اذهب إلى المحتوى
محاورات المصريين

استغاثه من مركز الاورام بالمنصوره


moslemah

Recommended Posts

السلام عليكم ورحمة الله وبركاته

يا جماعه دى رساله ف جروب ع الفيس بوك (وانا كمان عاوز اعمل خير) .و بجد الناس دول بيبذلوا مجهود جامد ف الخير فياريت اللى يقدر يقدم مساعده ف اى حاجه من اللى ف الرساله دى ما يترددش ..احنا ف ايام العمل الصالح فيها ثوابه كبيير عند ربنا..و ده نص الرساله

كل سنة وانتم طيبين وفى اتم خير وصحة واتمنى يكون الايام العشرة الاوائل ايام خير علينا كلنا

بفكركم بميعاد الزيارة بتاعتنا لمركز الاورام جامعة المنصورة للاطفال يوم السبت اللى جاى ان شاء الله الموافق 6/12/2008, الساعة 10.30 ص

والتجمع امام مركز الاورام - بوابة العيادات الخارجية - شارع جيهان - المنصورة

وبأكد ياجماعة على الناس اللى عايزة تشارك فى اليوم سواء مشاركة معنوية او مشاركة معنوية ومادية كمان , ان حتياجات الاطفال كالتالى :

* لبن للاطفال

* باتيه او كرواسون

*عسل

* العاب للاطفال

* ملابس للعيد للاطفال

بذكركم يا جماعة بالالعاب الكبيرة اللى قلنا عليها قبل كدة علشان ركن الاطفال اللى عايز يجيب حاجة ييجى يشوف بنفسه المكان ويقدر ممكن يجيب ايه ؟؟؟؟ العيد جاى والاطفال هتكون موجودة فى المركز مش هيروحوا مين ياترى هيدخل السرور عليهم ويجيب لهم العاب تسليهم وترفه عنهم وتخفف عنهم الامهم ومعانتهم ؟؟؟؟؟؟؟

وياريت لو حد يجيب حاجات تعليمية زى الكراسات اللى بتعلمهم الحروف , الحيوانات , الفواكه , كراسات تلوين ,لوح تعليمية , صدقونى ياجماعة دى تعتبر كلها صدقات جارية , لان من الصدقات الجارية " او علم ينتفع به " تصوروا كام طفل بيدخل المركز ولما يتحافظ على الحاجات دى كمان الاستفادة هتكون اكبر , كل دى عايزين نجيبها ونحطها فى ركن الطفل , وصدقونى كل ماتروحوا هناك وتشوفوا حاجتكم والاطفال مبسوطة بيها , انتوا نفسكم فرحتكم مش هتبقوا مصدقين هتبقى اد ايه , انا واحدة من الناس ودى نعمة يمنها الله عليا ان لما بلاقى طفل بينادى عليا وعايز يقولى حاجة ببقى فى قمة سعادتى

للاستفسار

للبنات :

0100277477-

للشباب :

محمد عجوزة 0104882109

محمد على 0104525062

::::::::::::::::::::::::::::::::::::::::::::::::

الاستغاثة

--------------

مركز الاورام بيستغيت يا جماعة مفيش فلوس فيه خالص الكانولات نفسها المركز معدتش قادر يوفرها للمرضى , والادوية اللى بيحتاجوها كتير , فى دوا ممكن يكون سعره مثلا 12 جنيه , احنا ممكن نقول ايه يعنى 12 جنيه , لكن المبلغ دا ممكن يفرق فى حياة طفل , الاهالى هناك اغلبهم غلابة , وحتى اللى معاه صدقونى العلاج مكلف جداا , كلمة استرجعها اتقالتلى قبل كدة " المرض دا بيفقر الغنى قبل الفقير " وفعلا انا شفت ناس اللى نقول عليها " ارحموا عزيز قوم ذل

ياجماعة محتاجين فعلا الناس تتفاعل معانا فى موضوع الادوية دى , انا كلامى من ناس مسئولة داخل المركز , مش بتكلم فى الفاضى , والادوية اللى بتجيلنا تبرعات او الفلوس اللى بتجيلنا واحنا بنشترى الادوية بيها , حاليا فى ناس جوا المركز معانا هما اللى بيوزعوا الادوية وذلك ضمانا انها توصل لمستحقيها , نظرا ان الادوية بتروح لناس معمول لكل واحد بحث اجتماعى بحالته , وافتكر ان كل واحد اعلم بداخليات المكان اللى بيشتغل فيه

بشكر الناس اللى اتبرعت معانا بادوية او فلوس , اتمنى ياجماعة اللى يحب يساعد فى موضوع الادوية يبعتلى وانا على استعداد اجاوب على اى استفسار , وياريت حد يوصل صوتنا لرجال الاعمال علشان يدعموا المركز , الناس بتموت هناك من المرض والفقر

هل يجدوا من يمد يد العون لهم فى محنتهم ؟؟؟؟؟؟؟؟؟؟؟؟

*فضل زيارة المريض*

قال الرسول صلى الله عليه وسلم لايصيب المؤمن من وصب ولانصب ولاسقم ولاحزن حتى الهم يهمه وحتى الشوكة يشاكها الاكفر الله بها خطاياه)

في هذا الحديث الشريف يبين فضل زيارة المريض وانه في اشد الحاجة الى -المواساة وعيادته واجبة لانها تخفف عنه اوجاع النفس وتباريح الخاطر ولانه شديد القرب من ربه وبعيد عن المعاصي والمريض لايفكر الا في نفسة وفي النازلة التي المت به وكيفية الخلاص والصبر عليها وهو بهذا يزدادتقربا من الله بالرضا والطاعات 0

اثابنا الله واياكم واعاننا على فعل الخيرات

اللهم إغفر لى و لوالدى و للمؤمنين و المؤمنات يوم يقوم الحساب

ربنا آتنا فى الدنيا حسنه و فى الآخره حسنه و قنا عذاب النار

لا إله إلا أنت سبحانك إنى كنت من الظالمين

رابط هذا التعليق
شارك

وده يا جماعه لينك للجروب للى عايز يتواصل معاهم

http://www.new.facebook.com/group.php?gid=31660868798

بجد يا جماعه انا اعرف ناس من المشرفين بتوع الجروب دول و شفت زياراتهم و مجهوداتهم الخيريه

ياريت يا جماعه اللى يقدر على حاجه يشارك و يساعد

و جزاكم الله خيرا

تم تعديل بواسطة moslemah

اللهم إغفر لى و لوالدى و للمؤمنين و المؤمنات يوم يقوم الحساب

ربنا آتنا فى الدنيا حسنه و فى الآخره حسنه و قنا عذاب النار

لا إله إلا أنت سبحانك إنى كنت من الظالمين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...