اذهب إلى المحتوى
محاورات المصريين

لقد قمت بشراء أرض بتوكيل خاص عن طريق وسيط وخايف أبني لأني الموكل رقم أربعة


SherifZakaria

Recommended Posts

طيب خد الورق ده كله واطلع على الجهاز ..

وأطلب الإتطلاع على بيانات الأرض والملف ..

هيحولوك لإدارة الشوؤن القانونية .. هى هتراجع كل الورق ده ، و هتقولك إن شاء الله إن كل شىء تمام ..

إسألهم لو ينفع تسيب صورة من التوكيل بتاعك فى الملف الخاص بالأرض .. لو وافقوا هيكون زى الفل .

وحتى لو ما وافقوش ، هتكون إطمنت على كل الورق أنه سليم وكل شىء فى الأوكية ..

بخصوص المساحة .. أحياناً بتفرق المساحة الفعلية عن مساحة جواب البنك بتاع التخصيص .. بيكون الفرق بسيط 10 أو 15 متر ..

بسبب فرق التخطيط على الورق ورفع المساحة الفعلية بالكمبيوتر .

يعنى خلاصة الكلام .. حط الورق اللى معاك فى دوسية وأطلع بيه على الجهاز .. وإنت إن شاء الله هتطمن وتكون زى الفل ..

وزى ما إتقال قبل كده ، المدن الجديدة كلها بيع بالتوكيلات ، ، يعنى نادر ما بتلاقى مالك أصيل هو اللى بيتحرك بالورق .

من فضلك ..دعنى أرى كيف تتحدث حتى أعرفك .. ودعنى أرى كيف تختلف حتى أحترمك .

رابط هذا التعليق
شارك

يا أخ شريف ..

التوكيل بيكون مثلا ً من أحمد لعلى لعمر لشريف ..

أحمد يوكل على على قطعة الأرض ..

توكيل بالبيع والتنازل للنفس والغير وكافة المعاملات مع حق توكيل الغير فى بعض أو كل ما سبق . توكيل غير قابل للإلغاء .

وعليه على يوكل عمر فى كل ماسبق + حق توكيل الغير فى كل ما سبق . توكيل غير قابل للإلغاء .

وعليه عمر وكل حضرتك فى كل ما سبق . توكيل غير قابل للإلغاء أيضاً

أى أنك الأن معك توكيل من صاحب الأرض الأصلى نقلاً عبر عدة توكيلات سارية وغير قابلة للإلغاء .

هذا التوكيل يتيح لك البيع والتنازل للنفس والغير وكافة المعاملات مع حق توكيل الغير .

بحق توكيل الغير تستطيع إعادة البيع (( بالتوكيل )) لغيرك .

وبالتنازل تستطيع عمل تنازل لنفسك فور توافر شروط التنازل .

وطبعاً أصول الأوراق إنتقلت من أول صاحب حتى حضرتك . . أى أنه مفترض ان يكون معك الأن كل أصول أوراق الأرض .

حيث لا يقوم احد بالشراء إلا بالحصول على ورقة التخصيص الأصلية . وبالتالى سيكون صعب جداً أن يقوم أحدهم ببيع نفس الأرض مرتين .

لذا أنصحك مرة أخرى .. إذا توفرت مع السيولة اللأزمة سارع فى بناء الحد الأدنى المطلوب ، وسجل التنازل وإشترى دماغك .

ولله يا حاج فوزى كلامك جميل أوي و فهمني موضوع التوكيلات كويس أوي... بارك الله فيك...

أنا الأوراق الي معاية كالاتي:

1- محضر إستلام (الأصلي)

2- رسالة من بنك التعمير والاسكان - فرع العبور, موجها الى رئيس - جهاز تنمية مدينة العبور تفيد بتخصيص قطعة الأرض وبياناتها ولاكن المساحة المذكورة في الرسالة خاطئه, فمساحة الأرض 584,69 وفي الرسالة مكتوب 600م2'الحاج فوزى' .

3- أصل فتورة سداد دفعات مقدمات و مجلس امناء.

4- عدد 2 ايصال إستلام نقدية من وزارة الاسكان والمرافق والتنمية العمرانية باسم المالك.

5- رخصة الأرض و شروت الرخصة (الأصل)

6 - أربع توكيلات (صوره فقط)

7- التوكيل الذى كتب لي ولاكن المساحة المذكورة في التوكيل الخاص خاطئه, فمساحة الأرض 584,69 وفي التوكيل مكتوب 600م2.

8- عقد بيع ابتدائي لقطعة أرض معدة للبناء ولان مره أخرى المساحة المذكورة في في عقد البيع خاطئه, فمساحة الأرض 584,69 وفي عقد بيع ابتدائي مكتوب 600م2. ولم يذكر حدود الأرض ولا القيمة النقدية الذى دفعتها له.

9- رسمات الأرض.

شكرا جدا يا حاج فوزى على اهتمامك بالموضوع...

مشكله كبيرة عدم وجود اصول التوكيلات ( لن تستطيع استخراج بدل منها لان اسمك غير موجود فيها)

و مشكله اخرى كبري الخطأ في مساحة الارض يمكن استغلاله بشكل سيئ ضدك و كذلك عدم ذكر حدود الارض

و مشكله ثالثه عدم اثبات صحةتاريخ العقد الابتدائي و عدم وجود عقود البيع السابقة لديك

يجب ان تبنى بسرعة و تدعو الله الا تحدث مشاكل. و على فكرة سيطلبون منك بطاقة المالك الاصلي الشخصية او حضوره عند تقدمك لاي طلب بالجهاز سواء لعمل محضر تشوين او التقدم لعمل عداد المياه للبدء في البناء او الكهرباء -

رابط هذا التعليق
شارك

لقد قمت بشراء أرض بتوكيل خاص عن طريق وسيط وخايف أبني لأني الموكل رقم أربعة. أي انا اشترتها من واحد قام بشراءها بتوكيل خاص من واحد ثاللث والثاللث قام بشراءها بتوكيل خاص من ثاني والثاني قام بشراءها بتوكيل خاص من المالك الأصلي ولي هوة كان من نصيبه القرعة.

أنا خايف لتعدد التوكيلات السابقة. وخابف كمان بعد ما أبني وأسرف عليها كل ما أملك, يجيلي المالك الأصلي ويقولي دي أرضي و مكتوبة بأسمي في الجهاز أو يقوم أحد الموكلون بالبيع الصابقين, ببيع أرضي مرة أخرة لأحد اخر دون أن أعلم ده اذا ما كانتش اتباعت قبل كدة.

أنا اتسرعت في شراء الأرض دون تفكير و الأن مش عارف أعمل ايه؟؟

يا أهل الخبرة ساعدوني من فضلكم .... هل أبني وهل الموضوع فيه خطورة؟ وكيف أضمن حقي ؟

اخى الفاضل

لابد لكى تطمئن ان يكون معك توكيل من المالك الاصلى

لذا ممكن عن طريق من باعوا الوصول له و الغاء جميع التوكيلات و عمل توكيل جديد

لانه بيكون فى فقرة فى عقد البيع الابتدائى تنص على عمل توكيل جديد لكل مشترى جديد

و اذا كان ده صعب فعلى الاقل حاول مع من اشتريت منه انه يحضر لك المالك السابق ليلغى توكيله و يعمل لك توكيل مباشر لك

و بكده تقلل عدد التوكيلات

كمان المالك السابف بيكون ملزم بالحضور امام الجهاز لو فى اى عائق

" ربي أوزعني أن أشكر نعمتك التي أنعمت علي وعلى والدي وأن أعمل صالحا ترضاه وأصلح لي في ذريتي إني تبت اليك وإني من المسلمين "

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...