اذهب الي المحتوي
إنشاء باب جديد بعنوان سد النهضة الإثيوبي لكل الموضوعات المتعلقة بسد النهضة ×

مصري مجبور يروح الامارات .... الحقوا أخوكم


Recommended Posts

الحقوني يا مصريين ...

أنا بقالي سبع سنين بشتغل هنا في القاهرة في مجال الغرافيك دزاينر و الميديا و شغلي تمام التمام هنا فمصر

من يومين كده جالي إشعار إني لازم روح الجيش خلال كام يوم , و المشكلة إن شركتي ما تسحملنيش أروح الجيش و أرجعلهم قالولي حيلاقو غيري ... و أنا ياجماعة مقدرش روح الجيش علشان عندي عيلة لازم أعيشها و اذا انقطعت عنهم بالمصروف لمدة شهر حيتبهدلو و يبقو في الشارع و أنا عندي سبع إخوة و كلهم تحت السن القانونية و والدي متوفي

عشان كده صاحبي في الامارات نصحني إني روح هناك و هو حيتكفل بالسكن بتاعي بس أنا يلي لازم ألاقي شغل بنفسي و من هناك حبعت المصروف لأهلي

أنا معرفش حاجة عن الامارات و أنا قريت مشاركاتكم عن الامارات ما لقيتش موضوع يتكلم عن المهنة بتاعتي

صاحبي قلي إني لازم أطلب راتب 12000 درهم وإن ده الحد الأدنى لواحد بيشتغل شغلتي و عندو خبرة جيدة

إذا حد يعرف أوضاع الشركات هناك إيه بالنسبة للمجال بتاعي وهل حلاقي شغل بسهولة و هل الراتب ده كويس بالنسبة لواحد بخبرتي

ما تنسونيش يا جماعة أخوكم بحاجة ليكوم أنتو إن ساعدتوني حتساعدوا عيلة بكاملها

رابط المشاركه
شارك

السلام عليكم ورحمة الله وبركاته

أخي العزيز كم أنا متفهم لحالتك لأني عندي عيله وأسره وعارف أن العائل الوحيد لهم لما بيبغيب أو يـتأخر عليهم فى المصاريف بيتبهدلوا

بس أنا للأمانه أنصحك أنك متتخلفش عن الجيش وعندك سبب أن والدك متوفي وأنت العائل الوحيد للأسره وأعتقد أن ده سبب على الأقل لو مش هتتعفي من الجيش هيأجللك ميعاد دخولك لحين بلوغ أحد أخوانك سن الرشد وبعدين يطلبوك وممكن وقتها يكون سنك عدي السن المسموح بيه للتجنيد

ولكن في حالة هروبك أعتقد أنه مبدأيا هيطلبوا منك فى أوراق السفر موقفك من التجنيد أو شهادة التأجيل أو المعافاه وكمان تصريح السفر !!!!!! صح ولا لأ

هتعمل أيه ؟؟؟؟؟

ولو بطريقه أو بأخرى سافرت مش هتقدر ترجع البلد إلا بعد كام سنه يكون عمرك بقى فوق سن التجنيد علشان وقتها هتتمسك ويخدوك من الدار للنار!!!!!

ده بالإضافة أنك هتدفع غرامة ماليه لتخلفك عن التجنيد !!!!!!!

روح إسأل وأكيد هتلاقي طريقه لتأجيل التجنيد وحاول تخلص الأوراق اللى هيطلبوها منك علشان يعفوك مؤقتا ومين عالم يمكن دفعتك تاخد تأجيل من أساسه وربنا عالم بظروفك وهيساعدك

ربنا يوفقك وييسرلك أمرك

والسلام عليكم ورحمة اللة وبركاته

رابط المشاركه
شارك

المشكلة يا عاشق الترحال إن أحد إخوتي حيعدي ال18 السنة دي عشان كده أنا ماقدرش أأجل الجيش بتاعي لأنهم حيسحبوني حيسحبوني .... أنا سألت عن الموضوع ده و القصة مش حتنحل و كمان ماتنساش إن شركتي حتستغنى عني في حال رحت الجيش و المصير ده حييجي حييجي

ما تفهمنيش غلط أنا ما بهربش من الجيش أنا بالعكس عايز أخدم وطني مصر بس وضعي المادي ما يسمحليش و هم حيسحبوا أخويا بعد كام شهر عشان كده لازم أشتغل و أصرف على العيلة بتاعتي

أنا سألت كتير و خلاص ماليش حل غير إني سافر برا مصر و ماليش غير الامارات

و أنا استفسرت في الجوازات وحسافر قبل ما يصير أخوي 18 و مش حعتبر متخلف عن الجيش و عشان كده لازم أسافر الأسبوعين دول

ومتشكر جدا على تعاطفك معايا و يا رب يساعدك في وضعك زي ما بطلب من ربنا دايما أنو يساعدني

تم تعديل بواسطة الدسوقي
رابط المشاركه
شارك

السلام عليكم ورحمة الله وبركاته

بص يا عم الدسوقي

معاك اخوك حسام

انا هحكيلك على قصة اتنين اصحابى حصل معاهم نفس الموقف

الاتنين موالديهم فى سنتين متتاليتين مثل 85 و 84

ولحظهم كان ميعاد تقديم جيشهم فى وقت واحد مع بعض وكان والدهم متوفى وملهمش اخوات تانين غير بنتين وامهم كان قدامهم بدلين لاما يدموا الاتنين مع بعض لاما واحد يضحى ويدخل والتانى يبقى العائل

الاتنين قدموا عادى جدا ومحدش طلع شهادة الوفاة بتاعة الوالد وسبحان الله الاتنين اخدوا تاجيل

بصراحة انا شايف انك تتوكل على الله وتقدم عادى والارزاق بيد الله

محدش يعرف الخير فين

قدم عادى وممكن تاخد تاجيل وتبقى قانونى وتقدر تعيش براحتك حر نفس متخطرش بسفر للامارات غير مضمون والحياة هناك غالية جدا وكمان اجراءات غير مضمونة وهروب من البلد كل ده ليه

وربنا كفلك الرزق ( وفى السماء رزقكم وما توعدون )

وفى الاول والاخر صلى صلاة استخارة وربنا هيدلك عالخير

تحياتى

رابط المشاركه
شارك

قدمت كعائل بس ترفض طلبي و دلوقتي ما ليش حل غير إني أسافر خلال كام يوم

و يا جماعة حد يساعدني بجد أنا مش عارف أعمل إيه لما روح هناك و أنا قدمت الفيزا و حسافر خلال كام يوم

أرجوكو أرجوكو إذا حد يعرف أي حاجة عن المهنة بتاعتي يجاوبني دنا حتبهدل

وربنا يساعدكو زي ما حتساعدوني

رابط المشاركه
شارك

سافر ولازم هتلاقي شغل ان شاء الله

رابط المشاركه
شارك

اخي العزيز : طالما انت لسسه مطلوب للجيش بفرض قدرت تعمل جواز سفر و حتى لو سافرت ها تفضل عندك مشكله ان جواز السفر هيكون لفتره مؤقته كحد اقصى حتى وصولك 29 سنه و نصف على احسن تقدير

و بعد كل المصاريف اللي هاتصرفها و التعب في السفر هاتلاقي نفسك مجبر ترجع لان قوانين الاقامه في الامارات تنفذ بشكل فعلي فلا يمكن لك ان تستمر في العيش هناك دون اقامه موضوعه على جواز سفر ساري الصلاحيه

انا كنت في الامارات و قبل ذلك كنت في احدى الدول الاوروبيه ورجعت لاتمام الجيش لان الهروب في احدى الدول و البقاء فيها بدون اقامه شيء غير وارد بالنسبه لانسان من حملة المؤهلات فلا داعي لكل ذلك انا غداا ذاهب الى معسكر التدريب اخلص السنه و يادار ما دخلك شر و انصحك تمشي قانوني سنه تفوت و لا حد يموت دعواتك لينا و ربنا يوفقك الى مافيه الخير

رابط المشاركه
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زوار
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

×
×
  • اضف...