اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×
Red Horse

الى الراغبين العمل بمجال الكمبيوتر فى كندا

Recommended Posts

بمناسبة التخصيص وليس الخصخصة  اردت ان يكون هذا الباب  ليستفيد منه قطاع  الراغبين أو ربما أولئك  العاملين فى مجال الكمبيوتر وتكنولوجيا المعلومات  بكندا على أمل ان يضيف ذلك  نافذة أخرى  يدلى من خلالها  كل صاحب تجربة من الأخوة أصحاب التجارب بدلوهم ليفيدوا وربما يستفيدوا...وبما أننى أول الجاهلين والمستفيدين من هذا الموضوع فسوف ابدأ بما يدور فى خاطرى وبالتأكيد فى خواطر آخرين لهم ذات الاهتمام

أخبرنى أحد اصدقائى من العاملين فى المجال انه قابل اخا مصريا لفت انتباهه عندما تعرف عليه انه اعطاه كارت عليه علم كندا وعلم منه انه لديه شركة كمبيوتر فى كندا ولها ايضا فرع هنا بالرياض وقد قال له ان قطاع الكمبيوتر فى كندا رغم كل شىء هو الأكثر تماسكا مقارنة بغيره ...وقد رتب لى صديقى موعد معه لكى أسأله عن تفاصيل اكثر ...ولكننى لم أقابله بعد .. والى أن يحدث ..دعونى أطرح بعض  تلك التساؤلات التى نرغب أن نطرحها هنا :

اى المجالات الأكثر رواجا السوفت وير أم الهارد وير  ماهى طبيعة  الوظائف الأكثر طلب ا وهل  شهادات ميكروسوفت أو أوراكل  أو غيرها من الشهادات  لها بكندا نفس أهميتها كما هنا بالخليج  وماهو الأهم هناك الخبرة أم الشهادة؟   وبماذا ينصحنا الأخوة من ذوى الخبرة من ناحية الاستعداد للعمل بوظيفة من هذا النوع ؟ هل يكون الاستعداد قبل القدوم ؟ أو القدوم أولا والاستعداد من هناك ؟

آمل أن تكون ردود الأخوة من النوع المفصل كما عودنا عم فرى وليس كلمتين وبس من بتوع فؤاد المهندس وياريت لو تكون هناك انفتاحية أكثر وصراحة خاصة عند التحدث عن مسمى الوظيفة والصعوبات التى يمكن مواجهتها .

شارك هذه المشاركه


رابط المشاركه
شارك

الأخ نايس جاى

هل يمكن ان تعطينا تفاصيل اكثر عن الدبلومة اللى سعادتك ناوى تاخذها  ايه محتواها ومين اللى نصحك انك تسلح نفسك بيها وعلى اى اساس  ياريت تشاركنا طالما ان ليك نفس الاهتمام ...خلونا نحس ان ممكن يكون عندنا نجاح جماعى زى ماعندنا نجاح فردى

....

ياترى انت فين دلوقتى يادريم ... انتى اللى كنت هاتسعفنا !!!

شارك هذه المشاركه


رابط المشاركه
شارك

مجال الكومبيوتر فى كندا .. شبه مضروب

فاعدة عامة .. عندما فى مجال ما يسألونك عن الخبرة الكندية .. تعرف ان المجال ده مضروب ..و ان لديهم عروض كثيرة .. و انهم مستغنيين

الخبرة علمتنى .. انهم لما بيكونوا مزنوقيين .. بياخدوك و لو كانت خبرتك بيزنطية

شارك هذه المشاركه


رابط المشاركه
شارك

وانتى فين تلاقى خبرة بيزنطية ياعم فرى  دلوقتى  ماهى كمان نادرة !!

انا اعتقادى انه اذا كان فعلا مجال الكمبيوتر مضروب  بكندا ممكن يكون صحيح بس الى مستوى معين .. لأن فيه مستويات اعلى ومتقدمة أظن ان عليها طلب ...أنا طبعا باتكلم عن فئات المبرمجين والمحللين وانت طالع  ... حتى لغات البرمجة  والتقنيات المحيطة  لها المستخدمة من قبل تلك الفئات فى تغير مستمر ... والشاطر اللى يلحق الحاجة دى  فى أولها  ..

شارك هذه المشاركه


رابط المشاركه
شارك

صح ..  (احتمال) كبير ان كلامك صح .. مثلا الأنيمشان ( الرسوم المتحركة) .. احتمال  .. جايز .. و جايز لأ ..

انا سمعت ان فية ناس هنا شغالة من منازلهم .. بيتعرفوا على الشركات .. و يعملولهم انظمة و برامج و كدة .. بس لم اجرب بنفسى

على فكرة انا 20 سنة خبرة .. تحليل نظم و برمجة .. و على فكرة كمان .. جايز اللى سنهم اصغر و خبرتهم اقل .. تكون فرصتهم احسن

لأن حالاتى بيسموهم أوفركواليفايد .. و مش معقول اقدم على شغلانة مدير .. او محلل نظم اول .. اللى هو برضة مدير .. و جايز لما اخذ الجنسية يكون عندى فرصة فى الحكومة  .. او فى أمريكا .. التى يقال ان الأوضاع بها شكل ثانى ..

Edited By freefreer on مارس 13 2002 01:01am

شارك هذه المشاركه


رابط المشاركه
شارك

عم بايت... ألف حمدالله على السلامة .. ومبروك انك بتكتب عربى دلوقتى ...بس ياريت سعادتك تكتب لنا بتفصيل اكثر عن كل واحدة  من دول الله يرضى عليك علشان الكل يفهم ...وهل برضه محتاجة للخبرة الكندية ولا الخبرة البيزنطية تمشى !!

واحنا كلنا أمل انك تنورنا  ...والف شكر على مساهمتك

شارك هذه المشاركه


رابط المشاركه
شارك

ياعم فرى ...بقه تبقى معانا وسايبنا ندور بره ... يعنى سعادتك فى المجال برضه ..وطب ايه اللغات أو الأدوات اللى الى كنت بتستخدمها ...وفكرة جميله ان ممكن الواحد يشتغل من منازلهم ... ماشيه عندنا هنا فى الرياض اوى ..يعنى انا كنت معتمد عليها اكثر من الوظيفة بتاعتى ...يعنى انا لو جيت كندا هاسيب وراىا شبكة كبيرة من الشركات والعلاقات اللى كنت عاملهم برامج ... بس انا اول مرة أعرف ان ده كمان موجود فى كندا ...على اى الأحوال  احنا محتاجين ان تكون سفرنا الى كندا نقلة نوعية مش بس فى طريقة الحياه اللى احنا بنتمناها ولكن بصفة أساسية فى تطوير قدراتنا وخبراتنا فى المجال اللى احنا شغالين فيه ... حتى لو اخدنا الحنين تانى نرجع لمصر يبقى وضعنا متميز شوية ...انا بتكلم على الناحية المهنية مش اكثر

شارك هذه المشاركه


رابط المشاركه
شارك

على فكرة .. شبكة العلاقات بتاعتك ممكن تفيدك جدا.. على اساس انك تتطلع على احدث التكنولوجيا هنا ( خاصة الأنترنت) .. و تعمل سوفتوير .. تبيعهولهم هناك .. و تقبض هنا .. يعنى تشتغل على الخليج برضة من هنا

احنا فى الكويت كنا شغاليين على جهاز ممتاز AS400 ..

بس بالجاز يعنى كوبول .. و دة غير مطلوب هنا بالمرة .. و انا حاليا ابعد ما يكون عن مجال الكومبيوتر .. يعنى بطلت ادور من زمان عن وظائف فى هذا المجال

Edited By freefreer on مارس 14 2002 02:28am

شارك هذه المشاركه


رابط المشاركه
شارك

بالنسبة للAS/400فمازال شغال حلاوة ، وان كان اتغير اسمه وبقي I-Series وتطور بشدة ويمكن تشغيل اي لغة عليه الآن.

بالنسبة لسوق العمل بالكمبيوتر: انا بقالي 18 سنة شغال مع الهباب ده ، وعملت بمصر والسعودية وكندا وامريكا ، ولا يوجد فرق كبير بين اسلوب العمل في الكمبيوتر في اي من هذه البلاد، يمكن حتي تلاقي ان ال work load عليك اقل في كندا وامريكا ، والخلاصة : ان كان مستواك متقدم في مجال الكمبيوتر في مصر سيكون متقدم في كندا ايضا. والخبرة الكندية شرط مهم ، لكن بمبدأ ال Sale  الذي يعشقه الكنديين، تتغاضي بعض الشركات عنها للحصول علي عمالة رخيصة من المهاجرين الجدد. ولكنهم يشترطوا ان يكون عندك خبرة من اي بلد اخري ان شالله بيزنطبة علي رأي فري، وسيقوموا بالاتصال بجهة عملك في مصر للسؤال عن خبرتك{طبعا اللي هايرد عليهم المفروض يكون بيعرف انجليزي وفاهم كمبيوتر ، ما تفضحوناش}

اما بالنسبة للخبرات الثي ذكرتها بمداخلتي السابقة، فهي الخبرات التي لها الصدارة في سوق الكمبيوتر في كل بلاد العالم لمدة كام سنة قدام ، فيوجد حرب بين مايكروسوفت و {الآخرين} والآخرين تشمل شركات عملاقة مثل IBM {هي وحدها اكبر من مايكروسوفت} و سان مايكروسيستمز و HP  و اوراكل .. الخ. الشركات المتحالفة تسوق بحرارة ل ,Java, JSP, J2EE,  اما مايكروسوفت فنازلة بتقلها علي Microsoft.net واللغات المستخدمة معها  VB.net, C#   . الجهتين يستخدموا XML, XSL كوسيلة تبادل البيانات المفضلة، بالاضافة للUML للتصميم وهذه الادوات مثل الجوكر فوق الكل بغض النظر عن ال Platform

ملحوظة : سوق العمل في كندا وامريكا ، عموما ، في اسوء حالة من عشرين سنة، ولكنه ما زال احسن من سوق العمل بمصر

شارك هذه المشاركه


رابط المشاركه
شارك

عزيزى بايت

اتمنى ان يكون عندى 18 سنة خبرة فى الهباب ده !!  بس  تكون فى كندا او امريكا مع العلم اننى احسدك على هذه الخبرة ....ولو تسمح لى عندى بعض التساؤلات على الخبرات التى ذكرتها فوق ...

ملاحظ ان التركيز كله على البرمجة للويب ..هل هذا صحيح ؟ ثانيا هل واحدة فقط  تكفى من تلك الخبرات التى ذكرتها ام يجب الجمع بين اكثر من واحدة...يعنى واحد مثلى خبرتى .. اذا كنت هاقول عليها خبرة محصورة اكثر شىء فى الفيجوال بيسك  وده عملت بيه تطبيقات كتيرة هنا  مثل المحاسبة والشئون الادارية ومراقبة الأصول وادارة المخزون والشقق المفروشة والفنادق والمراكز الصحية الخاصة  وغيرها الكثير ..

وسؤالى ماهى الأشياء المفقودة عندى والتى يجب ان اركز عليها  اكثرحتى يمكننى أن احصل على فرصة عمل مبدأية  فى حدود تلك الامكانيات

ارجو منك نصيحة اخوية  ..    ولك خالص الشكر والامتنان

شارك هذه المشاركه


رابط المشاركه
شارك

الموضوع مش ويب بالمفهوم الضيق {انترنت} ولكن بالمفهوم الواسع والذي يشمل ال e-buisiness للتعامل مع العملاء والموردين و الportability حتي يمكن استخذام النظام من اي مكان ومن اي platform

اما ال VB فما زالت شغالة كويس قوي ، ولكن حيث ان مايكروسوفت نزلت ال  VB.net  وهي object progrmming language  لتحل محل الVB  وهي traditional language  يبقي يكون من الافضل لو تاخد خبرة فيها . اما ال XML  , وال XSL  فهما مش شغلانة في تعلمهم وما ياخدوش معاك شهر هما الاتنين ويمكن اقل لو بتعرف HTML كويس

اما بخصوص الاشياء المفقودة عندك، فانا لا اعرف من خبرتك سوي ال VB  حتي اقدر احكم

بالنسبة لان معظم الشغل في تطوير النظم ، فهذا حقيقي ، تفتكر اي شركه هاتحتاج كام واحد help desk او Sys. admin.  ؟

ماقولتليش، انت جيت كندا ولا لسة؟ ان لم تكن وصلت بالسلامة حتي الآن، انصحك الا تأخذ شقه بعقد سنوي حتي تحصل علي وظيفة ، حيث انك لا تضمن اين ستأتيك هذه الوظيفة، حاول تسكن مع حد او اجر شقة بايجار شهري{ الايجاريكون اعلي بس احسن من الريطة} ، واول وظيفة تجيلك اشبط فيها مهما كان المرتب. يستحسن ان تقدم علي الوظيفة التي تجيدها اكثر{VB. developrt }

شارك هذه المشاركه


رابط المشاركه
شارك

عزيزي بايت

أنا مترجم متخصص في تعريب برامج الكمبيوتر أيا كانت سواء  أو حتى (CRM &ERP)(Drivers) أو والهيلب والمانوال وكذلك تعريب مواقع الانترنت

وتخصصي في التعريب يشمل مثلا تعريب مانوالز الطابعات واخر شغل لي كان في مانوالز لكسمارك وإتش بي

هل التعريب مطلوب عندكم؟ لأنني بشوف برامج لشركات كندية في الخليج وبتكون الشاشات كلها متعربة (Screens, forms and reports)..فهل تفتكر ممكن يحتاجوا واحد زيي؟ أو صادفك شيء مشابه؟

فأنا لست مترجم تقليدي أترجم روايات أو قصص . ولكن علاقتي مرتبطة بالكمبيوتر والانترنت ارتباط وثيق

شارك هذه المشاركه


رابط المشاركه
شارك

لا لا لا ، انس الوظايف التي تعتمد علي الترجمة، فكندا بها دشليون جنسية عربية، والوظائف التي تعتمد علي الترجمة الي العربي  اقل من محدوده _ شبه معدومة ، فرصتك   VB. developer  اكثر الف مرة ، وهاتفتح امامك مجالات اكتر بعدين. حاسس انك لسة مبتدئ في الVB وده سر تخوفك ، يبقي تركز علي ال VB الكام شهر الجايين وبعدين تتوكل علي الله و تجمد قلبك. واعتبرها خطوة لتغيير الكارير ، هاتقرفك سنة، ولكن هاتجني ثمارها فيما بعد.

لو قدرت تحتفظ بوظيفتك لمدة 9 اشهر ثم استغنوا عنك واخذت اعانة البطالة، فمن حقك اخذ كورسات علي حساب الحكومة

شارك هذه المشاركه


رابط المشاركه
شارك

عزيزى بايت

متهيأ لى كأنك خلطت فى ردك السابق بينى وبين اخى مصراوى ..الذى يعمل كمترجم ..صح ولا انا غلطان ؟.بالنسبة للفيجوال بيسك انا مش مبتدأ قوى زى ماتفضلت ..انا من عشر سنين تقريبا شغال فى هذا المجال ولكن خبرتى متفرقة : شوية بالشبكات وشوية  تروبل شوتير  وأحيانا هاردوير  بالاضافة الى ان عندى خلفية اكاديمية قوية عن النواحى المالية لأننى بالأصل خريج تجارة   ولكن تركيزى الأكبر دائما كان على البرمجة  من قبل أثناء الدوس  كنت استخدم الكليبر  ومن بعده الاكسيس ومن اربع سنوات تقريبا استخدم  الفيجوال بيسك   .لاأشعر بأى صعوبة مع الشغل بيه واستطيع ان  اعمل بيه اى حاجة بتنطلب منى ... لكن خلينى اوضح لك بعض نقاط الضعف اللى انا حاسس بيها ... هناك بعض المواضيع فيه لم اتطرق ليها مثل الكوم ومايتعلق بالويب . بالاضافة الى اننى لم اعمل ابدا من داخل تيم وورك .. غالبا كنت باشيل العمل لوحدى .

شارك هذه المشاركه


رابط المشاركه
شارك

فعلا انا خلطت بينكم ، آسف علي ذلك. الخبرات التي ذكرتها ستمكنك ان شاء الله من ايجاد فرصة عمل مناسبة. المشكلة الوحيدة اللي هاتقابلك ان السوق نايم قوي. يعني انا مثلا لما كنت باحب اغير شغل لغاية سنة 2000 كانت الشركات بتتخانق عليا واحيانا كانوا بيعلوا المرتب علي بعض لاغرائي بقبول العقد ، ولا مارادونا في زمانه. دلوقتي انا بقالي سنة بحاول ادور علي شغلة تانية ، ماحدش بيعبرني ولا بيسئل فيا ولا حتي بيرد علي الريسوميز اللي بابعتها. اتمني ان السوق يكون احسن شوية علي وقت وصولك بالسلامة.

مش مهم انك تكون عندك فكرة عن الدوت كوم علشان تلاقي شغل، بعدها تبقي تتعلم. اما مسألة انك لم تعمل في تيم من قبل فما تجيبش سيرتها، وقول انك بترتاح في الشغل مع تيم او مستقل. وعلي فكرة الشغل مع تيم اسهل.

ياتري عندك فكرة عن com objects ؟ دي مهمة جدا بالنسبة لمبرمجي الVB . ايضا اعتقد انك اشتغلت مع الSQL server واي database  اخري {{oracle or DB2 ان كنت عملت بها اكتبها في الريسوميه. لا تترك شئ. والريسوميه كلها يجب اعادة كتابتها علي الطريقة الكندية من دلوقني لتوفير الوقت عند وصولك. يمكنك النقل من الريسوميز اللي موجودة عالانترنت

فيه حاجة يمكن انت ماتعرفهاش ، ان معظم الكنديين ماعاهمش بكالوريوس، وانت بكدة بيبقي عندك ميزة عنهم.

شارك هذه المشاركه


رابط المشاركه
شارك

انا آسف يا مصراوي اني خلطت في ردي السابق  بينك وبين ريد هورس ، لكنها مناسبة ان اشرح لك وجهة نظري. في الاغلب انك هاتضطر تنسي وظيفة الترجمة. وغالبا هاتشتغل اول سنة نظام بترو كندا وما شابه لغاية ماتغير الcareer . ولازم تدرس ان كنت عايز محصلة وجودك بكندا يكون ليها معني. لازم يكون عندك خطة واضحة من اول يوم علشان ماتمرش بتجربة الناس اللي قعدت في كندا اربع سنين لغاية ما اخدوا الجنسية وبعدين رجعوا مصر وهما بيدعوا علي كندا. فهي فعلا بلد جميلة وبتديك فرصة تعمل اللي انت عايزه، مثلا لو امضيت سنتين في نفس المحافظة، يمكنك الحصول علي student loan يغطي مصاريف دراستك وحياتك لمدة سنتين ويسدد علي 10 سنوات

شارك هذه المشاركه


رابط المشاركه
شارك

"ياتري عندك فكرة عن com objects ؟ دي مهمة جدا بالنسبة لمبرمجي الVB "

هيه دى يابيه  الكوم اوبجيكت  من الحاجات اللى بقول ساعاتك انها من المواضيع التى لم اتطرق اليها بس ممكن دلوقتى  اركز عليها  ... عندى الوقت ..  والاس كيو ال سيرفير برضه دخلت فيه كويس ... حضرتك كده  قدرت تقرب  لى المسافات شوية بشوية  .. فيه مواضيع تانية  مباشرة ممكن  تنصحنى بيها زى الكوم اوبجيكت كده

شارك هذه المشاركه


رابط المشاركه
شارك

انا افتكرتك تقصد الدوت كوم مش الكوم اوبجكتس ، ولو لقيت عندك وقت باقي خد فكرة عن ال XML ، مش هناخد معاك وقت

ياتري عندك فكرة عن ال OOP؟ وتعرف ثقرأ ال UML ؟ خد فكرة سريعة

عادة مبرمجي ال VB بيكتبوا ASP كمان ، بس دي ممكن تاخد معاك وقت شوية، يعني ممكن تخليها لبعدين علشان انا متخيل قلق السفر ممكن ما يخليكش ثركز.

علشان انت بنفسك تفهم "تواليف" الخبرات هنا ، زور مواقع الوظائف وابحث عن وظائف  مبرمجي الفي بي.

اكبر مشكلة كما قلت لك هي ان نزلت علي اونتاريو وجالك شغل في البرتا ، هاتخلص من الشقة ازاي؟ انا تعرضت لهذا الموقف واعطيت لصاحب الشقة 3 اشهر ايجار كتعويض علشان مايقاضينيش ، وماكانش عاجبه.

بالاضافة لشهادة الكلية، هات معاك شهادة التقديرات مترجمة ومعتمدة {شاملة المواد والتقديرات للاربع سنوات} ، دي اهم من شهادة الكلية

شارك هذه المشاركه


رابط المشاركه
شارك

Join the conversation

You can post now and register later. If you have an account, sign in now to post with your account.
Note: Your post will require moderator approval before it will be visible.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • محاورات مشابهه

    • نقص المتابعة سيؤدي لإفشال التحول الرقمي و العمل عن بعد

      التقدم في إستعمال تقنية المعلومات  إنجاز ما بعده إنجاز ما سبق كان إستهلال لابد منه ولكن ذلك لا يعني أن المسئولين - يحطوا إيديهم في جيوبهم و خلاص - و الكومبيوتر بيشتغل لوحده  حاجة كدة زي المخابز الألية ! الأمر يحتاج  لمتابعة و مراقبة مستمرة ما معني إن تليفونات قسم الإشتراكات في المركز الرئيسي للأهرام - ٦ أرقام - لا أحد يرد عليها رغم عشرات المحاولات ما معني أن رقم الدعم للبنك الأهلي المصري  - كل الخطوط مشغولة  حاول في وقت آخر مع السلامة -  ما معني إن شاشة البنك الأهلي

      في سياسة داخلية

    • التعليم و العمل .. عن بعد

      تصلني يوميا جريدتي الأهرام و المصري اليوم  … الموزع يلقيهم في البلكونة  الساعة ٤ صباحا  و مع وجبة الإفطار في الصباح أكون قد تصفحت الجريدتين ؛ الأمر يستغرق أقل من ربع ساعة  أشعر بالغيظ من المحتوى  أنه أقرب إلى طق الحنك كما يقول الشوام …  اليوم وجدت مقالا جيدا للدكتور مصطفى الفقي في جريدة الأهرام  فعلا  الدهن في العتاقي  إليكم المقال بالنص :  رغم الأسئلة الحائرة والأخبار الغامضة حول ذلك الفيروس الذي لا يرى بالمجهر إلا بصعوبة، والذي ألزم البشرية كلها بأن تقبع في بيوتها، وأن تغير برامجها ا

      في مختارات من الصحف

    • بريطانيا بعد الهجوم الاليكتروني على حزب العمل .. ديموقراطيتنا في خطر

      الانتخابات العامة في بريطانيا يوم ١٢ ديسمبر ؛ و يوم الإثنين و الثلاثاء تعرض حزب العمل لهجومين اليكترونيين  … و الآن الحديث عن ضرورة تحديث النظام الانتخابي السائد ليلحق القرن الحالي و مازال هناك الكثير الذي سيقال عن تدخلات اجنبية غير مشروعة في انتخابات ٢٠١٦ و ٢٠١٧

      في  فى الثقافة و العلم

    • تغيير المهنة قبل الحضور للملكة لزيارة العمل

      السلام عليكم جميعا انا جالي شغل بالمملكة و لكن بفيزا زيارة عمل مش بفيزا عمل. بعيد عن كل شئ حاليا انا محتاج اغي المهنة بالباسبور من كيميائي الي مهندس نظم جودة  طبعا معيش عقد عمل و لكن معايا عرض وظيفي خارج من الغرفة التجارية بالرياض و موثق منها و من الخارجية السعودية  ازاي بقي هغير المهنة؟ ثانيا هل لازم اوثق شهادة التخرج قبل زيارة العمل؟   

      في المغتربين المصريين - egyptian expatriates

    • منقول ٠٠ ربما نتجنب النصب باسم العمل الخيري

      منقول للتوعية فقط وعلي شان تعرفو فنون النصب وصلت الي مستوي احترافي صعب التكهن به ولازم المتبرع يكون عارف فلوسه رايحه فين بالضبط في رمضان 2017 كنت بصلي الظهر في المسجد ، بعد الصلاة لقيت راجل فلاح شكله مبهدل على الاخر ، جالي وهو بيعيط وماسك في ايده أوراق بتاعت محكمة !!  قال لي يا شيخ أنا مديون وعليا قضايا والحكومة جات تاخدني ، وبقالي 3 أيام هربان من البيت ومش لاقي مكان أبات فيه ، وماشوفتش عيالي من أول رمضان !! * طبعا أي حد اشتغل في الأعمال الخيرية في مصر وصل لحالة من اليقين إن 99% من الحال

      في التكافل الأجتماعى

×
×
  • اضف...