شوربة بحرية .. فطر مع كرافس مع كرات مع الكريمة ..

[بندق أفندى]

الموضوع سهل خالص ..

جوانح بصل تتدبل فى قليل من الزبدة ..

يضاف لها كرافس مقطع .. ثم فطر .. مع التقليب .. ثم تضاف البحريات على حسب المتوفر .. ممكن كابوريا ممكن جمبرى ممكن ستاكوزا ممكن محار .. سمك أى حاجة .. استخدمت جمبرى بقشره منزوع الرأس وكذلك ستاكوزا .. ومقطوعة نصفين طوليا .. ويضوع فى هذه المرحلة كرات أو leeks ثم يضاف كمية من الكريمة حسب الذوق .. دول كانو طبقين ومعاهم 3 ملاعق كريمة

ودى استاكوزا تتشوى أو تتسلق على البخار بدون أضافات أو تتبيل .. وعند التقديم يمكن تجميلها بالجبنة المبشورة ..

معها حبار محشى بلحم مقدد

الكل على خلفية من ورق الكرات leeks

[بندق أفندى]

دى اوضح

[se_ Elsyed]

بندق .. ممكن تكلمنا شوية عن نفسك ؟

ما هو ما تقوليش إنك مدير حسابات وإن الطبخ ده غيه والكلام ده ؟

إنت بتفكرني بـ ستيفين لا مؤخذه يجال في فيلم under siege لما كان طباخ عالسفينة وبعدين في عيال اشرار خطفوها ورزعهم حتة علقة لجد ما خلص السفينة من إيدهم .. اتاريه كان جندي مارينز ومتخفي في صورة طباخ

إنت بقى شكلك كنت طباخ وبعدين إتخفيت في صورة محاسب

إطلع من دول يا شيف شربيني !!

[fatfouta]

اخ بندق

في الصورة نمبر تو فيه على اطراف الطبق حاجة كده محشية وملفوفة عاملة ذى الممبار لامؤاخذة ممكن تقولى هى ايه؟ معلش اصلى انا جهلة شويتين بالمأكولات البحرية غير السمك البلطى والمكرونة والجمبرى وبس

ويا ريت تخف علينا شوية عشان انت عقدتنا بالاكل ده

وتسلم ايدك

[بندق أفندى]

بندق .. ممكن تكلمنا شوية عن نفسك ؟

ما هو ما تقوليش إنك مدير حسابات وإن الطبخ ده غيه والكلام ده ؟

إنت بتفكرني بـ ستيفين لا مؤخذه يجال في فيلم under siege لما كان طباخ عالسفينة وبعدين في عيال اشرار خطفوها ورزعهم حتة علقة لجد ما خلص السفينة من إيدهم .. اتاريه كان جندي مارينز ومتخفي في صورة طباخ

إنت بقى شكلك كنت طباخ وبعدين إتخفيت في صورة محاسب

إطلع من دول يا شيف شربيني !!

هتصدقنى؟ لو قلتلك انه أول مرة أعمل الاستاكوزا ... وما تفرقش انت ايه .. المهم تفكر فى الموضوع بمنطقية وانت عندك فكر عن الأصناف وكيف يمكن الوصول لأحسن صيغة منها .. قلتلك قبل كده نحن ولا مؤاخذة أكثر من 120 طبق مأكولات بحرية مختلف حسب الاحصائيات فى عام 2005 ..

[بندق أفندى]

اخ بندق

في الصورة نمبر تو فيه على اطراف الطبق حاجة كده محشية وملفوفة عاملة ذى الممبار لامؤاخذة ممكن تقولى هى ايه؟ معلش اصلى انا جهلة شويتين بالمأكولات البحرية غير السمك البلطى والمكرونة والجمبرى وبس

ويا ريت تخف علينا شوية عشان انت عقدتنا بالاكل ده

وتسلم ايدك

معها حبار محشى بلحم مقدد

حضرتك ده مكتوب فوق الصورة .. وده قصة لوحده ومحتاج موضوع ..

السمك والمأكولات البحرية أسهل وأسرع مليون مرة من الأكلات الأخرى وطبعا أصح .. ودى كانت آخر أكلة بمناسبة الاجازة المطبخية .. عشان الاستفزاز حضرتك .. وده اللى خلانى ما أحطهمش فى أكلة واحدة والا كنت انطردت من المنتدى :wub:

[osmel33]

الأخ بندق أسمح لى أن أرفع لك القبعة احتراماً وتبجيلاً :wub:

بصراحة أنا متابع مواضيعك الفنية فى المطبخ وأخوك برضه غاوى موضوع الطبخ ده لأنى عشت

كتير لوحدى بس بصراحة أنت شغلك على مية بيضة زى ما بيقولوا يعنى من أول موضوع شفتهولك

وأنا شايف بصراحة ان كل شغلك زى ما بيقولوا ديكيومنتد كله بالصور باسم الله ماشاء الله

وبصراحة أنا زى س س شاكك فيك أنت الشيف أسامه صح ؟ صح..... :lol:

[بندق أفندى]

الأخ بندق أسمح لى أن أرفع لك القبعة احتراماً وتبجيلاً :wub:

بصراحة أنا متابع مواضيعك الفنية فى المطبخ وأخوك برضه غاوى موضوع الطبخ ده لأنى عشت

كتير لوحدى بس بصراحة أنت شغلك على مية بيضة زى ما بيقولوا يعنى من أول موضوع شفتهولك

وأنا شايف بصراحة ان كل شغلك زى ما بيقولوا ديكيومنتد كله بالصور باسم الله ماشاء الله

وبصراحة أنا زى س س شاكك فيك أنت الشيف أسامه صح ؟ صح..... :lol:

والله يا أوسميل بيك من زمان كنت بأطبخ .. بس لما جربت أصور وطلعت الصور حلوة قلت ليه ما تتوثقش .. وفى المنتديات تعتبر توثيق كمان عشان أرجع لها فى وقتها .. خصوصا وفيه حد بيلح على أعمل كتاب فى الطبخ .. وانا شايف انها طول ما هى هواية ممتعة .. بعد ذلك هتتحول لعبء لو كانت حرفة .. حتى لو كتاب ..

[osmel33]

بس انت برضه الشيف أسامه....... :wub:

[بندق أفندى]

بس انت برضه الشيف أسامه....... :blush2:

لا يا عم أسامة شطور خالص .. خصوصا زمان أكتر من دلوقتى

[dongol]

هي الكريمه دي عبارة عن ايه اوعي تطلع بشاميل

ولو جاهزة الواحد يلاقيها فين

[بندق أفندى]

هي الكريمه دي عبارة عن ايه اوعي تطلع بشاميل

ولو جاهزة الواحد يلاقيها فين

الكريمة يا عم دنقل .. هى القشطة .. يا تلاقيها طازة من اللى بتتباع فى عبوات صلاحيتها 3 أيام أو طويلة الأجل ودى منها أنواع كتير جدا