بنت شعنونة بتاريخ: 23 يونيو 2003 تقديم بلاغ مشاركة بتاريخ: 23 يونيو 2003 كتييييير جدا الواحد بيروح كافيه او مطعم او مكان ظريف يقعد فيه مع اهله او اصحابه يقضي وقت ظريف ويروح.. انما المشكلللللللللة بقىىىىى ان الوقت دا ممكن يتقلب هم وغم على ناااااااااس كتييييير او يتقلب احراااااااااج لدرجة ان الواحد ممكن يروح ليييييييه بقى الواحد مننا يبقى ماشاء الله عليه طوووووووول بعرررررض ومثقف وواخد شهادة تسد عين الشمس وخارج مع اهله والا اصحابة ورامي مفتاح العربية على الطرابيزة ومعاها الموبايل لزوم الوجاها وحاطط رجل على رجل ومبتسسسسسسسسسم للحياة ويجيلك الجرسون من هنا يحط في ايدك المنيو من هنااااااا وتلاقي الدنيا ضربببببببببت الوان معاك من هنااااااااا (دا اللي بيحصل معايا على طوووووووووول ) تلاقي بسم الله الرحمن الرحيم بتاعت المنيو المقبلات.... بــــــــــــوم فــــــــريت... مين دا يا خويا؟؟ ديناميت؟ حد ققال كبريت؟؟؟؟؟؟؟؟ تقوم تعمل نفسك ما بتحبوش وتدخل على اللي بعده ســـــــــــــلاد....... او ســـــــــــلاط لا حول ولا قوة الا بالله؟؟؟؟؟ هيا دي السلطة يعني والا مين؟؟ بعده طـــحـــــيــنة ايوااااااا هياااااا دي انا عاوزا من دييييييييي ( ما دي الحاجا الوحيدة اللي فهمتها وعارفاها... ها احرج نفسي يعني ) نخش على الطبق الرئيسسسسسسي... بيكاتا بالشامبونيون...............( اسم صابون مواعين هاااااايل) كوردون بلو........ ( اعتقد انه اسم فيلم) فاهيتا بالمايونيز...........( احممممممدك يا رب فهمت المايونييز) ستيك ع الفحم ..........( بس اوعواااااااا عارفاااااااااها مش د اللحمة برضه؟؟) نيجي ع اللي بعده.. الشوربــــــــــــــــة..... كريمة الدجاج بالصوص المكسيكي..........( حتى الشوربة يااااربييييييي ) شوربة بصل ........... ( شكلي ها اخدها ما دي الحاجا الوحيدة اللي فاهماها) شوربة طماااااااطم ( يخرب بيت التخلف ما يقولوا دمعة وخلالالالالالالاص ) واخيرا المعجنـــــــــــــات... بيتزا سلامي....... ( وعليكم السلالالالام ورحمة الله وبركااااااااته........ اتفضضضضضضضضضضل!!!!!) بيتزا سوبريم............( دا غير سوير مان؟؟) بيتزا فراااااخ وهببببببب تلاقي نفسك بتنط من ع الكرسي وتقول ايواااااااااا هيااااااااا دييييييييي بيتزا فراااااااخ انا عاوزة من دي ( ما انت مش فاهم حاجا من مقرر سلاح التلميذ اللي قادمك دا غيرها) والمشكلة انك لو اتجرات وسالت بتبقى في موقف غبييييييي مرة حبيت اسال الراجل مين بوم فريت دا؟؟؟؟؟ كل ما اروح حتة الاقيه فصممت اعرف هوا ايه لقيت الراجل بيبصلي شزرا من فوق لتحت بقرف كدا وقالي دا بطاطس يا فندم..!؟ وانا اللي هل عليا التخلف كلللللللله ايييييييييييييه؟؟ بطاااااااااااااطس؟ يتاعتنا دي؟ الصوابع دي؟؟؟؟؟ اللي اسمها فرايز باين؟؟ اللي هيا بطاطس المقلية يعني؟؟؟؟؟ قالي ايوا!!!!!!! ليييييييييييييييييييه العقد دي كلها ما يكتبولنا الكلام بالعربي يا اخوانا عشان نفهممممممم يعني والله انا فعلا بتعصب وبتحط في مواقف سخييييييييف جدا ( زي ان اسم يعجبك ومش عارف هوا ايه وتشاور للراجل ع المنيو وتقوله عاوز من دا والنبي ............ او انك تلاقي حد جنبك بياكل حاجا شكلها حلو وتشاور وتقول هاتلي من دا .........ودا كله بيحصل معايا والله ) فيها ايييييه يعني لما نكتب حاجا مفهومة؟ بعض المطاعم اللي بتفهم يكتبلك اسم الطبق وترجمته تحتيه ( زي ما تكون داخل فيلم هندي) بيكاتا بالشامبنيون.. قطعة لحم عليها صوص الشامبنون وخضار سوتيه او رز حسب الطلب شفتوو الهنااااااااا اللي انا فيييييييييييييه اقتباس وانا من البلد ديييييييييييي رابط هذا التعليق شارك المزيد من خيارات المشاركة
مصرى بتاريخ: 23 يونيو 2003 تقديم بلاغ مشاركة بتاريخ: 23 يونيو 2003 بس انتى معقداها حبتين اللى يسأل ما يتوهش .. وبعدين السؤال ما حرمش ثم يعنى البوم فريت ما وردش فى القاموس ولا درسناه فى المدرسة .. وكلها أسماء ما أنزل الله بها من سلطان .. والسؤال مش عيب ولا مؤاخذه يعنى .. أحسن من إن الواحد ياكل حاجة ما يعرفهاش اقتباس عزيمة فرد واحد يمكن أن تحدث فرقاً .. وتصنع التغيير رابط هذا التعليق شارك المزيد من خيارات المشاركة
moody00x بتاريخ: 23 يونيو 2003 تقديم بلاغ مشاركة بتاريخ: 23 يونيو 2003 ولهذا السبب الهام جدآ فأنا والحمد لله لا أرتاد هذه ألأماكن الغريبة فى أجازتى لمصر أحب أروح الدهان فى الحسين ....ده كباب وكفته بس مستواه قل آخر مرة..والركيب برضه فى الحسين ده لحمة راس نفسى أروحه على السمع....وفيه أبو أشرف بتاع الكبدة ده راجل عصامى دلوقتى ماشاء الله سمعت انه بقى منتج سينما دلوقتى كان بيقف بعربية كبدة فى التحرير... وفيه كشرى أبو طارق وكشرى جحا وفيه التابعى فول وطعمية.... انما مايونيز بالبكلاويز دى ماليش فى الكلام ده.... بس بصراحة يوم ما انحرفت بجد رحت لمؤمن لذيذ والله....جوعتينى يا شانا اقتباس " إملأ عيناك بوجه من تحب فسوف تفتقده كثيراً فى يومٍ ما" رابط هذا التعليق شارك المزيد من خيارات المشاركة
بنت شعنونة بتاريخ: 23 يونيو 2003 كاتب الموضوع تقديم بلاغ مشاركة بتاريخ: 23 يونيو 2003 مهي دي المصيييييييبة انك لما بتسال بتلاقي الجرسون او الجرسونة يبصلك بنظرة ذات مغزى كدا وبعدها ضحكة مستفزة جدا اكنه بيقولك ( انت اول مرة تخرج سعدتك!؟!) دا غير التريقة بقى من اللي قاعدين معاك لو كانوا صحابك ثال يعني هما اللي فاهميييييييين بقى؟؟؟؟ "وش مفروووووووس" والمصيبة الأكتر انه كلللللللللله بقى يكتب الكلام العجب دا من اقل كافية لآعظم مطعم ولو دخلت مطعم فندق تبقى ليلة مش فايته لازم اجيب المترجم بتاعي معايا؟؟؟ "وش متنررررفز" انا اللي عاوزا افهمه طب فيها ايه لما يكتبهالي بالعربي؟ والا حتى يكتبلي ترجمتها تحت بطريقة افهمها مش يقولي كوردون بلو ........... كوردون بلو مع الصوص لفرنسي !!!!!!!!!!!!!! ياسلالالالالالالالالالالالالالالالام فهممممممممت انا كدا؟؟؟؟؟؟؟؟!!!!!!!!! دا غير المحلات المغسلة يكتبلك عليها.....دراي كلين المحروسة!!!! بقالة....... سوبر ماركت الحرمين؟؟؟؟؟؟!! وغيره وغيره وغيره من اللغات العجب دا انا مرة مشيت في شارع وقعدت ادوووووور على محل وااااااااحد يكون اسمه بالعربي مالقيتش غير محل كشري العمددددددددددة "وش بيعيط" اقتباس وانا من البلد ديييييييييييي رابط هذا التعليق شارك المزيد من خيارات المشاركة
مصرى بتاريخ: 23 يونيو 2003 تقديم بلاغ مشاركة بتاريخ: 23 يونيو 2003 يعنى تفتكرى الجرسون بياكل بالمينى فى بيته ؟! هى بس شوية عقدة الخواجة عشان يبرر الفاتورة المرتفعة اللى بعد كدة .. يعنى بطاطس لا تستحق الثمن لأننا عارفين كيلو البطاطس بكام .. لكن بوم فريت فيها كلام تانى .. عن نفسى أحب أسأل الأول ولا أجد حرج فى ذلك .. وأحيانا أسأل كمان عن طريقة الطهى .. غتاتة لكن دائما أجد الجرسون سعيدا وهو يأخذ فى الشرح .. اقتباس عزيمة فرد واحد يمكن أن تحدث فرقاً .. وتصنع التغيير رابط هذا التعليق شارك المزيد من خيارات المشاركة
الطفشان بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 بصي يا شعنونة من حقك تسألي لسبب بسيط ان الجرسون شغلته يخدمو الزباين و يريحهم و لو اتعوج عليكي قيراط اتعوجي عليه 24 المشكلة اللي بتوصفيها لها عدة جوانب - عقدة الخواجة من زمان و دي عندنا كل حاجة بلغة تانية يبقى شكلها شيك و حلوة و غالية و فينا اللي استعر من لغتنا و اصلنا - سكوت المستهلك يعني احنا لما بنرضى بالتغريب دة من المطاعم و غيره، احنا بنشجع على كدة - الكسوف بيمنعنا نسأل زي ما قلت فوق اقتباس الشعب اراد الحياة و القيد انكسر رابط هذا التعليق شارك المزيد من خيارات المشاركة
optimistic بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 عموما يا شانا الموضوع فيه كلام العربي بقي ::::بلدي::: يعني مقرف , فالجر , بيئة :::: المفاهيم اتغيرت طيب انتي نفسك تلاقيكي بتستخدمي الانجليزي بدل العربي بس في اوقات تانية و انا كمان :::و غيرنا اقتباس أمل صغير يناطح العماليق يفتح يده و ينثر بذورا و فرح شروق هل سبيقى هل سيعيش هل سيطيق رابط هذا التعليق شارك المزيد من خيارات المشاركة
se_ Elsyed بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 إضافة إلى الكلام القيم للإخوة هنا ، أحب أضيف يا سنان إن المحلات اللي زي دي بتلعب على الوتر الحساس لدى المستهلك ، وهذا الوتر هو حب المنظرة والتباهي بالأسماء الغير مفهومة ، يعني على سبيل المثال تبقى هي هي نفس البوزة بتباع فى محلات وسط البلد بـ 100 ج مثلاً وتلاقي الواحدة تتعمد أنها تشتريها من المول الفلاني اللى فى مدينة نصر أو فى الملحق التجاري بتاع الفندق الفلاني بـ 150 ج علشان تتمنظر قدام صديقاتها وتقول على المكان اللى أشتيتها منه ، ولا تذكر شيء عن الجودة أو الخامة أو أو ..... هأقولك على حاجة شوفي سلوك الشراء عند واحد عاش فى أوروبا أو أمريكا .. ادخلي أنت وهو سوبر ماركت تلاقيه مابيتكسفش أنه يشتري برتقالة أو تفاحة واحده .. عادي جداً ، لكن الواحد يدخل فى نفس المكان وتلاقيه يشتري حاجات يعجز عن حملها البعير .. وفى الأخر تبوظ فى التلاجة ويبقى مصيرها سلة المهملات . بإختصار يا عزيزتي هذا ما نسميه فقر وعنطزة. اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
بنت شعنونة بتاريخ: 24 يونيو 2003 كاتب الموضوع تقديم بلاغ مشاركة بتاريخ: 24 يونيو 2003 والله يا اوبتي انا عدوة اي لغة اجنبية في الكلام اللهم الا كلمة سوري بس هيا اللي على لساني و اوكي غير كدا كلامي عربي صرف او تلاقيني اتكلم مصري مخلط يعني معاه حبة سعودي حبة شامي ودا بحكم المعيشة بتلاقي عندي مفردات مش مصرية خالص غير كدا لحمدلله مافيش.. "وش فلاح كفر الهنادوة" والله يا س السيد في دي معاك حق بس المشكلة انه مييييين دا اللي ها يبيعلك برتقانة واحدا؟؟؟؟؟ اللهم الا في السوبر ماركتات الكبيرة وتمن البرتقالة هناك بتمن نص كيلوا بره!! "وش مفروس" على سيرة ان الست تشتري من مكان لمجر المنظرة عملتها مرة "وش محرج جدااااا" كنا في الكلية وفجة جاتلنا واحدا زميلتنا غااااوية منظرررررررة وتعالوا معايا دا فيه معرض مجوهرات هند في الشيراتون وانا ماليش في المجوهرات اصلا بس رحنا انا وهيا وواحدا كمان انا وزميلتي كنا لابسين لبس عادي يعني بتاع كليات اختنا منظرة هانم دايما متشيكة على سنجة عشرة دخلنا المعرض بجدبجد... كنا الشحاتين الي في المكان لدرجة خفت انهم يطردنا الستات كلهم لابسين افظع لبس وافظع مجوهرات ولا كاننا في ديفيلة!!! المهم اختنا منظرة فضلت تبستف فينا وانتوا فضحتوني انتوا معفنين ايه القرف دا انتوا ما تمشوش جنبي دا لبس دا ( خلوا بالكم كانت بتتكلم جد) المهم اشترت هيا من هناك عقد ياقوت كدا ب ابصر كام الف جنيه كدا انا روحت البيت موووووووولللللللللللللعة وراس والف بتاااااااع لازم اشتري حاجا من هناك وبابا يا بنتي يهديكي يرضيكي دي حاجات غالية ع الفاضي وانا بدااااااا المهم بابا سلم امره لله وخد معاه 5000 جنيه ورحنا لقيت بيهم خاتم صغنوووووووووون كدا يبان تحت الميكروسكوب بس لجل الحق ساعتها بابا صعب عليا رحت نازلة سوق الذهب واختارت خاتمين تووووووووأم خاتمين كانوا في المعرض عملو 500 جنيه بالضبط ورحت تاني يوم لابساه واحد ورحت اسلم على منظرة هانم اللي اتهبلت وووووووااااااااوووووو جبتيه ازاي دا؟؟ دا كان ب 8000 جنيه رحت بصيتلها بقرف ياي مش من مستوايا... ومشيت وسبتها "وش مييييييييييت من الضحك" هييييييه اياااااااااام الا ليت الشبااااااب يعود يوما..!؟ :(( اقتباس وانا من البلد ديييييييييييي رابط هذا التعليق شارك المزيد من خيارات المشاركة
Cleo بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 طيب لما المنيو تكون بالانجليزى و لا الفرنساوى و مش عارفة الأصناف اللى فيها ممكن تستعينى بصديق... إنما لما تكونى فى مطعم ألمانى أو سويسرى و المنيو كلها بالألمانى و لما يحب يترجملك الكلام يكتبه هوه هواه بس بحروف عربى، تجيبى هلموت كول يترجملك؟؟؟؟ اقتباس وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
butterflyspirit بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 المشكلة كلها ان الواحد يتكسف.... طيب ليه ماحنا كلنا مصريين ... و هوا يعنى كان مين فينا اتولد بيعيط بالفرنساوى واللا الالمانى.... و بعدين متضايقة من الجرسون ليه؟؟ ماتساليه" هوا حضرتك اخدت الكلام دة فى الجامعة واللا انتى اصلا عارفة بحكم ان الست الوالدة بتعملهلكم فى البيت باستمرار؟؟؟" و اذا كان بيبص بارف اوى ممكن يعنى يبقى يبطل يخدم الزباين الى مش ستايل دول و يبقى يدورلو على حتة تانية ّ!!!!! اقتباس عجبت لمن استهان بصغيرة و الجبال من الحصى .... لا تجعلن اهون الناظرين اليك هو الله .... رابط هذا التعليق شارك المزيد من خيارات المشاركة
Sherief AbdelWahab بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 شنشن: أنا أختلف تماما معاكي... كون إن أسامي المأكولات الأجنبية تقال في المطاعم بالأجنبية فهذا لأن المأكولات نفسها أجنبية...لأننا استوردناها من الخارج كما استوردنا كل شيء...و لا أريد أن أحمل الانفتاح على العالم الخارجي كل شيء لأن ثقافتنا أصبحت هشة...أي ثقافة أو نمط حياة قادم من الخليج أو من وراء المحيطات تستطيع كنسها و بكل سهولة... هذا أولا... ثانيا...البيتزا في كل العالم اسمها البيتزا...لم نسمع بأنها سميت في دولة ما باسم زربيح مثلا...و كذلك الكانيلوني و الميلك شيك و..و... الكارثة فعلا هي أن "نستعر" مما لدينا...بأن يصبح من "البيئة" بمكان مثلا أن نذهب لمطعم طعمية لنطلب سندوتش طعمية...بل تصبح كلمة طعمية نفسها مصدرا للخجل...وربما تظهر لها أسماء تتناسب مع الواقع الثقافي الجديد...تيعمية آلا شاتتتا! خلص الكلام اقتباس Sherief El Ghandour<br /><br />a furious Egyptian رابط هذا التعليق شارك المزيد من خيارات المشاركة
Proud Muslim بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 هههههه .. بصراحة انا هاموت من الضحك .. أضحك الله سنك يا أخت شعنونة بجد و الله .. و الأستاذ Sherief AbdelWahab كمان و الله تيعمية آلا شاتتتا! :)))))))))))))) بس هانعمل ايه .. حتى الأكل مش عارفين نفرض ثقفاتنا فيه على العالم .. في كل مكان .. تجد أكل صيني .. ميكسيكي .. هندي .. ايطالي .. سويسري ............الخ الا المصري ... مش عارف ليه ؟؟ يمكن علشان طبيعية الأكل المصري لا تصلح للمطاعم ؟؟ يعني مثلا .. تدخل مطعم و تقوله .. طبق محشي .. و طبق ملوخية و حتة لحمة ؟؟؟ :))))) هاتبقى صعبة شوية .. الأكل المصري اكل بيت .. و عايز قاعدة و رحرحة .. و هدوء بال و تركيز .. لكن الباقيين .. اكلهم .. take away في السريع .. نواشف أكثر منه طبخ .. بس ممكن نعمل زي بتوع حسن و نعيمة ( محل فول و طعمية جديد ) .. و الشعار بتاعهم the fast foool company و نسمي السندوتشات .. شطائر .. شطيرة لحم بالفطر الغرابي .. شطيرة دجاج بمستخلص الخردل و الخس .. !! اقتباس ذو العقل يشقى في النعيم بعقله.. واخو الجهالة في الشقاوة ينعم هذه مدونتي: Fathy رابط هذا التعليق شارك المزيد من خيارات المشاركة
الأفوكاتو بتاريخ: 24 يونيو 2003 تقديم بلاغ مشاركة بتاريخ: 24 يونيو 2003 لقد فرضت على أصدقائى هنا الأسماء العربية للأكلات المصرية التى أقدمها لهم عند زيارتى. و لا تستعمل زوجتى الإنجليزية سوى هذه التعريفات المصري عندا يسأل الضيف عن إسم الطعام المقدم: فالهامبورجر هو "كوفتة" و اللحم المشوى هو "كباب" و سلطة الطحينة, هى "تحينة" ( بغدم وجود ال...ط.... فى اللغة الإنجليزية و الطحينة بالحمص هى " هوموس" و البامية هى البامية و الكوسة هى " الكوسا" و المسقعة هى " الماسأآة" و الكنافة هى "الكنافا" و الطعمية هى " فالافل" و المدمس هو "فوول" و القائمة طويلة, و لكنهم جميعا يعرفونها صم. و هكذا ثقفت أصدقائى طعاميا , حيث أن معظم الأكلات الشرقية التى توجد فى كتب الطبيخ تستعمل الأسماء المصرية. اقتباس أعز الولد ولد الولد إهداء إلى حفيدى آدم: رابط هذا التعليق شارك المزيد من خيارات المشاركة
Salwa بتاريخ: 30 يونيو 2003 تقديم بلاغ مشاركة بتاريخ: 30 يونيو 2003 ده كلام صح فعلا ... معظم الاكلات التى توجد فى كتب طرق اعداد الطعام ....او انواع الطعام ....اسماءها هى هى الاسماء التى تنطق فى بلادها .. يعنى الاكلات الشرقيه .... يكتب homos....falafel......shawerma....tehina....harira....koftah... .kousa mahshi ...وهكذا... عقدة الخواجة عندنا بس ........ لان كل اكلة فى اى بلد لازم تنطق كما هى ... وفعلا من زمان الاحظ ان المطاعم فى مصر تقدم قائمة طعام باسماء غريبة ...خصوصا على المصرى الموجود فى مصر .. والمشكلة انهم ميعرفوش الاسماء العربية .... اجمل حاجة ان كل واحد يطلب بالطريقة العربية ...ولو الجرسون مش فاهم ....انصحوه يتعلم ...الأراب. وشكرا... سلامى. . اقتباس (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
wa7d بتاريخ: 30 يونيو 2003 تقديم بلاغ مشاركة بتاريخ: 30 يونيو 2003 الأكل المصرى أولا والعربى ثانيا هو من أطعم الأكلات . ولكن ماذا حدث ؟ إذا فتح أحدهم مطعما تنزل عايه المكاسب ويبنى العمارات ـ وتمر السنين وهو ياخد فقط من المطعم ولا يهون عليه يصرف مليم عليه للتحسين والتطوير والصيانه فتعفن الأدوات والمفارش وتتهبب عدد المطبخ ويؤثر ذلك على طعم وريحة المأكولات التى يقدمها . .... ثم ( تتاااا موسيقى تصويرية ) قدم من الخارج المطاعم الأجنبية وبأسمائها الأجنبية لو تلاحظوا ، حتى تقول للزبون المصري لن نعمل معك كما فعل صاحب المطاعم المصرى . وهذه المطاعم الاجنبية تفرض الصيانه والتغيير والتطوير . بل تفرض تغيير الديكور كل فترة معينه فرضا حتى لو كان الديكور القديم كويس وعال ، ولكن لا بد من التغيير وعندما قرأت فى كتيب المطعم الأجنبى عن سبب فرض التغيير إذا كان القديم ماشى رأيت أسبابا كثيرة ولكن ما لفت نظرى سبب يقول " خلق فرص عمل فى المجتمع الموجود فيه المشروع " يعنى هم عملوا بالمثل المصرى الشهير " إللى ياكل لوحده يزور " . الخلاصه أن هذه المطاعم الأجنبية سرقت الزبائن من المطاعم المصرية ولكن هذه المطاعم جاءت بأسمائها الأجنبية وبأسماء مأكولاتها الأجنبية أيضا والخطأ هنا هو جشع وطمع أصحاب المطاعم المصرية وتتلاشى بسرعة الكفته والكباب والفول والطعمية والكشرى والفته - أطعم وألذ الأكلات . اقتباس أنصر أخاك ظالما أو مظلوما رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.