان فيه واحد تانى قاعد فى الكرسى اللى ورا

ولما قربوا مننا بصت عليا هى اوى بطريقة واضحة وانا مش عاوزة التفت اليها المهم راحت غمزت جوزها قام هو باصص وراح هو كلم اللى قاعد فى الكرسى اللى ورا راح ده بقى قالهم كلمه حلاهم سخسخوا من الضحك وهو طبعا اتريق عليا اكيد

فضلوا يضحكوا وانا شايفاهم ويبصولى ويضحكوا وبعدين مشينا لقيت نفسى قمت قعدت اعيط واقول حسبى الله ونعم الوكيل والموضوع ده مش قادرة انساه لغايت دلوقتى وكل مافتكره اعيط

طب وليه تجرحوا واحدة لا تعرفوها ولا تعرفكم وكل ذنبها ان ربنا خلقها كده

جوزى لما لقانى منهارة من العياط وقف العربية وقاللى فيه ايه حد عملك حاجة اتججت باى حاجة وقلتله لا مافيش وهو طبعا فهم بس انا مقلتش حاجة لانى خايفة لا هو كمان يضايق

منهم لله ساعات بيخلونى احس انى ممكن افقد جوزى بحركاتهم دى

وخدوا عندكوا بقى المعاكسات عشان نخفف من حدة الموضوع شوية

ياجميل يا اسمر انت

اسمر بس جميل ( ولازم بس دى ماينفعش حد يقول علطول اسمر وجميل)

بحب السمر

وفيه بقى كلام يحرق الدم خدوا عندكوا

ايه ده هما نسيوكى فى الفرن؟

ايه الدنيا ضلمت ليه؟

بس لو كنتى بيضاء شويةةةةة

انتى جايه منين بالضبط

ومرة كنا فى المقابر بنزور ماما وبابا وواحد قاللى انتى جاية من فوق ولا من تحت

شفتوا السفالة اقول ايه تانى بيبقى نفسى اكتم بقهم عشان ماسمعش حاجة

وليا اخت سمراء ذيي والتانية بيضاء ولما نكون ماشيين مثلا وحد يقول حاجة تبقى عاوزة تتخانق معاه وتشتمه بس نقعد نهديها ونقولها يا هبله ده كل ده فى حسناتنا والله مش كده ولا ايه؟

وبعدين مش ربنا هو اللى خلقنا يبقى هو اللى يتكفل بينا

يااااااااارب سايبنها عليك انت اولى من الكل بينا والحمد لله

معلش يا فتفوتة ممكن أسألك سؤال رخم شوية ؟

انت ملامحك طفولية baby face ؟

أصل أنا مش عارف انتى بتلاقى الناس دى فين ؟ ودى الحاجة الوحيدة

اللى ممكن تخلى بشر ذى دول يتعاملوا معاكي كده

وأنتى بتقولى كمان لما كنتى بتزورى المقابر يعنى الكلام ده فى مصر ؟

لو كان يبقى مين اللى يستجرى يقول الكلام ده

أنتى يا أخت فتفوتة واضح عليكى أنك مهذبة جداً وطيبة جداً جداً

وبصراحة لو أختى حكتلى على واقعة زى دى هاقولها بدون أدنى تردد

وبكبرياء وشمم أقلعى اللى فى رجلك وأضربيه بيه بس واضح عليكى

يا فتفوتة أن ما لكيش فى المشوار ده يبقى احتسبى عند الله وخلاص

خدتها من على لسانى بس انا ماكنتش عارفة اوصلها اذاى انا والله ملامحى طفوليه جدااااا

وصحابى الانتيم لما كانوا يشوفونى اضايقت من حاجة ذى كده يقولولى ليه هما مش شايفين ملامحك جميلة اذاى ولا يهمك

فالحمد لله ربنا خلقنى جميلة وانا شايفة نفسى كده

طب انت عارف هنا فى السعودية لو تعرف ان الهنود منتشرين اوى فكنت بودى عند الدكتور بنتى مرة فجه الممرض وكان هندى عشان يقيس الحرارة وكده فلاقيته بيتكلم معاها ويعاكسها بالهندى فباباها راح قايله we are egyptain قام الراجل بصلى اوى انا وبنتى وقال طب يمكن مصرى ومتجوز هندية وراح بصلى انا وكلمنى هندى قام جوزى عاد نفس الكلام وقعدنا نضحك واحنا ماشيين لقيت الراجل جاى بيقولى are you sure you are not andian? رديت عليه طبعا وخدناها ضحك وجوزى قالى ساعتها كلمة جميلة والله مش هنساها قالى (شفتى الناس بيحسدونى عليكى اذاى؟)

وبحكيلك كده عشان تعرف انى انا والله واشقة من نفسى جداااا والحمد لله وملامحى مش وحشة والحمد لله

واحسن انى فعلا افكر فى كلامكم الجميل كلكم واسيبها على الله

رابط المشاركه
شارك

مين شاف حلقة العاشرة مساءً بتاعت الولد الأسترالي اللي إتولد من غير إيدين ولا رجلين ومع ذلك عفريت وبيركب خيل وبيسبح ولا أجدعها سباح وولد منطلق ومتفائل لأبعد حدود ومش هامه حاجه ولا هامه إن في ناس بتخوف أولادها به على أساس إن شكله مشوه أو منظره غريب .. وكان فكر ينتحر كذا مره وهو صغير وفعلاً قام بعدة محاولات لحد ما أخد الموضوع على إنه إختبار من ربنا وإن ربنا عايز كده ؟

الواد عُمر إبني كان معجب به جداً وكل يوم كان يسألني ( هي حلقة نيكولاس مش هاتتعاد تاني ؟ )

أهو ده واحد بقى المفروض يشوف الدنيا سودا وكُحلي كمان ويبقى ساخط على كل شيء ويشعر إن من حوله يسخرون منه بنظراتهم أو بتعبيرات وجوهم ..

ما بالنا باللي شعره خفيف او لابس نضارة أو لون بشرتة مش بيضا قوي ؟!!!!

كل دي طبعاً تبقى 1 / مليون من أي واحد عنده إعاقة سمعية أو بصرية أو حركية ... أو كما نقول دي كماليات أو حاجات ترفيهية بالنسبة للي بيُختبروا من ربنا في أشياء قوية وتجعلهم لا يعيشون مثل الاخرين ..

-----------

بأفكر أدي فتفوته إنذار عشان مسيبانا شغلنا وعمالين نناقش امور عفا عليها الزمن مثل اللون والجنسية واحمر الشفاة والأي لاينر ..

لولا .. إليكي فتفوته هي ملكٌ لكي .. جربي فيها أشكفة الإشراف وإحنا هانساعدك .. بُصي دفتر الإنذارات على إيدك اليومين وإنت داخله ... ودفتر الإيقافات هاتلاقيه في الصندرة وإنت رايحه المطبخ ..

----------

نصيحة بقى فيها الزبدة لفتفوتة المحاورات ..

حاولي تُقابلي تعليقات أو نظرات الاخرين التي تظنيها إنها موجهه لكي .. حاولي تقابليها بإبتسامة ثقة في نفسك وفي قدراتك التي لا يعرفها إلا أنتي .. وشوفي ردود افعالهم هاتبقى إيه ؟

طبعاً هاتبعتي لي رسالة خاصة وتقوليلي " الهي يجبر خاطر يا سي السيد قولي إبتسامة الثقة دي شكلها إيه ؟ "

أهي يا ستي إبتسامة الثقة

item-A6mza-Rjjd.jpg

رابط المشاركه
شارك
اختى فتفوتة كم انتى رقيقة المشاعر و مرهفة الحس وطيوبة بجد انك فتحتى قلبك لينا

فتفوتة لا يوجد حد فى الدنيا لا يعانى من شىء معين لا فى شخصيتة او شكلة يفكر فية و يضخمة و يكبرة

بسبب كلام الناس و نظراتهم

لازم تعرفى ان الناس كدة كدة بتتكلم طيب هاقولك حكاية

انا امى الله يرحمها كانت جميلة فوق الوصف

وانا صحيح كنت اجمل بنت فى العيلة لكن مش زى جمال امى لانها بصراحة ما شوفت ليها زى كنت دايما لما اتعاكس اتعاكس بامى اللى يقولى انا موافق اتجوزك بس بشرط لما تكبرى تبقى شبة ماماتك

وكان يوم ما يعلم بية ربنا يوم ما اخدت ماما فرح زميلة فى الجامعة و اول مرة زمايلى يشوفوا ماما كان يوم سمعت كلام انتى مختيش حاجة من ماماتك دى ماماتك دى لالا مش ممكن و كلام كتيرررررر طول عمرى باسمعة وانا اضحك و اقول لهم طبعا امى احلى ام و انا زىالقمر وهو انتم اتعميتوا ولااية روحوا البسوا نظارة و لا حطوا قطرة

طبعا مش هاقولك مكنش بايثر فيا لكن مكنتش باحط فى دماغى انى انا شايفى نفسى حلوة و اكلم نفسى و اقول دة كفاية ضحكتى و شوية النغز بتوعى الىل ملهمش حل

الناس بتشوفك من عينكى انتى

انا طول عمرى مش باحط كلام الناس فى دماغى لانة لا ام غيرة لا ام حد عندة نقص لا ام عايز يلفت انتباة لا ام بيضايقك لا ام عايز يعمل نفسة مهم

واناادى ليهم الفرصة لية لانى انا فعلا مش كدة مش مشكلتى انك اعمى ومش شايف يبقى روح عالج نفسك الاول

انتى عارفة لما اتقدم جوزى ليا كان متقدم معاة زميل ليا فى الكلية زى القمررررر و كان بيحبنى لكن كانت لة علاقات كتيرة مع البنات امى رفضتة و بعدها اتقدم زوجى

زوجى مش حلو خالص يعنى فرق شاسع بينى و بينة كنت صغيرة و رفضتة لكن امى الله يرحمها الست الحكيمة قالت ليا كلمة عمرى ما هانساها

قالت يا بنتى الجمال و البياض و السمار دة خارجى بعد يوم اتنين تلاتة هتتعودى عليهم و هيكونوا فى عنيكى شىء عادى المهم الاخلاق والتعامل دة الى هيفضل معاكى العمر كلة

و ووفقت على جوزى و مش عايزة اقولك ان اصحابى و انا فى الكوشة كانوا بيضحكواعليا و يتريقوا و كانوا بيقولوا ليا انتى بتحبى اللبن بالشيكولاتة و لا اية

هو دة اخرتك بعد غرورك ورفضك العرسان و انا قاعدة و شايفاهم انا بالغيظ فيهم ولا فى دماغى فرحت و ضحكت و بقيت ادلع علية لاقتهم هما اللى اتغاظوا

يا حبيبتى انتى الىل تغيظيهم بثقتك بنفسك هما لما يشوفوكى كدة و الله هما اللى هيولعوا

الناس بتشوفك من مرايتك انتى شايفة نفسك ملكة هتجبرى الناس كلها تشوفك كدة

ارفعى راسك انتى عالية باخلاقك انتى ملكة جمال بطيبة قلبك انتى جوهرة بين ايدين جوزك

يا حبيبتى متخليش احساسك من زجاج اى طوبة ضغيرة او شوية ريح تكسرة او تخدشة

احساسك دة انتى اللى تحافظى علية و تجبرى اللى قدامك يحافظ علية و اللى ما يحافظ على مشاعرك الغية من حياتك امسحية باستكية لانة هو اللى خسران ما يستاهل زيك

واسفة للاطالة

اختك ذهبية

حبيبتى كلامك بجد بيفكرنى بنفسى والكلام اللى كان بيتقالى وانا صغيرة برده انا مامتى كانت بيضاء اللون وامورة رده ولما كنا مثلا ندخل محل او اى حته الاقى واحد يهظر ويقولها هى بنتك دى انتى جبتيها فى الظلمة ولا ايه تخيلى السفالة؟ ويقولولها لااااااااا دى مش بنتك خالص وهى كانت تزعل اوى وتقولى ولا يهمك ده انتى امورة وعندى احسن من اى حد بس انا برده كان بيحز فى نفسى جداااااا

رابط المشاركه
شارك
نصيحة بقى فيها الزبدة لفتفوتة المحاورات ..

حاولي تُقابلي تعليقات أو نظرات الاخرين التي تظنيها إنها موجهه لكي .. حاولي تقابليها بإبتسامة ثقة في نفسك وفي قدراتك التي لا يعرفها إلا أنتي .. وشوفي ردود افعالهم هاتبقى إيه ؟

و الله يا سونسون بتقول حِكَم .. إنت ما بتجيش ليه mfb: ... هي دي الخلاصة و أضيف إلى ذلك ان الابتسامة في كل الاحوال اسهل مدخل إلى كسب من تلاقيه ، أوووووو إحراجه إذا كان لديه أي نية "عدائية" تجاهك.

و بعد قراءة سريعة للموضوع أعيد تأكيد ما قاله الأخوة و الأخوات من فرط حساسية حضرتك و إنشغالك بهذا الأمر النسبي الذي لا أوافقك الرأي فيه ... هذا إذا سمحتي لي أن أعلّق على الموضوع مدام فتفوتة mfb:

رابط المشاركه
شارك
أهي يا ستي إبتسامة الثقة

الله يسامحك يا سين من غير سين دى صورة تحطها يا راجل ؟

ماتتخضيش يا فتفوتة هو ماكانش يقصد

فين لولا عشان تدى واحد انذار معتبر للأخ المشرف سين سين على

الصورة العاتشفية اللى هو حاططها دي

تم تعديل بواسطة osmel33
رابط المشاركه
شارك
نصيحة بقى فيها الزبدة لفتفوتة المحاورات ..

حاولي تُقابلي تعليقات أو نظرات الاخرين التي تظنيها إنها موجهه لكي .. حاولي تقابليها بإبتسامة ثقة في نفسك وفي قدراتك التي لا يعرفها إلا أنتي .. وشوفي ردود افعالهم هاتبقى إيه ؟

و الله يا سونسون بتقول حِكَم .. إنت ما بتجيش ليه mfb: ... هي دي الخلاصة و أضيف إلى ذلك ان الابتسامة في كل الاحوال اسهل مدخل إلى كسب من تلاقيه ، أوووووو إحراجه إذا كان لديه أي نية "عدائية" تجاهك.

و بعد قراءة سريعة للموضوع أعيد تأكيد ما قاله الأخوة و الأخوات من فرط حساسية حضرتك و إنشغالك بهذا الأمر النسبي الذي لا أوافقك الرأي فيه ... هذا إذا سمحتي لي أن أعلّق على الموضوع مدام فتفوتة mfb:

ميرسي مسيو موديس

على فكره لن أُخفي سراً عليكم وأقول لكن إن موديست عينه خضرا ... آه والله .. وكل مره اشوفه أقول له " إيه بابني هي عينك لسه ماستويتش برضوا ؟ " وولا بيزعل مني وولا بيكلمني أينعم هو ساعات بيمد إيده لكن يظل الإحترام متبادل منه وبرضوا بيبتسم لي إبتسامة ثقة ... طبعاً عارفينها ؟

رابط المشاركه
شارك
ميرسي مسيو موديس

على فكره لن أُخفي سراً عليكم وأقول لكن إن موديست عينه خضرا ... آه والله .. وكل مره اشوفه أقول له " إيه بابني هي عينك لسه ماستويتش برضوا ؟ " وولا بيزعل مني وولا بيكلمني أينعم هو ساعات بيمد إيده لكن يظل الإحترام متبادل منه وبرضوا بيبتسم لي إبتسامة ثقة ... طبعاً عارفينها ؟

اه دي mfb:

رابط المشاركه
شارك
اتعيب الخالق ام المخلوق ????العنصرية من الجاهلية والجاهلية كفر وشرك ,العنصرية كفر واستهزاء بصنع وخلق الله سبحانة وتعالي وهي صفه شيطانية من ابليس قال تعالى في سورة الأعراف : ( وَلَقَدْ خَلَقْنَاكُمْ ثُمَّ صَوَّرْنَاكُمْ ثُمَّ قُلْنَا لِلْمَلآئِكَةِ اسْجُدُواْ لآدَمَ

فَسَجَدُواْ إِلاَّ إِبْلِيسَ لَمْ يَكُن مِّنَ السَّاجِدِينَ * قَالَ مَا مَنَعَكَ أَلاَّ تَسْجُدَ إِذْ أَمَرْتُكَ قَالَ أَنَاْ خَيْرٌ مِّنْهُ

خَلَقْتَنِي مِن نَّارٍ وَخَلَقْتَهُ مِن طِينٍ )

وهذه قصة تعليم وتطوير للبشرية من حبيب الله محمد عليه افضل الصلاة والسلام:

اجتمع الصحابة في مجلس .. لم يكن معهم الرسول عليه الصلاة والسلام .. فجلس خالد بن الوليد .. وجلس ابن عوف .. وجلس

بلال وجلس ابو ذر .. وكان ابو ذر فيه حدة وحرارة

فتكلم الناس في موضوع ما .. فتكلم أبو ذر بكلمة إقتراح : أنا أقترح في الجيش أن يفعل به كذا وكذا .

قال بلال : لا .. هذا الإقتراح خطأ .

فقال أبو ذر : حتى أنت يابن السوداء تخطئني .!!!

فقام بلال مدهوشا غضبانا أسفا .. وقال : والله لأرفعنك لرسول الله عليه السلام .. وأندفع ماضيا إلى رسول الله .

وصل للرسول عليه الصلاة والسلام ..وقال : يارسول الله .. أما سمعت أبا ذر ماذا يقول في ؟

قال عليه السلام : ماذا يقول فيك ؟؟

قال : يقول كذا وكذا ..

فتغير وجه الرسول صلى الله عليه وسلم ..وأتى أبو ذر وقد سمع الخبر .. فاندفع مسرعا إلى المسجد ..

فقال : يارسول الله .. السلام عليكم ورحمة الله وبركاته .

قال عليه السلام : يا أبا ذر أعيرته بأمه .. إنك امرؤ فيك جاهلية .!!

فبكى أبو ذر رضي الله عنه.. وأتى الرسول عليه السلام وجلس .. وقال يارسول الله استغفر لي .. سل الله لي المغفرة

ثم خرج باكيا من المسجد ..

.. وأقبل بلال ماشيا ..فطرح أبو ذر رأسه في طريق بلال ووضع خده على التراب ..وقال : والله يابلال لا ارفع خدي عن التراب حتى تطأه برجلك .. أنت الكريم وأنا المهان ..!!

فأخذ بلال يبكي .. وأقترب وقبل ذلك الخد ثم قاما وتعانقا وتباكيا .

!!!!!!!انك فيك الجاهلية .....اعوذ بالله

اذا مات في نفس اليوم ولم يستغفر الله ويتوب عن هذا مات ميتة الجاهلية !

هكذا ديننا وتعاليم حبيبي سيد الخلق رسول الله محمد

وفي الوقت الذي تفرقت فيه الامم وتشتت في عنصرية جاهلية كافرة حيث قال هتلر ان افضل الاجناس هم الارين الجيرمن وقال موسوليني ايطاليا فوق الجميع وقال اليابانين اليابان فوق الجميع وقال تشرشل الانجليز فوق الجميع ..قال رسول الله وحبيب الله خيركم عند الله أتقاكم............... يقول (صلى الله عليه وسلم ) : (( أيها الناس إن ربكم واحد . إن أباكم واحد ألا لا فضل لعربي على أعجمي ولا لأسود على أحمر إلا بالتقوى خيركم عند الله أتقاكم .

اتبعوا تعاليم رسول الله اذا كنتم تحبونه واذا كنتم مسلمون حقا ولكي نكون فعلا خير امة اخرجت للناس ونسلك سنة حبيب الله وخير الخلق سيدنا محمد صلي الله عليه وسلم

مش هلاقى كلام احسن من كده اخده كده واحس ان نفسى هادية وافرح بيه جداااااااا ده كلام حبيبنا المصطفى محمد عليه الصلاة والسلام

اشكرك جداااااااااااا على نصحتك ليا بالقصة دى

رابط المشاركه
شارك
أختي الغالية فتفوته

بصراحة ماقدرتش ماردش على موضوعك ده رغم ان ورايا شغل كتير بس انتي أهم

على فكرة انتي حساسه قوي وزيادة عن اللزوم

وحاسه ان موضوع اللون ده اكبر مشكلة وحاطاها أدامك في برواز

اي حاجه بتحصل بتجري تربطيها بالموضوع ده

أختي الموضوع بسيط بدليل ان كل الردود اللي فاتت كلها مافيش حد قال ان اللون مدعاه لأن الواحد يسخر من حد

اختي سيبك من كل اللي في دماغك

يكفيكي ان الناس اللي بتعرفك بتحترمك وبتحبك وده كفاية

بصي لنفسك بعين تانية وشيلي من دماغك الحكاية دي

انتي غالية عندنا كلنا

ويا ستي لو حد ألس عليكي اشكريه لأنه بيزود حسناتك يا ستي هو حد يطول حسنات ببلاش

ده الواحد في الزمن ده مش لاقي الحسنه

مش عارف هو الكلام مش منظم بس انا حاسس بيكي وأتمنى ان رسالتي تكون وصلتك

مع احترامي وتقديري ليكي

اخى العزيز الجدار ربنا يخليك ليا انا عارفة انك صديق عزيز واخ كريم وبجد شكرا انك فضيت نفسك عشانى وربنا يجبر بخاطرك ويرجعك اسكندرية اللى انت تعشقها بالسلامة يا رب

رابط المشاركه
شارك

فتفوته الجميله المرحه يام قلب طيب وحساس كلنا بنقابل النوعيه ده كل يوم

دوله ناس بتستكتر نعمه ربنا على الواحد

فكبر دماغك قوى وخليهم يموت بغيضهم

انا بعتلك رساله ياريت تقوليلى وصله ولى لقه

رابط المشاركه
شارك
مين شاف حلقة العاشرة مساءً بتاعت الولد الأسترالي اللي إتولد من غير إيدين ولا رجلين ومع ذلك عفريت وبيركب خيل وبيسبح ولا أجدعها سباح وولد منطلق ومتفائل لأبعد حدود ومش هامه حاجه ولا هامه إن في ناس بتخوف أولادها به على أساس إن شكله مشوه أو منظره غريب .. وكان فكر ينتحر كذا مره وهو صغير وفعلاً قام بعدة محاولات لحد ما أخد الموضوع على إنه إختبار من ربنا وإن ربنا عايز كده ؟

الواد عُمر إبني كان معجب به جداً وكل يوم كان يسألني ( هي حلقة نيكولاس مش هاتتعاد تاني ؟ )

أهو ده واحد بقى المفروض يشوف الدنيا سودا وكُحلي كمان ويبقى ساخط على كل شيء ويشعر إن من حوله يسخرون منه بنظراتهم أو بتعبيرات وجوهم ..

ما بالنا باللي شعره خفيف او لابس نضارة أو لون بشرتة مش بيضا قوي ؟!!!!

كل دي طبعاً تبقى 1 / مليون من أي واحد عنده إعاقة سمعية أو بصرية أو حركية ... أو كما نقول دي كماليات أو حاجات ترفيهية بالنسبة للي بيُختبروا من ربنا في أشياء قوية وتجعلهم لا يعيشون مثل الاخرين ..

-----------

بأفكر أدي فتفوته إنذار عشان مسيبانا شغلنا وعمالين نناقش امور عفا عليها الزمن مثل اللون والجنسية واحمر الشفاة والأي لاينر ..

لولا .. إليكي فتفوته هي ملكٌ لكي .. جربي فيها أشكفة الإشراف وإحنا هانساعدك .. بُصي دفتر الإنذارات على إيدك اليومين وإنت داخله ... ودفتر الإيقافات هاتلاقيه في الصندرة وإنت رايحه المطبخ ..

----------

نصيحة بقى فيها الزبدة لفتفوتة المحاورات ..

حاولي تُقابلي تعليقات أو نظرات الاخرين التي تظنيها إنها موجهه لكي .. حاولي تقابليها بإبتسامة ثقة في نفسك وفي قدراتك التي لا يعرفها إلا أنتي .. وشوفي ردود افعالهم هاتبقى إيه ؟

طبعاً هاتبعتي لي رسالة خاصة وتقوليلي " الهي يجبر خاطر يا سي السيد قولي إبتسامة الثقة دي شكلها إيه ؟ "

أهي يا ستي إبتسامة الثقة

item-A6mza-Rjjd.jpg

ماشى يا س س ربنا يكرمك يعنى انا كده فى نظرك

خفة دمك دى هى اللى بتخلى الواحد مايعرفش يرد عليك

خلتنى قعدت اضحك ذى المجنونة لوحدى كده ربنا يجازيك خير

وعلى راى الست والدتك اللى مش عاجبه حاجة يرجعها

رابط المشاركه
شارك
خفة دمك دى هى اللى بتخلى الواحد مايعرفش يرد عليك

خلتنى قعدت اضحك ذى المجنونة لوحدى كده ربنا يجازيك خير

مانا عارف إنك مش هاتزعلي مني :unsure:

طب إسمعي النكتة دي

بيقولك القط عمال يتلكك للفار عشان ياكله ومش لاقي حجه .. المهم راح عزم الفار على فلوكه في النيل ... المهم الفار عمال يجدف وصاحبنا عصافير بطنه بتزمر وهايموت من الجوع ... راح جت له فكره وقايل للفار " ما تحاسب يابني أدم إنت العفار عمال ييجي عليه " فالفار قال له : عفار إيه يابني ده أحنا في البحر .. فراح قايل له اهي لماضتك دي هي اللي هاتخليني أكلك ..

رابط المشاركه
شارك

الفاضلة / fatfouta

بعد كل الكلام الذى قاله الجميع لاأجد ما اضيفه ، ولا اجد وصفا لمن يفعلون ذلك سوى الجهل وقلة الايمان

وعلى فكرة ، النكات فى الغرب تطلق على الشقراوات ، بدل مايقولوا " واحد بلدياتنا " ، بيقولوا " واحدة شقراء "

أخر نكتة

سؤال:

لو بنتين واحدة شقراء الشعر والثانية شعرها غامق اترموا من شباك فى دور عالى ، مين يوصل الارض الاول ؟ الشقراء او ذات الشعر الغامق؟

الاجابة:

ذات الشعر الغامق تصل اولا ، لان الشقراء حتستنى حد يقول لها تقع فين :unsure: :happy:

رابط المشاركه
شارك

الله يعزك يا فتافيتو

يا شيخة الناس دي اللي بتتكلم بيطلعوا كبت وعيوب انفسهم علينا

وهناك كلمة على المظاهر التي يضعها الناس لانفسهم

والمبالغة في احيان كثيرة في التزين بل والمغالاة ايضا " ان كل واحد يسعى دائما لاخفاء شئ وراء أي مبالغة أو أي تعليق سخيف"

البساطة في رأيي هي الجمال الحقيقي ربنا لم يخلق الا كل جميل

انما القبح من البشر وليس من رب البشر :lol:

رابط المشاركه
شارك

فتفوته حبيبتى

الناس اللى انتى صادفتيهم دول ناس فاضيه وسطحيه جدا

والناس دى المفروض كلامهم ميأثرش فيكى خالص

وانسيه وصدقينى كل واحد عنده نقطه الناس اللى يعرفوه دايما بيمسكوها عليه

لو ملقوش حاجه فى ملامحه بيدورو على عيب فى حياته ا و حاجه عنده ناقصه

وانا نفسى عانيت جدا بالنسبه للحكايه دى واخدت كلام كتير بس على موضوع الحمل والتاخير فى الانجاب

وفى الاول كنت بتاثر لكن الحمدلله بدات احاول اطنش او اتناسى عشان حياتى متقفش بسبب كلام زى ده

وصدقينى الحمل رزق والجمال نعمه يعنى برده رزق

وصدقينى ياقلبى ان مشكله الجمال والبياض والسمار مبقتش تفرق مع ناس كتير دلوقتى

غير الناس اللى انتى صادفتيهم ودول عشان سطحيين فمتزعليش منهم وسيبيهم

واعرفى ان اللى بيتعرض للنقد ده انسان مفيهوش عيب عشان كده الناس بتحاول تدور على اى شىء تنتقده فيه فياريت متديهومش فرصه

وعلى فكره انا شوفت صور ة ولادك ربنا يحفظهوملك فى الماسنجر واحنا بنتكلم

وكانوا زى العسل بسم الله ماشاء الله

يعنى اكيد مامتهم مسمسه زيهم فسيبك من الناس دى

وربنا يحفظلك اولادك وزوجك

وانتظرى منى زياره للبيت عندك قريب ماهو مش معقول يكون بنا شارع ونشوف بعض ماسنجر بس

سلام ياجميل

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • حرامية بياقات بيضاء

      #المدير_الفاشل خلال عملية سطو في مدينة نيويورك صرخ اللص موجها كلامه الى الموظفين الموجودين داخل البنك : لا تتحركوا فالمال ملك الدولة وحياتكم ملك لكم . فأستلقى الجميع على الأرض بكل هدوء .. " وهذا ما يسمى بمفهوم تغيير التفكير " وعندما انتهى اللصوص من السرقة قال اللص الأصغر والذي يحمل شهادة جامعية لزعيم اللصوص وكان أكبرهم سنا وهو خريج الدراسة الأبتدائية : يا زعيم دعنا نحصي كم من الأموال أخذنا. قام الزعيم بنهره وقال له : أنت غبي ؟! هذه كمية كبيرة من الأموال وتأخذ منا وقتا طويلا لعدها ،

      في موضوعات خفيفة

    • ايه اخبار نقل الكفاله ع شركات اللون الاصفر حد نقل ؟

      يا جماعه معلش كنت عاوزه بس اسال لو حد نقل ع شركه لونها اصفراو كده الايام دي حد عرف ولا ايه ؟

      في المغتربين المصريين - egyptian expatriates

    • لماذا نكذب ...(كذبة بيضاء وكذبة سودا)

      بسم الله الرحمن الرحيم.. الكذب ........!!!! من فينا لن يكذب حتى الآن .؟!! ماهى الدوافع التى تدفعنا الى الكذب.؟ وهل يوجد حق كذب حميد وكذب خبيث .؟ وهل يوجد كذب ابيض وكذب اسود.؟ هل يوجد مواقف معينه تدفعنا للكذب ....؟ وهل حكم الشرع والدين متساوي فى نوع الكذب (ابيض -اسود)؟ هل شخصية الانسان ليها دور كبير فى الكذب .......؟ هل التعليم والمكانة العلمية ..له تأثير فى الكذب من عدمه ..؟ اتذكر وانا فى البكارليوس كان عندنا مادلة اسمها Human Relations .(العلاقات الانسانية ) وكان فى محاضرة يتتكلم عن

      في موضوعات جادة

    • *** اللون المسفوك ***

      كأى زوجة مصرية، ألهو بأرجوحة العمل اليومى، كالفراشة التى تنتقل من زهرة إلى أخرى، لكن تلك المرة الأزهار هى التى تمتص قوتى ، أكلّ أحيانا وألقى بقايا هذا الجسد على أريكة تتلقفه من سقطه شديدة فتصدر صوتا ولاأعلم هل هى التى تئن أم أعضائى0ويأتى زوجى ليلا ، ورغم ألوان الشقاء التى ترسم لوحة جسدى، إلا أننى أحرص على ألا يرى منى ألا قوة ،تمثل على مسرح أعضائى مسرحية هزلية ،تكاد كل مرة أن تخفق فيها0 وقبل أن يأتى أتزين بأصباغ ، من كثرة استعمالها أصبحت كأنها طبيعية ، وأمشط شعرى وهو يصرخ من يدى ومن قضم أسنان مش

      في أدب و شعر و قراءات

    • هل يوجد تفرقة عنصرية على أساس اللون فى مصر

      قرأت أحد التقارير الصادرة عن منظمة حقوق الأنسان والتى تؤكد وجود تفرقة عنصرية فى بعض الدول العربية , وهنا راجعت زياراتى لأكثر من 5 دول عربية وقد تنبهت أن فى بعض الدول العربية يوصف أصحاب البشرة السمراء بالعبيد رغم انتمائهم ويعاملونهم دائما كالخدم , رغم ان ديننا الحنيف لا يميز بيننا وبين أصحاب البشرة السمراء الا بالتقوى , وقد لاحظت اننا فى مصر أيضا كنا ولا زلنا نفرق بين أصحاب البشرة السمراء وبيننا فنجد أغلبهم يعمل فى أعمال دون المستوى كالبوابين أو كسائقين لأصحاب رؤوس الأموال وهنا تذكرت أحد

      في سياسة داخلية


×
×
  • اضف...