اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

لو كنت بيضاء اللون كان حصل كده(ليه كل واحد مايعيشى فى حاله)


Recommended Posts

اعزائى

انا هتكلم بشجاعة شدييييييييده جدااااا

انا سمراء اللون مش بيضاء بس مش سوداء يعنى وسمارى مش وحش

كنا دايما واحنا فى المدرسة فى مرحلة المراهقة بقى بنات كتير اوى معايا يقولولى هو ياختى الصبيان بيحبوا فيكى ايه اما انا بيضاء وابقى ماشية معاكى وماحدش يبصلى والكلمة دى سمعتها مليوووووووون مرة لما بقت تضايقنى جداااااااااا وخلتنى فى نفسى من جوا عندى كده عدوانية لاى واحدة تبص لى انى اقل منها

ودخلت الكلية وبرررررررده نفس الكلمة تتقالى من زميلاتى حتى لو مقالتهاش ببقها لامؤاخذة تقولها بتعابير وشها لو حد ابدا اعجابه بيا وهى واقفة معايا وساعات كتير كنت بضايق بس ارجع واقول لنفسى اضايق ليه الحمد لله ربنا مدينى قبول عند الناس كبير جدااااااااا مايتغاظ اللى يتغاظ

وجيت اتخرجت واشتغلت واتعرفت على جوزى واعجبنا ببعض واول ماشتغلت كان فيه بنتين بيحاولوا يخلوا جوزى ده اللى مكانش لسه جوزى انه يتقربلهم يعنى وهو كان محترم الحقيقة وفى حاله وانا فجاة كده لقيته بيحاول يتقرب منى وبررررده نفس النظرة فى عيون زميلاتى

جينا بقى للحاجة اللى مضايقانى جداااااااااا وبقالى كتير عاوزة اتلكم فيها بس خايفة ومش عارفة افتح الموضوع اذاى

جوزى ابيض اللون وبما ان اهله من الصعيد فعنده اخت سمراء ذيي تماما والتانية بيضاء اللون يعنى مخلطين من ده على ده وهما لما شافونى قالوله جميله واذا كان على السمار ماحنا سمر يابنى

ولما اتجوزنا الحياة مشيت كويسة بس بقى فيه حاجة انه لما خلفنا جبنا الولد ابيض لون ابوه بس شبهى انا والبنت سمراء ذيي بس شبه باباها نعمة وفضل من عند ربنا وربنا يخليهملى يارب وعمرى ماعترضت بالعكس دى بنتى مقبولة جداااااا اكتر من اخوها عند الناس كلها وكله بيموت فيها

المهم بقى كتير اوى واحنا ماشيين فى الشارع وخصوصا هنا فى البلاد العربية لما يشوفونا يقعدوا يبصوا علينا اوى ويتغمزوا وده اللى بيضايقنى جدااا وبيبقى نفسى اقول للى بتعمل كده كل واحد وليه نصيبه وانتى ايه اللى مضايقك

لدرجة ان مرة واحدة سورية بصت على ولادى وراحت غمزة جوزها قلتله معقوووووول قمت انا كنت همسك فى خناقها والله

ولما بحكى لاخواتى البنات واحدة منهم قلتلى انتى اللى غلطانة وانتى من الاول كنا بنقولك ليه تتجوزى واحد ابيض وقعدت تضحك

لكن فى مصر انا مش بحس بالموضوع ده اوى لان طبعا مش ببقى لابسة العباية والطرحة السوداااااااااء ولانى انا الحمد لله مشهورة بالزوق العالى فى ملابسى بشهادة الجميع وكمان عشان اخدت فترة اشتغل فى التصميم للملابس وكده وحتى اخواتى وصحابى يقولولى لبسينا على زوقك والله مش عاوزة اشكر فى نفسى خالص والقصد من ذكر ذلك يعنى انى فى مصر بيبقى شكلى مختلف مقبله على الحياة وبملابس ملونة وجميلة ومبهجة مش هنا اليونيفورم بتاعنا الفظيع ده

وحتى جيرانى يبصولنا كده والواحدة فيهم تبقى فيه كلمة محشورة فى زورها عاوزة تقولها وانا ببقى عارفة هى عاوزة تقول ايه

مرة واحدة جارتى لقيتنى نازلة من غير النقاب اول ماسكنت جديد فى بيتى ده قامت قيلالى انتى هتنزلى كده قلتلها يا ستى يعنى شايفانى هفتن حد اللى يغيظ بقى انها ردت وقالت لا مش كده بس برده الناس هنا مش بترحم وانا اللى كنت مثلا عاوزاها تقولى مانتى حلوة اهو ولا حاجة لا قامت دابة الكلمة فى وشى

الحاجة اللى نفسى كده اوصلها للناس ومش عارفة اذاى انى انا عاجبنى نفسى كده ومش شايفة فيها عيب وان خلقة ربنا انا راضية بيها وشايفة نفسى جميله على سمارى ده ونفسى اضع الشعار ده على صدرى وانا ماشية عشان محدش يفكر انى مضايقة من حاجة

بصوا بقى يا جماعة وركزوا اوى اوى انا كتبت الموضوع ده لانى انا عاوزة اتكلم فيه ان شاء الله حتى مع نفسى وااللى عاوز يعلق يعلق واللى مش عاوز يكتفى بالقراءة ويا ريت ماحدش يفهمنى غلط ويقول دى عاوزة توصف نفسها

وفيه ناس وانا عارفة ومتاكده من كده هيقولوا ايه المجنونه دى طب واحنا مالنا وانتوا مالكوا اذاى بقى هو انا ليا مين هنا غيركم اكلمه؟؟

وممكن ناس تقولك شوف الهيافة مش تفكر فى حاجة مفيدة احسن

وبلاااااااااش تريقة

كل حاجة متوقعاها مش مشكلة برده هحط الموضوع

ومعلش انا طولت جدااااااااااا عليكوا بس كنت كاتمة فى قلبى وساكتة ويادوب اتفتحت فى الكلام

يارب الادارة ماتقفلش الموضوع يااااااااااارب

رابط المشاركه
شارك
  • الردود 59
  • Created
  • اخر رد

Top Posters In This Topic

Top Posters In This Topic

Popular Posts

بصراحة مسالة العنصرية بسبب لون البشرة من الآفات الموجودة هنا في مصر شوفوا .. أنا هعترفلكم اعتراف خطير :ph34r: أنا طول أيام المدرسة الاعدادي و الثانوي (كنا في الخليج) كنت مهووس باللون الأسمر وكانت

الحقيقة لقد فتحت موضوع مهم واعتقد انه قد يمس معظم بيوتنا فى مصر بشكل او بآخر

ارى ان الموضوع ليس شخصى ، واعتقد ان وضعه فى باب الاسرة او باب موضوعات جادة كان أولى.

المشكلة التى تتحدثين عنها كنت اظنها منتشرة فقط بين الجاهلات او ذوات التعليم البسيط ، او بين من لايعلمون من دينهم القدر الكافى ، ولكن للأسف فإن البعض ينسى كل ماتعلمه فى لحظات.

اردت ان احييك على شجاعتك وطرحك للموضوع ولى عودة ان شاء الله

رابط المشاركه
شارك

الاخت العزيزة فطومة

اسمحيلي احييك علي شجاعتك في طرح الموضوع

وكذلك علي تقبلك لشكلك الاسمر مع ان السمار نص الجمال

وبعدين..... الناس ما بتسبش حد في حاله..... علي رأي المثل (ما لقوش في الورد عيب قالوا له يا احمر الخدين)

انا حاسه بشعورك جدا جدا ....لان انا تقريبا مريت بنفس الموضوع بس في صغري...... يعني انا قمحية اللون واختي الاصغر مني بيضاء وعيونها خضراء

هي طالعة لبابا..... وانا لماما ،،،،،،،،،واحنا صغيرين الناس كلها تبص لاختي البيضاء الحلوة ويقولوا ...ايه الجمال ده....وانا ولا كاني واقفه معاهم

يعني عانيت من الموضوع ده لحد اعدادي كده...... وبعد كده ....لما كبرت .....حسيت ان الموضوع هايف جدا واللي يقول يقول مش فارقه معايا......

اهم شيئ في الموضوع ان الانسان يكون راضي بنفسه داخليا ،،،مش خارجيا.......

لان الجمال ....جمال الروح والشخصية......والقبول من عند ربنا سبحانه وتعالي نعمة كبيرة

انت مدام راضيه عن نفسك وشكلك ولا يهمك اي حد..... واللي يبص .....يبص....واللي يقول ...يقول.....كل ده في ميزان حسناتك لان ديه تعتبر نميمه عليكي

المهم انك ما تتاثريش بكلام حد ......

واهم حاجه عندك ...زوجك.... ربنا يخليكم لبعض.... مدام هو مفتنع بيكي وبيحبك...... ولا يهمك اي حد في الدنيا

وتقبلي تحياتي :)

ملحوظة..........اوعي تنزلي وتسيبي زوجك لوحده في بلاد الغربه مهما كانت الاسباب

رابط المشاركه
شارك
وانتوا مالكوا اذاى بقى هو انا ليا مين هنا غيركم اكلمه؟؟

انتى جميلة و طيبة قوى .... بجد!!!

شوفى بقى يا ست فتفوتة هانم

اللى سعادتك بتتكلمى فيه ده

موضوع مهم ......عارفة ليه؟؟

لانك هاتلاقيه بيتكرر مضمونه مع كل حد بس باشكال مختلفة

ممكن يكون فى مواصفات شكلية

او امكانيات مادية.....مؤهلات دراسية

المهم هتلاقى كل حد فينا عنده الحاجة

اللى الناس بتتدخل فيها ....و ممكن تكون بتضايقه بيها

و ساعات كتير يكون الشخص نفسه ....مش حاسس ان فيه حاجة ناقصاه

بالعكس .....ده ساعات بيبقى راضى و حامد ربنا

الخلاصة ..... عايزة اقولك بجد مش علشان ارضيكى.....

المشكلة .....مش فيكى.... المشكلة فى الناس

اللى بتتدخل فيما لا يعنيها......

خليكى زى مانتى .....حامده ربنا و شاكراه

و خللى بالك من بنوتك....ان حد يضايقها بكلامه

علميها تحب نفسها زى ما ربنا خلقها

و لما تكبر شوية..... قوليلها ان غالبا الناس مش راضية بحالها

البيض بياخدوا حمامات شمس و يستعملوا كريمات علشان يسمروا

و السمر بيستعملوا فير & لفلى علشان يبيضوا

فالاحسن ان احنا نهتم باللى جوانا ..... بقلوبنا .... بعقلنا..... بضميرنا..

ده اللى ربنا بيشوفوا فينا .....مش شكلنا !!

و بعدين يا ستى دى احلى اغانى للسمر..... :) :happy:

رابط المشاركه
شارك

الأخت العزيزة فتفوتة

بصي يا ستى

أنا رآي ما تشغليش دماغك بالناس التعبانة دى لأنهم ممكن فى الأصل يكونوا غيرانين منك

أنت عارفه انا عايش فى قطر والقطريين الأصليين هنا معروفين بالبشرة السمراء ووارد جداً

تلاقي الزوج أصوله من السعودية مثلاً أو الإمارات ولونه فاتح يعنى وتلاقي زوجته سمراء

اللون تماماً وماحدش بيبص على حد

مش عارف أقولك أيه بس مش هاقدر أقولك غيرى البلد :)

وإنتى هنا فى الأخر بتتكلمى مع اخواتك وما حدش هايقول انتى بتتكلمى فى حاجة هايفة

لأن بصراحة طالما الناس حشرت مناخيرها فى حاجة ماتخصهاش يبقى على الأقل الواحد

من حقه أنه يقول آه ه ه ه ه

رابط المشاركه
شارك

فتفوته الشعنونه

كلنا هنا لنفضفض لبعض فلا تتحسسى من شيىء و خذى الموضوع باريحيه شديده

عارفه دى ميزة فى حد ذاتها فى ناس كتير جدامبتعرفش تعبر عن الى جواها او ما بتحبش و النتيجه ان الضغوطات تتزايد عليه ويصبح اشبه ببركان يكسو فوهته الجليد حتى تاتى اللحظه التى لا يستطيع ان يتحمل فيها فيحدث الانفجار الكبير :) :happy: :happy:

غاليتى كل انسان فى الدنيا يحتاج ان يلقى التقدير من الناس فهى من الاحتياجات الاساسيه و الفطريه بكل انسان

و ينزعك جدا من اى اختلال فى افيد بالك التى يتلقاها من الاخرين عن نفسه

خاصه اذا كان هذا الاخلال ناتج عن شيىء ليس له هو شخصيا يد فيه كلون البشره او ملامح الوجه او او

هو موضوع مهم جدا و ليس بصغير او تافه و لكن للاسف انه من حقائق الحياه انه من حين الى اخر فاننا جميعا و لا بد ان نقابل من حين الى اخر اناس مزعجين يسقطوا علينا امراضهم و مشاكلهم النفسيه كى يحطموا اتزاننا النفسى لنكون فى الاخر كلنا فى الهم سواء

صدقينى من يفعل ذلك يكون هو شخصيا يعانى نفسيا لسبب اولاخر فلا يجد وسيله لتخفيف الضغط بداخله الا عن طريق تصديره للاخرين

لا تلتفتى لهم عزيزتى و اعتبريهم مثل الزكام الخفيف الذى يمر علينا جيعا و لو مره كل سنه

(همسه خاصه )

ارسلت لك رد على رسالتك الرقيقه و لكن لم اتلق عليه جواب مما جعلنى اشك انها ممكن تكون لم تصل اليك

ارجو اخبارى ان كان وصل لك ام لا لاعيد ارساله لك

دمت برضى الرحمن

رابط المشاركه
شارك

ازيك يا مدام فتفوتة

يعني حضرتك طلعتي أسمريكا :ninja:

وأنا عمال أقول خفة الدم دي جات منين

أصلى أنا ملاحظ دائما إن السمر بيكون دمهم خفيف

شوفي يا ست الكل

أولاً: مقاييس الجمال ليس لها علاقة بلون البشرة

ثانياً: وده بقى الأهم , إن الجمال مش بس الشكل الخارجي , وإنما الجمال نوعان

جمال الظاهر وجمال الباطن

بقولك حضرتك إيه , أنا بدل ما أعد أرغي , هانقلك كلام جميل جدا قرأته قبل كده لابن القيم في الموضوع ده

ثانية واحد ..

أيوه أهو لاقيته

اتفضلي يا ستي:

الجمال جمالان: ظاهر وباطن

فالجمال الباطن هو جمال العلم والعقل والجود والعفة والحياء، وهو الذي ينظر إليه الله

وفي الحديث الصحيح: (إن الله لا ينظر إلى صوركم وأموالكم ولكن ينظر إلى قلوبكم وأعمالكم)

وأما الجمال الظاهر فزينة خص الله بها بعض الناس عن بعض

وحسن الباطن يعلو قبح الظاهر ويستره، وقبح الباطن يعلو جمال الظاهر ويستره

تم تعديل بواسطة سهل جدا
رابط المشاركه
شارك

أولا السمار نصف الجمال ..

ثانيا لم أكن انى سوف أتزوج يوما غير سمراء .. وحدث العكس تماما .. وكل يوم أقول لزوجتى .. انا بأحب الشيكولاته ايه اللى خلانى أروح ناحية الكريمة؟

فى الأول والآخر هو قدر كل واحد ياخد نصيبه ..

وما زلت أبحث عن سمراء .. وهأموت ولن أجدها .. :ninja:

رابط المشاركه
شارك

مشكلتك يا أخت فتفوتة هي تجسيد لمرضين اجتماعيين متأصلين في الشعب المصري..

1- العنصرية..آه إحنا عندنا عنصرية..صحيح مش زي أمريكا ومش بنموت بعض لكن في عنصرية..

البحاروة ضد الصعايدة

والمسلمين ضد المسيحيين

وولاد الباشوات ضد ولاد الفلاحين

والأغنيا ضد الفقرا

والبيض ضد السمر

والأهلاوية ضد الزمالكاوية

..و..و..حاجات كتيرة

2- حب التدخل المرضي في الشئون الخاصة..وبالذات بالذات بين الزوجين...يعني كل الناس في مصر لما بتشوف اتنين متجوزين فورا تعقد المقارنات عشان تشوف مين كتير على مين ومين ميستاهلش مين..

دي قصيرة قوي عليه.. من قلة البنات يعني؟

دي معاها مؤهل أحسن منه..إيه اللي رماها الرمية دي؟

دي مش بنت ناس زيه! هو انطس في نظره ولا إيه؟

دي سمرا وهوا أبيضاني...ده كلام! برضو؟

شوفي تخينة إزاي والراجل مفيهوش..أكيد هيتجوز عليها!

وهلم جره

لو سألتيني إيه الحل في الحالات اللي فيها تباين مظهري بين الزوجين..أقولك مش عارف..مفيش حل غير إنه يسافروا بره ويريحوا نفسه من وجع الدماغ ده..لأنه بصراحة الزن على الودان وحش مهما كانوا بيحبوا بعض

رابط المشاركه
شارك
الحقيقة لقد فتحت موضوع مهم واعتقد انه قد يمس معظم بيوتنا فى مصر بشكل او بآخر

ارى ان الموضوع ليس شخصى ، واعتقد ان وضعه فى باب الاسرة او باب موضوعات جادة كان أولى.

المشكلة التى تتحدثين عنها كنت اظنها منتشرة فقط بين الجاهلات او ذوات التعليم البسيط ، او بين من لايعلمون من دينهم القدر الكافى ، ولكن للأسف فإن البعض ينسى كل ماتعلمه فى لحظات.

اردت ان احييك على شجاعتك وطرحك للموضوع ولى عودة ان شاء الله

الاخ الفاضل محمد

اخيرا والحمد لله لقيتك بترد عليا فى احد موضوعاتى!!!

لا للاسف تخيل ان المشكلة منتشرة بين الطبقات الجاهلة وبس لا دى كمان بين الناس المتعملمين والمثقفين كمان

بنعيب على الغرب عشان عندهم عنصرية ده احنا عندنا اكتر منهم على الاقل هما مش ممكن يبصوا عليك ويتغمزوا لغايت مايجرحوك وكل واحد عايش فى حاله

والله انا لما كنت شتغل كانت شركة مالتى ناشيونال وكلها اجانب فيه ايطاليين وانجليز والمان وامريكان وعمرى ماحسين من اى حد فيهم بان هو بيبصلى انى اقل منه طبعا مع اختلاف المراكز بس

ومديرى كان المانى وكان بيعتز بيا جدااا ولما حبوا مرة ينقلونى رفض يعنى انا عاوزة اقولك ان احنا العرب العنصرية عندنا زيادة جدااااا

ومنتظرة عودتك وشكرااااااااااا

رابط المشاركه
شارك
الاخت العزيزة فطومة

اسمحيلي احييك علي شجاعتك في طرح الموضوع

وكذلك علي تقبلك لشكلك الاسمر مع ان السمار نص الجمال

وبعدين..... الناس ما بتسبش حد في حاله..... علي رأي المثل (ما لقوش في الورد عيب قالوا له يا احمر الخدين)

انا حاسه بشعورك جدا جدا ....لان انا تقريبا مريت بنفس الموضوع بس في صغري...... يعني انا قمحية اللون واختي الاصغر مني بيضاء وعيونها خضراء

هي طالعة لبابا..... وانا لماما ،،،،،،،،،واحنا صغيرين الناس كلها تبص لاختي البيضاء الحلوة ويقولوا ...ايه الجمال ده....وانا ولا كاني واقفه معاهم

يعني عانيت من الموضوع ده لحد اعدادي كده...... وبعد كده ....لما كبرت .....حسيت ان الموضوع هايف جدا واللي يقول يقول مش فارقه معايا......

اهم شيئ في الموضوع ان الانسان يكون راضي بنفسه داخليا ،،،مش خارجيا.......

لان الجمال ....جمال الروح والشخصية......والقبول من عند ربنا سبحانه وتعالي نعمة كبيرة

انت مدام راضيه عن نفسك وشكلك ولا يهمك اي حد..... واللي يبص .....يبص....واللي يقول ...يقول.....كل ده في ميزان حسناتك لان ديه تعتبر نميمه عليكي

المهم انك ما تتاثريش بكلام حد ......

واهم حاجه عندك ...زوجك.... ربنا يخليكم لبعض.... مدام هو مفتنع بيكي وبيحبك...... ولا يهمك اي حد في الدنيا

وتقبلي تحياتي :ninja:

ملحوظة..........اوعي تنزلي وتسيبي زوجك لوحده في بلاد الغربه مهما كانت الاسباب

سمسمة حبيتى شكرااا على كلامك الجميل وكويس انك حاسة بيا لانى انا كمان اخواتى مش سمر كلهم وليا اخوات بيض وبرده ده كان بيحز فى نفسى لما الناس تمدحها هى وتيجى عندى انا وتبتسم لى ابتسامة صفرا كده وكانى يا ناس اخترت لونى

ومناسبة النميمة هحكيلك حاجة مرة كنا فى حديقة هنا فى الرياض اللى بيسموها متنزهات دى وقعدوا ناس ادامنا طول ماهما قعدين كانوا بيبصولنا يعاكسوا انى وسايبين بنتى كانها ولاااا هنا وكان فيهم اتنين ستات قعدين كل مانظرهم ييجى عندنا يحطوا الطرح على بقهم هات يا ضحك كان ادامهم اراجوز وقال بيخبوا وشوشهم

جوزى شافنى مضايقة قاللى سيبك منهم ولا كانهم هنا وهو حتى اضايق فى الاخر وقاللى ياللا نغير المكان ايوه انا مش بوضح لجوزى حاجة لكن هو بيحس بيا طبعا

ولما لقيتهم كده افتكرت علطول الآية الكريمة اللى بتقول (ويل لكل همزة لمزة) ودى فعلا اللى بردت نفسى وخلتنى بقيت اقول خدلى حقى انت يارب وانا سايباها عليك وانت اولى بيا واحسن من الكل ماتتخيليش والله اتضايقت اد ايه من تصرفهم ده بس هقول ايه حسبى الله ونعم الوكيل

وانا والله من جوايا راضية بشكلى والحمد لله انا مش وحشة هو يعنى السمار اللى هيخلينى اضايق لا بالعكس بس هى تصرفات الناس اللى مايعرفوش ربنا

وماتخافيش انا مش هنزل واسيبه ابدااا مش عشان حاجة بس عشان هو مايستاهلش انى اسيبه واعيش انا حياتى

وشكرااا ليكى

رابط المشاركه
شارك
اعزائى

انا هتكلم بشجاعة شدييييييييده جدااااا

انا سمراء اللون مش بيضاء بس مش سوداء يعنى وسمارى مش وحش

كنا دايما واحنا فى المدرسة فى مرحلة المراهقة بقى بنات كتير اوى معايا يقولولى هو ياختى الصبيان بيحبوا فيكى ايه اما انا بيضاء وابقى ماشية معاكى وماحدش يبصلى والكلمة دى سمعتها مليوووووووون مرة لما بقت تضايقنى جداااااااااا

فتفوته يا عسل يا اللى رافعة معنوياتنا نحن معشر السمراوات :sad:

متاخديش فى بالك..ابيض اسمر كله من التراب و الى التراب نعود :ninja:

رابط المشاركه
شارك

باين عليكى انك شخصيه طيبه جدا وللاسف الناس مش سايبه حد فى حاله فيها ايه لما كل حد يخليه فى نفسه ويبطل يحشر نفسه فى اللى ملوش فيه سيبك من الناس و كفايه عليكى حب زوجك واولادك وربنا يخليكوا لبعض

رابط المشاركه
شارك
و خللى بالك من بنوتك....ان حد يضايقها بكلامه

علميها تحب نفسها زى ما ربنا خلقها

و لما تكبر شوية..... قوليلها ان غالبا الناس مش راضية بحالها

البيض بياخدوا حمامات شمس و يستعملوا كريمات علشان يسمروا

و السمر بيستعملوا فير & لفلى علشان يبيضوا

فالاحسن ان احنا نهتم باللى جوانا ..... بقلوبنا .... بعقلنا..... بضميرنا..

ده اللى ربنا بيشوفوا فينا .....مش شكلنا !!

و بعدين يا ستى دى احلى اغانى للسمر..... :ninja: :sad:

كلامك صح جداااا

عارفة ساعات بخاف اوى على بنتى من انها تشوف ذى مانا شفت وبعدين ارجع اقول ما ربنا موجود وانا فيه ناس بتنحسدنى على حب الناس ليا وقبولهم ليا

ولما اقول لجوزى بالهظار كده يعنى مكانتش بنتنا تبقى بيضاء يقوللى دى جنى دى عندى احلى واحدة فى الدنيا وفعلا هو بيحبها اوى اوى اوى اكتر من اى حد وكمان يرد ويقولى طب بصى لما بنكون فى اى مكان الناس بتحها اد ايه ماهى طلعالك انا ببقى معاكى فى اى مكان تلاقى الناس تتشدلك انتى وتسيبنى انا كمان ده قبول وانا راضى وبحبها على كده

والحمد لله انا وهو راضيين بكل اللى ربنا مديهولنا

الحمد لله الحمد لله الحمد لله

رابط المشاركه
شارك
الأخت العزيزة فتفوتة

بصي يا ستى

أنا رآي ما تشغليش دماغك بالناس التعبانة دى لأنهم ممكن فى الأصل يكونوا غيرانين منك

أنت عارفه انا عايش فى قطر والقطريين الأصليين هنا معروفين بالبشرة السمراء ووارد جداً

تلاقي الزوج أصوله من السعودية مثلاً أو الإمارات ولونه فاتح يعنى وتلاقي زوجته سمراء

اللون تماماً وماحدش بيبص على حد

مش عارف أقولك أيه بس مش هاقدر أقولك غيرى البلد :ninja:

وإنتى هنا فى الأخر بتتكلمى مع اخواتك وما حدش هايقول انتى بتتكلمى فى حاجة هايفة

لأن بصراحة طالما الناس حشرت مناخيرها فى حاجة ماتخصهاش يبقى على الأقل الواحد

من حقه أنه يقول آه ه ه ه ه

فعلا يا اخى العزيز كان نفسى اقول اه ه ه ه ه ه من زمان بس ماكنش لسه عندى الشجاعة انى اتكلم

وانا عارفة ان انتوا اخواتى وعشان كده بشتكى ليكم

وبقولك والله فى مصر مش بحس بالموضوع ده اوى لكن هنا الناس فظيعة ومن تحت النقابات تلاقيهم يتغمزوا وبيبقى نفسى اقول للى بتعمل كده

عندك مراية؟

بصيتى فيها؟ مالقيتيش ناقصك حاجة؟

طب وحتى لو كده هو انتى خلقتى نفسك ولا ايه؟؟

بس هنعمل ايه فعلا ذى مانت بتقول ناس تعبانة واحب اضيف تعبانة فى دماغها

شكرا ليك

رابط المشاركه
شارك
فتفوته الشعنونه

كلنا هنا لنفضفض لبعض فلا تتحسسى من شيىء و خذى الموضوع باريحيه شديده

عارفه دى ميزة فى حد ذاتها فى ناس كتير جدامبتعرفش تعبر عن الى جواها او ما بتحبش و النتيجه ان الضغوطات تتزايد عليه ويصبح اشبه ببركان يكسو فوهته الجليد حتى تاتى اللحظه التى لا يستطيع ان يتحمل فيها فيحدث الانفجار الكبير :ninja: :sad: :sad:

غاليتى كل انسان فى الدنيا يحتاج ان يلقى التقدير من الناس فهى من الاحتياجات الاساسيه و الفطريه بكل انسان

و ينزعك جدا من اى اختلال فى افيد بالك التى يتلقاها من الاخرين عن نفسه

خاصه اذا كان هذا الاخلال ناتج عن شيىء ليس له هو شخصيا يد فيه كلون البشره او ملامح الوجه او او

هو موضوع مهم جدا و ليس بصغير او تافه و لكن للاسف انه من حقائق الحياه انه من حين الى اخر فاننا جميعا و لا بد ان نقابل من حين الى اخر اناس مزعجين يسقطوا علينا امراضهم و مشاكلهم النفسيه كى يحطموا اتزاننا النفسى لنكون فى الاخر كلنا فى الهم سواء

صدقينى من يفعل ذلك يكون هو شخصيا يعانى نفسيا لسبب اولاخر فلا يجد وسيله لتخفيف الضغط بداخله الا عن طريق تصديره للاخرين

لا تلتفتى لهم عزيزتى و اعتبريهم مثل الزكام الخفيف الذى يمر علينا جيعا و لو مره كل سنه

(همسه خاصه )

ارسلت لك رد على رسالتك الرقيقه و لكن لم اتلق عليه جواب مما جعلنى اشك انها ممكن تكون لم تصل اليك

ارجو اخبارى ان كان وصل لك ام لا لاعيد ارساله لك

دمت برضى الرحمن

شكرا مغتربة حبيبتى على الكلام الجميل ده

ارسلتك رسالة على الخاص شوفيها مش عارفة الخاص عندى ماله

رابط المشاركه
شارك
أولا السمار نصف الجمال ..

ثانيا لم أكن انى سوف أتزوج يوما غير سمراء .. وحدث العكس تماما .. وكل يوم أقول لزوجتى .. انا بأحب الشيكولاته ايه اللى خلانى أروح ناحية الكريمة؟

فى الأول والآخر هو قدر كل واحد ياخد نصيبه ..

وما زلت أبحث عن سمراء .. وهأموت ولن أجدها .. :ninja:

الجميل بندق افندى

بعد الشر عليك ويارب يخليك لزوجتك ولعائلتك كلها

كان نفسى ادعيلك واقولك يار ب تلاقى اللى انت عاوزها لكن هدعيلك ربنا يرضيك بزوجتك وبعدين يا خويا دى مراتك بيضا تقوم تروح تدور عالسمار ايه ده!!!!؟؟؟

وصح كل شئ نصيب

تم تعديل بواسطة fatfouta
رابط المشاركه
شارك
أولا السمار نصف الجمال ..

ثانيا لم أكن انى سوف أتزوج يوما غير سمراء .. وحدث العكس تماما .. وكل يوم أقول لزوجتى .. انا بأحب الشيكولاته ايه اللى خلانى أروح ناحية الكريمة؟

فى الأول والآخر هو قدر كل واحد ياخد نصيبه ..

وما زلت أبحث عن سمراء .. وهأموت ولن أجدها .. :ninja:

الجميل بندق افندى

بعد الشر عليك ويارب يخليك لزوجتك ولعائلتك كلها

كان نفسى ادعيلك واقولك يار ب تلاقى اللى انت عاوزها لكن هدعيلك ربنا يرضيك بزوجتك وبعدين يا خويا دى مراتك بيضا تقوم تروح تدور عالسمار ايه ده!!!!؟؟؟

وصح كل شئ نصيب

زوجتى معى عالتليفون وبأحكى لها هذا الحوار بتضحك .. وبتقولى هتموت انت عالسمار .. ينفع اعمل برونزاج ؟؟

قلت مش هينفع هيبقى حمار مش سمار ..

:sad: :sad:

رابط المشاركه
شارك
مشكلتك يا أخت فتفوتة هي تجسيد لمرضين اجتماعيين متأصلين في الشعب المصري..

وهلم جره

لو سألتيني إيه الحل في الحالات اللي فيها تباين مظهري بين الزوجين..أقولك مش عارف..مفيش حل غير إنه يسافروا بره ويريحوا نفسه من وجع الدماغ ده..لأنه بصراحة الزن على الودان وحش مهما كانوا بيحبوا بعض

عزيزى فيرس

ماهو احنا اوريدى مسافرين وعايشين بره بلدنا هنروخ فين بعد كده؟

انا بقولك والله مش بحس بالموضوع ده فى مصر ذى مانا حساه هنا

ومش عارفة ليه صح الناس تتدخل بين واحد ومراته يعنى؟؟

هو انت ليه سميت نفسك فيروس مع انك حد كويس جدااااااااا :ninja:

شكراااااا ليك

تم تعديل بواسطة fatfouta
رابط المشاركه
شارك
هو انت ليه سميت نفسك فيروس مع انك حد كويس جدااااااااا :ninja:

أهو انتوا كده دايما ظالمينا معشر الفيروسات..بذمتك لو مفيش فيروسات كان الدكاترة والصيادلة دول كلهم ياكلوا منين :sad: ؟ ده غيرالمستشفيات وشركات الأدوية؟؟!! بس معلش مكتوب علينا نفضل شمعة نحترق عشان البني آدمين الطماعين اللي بيحاربونا :sad:

رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان
  • محاورات مشابهه

    • حرامية بياقات بيضاء

      #المدير_الفاشل خلال عملية سطو في مدينة نيويورك صرخ اللص موجها كلامه الى الموظفين الموجودين داخل البنك : لا تتحركوا فالمال ملك الدولة وحياتكم ملك لكم . فأستلقى الجميع على الأرض بكل هدوء .. " وهذا ما يسمى بمفهوم تغيير التفكير " وعندما انتهى اللصوص من السرقة قال اللص الأصغر والذي يحمل شهادة جامعية لزعيم اللصوص وكان أكبرهم سنا وهو خريج الدراسة الأبتدائية : يا زعيم دعنا نحصي كم من الأموال أخذنا. قام الزعيم بنهره وقال له : أنت غبي ؟! هذه كمية كبيرة من الأموال وتأخذ منا وقتا طويلا لعدها ،

      في موضوعات خفيفة

    • ايه اخبار نقل الكفاله ع شركات اللون الاصفر حد نقل ؟

      يا جماعه معلش كنت عاوزه بس اسال لو حد نقل ع شركه لونها اصفراو كده الايام دي حد عرف ولا ايه ؟

      في المغتربين المصريين - egyptian expatriates

    • لماذا نكذب ...(كذبة بيضاء وكذبة سودا)

      بسم الله الرحمن الرحيم.. الكذب ........!!!! من فينا لن يكذب حتى الآن .؟!! ماهى الدوافع التى تدفعنا الى الكذب.؟ وهل يوجد حق كذب حميد وكذب خبيث .؟ وهل يوجد كذب ابيض وكذب اسود.؟ هل يوجد مواقف معينه تدفعنا للكذب ....؟ وهل حكم الشرع والدين متساوي فى نوع الكذب (ابيض -اسود)؟ هل شخصية الانسان ليها دور كبير فى الكذب .......؟ هل التعليم والمكانة العلمية ..له تأثير فى الكذب من عدمه ..؟ اتذكر وانا فى البكارليوس كان عندنا مادلة اسمها Human Relations .(العلاقات الانسانية ) وكان فى محاضرة يتتكلم عن

      في موضوعات جادة

    • *** اللون المسفوك ***

      كأى زوجة مصرية، ألهو بأرجوحة العمل اليومى، كالفراشة التى تنتقل من زهرة إلى أخرى، لكن تلك المرة الأزهار هى التى تمتص قوتى ، أكلّ أحيانا وألقى بقايا هذا الجسد على أريكة تتلقفه من سقطه شديدة فتصدر صوتا ولاأعلم هل هى التى تئن أم أعضائى0ويأتى زوجى ليلا ، ورغم ألوان الشقاء التى ترسم لوحة جسدى، إلا أننى أحرص على ألا يرى منى ألا قوة ،تمثل على مسرح أعضائى مسرحية هزلية ،تكاد كل مرة أن تخفق فيها0 وقبل أن يأتى أتزين بأصباغ ، من كثرة استعمالها أصبحت كأنها طبيعية ، وأمشط شعرى وهو يصرخ من يدى ومن قضم أسنان مش

      في أدب و شعر و قراءات

    • هل يوجد تفرقة عنصرية على أساس اللون فى مصر

      قرأت أحد التقارير الصادرة عن منظمة حقوق الأنسان والتى تؤكد وجود تفرقة عنصرية فى بعض الدول العربية , وهنا راجعت زياراتى لأكثر من 5 دول عربية وقد تنبهت أن فى بعض الدول العربية يوصف أصحاب البشرة السمراء بالعبيد رغم انتمائهم ويعاملونهم دائما كالخدم , رغم ان ديننا الحنيف لا يميز بيننا وبين أصحاب البشرة السمراء الا بالتقوى , وقد لاحظت اننا فى مصر أيضا كنا ولا زلنا نفرق بين أصحاب البشرة السمراء وبيننا فنجد أغلبهم يعمل فى أعمال دون المستوى كالبوابين أو كسائقين لأصحاب رؤوس الأموال وهنا تذكرت أحد

      في سياسة داخلية


×
×
  • اضف...