fatfouta بتاريخ: 10 يناير 2009 تقديم بلاغ مشاركة بتاريخ: 10 يناير 2009 السلام عليكم ورحمة الله بركاته السؤال ده لاهل الخبرة من السيدات اللى بيشتغلوا ومقيمين فى الرياض وعندهم اولاد فى سن صغيرة انا يا جماعة المفروض انى انا هشتغل دوام واحد لغايت الساعة 3 او 4 مش عارفة وعندى اولادى سنهم 4 سنين وسنة ونص ابنى الكبير بيروح النرسرى لغايت الساعة 12 وبنتى طبعا معايا فى البيت طيب السؤال هو ان ممكن الاقى مكان فى الرياض ياخد بنتى من الصبح وابنى من بعد الساعه 1 مثلا ؟؟؟؟؟؟؟؟؟ وايه الاسعار؟؟؟ ربنا يخليكوا بسرعة عشانا انا المفروض ابتدى الشغل ومش عارفة اعمل اختكم محتاااااااااااسة وارجو سرعة الرد وجزاكم الله خير رابط هذا التعليق شارك المزيد من خيارات المشاركة
fatfouta بتاريخ: 10 يناير 2009 كاتب الموضوع تقديم بلاغ مشاركة بتاريخ: 10 يناير 2009 شكرااااااااااا لعدم الرد وشكرا للادارة على حفظ الموضوع رابط هذا التعليق شارك المزيد من خيارات المشاركة
بركة بتاريخ: 10 يناير 2009 تقديم بلاغ مشاركة بتاريخ: 10 يناير 2009 :sad: يا فتافيتو يا حبيبتي هل فيه حاجه في الدنيا تستاهل بهدلة أطفال صغار كده وحرمانهم من أمهم؟؟؟؟؟؟؟؟؟؟ دول في سن ولادي تقريبا وعارفه ايه هو السن ده هل انتي ممكن تستريحي وتحسي بانجازاتك ونجاحك على حسابهم ؟؟ كل اللي خاضوا التجربة دي تحملوا ضغوط غير عادية واطفالهم تحملوا مرارة بعد الام ماتزعليش مني أنا ليا عشم عندك :sad: أصل لما الموضوع بيقرب من الولاد في سن صغيرة ساعتها بتقلبو عليا المواجع حيث اني ربيت يتيمة الام وابي سافر وتركني لجدتي ولم يعوضني عن حضن امي ولا افتقادي لها اي حد ولا لعب ولا ................................................................................ قال الله تعالى في حديث قدسي ( أنا عند ظن عبدي بي فليظن بي ما شاء........... ) نستطيع تغيير حياتنا بهذا الحديث من الان مع الأخذ بالأسباب............ رابط هذا التعليق شارك المزيد من خيارات المشاركة
se_ Elsyed بتاريخ: 11 يناير 2009 تقديم بلاغ مشاركة بتاريخ: 11 يناير 2009 تحبي اشوفلك بيبي سيتر فلبينية بتعمل في هذا المجال بس هاتودي الولد عندها الشقة يعني مش هاتيجي تقعد هي معاكم ؟ وهناك حل أخر وهو إن لو مهنت زوجك تسمح بأستقدام شغالة فهاتبقى الضربة الأول في مصاريف الإستقدام اللي ممكن تبقى 10 آلاف ريال .. أما الراتب فممكن تلاقية من 800 إلى 1000 ريال شهرياً ... وهانصحك برضوا نفس النصيحة اللي قالتها الأخت بركه لكي .. ودي والله حالة شوفتها بعيني في واحد من معارفي كان شغال هو وزوجته مدرسينهنا وسايبين الولد طول النهار عند البيبي سيتر .. لحد الولد ما بقى عنده 4 سنوات .. و سوري يعني .. بيعمل حمام على نفسه ..لإن البيبي سيتر مش هاتحل محل الأم فبالتالي بتلبسه بامبرز عشان ترياح الجمجمة ... الشيء الأخطر إن الطفل من سن سنيتن المفروض إنه بيبدأ يتكلم كويس .. اخونا ده 4 سنوات وهو بيتكلم بطريقة كإن عليه عفريت .. لا منه عربي ولا منه هندي ولا فلبيني .. يعني تجمعي التلات لغات دول وتضربيهم في الخلاط ... وحليني بقى كام سنة عشان ترجع نفسية الطفل إلى وضعها الطبيعي ويتعلم حاجات بديهية زي كل الأطفال مثل قضاء حاجته والتعبير عن نفسه .. ممكن تكون ظروفكم تقتضي العمل .. لكن هناك أشياء يجب أن تكوني مستعدة للتضحية بها عشان ما ترجعيش تشتكي .. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
somayasaleh بتاريخ: 11 يناير 2009 تقديم بلاغ مشاركة بتاريخ: 11 يناير 2009 لو عايزه رأي الشخصي..... بلاش شغل خالص في البلد ده..... وخاصه ان اولادك صغار لسه حرام عليك تبهدليهم بالداده الفليبنيه او النرسيري وخاصه المرتب اللي ح تاخديه ... يادوب قد اللي ح تدفعيه في النرسيري او الشغاله انا بكلمك عن خبره عشر سنين في الرياض.... وكان اولادي اكبر من كده اقوللك عن تجربتي...... اولادي كانوا في مدارس انترناشيونال وجاءت لي فرصه عمل مدرسه في نفس المدرسه معهم...... بس حسبناها انا وزوجي .... لقينا المساؤي اكتر من المكاسب علشان كده لم اقبل الوظيفة وطبعا احنا اخدنا القرار ده بعد تفكير كبير.....وبعد مشاهدة اخوات مصريات بيشتغلوا واولادهم وبيتهم هم الي بيدفعوا التمن ياريت تعملي استخاره الاول عن قبولك العمل او لا... وربنا يوفقك لكل ما فيه الخير ان شاء الله لا تجبر الانسان و لا تخـــــــــيره ........ يكفيه ما فيه من عقل بيحيــــــره اللي النهارده بيطلبه و يشتهــــيه ........ هو اللي بكره ح يشتهي يغيـــــره معلومات تهم المسافر حديثا http://www.egyptiantalks.org/invb/?showtopic=76997&st=30 رابط هذا التعليق شارك المزيد من خيارات المشاركة
fatfouta بتاريخ: 11 يناير 2009 كاتب الموضوع تقديم بلاغ مشاركة بتاريخ: 11 يناير 2009 لو عايزه رأي الشخصي.....بلاش شغل خالص في البلد ده..... وخاصه ان اولادك صغار لسه حرام عليك تبهدليهم بالداده الفليبنيه او النرسيري وخاصه المرتب اللي ح تاخديه ... يادوب قد اللي ح تدفعيه في النرسيري او الشغاله انا بكلمك عن خبره عشر سنين في الرياض.... وكان اولادي اكبر من كده اقوللك عن تجربتي...... اولادي كانوا في مدارس انترناشيونال وجاءت لي فرصه عمل مدرسه في نفس المدرسه معهم...... بس حسبناها انا وزوجي .... لقينا المساؤي اكتر من المكاسب علشان كده لم اقبل الوظيفة وطبعا احنا اخدنا القرار ده بعد تفكير كبير.....وبعد مشاهدة اخوات مصريات بيشتغلوا واولادهم وبيتهم هم الي بيدفعوا التمن ياريت تعملي استخاره الاول عن قبولك العمل او لا... وربنا يوفقك لكل ما فيه الخير ان شاء الله اختى سمية شكرا على اهتمامك وردك وكمان نصيحتك وفعلا فى ظروف البلد دى انا كمان رايي من رايك والله :blink: :P اختك فاطمة رابط هذا التعليق شارك المزيد من خيارات المشاركة
سماسعد بتاريخ: 5 فبراير 2009 تقديم بلاغ مشاركة بتاريخ: 5 فبراير 2009 (معدل) :blush2: السلام عليكم انا هقولك علي اسعار الحضانات الحضانه بتاخد اولاادك في الوقت اللي انتي تحدديه يعني ممكن تودي بنتك وانتي رايحه الشغل وابنك باباه يوديه بعد مايخلص مدرسه بلنسبة للأسعار بيكون حسب المنطقه يعني لو سكنك في العليا بياخدوا علي الطفل الواحد500 ريال لو فترة واحده و750 لو فترتين ولو في المنفوحه هتلاقي مصريين كتير فاتحين حضانات في بيوتهم وانتي وشطرتك معاهم بس مش هيزودو عن 250 للطفل وومكن ياخدو عن ابنك 100 حسب اتفاقك معاهم وفاصلي علي قد ماتقدري ونصبحتي ليكي مدام عندكم سيارة وديهم في المنفوحه هيلاقو اطفال مصريين في سنهم يلعبو معاهم والحضانات هناك كتيرة قوي اتمني اكون افادتك دول المنطقتين اللي اعرف اسعار الحضانات فيهم وربنا يوفقك تم تعديل 5 فبراير 2009 بواسطة سماسعد رابط هذا التعليق شارك المزيد من خيارات المشاركة
شيماء حمدين بتاريخ: 15 فبراير 2009 تقديم بلاغ مشاركة بتاريخ: 15 فبراير 2009 عزيزتى فتافيتو حاسة بالحيرة اللى انتى فيها لكن هقترح عليكى اقتراح جربى توديهم حضانة تقريبا تلت تربع اليوم وطبعا الربع الاخر طبعا هتبقى رجعة من الشغل تعبانة ومفكيش دماغ لطلبات الاطفال والبيبى لو لاقيتى نفسك قدرة تقسمى نفسك على كل تلك المهام فافعليها ولكن باللة عليكى لاتحملى نفسك زنب هؤلاء الاطفال فى حال تقصيرك معهم فان كنتى تبحسى عن انجاز وتحقيق لل\ات فالاولى بة ابنائك فهم اعظم انجاز فى حياتنا.عندما ننظر اليهم فى نهاية الطريق لنجدهم شخصيات سوىة وناجحة. صدقينى ستشعرين بالفخر والانجاز اكثر من تحويش حفنة من الريالات سوف تطير مع اولعملية شوبنج اعزرينى ان كنت قاسية ولكن كلامى لوجة اللة واستطيع ان احتفظ بة ان لم يعجبك. مع تمنياتى بالتوفيق رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان