القدرة

[alsaher]

انا جايب لكم طريقة أكله إسمها القدرة

هي أكله فلسطينيه بحته :)

وبالتحديد يشتهر بها أهل قطاع غزة ، وهي الأكله المعتمده في مناسبات الزواج والمناسبات الكبيره

وإسمها قدره لأنها في الأصل يتم طهيها بقدر من الفخار في حفرة نار تحت الأرض

ولكن بعد تعديلات وتغيرات الزمن ، الناس بتعملها على الغاز ، وهناك ناس متخصصين لطبخها بقدر الفخار

المكونات :

-كاسات ارز ويفضل من الحبه الطويله..

-كيلو لحم خروف (وممكن استعمال اللحم البقري بس بنضيف معاه شوية لية للدسم)

- بهارات القدرة(البهارات هي: حب الهيل، كركم او زعفران، قرفة ، فلفل أسود، بهار حلو، ورق غار،قرنفل (مسمار)، كزبرة ناشفة

- ربع ملعقة من كل نوع تخلط وتطحن ثم تقلى مع البصل..

-حمص مسلوق..

- سمنه او زيت ..

- بصل

-كركم

-توم

الطريقه:

-بتقلب اللحم على نار هادئه مع البصل ثم تقوم باضافة الماء بتتركه على نار هادئة حتى ينضج..

-في هذا الوقت بتكون نقعت الارز في ماء دافي 15 دقيقه..

-في طنجرة ثانية بتقوم بفرم البصل ناعم وبتقليه على نارهادية مع البهارات وبعدين بتضيف فصوص الثوم بقشره,,ثم بتضيف الرز وتقلبي شوية حتى يشرب الرز النكهة من البهارات والملح ...

-وبعدين بتضيف الحمص المسلوق... وبتقلب كويس...

-وبعدين بنضيف اللحمة المسلوقة وبنضيف كمية من المرق تكون مناسبة ونضع ورق القصدير لكي نكتم البخار ونتركها تغلي غلوة واحدة ثم نضعها في فرن حام ونخفض درجة النار لأقل ما يمكن.... ونتركه لمدة تقريبا من ثلث ساعة لنصف ساعة... وبعدها نكشف الوجه كي تتحمر اللحمة..

-ثم تغطى وتترك مغطاه حتى وقت التقديم وتقدم مع اللبن الزبادي او السلطة ..

-وممكن عملها على نار البوتوجاز لكن في هذه الحاله نقوم بوضع فوطة مبللة لكتم البخار.. وتترك على نار هادئة جدا..

انا عن نفسي باكتفي بكتمها بفوطه مبلله عن وضعها بالفرن

وبعدين ممكن لو عندك شوية لوز أو صنوبر ، تقوم بسلقهم ، ثم نزع القشر ثم قليه بشوية زيت لدقيقتين وتزيين الطبق به مع بقدونس مقطع

أتمنى تجربوها وبالهنا والشفا

[شاب مصري]

شكرا وبالهنا والشفا :)

[لولا]

معقول .. ساهر هنا ومساهم كمان بوصفه جديده mfb:

على فكره واضح جدا من المكونات والطريقه انها اكتر من رائعه ...

اوبس ..

لو كنت حطيت صوره كانت الأكله خدت التقدير اللى تستحقه mfb:

بتفكرنى بشكل ما بمكونات بهارات المقلوبه للرز ولونه ,, انا بعشق جدا المقلوبه على فكره بس بالبطاطس والبتنجان مش الزهره .

عموما لسه حالا شايفه مشاركتك دى ... وتستاهل عليها الورده دى mfb:

على الهامش كده ..

هو انتا بتطبخ كمان اضافه الى كتابه الشعر mfb:

احم احم .. فعلا الفن لا حدود له يا جدعاااااااااااااااااان mfb:

تحياتى

لولا

[alsaher]

شكرا وبالهنا والشفا hlwn:

العفو ياباشا

معقول .. ساهر هنا ومساهم كمان بوصفه جديده

على فكره واضح جدا من المكونات والطريقه انها اكتر من رائعه ...

اوبس ..

لو كنت حطيت صوره كانت الأكله خدت التقدير اللى تستحقه cnst:

بتفكرنى بشكل ما بمكونات بهارات المقلوبه للرز ولونه ,, انا بعشق جدا المقلوبه على فكره بس بالبطاطس والبتنجان مش الزهره .

عموما لسه حالا شايفه مشاركتك دى ... وتستاهل عليها الورده دى

تحياتى

لولا

على فكرة ، انا كنت حاطط في دماغي أحط المقلوبه الوصفه الجايه

ومش بأحب بتاعة الزهرا خالص ، وربنا يخلي البطاطس والبتنجان

فكرتيني يالولا ، أصل الأكله دي باحبها جدا من إيدين ماما ومش بتضبط معايا زيها في الشكل mfb:

وانا من المؤمنين بقاعدة إن العين بتأكل

على الهامش كده ..

هو انتا بتطبخ كمان اضافه الى كتابه الشعر

احم احم .. فعلا الفن لا حدود له يا جدعاااااااااااااااااان :lol:

أنا باحب أطبخ جدا ، وتعلمت أعمل أكلي أغلب الأيام ، مع إني تركت أهلي مش باعرف أعمل بيض مقلي :giveup:

بس المشكلة في غسل المواعين cnst:

لكن لو كنت مشغول جدا ومش لاقي وقت ، فيوم الجمعه ده لازم أعمل أكل ، يامقلوبه أو قدره أو مندي ، لازم حاجه جامده علشان أقضي النهار في المطبخ وما أحسش بالوقت wst::

النهارده عملت فاهيتا على الماشي علشان كنت مستعجل

وبكره أجازة فإن شاء الله ملوخيه ، لو حد عايز أهلا وسهلا i*:

[لولا]

على الهامش كده ..

هو انتا بتطبخ كمان اضافه الى كتابه الشعر

احم احم .. فعلا الفن لا حدود له يا جدعاااااااااااااااااان wst::

أنا باحب أطبخ جدا ، وتعلمت أعمل أكلي أغلب الأيام ، مع إني تركت أهلي مش باعرف أعمل بيض مقلي :lol:

بس المشكلة في غسل المواعين hlwn:

لكن لو كنت مشغول جدا ومش لاقي وقت ، فيوم الجمعه ده لازم أعمل أكل ، يامقلوبه أو قدره أو مندي ، لازم حاجه جامده علشان أقضي النهار في المطبخ وما أحسش بالوقت mfb:

النهارده عملت فاهيتا على الماشي علشان كنت مستعجل

وبكره أجازة فإن شاء الله ملوخيه ، لو حد عايز أهلا وسهلا i*:

تصدق انا مش بطبخ كتير بسبب الموضوع دوت .. حكايه الدوشه بتاعة الطبيخ والغسيل بتاع المواعين .. رغم انى مش بكركب الدنيا وبنظف اول بأول

بس مش ببقى على طول فى مود تنظيف اثار الطبيخ .

الأيام بقى اللى بتبقى فيها شغاله بتبقى الحياه بمبى جدا هى تقطع وتجهز كل حاجه وانا ادخل الخبط فى الحله المكونات واشهق عشان النفس

واطلع فى عشر دقايق والإسم طبخت

بس فعلا فى اكلات سريعه نوعا ما زى الفاهيتا .. فوتتشينى مش بتاخد وقت وتنظيف حاجات كتير وممكن الواحد يعملها بسرعه واهى بتأدى الغرض cnst:

فين ايام زماااااااااااااااااااان لما الواحد كان يرجع يلاقى السفره جاهزة ومستنياه .. ايييييييييييييييييه كانت ايام يا راجل :giveup:

انزل بالمقلوبه بقا انا مستنيه .. ابقى صور الطبخات زى بندق باشا .. عشان الترويج للطبخه يا استاذ احسن التنافس بقا عالى هنا cnst:

لولا

[مصطفى عبد الوهاب]

الله ينور يا شيفنا

تسلم الأيادي

[هدوء الليل]

شكرا على الأكلة اللذيذة.