الاعلام الغربي والقضية العربية والفلسطينية !!!

[شاب مصري]

بمناسبة الإعلام الغربي..لدينا شغالة فلبينية وجامعية..عندما رأت ما تفعله إسرائيل في غزة اندهشت جداً جداً..وتعجبت كيف أن اسرائيل الدولة العظيمة المتحضرة تذبح الأطفال الفلسطينيين هكذا ولما جرجرتها في الكلام شوية أفادت بالتالي ..

- اسرائيل دول عظيمة جدا عندما ينطق اسمها في الفلبين يكون له وقع كبير في القلوب!!

- القدس عاصمة إسرائيل وهي أرض الميعاد!!!!!

- الإسرائيليون هم من هزموا المصريون في 73 ثم تعطفوا علينا بسيناء لأنهم لم يريدوا الحرب ولكن فقط تلقيننا درسا قاسيا!!!!!!!!

-الإسرائيليون هم من بنوا الأهرام ولكن المصريين سرقوا الإنجاز ونسبوه لأنفسهم!!!!!!!!!!!!!!!!!!!!!!!!!!!!!!!!!!!!!!

هذا بالضبط ما قالته بكل صدق وعفوية وهو أيضا ما أخبرتني أنهم يدرسوه في المدرسة كجزء من التاريخ..وماخفي كان أعظم

وأترك لكم التعليق :P :P

يادي المصيبة

الصهاينة ضحكوا على العالم وحنا نايمين

:lol: :lol: :sad: :sad:

[Torontotruk]

اغلب الناس فى كندا ملهومش فى السياسه ولا اللى بيحصل بره كندا

ياعزيزي النشرة الجوية آخرها امريكا و لو جابوا بلدين في اوروبا يبقي كويس...صدق او لا تصدق فيه كندنين مايعرفوش غزة فين ؟كل ايلي يعرفوه في العالم كله افغانستان ..طبعا و امريكا....طب خد دي جاري عنده 48 سنة كندي ابا عن جد لغاية الاسبوع اللي فات فاكر ان الاهرامات في اليونان ...واخيرا في ناس كنديين كتيرة عايشين في كيبيك سيتي عمرهم ماخرجوا منها...حتي ماراحوش مونتريال.

انا لي راي تاني يا تورونتو

خلال ال14 يوم الي فاتوا يوميا علي راديو كندا الساعه 9 صباحا بتوقيت القاهره علي قناة TV5

مده النشره الاخباريه 20 دقيقه منهم ميقلش عن 5 دقائق عن غزه بشكل محايد

وكمان خلفيه المزيع او المزيعه صوره ام بتصرخ من هول الحرب ومكتوب غزه بالعربي وبالانجليزي

يعني الناس هناك مبتتفرجش علي الاخبار دي هناك ولا بيشغلوا التلفزيون

ولا الاخبار دي بتتبث لينا في الشرق الاوسط بس

مافيش ردود فعل حصلت في مقاطعة كيبيك...معني كده ايه...والمظاهرات اللي حصلت في اونتاريو 80 في المية من المتظاهرين كانوا من العرب و المسلمين..

[د هشام ابراهيم]

يمكن أول مرة ما عرفتش أوصل كلامي ...الفرد العادي في كندا لا يعنيه ما يحدث في الشرق الاوسط إلا لو أثر علي حياته ..... تأثير اقتصادي مثلا اذا علي سعر البنزين أو تأثير انساني اذا كانت الأحداث بتسبب في مأساة أنسانية يندي لها الجبين زاي اللي بيحصل حاليا في غزة ....

الموضوع ده مش غريب خالص ...احنا المصريين مثلا نعرف إيه عن أخبار دول أمريكا اللاتينية مثلا و لا مين فينا بيتابع أخبار مشكلة التبت ....لا أكتر من كده حتي لما حصل أعاصير و فيضانات في بلاد مسلمة زاي أندونيسيا و ماليزيا كام مصري تفاعل مع الأحداث و كام واحد خد خطوة عملية للمساعدة ؟!!

صورة العرب و المسلمين عليها ظلال كتير .... المسئول الرئيسي عن عدم وضوح الصورة ديه احنا ....العرب و المسلمين .... اسرائيل بتلمع نفسها اعلاميا و بتعرف تسوق نفسها و تسوق مواقفها السياسية ....للاسف الشديد برضه الخطاب الأعلامي العربي و الأسلامي بيساعدها في كده

تغطية حرب غزة في الاعلام الغربي في الأغلب الأعم موضوعية إلي حد كبير ...المحطات اللي أصلا مشهورة بحيادها و أحترافيتها زاي ال-BBC البريطانية و ال-CBC الكندية كملوا علي نفس المنهاج .... حتي ال-CNN اللي ميالة نسبيا لاسرائيل برضه كانت محايدة إلي حد كبير اذا ما كانش مالت في الاحداث الأخيرة لناحية الفلسطينيين ....ولف بليتزر (رغم إنه يهودي ) .... توني هاريس .... كرستيان أمانبور.... أندرسن كوبر (موجود علي حدود غزة ) جون كنج .... كامبل براون ..... كلهم و اسامي تانية كمان تغطياتهم موضوعية جدا

أحداث غزة الأخيرة سافرة و سافلة بحيث لم تترك لاحد فرصة الملاوعة ... برضه قرار اسرائيل بمنع المرسلين الغربيين من دخول غزة كمحاولة لاخفاء بشاعة ما يحدث هناك نتج عنه ميل للمراسلين للاحساس بظلم اسرائيل و جرمها ....المواد المصورة اللي طالعة من غزة أغلبها تحت أشراف حماس المباشر و ده ساعد برضه علي كسب المزيد من التعاطف

حكاية المظاهرات و إن ٨٠ ٪ عرب و مسلمين برضه مفهومة و طبيعية .... حد شاف مظاهرات في أي بلد عربي مناصرة لأي طرف في دارفور ؟!!! دارفور للعرب أقرب لغزة بالنسبة للكنديين .... ٢٠ ٪ كنديين ده يبقى الصراحة عداهم العيب :hi:

[haythammustafa]

السلام عليكم

الاخوة الكرام نشكركم على وقفتكم معنا

يعيش المهاجرون في كندا في نعمة لا يعرفون قدرها فاشكروا الله على تلك النعمة التي وهبها لكم

والله يوفق جميع المهاجرين في حياتهم ومايتمنوه لابنائهم.

لا اعتقد كندا اسوأ من الحياة في غزة ونحن تحت قصف الطيارات الحربية لا تعرف النوم والحياة الادمية.

واكتب المداخلة من تحت قصف الطيارات والذي بدأ منذ 17 يوم وبدون كهرباء لمدة 10 ايام واليوم في كهرباء

مما مكنني من الكتابة .

أدعو الله أن ينجى الجميع في بلده ومكانه وسفره ويحفظ أمة المسلمين في بقاع الارض.

[شاب مصري]

السلام عليكم

الاخوة الكرام نشكركم على وقفتكم معنا

يعيش المهاجرون في كندا في نعمة لا يعرفون قدرها فاشكروا الله على تلك النعمة التي وهبها لكم

والله يوفق جميع المهاجرين في حياتهم ومايتمنوه لابنائهم.

لا اعتقد كندا اسوأ من الحياة في غزة ونحن تحت قصف الطيارات الحربية لا تعرف النوم والحياة الادمية.

واكتب المداخلة من تحت قصف الطيارات والذي بدأ منذ 17 يوم وبدون كهرباء لمدة 10 ايام واليوم في كهرباء

مما مكنني من الكتابة .

أدعو الله أن ينجى الجميع في بلده ومكانه وسفره ويحفظ أمة المسلمين في بقاع الارض.

ربنا ينصر الاسلام والمسلمين اخي هيثم ان شاء الله

ويذل الأمريكان والصهاينة والخونة

آمين يارب العالمين

والحمدلله