Jump to content
الطفشان

هواية صيد السمك في مصر و العالم

Recommended Posts

واضح من نقاش سابق ان هناك العديد من الاخوة الاعضاء الذين يحبوا صيد السمك كهواية محببة الى نفوسهم

و خاصة ابو حلاوة و مكسوف و سكوربيون

و بالتالي

اردت فتح هذا الموضوع لنتكلم فيه عن هواية صيد الاسماك

- انواع الاسماك التي تصاد

- هل هي في مية حلوة ام مية مالحة

- ما هي الطرق المختلفة (نوع العدة، الطعم، الخ)

- سواء في مصر او في غيرها

مين يبتدي؟

Share this post


Link to post
Share on other sites

مارست هواية صيد السمك فى النيل وفى البحر المالح .. وفى الحالتين بالسنارة الغاب العادية .. فلم أفلح فى إستخدام السنارة المعدنية ..

ولم آكل مما إصطدت لأنه كان سمك صغير الحجم ولا أحب أكله بالاضافة الى قلة كميته فكان يحصل عليه أحد الأصدقاء الذى يجب هذا النوع من السمك ..

إنها هواية الصبر .. ولكن عيبها تجهيز السنارة بالطعم الذى هو دود الأرض فى معظم الأحيان .. طبعا هناك أنواع من الأسماك يتم صيدها بنوعيات أخرى من الطعم ولكن الدود هو الغالب فى صيد السنارة ..

أفضل عنها الصيد بالبندقية الخرطوش سواء صيد البط أو صيد الغزلان ولكن كان زمان .. كان زمان على رأى الست أم كلثوم

Share this post


Link to post
Share on other sites

شكرا يا اخ مصري عشان استفتحنا بيك

طبعا يعلم الاسكندرانية طرق الصيد المتبعة

و هي ان تذهب الى شاطئ ستانلي او رشدي او جليم او المنتزة

و هناك اماكم ابعد مثل المعدية مثلا او العجمي

و يكون معك اما بوصة طويلة 6 متر بدون ماكينة، و تصطاد من فوق الصخر

أو من على الرمال او من فوق السور باستخدام بوصة بماكينة

الانواع التي يسعى الصيادين وراءها هي الدنيس و الشراغيش و الشفش

و هناك انواع اخرى ثانوية مثل المرمار، و الصرب و غيرها

و الطعم اما جمبري حي تصحى من قبل الفجر تروح تشتريه من المنشية

او باستخدام برغوت البحر (نوع من الجمبري الصغير)

او الجلاجولة (قوقع بحري)

و يمكن الصيد في المناطق الصخرية لانواع اخرى من السمك، مثل الوقار، و البغبغان

لو غاوي سمك كبير مياس و بلاميطة و قاروص، يبقى الصيد في عرض البحر بالمركب، و تعمل "ترييش" او "تجرية"، يعني تجر وراك طعم صناعي في المية

و نادي اليخت و نادي الصيد متخصصين في هذه المسائل

البوري يصاد بوسائل اخرى، حيث انه سمك نباتي

فيتم عمل الطعم من العجين او لبابة العيش

بس مقرف في صيده، لانه سمك واعي قوي

هذا عن الصيد في الساحل الشمالي عموما

و يبقى:

الصيد بالبندقية تحت المياه

و صيد المية الحلوة

و الصيد في خارج مصر

و ساحاول ان اكتب عن هذا في مرات قادمة

(فين العالم اللي بتقول عايزة ترجع مصر و تتقاعد و تصطاد سمك!

هو فشر و خلاص!)

Share this post


Link to post
Share on other sites

أنا كنت مثل الأخ المصرى .. كنت أصطاد سمك من النيل لأننى كنت أسكن على بعد 10 أمتار منه ..و كان سمك بساريا أو بلطى صغير .. و كنت أجلس من الصباح الباكر حتى الليل حتى أصطاد 10 سمكات أكبر واحدة لا تتعدى حجم السبابة .. لكنى كنت آكله من الغيظ و الغل بعد تعب اليوم و لكنى منذ دخلت الثانوية لم أصطاد سمك .كما أن السمك قل فى النيل ..

لكن الواضح يا أخ طفشان أنك أسكندرانى و ضليع فى صيد السمك ..و كل أنواع السمك الذى ذكرته أنت لا أعرف شكله فقد سمعت عنه فقط.!!

Share this post


Link to post
Share on other sites

الاشكال اننا في مصر عندنا اهمال في كل شئ و منها البيئة و الموارد السمكية

و بالتالي اضمحلت الثروة السمكية من جراء التلوث و الاسراف في الصيد بدون ضوابط

نعود الى صيد المية الحلوة في مصر

طبعا اي ترعة او رياح او نيل فيه سمك

و اشهر الانواع لصيادي الصنارة هي البلطي

و البوري

و الطوبار (نوع من البوري)

و كذلك القرموط (سمك القط) ابو شنبات

و هناك سمك اسمه "سير" او "صير" (و هو الذي تصنع منه الملوحة الصعيدي، و ممتلئ بالاشواك)

و ايضا قشر البياض

اي شخص يمكن ان يصطاد بالبوصة باستخدام الدود او العجين

و سمك المياة الحلوة يكون فيه طفيليات من الديدان و غيرها

و يجب طهيه جيدا لقتل هذه الطفيليات و عدم انتقالها للانسان

و هناك اماكن قليلة يمكن فيها صيد انواع المية الحلوة و المية المالحة

مثل بحيرات ادكو و المعدية و البرلس و غيرها

Share this post


Link to post
Share on other sites

بمناسبة صيد السمك

واحد بلديتنا راح يصطاد وبعد ما وصل البحر أكتشف ان مامعهوش طعم ،فقال أتصرف وأضحك على السمك راح كتب على حتة ورقة " طعم " ونزلها البحر عدت ساعة والسنارة غمزت طلعها لقى ورقة مشبوكة فى السنارة مكتوب عليها " سمكة "

( وش واحد غلس عايز يبوظ التوبيك "

ياعم صيد أيه وبتاع أيه أقعد أتسلق بالساعت فى الشمس علشان أصطاد كيلو سمك ، أنا أروح باحترامي السوق أشتريلي اتنين تلاتة كيلو سمك جاهز ومعاه السلطات والطحينة والعيش السخن ، ووأنا راجع أستري زجاجة سفن آب علشان أعوم السمك بعد الاكل....

( وش غلس تاني غير الأولاني )

Share this post


Link to post
Share on other sites
نعود الى صيد المية الحلوة في مصر 

طبعا اي ترعة او رياح او نيل فيه سمك 

و اشهر الانواع لصيادي الصنارة هي البلطي 

و البوري 

و الطوبار (نوع من البوري) 

و كذلك القرموط (سمك القط) ابو شنبات 

و هناك سمك اسمه "سير" او "صير" (و هو الذي تصنع منه الملوحة الصعيدي، و ممتلئ بالاشواك) 

و ايضا قشر البياض

فكرتونا

بصيد السمك

هواية جميلة وكنا نصطاد بالبوصة والسنارة ونبحث عن الدود فى الأرض الطينية المعطنة أو نعجن عجينة لكن المشكلة أنها كانت تذوب سريعا فى الماء

أما عن نوع السمك اللى ذكره الطفشان فلا أتذكر أننا اصطدناه وكل ما كنا نحصل عليه هو سمك صغير جدا ليس له اسم من المسميات المعروفة وكنا نطلق عليه مجازا بساريا جتى انطبق اسم بساريا فى عقولنا على كل سمك صغير أو عينات سمك

أما مالا أنساه

هو بحيرة ملوثة موجودة فى مدخل اسكندرية بالطريق الصحراوى قرب العجمى واعتقد هى فرع من ترعة الخطاطبة أو ربما فرع رشيد لا أدرى واكتشفناها بالصدفة وكنا نصطاد سمكة فى كل نزلة سنارة كل نصف دقيقة وترى السمك وهو متجمع ليأكل الطعم وكان منظره جميلا حتى أولادى كانو صغارا وكان يطلع معهم سمك بمجرد مد السنارة فى الماء

حتى أنى رجعت مرة ثانية لأصطاد فى نفس المكان ولم أتوصل اليه وتوهت

وطبعا هواية الصيد ممتعة وان كان سمكها لا يرقى للأكل والأهم كان المتعة فى الصيد

وفى مرة اتخميت ونصبت عليا شركة فى هونج كونج شاهدت اعلانها فى كتالوج غرفة صناعة هونج كونج وكان منتجها هو جهاز يعمل ذبذبات لتجميع وجذب السمك على السنارة وأرسلت للشركة شيكا بالدولار لارسال دفعة عينات وتسمى طلبية استطلاعية samples order

ولكنى لم أتلقى الطلبية الى الآن ولا استرديت المبلغ المرسل وعلمت بعدها أن الشركة نصابة والجهاز المنشورة صورته بالكتالوج جهاز وهمى ونصب فى نصب

هذه بعض ذكرياتنا مع الصيد

Share this post


Link to post
Share on other sites

بتفكرونا بالايام الحلوة..
كلام الفاضل..الطفشان..اقرب لأنه عن اسكندرية..بس يظهر نسى رصيف الأرماجان ..واحلى صيد بالبندقية والبوصة..والاخطبوط؟؟ والكالامار؟؟
وفيه ادوات كتير تباع فى محلات الصيد..مثل اسماك ملونة ..مصنوعة من مادة خاصة تشبه البلاستيك الرخو وهى على هيئة دنيس وشراغيش وقاروص ومياس وغيره...الصيد هواية رائعة وتجعل الانسان يفكر بهدوء..
ويأكل سمك طازج.
صبد السالمون مشهور هو والتروتشا...فى الأنهار.
من 20 سنة..عرفت لأول مرة..انهم هنا بيصطادوا ب..الفراخ النية.
وكنت قبلها اظن ان الصيد بالسنارة لازم يكون الطعم جمبرى او دود ..
وفيه حد فيكم جرب يرمى شبكة؟؟
ويصطاد بالملقاف؟؟
وياما الواحد جمع ام الخلول...فى برطمانات..
عمار يا اسكندرية
سلام

Share this post


Link to post
Share on other sites

رغم انني اعاني من حاله كسل شديدالااني

لم استطيع تجاهل موضوع اخي الطفشان عن الصيد.

واذكر لكم بعض النقاط السريعه عن تاريخ الصيد في حياتي.

-بدءت الصيد و عمري 6 سنوات في ترعه لا تجاوز

عرضها 5 متر واذكر اني اول سمكه اصدتها كانت قد العقله و فضلت اجري بيها و انا اصرخ سمكه و محدش شايفها من صغرها.

ـانتقلت بعد ذلك الي الصيد في الاسكندريه واول سمكه اصدتها اسمها بطاطا ومن ل فرحتي

رحت واخدهابالحضن وطلع فيها شوك يسبب الالام

شديده و رعشه بالجسم و لكنها سمكه ممتعه في الصيد والاكل.

ثم انتقلت الي الصيد في جده واخذت كورسات

غطس و تحولت الي صيد البنادق حيث تختار السمكه التي تريد اكلها.

اما هنا في تكساس فصيد البحيرات يختلف و القونين صعبه و لابد ان تقيس كل سمكه لمعرفه

اذا كان حجمها مسموح و اشهر اسماك البحيرات

cat fish زي القراميط و Bass زي الدنيس.

و حاليا ابحث عن مركب نص عمر لتوسيع عمليه

الصيد.

الجميل ان زوجتي اصبحت مدمنه صيد واختفت مشاكل كل اسبوع عن تركي لهم و ذهابي للصيد.

هذا موجز شديد عن تاريخ الصيد في حياتي اخي

الطفشان و ممكن اكتب لك مجلدات عن العديد من المواقف التي حدثت لي سواء فوق الماء او تحت الماء .

Share this post


Link to post
Share on other sites
أما مالا أنساه 

هو بحيرة ملوثة موجودة فى مدخل اسكندرية بالطريق الصحراوى قرب العجمى واعتقد هى فرع من ترعة الخطاطبة أو ربما فرع رشيد لا أدرى واكتشفناها بالصدفة وكنا نصطاد سمكة فى كل نزلة سنارة كل نصف دقيقة وترى السمك وهو متجمع ليأكل الطعم وكان منظره جميلا حتى أولادى كانو صغارا وكان يطلع معهم سمك بمجرد مد السنارة فى الماء

حتى أنى رجعت مرة ثانية لأصطاد فى نفس المكان ولم أتوصل اليه وتوهت

وطبعا هواية الصيد ممتعة وان كان سمكها لا يرقى للأكل والأهم كان المتعة فى الصيد

هذه البحيرة هي بحيرة مريوط (او ما بقي منها)

و فعلا ملوثة نتيجة لانها مصب المصارف الزراعية و ما فيها من كيماويات و ما تقذفه فيها المصانع في المكس و تلك المناطق

و للاسف كنت ارى صيادين يحترفون الصيد يسترزقون من هذا السمك الملوث و يبيعونه على الطريق و في الاسواق

و صيادين هواة يذهبون الى هناك ايضا ليقضوا وقتا بعيدا عن مشاغل الدنيا

Share this post


Link to post
Share on other sites

كويس اللي فكرتيني يا اخت سلوى

حد ينسى الارماجان برضه؟

و الاخطبوط كنا بنجيبه ببندقية فعلا

لكن الكالاماري، لا اذكر احد اصطاده، لانه صغير الحجم

و التروتشا يبدو انه الاسم الاسباني للتراوت Trout

و هو افضل انواع الاسماك هنا للصيد و يسعى وراءه الصيادية بشغف شديد لطيب لحمها و ذكاءها و انها بتعافر جامد عندما تمسك في الصنار

و له مواسم معينة

و كذلك السالمون ايضا و هو سمك مهاجر يعيش في المحيط و يدخل الانهار في الخريف ليتزاوج و يبيض ثم يموت (و تكون رائحة الانهار عفنة نتيجة للعدد الكبير من السمك الميت!)

و هو سمك محبب للناس صيده هنا لانه قوي جدا و لحمه طيب

وياما الواحد جمع ام الخلول...فى برطمانات..

و انا شاب كنا نأكل ام الخلول بالطحينة و الليمون

بس بعد كدة قالوا لنا التلوث خلاها من الممنوعات

فلم اكلها من عقود

Share this post


Link to post
Share on other sites
ـانتقلت بعد ذلك الي الصيد في الاسكندريه واول سمكه اصدتها اسمها بطاطا ومن ل فرحتي

رحت واخدهابالحضن وطلع فيها شوك يسبب الالام

شديده و رعشه بالجسم و لكنها سمكه ممتعه في الصيد والاكل.

سمك البطاطا يحب ان يصطاده الصبيان باستخدام الخضرة (النباتات البحرية و الطحالب)

و للاسف هذا السمك يكون موجودا في مصبات المجاري (الصرف الصحي) في البحر

و فعلا هو سمك سام

و موطنه الاصلي هو البحر الاحمر و الشعب المرجانية

و جاء الى البحر الابيض عبر قناة السويس

الطفشان و ممكن اكتب لك مجلدات عن العديد من المواقف التي حدثت لي سواء فوق الماء او تحت الماء

ياريت تحكي لنا بالتفصيل

و بالذات عن الصيد تحت المية بالبندقية

Share this post


Link to post
Share on other sites

في بعض الولايات الجنوبية هنا

يتم صيد سمك القط (القرموط) بطريقة عجيبة اسمها noodling

ينزل شخص في الماء و يضع يديه في الفجوات و يتحسس السمك

فاذا وجد سمكة امسكها

و احيانا يحرك صوابعة في الماء فتبدو مثل الطعم للسمك الكبير و يعض يده فيمسك بها

و البعض يمسك اسماء كبيرة جدا بهذا الاسلوب، تصل الى اربعين رطلا و يزيد

و البعض مات غرقا بسبب هذا

و محترفي هذا النوع من الصيد هم البيض الغير متعلمين العاطلين عن العمل (يسمون ب Red Necks)

Share this post


Link to post
Share on other sites

أنا بدأت أصطاد لما كان عندى 11 أو 12 سنة و كنت باصطاد فى حوض ستانلى. الصيد كان بالبوصة والطعم كان يا إما جمبرى أو سمك البسارية الصغير أو العجينة. حاولت أكثر من مرة إنى أصطاد بحاجة إسمها الحديف (بضم الحاء و شد الدال) بس ماصطادش حاجة.

أكبر سمكة إصطادتها كانت بورى و كان طولها حوالى 15 سنتيمتر و أخذتها البيت و خليتهم يطبخوهالى.

هنا في كندا باصطاد فى معظم الأوقات فى النهر. إصطدت سمك كبير - أكبر واحدة كانت 112 سم . 90% من السمك Cat fish و بارجعه فى الترعة لإنه مش أعظم سمك فى الدنيا. الأنواع التانية هى ال Perch و ال Pickerel و ال Carp. الطعم فى جميع الحالات هو الدود.

فيه نوع تانى نادر إسمه Sturgeon بس ده ممنوع الإحتفاظ به و اللى بيصطاده بيتصور معاه و يرجعه فى النهر.

بعد كده أوقات باروح أصطاد فى الشتاء فى البحيرات Ice fishing. البحيرة بتكون متجمدة. و بنروح (أنا و إخوات مراتى) فى كشك (بضم الكاف الأولى مش بكسرها) و نعمل خرم فى الثلج و نصطاد بالخط النايلون و الطعم lures عبارة عن معدن له بريق و فى أوقات بيكون معاه ريش ملون.

أما مغامرات الصيف فى للشاطئ الشرقى لكندا فحاكتب عنها مرة تانية بإّّّّذن الله.

Share this post


Link to post
Share on other sites
هنا في كندا باصطاد فى معظم الأوقات فى النهر. إصطدت سمك كبير - أكبر واحدة كانت 112 سم . 90% من السمك Cat fish و بارجعه فى الترعة لإنه مش أعظم سمك فى الدنيا.

يا راجل!

صحيح هو شكله مش و لابد

بس من احلى لحوم الاسماك

مافيهوش شوك خالص و طعمه جميل

جربه مقلي بخلطة توابل ال Cajun و ادعي لي!

الأنواع التانية هى ال Perch و ال Pickerel و ال Carp. الطعم فى جميع الحالات هو الدود.

ال perch نوع كويس و طعمه كويس

و لكنه سمك صغير نوعا ما

اما ال pickerel فيطلق على عدة انواع من الاسماك

اما ال carp فهو سمك مستقدم الى امريكا الشمالية و غير مستوطن بها

و يحبه بعض الصيادين لانه قوي جدا، و بيعافر جامد

و لكن لحمه ليس ممتازا، و به شوك كثير

و هو سمك منتشر جدا في شرق اسيا و له شعبية هناك

كما يحبون صيده في انهار اوروبا

و قد تم استقدامه الى مصر و تجربته في المزارع السمكية تحت اسم "المبروك"

لكن يبدو انه فشل لعدم اقبال الناس عليه

Share this post


Link to post
Share on other sites
فين العالم اللي بتقول عايزة ترجع مصر و تتقاعد و تصطاد سمك! 

هو فشر و خلاص!)

يا سلام يا طفشان علي الاحراج بقه

ده علي اعتبار ما سيكون يعني .. وش واحد صياد بساريه قاعد مع صيادين قراري

Share this post


Link to post
Share on other sites
و قد تم استقدامه الى مصر و تجربته في المزارع السمكية تحت اسم "المبروك"

لكن يبدو انه فشل لعدم اقبال الناس عليه

يمكن لو كانوا سموه "المبارك" كانت الناس أقبلوا عليه !!!

Share this post


Link to post
Share on other sites
هنا في كندا باصطاد فى معظم الأوقات فى النهر. إصطدت سمك كبير - أكبر واحدة كانت 112 سم . 90% من السمك Cat fish و بارجعه فى الترعة لإنه مش أعظم سمك فى الدنيا.

يا راجل!

صحيح هو شكله مش و لابد

بس من احلى لحوم الاسماك

مافيهوش شوك خالص و طعمه جميل

جربه مقلي بخلطة توابل ال Cajun و ادعي لي!

إحنا أكيد مش بنتكلم على نفس نوع ال Cat Fish لإنه معروف هنا إنه scavenger يعنى بياكل كل الفضلات اللى فى النهر و لحمه خشن و مليان شوك.بالإضافة الى إنه بينشف الزيت اللى فى الحى كله عشان يستوى (وش مستغرب).

الوحيدين اللي بياكلوه هنا : القطط و الأسيويين (الأسيويين بياكلوا أي حاجة بتتحرك بما فيها القطط و الكلاب)

الموقع http://www.canadianarcticfishing.com/html.htm

فيه صور عن أنواع السمك اللى موجوده فى شمال كندا. الرحلات للأماكن دى مش رخيصة (آلاف الدولارات فى الأسبوع) و معظم السمك ممنوع الإحتفاظ به و بيرجع فى البحيرة.

Share this post


Link to post
Share on other sites

و قد تم استقدامه الى مصر و تجربته في المزارع السمكية تحت اسم "المبروك"

لكن يبدو انه فشل لعدم اقبال الناس عليه

يمكن لو كانوا سموه "المبارك" كانت الناس أقبلوا عليه !!!

لا

الكلام دة كان في السبعينات

يعني قبل العهد المبارك الذي نعيشه

Share this post


Link to post
Share on other sites

الصيد فى شرق كندا:

سافرت صيفين متتابعين الى Prince Edward Island فى شرق كندا ورحت أصطاد فى Gulf of St Laurence (الخريطة فى

http://www.gov.pe.ca/visitorsguide/getting...locatormap.php3 ) و نوع السمك بيتوقف على أى وقت من السنة الواحد بيصطاد. المرتين اللى رحت فيهم كان فى أواخر سبتمبر و أوائل أكتوبر و إصطدت Mackerel . ألحقيقة أنا و مراتى إصطدنا كمية كبيرة (يمكن 30 أو 40 سمكة) أخذت منهم 3 للشاليه و عملتهم Bar-B-Q و الباقى إديناه للبنت اللى بتشتغل فى الإستقبال بتاع الشاليهات. الصيد باستعمال ال Lures و الطريقة إن الواحد يسقط الخط فى المية و يعد: one one thousand- لكل 10 أقدام عمق. قٌبطان المركب عنده fish finder و بيقول لنا السمك موجود على عمق أد إيه. الرحلة مدتها حوالى ساعتين و بيوفروا كل أدوات الصيد و ينضفوا السمك و يحطوه في كياس نايلون و تتكلف 25 دولار للشخص.

الرحلة التانية اللى أنا ما روحتهاش هى لاصطياد سمك التونه. بتتكلف 450 دولار و بيخرجوا للمحيط الأطلنطى. بصراحة أنا ما كنتش مرتاح إني أكون فى وسط شمال الأطلنطى فى مركب طولها 12 متر و كمان 450 دولار مبلغ كبير و لو إن الرحلة مجانية لو إصطدت تونة و ممكن تبيعها ب10000 دولار بس العثور عليها فى غاية الصعوبة (يعنى كل اللى بيطلعوا ما بيجبوش أكثر من سمكة أو إثنين فى الموسم كله).

و بهذا تنتهى قصتى مع صيد السمك لغاية ما إنشاء الله نصطاد مع بعض فى مصر

Share this post


Link to post
Share on other sites

Join the conversation

You are posting as a guest. If you have an account, sign in now to post with your account.
Note: Your post will require moderator approval before it will be visible.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.


  • Similar Topics

    • هل سمعتم أي إحتجاج أو رفض لتصرفات داعش من أي جهة دينية في العالم كله ؟

      كإنسان مصري مسلم عادي  أشعر بحرج بيني و بين نفسي   كيف حدث هذا  علنا و على رؤوس الأشهاد  ...... شاهدنا كلنا - رغم أنفنا - مشاهد الذبح أكرر الذبح و الحرق حيا  و بيع البشر و أعتبر نفسي تقريبا مثقفا  لم أسمع  عن إحتجاج  من شيخ الأزهر أو بابا الأرثوذوكس أو بابا الفاتيكان أو أي سلطة في العالم هل منكم من يشعرون معي بالحرج ؟

      in موضوعات جادة

    • ماك شرقاوي: الدورة 74 للجمعية العامة للامم المتحدة تطلق غدا قمة المناخ بحضور قادة العالم

      مداخلتي مع قناة النيل للاخبار ماك شرقاوي: الدورة 74 للجمعية العامة للامم المتحدة تطلق غدا قمة المناخ بحضور قادة العالم https://www.youtube.com/watch?v=6N_e3mfzhXo&feature=youtu.be

      in الإعلام المصرى

    • قد يكون من ضمن أكبر اكتشافات الغاز فى العالم

      هناك اختبار جديد في الوطنية مثل اختبار الحمل تقريبا ! راجعوا تعليقات الناس علي اكتشاف غاز شمال الدلتا لو لقيت حد مش فرحان و السعادة ظاهرة بين حروف التعليقات فهناك احتمال حمل و اذا كان مغترب فالحمل خارج الرحم !   الخبر أعلنته شركة إينى القابضة (شركة إيطالية عملاقة لمن يدرى) وطيرته وكالات الأنباء .. رويترز والأسوشيتد برس حتى النيويورك تايمز اللى هى زى مانتم عارفين :)   Italy's Eni makes mega gas discovery off Egyptian coast   6 Hours Ago Reuters   COMMENTSStart the Discussi

      in مسائل إقتصادية - economic issues

    • احسن صندوق اسكان فى العالم

      فى هذا الفيديو اقدم لمقترح صتدوق اسكان من خلال كتابى " نهاية مشكلة الاسكان الان " وهو فكر جديد بحيث  يكون الصندوق تابع للدولة وولا يدخل فى ميزانيتها وروافد الصندوق هى ضرائب مستحقة وبعض المقترحات المفيدة بحيث ان لا يبنى الشخص من اصل ماله انما من خلال الآتى :- 1- قرض حسن من صندوق الاسكان يسدد على دفعات  2- المشاركه مع مستاجريين والضامن صندوق الاسكان 3-الاتفاق مع شركة بناء وصندوق الاسكان هو الضامن واى شخص ليس عليه اى اعباء ضريبيه فى حالى الاستخدام  ورابط الفيديو  

      in مسائل إقتصادية - economic issues

    • أفضل شركات استضافة في العالم

      أفضل شركات استضافة في العالم الكثير من رواد الاعمال اصحاب المواقع و المدونات يبحثون عن افضل شركة استضافة لموقعهم و مدونتهم  ولاكن  ليس لدايهم الخبرة الكافية عن افضل شركة استضافة التي توفر افضل  الخدمات او المميزات مما تناسب احتياج موقعهم   ..  في هذة المقالة جمعنا  لك افضل  شركات الاستضافة الاجنبية و العربية لكي تتمكن من اختيار افضل استضافة لموقعك بكل سهولة و لكي نوفر لك المعلومات الكافية عن شركات كثيرة و مشهورة لعدم الوقوع في اختيار شركات ليس معروف بها و ليس لديها اي خبرة في عالم اس

      in عالم الكومبيوتر و الإنترنت - موضوعات مثبتة

×
×
  • Create New...