اذهب إلى المحتوى
محاورات المصريين

العند فى الحياة الزوجية


~Heba~

Recommended Posts

هبه العزيزه تعجبنى روحك الثائره المتمرده واخاف عليك منها فى ذات الوقت :roseop:

احببت كثيرا ان اشارك فى موضوعك عن الحياه الزوجيه ,, الزوج .. الزوجه .. العند !

صدقاً لا اعرف ماذا ..او اى الحكايا اسطر لنقل مبدئياً اننى لم اتعامل مع العند فى حياتى الزوجيه

لم اسعى له يوما او يسعى له زوجى دوما هناك نقطه نلتقى عندها ليكون خط الوسط.

بطبعى انا حساسه جدا فى الحياه الزوجيه .. دمعتى قريبه ولا يمكن بحال ان انام وفى قلبى زعل

وهكذا اتفقنا فى بدايه زواجنا اننا مهما اختلفنا لنسعى دوما ان ننام ونحن لا نحمل فى قلوبنا سوى الحب.

السنه الأولى من الزواج يا هبه هى سنه صعبه جدا مهما كان فيها الحب .. هى سنه الخلافات بلا منازع

حياه مختلفه للطرفين ،مسؤليات جديده ، روتين مختلف . صدامات على اشياء لم تكونى تتخيلى قبل الزواج

ان هناك ازمه قد تأتى من ورائها مثل أصدقاء زوجك وخروجهم وسهراتهم التى كانت قبل الزواج وتحتاج منكى

لهدوء شديد للتوصل معه الى تنظيم هذا الخروج بطريقه تختلف عن ايام العزوبيه خصوصا عندما يكون

اصدقاءه من غير المتزوجين الذين لا يحملون اى مسؤليه.

هناك ايضاً امر آخر يسبب المشاكل انها مصروف البيت الفواتير الإيجار التى لا يحسن الجميع تنظيمها فى البدايه

ربما كان مثال الفاضل ابو محمد هو ما يحدث غالبا فى بيوت كثيره جدا جدا ويحتاج حله الى خيارات تبتعد عن

العند والتحدى .

عندما يتفق الطرفان انهم شركاء بكل شيئ ويتوجوا ذلك بالحب والموده والرحمه ستكون حياتهم باذن الله

على احسن ما يكون.

تعرفين يا هبه اكثر ما يسبب صدامات فى الحياه الزوجيه هو ان يسئ احد الطرفين التفسير الصحيح

لتصرف يقوم به الآخر.

بمعنى المرأة دوما تفكر بعاطفه والرجل يفكر بعقل .... والتفسيرات تبنى بذات الشكل .

مثال على ذلك : لنفترض ان زوجك تعود ان يذهب كل يوم اثنين لزياره اصدقاءه والخروج معهم

وانتى طبعا تعرفين ذلك كروتين له ، لو حدث واشتريت تذاكر سينما ودعوته للخروج للسينما فى هذا اليوم

وحجزت للعشاء مسبقا فى مطعم رومانسي كمفاجأه له وكنتم فى بدايه زواجكم اتعرفين انه يمكن ان يفكر

غالبا جدا انك تعمدتى ان تختارى هذا اليوم لأنه يوم خروجه مع اصدقائه وليس لأنه وحشك مثلا وتريدين

ان تقضى معه بعض الوقت بعيدا عن الروتين . وسيثبت لك بقوله ولماذا لم تختارى يوم الثلاثاء مثلا

لهذه الخروجه ؟؟ ساعتها ستنهارى فى البكاء من رده فعله وظنه السيئ رغم انك كنتى تتصرفى

ببراءه شديده ورومانسيه وحب ولم تظنى ان زياره اصدقائه تحمل هذا الوزن كله .

وبعد البكاء سيشعر هو بالخجل ويكتشف انه تسرع بالحكم وانك فعلا كنت فقط تريدين ان تقضى معه

امسيه مميزه وليس مجرد حجر على حريته كما اقنعه اصدقاءه من ان زوجته ستحاول ان تفعله معه

وان تنكد عليه عيشته زى اى ست !!.

اتعرفين لما تحدث مواقف كهذه . لأننى كما قلت طريقه تفكير الرجل تختلف عن المرأه .. هنا

يجب بعد هذا الموقف ان يتنبه الرجل فى الحكم على الأمور وعلى تصرفات زوجته ويعرف كيف هى

تفكر فلا يظلمها ، وهنا يجب على الزوجه ان تعرف ان الخروج فى هذا اليوم هو شيئ يحبه زوجها

بشده ويسعده فتحاول مستقبلا ان تكون حذره عندما تعد مفاجاءات مثل هذه فلا يحدث ما حدث.

وعندما يتفهم الطرفان شريك حياته ويقترب منه اكثر صدقينى سيأتى يوم لن يصبح فيه يوم زياره

الزوج لأصدقاءه اهم او اجمل من سهره ودعوه عشاء يقضيها مع زوجته فى الخارج.

وسوف تحرص الزوجه على ان تمنح دوما زوجها الوقت ليفعل كل ما يحبه بعيدا عنها وتؤجل

دعواتها للعشاء بطيب خاطر وحب .

هناك كتاب رائع جدا لأقصى درجه يتحدث عن العلاقه بين الزوجين اسمه Men are from mars,Women are from venus

حاولى ان تقراى النسخه الإنجليزيه منه فهى حقا مذهله وتلخص احتياجات الطرفين وطريقه تفكيرهم بعمق

الكتاب للكاتب John Gray

تحياتى هبه.............. ارجوا ن تكون مشاركتى فى صميم الموضوع.

لولا

طائره ورقيه

رياح شديده

خيط قصير

الطائره ليست بين السماء ولا الأرض

..هذه انا!!

لولا

رابط هذا التعليق
شارك

  • بعد 1 شهر...

انا بيتهيا لى كلامى يمكن يكون علية شوية اختلاف........

لكن المعروف ان الشخص العنيد بيبان فى فترة الخطوبة و التعارف ....... يعنى لو مبانش للعروسة اكيد مامتها و باباها هيحسوا .......كمان المفترض ان الناس تفتكر المثل القديم...... المركب اللى ليا ريسيين ، تغرق....... الحكاية مش حكاية مين اللى هيعند اكتر و لا مين اللى كلامة هيمشى ( طبعا احنا بنتكلم عن ناس يفترض فيهم انهم مش مرضى نفسيين ) احنا بنتكلم عن ناس طبيعيين عايزين يعيشوا مع بعض بما يرضى الله........... لكن ما يمنعش من وقت للتانى ان واحد من الاطراف نتيجة اى ضغوط او ظروف او شحن من اطراف خارجية ..... يطلع جنانة او يغلس شوية!!!

لو الطرف التانى فوت علية الفرصة ( اللى هى انه يفش غلبه او يثبت انه الاقوى او الاهم) و ما دخلش فى نقاش و عدى العاصفة و ناقشها فى وقت تانى ( من غير ما يرفع شعارات الكرامة و الشخصية و المساوة و الكلام الكبير دة) ...... اعتقد عن تجربة الدنيا بتمشى و الحباة بتبقى لطيفة.

أعرف واحدة -أخي الفاضل -، زوجها هادي وخلوق جدا ، و هم ناس طبيعيين،هي إنسانة بتخاف ربنا بتقول بيحصل بين زوجي وبيني

خلافات أحيانا ، مشكلتي صوتي عالي لكن والله لا يمكن أغلط فيه أبدا لأني فعلا باحترمه ، هو إنسان لو رجع بيه الزمان هاختاره بردك

، المهم إنها بتقعد تشرح وجهة نظرها لزوجها ( بتزعق يعني) بحدة ولا تتعدى حدود الكلمات " أنا زعلانة، إنت تجاهلتني ، تضايقت .."

يعني الكلام العادي ، وبتحلف بالله إن زوجها يستمع في هدوء ، وبعدين تحاول تحثه على الرد والأخد والعطا ( بمعنى يعمل أكشن) ،

فيكون رده :

" أنا مش عاوز أرد عليكي لأني لو رديت هاغلط ، فالأحسن أنتظر لما تهدي ونتناقش بطريقة أحسن"

تقول سبحان الله عامل إنه " ما بيشعللهاش " كان له أكبر الأثر على إختفاء معظم المشاكل بينهما ، وكذلك تقول :" بصراحة أنا من

النوع وكذلك زوجي الذي لا يحمل في نفسه قسية " أنا لسة متخانقة معاه ، وألاقيه بعدها بيكلمني وبكلمه عادي ، وبعدين فجأة أفتكر

وأقوله، بس أنا زعلانة منك صحيح ما تكلمنيش ،" فيرد برد مثل:" ، خلاص بقة آسف ، ماتزوديهاش ، مش فرغت الطاقة ؟؟ خلصت "

...قال رسول الله عليه الصلاة والسلام...اذا امرت احدا ان يسجد لغير الله لأمرت المراة ان تسجد لزوجها...صدق رسول الله ص

مش تعلي صوتها عليه...في بيته...ايلي فاتحه بفلوسه...رجالة ورق..

http://www.youtube.com/watch?v=sqKEPqjuJkw...feature=related

Dumnezeu sa salveaza ROMANIA

لا اله الا الله

محمد رسول الله

http://www.notcanada.com/

كندا حلوة وكويسة...علي اد الباسبور.وشهادة..وشكرا...

رابط هذا التعليق
شارك

والله يا جماعه انتوا فكرتوني بالذي مضى

ربنا يصلح حالكم جميعا

لي تعليقين ..

الأول.. طبعا البنت قبل الزواج والرجل كذلك بيكونوا مندفعين بعض الشئ على اللى هانقبله والى مش هانقبله بس بعد الزواج بيحصل تنازلات من كلا الطرفين من غير عند عشان نوصل لشكل البازل اللى اتكلمت عليه الأخت الفاضله "مغتربه"

وبالمناسبه أحييها على رأيها السديد في الموضوع

يفترض ان كل واحد يهيأ نفسه على انه هايحصل تغيير سواء الراجل او الست

التغيير ده لا ينقص من شخصيه الواحد منكم شيئا أبدا

واكيد هانقدم تنازلات واكيد من غير ما تمس المبادئ والأخلاقيات وكرامة الأنسان والقواعد العامه للعلاقات الزوجيه

اسمحوا لي انقل لكم جزء من تجربتي الشخصيه يمكن تفيد ولو شخص واحد يقرأها فيدعو لي دعوه حسنه

مع بدايه الخلافات الزوجيه واختلاف وجهات النظر في بدايات حياتنا الزوجيه وجدت انه من المناسب والمناسب جدا ان نبدأ حياتنا بعمل دستور معين لأن الزواج هو شركه بين أتنين وأي شركه لابد لها من قوانين بتحكمها صح ولا انا غلطان ؟؟

طيب هانلاقي فين القوانين دي ؟؟

مظبووووط كلكم اجبتوا الأجابه السديده

من كتاب الله وسنة رسوله

رحت جايب كتاب فقه السنه بتاع الشيخ سيد سابق وفتحنا باب الزواج بداية من حقوق الزوج وحقوق الزوجه وفقه المعاملات بين الأثنين وجلسنا نقرأ في هذا الموضوع بشكل فيه دعابه ومرح وبعض العتاب الخفيف حتى لا يظلم أحدنا الأخر في علاقتنا ببعض وحتى تستوي حياتنا الزوجيه على قواعد واضحه مقنعه لا نغضب فيها ربنا ولا نجور فيها على حقوقنا مع بعضنا

انصح كل مقدم أو مقدمه على الزواج أو حتى المتزوجين اللذين يجهلون هذه القواعد الربانيه التى تحكم علاقة االأزواج ان يقرأوا فقه الزواج وحقوق وواجبات كل طرف وتأكدوا ان الحياه ستستقيم لكم وسوف تتجاوزوا كثيرا من المتاهات في العلاقات ومين هو الصح ومين هو الغلط

والله يا جماعه كان فيه لى زميل دايما على خلافات مع زوجته فاعطيتهما الكتاب وقلت له اجلسوا سوا أقرأوه هايحل لكم أمور كتيره بدون زعل لأن ده شرع ربنا قانون ربنا مش قانون حماتك وحماتها

طبعا مش معنى ذلك ان مش هايكون فيه مشاكل بس على الأقل بيكون فيه أتفاق ومعرفه بالخطوط العريضه اللى بتحكم العلاقه الزوجيه

التعليق التاني كل واحد منا في بداية الزواج بيحاول يجرب التاني في مدى قبوله ببعض الامور من عدمه لو قبلها يبقى خير وبركه ولو ما قبلهاش ؟

هنا بقى نقطه مهمه ياجماعه تحتاج" حكمه " في التصرف

يا إما هاعند والتاني هايعند وهاتبقى مشكله

او هافكر في الأمر ده لو ممكن اتنازل عنه لانه مش هايفرق معايا كتير يبقا اتنازل عشان خاطر حبيبتي أو حبيبي

ولو مش هاقدر اتنازل يبقا نتناقش ونشوف مدى أهميهة الأمر ده بالنسبه للطرف التاني ( نوع من تفهم كلانا للأخر ) وماهي مبرراته وهل هي مقنعه أم لا واكيد هنا ها يتوصل الطرفين لحلول في ما اختلفوا فيه وتمشي الحياه

واحده خبيثه هاتسأل طب لو ماتفقناش وماأقنعنيش بكلامه .. معلش هنا بأه كلمة رب البيت هي اللى تمشي لأنه هو المسؤل قدام رب العباد عن هذه الأسره وهو اللى هايتحاسب مش الست

انا فاكر مراتي زمان اول ما سافرنا قالت لى هانزل مصر كل 6 شهور فقلت لها وايه يعني مش مشكله وفعلا بعد اول 6 شهور طلبت تنزل .. نزلتها 15 يوم تشوف مامتها وبعد كده من وحدها عمرها ما طلبتها تاني

عارفين لو كنت قلت لها لأ اكانت هاتصر وتعند وهاعند انا ويمكن كانت علاقتنا انتهت من زمان .. ده على سبيل المثال

معلش طولت عليكوا بس حسيت بمسؤليه انى انقل لكم تجربتي لعل أحدا منكم او منكن يستفيد منها

تم تعديل بواسطة أبو عمر المصري

ورزقك ليس ينقصه التأني * ولا يزيد في الرزق العناء

إذا ماكنـت ذا قلـب قنــوع * فأنت ومالك الدنيـا سـواء

" الشــافـعـي"

رابط هذا التعليق
شارك

...قال رسول الله عليه الصلاة والسلام...اذا امرت احدا ان يسجد لغير الله لأمرت المراة ان تسجد لزوجها...صدق رسول الله ص

مش تعلي صوتها عليه...في بيته...ايلي فاتحه بفلوسه...رجالة ورق..

وعن أبي هريرة عن النبي قال: [ لو كنت آمرا أحدا أن يسجد لأحد لأمرت المرأة أن تسجد لزوجها ] أخرجه الترمذي وقال: حديث حسن وأخرجه أبو داود ولفظه: [ لأمرت النساء أن يسجدن لأزواجهن لما جعل الله لهم عليهن من الحقوق ] وفي الترمذي وغيره عن النبي أنه قال: [ استوصوا بالنساء خيرا فإنما هن عندكم عوان ]

وروى ابن حبان عن أبي هريرة قال : قال النبي صلى الله عليه وسلم: " إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت " وصححه الألباني في صحيح الجامع برقم 660

وقال النبي صلى الله عليه وسلم‏ :‏ ‏" ‏لا يَفْرُك مؤمنًا مؤمنة إن كره منها خلقًا رضي منها آخر‏ "‏ ‏‏رواه مسلم ( 1469 ) من حديث أبي هريرة رضي الله عنه‏ ،‏ ومعنى‏ " ‏يَفْرُك‏ " : أي : يبغض‏ .‏

الاخ العزيز سامحنا لتصحيح احاديث النبي

وذكر احاديث اخرى لابد منها في هذا الموضوع

حتى تستقيم الحياة الزوجية لابد من تطبيق الهدي النبوي كاملا

ميفعش اخد الحديث اللي على مزاجي فقط

ودمتم بكل خير

عائد أنا من حيث أتيت ....

عائد أنا لمسجدي .....

عائد إلى الصلاة والركوع والسجود .....

عائد إلى الطريق خلف أحمد الرسول .....

عرفت قصة الطريق كلها وعائد أنا برغمها

رابط هذا التعليق
شارك

[quot='مسافر'

...قال رسول الله عليه الصلاة والسلام...اذا امرت احدا ان يسجد لغير الله لأمرت المراة ان تسجد لزوجها...صدق رسول الله ص

مش تعلي صوتها عليه...في بيته...ايلي فاتحه بفلوسه...رجالة ورق..

وعن أبي هريرة عن النبي قال: [ لو كنت آمرا أحدا أن يسجد لأحد لأمرت المرأة أن تسجد لزوجها ] أخرجه الترمذي وقال: حديث حسن وأخرجه أبو داود ولفظه: [ لأمرت النساء أن يسجدن لأزواجهن لما جعل الله لهم عليهن من الحقوق ] وفي الترمذي وغيره عن النبي أنه قال: [ استوصوا بالنساء خيرا فإنما هن عندكم عوان ]

وروى ابن حبان عن أبي هريرة قال : قال النبي صلى الله عليه وسلم: " إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت " وصححه الألباني في صحيح الجامع برقم 660

وقال النبي صلى الله عليه وسلم‏ :‏ ‏" ‏لا يَفْرُك مؤمنًا مؤمنة إن كره منها خلقًا رضي منها آخر‏ "‏ ‏‏رواه مسلم ( 1469 ) من حديث أبي هريرة رضي الله عنه‏ ،‏ ومعنى‏ " ‏يَفْرُك‏ " : أي : يبغض‏ .‏

الاخ العزيز سامحنا لتصحيح احاديث النبي

وذكر احاديث اخرى لابد منها في هذا الموضوع

حتى تستقيم الحياة الزوجية لابد من تطبيق الهدي النبوي كاملا

ميفعش اخد الحديث اللي على مزاجي فقط

ودمتم بكل خير

جزاك الله و اعطاك كل خير...

http://www.youtube.com/watch?v=sqKEPqjuJkw...feature=related

Dumnezeu sa salveaza ROMANIA

لا اله الا الله

محمد رسول الله

http://www.notcanada.com/

كندا حلوة وكويسة...علي اد الباسبور.وشهادة..وشكرا...

رابط هذا التعليق
شارك

...قال رسول الله عليه الصلاة والسلام...اذا امرت احدا ان يسجد لغير الله لأمرت المراة ان تسجد لزوجها...صدق رسول الله ص

مش تعلي صوتها عليه...في بيته...ايلي فاتحه بفلوسه...رجالة ورق..

دايما باعتقد ان الماديات مش المفروض تكون هيه المرجعيه

فى العلاقات الانسانية المحترمة!!

و الا يبقى الصوت الاعلى للى بيصرف اكتر

يعنى لو الزوج ( لا قدر الله )بيمر بظروف ماديه وحشة

و الزوجة هيه اللى بتدعم البيت.....ده يخلى صوتها اعلى؟؟!!

الموضوع غير كده خالص....المفروض المفروض ....دى علاقة سكن و مودة و رحمة !!

و ربنا يهدينا كلنا ....و ينور بصيرتنا..

رابط هذا التعليق
شارك

...قال رسول الله عليه الصلاة والسلام...اذا امرت احدا ان يسجد لغير الله لأمرت المراة ان تسجد لزوجها...صدق رسول الله ص

مش تعلي صوتها عليه...في بيته...ايلي فاتحه بفلوسه...رجالة ورق..

دايما باعتقد ان الماديات مش المفروض تكون هيه المرجعيه

فى العلاقات الانسانية المحترمة!!

و الا يبقى الصوت الاعلى للى بيصرف اكتر

يعنى لو الزوج ( لا قدر الله )بيمر بظروف ماديه وحشة

و الزوجة هيه اللى بتدعم البيت.....ده يخلى صوتها اعلى؟؟!!

الموضوع غير كده خالص....المفروض المفروض ....دى علاقة سكن و مودة و رحمة !!

و ربنا يهدينا كلنا ....و ينور بصيرتنا..

علي ارض الواقع بتختلف الحسابات ...خلينا واقعيين...وياريت مانتكلمش عن المودة والرحمة اليومين دول.

http://www.youtube.com/watch?v=sqKEPqjuJkw...feature=related

Dumnezeu sa salveaza ROMANIA

لا اله الا الله

محمد رسول الله

http://www.notcanada.com/

كندا حلوة وكويسة...علي اد الباسبور.وشهادة..وشكرا...

رابط هذا التعليق
شارك

علي ارض الواقع بتختلف الحسابات ...خلينا واقعيين...وياريت مانتكلمش عن المودة والرحمة اليومين دول.

ليه بس يا استاذ تورونتو التشاؤم ده

و الله انا بصنف نفسى واقعية ......و جدا كمان

و دى الحسابات اللى باعرفها و باشوفها فى ناس كتير حواليه

بس القصة ....ان اللى بيعمل حاجه كويسه و بيكون محترم

مابيقولش عليها.....لكن الناس اللى صوتها عالى

هيه اللى باينه ....و ظاهره فى الصوره اكتر!!

و المودة و الرحمة موجودين و هايفضلوا ليوم القيامة

طول مافى ناس محترمين ......بيعرفوا الاصول..

رابط هذا التعليق
شارك

..

بالظبط

http://www.youtube.com/watch?v=sqKEPqjuJkw...feature=related

Dumnezeu sa salveaza ROMANIA

لا اله الا الله

محمد رسول الله

http://www.notcanada.com/

كندا حلوة وكويسة...علي اد الباسبور.وشهادة..وشكرا...

رابط هذا التعليق
شارك

[quote name='newcomer' date='Dec 28 2008,

طول مافى ناس محترمين ......بيعرفوا الاصول

بالظبط

http://www.youtube.com/watch?v=sqKEPqjuJkw...feature=related

Dumnezeu sa salveaza ROMANIA

لا اله الا الله

محمد رسول الله

http://www.notcanada.com/

كندا حلوة وكويسة...علي اد الباسبور.وشهادة..وشكرا...

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...