اذهب إلى المحتوى
محاورات المصريين

المغتربين في المانيا


Recommended Posts

محدش يعني بيتكلم من مصريين المانيا خالص يعني وكان مالهومش وجود , انتو فين في الخلق اللي موجودة هنا بس انا قصدي المصريين الجدعان مش النص الكم اللي بيقول لو شفت مصري اعمل نفسك مش مصري , انا اسف غير مرحب بيكم هنا انا بتكلم علي ولاد بلدي حبايب قلبي اللي والله احسن ناس فعلا انتو فين لا احنا مش متجمعين لااحنا مش معا بعض ,النص كم ياريت مايتكلمش منعا للاحراج اخوكماالمهندس احمد

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

محدش يعني بيتكلم من مصريين المانيا خالص يعني وكان مالهومش وجود , انتو فين في الخلق اللي موجودة هنا بس انا قصدي المصريين الجدعان مش النص الكم اللي بيقول لو شفت مصري اعمل نفسك مش مصري , انا اسف غير مرحب بيكم هنا انا بتكلم علي ولاد بلدي حبايب قلبي اللي والله احسن ناس فعلا انتو فين لا احنا مش متجمعين لااحنا مش معا بعض ,النص كم ياريت مايتكلمش منعا للاحراج اخوكماالمهندس احمد

اهلا بيك يا اخskyed انت داخل حامى اوى :blush2:

اطرح موضوع بس و هتشوف اللى من المانيا والصين كمان :roseop:

تم تعديل بواسطة nizza la bella

--------------------------------------------------------------------------------

كرتونة البيض فيها سم قاتل

عموماً.. تعددت كراتين البيض والنتيجة واحدة

لا حركة..

لا كلمة..

لا نفس..

رابط هذا التعليق
شارك

ما هي ديه المواضيع عايزين نبقي متجمعين وهييييييه بس خلاص

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

ما هي ديه المواضيع عايزين نبقي متجمعين وهييييييه بس خلاص

قول انت ايه اخبار المانيا

والمصريين هناك عاملين ايه

هل يوجد نماذج فى المجتمع الالماني معروفة

طبعا غير محمد زيدان :roseop::roseop:

لله الأمر من قبل ومن بعد

رابط هذا التعليق
شارك

يا ريت تكلمنا شويه عن حياتك في المانيا

كيف تعيش ؟

طبيعة الناس ؟

طبيعة العمل ؟

الطعام الشراب ؟

يلا يا عم انت اليً جبته لنفسك عيش بقه :hi:

رابط هذا التعليق
شارك

طيب يا اخ جمال بالنسبة لطبيعة الناس هنا فيهم الكويس و فيهم السيء والسيء هنا مش بالمفهوم المصري يعني احنا عندنا في مصر سيء ديه ممكن تبدء من اول سواق التاكسي اللي بينصب عليك بكام جنيه لغاية الدولة اللي تنصب عليك في كل حاجة حتي حريتك انت منصوب عليك فيها,الاخلاق هنا اذا اردت ان توصف اخلاق الالمان ممكن تقول السيء منهم ممكن يديك وش خشب يعني تحس انه قرفان من نفسه قليل لما تشوف ناس بتتخانق زي عندنا لاتفه سبب ,انا مره كنت في مصر وكانت حتحصل خناقة مع واحد صحبي علشان قال السلام عليكم لناس قاعدين في محل وكان عايز يشتري حاجة ا؟؟؟الناس شافت انه بيقولها من غير نفس ,وخناقة وزعيق زي الغجر,اخلاق الجريمة لم تصل لقذارة الجريمة في مصر اللي اصبح هتك الاعراض والاغتصاب خبر يومي الله يكون في عون اللي عنده كام بنت في مصراخبار مقززةلابعد الحدود,قتل واغتصاب وذبح وسلخ وكان الناس في مصر بتنتقم من الحكومة بس في بعض الشعب ؟؟؟.المانيا فيها ناس مجانين زي النازين الجدد ودول عددهم قليل وانا عندي دول لم يصلوا بعد للشر بتاع مجرم مغتصب طفله في مصر وقتلها كمان؟؟ انا عندي دول ارحممن نوعيةالبشر اوانصاف بشر كما يجب ان يقال؟؟؟ العمل هنا صعب بعض الشيء البطالة هناموجودة وبي كثرة بس الفرصة موجودة لو انت فعلا عاز تنجح وتتعب والتعب هنا بجد مش هزار زي مصر,الحياة متقدمةجدا والتكنولوجيه عاليه ومستوي الرفاهيه من التقدم العلمي ملموس ,الطعام والشراب هنا كويس وتقريبا زي سعرمصر وده اللي عجيب بجد مصر دولة ليس رخيصة هنا في سوبر ماركت غالي وفيه رخيصوانت تختار ارخصهم سوبر ماركت اللدي ويوجد اسواق خضار وفاكه اسبوعيه يملك معظمها اتراك بتكون اسعارها ممتازة لو حتشتري كميات ...ايه تاني يا جدع انت اناصوابعي وجعتني ..بس خلاص

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

الأتراك في المانيا هل تحس انهم مسلمين واخوتك في الاسلام ؟

ولا أوروبيين واخلاقهم أوروبية ومفيش صلاة وصيام والتزام بالاسلام ؟

وكمان سؤال : هما مين الأكتر بألمانيا : الأتراك - المصريين - المغاربة - الشوام ؟

تقدم مصر سيمر بعدة مراحل

أول مرحلة هي القضاء على نظام مبارك

رابط هذا التعليق
شارك

طيب يا اخ جمال بالنسبة لطبيعة الناس هنا فيهم الكويس و فيهم السيء والسيء هنا مش بالمفهوم المصري يعني احنا عندنا في مصر سيء ديه ممكن تبدء من اول سواق التاكسي اللي بينصب عليك بكام جنيه لغاية الدولة اللي تنصب عليك في كل حاجة حتي حريتك انت منصوب عليك فيها,الاخلاق هنا اذا اردت ان توصف اخلاق الالمان ممكن تقول السيء منهم ممكن يديك وش خشب يعني تحس انه قرفان من نفسه قليل لما تشوف ناس بتتخانق زي عندنا لاتفه سبب ,انا مره كنت في مصر وكانت حتحصل خناقة مع واحد صحبي علشان قال السلام عليكم لناس قاعدين في محل وكان عايز يشتري حاجة ا؟؟؟الناس شافت انه بيقولها من غير نفس ,وخناقة وزعيق زي الغجر,اخلاق الجريمة لم تصل لقذارة الجريمة في مصر اللي اصبح هتك الاعراض والاغتصاب خبر يومي الله يكون في عون اللي عنده كام بنت في مصراخبار مقززةلابعد الحدود,قتل واغتصاب وذبح وسلخ وكان الناس في مصر بتنتقم من الحكومة بس في بعض الشعب ؟؟؟.المانيا فيها ناس مجانين زي النازين الجدد ودول عددهم قليل وانا عندي دول لم يصلوا بعد للشر بتاع مجرم مغتصب طفله في مصر وقتلها كمان؟؟ انا عندي دول ارحممن نوعيةالبشر اوانصاف بشر كما يجب ان يقال؟؟؟ العمل هنا صعب بعض الشيء البطالة هناموجودة وبي كثرة بس الفرصة موجودة لو انت فعلا عاز تنجح وتتعب والتعب هنا بجد مش هزار زي مصر,الحياة متقدمةجدا والتكنولوجيه عاليه ومستوي الرفاهيه من التقدم العلمي ملموس ,الطعام والشراب هنا كويس وتقريبا زي سعرمصر وده اللي عجيب بجد مصر دولة ليس رخيصة هنا في سوبر ماركت غالي وفيه رخيصوانت تختار ارخصهم سوبر ماركت اللدي ويوجد اسواق خضار وفاكه اسبوعيه يملك معظمها اتراك بتكون اسعارها ممتازة لو حتشتري كميات ...ايه تاني يا جدع انت اناصوابعي وجعتني ..بس خلاص

علي فكره الاوضاع في مصر ليست بهذه المأساويه لكن اظن ان المشكله ليست في الحكومه ولا في الرئيس ولا في الوزارة

اظن المشكلة في الشعب وانا اقترح علي الحكومة تبعت الشعب المصري كله دورة تدريبية الي المانيا :comando:

رابط هذا التعليق
شارك

وكمان سؤال : هما مين الأكتر بألمانيا : الأتراك - المصريين - المغاربة - الشوام ؟

طبعا الاتراك - الاتراك عددهم كبير جدا في المانيا وملايين منهم متجنسين

رابط هذا التعليق
شارك

طيب ياسيدي مش مأساويه كده اصل انابجيب قصص من عندي بنام وبحلم واجي اقولها,الاوضاع غير سارية علي الاتي...1ـكل من يمتك الملايين في مصر يعني

عربيات خاصة مصفحة وبادي جارد وفلل محصنة داخل مجتمعات يوتوبيا الجديدة التي ظهرت في مصر وفي الاخر برضو انت مش في مامن يعني ممكن برضو تاخد من الحب

جانب,اما باه لو انت من الطبقة الوسطة يعني تخلي بالك بجد علي كل حاجة انت مسئول منها اولها نفسك يعني انت مش محمي ولا من الحرامية ولا من الشرطة كرمتك

ممكن تتهان علي يد حتيت امين شرطة وعلي ما تجيب وسطة عشان تحميك حتكون كرامتك اتهانت الي الابد وممكن اكتر حاجة تسمها انا اسف ياباشا...وممكن عشان خلاف علي خمسة جنيه من سواق تاكسي بلطجي وطماع يتحول الامر الي خناقة دموية او ممكن حاجات كتير اوي مش مكان ذكرها هنا فقط تابع الاخبار

السوداء ...الاخلاق والضمير اصبحت صفر ....وبعدين شعب ايه يا جدع انت اللي عايز تبعتة المانيا ؟؟؟ يانهار اسودهاهاهاهاها الاولي نبعته هدية الي الكتكوتة اسرائيل عشان بعووووون الله يجب اجل ابوها ويخليها مسخرة بين الامم اميييييييين بس خلاص

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

في وفي ,في اتراك كويسين وفي مش كويسين بس الامانة لله لولاهم مكنتش تعرف تلاقي لحوم حلال بالسهولة الموجودة الان وكمان هما سبب من اسباب انتشار

الاسلام في المانيا علي فكره الاسلام هنا اصبح ينتشر عشان معظم الالمان عندهم فراغ روحي رهيب بيعوضه بالشرب الخمر كتير او اقتناءحيوان كلب اوقط كثير منهم

يري الاسلام دين منقذ له,وفي كتير ملحده ويهود ومسحيين وبوذين وكل الملل الللي علي الارض,..اكتر جاليه طبعا الاتراك بلا منازع هما اكبر جاليه هنا,الشوام موجودين

بكثرة لكن كثير منهملا تعجبني طريقة ومحاولت تشبهم باللمان او الاوربين خصوصا البنات منهم شيء سيء فعلا ,انا اري ان الاتراك اكثر هم للدين من العرب ومنهم اخوه فعلا ونموذج جيد للمسلمين.

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

الأستاذ الفاضل skyed

حتي لا ينضم هذا الموضوع الي سلسلة المواضيع التي تجد في الغرب جنة الله الموعودة و في مصر جهنمها الحمراء .... لذا لقد اتفقنا انه نعم نستطيع انتقاد الأوضاع السيئة في بلدنا و لكن بهدف تحسينها .... او عرض بعض الأمثلة البسيطة "للتطور" الغربي نستطيع نوعآ ما تطبيقه في مصر .. و ليس فقط لمهاجمتها بضراوة ...

أتمني بالفعل أن لا يتحول هذا الموضوع الي موضوع "كندي" آخر ....

عفوآ .. فلقد أخذني الحماس و نسيت أن أرحب بحضرتك كعضو جديد في أسرة محاورات المصريين ...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

شكرا علي الترحيب وهذا شيء يشرفني طبعا,انالم اقل من قريب او بعيد ان الغرب جنة بل العكس هنا الكثير من العيوب وانا ذكرتها في مداخلاتي السابقة,وبعدين انتقدنا

لمصر مش من باب الشماتة او الاستعلاء او عدم الوطنية طبعا لا مصر فيها اهلنا واصحبنا بس صدقني حتي اكتر المهاجمين والمنتقدين لمصر في هذا المنتدي هو ما الا رد

فعل عن حالة حب داخلية عميقة بس الغيظ من الحال المايل اللي اصبح في مصر شعاررسمي هو خيبة الامل والياس وعدم الشعورالامان هو الللي بيخلي الواحد يشتكي

وينتقد انا اكتر واحد اخاف منه وبحس انه باع بلده ونسيها بجد اللي تلاقي عنده لا مبالاة تجاه مصر يعني لا يعنيه هي كويسه ولا وحشة ولا اي حاجة ...ده فعلا حالةصعبة

بس اللي متابع ودايماحتي لو منتقد صدقني بيكون بس منفعل زي انا كده بس والله مصر في قلبنا وعقلنا ومش محتاج اتغزل في مصر ديه بلدناالاصل ,وبعدين محدش

يعني راح بعيد يعني مروحناش منتدي اجنبي وقعدنا نجيب في سيرة مصر مساوء مصر ..المكان ده اسمه محاورات المصريين يعني من الاخر احنا عائلة واحده قعدين

وبنشكي همومنا لبعض يعني بنفضفض في بعضينا وده احسن ما نروح لغريب لائيم شكرا مره اخري لترحيبك بي عضو في الاسره

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

يا أستاذي الفاضل انا معنديش ادني شك في حسن النية المتوفر عند الجميع .. لكن الذي يصيبني بالأسي الشديد انه لا يوجد غير الشكوي الدائمة من كلللللل مظاهر الحياة في مصر .. بالرغم من أنني شخصيآ و ان كنت مغترب أنا أيضآ و لكني لا أري الصورة بتلك القتامة .. و هذا ما استطيع تأكيده فعائلتي تنتمي للطبقة المتوسطي في مصر فهم ليسوا بالأثرياء أو من طبقة رجال الأعمال .. يعني لا ملايين و لا بودي جارد و لا قصور .. و لكنهم ناس بمرتاباتهم و معاشاتهم .. لكنهم عايشين مش بطال .... طبعآ بيعانوا زي ناس غيرهم من صعوبات و من تجاوزات .. لكن مش عايشين عيشة سودة في نفس الوقت ... عايشين في حما و دفا بعض ... مش عايشين في برود الغربة ...

عالعموم ... ارحب بحضرتك مرة أخري ... و اسمحلي انتهز فرصة تواجدك في المانيا علشان اطلب منك طلب ... ممكن حضرتك تبص عالموضوع ده و تشوف الكلام المكتوب فيه صح و الا غلط .. و مافيش اي مانع تطلب مساعدة صديق .. و يا ريت يكون الماني

دوس هنا حضرتك

تحياتي

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك

لا طبعا انا لااقول ان الصورة قاتمة بالعكس مصر فيها حاجات جميلة بس المرض لو لم يتلقي علاج ممكن يموت او يصيب بعاهه مستديمة ومصر زيها زي كل دول العالم حتي

المتحضر منهم عندها امراض خطيرة بس الفرق بينها وبين الاخرين ان هما بيركزوا علي المرض وبيحولوا يعلجوا بس في مصر احنا عندنا نظام كلوا تمام يا فندم ,ومصر وصلت

لحاله صعبه تستدعي العلاج الكيمائي اللي زي ما بيضر بينفع والمشاكل في العالم كله حتي المتحضر منها مثل ايطاليا التي حضرتك متوجد فيها حيث مزال عصابات

المافيا تتحكم في البلد وحتي تفرض اتاوات علي المحلات التجارية ,علي العموم انا بتمني ان مصر تكون في احسن حال انشاء الله وكل واحد يساعد في كده بي اللي ربنا

يقدروا عليه حتي لو بي اضعف الايمان القلب , موضوع الالغام والرسالة المرسلة لي المستشارة الالمانية اعتقد ان الوقت الان مش مناسب بالنسبة عشان الازمة

الاقتصادية اللي بتمر بيها الالمانية والاتحاد الاوربي بس ممكن نفكر في طريقة فعالة لجعل الحكومة تقتنع بالموضوع ده لان الحكومة الالمانية دماغها انشف من الحجر الصوان اللي من النوع الجامد اوي ....بس خلاص شكرا لك يا استاذي علي اهتمامك وترحيبك الحار بي...... في حفظ الله..

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

skyed

شكرا جزيلا

واتمنى منك القاء مزيد من الضوء على موضوع انتشار الاسلام بألمانيا

نسبة المسلمين ؟ نسبة وسرعة انتشار الاسلام ؟ الخ .........

تقدم مصر سيمر بعدة مراحل

أول مرحلة هي القضاء على نظام مبارك

رابط هذا التعليق
شارك

حضرتك قلت ان الاتراك المسلمين في وفي ......

بس انا قصدي ان مثلا من بين كل 10 مسلمين (أو 10 أتراك) في المانيا

هتلاقي كام واحد فعلا مسلم بجد (يصلي بانتظام ولا يشرب الخمر ولا يـ...... الخ) ؟

وشكرا يا skyed لتعبك معانا .

تقدم مصر سيمر بعدة مراحل

أول مرحلة هي القضاء على نظام مبارك

رابط هذا التعليق
شارك

العفو علي ايه ,الاسلام بينتشر بين الالمان بسرعة كبيرة جدا خصوصا بعد 11 9 واخر3 سنين الالمان بيدخلوا الاسلام افواجا سبحان الله علي العموم شوف الفيديو ده فه اسره كاملة الالمانية بتسلم ماشاء الله

ناس منورة بجد مشاء الله

http://www.youtube.com/watch?v=SKzybRhdGic

وشوف ده كمان

http://www.youtube.com/watch?v=ETYWFm-iSn0

رهبان بالليل فرسان بالنهار..................هكذا يجب ان نكون نحن المسلمين .

سبحان الله وبحمده عدد خلقه ورضا نفسه وزنة عرشه ومداد كلماته

رابط هذا التعليق
شارك

اشكرك جدا جدا على الفيديوهات الرائعة جدا دي ، ربنا يجعله في ميزان حسناتك و يوفقك دنيا و آخرة و يحفظك في غربتك و يرزقك خيرها و يكفيك شرها اللهم آمييييين

رابط هذا التعليق
شارك

يا بختك يا عم skyed ختلك دعوتين حلوين

ويا ريت لو فى مصريين اصدقاء تعرفهم على محوارت المصريين md2:

تم تعديل بواسطة nizza la bella

--------------------------------------------------------------------------------

كرتونة البيض فيها سم قاتل

عموماً.. تعددت كراتين البيض والنتيجة واحدة

لا حركة..

لا كلمة..

لا نفس..

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      لا تتفاجأوا فى هذا الأسبوع المنتظر أيام 10 و11 و12 ديسمبر الجارى مما ستشهده اللجان الانتخابية ومحيطها فى كلعرض المقال كاملاً
    • Guest بسيوني
      9
      انا حبيت اعمل الموضوع ده علشان اتعرف على المصريين في المانيا وفي الشرق تحديدا. انا معنديش معلومات للدكاترة والصيادلة والكلام ده بس لو عندك سؤال عن حاجة تانية، إسأل يمكن اعرف اجاوبك. انا اسمي بسيوني. طبعا ده اللقب، بس بحبه 🙂   من المواضيع اللي بتناقش دائماً موضوع المصريين في الغربة وهل هم بيساعدوا بعض ولا لا. انا هتكلم عن نفسي. انا بحاول اساعد اي حد بس لما بحس ان الشخص ده بيستغلني طبعا بابعد عنه او انه بيحاول يعرفني علشان مصلحة. الامور دي بتبقي باينة من الأول. ايه أراءكم في الموضوع ده في الب
    • 4,085
      السلام عليكم ورحمة الله وبركاتة يا شباب عاوزين عاوزين نجمع المصريين اللى شغالين او المتواجدين فى الكويت
    • Guest كريم
      0
      أنا عملت بطاقة رقم قومي لأختي اللي عندها 16 سنة وبتدرس أولى ثانوي في السعودية، بس اتكتب في البطاقة (بدون عمل). سألت الموظفة إزاي أخلي المهنة (طالبة) لأن ده هيفيدها جداً؟ قالت لازم أروح السفارة وأطلب خطاب أو ختم يثبت أنها بتدرس في الخارج، وأشتري استمارة بطاقة جديدة وأملاها. من فضلكم، إيه الخطوات اللي لازم أعملها؟ وإيه الأوراق اللي هيطلبوها في السفارة؟ ولكم جزيل الشكر.. 
    • 0
      لو سمحتو كنت عايزه اعرف حاجه وياريت الرد سريعا ..انا عايزه اسافر المانيا سياحه بس لوحدى وعندى 19 سنه ف عايزه اعرف الاوراق المطلوبه واعمل اى بالظبط ..ولو فى حد هناك انا عرفاه بس مش قريبى ينفع يبعتلى زيااره ولو مش هينفع الموضوع دا يكلفنى اد اى؟؟..بليز محتاجه رد سريعا  
×
×
  • أضف...