لعبة كلنا نشترك فيها

[مغتربة]

أعطينا عشر مواقع من قائمة المفضلة في الإكسبلورر favorits

1 العربية نت

2 الجزيرة نت

3 ايلاف

4 مصراوى

5 المكتبة العربيه

6محاورات المصريين

7 منتديات الحصن النفسى

8 جريدة المصرى اليوم

9 بوابه الاهرام

10 ارقام

و سؤالى

هل فيه حاجه معينه بتتشائم منها و ايه هيا

[emano]

أعطينا عشر مواقع من قائمة المفضلة في الإكسبلورر favorits

1 العربية نت

2 الجزيرة نت

3 ايلاف

4 مصراوى

5 المكتبة العربيه

6محاورات المصريين

7 منتديات الحصن النفسى

8 جريدة المصرى اليوم

9 بوابه الاهرام

10 ارقام

و سؤالى

هل فيه حاجه معينه بتتشائم منها و ايه هيا

لما احد يشوف حاجه حلوه عندى وميقلش مشاء الله

لوملك الموت قلك انا جاى بكره اقبض روحك ايه الحجات الى حتعملها بسرعه قبل ميجى

[سهل جدا]

لوملك الموت قلك انا جاى بكره اقبض روحك ايه الحجات الى حتعملها بسرعه قبل ميجى

سؤال صعب ..

في الغالب هاسافر لمصر عند أمي الحبيبة وأبرها

لا أعرف عملا أعظم عند الله من بر الوالدين... هكذا قال ابن عباس رضي الله عنه .

سؤالي:

ترجم هذه الجملة :

Mr open the door write his book on inin

[Emo]

ترجم هذه الجملة :

Mr open the door write his book on inin

يفتح السيد الباب ويكتب كتابه على انان...(الوافي)

وقال فتح الباب على كتابة كتابه inin...(جوجل الأهبل.. :blink:

أعترف يياستاذ سهل كتب كتاب اي سيد بالظبط ..!!

ده فيها باب وحركات..وبعدين ده منظر اسم انثى..!!

سؤالي..

لو دخلت سوبر ماركت وقلولك في خلال 3 دقايق اي حاجة هتخدها مجانا..

اي الحجات اللي هتخدها..!!

[سهل جدا]

يا جماعة دي ترجمة سهلة خالص , بس فيها شوية حركات

Mr open the door write his book on inin

الترجمة:

الأستاذ (فتح الباب) كتب كتابه على (في في)

يعني واحد إسمه فتح الباب كتب على واحدة اسمها فيفي :blink:

سؤالي..

لو دخلت سوبر ماركت وقلولك في خلال 3 دقايق اي حاجة هتخدها مجانا..

اي الحجات اللي هتخدها..!!

ما خف وزنه وغلا ثمنه

هاخد كل الحجر الألم

تحديدا energizer

سؤالي:

إيه آخر كتاب قرأته ؟؟

تم تعديل 23 فبراير 2009 بواسطة سهل جدا

[ام بودى]

إيه آخر كتاب قرأته ؟؟

الحقيقة انا بحب القراءة لكن ممكن اقرا اكتر من كتاب فى نفس الوقت يعنى اقرا فى كل واحد شوية على حسب الموود اخر حاجة تصفحتها شوية( الرحيق المختوم ) سؤالى اذكر افضل عشر محطات فضائية تشاهدها

[Emo]

اذكر افضل عشر محطات فضائية تشاهدها

العفاسي

الحياة

ال mbc1\2\3\4 أكشن و ماكس

فتافيت

مسايا

سؤالي..

أزاي الواحد ممكن يظبط نومه..!

[osmel33]

سؤالي..

أزاي الواحد ممكن يظبط نومه..!

ممكن بس يظبط صحيانه بعمو المنبه :blink:

وبخصوص سيرة النوم والذى منه

لو عايز تفصل حلم على مقاسك تحب تحلم بأيه ؟

[moslemah]

سؤالي..

أزاي الواحد ممكن يظبط نومه..!

بصى يا ستى ..هتحتاجى انك تطبقى يوم..يعنى تفضلى سهرانه لغايه الصبح..

ويا سلام بقى لو كان عندك حاجه وراكى مضطره تعمليها و مش هينفع تقولى لنفسك (مش مشكله ممكن اعملها يوم تانى لما اكون فايقه)

ممكن تخرجى كمان مع اصحابك ..تتمشى تروحى دريم..يعنى م الاخر تتعبى نفسك اليوم ده..

لو روحتى البيت بعد كل ده..ولقيتى حد من قرايبك فى زياره عندكوا و مينفعش تسيبيه و تدخلى تنامى..اقعدى اسهرى معاهم..

هتيجى للساعه 11.30

بالليل عينيكى حمراااااا..واحتمال تكونى تعبانه مرهقه شويه يعنى...

طبعا دلوقتى هتقولى ادخل انام بقى...

لالالالالالالالالالالالالالالاء لسه حبه

ادخلى خدى شاور دافى يريحك و يهديكى..و كوبايه نعناع او ينسون..

احم ..احم..بعد كده لو عايزه تنامى اتفضلى بقى..

مساؤك سكر

سؤالى..

التسامح ..معناه انك تعدى الموقف اللى حصل و خلاص ..

ولا معناه انك تكون نفسك صافيه..وبتكون دى اعلى درجات التسامح

[ام بودى]

لو عايز تفصل حلم على مقاسك تحب تحلم بأيه ؟

احلم بفرح اختى سؤالى هل تحاسب نفسك كل ليلة وتجدد نيتك مع اللة

[ريحانة]

سؤالى هل تحاسب نفسك كل ليلة وتجدد نيتك مع اللة

بتكلم مع ربنا اغلب الليالى "مناجاه "

بمعنى بفضل اقول يارب حصل النهاردة كذا وكذا

ومبررات واسباب واستغفار واعتذار وشكوى ودموع وحمد وابتسام ثم نوووووووووم

سؤالى..

التسامح ..معناه انك تعدى الموقف اللى حصل و خلاص ..

ولا معناه انك تكون نفسك صافيه..وبتكون دى اعلى درجات التسامح

انك تسامح هو ان قلبك يصفى تمااااااااما بجد

مش كلام والسلام

بس لو مقدرتش حاول تفتكر ان انت كمان اكيد مزعل ناس كتير وتتمنى لو يسامحوك

ولو مش مزعل حد

يبقى اكيد مزعل ربنا ونفسك يعفو عنك

وافتكر ان الدنيا مهما طالت متستهلش انك تشيل فى قلبك زعل لحد

مفيش فايدة خالص وبرده زعلان يبقى سامحه بالكلام

على الاقل متزودتش الفجوة بينكم

سؤالى

بتفكر فى ايه اللحظة اللى قبل ما تنشغل فى مواضيع المنتدى

يعنى اخر خاطر جه على بالك قبل ما تقرا السؤال ده؟

[الباشمهندس ياسر]

سؤالى

بتفكر فى ايه اللحظة اللى قبل ما تنشغل فى مواضيع المنتدى

يعنى اخر خاطر جه على بالك قبل ما تقرا السؤال ده؟

اخر خاطر جه ع بالى قبل ما افتح المنتدى دلوقتى

انى اتصل اسلم على اهلى رغم انى مكلمهم الظهر تقريبا

سؤالى.....

اقرب هدف نفسك تحققه ... هو ايه؟

[ريحانة]

سؤالى

بتفكر فى ايه اللحظة اللى قبل ما تنشغل فى مواضيع المنتدى

يعنى اخر خاطر جه على بالك قبل ما تقرا السؤال ده؟

اخر خاطر جه ع بالى قبل ما افتح المنتدى دلوقتى

انى اتصل اسلم على اهلى رغم انى مكلمهم الظهر تقريبا

سؤالى.....

اقرب هدف نفسك تحققه ... هو ايه؟

اتعلم تنمية بشرية كويس اوى

وده شغلى الشاغل الايام دى

عمرك حسيت ان الكلام عاجز؟وأمتى؟

تم تعديل 23 فبراير 2009 بواسطة ريحانة

[الباشمهندس ياسر]

عمرك حسيت ان الكلام عاجز؟وأمتى؟

بحس ان الكلام عاجز ف اوقات .... زى

لما تتناقش مع حد حوالين اطروحة معينة و بعدين الاقيه قبل الموضوع لخناقة

و كمان

لما احس ان حد عمل معايا واجب .. بحس بعجز الكلام عن انى اشكره

كمان

بحس اوقات ان الكلام عاجز عن التعبير عن بعض الاحاسيس

سؤالى .....

طلعت ..ى ف عمرك بكام صداقة؟؟

[اسماعيل امين]

سؤالى

بتفكر فى ايه اللحظة اللى قبل ما تنشغل فى مواضيع المنتدى

يعنى اخر خاطر جه على بالك قبل ما تقرا السؤال ده؟

اخر خاطر جه ع بالى قبل ما افتح المنتدى دلوقتى

انى اتصل اسلم على اهلى رغم انى مكلمهم الظهر تقريبا

سؤالى.....

اقرب هدف نفسك تحققه ... هو ايه؟

اتعلم تنمية بشرية كويس اوى

وده شغلى الشاغل الايام دى

عمرك حسيت ان الكلام عاجز؟وأمتى؟

عندما تكون الظروف (الامكانيات الماديه والمعنويه )غير كافيه لتحقيق ما ارغب فيه

سؤالي

ما الشئ الذي تخشاه مستقبلا ولماذا ؟

[ريحانة]

سؤالى .....

طلعت ..ى ف عمرك بكام صداقة؟؟

ياااااااااه صعب السؤال

صداقة كويسة ولسة بنتصل ببعض كل شهر او اكتر

حوالى 3

صداقة حب مينفعش يفوقت يوم من غير صوتها

ونحس بعض

ونفهم بعض

واحدة

ما الشئ الذي تخشاه مستقبلا ولماذا ؟

لا شىء الحمد الله

راضية تماما ومطمنة ع الأخر

سؤالى

ايه رأيك عن الـ "self education"؟

وجربته قبل كده؟ولو جربته نجحت فعلا ؟وفى ايه؟

تم تعديل 23 فبراير 2009 بواسطة ريحانة

[الباشمهندس ياسر]

سؤالى

ايه رأيك عن الـ "self education"؟

وجربته قبل كده؟ولو جربته نجحت فعلا ؟وفى ايه؟

جميل جدا وطول عمرى بسمع عنه

بس محاولتش التزم بيه ف حاجة معينة

سؤالى .....

التفاؤل ف حياتك قد ايه؟؟

[alsaher]

بالنسبة للبقدونس والكزبره

ممكن نغرق بينهم بإننا نقطف ورقة ونفركها بالأصابع بعد كده نشم الريحة

بالنسبة لي بتبقى واضحه mf(

التفاؤل ف حياتك قد ايه؟؟

عادة متشائم نوعا ما

ونسبة لالتفاؤل تزيد وتنقص لكن بحدود 30 % فقط

بأحاول أكون متفائل لكن الظروف بتحتم علينا نظرتنا للأمور أحيانا

إيه البلدان اللي نفسك تزورها وليه ؟؟ 3 بلدان بس :sad:

[الباشمهندس ياسر]

إيه البلدان اللي نفسك تزورها وليه ؟؟ 3 بلدان بس mf(

عايز اروح مكه ... عشان اعمل عمره

عايز اروح المانيا ... عشان اشترى معدات م هناك

عايز اروح مصر ... بتاعت زماااااااان

سؤالى ....

اكتر حد بتحب تقعد معاه مين وليه؟؟

[ذهبية]

ما الشىء الذى تخشاة فى المستقبل؟؟؟؟

اصابتى بالمرض الخبيث لانة وراثة قوية جدا فى عيلتى وانا من الحالات الحرجة كما قول الاطباء واتمنى من الله ان يحمينى من الخبث و الخبائث والمرض الخبيث والا يحدث ما يتوقعة كل الاطباء وان اصاب بية فى حياتى

طلعت بكام صداقة فى عمرك ؟؟؟؟

حوالى تلاتة مع التعامل مع كل صديقة حسب شخصيتها المستقلة

من اكتر حد بتحب تقعد معاة و لية ؟؟؟

كانت امى الله يرحمها و

لية لانى كنت باحس بالامان و الحب و الصدر الحنين واتعلم منها الذكاء واللباقة وحب الناس

من بعدها لم اتمتع بصحبة احد مثلها ابداااا هى كانت اكتر واحلى

سؤالى

لما الدنيا تضيق بيك قوى وحاسس بالضعف قوى تختار مين و تروح لة ؟؟و لية ؟؟